សម្តេចធិបតី ហ៊ុន ម៉ាណែត ៖ កត្តាសុខសន្តិភាព និងវិបុលភាពក្នុងសង្គមជាតិ បានធ្វើឱ្យវិស័យធនាគារនៅកម្ពុជា មានការរីកចម្រើន

សម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងថា នៅក្នុងការសម្រេចវិនិយោគ និងសាងសង់អាគារខ្ពស់ទំនើប និងទាន់សម័យរបស់ធនាគារវីង បានឆ្លុះបញ្ជាំងពីសារៈសំខាន់នៃកត្តាសុខសន្តិភាព ដែលជាមូលដ្ឋានគ្រឹះសម្រាប់ការអភិវឌ្ឍ និងនាំនូវវិបុលភាពសម្រាប់សង្គមជាតិកម្ពុជា។

សម្តេចធិបតី ហ៊ុន ម៉ាណែត ថ្លែងដូចនេះ នៅព្រឹកថ្ងៃទី២០  ខែធ្នូ ឆ្នាំ២០២៣ ក្នុងឱកាសអញ្ជើញជាអធិបតីសម្ពោធជាផ្លូវការ "អគារស្នាក់ការកណ្តាល វីងថៅវ័រ (Wing Tower)" រាជធានីភ្នំពេញ។

សម្តេចធិបតី ហ៊ុន ម៉ាណែត បានថ្លែងបន្តថា ការវិនិយោគនេះ បានបង្ហាញពីទំនុកចិត្ត និងភាពជឿជាក់របស់វិនិយោគិនឯកជន និងក្រុមប្រឹក្សាភិបាលធនាគារមកលើបរិយាកាសធុរៈកិច្ចរបស់កម្ពុជា និយាយជារួមគឺភាពមាំធននៅក្នុងវិស័យធនាគារ និងនិយាយដោយឡែកគឺភាពនឹងនរផ្នែកហិរញ្ញវត្ថុនៅក្នុងប្រទេសកម្ពុជា៕

សម្តេចធិបតី ហ៊ុន ម៉ាណែត៖ ធនាគារវីងបានផ្តល់កម្ចីឥណទាន ៥ លានដុល្លារអាមេរិកដល់ប្រជាកសិករក្នុងអត្រាការប្រាក់ទាប

 

សម្តេចមហាបវរធិបតី ហ៊ុន ម៉ាណែត បានថ្លែងថា ថ្មីៗនេះធនាគារវីងបានសហការជាមួយក្រសួងកសិកម្មរុក្ខាប្រមាញ់ និងនេសាទដោយបានព្រមព្រៀងផ្តល់កម្ចីឥណទានប្រមាណ ៥ លានដុល្លារអាមេរិក ដល់ប្រជាកសិករក្នុងអត្រាការប្រាក់ទាប ដើម្បីជួយដល់អ្នកប្រកបរបរកសិកម្ម ក៏ដូចជាអ្នកជំនួញក្នុងវិស័យកសិកម្ម សំដៅលើកកម្ពស់ការជួយជំរុញការអភវិឌ្ឍវិស័យកសិកម្មអោយលឿនទៅមុខមួយកម្រិតទៀត។

សម្តេចធិបតី ហ៊ុន ម៉ាណែត បានថ្លែងបន្តថា ធនាគារវីងក៏បានបង្កើតភាពជាដៃគូជាមួយសហភាពសហព័ន្ធយុវជនកម្ពុជា ដើម្បីជួយសម្រួលទៅដល់យុវជនអោយទទួលបានចំណេះដឹងផ្នែកហិរញ្ញវត្ថុចាំបាច់នានា ក្នុងការបង្កើនជីវភាពប្រចាំថ្ងៃរបស់ពួកគេតាមរយៈការទទួលបានបទពិសោធន៍ហិរញ្ញវត្ថុនៃធនាគារឌីជីថលដ៏ទំនើប ដូចជាការចូលរួមបង្កើតគំនិតផ្តួចផ្តើមថ្មីៗជាច្រើន។

ក្នុងឱកាសអញ្ជើញសម្ពោធដាក់អោយប្រើប្រាស់អគារធនាគារវីងថៅវើ នៅព្រឹកថ្ងៃទី២០ ខែធ្នូ ឆ្នាំ២០២៣ សម្តេចធិបតី  ហ៊ុន ម៉ាណែត បានថ្លែងថា ធនាគារវីងបានចូលរួមការគាំទ្រដល់ការអនុវត្តគោលនយោបាយបច្ចេកវិទ្យាហិរញ្ញវត្ថុ (Fin Tech) នៅកម្ពុជាដែលបានពង្រីកវិសាលភាពនៅក្នុងការផ្តល់សេវាហិរញ្ញវត្ថុកាន់តែសម្បូរបែប៕

សម្តេចធិបតី ហ៊ុន ម៉ាណែត៖ ធនាគារវីងបានគាំទ្រ និងជំរុញដំណើរប្រព្រឹត្តទៅនៃរដ្ឋាភិបាលអេឡិចត្រូនិច (E-government) របស់កម្ពុជា

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា ធនាគារវីងបានដើរតួនាទីយ៉ាងសំខាន់ តាមរយៈការសហការជាមួយក្រុមហ៊ុន ក្រសួងស្ថាប័នថ្នាក់ជាតិ និងរដ្ឋបាលថ្នាក់ក្រោមជាតិ ដើម្បីរួមចំណែកដល់ការអនុវត្តគោលនយោបាយ និងកម្មវិធីអាទិភាពនានារបស់រាជរដ្ឋាភិបាល ដែលរួមមានដូចជា៖

ទី១-ការអនុវត្តគោលនយោបាយគាំពារសង្គម ដូចជាកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារក្រោមអាយុ២ឆ្នាំក្នុងគ្រួសារក្រីក្រ

ទី២-នៅពេលមានវិបត្តិកូវីដ-១៩ រាជរដ្ឋាភិបាលបានចូលរួមអនុវត្តកម្មវិធីជំនួយសង្គមពិសេស រួមទាំងការផ្តល់សាច់ប្រាក់ឧបត្ថម្ភដល់កម្មករនិយោជិត នៅក្នុងវិស័យកាត់ដេរនិងទេសចរណ៍ដែលបានព្យួរការងារ, ប្រជាជនដែលមានបណ្ណក្រីក្រកម្រិត១ និងកម្រិត២, ប្រជាជនដែលរស់នៅក្នុងតំបន់បិទខ្ទប់ និងគ្រួសារដែលមានសមាជិកស្លាប់ដោយសារកូវីដ-១៩ ។

សម្តេចធិបតី ហ៊ុន ម៉ាណែត បានថ្លែងបន្តថា ធនាគារវីងបានជួយសម្រួលដល់ការបើកប្រាក់ឧបត្ថម្ភរបស់រាជរដ្ឋាភិបាលជូនប្រជាជនប្រមាណ ៨០ម៉ឺនគ្រួសារ ស្មើនឹងប្រជាជនចំនួន ៣,៣លាននាក់ តាមរយៈបណ្តាញភ្នាក់ងារវីងជាង ១,៥ម៉ឺនកន្លែង ចាប់ពីខែមិថុនា ឆ្នាំ២០២០ ដល់ខែតុលា ឆ្នាំ២០២៣។ 

សម្តេចធិបតី ហ៊ុន ម៉ាណែត បានថ្លែងដូចនេះនៅក្នុងឱកាសអញ្ជើញជាអធិបតីសម្ពោធជាផ្លូវការ «អគារស្នាក់ការកណ្តាល វីងថៅវ័រ (Wing Tower)» ក្នុងរាជធានីភ្នំពេញ។

ទន្ទឹមគ្នានេះដែរសម្តេចធិបតី ហ៊ុន ម៉ាណែត បានថ្លែងថា ការអភិវឌ្ឍរបស់ធនាគារវីងបានគាំទ្រ និងជំរុញដល់ដំណើរប្រព្រឹត្តទៅនៃរដ្ឋាភិបាលអេឡិចត្រូនិច (E-government) របស់កម្ពុជា តាមរយៈការផ្តល់សេវាបើកប្រាក់បៀរវត្សរ៍មន្រ្តីរាជការនៅតាមស្ថាប័នជាច្រើន សេវាទូទាត់វិក្ក័យប័ត្រ សេវាបង់ពន្ធលើអចលនទ្រព្យ សេវាទូទាត់ស្លាកលេខយានយន្តរបស់ក្រសួងសាធារណៈការនិងដឹកជញ្ជូន ការទូទាត់ពន្ធគយ និងការទូទាត់លើសេវាកម្មសាធារណៈផ្សេងទៀត៕

សម្តេចធិបតី ហ៊ុន ម៉ាណែត ៖ ធនាគារប្រៀបដូចបេះដូង ប្រមូលឈាម ហើយបញ្ចេញឈាមទៅចិញ្ចឹមសរីរាង្គកាយវិញ

សម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងថា វិស័យធនាគារ មានសារៈសំខាន់ណាស់ ដូចពាក្យសាមញ្ញថា «ធ្វើកិច្ចការងារអ្វី បើអត់ថវិកា គឺមិនបានទេ ប៉ុន្តែបើមានថវិកាហើយ អត់មានការគ្រប់គ្រងច្បាស់លាស់ និងមានយន្តការក្នុងការទ្រទ្រង់ជួយចរន្តសាច់ប្រាក់ទេ ក៏មានការលំបាកដែរ»។

សម្តេចធិបតី ហ៊ុន ម៉ាណែត ថ្លែងដូចនេះ នៅព្រឹកថ្ងៃទី២០  ខែធ្នូ ឆ្នាំ២០២៣ ក្នុងឱកាសអញ្ជើញជាអធិបតីសម្ពោធជាផ្លូវការ «អគារស្នាក់ការកណ្តាល វីងថៅវ័រ (Wing Tower)» ក្នុងរាជធានីភ្នំពេញ។

សម្តេចធិបតី ហ៊ុន ម៉ាណែត បានថ្លែងបន្តថា ធនគារបានតួនាទីសំខាន់ណាស់ក្នុងការបង្វិលសាច់ប្រាក់ ដូចជាការប្រមូលផ្តុំធនធានហិរញ្ញវត្ថុ និងបង្វិលបញ្ចេញទៅវិញ ធ្វើយ៉ាងណា ដើម្បីធានានូវដំណើរការសេដ្ឋកិច្ចជាតិ។ សម្តេចធិបតី បានសង្កត់ធ្ងន់ថា ប្រសិទ្ធិភាពនៃការធានាប្រព័ន្ធដំណើរការរបស់ធនាគារនៅកម្ពុជា គឺជាការធានាសុខភាពមួយ ហើយធនាគារប្រៀបដូចជាបេះដូង ដែលប្រមូលឈាមមក ហើយបញ្ចេញឈាមទៅចិញ្ចឹមសរីរាង្គកាយវិញ។ ដូចនេះបើបេះដូងដើរមិនល្អទេ សុខភាពក៏មិនល្អដែរ៕

សម្តេចធិបតី ហ៊ុន ម៉ាណែត៖ ធនាគារវីង បានដើរតួនាទីយ៉ាងសំខាន់រួមចំណែកដល់ការអនុវត្តគោលនយោបាយ និងកម្មវិធីអាទិភាពនានារបស់រាជរដ្ឋាភិបាល

នៅក្នុងពិធីសម្ពោធដាក់ឱ្យប្រើប្រាស់ជាផ្លូវការអគារធនាគារវីងថៅវើ (Wing Bank Tower) នៅព្រឹកថ្ងៃទី២០ ខែធ្នូ ឆ្នាំ២០២៣ សម្តេចធិបតី ហ៊ុន ម៉ាណែត បានថ្លែងថា ធនាគារវីង បានដើរតួនាទីយ៉ាងសំខាន់ដោយសហការជាមួយក្រុមហ៊ុន ក្រសួង ស្ថាប័នថ្នាក់ជាតិ និងរដ្ឋបាលថ្នាក់ក្រោមជាតិ រួមចំណែកដល់ការអនុវត្តគោលនយោបាយ និងកម្មវិធីអាទិភាពនានារបស់រាជរដ្ឋាភិបាល។

សម្តេចធិបតី ហ៊ុន ម៉ាណែត បានគូសបញ្ជាក់ថា គោលនយោបាយ និងកម្មវិធីអាទិភាពនានារបស់រាជរដ្ឋាភិបាលរួមមាន៖ ទី១- ការអនុវត្តគោលនយោបាយគាំពារសង្គម ដូចជាកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារក្រោមអាយុ២ឆ្នាំ ក្នុងគ្រួសារក្រីក្រ និងទី២- នៅពេលមានវិបត្តិនៃជំងឺកូវីដ-១៩ បានចូលរួមអនុវត្តកម្មវិធីជំនួយសង្គមរួមទាំងការផ្តល់សាច់ប្រាក់ឧបត្ថម្ភដល់កម្មករនិយោជិតនៅក្នុងវិស័យកាត់ដេរនិងទេសចរណ៍ដែលបានព្យួរការងារ ប្រជាពលរដ្ឋក្រីក្រដែលមានបណ្ណក្រីក្រកម្រិត១ និងកម្រិត២ ប្រជាជនដែលរស់នៅក្នុងតំបន់បិទខ្ទប់ និងគ្រួសារដែលមានសមាជិកស្លាប់ដោយសារជំងឺកូវីដ-១៩។ 

សម្តេចធិបតី ហ៊ុន ម៉ាណែត បានបញ្ជាក់បន្ថែមថា ធនាគារវីង បានជួយសម្រួលដល់ការបើកប្រាក់ឧបត្ថម្ភរបស់រាជរដ្ឋាភិបាលដល់ប្រជាជនប្រមាណ៨០ម៉ឺនគ្រួសារ ស្មើនឹងប្រជាជនប្រមាណ ៣,៣លាននាក់ តាមបណ្តាញភ្នាក់ងារវីងជាង១,៥ម៉ឺនកន្លែងចាប់ពីខែមិនា ឆ្នាំ២០២០ រហូតដល់ខែតុលា ឆ្នាំ២០២៣នេះ។ 

លើសពីនេះ សម្តេចធិបតីនាយករដ្ឋមន្រ្តី បានមានប្រសាសន៍ថា ការអភិវឌ្ឍរបស់ធនាគារវីង បានគាំទ្រនិងជួយជំរុញដំណើរប្រព្រឹត្តទៅនៃរដ្ឋាភិបាលអេឡិចត្រូនិក E-government របស់រាជរដ្ឋាភិបាលកម្ពុជា តាមរយៈការផ្តល់សេវាបើកប្រាក់បៀវត្សមន្រ្តីរាជការស្ថាប័នជាច្រើន សេវាទូទាត់វិក្ក័យបត្រពន្ធលើអចលនទ្រព្យ សេវាកម្មទូទាត់ស្លាកលេខរបស់ក្រសួងសាធារណការនិងដឹកនាំជញ្ជូន ការទូទាត់ពន្ធគយ និងការទូទាត់សេវាកម្មសាធារណៈផ្សេងៗទៀត៕

ផ្សាយបន្តផ្ទាល់៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតី សម្ពោធជាផ្លូវការ "អគារស្នាក់ការកណ្តាល វីងថៅវ័រ (Wing Tower)" រាជធានីភ្នំពេញ

(ភ្នំពេញ)៖ នៅព្រឹកថ្ងៃពុធ ៨កើត ខែមិគសិរ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី២០ ខែធ្នូ ឆ្នាំ​២០​២៣​នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អញ្ជើញជាអធិបតីសម្ពោធដាក់ឱ្យ​ប្រើប្រាស់ជាផ្លូវការ អគារធនាគារវីងថៅវើ។

អគារធនាគារវីងថៅវើ ដែលជាសំណង់ស្ថាបត្យកម្មដ៏ល្អឯក និងជានិមិត្តរូបនៃភាពប៉ិនប្រសព្វក្នុង​ការច្នៃ​ប្រឌិត បានដាក់សម្ពោធឱ្យប្រើប្រាស់ជាផ្លូវការ នៅចំកណ្តាលនៃរាជធានីភ្នំពេញ។ ជាមួយកម្ពស់​រហូត​ដល់ ១២០ម៉ែត្រ ស្ថិតនៅតាមមហាវិថីមមាញឹកមួយ អគារធនាគារវីងថៅវើ គឺជាសក្ខីភាព ដែលបានបង្ហាញ​ពី​ភាព​រីកចម្រើននៃវិស័យធនាគារឌីជីថល នៅក្នុងប្រទេសកម្ពុជា។

អគារធនាគារ វីងថៅវើ មានទីតាំងស្ថិតនៅលើមហាវិថីព្រះមុនីវង្ស ដែលនៅមិនឆ្ងាយពីអគារពាណិជ្ជកម្ម​សំខាន់ៗ កន្លែងស្នាក់នៅប្រណីតៗ និងតំបន់ហាងទំនិញដ៏ពេញនិយមជាច្រើន។ អគារធនាគារវីងថៅវើ ដែល​ប្រកបដោយភាពលេចធ្លោ ត្រូវបានរចនាឡើងដោយមានការគិតគូរ​ពីនិរន្តភាពនៅលើផ្ទៃអគារ​ទាំង​មូល​។ ជាមួយការប្រើប្រាស់ផ្ទៃជញ្ជាំងកញ្ចក់ដ៏ទំនើប ដោយបំពាក់កញ្ចក់ពីរផ្នត់ផ្អឹបជាប់គ្នា ដែលអាច​ឱ្យ​ពន្លឺ​ធម្ម​ជាតិអាចជះចូលបានយ៉ាងគ្រាប់គ្រាន់ទៅក្នុងអគារ និងអាចកាត់បន្ថយកម្តៅបានយ៉ាងល្អប្រសើរផងដែរ។

ហេតុផលនេះ គឺបានជួយដល់ការកាត់បន្ថយការប្រើប្រាស់ថាមពល និងកាត់បន្ថយការបំភាយឧស្ម័ន​ផ្ទះ​កញ្ចក់ ​ដោយផ្តល់ផលល្អសម្រាប់បរិស្ថាន ដែលកត្តានេះស្របតាមការប្តេជ្ញាចិត្តរបស់ធនាគារ វីង ចំពោះនិរន្តរភាពបរិស្ថាន និងក្នុងនាមជាសាជីវកម្ម ដែលមានទំនួលខុសត្រូវចំពោះសង្គម។

អគារធនាគារវីងថៅវើ ដែលមានកម្ពស់២៥ជាន់ ជាទីស្នាក់ការកណ្តាលរបស់ធនាគារវីង ជាទីមោទកភាព ដែលជាគ្រឹះស្ថានហិរញ្ញវត្ថុឈានមុខគេមួយបានវិវត្តខ្លួនពីក្រុមហ៊ុនផ្តល់សេវាផ្ទេរប្រាក់ទៅជាធនាគារពាណិជ្ជពេញលេញ។ ផ្នែកនៃអគារនេះចំនួន ៣ជាន់ត្រូវបានរចនាឡើងយ៉ាងពិសេស ដើម្បីផ្តល់សេវាកម្មធនាគារ​ជូនដល់អតិថិជនទូទៅ ក៏ដូចជាភ្ញៀវ VIP និង VVIP ក្នុងការទទួលបានសេវាធនាគារ​ប្រកបដោយប្រណីត​ភាព និងឯកជនភាពបំផុត។ បន្ថែមលើភាពទាក់ទាញទាំងនេះ អគារធនាគារ វីងថៅវើ ក៏មានមជ្ឈមណ្ឌល​នវានុវត្តន៍ ដែលជាទីតាំងសម្រាប់ធនាគារវីង បន្តនូវចក្ខុវិស័យយ៉ាងសកម្មរបស់ខ្លួន​ក្នុងការដឹកនាំបង្កើត​ដំណោះស្រាយឌីជីថលសម្របតាមតម្រូវការប្រជាជនកម្ពុជាគ្រប់រូប។

ការគិតឆ្ពោះទៅមុខ ដើម្បីក្លាយជាធនាគារដែលមានការរួមបញ្ចូលគ្នា រវាងសេវាធនាគារបែបប្រពៃណី និង​សមត្ថ​ភាពឌីជីថល របស់ធនាគារវីង បានបង្ហាញយ៉ាងច្បាស់នៅលើជញ្ជាំងអគារធនាគារវីងថៅវើ។ តាម​រយៈ​កម្មវិធី Wing Bank App ដ៏ទំនើបរបស់ខ្លួនដែលដំណើរការដោយប្រើប្រាស់បញ្ញាសិប្បនិម្មិត អតិថិជន​អាច​រីក​រាយជាមួយសេវាកម្មហិរញ្ញវត្ថុដ៏សម្បូរបែបនៅលើចុងម្រាមដៃរបស់ពួកគេបានយ៉ាងងាយស្រួល។

ការប្តេជ្ញាចិត្តរបស់ធនាគារវីង ចំពោះបរិយាបន្ន និងការផ្តល់សិទ្ធិអំណាចផ្នែកហិរញ្ញវត្ថុ ត្រូវបានឆ្លុះបញ្ចាំង​តាម​រយៈកំណើនប្រតិបត្តិការអាជីវកម្មរបស់ខ្លួនដ៏គួរឲ្យកត់សម្គាល់។ បច្ចុប្បន្នធនាគារវីង មានការិយាល័យ​ប្រតិបត្តិការចំនួន២០ទីតាំង។ សមិទ្ធផលដ៏គួររឲ្យកត់សម្គាល់នេះ អាចសម្រេចទៅបានដោយ​សារកម្លាំង​សាមគ្គី និងការចូលរួមរបស់ក្រុមការងារ និងបុគ្គលិកទាំងអស់ ដែលបច្ចុប្បន្នមានចំនួនជិត ៣,០០០នាក់ ជាមួយ​នឹងការយកចិត្តទុកដាក់ចំពោះសមភាពយេនឌ័រ និងការផ្តល់សិទ្ធិអំណាចទៅដល់ស្រ្តី​នៅក្នុងវិស័យ​ធនាគារ។

បន្ថែមលើនេះ កិច្ចសហការជាយុទ្ធសាស្ត្រជាមួយដៃគូធំៗជាច្រើន​ដូចជាក្រុមហ៊ុនធានារ៉ាប់រងអាយុជីវិត​ព្រូ​ដិន​សល ក្រុ​ម​ហ៊ុន UnionPay ក្រុមហ៊ុនវីសា និងក្រុមហ៊ុនម៉ាស្ទ័រកាតជាដើម បានធ្វើឲ្យធនាគារវីង អាច​បង្កើតបានជាប្រព័ន្ធធនាគារដ៏រឹងមាំមួយ។

ភាពជាដៃគូទាំងនេះបានបង្កើតជាទិដ្ឋភាពហិរញ្ញវត្ថុមួយ ដែលផ្សាភ្ជាប់គ្នាទៅវិញទៅមកឥតអាក់ខាន ហើយ​បាន​ជួយឲ្យអាជីវកម្មចំនួន១៧,០០០ ស្ថាប័នរដ្ឋាភិបាលចំនួន ១០ស្ថាប័ន សហគ្រាសធុនតូច និងមធ្យម​ចំនួន៣.០០០សហគ្រាស និងក្រុមហ៊ុនឯកជនចំនួន៦០០ ទទួលបានអត្ថប្រយោជន៍​ពីប្រព័ន្ធធនាគារ​ដ៏រឹង​មាំ​មួយនេះ៕

អង្គភាពអ្នកនាំពាក្យរាជរដ្ឋាភិបាល ចេញសេចក្តីប្រកាសព័ត៌មានស្តីពីលទ្ធផល នៃដំណើរអញ្ជើញចូលរួមកិច្ចប្រជុំកំពូលរម្លឹកខួបអនុស្សាវរីយអាស៊ាន-ជប៉ុន របស់សម្តេចធិបតី ហ៊ុន ម៉ាណែត នៅទីក្រុងតូក្យូ ប្រទេសជប៉ុន

(ភ្នំពេញ)៖ នៅយប់ថ្ងៃទី១៩ ខែធ្នូ ឆ្នាំ២០២៣នេះ អង្គភាពអ្នកនាំពាក្យរាជរដ្ឋាភិបាល ចេញសេចក្តីប្រកាសព័ត៌មានស្តីពីលទ្ធផល នៃដំណើរអញ្ជើញចូលរួមកិច្ចប្រជុំកំពូល រម្លឹកខួបអនុស្សាវរីយអាស៊ាន-ជប៉ុន របស់សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នៅទីក្រុងតូក្យូ ប្រទេសជប៉ុន។