សម្តេចធិបតី ហ៊ុន ម៉ាណែត ៖ ទិវាសន្តិភាព គឺសម្រាប់អ្នកទាំងអស់គ្នាចូលរួមសាមគ្គីគ្នាកសាងអភិវឌ្ឍជាតិ

 

សម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងថា ទិវានយោបាយឈ្នះឈ្នះ បញ្ចប់សង្គ្រាម ថ្ងៃទី២៩ធ្នូ បង្កើតឡើងគឺសម្រាប់ប្រជាពលរដ្ឋទាំងអស់គ្នា និងកើតពីការចូលរួមពីគ្រប់ភាគីទាំងអស់ ដោយឯកភាពគ្នា ឈប់វាយប្រហារគ្នា តទៅទៀត ព្រមទាំងរួមសាមគ្គីគ្នាកសាងប្រទេស។

សម្តេចធិបតី ហ៊ុន ម៉ាណែត បានថ្លែងបែបនេះ នៅព្រឹកថ្ងៃទី៨ ខែមករា ឆ្នាំ២០២៤ ក្នុងឱកាសអញ្ជើញសម្ពោធស្ពានបេតុងសម្តេចតេជោ ហ៊ុន សែន កោះយ៉ និងសំណេះសំណាលជាមួយកម្មករ និយោជិតជាង ១ម៉ឺននាក់ ក្នុងខេត្តកោះកុង។

សម្តេចធិបតី ហ៊ុន ម៉ាណែត បានថ្លែងបន្តថា កូនចៅជំនាន់ក្រោយ ត្រូវចាំថា ការដែលយើងមានសន្តិភាពដូចបច្ចុប្បន្ននេះ គឺបានមកពីការពលីរបស់អ្នកជំនាន់មុន ដូច្នេះ «សូមកុំត្រឡប់ទៅអតីតកាលដ៏ជូរចត់អី»។ ជាក់ស្ដែង ភូមិសាស្ត្រស្រុកថ្មបាំងទុកជាកន្លែងធ្វើផ្លូវចូលទៅ អារ៉ែងធ្វើផ្លូវសម្រាប់ទេសចរណ៍ កុំឱ្យទៅជាតំបន់វៃប្រហារគ្នាឡើងវិញឱ្យសោះ រីឯវារីអគ្គិសនីគឺយើងត្រូវតែធ្វើ ដើម្បីបានភ្លើងមកផ្តគ់ផ្គង់ឧស្សាហកម្មនៅតំបន់នេះ និងទៅបណ្តាតំបន់ផ្សេងៗទៀត៕

សម្តេចធិបតី ហ៊ុន ម៉ាណែត៖ ចាប់ពីឆ្នាំ ២០២៤ នេះទៅ រៀងរាល់ថ្ងៃទី ២៩ ខែធ្នូ យើងនឹងបានអបអរសាទរ «ទិវាសន្តិភាព» ទូទាំងប្រទេស

សម្តេចធិបតី ហ៊ុន ម៉ាណែត បានថ្លែងថា ត្រូវរួមគ្នាធ្វើយ៉ាងណាជំរុញប្រទេសយើងឱ្យបានរីកចម្រើន និងអភិវឌ្ឍន៍អោយកាន់តែសម្បូរសប្បាយនិងរឹងមាំ ដោយធ្វើយ៉ាងណាឱ្យមានភាពជាម្ចាស់ការលើខ្លួនឯងលើគ្រប់វិស័យ ដោយកាត់បន្ថយ និងចៀសអោយផុតនូវអតីតកាលដ៏ជូរចត់ តាមរយៈការថែរក្សានូវសុខសន្តិភាព និងកុំឱ្យសង្រ្គាមត្រឡប់មកក្នុងទឹកដីរបស់យើងវិញឱ្យសោះ។

សម្តេចធិបតី ហ៊ុន ម៉ាណែត បានថ្លែងបន្តថា ចាប់ពីឆ្នាំ ២០២៤ នេះទៅ នៅថ្ងៃទី ២៩ ខែធ្នូ យើងនឹងបានអបអរសាទរទូទាំងប្រទេសនូវទិវាសន្តិភាពរបស់កម្ពុជា សន្តិភាពរបស់យើងទាំងអស់គ្នា។

ក្នុងឱកាសអញ្ជើញជាអធិបតីក្នុងពិធី «សម្ពោធដាក់ឱ្យប្រើប្រាស់ជាផ្លូវការស្ពានសម្តេចតេជោ ហ៊ុន សែន កោះយ៉ និងជួបសំណេះសំណាលជាមួយបងប្អូនកម្មករ និយោជិតចំនួន ១១០០០នាក់ក្នុងស្រុកមណ្ឌលសីមា ខេត្តកោះកុង»  នៅព្រឹកថ្ងៃទី០៨ ខែមករា ឆ្នាំ២០២៤  សម្តេចធិបតី  ហ៊ុន ម៉ាណែត បានថ្លែងថា ទិវានៃនយោបាយឈ្នះ-ឈ្នះ ដែលបញ្ចប់សង្រ្គាមនេះ គឺជាទិវាសន្តិភាពរបស់យើង។ ទិវានេះបង្កើតឡើងសម្រាប់ប្រជាពលរដ្ឋទាំងអស់គ្នា និងកើតឡើងពីការចូលរួមពីគ្រប់ភាគីពាក់ព័ន្ធទាំងអស់ក្នុងការឯកភាពគ្នា ឈប់វាយគ្នាតទៅទៀត និងរួមសាមគ្គីគ្នាកសាងប្រទេស៕

សម្តេចធិបតី ហ៊ុន ម៉ាណែត ស្នើអ្នករិះគន់ថ្ងៃ ៧មករា កុំយកនិន្នាការនយោបាយបកស្រាយប្រវត្តិសាស្រ្ត តែត្រូវយកនិន្នាការប្រវត្តិសាស្រ្ត មកបកស្រាយប្រវត្តិសាស្រ្ត

សម្តេចធិបតី ហ៊ុន ម៉ាណែត បានលើកឡើងនូវសំណួរទី១ ថា «តើនៅចន្លោះថ្ងៃទី ១៧ មេសា ឆ្នាំ១៩៧៥ ដល់ថ្ងៃទី ៧ ខែមករា ឆ្នាំ១៩៧៩ ខ្មែរក្រហមបានសម្លាប់មនុស្សនៅកម្ពុជាដែរឬអត់?» ចម្លើយគឺសម្លាប់ ហើយមិនមែនសម្លាប់តែម្នាក់ ឬពីរនាក់ទេ តែគឺរាប់លាននាក់។

សម្តេចធិបតី ហ៊ុន ម៉ាណែត បានចោទសួរសំណួរទី២ ថា «តើការវាយចូលរបស់កងកម្លាំងរណសិរ្សសាមគ្គីសង្រ្គោះជាតិកម្ពុជា ដែលចាប់ផ្តើមពីថ្ងៃ ២ធ្នូ រហូតដល់ដើមឆ្នាំ១៩៧៩ និងដែលបានដេញខ្មែរក្រហមចេញ បានបញ្ឈប់ខ្មែរក្រហមកុំអោយសម្លាប់មនុស្សតទៀតឬអត់?» ចម្លើយគឺខ្មែរក្រហមបានរត់ចេញទៅហើយ លែងបានសម្លាប់មនុស្សទៀតហើយ ដូច្នេះការរំដោះក្នុងឆ្នាំ១៩៧៩ នេះគឺស្មើនឹងការសង្រ្គោះជីវិតប្រជាពលរដ្ឋ។

សម្តេចធិបតី ហ៊ុន ម៉ាណែត បានតបទៅម្សៀនៅក្រៅប្រទេសថា ទោះអ្នកឯងចង់ហៅថ្ងៃនោះថាជាថ្ងៃអ្វីក៏ហៅទៅ ប៉ុន្តែយើងត្រូវទទួលស្គាល់ថា «ការរំដោះ ៧មករា ១៩៧៩ គឺធ្វើអោយយើងរស់រានមានជីវិត និងមានអ្វីៗទំាងអស់នៅថ្ងៃនេះ»។

សម្តេចធិបតី ហ៊ុន ម៉ាណែត បានចោទសួរសំណួរទី៣ ថា «ហេតុអ្វីយើងត្រូវពឹងវៀតណាម?» នៅចុងឆ្នាំ១៩៧៨ យើងមានជម្រើស២ គឺអង្គការសហប្រជាជាតិ (ទិសខាងលិច) និងវៀតណាម (ទិសខាងកើត)។ ប៉ុន្តែអង្គការសហប្រជាជាតិមិនបញ្ជូនទ័ពមកទេ ព្រោះច្បាប់របស់អង្គការនេះមិនអាចបញ្ជូនទ័ពទៅប្រទេសណាមួយបានទេ បើគ្មានការសំណូមពរពីរដ្ឋាភិបាលប្រទេសនោះ ដូច្នេះចម្លើយគឺ «យើងគ្មានជម្រើស»។

សម្តេចធិបតី ហ៊ុន ម៉ាណែត បានថ្លែងដូចនេះនៅក្នុងឱកាសដែលសម្ដេចអញ្ជើញជាអធិបតីក្នុងពិធី «សម្ពោធដាក់ឱ្យប្រើប្រាស់ជាផ្លូវការស្ពានសម្តេចតេជោ ហ៊ុន សែន កោះយ៉ និងជួបសំណេះសំណាលជាមួយបងប្អូនកម្មករ និយោជិតចំនួន ១១០០០នាក់ក្នុងស្រុកមណ្ឌលសីមា ខេត្តកោះកុង» នៅព្រឹកថ្ងៃទី០៨ ខែមករា ឆ្នាំ២០២៤៕

សម្តេចធិបតី ហ៊ុន ម៉ាណែត ៖ រាជរដ្ឋាភិបាលដឹកនាំល្អ ទើបប្រជាពលរដ្ឋបោះឆ្នោតគាំទ្រ ប្រៀបដូចសិស្សដែលរៀនពូកែ ទើបប្រឡងជាប់

សម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងថា រាជរដ្ឋាភិបាលកម្ពុជាពីមួយអាណត្តិទៅមួយអាណត្តិ គឺមានការប្រឡងប្រជែង ប្រៀបដូចជាសិស្សដែលកំពុងរៀន។ ហើយទន្ទឹមនឹងការប្រឡងជាប់បានឡើងថ្នាក់ យើងមិនត្រូវបោះបង់ការសិក្សា ឬធ្លាក់ដៃទេ គឺមានតែការខិតខំប្រឹងប្រែង ដើម្បីប្រឡងជាប់ម្តងទៀត ទៅតាមលទ្ធផល និងខិតខំប្រឹងប្រែង និងទៅតាមពិន្ទុដែលលោកគ្រូ អ្នកគ្រូ ផ្តល់ឱ្យ។ 

សម្តេចធិបតី ហ៊ុន ម៉ាណែត បានថ្លែងបែបនេះ ព្រឹកថ្ងៃទី០៨ ខែមករា ឆ្នាំ២០២៤ ក្នុងឱកាសអញ្ជើញសម្ពោធស្ពានសម្ដេចតេជោ កោះយ៉ និងសំណេះសំណាលជាមួយកម្មករ និយោជិតជាង១ម៉ឺននាក់ ក្នុងខេត្តកោះកុង។

នាឱកាសនោះដែរ សម្តេចធិបតី ហ៊ុន ម៉ាណែត បានថ្លែងបន្តថា នៅក្នុងប្រទេសលទ្ធិប្រជាធិបតេយ្យ គណបក្សនីមួយៗ សុទ្ធតែមានលោកគ្រូអ្នកគ្រូ ពោលគឺសំដៅទៅលើប្រជាពលរដ្ឋ។ នៅពេលដែលលោកគ្រូ អ្នកគ្រូ ឱ្យជាប់ មានន័យថា ពលរដ្ឋបានបោះឆ្នោតជូនបក្ស។ ដូចនេះ រាជរដ្ឋាភិបាលអត់មានទម្លាក់ដៃទេ មានតែខិតខំប្រឹងប្រែងបន្តទៀត ក្នុងនោះ ទី១-អរគុណដល់ប្រជាពលរដ្ឋដែលផ្តល់ការទុកចិត្ត និងទី២-មានតែការប្តេជ្ញាចិត្ត មិនឱ្យប្រជាពលរដ្ឋខកចិត្ត ដើម្បីឱ្យបានឡើងថ្នាក់នៅពេលខាងមុខទៀត។ 

ទន្ទឹមនោះសម្តេចធិបតីបានថ្លែងបញ្ជាក់ថា រាជរដ្ឋាភិបាលត្រូវបន្តគោរពនូវការទុកចិត្តរបស់ប្រជាពលរដ្ឋ នៅគ្រប់ៗអាណត្តិទាំងអស់តាមដែលអាចធ្វើបាន។ នេះគឺជាគោលដៅរបស់រាជរដ្ឋាភិបាល ដែលធ្វើយ៉ាងណាឱ្យប្រជាពលរដ្ឋមានទំនុកចិត្ត និងមានភាពកក់ក្តៅ ដើម្បីឱ្យប្រទេសកាន់តែរីកចម្រើន៕

ឯកឧត្តម ស្វាយ ស៉ីថា ផ្ញើសារលិខិតគោរពជូនពរ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ក្នុងឱកាសខួប ១៨ឆ្នាំនៃចំណងអាពាហ៍ពិពាហ៍

(ភ្នំពេញ)៖ ឯកឧត្តម ស្វាយ ស៉ីថា ទេសរដ្ឋមន្រ្តី ទទួលបន្ទុកបេសកកម្មពិសេស និងជាប្រធានគណៈកម្មាធិការជាតិសម្របសម្រួលកិច្ចការព័ត៌មាន និងសាធារណមតិ សូមគោរពជូនពរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ក្នុងឱកាសខួប ១៨ឆ្នាំនៃចំណងអាពាហ៍ពិពាហ៍ ត្រូវនឹងថ្ងៃទី៧ ខែមករា ឆ្នាំ២០២៤។

ក្នុងឱកាសប្រកបដោយសិរីមង្គលប្រសើរថ្លៃថ្លា យើងខ្ញុំទាំងអស់គ្នា សូមសម្តែងនូវអំណរសាទរ និងសូមគោរពជូននូវសព្ទសាធុការពរជ័យ ដោយស្មោះអស់ពីដួងចិត្ត។ ជាការពិតណាស់ ក្នុងចំណងអាពាហ៍ពិពាហ៍ ជាអមតៈរបស់សម្តេចធិបតីនាយករដ្ឋមន្ត្រី និងលោកជំទាវបណ្ឌិត បាននឹងកំពុងបន្តនិរន្តរភាពដឹកនាំ តាមគំរូវីរភាពដ៏ខ្ពង់ខ្ពស់បំផុត របស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តាមរយៈការបន្តពូនជ្រុំថែទាំ «សន្តិភាព ស្ថិរភាពនយោបាយ និងការអភិវឌ្ឍ» ព្រមទាំងការលះបង់កម្លាំងកាយចិត្ត និងប្រាជ្ញាស្មារតីដោយមិនខ្លាចនឿយហត់ ដើម្បីសម្រេចបាននូវសមិទ្ធផល ជាបន្តបន្ទាប់ជូនជាតិមាតុភូមិ ហើយបញ្ហាអាយុជីវិត និងសុខទុក្ខរបស់ប្រជាជនកម្ពុជា នៅតែជាការងារអាទិភាពខ្ពស់បំផុត របស់រាជរដ្ឋាភិបាល នៅគ្រប់ដំណាក់កាលទាំងអស់។

នាទិវាដ៏មហាមង្គលសួស្តីប្រពៃថ្លៃថ្នានេះ យើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា សូមជួយប្រសិទ្ធពរជ័យបវរសួស្តី សិរីមង្គល វិបុលសុខ មហាប្រសើរគ្រប់ប្រការជូនសម្តេចធិបតីនាយករដ្ឋមន្ត្រី និងលោកជំទាវបណ្ឌិត ព្រមទាំងបុត្រាបុត្រី ជាទីស្រឡាញ់ សូមឱ្យចំណងអាពាហ៏ពិពាហ៍ កាន់តែមានភាពផ្អែមល្ហែមត្រជាក់ត្រជំ ដូចទឹកអម្រឹត និងសូមបានសមប្រកប នូវពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ ជានិច្ចនិរន្តរ៍កុំបីឃ្លៀងឃ្លាតឡើយ៕

សម្តេចធិបតី ហ៊ុន ម៉ាណែត៖ ស្ពានកោះយ៉ ជានិមិត្តរូបមួយនៃការយកចិត្តទុកដាក់របស់រាជរដ្ឋាភិបាលចំពោះប្រជាពលរដ្ឋខេត្តកោះកុង

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា ស្ពានកោះយ៉ដែលយើងសម្ពោធនៅថ្ងៃនេះ គឺជានិមិ្មតរូប និងជាឧទាហរណ៍មួយដ៏ជាក់ស្តែង នៃការយកចិត្តទុកដាក់របស់រាជរដ្ឋាភិបាលចំពោះប្រជាពលរដ្ឋនៅខេត្តកោះកុងទាំងមូល។

សម្តេចធិបតី ហ៊ុន ម៉ាណែត បានថ្លែងបន្តថា «សំណួរសួរថា តើមានគោលនយោបាយអ្វីខ្លះ និងអនុវត្តន៍អ្វីខ្លះ?ចម្លើយគឺការដាក់ចេញគោលនយោបាយត្រឹមត្រូវ និងការអនុវត្តដោយស្មោះត្រង់ និងប្រសិទ្ធិភាព»។

សម្តេចធិបតី ហ៊ុន ម៉ាណែត បានថ្លែងដូចនេះនៅក្នុងឱកាសដែលសម្ដេចអញ្ជើញជាអធិបតីក្នុងពិធី «សម្ពោធដាក់ឱ្យប្រើប្រាស់ជាផ្លូវការស្ពានសម្តេចតេជោ ហ៊ុន សែន កោះយ៉ និងជួបសំណេះសំណាលជាមួយបងប្អូនកម្មករ និយោជិតចំនួន ១១០០០នាក់ក្នុងស្រុកមណ្ឌលសីមា ខេត្តកោះកុង»  នៅព្រឹកថ្ងៃទី០៨ ខែមករា ឆ្នាំ២០២៤។

ទន្ទឹមគ្នានេះដែរសម្តេចធិបតី ហ៊ុន ម៉ាណែត បានថ្លែងថា ការដាក់ចេញគោលនយោបាយច្បាស់លាស់ ពោលគឺគោលនយោបាយបញ្ចប់សង្រ្គាម បាននាំមកនូវសន្តិភាព ការឯកភាពជាតិពេញលេញ និងការបង្រួបបង្រួមជាតិទាំងស្រុង៕

ឯកឧត្តម វង្សី វិស្សុត ផ្ញើសារលិខិតគោរពជូនពរ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ក្នុងឱកាសខួប ១៨ឆ្នាំនៃចំណងអាពាហ៍ពិពាហ៍

(ភ្នំពេញ)៖ ឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងជាប្រធានក្រុមប្រឹក្សាអ្នកច្បាប់ សូមគោរពជូនពរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ក្នុងឱកាសខួប ១៨ឆ្នាំនៃចំណងអាពាហ៍ពិពាហ៍ ត្រូវនឹងថ្ងៃទី៧ ខែមករា ឆ្នាំ២០២៤។

ក្នុងឱកាសប្រកបដោយសិរីមង្គលប្រសើរថ្លៃថ្លា យើងខ្ញុំទាំងអស់គ្នា សូមសម្តែងនូវអំណរសាទរ និងសូមគោរពជូននូវសព្ទសាធុការពរជ័យ ដោយស្មោះអស់ពីដួងចិត្ត។ ជាការពិតណាស់ ក្នុងចំណងអាពាហ៍ពិពាហ៍ ជាអមតៈរបស់សម្តេចធិបតីនាយករដ្ឋមន្ត្រី និងលោកជំទាវបណ្ឌិត បាននឹងកំពុងបន្តនិរន្តរភាពដឹកនាំ តាមគំរូវីរភាពដ៏ខ្ពង់ខ្ពស់បំផុត របស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តាមរយៈការបន្តពូនជ្រុំថែទាំ «សន្តិភាព ស្ថិរភាពនយោបាយ និងការអភិវឌ្ឍ» ព្រមទាំងការលះបង់កម្លាំងកាយចិត្ត និងប្រាជ្ញាស្មារតីដោយមិនខ្លាចនឿយហត់ ដើម្បីសម្រេចបាននូវសមិទ្ធផល ជាបន្តបន្ទាប់ជូនជាតិមាតុភូមិ ហើយបញ្ហាអាយុជីវិត និងសុខទុក្ខរបស់ប្រជាជនកម្ពុជា នៅតែជាការងារអាទិភាពខ្ពស់បំផុត របស់រាជរដ្ឋាភិបាល នៅគ្រប់ដំណាក់កាលទាំងអស់។

នាទិវាដ៏មហាមង្គលសួស្តីប្រពៃថ្លៃថ្នានេះ យើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា សូមជួយប្រសិទ្ធពរជ័យបវរសួស្តី សិរីមង្គល វិបុលសុខ មហាប្រសើរគ្រប់ប្រការជូនសម្តេចធិបតីនាយករដ្ឋមន្ត្រី និងលោកជំទាវបណ្ឌិត ព្រមទាំងបុត្រាបុត្រី ជាទីស្រឡាញ់ សូមឱ្យចំណងអាពាហ៏ពិពាហ៍ កាន់តែមានភាពផ្អែមល្ហែមត្រជាក់ត្រជំ ដូចទឹកអម្រឹត និងសូមបានសមប្រកប នូវពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ ជានិច្ចនិរន្តរ៍កុំបីឃ្លៀងឃ្លាតឡើយ៕