ឯកឧត្តមបណ្ឌិត ហ៊ុន ម៉ាណែត ៖ ថាមពលនៃក្តីស្រឡាញ់របស់ប្រជាពលរដ្ឋទោះរាប់ពាន់ឆ្នាំ ក៏មិនកើតទឹកនោមផ្អែមដែរ

 

ឯកឧត្តមបណ្ឌិត ហ៊ុន ម៉ាណែត ៖ រាជរដ្ឋាភិបាលនឹងបន្តគោលដៅចំនួនពីរគឺថែរក្សាសមិទ្ធផលដែលទទួលបាន និងពង្រីកសមិទ្ធផលថ្មីៗ

ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីកម្ពុជា ថ្លែងថា រាជរដ្ឋាភិបាល នាអាណត្តិទី៧ នេះ នឹងបន្តគោលដៅអនុវត្តការងារចំនួន ២គឺថែរក្សាសមិទ្ធផលដែលកំពុងទទួលបាន និងពង្រីកសមិទ្ធផលថ្មីៗ បន្ថែមទៀត។

ឯកឧត្តមបណ្ឌិត ហ៊ុន ម៉ាណែត ថ្លែងបែបនេះ នៅព្រឹកថ្ងៃទី ២៩ ខែសីហា ឆ្នាំ២០២៣ ក្នុងឱកាសអញ្ជើញជួបសំណេះសំណាលសួរសុខទុក្ខកម្មករ កម្មការិនី ប្រមាណជិត២ម៉ឺននាក់ នៅតំបន់ព្រៃស្ពឺ រាជធានីភ្នំពេញ ជាវេទិកាសារធារណៈ លើកដំបូងក្នុងឋានៈជានាយករដ្ឋមន្ត្រី។

ឯកឧត្តមបណ្ឌិត ថ្លែងបន្តថា សមិទ្ធផលដ៏ធំបំផុតដែលកម្ពុជាសម្រេចបានជិត៤០ឆ្នាំមកនេះ គឺការរក្សាបាននូវ សន្តិភាព ឯករាជ្យភាពទឹកដី និងការអភិវឌ្ឍជាតិ។ ឯកឧត្តមបណ្ឌិត ថ្លែងបញ្ជាក់ថា រាជរដ្ឋាភិបាលអាណត្តិថ្មី នៅតែរក្សានៅសមិទ្ធផលដែលទទួលបាននេះ និងពង្រីកបន្ថែមទៀតនូវសមិទ្ធផលថ្មីៗ  ពីព្រោះសន្ដិភាពពិតជាមានសារៈសំខាន់ មិនថា១០ឆ្នាំ ២០ឆ្នាំ ១០០ឆ្នាំទៅមុខទៀត វានៅតែសំខាន់ជានិច្ច៕

ឯកឧត្តមបណ្ឌិត ហ៊ុន ម៉ាណែត ថ្លែងអំណរគុណដល់ថ្នាក់ដឹកនាំអន្តរជាតិនានាដែលបានផ្ញើសារលិខិតអបអរសាទរ

ក្នុងឱកាសអញ្ជើញចុះជួបសំណេះសំណាលជាមួយកម្មករ-កម្មការិនី និយោជិត តាមរោងចក្រ សហគ្រាស ចំនួន ១៨.០០០នាក់ នៅតំបន់ព្រៃស្ពឺ ខណ្ឌពោធិ៍សែនជ័យ រាជធានីភ្នំពេញ នាថ្ងៃទី២៩ ខែសីហា ឆ្នាំ២០២៣ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានថ្លែងអំណរគុណដល់ថ្នាក់ដឹកនាំអន្តរជាតិនានា ដែលបានផ្ញើសារលិខិតអបអរសាទរ ចំពោះការឡើងតំណែងជានាយករដ្ឋមន្រ្ដីនៃកម្ពុជា សម្រាប់នីតិកាលទី៧នៃរដ្ឋសភារបស់ឯកឧត្ដម។

ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានគូសបញ្ជាក់ថា ការផ្ញើសារលិខិតអបអរសាទរនេះ គឺមិនមែនជាកាតព្វកិច្ចរបស់ប្រទេសនានា ឬប្រទេសទំនាក់ទំនងការទូតណាមួយនោះទេ។

ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ក៏បានគូសបញ្ជាក់ថា ការផ្ញើសារលិខិតអបអរសាទរនេះ គឺមានវត្តមានទាំងប្រទេសខាងលោកសេរី និងប្រទេសមិនសេរី រួមទាំងប្រទេសដែលកំពុងមានសង្រ្គាមជាមួយគ្នា ក៏ចូលរួមអបអរសាទរផងដែរ ដែលនេះបានបង្ហាញពីការ ទូតអាព្យាក្រឹត្យរបស់កម្ពុជា គឺគ្រប់ប្រទេសទាំងអស់គឺជាមិត្តរបស់កម្ពុជាទាំងអស់៕

ឯកឧត្តមបណ្ឌិត ហ៊ុន ម៉ាណែត៖ រាជរដ្ឋាភិបាលកើតឡើងពីឆន្ទៈគាំទ្ររបស់ប្រជាពលរដ្ឋជាង៦លានាក់ អ្នកថាខុសច្បាប់ជារឿងរបស់គេ

ក្នុងឱកាសអញ្ជើញចុះជួបសំណេះសំណាលជាមួយកម្មករ-កម្មការិនី និយោជិត តាមរោងចក្រ សហគ្រាស ចំនួន ១៨.០០០នាក់ នៅតំបន់ព្រៃស្ពឺ ខណ្ឌពោធិ៍សែនជ័យ រាជធានីភ្នំពេញ នាថ្ងៃទី២៩ ខែសីហា ឆ្នាំ២០២៣ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានថ្លែងថា រាជរដ្ឋាភិបាល កើតឡើងពីឆន្ទៈគាំទ្ររបស់ប្រជាពលរដ្ឋជាង៦លានាក់ដែលបានបោះឆ្នោតគាំទ្រគណបក្សប្រជាជនកម្ពុជា ចំណែកអ្នកបាតុកម្មថារដ្ឋាភិបាលខុសច្បាប់ជារឿងរបស់គេ។

ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានគូសបញ្ជាក់ថា សូមគោរពឆន្ទៈរបស់ប្រជាពលរដ្ឋជាង៦លាននាក់ដែលបានបោះឆ្នោតគាំទ្រគណបក្សប្រជាជនកម្ពុជាផង។ ឯកឧត្ដមបណ្ឌិត បានបន្តថា  ពេលនេះគឺជាពេលជជែកគ្នាពីគោលនយោបាយ និង អនុសាសន៍នានា ដើម្បីអភិវឌ្ឍន៍ប្រទេសជាតិ មិនមែនជាពេលវេលាធ្វើបាតុកម្មនោះទេ៕

ឯកឧត្តមបណ្ឌិត ហ៊ុន ម៉ាណែត ៖ ខ្ញុំគ្មានពេលឈ្លោះជាមួយក្រុមប្រឆាំងទេ មានតែពេលសម្រាប់ជួយដោះបញ្ហារបស់ប្រជាពលរដ្ឋ

 ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីកម្ពុជា ថ្លែងថា ឯកឧត្តមគ្មានពេលឈ្លោះជាមួយនឹងក្រុមប្រឆាំងនោះទេ មានតែពេលវេលាសម្រាប់តាមដានជីវភាពសុខទុក្ខ និងគិតគូរដោះស្រាយបញ្ហាជូនប្រជាពលរដ្ឋតែប៉ុណ្ណោះ។

ឯកឧត្តមបណ្ឌិត ហ៊ុន ម៉ាណែត ថ្លែងបែបនេះ នៅព្រឹកថ្ងៃទី ២៩ ខែសីហា ឆ្នាំ២០២៣ ក្នុងឱកាសអញ្ជើញជួបសំណេះសំណាលសួរសុខទុក្ខកម្មករ កម្មការិនី ប្រមាណជិត២ម៉ឺននាក់ នៅតំបន់ព្រៃស្ពឺ រាជធានីភ្នំពេញ។

ឯកឧត្តមបណ្ឌិត ហ៊ុន ម៉ាណែត ថ្លែងបន្តថា រាជរដ្ឋាភិបាលបានបង្កើតក្រុមអ្នកនាំពាក្យនាយករដ្ឋមន្ត្រី គឺដើម្បីឆ្លើយតបទៅនឹងការវាយប្រហារមកលើនាយករដ្ឋមន្ត្រី។ ឯកឧត្តមបណ្ឌិត ផ្តាំទៅក្រុមប្រឆាំងមួយក្រុមតូច ដែលចង់ឈ្លោះ ឬចង់វាយប្រហារមកលើនាយករដ្ឋមន្ត្រី សូមទាក់ទងទៅអ្នកនាំពាក្យនាយករដ្ឋមន្ត្រី តែម្តងទៅ៕

ឯកឧត្តមបណ្ឌិត ហ៊ុន ម៉ាណែត ៖ អត្រាគាំទ្ររបស់អ្នកបោះឆ្នោតលើបក្សប្រជាជនកម្ពុជា ជាង ៨២ ភាគរយជាការបង្ហាញឱ្យឃើញនូវការគាំទ្ររបស់ប្រជាពលរដ្ឋលើគោលនយោបាយបក្សប្រជាជនកម្ពុជា

 

ឯកឧត្តមបណ្ឌិត ហ៊ុន ម៉ាណែត ៖ ថ្នាក់ដឹកនាំរាជរដ្ឋាភិបាលប្តេជ្ញាប្រឹងប្រែងរក្សាសមិទ្ធផលដែលអ្នកចាស់បន្សល់ទុក ហើយបន្តប្រឹងប្រែងបង្កើតសមិទ្ធផលថ្មីជាបន្តបន្ទាប់ទៀត