សន្និសីទសារព័ត៌មានស្ដីពី «វឌ្ឍនភាព និងទិសដៅការងារ​បន្ដរបស់​ក្រសួងការងារ និងបណ្ដុះបណ្ដាលវិជ្ជាជីវៈ»

សន្និសីទសារព័ត៌មានស្ដីពី «វឌ្ឍនភាព និងទិសដៅការងារ​បន្ដរបស់​ក្រសួងការងារ និងបណ្ដុះបណ្ដាលវិជ្ជាជីវៈ»
ថ្ងៃទី ២៧ ខែ កុម្ភៈ ឆ្នាំ ២០២០

ប្រសាសន៍ដើមទាំងស្រុង សម្តេចអគ្គតេជោ ហ៊ុន សែន ពិធីសម្ពោធដាក់ឱ្យប្រើប្រាស់ជាផ្លូវការ ផ្លូវជាតិលេខ៥៨ ខេត្តបន្ទាយមានជ័យ ទៅដល់ក្រុងសំរោង ខេត្តឧត្តរមានជ័យ

ប្រសាសន៍ដើមទាំងស្រុង សម្តេចអគ្គតេជោ ហ៊ុន សែន នាយករដ្ឋមន្ត្រី នៃកម្ពុជា ពិធីសម្ពោធដាក់ឱ្យប្រើប្រាស់ជាផ្លូវការ ផ្លូវជាតិលេខ៥៨ ប្រវែងសរុប ១៧៤,១៦គ.ម តភ្ជាប់ពីក្រុងប៉ោយប៉ែត ខេត្តបន្ទាយមានជ័យ ទៅដល់ក្រុងសំរោង ខេត្តឧត្តរមានជ័យ ក្រោមហិរញ្ញប្បទានពីរដ្ឋាភិបាល នៃសាធារណរដ្ឋប្រជាមានិតចិន

ថ្ងៃពុធ ៤កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៦ ខែកុម្ភៈ ឆ្នាំ២០២០

#ហ៊ុនសែន #កម្ពុជា #អរគុណសន្តិភាព #ពិធីប្រគល់សញ្ញាបត្រ

លិខិតផ្សព្វផ្សាយស្តីពីការអញ្ជើញចូលរួមដេញថ្លៃលើការផ្តល់សេវាប្រមូល និងដឹកជញ្ជូនសំរាម សំណល់រឹង នៅរាជធានីភ្នំពេញ

ភ្នំពេញ៖ រដ្ឋបាលរាជធានីភ្នំពេញ បានចេញលិខិតផ្សព្វផ្សាយស្តីពីការអញ្ជើញចូលរួមដេញថ្លៃលើការផ្តល់សេវាប្រមូល និងដឹកជញ្ជូនសំរាម សំណល់រឹង នៅរាជធានីភ្នំពេញដែលមានខ្លឹមសារទាំងស្រុងខាងក្រោម៖

លោកនាយករដ្ឋមន្រ្តី ហ៊ុន សែន៖ កម្ពុជាប្រកាន់យកទំនាក់ទំនងអន្តរជាតិដោយមិនប្រកាន់របបនយោបាយ

លោកនាយករដ្ឋមន្រ្តី ហ៊ុន សែន បានថ្លែងបញ្ជាក់សារជាថ្មីថា កម្ពុជាត្រូវការមិត្តជាមួយគ្រប់បណ្តាប្រទេសទាំងអស់មិនមែនតែជាមួយចិននោះឡើយ ហើយកម្ពុជាប្រកាន់យកទំនាក់ទំនងអន្តរជាតិដោយមិនប្រកាន់របបនយោបាយ។ លោកបានថ្លែងដូចនេះក្នុងឱកាសដែលលោកនិងលោក វ៉ាង វិនធៀន (Wang Wentian) ឯកអគ្គរដ្ឋទូតចិនប្រចាំនៅកម្ពុជាអញ្ជើញជាអធិបតីភាពរួមគ្នាសម្ពោធដាក់ឱ្យប្រើប្រាស់ផ្លូវជាតិលេខ៥៨ ដែលមានប្រវែង ១៧៤គីឡូម៉ែត្រ តភ្ជាប់ពីក្រុងប៉ោយប៉ែត ខេត្តបន្ទាយមានជ័យ ទៅដល់ក្រុងសំរោង ខេត្តឧត្តរមានជ័យ ដែលពិធីនេះប្រារព្ធធ្វើឡើងនៅក្រុងប៉ោយប៉ែត ខេត្តបន្ទាយមានជ័យ។

លោកនាយករដ្ឋមន្រ្តី ហ៊ុន សែន ក៏បានបញ្ជាក់ថា បច្ចុប្បន្នកម្ពុជាមានទំនាក់ទំនងការទូតជាមួយជាង១៧០ប្រទេស កម្ពុជាគឺជាដៃគូយុទ្ធសាស្រ្តគ្រប់ជ្រុងជ្រោយជាមួយចិន ហើយក៏ជាដៃគូយុទ្ធសាស្រ្តជាមួយប្រទេសជប៉ុនផងដែរ។ លោកបន្តថា មានអ្នកវិភាគខ្លះទៅជ្រុល ថាកម្ពុជារកស៊ីតែជាមួយចិន ប៉ុន្តែសូម្បីតែសហរដ្ឋអាមេរិកក៏ធ្វើពាណិជ្ជកម្មជាមួយប្រទេសចិនផងដែរ៕

ឧបនាយករដ្ឋមន្ត្រីប្រចាំការណែនាំឱ្យក្រុមប្រឹក្សាអ្នកច្បាប់បន្តពង្រឹងគុណភាពការងារឱ្យកាន់តែមានប្រសិទ្ធភាពខ្ពស់បន្ថែមទៀតរួមចំណែក លើវិស័យយុត្តិធម៌ក្នុងដំណើរការពង្រឹងនីតិរដ្ឋ

លោកឧបនាយករដ្ឋមន្ត្រីប្រចាំការ ប៊ិន ឈិន  រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជា​ប្រធាន​ក្រុមប្រឹក្សាអ្នកច្បាប់ បានណែនាំឱ្យក្រុមប្រឹក្សា អ្នកច្បាប់បន្តពង្រឹង​គុណភាពនៃ​ការផ្តល់យោបល់និងធាតុចូល ដើម្បីរួមចំណែកដល់​ការធានាការគោរពនិងរក្សាឱ្យបាន​នូវ​គោលការណ៍​សន្តិសុខគតិយុត្តនិងសង្គតិភាពគតិយុត្តឲ្យស្របតាមការវិវត្ត នៃនយោបាយនិង​សេដ្ឋកិច្ច​សង្គមកម្ពុជា។

ការណែនាំនេះ ធ្វើឡើងនៅក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០១៩ និងលើកទិស​ដៅការងារសម្រាប់អនុវត្តឆ្នាំ២០២០ នៅវិមានមិត្តភាពទីស្តីការគណៈរដ្ឋមន្ត្រីថ្ងៃទី២៥ ខែកុម្ភៈ ឆ្នាំ២០២០នេះក្នុងគោលបំណងរក្សាឲ្យបាននូវតម្លៃគតិយុត្ត និងការអនុវត្តយូរអង្វែង ដើម្បីរួមចំណែកលើវិស័យយុត្តិធម៌ក្នុងដំណើរការពង្រឹងនីតិរដ្ឋស្របតាមយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាល។

លោកឧបនាយករដ្ឋមន្ត្រី ប៊ិន ឈិន ក៏បាន ជំរុញឲ្យបន្តពង្រឹងសមត្ថភាពផ្ទាល់ខ្លួនបន្ថែមទៀត តាមរយៈការខិតខំស្រាវជ្រាវនិងអភិវឌ្ឍសមត្ថភាព និងចែករំលែកបទពិសោធន៍​ដើម្បីបង្កើនការយល់​ដឹងផ្នែកច្បាប់ឱ្យកាន់តែប្រសើរ។

សូមជម្រាបជូនថា នៅក្នុងឆ្នាំ២០១៩ កន្លងមកនេះ ក្រុមប្រឹក្សាអ្នកច្បាប់បានជួយពិនិត្យ និងផ្តល់យោបល់លើសេចក្តីព្រាងច្បាប់និងលិខិតបទដ្ឋានគតិយុត្តផ្សេងៗសរុបចំនួន១៧៣ នៅក្នុងកិច្ចប្រជុំចំនួន ៥៣១លើក ដែលក្នុងនោះមានសេចក្តីព្រាងច្បាប់ចំនួន២៨ សេចក្តីព្រាងព្រះរាជក្រឹត្យចំនួន៧ សេចក្តីព្រាងអនុក្រឹត្យចំនួន៥៥ សេចក្តីព្រាងសេចក្តីសម្រេចចំនួន២៤ និងឯកសារផ្សេងៗចំនួន៥៩។

ព្រមជាមួយគ្នានេះអគ្គលេខាធិការដ្ឋានក្រុមប្រឹក្សាអ្នកច្បាប់ ក៏បានជួយរៀបចំសេចក្តី​ព្រាងព្រះរាជក្រមប្រកាសឱ្យប្រើច្បាប់ចំនួន២៤ ការរៀបចំបែបបទបញ្ជូនសេចក្តី​ព្រាងច្បាប់ទៅស្ថាប័ននីតិប្បញ្ញត្តិចំនួន៣០ សម្របសម្រួលឱ្យមានតំណាងរាជរដ្ឋាភិបាលទៅការពារសេចក្តីព្រាងច្បាប់នៅស្ថាប័ននីតិប្បញ្ញត្តិចំនួន៦៦លើក និងសម្របសម្រួលការងារសំណួរចម្លើយសភាចំនួន១៨ករណីផងដែរ។

តាមរយៈសមិទ្ធផលការងារនេះបង្ហាញថាក្រុមប្រឹក្សាអ្នកច្បាប់ សម្រេចបានលទ្ធផល​ការ​ងារ​ជា​​ច្រើនជូនរាជរដ្ឋាភិបាលលើទិដ្ឋភាពច្បាប់ និងទិដ្ឋភាពពាក់ព័ន្ធផ្សេងៗ ទៀតក្នុង​គោលបំណងធានាការបំពេញការងារឱ្យកាន់តែមានប្រសិទ្ធភាពខ្ពស់បន្ថែមទៀតក្នុងឆ្នាំ២០២០នេះ៕

Covid-19 ជាវិញ្ញាសាវាស់ស្ទង់សមត្ថភាពរបស់មេដឹកនាំកម្ពុជា!

ខណៈដែលវីរុសកូរ៉ូណាប្រភេទថ្មី Covid-19 ធ្វើឲ្យជ្រួលច្របល់ស្ទើរពេញពិភពលោកនិងបង្កផលប៉ះពាល់យ៉ាងខ្លាំងដល់សេដ្ឋកិច្ចសាកល វាក៏បានក្លាយ ជាវិញ្ញាសាដ៏សំខាន់មួយទៀត សម្រាប់វាស់ស្ទង់អំពីកម្រិត សមត្ថភាពរបស់មេដឹកនាំកម្ពុជាក្នុងការតទល់ជាមួយបញ្ហាប្រឈមជាសាកលមួយនេះ។ ជាប្រទេសកំពុងអភិវឌ្ឍន៍តូចមួយ នៅភូមិភាគអាស៊ីប៉ែកអាគ្នេយ៍ ដែលមានប្រជាជនសរុបប្រមាណជា ១៦ លាននាក់ កម្ពុជា ស្រាប់តែបានធ្វើឲ្យពិភពលោក បែរក្រឡេកមកផ្តោតមើល ដោយការយកចិត្តទុកដាក់បំផុតហើយបណ្តាញសារព័ត៌មាននិង ទូរទស្សន៍វិទ្យុធំៗលំដាប់អន្តរជាតិ ក៏បានចាប់អារម្មណ៍លើកមក សរសេរនិងនិយាយយ៉ាងកងរំពង។ លក្ខណៈពិសេសរបស់កម្ពុជាក្នុងវិញ្ញាសាដ៏លំបាកមួយនេះគឺការ បង្ហាញកាយវិការនិងសកម្មភាពជាគំរូដ៏លេចធ្លោមួយដែលគ្មានប្រទេសណាហ៊ានធ្វើបាន។ ចំណុចពិសេសនិងលេចធ្លោរបស់កម្ពុជាក្នុងរឿង Covid-19 មានជាអាទិ៍៖ ទី១៖ ពេលដែលមេដឹកនាំបណ្តាប្រទេសនានាសម្រេចចិត្តជម្លៀសពលរដ្ឋរបស់ខ្លួនចេញពីវូហាន និងប្រកាសបិទជើងហោះហើរពីចិន នាយក រដ្ឋមន្ត្រីខ្មែរ លោក ហ៊ុន សែន បែរជាសម្រេចចិត្តមិនជម្លៀសនិស្សិតខ្មែរចេញពីវូហានឡើយ។ ផ្ទុយទៅវិញ មេដឹកនាំកម្ពុជារូប នេះបែរជាប្រកាសសុំអាជ្ញាធរចិនទៅសួរសុខទុក្ខនិស្សិតខ្មែរទាំង ២៣ នាក់នៅទីក្រុងវូហាដោយផ្ទាល់តែម្តង។ ទោះបីជាចិនមិនអនុញ្ញាត ក៏នាយករដ្ឋមន្ត្រីខ្មែរ នៅតែព្យាយាមទៅឲ្យដល់ទីក្រុងប៉េកាំងដើម្បីជានិមិត្តរូបនៃការផ្តល់ភាពកក់ក្តៅដល់និស្សិតខ្មែរផងនិងក៏ជាសារបង្ហាញពី សាមគ្គីភាព ការមិនភ័យខ្លាច និងមិនរើសអើងជាមួយមិត្តចិនផង ដែរ។ ទី២៖ ខណៈពិភពលោកកំពុងជ្រួលច្របល់ហើយបាន ជះឥទ្ធិពលមកដល់កម្ពុជាដែលធ្វើឲ្យពលរដ្ឋខ្មែរផ្អើល ភ័យខ្លាច និងធ្វើឲ្យម៉ាស់ឡើងថ្លៃកកប់ពពកនោះ នាយករដ្ឋមន្ត្រីខ្មែរក៏ ប្រញាប់ផ្ញើសារដើម្បីបំបាត់ការភ័យខ្លាច និងការជ្រួលច្របល់ក្នុងប្រទេស។ លោកហ៊ុន សែន បានចាត់ទុកការភ័យខ្លាចនោះថា មានគ្រោះថ្នាក់ខ្លាំងជាងវីរុស Covid-19 ទៅទៀតនៅពេលរហូតមកដល់ពេលនេះ ពុំទាន់ប្រជាជនខ្មែរណាម្នាក់បានឆ្លងមេរោគថ្មីនេះនៅឡើយ។ ក្នុងបរិបទនេះ សារសំខាន់របស់មេដឹកនាំខ្មែរ គឺមិនត្រូវតក់ស្លុត និងភ័យខ្លាចជ្រុលហួសហេតុ ពេកនោះទេចំពោះរឿងវិរុសថ្មី នេះ ប៉ុន្តែចាំបាច់ក៏ត្រូវតែផ្តោតលើការប្រុងប្រយ័ត្ននិងវិធីបង្ការការពារខ្លួនពីវីរុសនេះតាមរយៈការអនុវត្តវិធានការអនាម័យនិងពាក់ម៉ាស់នៅពេលចាំបាច់។ ទី៣៖ ខណៈដែលប្រទេសជាច្រើនបង្ហាញភាពតក់ស្លុតជ្រុលរហូតក្លាយខ្លួនជាមនុស្សអាត្មានិយមហួសហេតុ និង រើសអើងចំពោះអ្នកទេសចរ ដោយមិនអនុញ្ញាតឲ្យចូលជាន់ទឹកដីរបស់ខ្លួន នាយក រដ្ឋមន្ត្រីខ្មែរបែរជាសម្រេចចិត្តអនុញ្ញាតឲ្យនាវាដឹកអ្នកដំណើរខ្នាតយក្ស Westerdam ចូលចត និងអនុញ្ញាតឲ្យអ្នកដំណើរទាំងអស់ចេញពីនាវាបន្ទាប់ពីបាន រសាត់អណ្តែតវិលវុលគ្មានកោះត្រើយក្នុងមហាសាគរអស់រយៈពេល ១២ ថ្ងៃ។ មិនត្រឹមតែ ប៉ុណ្ណោះ លោក ហ៊ុន សែនក៏បានទៅទទួលស្វាគមន៍អ្នកទេសចរ ចម្រុះជាតិសាសន៍ទាំង៤១ សញ្ជាតិនោះដល់មុខនាវាតែម្តង។ នៅក្នុងការសម្រេចចិត្តដោះស្រាយវិបត្តិCovid-19 របស់នាយករដ្ខមន្ត្រីខ្មែរ ខ្ញុំកត់សំគាល់ឃើញមានអ្នកនយោបាយនិងអ្នកវិភាគ មួយចំនួនដែលមិនយល់ពីជំរៅ និងតម្លៃនៃសេចក្តីសម្រេចចិត្តនេះ បាននាំគ្នារិះគន់ថា លោកនាយករដ្ឋមន្ត្រីហ៊ុន សែន ធ្វើបញ្ច្រាសទិសពីបណ្តាប្រទេសនានា និងបានចាត់ទុកការសម្រេចចិត្តនេះថាជា រឿងឆោតល្ងង់។ ប៉ុន្តែ មេដឹកនាំពិភពលោកក៏ដូចជាអង្គការពិភពលោកនានាដែលយល់ពីតម្លៃពិតប្រាកដនៃកាយវិការ មនុស្សធម៌របស់នាយករដ្ឋមន្ត្រីខ្មែរបាននាំគ្នាសាទរយ៉ាងកងរំពង។ តែមួយពព្រិចភ្នែកប៉ុណ្ណោះ កិត្យានុភាពរបស់កម្ពុជា បានលេចត្រដែតឡើងយ៉ាងខ្ពស់នៅលើឆាកអន្តរជាតិ។ ទោះបីជាមានព័ត៌មានអកុសល មួយបានកើតឡើងដោយសារ ភាពមិនច្បាស់លាស់ខ្ជីខ្ជារ ខ្វះការទទួលខុសនិងត្រូវរបស់អាជ្ញាធរ សុខាភិបាលម៉ាឡេស៊ីដែល ប្រកាសដោយខុសឆ្គងថា ស្ត្រីជនជាតិអាមេរិកកាំងម្នាក់ ដែលចេញពីនាវា Westerdam មានផ្ទុកវីរុស Covid-19 ដែលធ្វើឲ្យមាន ការច្របូកច្របល់បន្តិច ប៉ុន្តែ កេរឈ្មោះរបស់កម្ពុជាមិនបានស្រអាប់នោះទេ ។ ផ្ទុយទៅវិញវាបានហក់ត្រដែតឡើង វីញនិងរឹតតែឡើងខ្ពស់ជាងមុនទៅទៀតបន្ទាប់ពីអាជ្ញាធរ ម៉ាឡេស៊ីប្រកាសថា ស្ត្រីជនជាតិអាមេរិកាំងរូបនោះគ្មានផ្ទុកវីរុស Covid-19នោះទេ។ ការទទួខុសត្រូវរបស់អាជ្ញាធរ ម៉ាឡេស៊ីយ៉ាងណាចំពោះរឿង នេះជាបញ្ហាមួយដែលខ្ញុំសុំទុក មួយឡែកសិន ។ ប៉ុន្តែ រឿងដែលខ្ញុំចង់និយាយនៅពេលនេះគឺ ផលវិជ្ជមាននៅក្នុងក្របខណ្ឌជាតិ និងលើឆាកអន្តរជាតិដែលកម្ពុជា ទទួលបានពីការសម្រេចចិត្តដ៏ មុតស្រួចត្រឹមត្រូវរបស់មេដឹកនាំកម្ពុជាក្នុងការប្រយុទ្ធប្រឆាំងជាមួយវីរុស Covid-19។ ផលវិជ្ជមាននៅក្នុងក្របខណ្ឌជាតិ មានដូចជា: ទី១៖ ការសម្រេចចិត្តដ៏ហ្មឺងម៉ាត់ ដាច់ខាតរបស់លោកនាយក រដ្ឋមន្ត្រី ហ៊ុន សែន បានទទួលការកោតស្ញប់ស្ញែងពី ពលរដ្ឋខ្មែរគ្រប់មជ្ឈដ្ឋានដោយពួកគេចាត់ទុកថាជាការសម្រេចចិត្តដ៍ត្រឹមត្រូវដោយភាពឆ្លាតវៃ បំផុតដែលគេមិននឹកស្មានដល់ ពីព្រោះគឺការសម្រេចចិត្តនេះហើយដែលនៅទីបំផុតបាន នាំមកនូវកិត្តិយសដ៏ធំធេងសម្រាប់ជាតិនិងប្រជាជនយើង។ ទី២៖ សាររបស់លោកហ៊ុន សែន ក៏បានទប់កុំឲ្យមានការជ្រួលច្របល់ក្នុងសង្គមអំពីបញ្ហាកូរ៉ូណាថ្មី។ ចាប់តាំងពីលោក នាយករដ្ឋមន្ត្រីបានផ្ញើសារទៅកាន់មហាជនមក ភាពភ័យខ្លាច ជាពិសេសការជ្រួលច្របល់រឿងម៉ាស់ឡើងថ្លៃ ។ល។ ត្រូវបានបញ្ចប់ ~ លំនឹងសេដ្ឋកិច្ចជាតិត្រូវបានរក្សា ជីវភាពរស់នៅ ការប្រកបមុខរបររកស៊ីក្នុងសង្គមក៏មានភាពប្រក្រតី ខណៈដែលការយល់ដឹងរបស់ប្រជាពលរដ្ឋអំពីវិធីការពារខ្លួនតាមរយៈការអនុវត្តក្បួនអនាម័យត្រូវបានលើកកម្ពស់ជាលំដាប់ពីមួយថ្ងៃទៅមួយថ្ងៃ។ ទី៣៖ ទន្ទឹមនឹងការមិនតក់ស្លុត មិនជ្រួលច្របល់ ពលរដ្ឋខ្មែរបានតាមដានយ៉ាងយកចិត្តទុកដាក់អំពីការវិវឌ្ឍន៍នៃវីរុស Covid-19 នៅលើពិភពលោក ដែលធ្វើឲ្យពួកគេយល់កាន់តែ ច្បាស់អំពីវិធីការពារខ្លួន និងអំពីផលប៉ះពាល់របស់វីរុសនេះ ទៅលើសេដ្ឋកិច្ចពិភពលោកក្នុងនោះក៏មានកម្ពុជាផងដែរ។ ជាក់ស្តែង កង្វះខាតសំម្ភារៈ និងវត្ថុធាតុដើមដែលនាំមកពីចិន ដើម្បីផ្គត់ផ្គង់សង្វាក់ផលិតកម្មក្នុងរោងចក្របានបង្ខំអោយឧស្សាហ៍កម្មក្នុងបណ្តាប្រទេសមួយចំនួននៅអាស៊ីនិងអឺរ៉ុបត្រូវបិទទ្វារ មួយរយៈ ចំណែកឯវិស័យដឹកជញ្ជូននិងទេសចរណ៍នៅក្នុងប្រទេសទាំងនោះវីញក៏រងផលប៉ះពាល់យ៉ាងធ្ងន់ធ្ងរដែរ។ ទី៤៖ ប្រជាពលរដ្ឋខ្មែរក៏បានយល់កាន់តែច្បាស់អំពីក្រយ៉ៅ សារជាតិនិងតម្លៃពិតរបស់អ្នកនយោបាយ ឬ អ្នកវិភាគ មួយចំនួនដែលតែងតែប្រកាន់ជំហរប្រទូសរាយនឹងផលប្រយោជន៍ជាតិខ្លួនឯង ហើយចូលចិត្តបន្តុះបង្អាប់ជាតិសាសន៍ខ្លួនឯង និងលើកតម្លើងជាតិសាសន៍ដទៃ។ ជាក់ស្តែង ក្នុងរឿងដែលកម្ពុជាធ្វើសកម្មភាពមនុស្សធម៌សង្គ្រោះនាវា Westerdam ស្បែកមុខរបស់ក្រុមអ្ននយោបាយនិងអ្នកវិភាគទាំងនោះត្រូវបានបក ចេញក្រោយពេលដែល ពិភពលោកអបអរសាទរនិងកោតស្ញប់ស្ញែងដល់កម្ពុជា និងជាពិសេសក្រោយពេលដែល ម៉ាឡេស៊ីអះអាងបញ្ជាក់ថា ស្ត្រីជនជាតិអាមេរិកកាំងនោះគ្មានផ្ទុកវីរុស Covid-19 នោះទេ។ នៅលើឆាកអន្តរជាតិវិញ កម្ពុជា ពេលនេះក្លាយជាតួឯកក្នុងរឿង Covid-19 ៖ កម្ពុជាទទួលបានពិន្ទុពេញពីចិនក្រោយពេលដែលលោកនាយក រដ្ឋមន្ត្រី ហ៊ុន សែន ធ្វើដំណើរទៅប៉េកាំងដើម្បីបង្ហាញសាមគ្គីភាពជួយគ្នាគ្រាមានអាសន្ន។ ចុងក្រោយនេះ កម្ពុជាក៏ ទទួលបានមេដាយពី សហរដ្ឋអាមេរិក និងបណ្តាប្រទេសធំៗ ក៏ដូចជាអង្គការ ពិភពលោកជាច្រើនក្នុងកិច្ចការ មនុស្សធម៌សង្គ្រោះនាវា Westerdam។ ទន្ទឹមនិងនោះ កម្ពុជាក៏បានក្លាយជាគំរូសម្រាប់ពិភពលោកក្នុងការដោះស្រាយវិបត្តិមនុស្សធម៌ និងការប្រយុទ្ធប្រឆាំងការរើសអើង និងជានិមិត្តរូបនៃ សាមគ្គីភាព ជួយគ្នាក្នុងគ្រាមានអាសន្ននិងជាពិសេសការគោរព សិទ្ធិមនុស្សដោយផ្តើមចេញពីសិទ្ធិរស់រានមានជីវិត។ សរុបមកវិញ ការប្រយុទ្ធប្រឆាំងនឹងវីរុសកូរ៉ូណាថ្មី គឺពិតជា វិញ្ញាសាដ៏លំបាកនិងដ៏សំខាន់បំផុតថ្មីមួយទៀតក្នុងការវាស់ស្ទង់សមត្ថភាពដឹកនាំរបស់លោក នាយករដ្ឋមន្ត្រីខ្មែរ។ សកម្មភាពដូចបានលើកឡើងខាងដើមនេះ ពិតជាបានឆ្លុះបញ្ចាំងឲ្យឃើញថា លោក ហ៊ុន សែនពិតជាមានសមត្ថភាពនិងលក្ខណៈសម្បត្តិគ្រប់គ្រាន់សមនឹងរហ័សនាមថា ជាបុរសខ្លាំងកម្ពុជាមែន។ ម៉្យាងវិញទៀត លោកហ៊ុន សែន គឺ ពិតជាមេដឹកនាំនៃរដ្ឋអធិបតេយ្យម្នាក់ដ៏ពិត ប្រាកដពីព្រោះរាល់ការសំរេចចិត្តនីមួយៗរបស់គាត់គឺជានិច្ចកាលតែងតែប្រកាន់ខ្ជាប់នូវគោលជំហរឯករាជ្យនិងទុក ប្រយោជន៍ជាតិជាធំ។ ដូច្នេះ តាមរយៈវិញ្ញាសាមួយនេះយើងក៏អាចវាស់ស្ទង់បាននូវ សមត្ថភាពរបស់មេដឹកនាំយើង និងអាចបន្តផ្តល់សេចក្តីទុកចិត្តទៅលើបុរសខ្លាំងរូបនេះថា ពិតជាអ្នកដឹកនាំដែលអាចនាំអនាគតប្រជាជាតិនិងប្រជាជន យើងទៅរកភាពរុងរឿងដោយគ្មានអ្នកណាប្រៀបបានឡើយ៕

 ដោយ : អ្នកនយោបាយតុកាហ្វេ

ប្រសាសន៍ដើមទាំងស្រុងសម្តេចតេជោ ហ៊ុន សែន ពិធីបិទវគ្គប្រគល់សញ្ញាបត្រ វិញ្ញាបនបត្រជូនដល់សិស្សមន្រ្តីជាន់ខ្ពស់ សិស្សមន្រ្តីក្រមការ កម្មសិក្សាការីឆ្នាំ២០១៨ របស់សាលាភូមិន្ទរដ្ឋបាល

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា អញ្ជើញជាអធិបតីក្នុងពិធីបិទវគ្គប្រគល់សញ្ញាបត្រ វិញ្ញាបនបត្រជូនដល់សិស្សមន្រ្តីជាន់ខ្ពស់ សិស្សមន្រ្តីក្រមការ កម្មសិក្សាការីឆ្នាំ២០១៨ និង​បើក​វគ្គបណ្តុះបណ្តាលឆ្នាំ២០២០ របស់សាលាភូមិន្ទរដ្ឋបាល

ថ្ងៃអង្គារ ៣កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៥ ខែកុម្ភៈ ឆ្នាំ២០២០

#ហ៊ុនសែន #កម្ពុជា #ភូមិន្ទរដ្ឋបាល #អរគុណសន្តិភាព