ជាមួយគ្នានេះសម្តេចធិបតីក៏បានជួបសំណេះសំណាលដោយសាមញ្ញជាមួយបងប្អូន អ៊ំពូមីង តាយាយនៅផ្សារកាបី ឃុំក្រញ៉ូងសែនជ័យ ស្រុកស្នូល ខេត្តក្រចេះ។ ហេីយក៏បានបន្តចុះជួបដោយផ្ទាល់សាកសួរសុខទុក្ខកងកម្លាំងដែលកំពុងប្រចាំការនៅតាមគោលដៅការពារព្រំដែនគោកទាំងនៅខេត្តក្រចេះ នៅច្រកទ្វារជ័យឃ្លាំង និងបន្តមកដល់ខេត្តមណ្ឌលគីរីនៅច្រកទ្វារឡាប៉ាខេ។
ខេត្តក្រចះ-ខេត្តមណ្ឌលគីរី ថ្ងៃអង្គារ ទី៣០ កក្កដា ២០២៤
នៅព្រឹកថ្ងៃចន្ទ ៩រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៩ ខែកក្កដា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម លី ឈូលវ៉ូ (LEE CHEOL-WOO) អភិបាលខេត្តឃ្យុងសាងប៊ុកដូ នៃសាធារណរដ្ឋកូរ៉េ ចូលជួបសម្ដែងការគួរសម នៅវិមានព្រឹទ្ធសភា រាជធានីភ្នំពេញ។
ជាកិច្ចចាប់ផ្តើម សម្ដេចតេជោ ហ៊ុន សែន បានស្វាគមន៍ដោយសេចក្តីរីករាយចំពោះដំណើរទស្សនកិច្ចមកកាន់ព្រះរាជាណាចក្រកម្ពុជារបស់ ឯកឧត្តម លី ឈូលវ៉ូ អភិបាលខេត្ត និងគណៈប្រតិភូនៃខេត្តឃ្យុងសាងប៊ុកដូ ក្នុងឱកាសនេះ។ សម្តេចតេជោ បានមានប្រសាសន៍ថា ខេត្តឃ្យុងសាងប៊ុកដូ និងខេត្តសៀមរាប បានសហការគ្នារៀបចំព្រឹត្តិការណ៍ពិព័រណ៍ អង្គរ-ឃ្យុងយូ ដែលគិតមកដល់ពេលនេះ គឺមានរយៈពេល១៨ឆ្នាំទៅហើយនោះ គឺជាការជំរុញឱ្យឃើញជាក់ស្តែងនូវលទ្ធផលជោគជ័យជាប្រវត្តិសាស្រ្តនៃការភ្ជាប់ទំនាក់ទំនងការទូត និងកិច្ចសហប្រតិបត្តិការការទូតកម្ពុជា-កូរ៉េ នាពេលនោះ ដែលបន្តរីកចម្រើនយ៉ាងខ្លាំងមកដល់ទំនាក់ទំនងនៃភាពជាដៃគូយុទ្ធសាស្ត្រ និងការសម្រេចកិច្ចព្រមព្រៀងពាណិជ្ជកម្មសេរីកម្ពុជា-កូរ៉េ និងកិច្ចព្រមព្រៀងជាច្រើនទៀតនាពេលបច្ចុប្បន្ននេះ។
ឯកឧត្តមអភិបាលខេត្ត លី ឈូលវ៉ូ បានថ្លែងអំណរគុណយ៉ាងជ្រាលជ្រៅចំពោះសម្តេចតេជោ ដែលបាន ផ្តល់កិត្តិយសអនុញ្ញាតឱ្យឯកឧត្តម និងសហការី បានចូលជួបសម្តែងការគួរសម។ ឯកឧត្តម បានរំលឹកថា ឯកឧត្តម ធ្លាប់បានជួប សម្តេចតេជោ ជាញឹកញាប់ក្នុងបេសកកម្មរៀបចំព្រឹត្តិការណ៍ពិព័រណ៍ អង្គរ-ឃ្យុងយូ ឆ្នាំ២០០៦ ដែលពេលនោះ ឯកឧត្តម គឺជាអភិបាលរងខេត្តឃ្យុងសាងប៊ុកដូ។ ឯកឧត្តម បានបន្តទៀតថា សម្តេចតេជោ គឺជាមេដឹកនាំ ប្រកបដោយភាពឈ្លាសវៃ និងប៉ិនប្រសប់ ដែលមានកេរ្ត៍ឈ្មោះល្បីល្បាញ នៅប្រទេសកូរ៉េ ហើយប្រជាជនកូរ៉េ ស្គាល់និងគោរពស្រឡាញ់ សម្តេចតេជោ គ្រប់ៗគ្នា។
ឯកឧត្តមអភិបាលខេត្ត បានជម្រាបសម្តេចតេជោថា ខេត្តឃ្យុងសាងប៊ុកដូ គឺជាខេត្តដែលធំជាងគេបង្អស់ នៅក្នុងប្រទេសកូរ៉េ និងមានសក្តានុពលខ្លាំងក្នុងវិស័យឧស្សាហកម្ម កសិកម្ម និងវប្បធម៌។ កន្លងមក ខេត្តឃ្យុងសាងប៊ុកដូ បានធ្វើកិច្ចសហប្រតិបត្តិការយ៉ាងសកម្មជាមួយប្រទេសកម្ពុជា តាមរយៈការបញ្ជូនក្រុមគ្រូពេទ្យស្ម័គ្រចិត្តមកពិនិត្យព្យាបាលប្រជាជនកម្ពុជា ដែលចាប់ផ្តើមឡើងតាំងពីឆ្នាំ២០១១ ដោយមានកិច្ចសហការល្អជាមួយឯកឧត្តម សួស យ៉ារ៉ា និងកិច្ចសហប្រតិបត្តិការបណ្តុះបណ្តាល និងអនុវត្តនៅក្នុងប្រទេសកម្ពុជានូវកម្មវិធីចលនាភូមិថ្មី (Saemaul Undong) ដែលជាចលនាអភិវឌ្ឍន៍ជនបទដ៏ល្បីល្បាញរបស់អតីតប្រធានាធិបតី Park Chung Hee។ ខេត្តឃ្យុងសាងប៊ុកដូ ទើបតែចុះហត្ថលេខាចងសម្ព័ន្ធមេត្រីភាពជាមួយនឹងខេត្តកំពង់ធំ។
ឯកឧត្តមអភិបាលខេត្ត មានប្រសាសន៍បន្តថា នៅក្នុងដំណាក់កាលនៃសង្រ្គាមក្នុងប្រទេសកូរ៉េ មានប្រទេសជាច្រើន បានផ្តល់ជំនួយមកឱ្យកូរ៉េ ហើយក្នុងនោះមានជំនួយជាអង្ករ របស់ប្រទេសកម្ពុជាផងដែរ។ ក្នុងនាមជាខេត្ត ដែលចងសម្ព័ន្ធមេត្រីភាពជាមួយកម្ពុជា ឯកឧត្តម ត្រៀមលក្ខណៈដើម្បីជំរុញកិច្ចសហប្រតិបត្តការជាមួយកម្ពុជា ទាំងលើវិស័យឧស្សាហកម្ម កសិកម្ម វេជ្ជសាស្រ្ត វប្បធម៌ និងទេសចរណ៍។
ឯកឧត្តម បានបញ្ជាក់ជូន សម្តេចតេជោថា ក្នុងឆ្នាំ១៩៦១ GDP របស់ប្រជាជនកូរ៉េម្នាក់ត្រឹម ៦០ដុល្លារ តែប៉ុណ្ណោះ ប៉ុន្តែក្រោយពីការធ្វើបរិវត្តកម្មវិស័យកសិកម្ម ឧស្សាហូបនីយកម្ម និងកំណែទម្រង់វិស័យអប់រំ ដោយប្រើយុទ្ធសាស្រ្ត Saemaul Undong ក្រោមការដឹកនាំរបស់ប្រធានាធិបតី Park Chung Hee ធ្វើឱ្យប្រទេសកូរ៉េមានការអភិវឌ្ឍជឿនលឿនយ៉ាងឆាប់រហ័ស។ ក្នុងស្មារតីនេះ ឯកឧត្តម ជឿជាក់ថាការបន្តបើកសាកលវិទ្យាល័យ ដើម្បីបង្រៀនពីចលនាភូមិថ្មី និងឧស្សាហកម្មកែច្នៃនៅប្រទេសកម្ពុជា ដោយសហប្រតិបត្តិការជាមួយខេត្តឃ្យុងសាងប៊ុកដូ ក៏នឹងជួយជំរុញការអភិវឌ្ឍនៅកម្ពុជាដូចគ្នាទៅនឹងកូរ៉េផងដែរ។
ចំពោះវិស័យកសិកម្មវិញ ឯកឧត្តមអភិបាលខេត្ត បានជម្រាបជូនសម្តេចតេជោថា ទោះបីជាប្រទេសកូរ៉េមានការអភិវឌ្ឍដោយពឹងផ្អែកខ្លាំងលើវិស័យកសិ-ឧស្សាហកម្ម ប៉ុន្តែកូរ៉េនៅតែមានកង្វល់ចំពោះបញ្ហាអសន្តិសុខស្បៀង ដែលត្រូវគិតគូរជំរុញផលិតភាពកសិកម្ម និងការកែច្នៃ។ ក្នុងបញ្ហានេះ ឯកឧត្តម យល់ឃើញថា ប្រសិនបើកូរ៉េ និងកម្ពុជាជំរុញកិច្ចសហប្រតិបត្តិការផលិតកម្មកសិកម្ម និងកែច្នៃស្បៀង គឺជាកត្តាល្អប្រសើរផ្តល់ផលប្រយោជន៍ឱ្យគ្នាទៅវិញទៅមក។
នៅក្នុងវិស័យទេសចរណ៍ ឯកឧត្តម នឹងជំរុញកិច្ចសហប្រតិបត្តិការវប្បធម៌ និងទេសចរណ៍ដោយសារប្រទេសកូរ៉េ និងកម្ពុជា មានសក្តានុពលផ្នែកវប្បធម៌ និងបេតិកភណ្ឌពិភពលោកដូចគ្នា ដោយជំរុញការកសាងព្រលានយន្តហោះ និងភ្ជាប់ជើងហោះហើរមកកាន់តំបន់ទេសចរណ៍ក្នុងប្រទេសកម្ពុជាឱ្យកាន់តែច្រើន ដែលនឹងជួយបង្កើនចំនួនទេសចរអន្តរជាតិបន្ថែមទៀត។ ឯកឧត្តមអភិបាលខេត្ត ក៏បានជម្រាបជូនសម្តេច បន្ថែមទៀតផងដែរថា ឯកឧត្តមក៏នឹងត្រៀមខ្លួនសហការជាមួយកម្ពុជាក្នុងវិស័យឧស្សាហកម្មថាមពល ដូចជាថាមពលស្អាត ថាមពលអ៊ីដ្រូសែន និងថាមពលនុយក្លេអ៊ែខ្នាតតូចជាដើម ដែលវិស័យនេះកំពុងមានសន្ទុះល្អនៅក្នុងខេត្តឃ្យុងសាងប៊ុកដូនាពេលបច្ចុប្បន្ន។ ឯកឧត្តម នឹងពាំនាំនូវការសួរសុខទុក្ខរបស់សម្តេចតេជោជូន ឯកឧត្តមប្រធានាធិបតី Yoon Suk Yeol ដែលនឹងអញ្ជើញមកខេត្តឃ្យុងសាងប៊ុកដូ នៅដើមខែសីហាខាងមុខ។
ជាការឆ្លើយតប សម្តេចតេជោ បានថ្លែងអំណរគុណឯកឧត្តមអភិបាលខេត្តនិងក្រុមគ្រូពេទ្យស្ម័គ្រចិត្តទាំងអស់ដែលបានចុះជួយពិនិត្យជំងឺដល់ប្រជាជនកម្ពុជា ចាប់តាំងពីឆ្នាំ២០១១កន្លងមក។ សម្តេច មានប្រសាសន៍ថា បញ្ហាសុខភាព និងសុខុមាលភាព របស់ប្រជាពលរដ្ឋគឺជារឿងសំខាន់ណាស់ ដែលសម្តេច តែងយកចិត្តទុយកដាក់ខ្ពស់ និងសំណូមពរដល់ក្រុមគ្រូពេទ្យស្ម័គ្រចិត្តខេត្តឃ្យុងសាងប៊ុកដូ បន្តចុះជួយពិនិត្យជំងឺដល់ប្រជាជនកម្ពុជាបន្តទៀត ដោយផ្អែកលើតម្រូវការព្យាបាលរបស់ពួកគាត់ ដែលភាគច្រើន សម្តេច បានសង្កេតឃើញថា ជាជំងឺភ្នែក និងជំងឺមាត់ ធ្មេញ។
សម្តេចតេជោ បានបង្ហាញការគាំទ្រយ៉ាងខ្លាំង និងពេញចិត្តចំពោះកិច្ចសហប្រតិបត្តិការអនុវត្តកម្មវិធីចលនាភូមិថ្មី Saemaul Undong របស់ប្រទេសកូរ៉េ ដែលកន្លងមក សម្តេចតេជោ បានចូលរួមសម្ពោធការអនុវត្តគម្រោងនៃកម្មវិធីនេះនៅខេត្តកំពង់ស្ពឺ ដែលទទួលបន្ទុកដោយក្រុមប្រឹក្សាអភិវឌ្ឍន៍វិស័យកសិកម្មនិងជនបទ។ គម្រោងចលនាភូមិថ្មីរបស់កូរ៉េនេះ គឺស័ក្តិកសមសម្រាប់ប្រទេសកម្ពុជា ដោយសារនៅពេល សម្តេច ធ្វើទស្សនកិច្ចទៅកាន់ប្រទេសកូរ៉េក្នុងឆ្នាំ ១៩៩៦ សម្តេច បានសង្កេតឃើញថា ស្ថានភាពកសិកម្មនៅកូរ៉េនឹងកម្ពុជា មានការជីកប្រឡាយ និងបូមទឹកដូចគ្នា។
សម្តេចតេជោ គាំទ្រការធ្វើបរិវត្តវិស័យកសិកម្ម និងឧស្សាហូបនីយកម្ម ដើម្បីធ្វើឱ្យកំណើននៃវិស័យឧស្សាហកម្ម និងសេវាកម្មកើនឡើង ហើយចំណែកវិស័យកសិកម្មធ្លាក់ចុះ ដែលជាសូចនាករបង្ហាញពីការរីកចម្រើនទាំងសេដ្ឋកិច្ច និងជីវភាពប្រជាពលរដ្ឋ។ សម្តេចតេជោ បានលើកឡើងថាកម្ពុជា និង កូរ៉េ មានមេរៀនដែលត្រូវរៀនពីគ្នា ដោយសារកូរ៉េធ្លាប់ជួបការលំបាក និងមានស្ថានភាពដូចកម្ពុជា ជាពិសេស នៅសម័យក្រោយសង្គ្រាមកូរ៉េ។ ជាកំណត់ត្រាប្រវតិ្តសាស្ត្រ សម្តេច ក៏អរគុណដល់រដ្ឋាភិបាលកូរ៉េ ដែល នៅក្នុងអំឡុងពេលវិបត្តិកូវីដ១៩ មិនបានបិទជើងហោះហើរមកកម្ពុជានោះទេ នៅពេលដែលប្រទេសដទៃបានបិទជើងហោះហើរអស់។ សម្ដេចចាត់ទុកថា ការមិនបិទជើងហោះហើរនេះ គឺជាជំនួយដ៏ធំធេងមួយរបស់កូរ៉េមកកាន់កម្ពុជា ដោយសារជាច្រកតែមួយគត់សម្រាប់កម្ពុជាមានដង្ហើមដកក្នុងពេលលំបាក ស្របនឹងទិសស្លោកខ្មែរ “ស្រឡាញ់គ្នាពេលក្រីក្រ មានមិត្តល្អពេលលំបាក”។
សម្តេចតេជោ បានស្នើទៅកាន់ឯកឧត្តមអភិបាលខេត្ត ជួយជំរុញកិច្ចសហប្រតិបត្តិការក្នុងវិស័យឧស្សាហកម្មតាមរយៈ កៀរគរវិនិយោគិនមកបង្កើតរោងចក្រកែច្នៃផលិតផលកសិកម្ម រោងចក្រផលិតគ្រឿងអេឡិចត្រូនិក និងរោងចក្រផលិតគ្រឿងចក្រ នៅក្នុងប្រទេសកម្ពុជាឱ្យបានច្រើន។ សម្តេច មានប្រសាសន៍បន្តថា កម្ពុជា មានវត្ថុធាតុដើមច្រើន និងសុទ្ធតែមានគុណភាពខ្ពស់ ប៉ុន្តែខ្វះរោងចក្រកែច្នៃ ដែលសម្តេច យល់ឃើញថា វិនិយោគិនកូរ៉េ គួរបង្កើតរោងចក្រកែច្នៃនៅកម្ពុជា រួចនាំចេញទៅទីផ្សារកូរ៉េ និងទីផ្សារពិភពលោក។ សម្តេច ក៏បានសំណូមពរទៅឯកឧត្តមអភិបាលខេត្ត ជួយផ្សព្វផ្សាយពីវប្បធម៌ និងតំបន់ទេសចរណ៍កម្ពុជាទៅប្រជាជនកូរ៉េ ដើម្បីទេសចរកូរ៉េបានមកទស្សនាប្រទេសកម្ពុជាកាន់តែច្រើន។
សម្តេចតេជោ បានជម្រាបទៅឯកឧត្តមអភិបាលខេត្តថា ក្នុងដំណើរទស្សនកិច្ចរបស់សម្តេចទៅកាន់ប្រទេសកូរ៉េ នៅខែកញ្ញា នាពេលខាងមុខ ដើម្បីចូលរួមក្នុង “វេទិកាចំណេះដឹងពិភពលោក” សម្តេច ក៏នឹងត្រូវទៅទទួល “សញ្ញាបត្របណ្ឌិតកិត្តិយសនៃភាពជាអ្នកដឹកនាំ និងការកសាងសន្តិភាព” ពីសាកលវិទ្យាល័យ Dongguk Wise នៅខេត្តឃ្យុងសាងបុកដូផងដែរ។ សម្តេចតេជោ មានប្រសាសន៍ថា ក្រៅពីជំនួបជាមួយថ្នាក់ដឹកនាំកំពូលនៃសាធារណរដ្ឋកូរ៉េ សម្តេចក៏នឹងជួបពិភាក្សាជាមួយ មិត្តចាស់របស់សម្តេចមួយចំនួននៅទីនោះ ដោយសម្តេចបញ្ជាក់ថា ការរីកចម្រើននៃទំនាក់ទំនងទ្វេភាគីរបស់ប្រទេសនីមួយៗ មិនពឹងផ្អែកតែលើទំនាក់ទំនងរវាងប្រទេសនិងប្រទេសនោះទេ ប៉ុន្តែវាអាស្រ័យលើទំនាក់ទំនងរវាងបុគ្គល និងបុគ្គលជាមេដឹកនាំនៃប្រទេសនោះផងដែរ។
មុននឹងបញ្ចប់ ឯកឧត្តមអភិបាលខេត្ត បានថ្លែងកោតសរសើរពីការចងចាំដ៏ច្បាស់លាស់ និងអារម្មណ៍ល្អរីករាយរបស់សម្តេចតេជោ ដែលបង្ហាញថាសម្តេចតេជោ មានសុខភាពរឹងមាំណាស់ ប្រាកដជាមានអាយុយឺនយូរជាទីបំផុត។ ឯកឧត្តម ពិតជារីករាយ នឹងត្រៀមរៀបចំស្វាគមន៍ដំណើរទស្សនកិច្ចរបស់សម្តេចតេជោ ទៅកាន់ខេត្តឃ្យុងសាងបុកដូ នាពេលខាងមុខឱ្យបានល្អប្រសើរជាទីបំផុត។
ជាទីបញ្ចប់ សម្តេចតេជោ ប្រធានព្រឹទ្ធសភា សូមអរគុណឯកឧត្តមអភិបាលខេត្តចំពោះការពាំនាំការសួរសុខទុក្ខរបស់សម្តេច ជូនឯកឧត្តម ប្រធានាធិបតី Yoon Suk Yeol និងសូមអរគុណ ប្រធានាធិបតី ដែលបានទទួលជួបនាយករដ្ឋមន្ត្រីថ្មីរបស់កម្ពុជា និងបន្តជំរុញកិច្ចសហប្រតិបត្តិការដែលមានស្រាប់។
សម្តេច បានជូនពរឯកឧត្តមអភិបាលខេត្តឃ្យុងសាងប៊ុកដូ និង គណៈប្រតិភូ បន្តមានសុខភាពរឹងមាំ និងទទួលបានជោគជ័យបន្ថែមទៀត ក្នុងបេសកកម្មការងារជូនដល់ខេត្តឃ្យុងសាងបុកដូ៕
CMF: 29/07/2024
To His Excellency Lok Chumteav,
Governor of the Capital and Provincial Board of Governors!
First and foremost, I would like to express my sincere gratitude and appreciation to the Board of Governors of the Capital and Provinces, particularly the Armed Forces, encompassing both the police and the gendarmerie, for their commendable efforts in combating hooliganism and the menace of samurai sword-wielding individuals who pose a significant threat to public safety and societal well-being. While some continues to exhibit this behavior, there has been a noticeable decline. Please continue to take actions, like the simmering rain, and press on them to maintain security and order for the people.
At the same time, another type of hooliganism – motorcycle wheelie in public – has taken place.Historically, provincial authorities have enacted numerous administrative measures, as observed through social media and television; however, their efficacy remains constrained. To enhance the efficacy of curbing motorcycle wheelie in public areas, I request that the relevant authorities, particularly law enforcement agencies, consider implementing stricter administrative measures.
I propose that for the first offense, the person should have the motorcycle confiscated for a period of three months. In the event that the individual continues to engage in this illegal behavior and does not demonstrate remorse or takes step to rectify their actions, the confiscation period should be extended to six months for the second offense. Our authorities must exercise due diligence in safeguarding the confiscated property, specifically the motorcycle. A letter of guarantee should be issued, and the motorcycle should be returned to the individual and their family upon the conclusion of the administrative disciplinary proceedings.
In reference to the recently implemented measure, I anticipate its effectiveness in addressing the issue of motorcycle wheelies within our local community. Engaging in such activities poses significant risks and may result in temporary suspension of riding privileges. Consequently, individuals are strongly advised to refrain from performing motorcycle wheelies at this time.
Secondly, minimizing motorcycle wheelies will not only contribute to preserving public order but also mitigate the potential risks of accidents for both other road users and the motorcycle riders themselves. Previously, there have been instances of motorbike accidents resulting in fatalities and self-inflicted injuries, including loss of life.
I kindly request that parents or guardians demonstrate understanding when authorities implement this measure on their children, resulting in the confiscation of the motorcycle for a period of three or six months, depending on whether it is the first or second offense. As a concerned individual, I urge that guardians and parents take proactive measures to educate their children and relatives about the potential risks associated with motorcycle wheelie. It is crucial to emphasize the importance of safety and responsible behavior to prevent accidents and disruptions to public order.
I kindly request that His Excellency and Lok Chumteav, Governor of the Capital, and Provincial Governors assign these tasks to the Capital, Provincial, and Provincial Police Commissioners to rigorously enforce this directive to deter motorcycle wheelie hooligans within their jurisdictions.
Thank you!
ជូនឯកឧត្តម លោកជំទាវ អភិបាល នៃគណៈអភិបាល រាជធានី ខេត្ត ទាំងអស់!
ដំបូង ខ្ញុំសូមធ្វើការអរគុណ និងវាយតម្លៃខ្ពស់ចំពោះគណៈអភិបាលរាជធានីខេត្តទាំងអស់ ជាពិសេសកងកម្លាំងប្រដាប់អាវុធ ដែលមាន នគរបាល និងកងរាជអាវុធហត្ថ ដែលបានអនុវត្ដបានល្អនូវវិធានការបង្រ្កាបនូវក្មេងទំនើង ក្រុមដាវសាម៉ូរ៉ៃកាប់ចាក់គ្នា បង្កហានិភ័យដល់ខ្លួន និងសន្ដិសុខសណ្ដាប់ធ្នាប់នៅក្នុងសង្គម។ ទោះបីជាបន្តនៅមានក្រុម(ដែលប្រព្រឹត្តដូច)នេះ ប៉ុន្ដែមានការថមថយ។ សូមបន្ដអនុវត្ដឲ្យបានជាប់ជាប្រចាំដូចភ្លៀងរលឹម សង្កត់ក្រុមដាវសាម៉ូរ៉ៃ និងក្រុមក្មេងកាប់ចាក់គ្នាឲ្យបានបន្ដទៀតដើម្បីថែរក្សាសន្តិសុខសណ្តាប់ធ្នាប់ជូនប្រជាពលរដ្ឋ ហើយជាមួយគ្នានេះ (ក៏មាន)បទល្មើសក្មេងទំនើងមួយប្រភេទទៀតគឺការបង្ហោះម៉ូតូជាសាធារណៈ បានកើតមាន។
កន្លងទៅសមត្ថកិច្ចនៅតាមបណ្តារាជធានីខេត្តបានអនុវត្តវិធានការរដ្ឋបាលជាច្រើន និងច្រើនរូបភាព ដែលយើងបានឃើញនៅតាមបណ្តាញសង្គម តាមទូរទស្សន៍ ប៉ុន្តែប្រសិទ្ធភាពនៅមានកម្រិត។ ដើម្បីបង្កើននូវប្រសិទ្ធភាពក្នុងការបង្រ្កាបក្មេងទំនើងបង្ហោះម៉ូតូនៅតាមទីសាធារណៈ ខ្ញុំសូមឲ្យអាជ្ញាធរ ជាពិសេសសមត្ថកិច្ចបង្កើនវិធានការរដ្ឋបាលឃាត់ម៉ូតូរយៈពេល ៣ខែ ចំពោះការប្រព្រឹត្តបទល្មើសលើកទី១ និង ៦ខែ បើសិនជាមិនរាងចាល ហើយនៅប្រព្រឹត្តបទល្មើសបន្តទៀតជាលើកទី ២ ។
សមត្ថកិច្ចរបស់យើងត្រូវយកចិត្តទុកដាក់ថែទាំទ្រព្យសម្បត្តិ/ម៉ូតូ ដែលដកហូតនេះឲ្យបានល្អ ធ្វើលិខិត ផ្តល់ការធានា និងប្រគល់ម៉ូតូនេះ ត្រឡប់ទៅឲ្យសាមីខ្លួន និងក្រុមគ្រួសារវិញនៅពេលវិន័យរដ្ឋបាលត្រូវបានបញ្ចប់។ ខ្ញុំសង្ឃឹមថាការដាក់ចេញនូវវិធានការថ្មីនេះ នឹងចូលរួមនៅក្នុងការបង្រ្កាបក្រុមក្មេងទំនើងបង្ហោះម៉ូតូនៅតាមមូលដ្ឋាន ព្រោះថាបើចូលចិត្តបង្ហោះម៉ូតូគឺត្រូវប្រឈមនឹងការអត់មានអីជិះមួយរយៈ។ អញ្ចឹង ក្នុងពេលនេះគឺពួកគាត់មិនអាចបង្ហោះបានទេម៉ូតូ។
ទី២ ការកាត់បន្ថយការបង្ហោះម៉ូតូបែបនេះក៏នឹងចូលរួមនៅក្នុងការថែរក្សានូវសណ្តាប់ធ្នាប់សាធារណៈ ហើយកាត់បន្ថយនូវហានិភ័យដែលអាចនាំឲ្យមានគ្រោះថ្នាក់ដោយសារការបង្ហោះម៉ូតូនេះទៅដល់អ្នកដទៃ និងអ្នកបង្ហោះម៉ូតូខ្លួនឯង។ កន្លងទៅគឺមានករណីដែលបង្ហោះម៉ូតូទៅបុកអ្នកផ្សេងរហូតដល់បាត់បង់ជីវិត ហើយពេលខ្លះគឺមានការដួលខ្លួនឯងរបួសស្នាម និងមានបាត់បង់ជីវិតផងដែរ។
ខ្ញុំសូមការយោគយល់អំពីសំណាក់មាតាបិតា ឬអាណាព្យាបាល នៅពេលដែលសមត្ថកិច្ចអនុវត្តវិធានការនេះចំពោះកូនចៅរបស់ខ្លួនដែលបានបង្ហោះម៉ូតូ ដោយដកហូតទៅរក្សាទុកក្នុងរយៈពេល ៣ខែ ឬ ៦ខែទៅតាមការប្រព្រឹត្តបទល្មើសលើកទី១ ឬលើកទី២។ ខ្ញុំសូមឲ្យអាណាព្យាបាល ក៏ដូចជាមាតាបិតាចូលរួមអប់រំណែនាំឲ្យកូន/ក្មួយអ្នកនៅក្នុងបន្ទុករបស់ខ្លួន កុំបង្ហោះម៉ូតូដែលនាំឲ្យគ្រោះថ្នាក់ដល់ខ្លួនឯង និងអ្នកដទៃ ក៏ដូចជាបង្កនូវការរំខានដល់សណ្តាប់ធ្នាប់សង្គម។ ខ្ញុំសូមឯកឧត្តម លោកជំទាវ អភិបាលនៃគណអភិបាលរាជធានីខេត្ត ប្រគល់ភារកិច្ចជូនស្នងការនគរបាលរាជធានីខេត្ត អាវុធហត្ថរាជធានីខេត្ត ដើម្បីអនុវត្តនូវបទបញ្ជានេះឲ្យបានម៉ឹងម៉ាត់ដើម្បីចូលរួមទប់ស្កាត់ក្រុមក្មេងទំនើងបង្ហោះម៉ូតូនៅក្នុងមូលដ្ឋានរបស់ខ្លួន។ សូមអរគុណ៕