(ភ្នំពេញ)៖ ល្ងាចថ្ងៃទី១០ ខែសីហា ឆ្នាំ២០២៣នេះ សម្តេចតេជោ ហ៊ុន សែន ក្នុងឋានៈជាប្រធានគណបក្សប្រជាជនកម្ពុជា បានអញ្ជើញជួបសំណេះសំណាលជាមួយសមាជិករាជរដ្ឋាភិបាលក្នុងអាណត្តិចាស់ និងសមាជិករាជរដ្ឋាភិបាលអាណត្តិថ្មី។ ជំនួបនេះបានធ្វើឡើងនៅវិមាន៧មករា ទីស្នាក់ការកណ្តាលគណបក្សប្រជាជនកម្ពុជា។
សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ អបអរសាទរដោយស្មោះជូនចំពោះឯកឧត្តមបណ្ឌិត ហ៊ុន ម៉ាណែត ក្នុងឱកាសដែលឯកឧត្តមបណ្ឌិត ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានត្រាស់បង្គាប់ផ្តល់គោរមងារ កិត្តិយសពិសេសដ៏ឧត្តុង្គឧត្តមបំផុត នៃរាជបណ្ឌិត្យសភាកម្ពុជា ជា «កិត្តិទេសាភិបាលបណ្ឌិត» តែមួយរូបគត់។
តាមសារលិខិតអបអរសាទរ សម្តេចពិជ័យសេនា ទៀ បាញ់ បានគូសបញ្ជាក់ថា៖ «ឯកឧត្តមកិត្តិទេសាភិបាលបណ្ឌិត ជាទីស្រលាញ់រាប់អាន! នៅក្នុងឱកាសដ៏មហាឧត្តុង្គឧត្ដមប្រសើរថ្លៃថ្លា ប្រកបដោយក្តីសោមនស្សរីករាយ សូមចូលរួមអបអរសាទរយ៉ាងក្លៀវក្លាចំពោះឯកឧត្តមបណ្ឌិត ហ៊ុន ម៉ាណែត ដែលត្រូវបាន ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ត្រាស់បង្គាប់ផ្តល់គោរមងារកិត្តិយសពិសេសដ៏ឧត្តុង្គឧត្តមបំផុត នៃរាជបណ្ឌិត្យសភាកម្ពុជា ជា «កិត្តិទសាភិបាលបណ្ឌិត»។
ការទទួលគោរមងារកិត្តិយសពិសេសដ៏ឧត្តុង្គឧត្តមបំផុត កិត្តិទេសាភិបាលបណ្ឌិតនេះ ជាការទទួលស្គាល់នូវស្នាដៃ ឯកឧត្តម កិត្តិទេសាភិបាលបណ្ឌិត ដែលមានគុណបំណាច់ និងស្នាដៃដ៏ត្រចះត្រចង់ ក្នុងនាមជាយុវជនជំនាន់ថ្មី និងជាឥស្សរជនដឹកនាំដ៏ឆ្នើមរបស់ព្រះរាជាណាចក្រកម្ពុជា ដែលពោរពេញទៅដោយសមត្ថភាព និងទេពកោសល្យខ្ពស់ ព្រមទាំងមានគុណធម៌ សីលធម៌ ព្រហ្មវិហារធម៌ ពិសេសបាននិងកំពុងដឹកនាំធ្វើសកម្មភាពជាគំរូជាក់ស្ដែងជាច្រើនឆ្នាំមកហើយលើវិស័យសំខាន់ៗ ដើម្បីបុព្វហេតុ ជាតិ សាសនា និងព្រះមហាក្សត្រ។
នៅក្នុងឱកាសដ៏វិសេសវិសាលនេះ ខ្ញុំសូមបួងសួងដល់គុណបុណ្យព្រះរតនៈត្រ័យ វត្ថុស័ក្តិសិទ្ធិក្នុងលោក និងទេវតាតាមជួយបីបាច់ថែរក្សាប្រទានពរជ័យ សិរីសួស្តីជ័យមង្គលវិបុលសុខ បវរមហាប្រសើរ គ្រប់ប្រការជូនចំពោះ ឯកឧត្តម កិត្តិទេសាភិបាលបណ្ឌិត ហ៊ុន ម៉ាណែត និងលោកជំទាវ ព្រមទាំងបុត្រាបុត្រីជាទីស្រលាញ់សូមបានប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូម ឯកឧត្តម កិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ទទួលនូវការរាប់អានដ៏ជ្រាលជ្រៅអំពីខ្ញុំ»៕
(ភ្នំពេញ)៖ អគ្គិសនីកម្ពុជា (EDC) បានចេញសេចក្តីជូនដំណឹងស្តីពីការអនុវត្តការងារជួសជុល ផ្លាស់ប្តូរតម្លើងបរិក្ខារនានា និងរុះរើគន្លងខ្សែ បណ្តាញអគ្គិសនី របស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ នៅថ្ងៃទី១០ ខែសីហា ឆ្នាំ២០២៣ ដល់ថ្ងៃទី១៣ ខែសីហា ឆ្នាំ២០២៣ នៅតំបន់មួយចំនួនទៅតាមពេលវេលា និងទីកន្លែងដូចសេចក្តីជូនដំណឹងលម្អិតខាងក្រោម។
អគ្គិសនីកម្ពុជាបានបញ្ជាក់ថា «ទោះជាមានការខិតខំថែរក្សា មិនឲ្យមានការប៉ះពាល់ ដល់ការផ្គត់ផ្គង់អគ្គិសនីធំដុំ ប៉ុន្តែការផ្គត់ផ្គង់ចរន្តអគ្គិសនី នៅតំបន់ខាងលើ អាចនឹងមានការរអាក់រអួលខ្លះៗ ជៀសមិនផុតដែលយើងខ្ញុំ ស្នើសុំអភ័យទោសទុកជាមុន» ៕
សូមអានសេចក្តីជូនដំណឹង របស់អគ្គិសនីកម្ពុជា ដូចខាងក្រោម៖
សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច សង្ឃឹមយ៉ាងម៉ុតមាំថាអ្នកវិនិយោគចិននឹងទទួលបានសក្តានុពល និងអាចរកដៃគូរក្នុងស្រុក ដើម្បីវិនិយោគ ក្នុងវិស័យជាច្រើន ជាពិសេស វិស័យដែលមាននៅក្នុងគម្រោង“ការផ្តួចផ្តើមខ្សែក្រវ៉ាត់ និងវិថី” ដែលអាចហុចឱកាសដ៏ល្អសម្រាប់អនាគត។
សម្តេចកិត្តិសង្គហបណ្ឌិត ថ្លែងបែបនេះខណៈដែលសម្តេចបានអញ្ជើញជាអធិបតីក្នុងពិធីសម្ពោធសមាគមសហគ្រិន ស៊ុនតឺ នៅកម្ពុជា និងពិធីប្រកាសចូលកាន់មុខតំណែងនាយក សមាគមសហគ្រិនចិនហ្វូសាននៅកម្ពុជា អាណត្តិទី២ នារសៀលថ្ងៃពុធ ៨រោច ខែទុតិយាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី៩ ខែសីហា ឆ្នាំ២០២៣។
ថ្លែងក្នុងឱកាសនោះ សម្តេចកិត្តិសង្គហបណ្ឌិតក៏បានថ្លែងនូវការកោតសរសើរដល់សមាគមសហគ្រិនចិនហ្វូសាននៅកម្ពុជា និងសភាពាណិជ្ជកម្មស៊ុនតឺ នៃទីក្រុង ហូសាន នៃសាធារណរដ្ឋប្រជាមានិតចិន ដែលបានចាប់អារម្មណ៍ចង់មកវិនិយោគនៅប្រទេសកម្ពុជា ដើម្បីពង្រឹងកិច្ចសហប្រតិបត្តិការ និងបណ្តាប្រទេសនៅក្នុងគម្រោងនៃគំនិតផ្តួចផ្តើម ខ្សែក្រវ៉ាត់ និងផ្លូវនិងជម្រុញពាណិជ្ជកម្មនៃប្រទេសទាំងពីរកាន់តែមានភាពរីកចម្រើនថែមទៀត។
សម្តេចកិត្តិសង្គហបណ្ឌិតក៏បានបន្តទៀតថា កម្ពុជា-ចិនមានប្រវត្តិទំនាក់ទំនងគ្នាយ៉ាងជិតស្និទ្ធិជាមួយគ្នាដ៏យូរលង់ណាស់មកហើយ ។ ពិធីរៀបចំថ្ងៃនេះក៏បានអបអរសាទរខួបលើកទី ៦៥ឆ្នាំ នៃចំណងការទូតប្រទេសទាំងពីរផងដែរ ។ បច្ចុប្បន្ន រដ្ឋាភិបាលនៃប្រទេសទាំងពីរបានធ្វើកិចុ្ចសហការគ្នាយ៉ាងជិតស្និទ្ធលើគ្រប់វិស័យ ក្រោមភាពជាដៃគូរយុទ្ធសាស្ត្រគ្រប់ជ្រុងជ្រោយ និងបានផ្លាស់ប្តូទស្សនកិច្ចរបស់ថ្នាក់ដឹកនាំកំពូលៗជាប្រចាំ។ សម្តេចកិត្តិសង្គហបណ្ឌិតក៏បានសង្កត់ធ្ងន់ផងដែរថា ជាមួយនឹងស្ថេរភាពនយោបាយ និងសុខសន្តិភាព និងភាពទាក់ទាញ នៃធនធានធម្មជាតិ ពលកម្មវ័យក្មេង និងច្បាប់វិនិយោគថ្មីដែលផ្តល់ការងាយស្រួលសម្រាប់ធុរកិច្ច រាជរដ្ឋាភិបាលកម្ពុជាបាន និងកំពុងតែទាក់ទាញ និងស្វាគមន៍អ្នកវិនិយោគគ្រប់ប្រទេស រួមទាំងអ្នកវិនិយោគចិនផងដែរ៕
FN (ណៃរ៉ូប៊ី)៖ ក្រុមមេបញ្ជាការយោធាអាមេរិកមានការភា្ញក់ផ្អើលជាខ្លាំងកាលពីចុងខែកក្កដាកន្លងទៅ នៅពេលទទួលបានដំណឹងពីការធ្វើរដ្ឋប្រហារយោធា នៅក្នុងប្រទេសនីហ្សេ ដែលជាសម្ព័ន្ធមិត្តដ៏សំខាន់មួយរបស់សហរដ្ឋអាមេរិក នៅក្នុងការប្រយុទ្ធប្រឆាំងនឹងក្រុមភេរវករក្នុងតំបន់អាហ្វ្រិកខាងលិច។ តែអ្វី ដែលគួរឱ្យភ្ញាក់ផ្អើលបំផុត នោះគឺវត្តមានបុរសម្នាក់តាមកញ្ចក់ទូរទស្សន៍ត្រូវបានគេឃើញស្ថិតនៅក្នុងចំណោមក្រុមមេរដ្ឋប្រហារ ហើយបុរសម្នាក់នេះគឺ ឧត្ដមសេនីយ៍ត្រី មូសសា សាឡាអ៊ូ បាមូ (Moussa Salaou Barmou)។
លោក បាមូនេះឯងជាបុរសម្នាក់ដែលយោធាអាមេរិកស្រឡាញ់ពេញចិត្តអស់រយៈពេលជាង ៣០ឆ្នាំមកនេះ។ បុរសម្នាក់នេះឯងដែលសហរដ្ឋអាមេរិក បញ្ជូនទៅ National Defense University ជាសាកលវិទ្យាល័យដ៏ល្បីមួយក្នុងទីក្រុងវ៉ាស៊ីនតោន។ បុរសម្នាក់នេះហើយដែលបានអញ្ជើញមន្ត្រីអាមេរិក ទៅផ្ទះរបស់លោកដើម្បីទទួលទានអាហារពេលល្ងាច។ បុរសម្នាក់នេះហើយទទួលបន្ទុកដឹកនាំកងកម្លាំងពិសេសដ៏សំខាន់មួយ ក្នុងប្រតិបត្តិការកម្ចាត់ ក្រុមភេរវករ ដូចជាអាល់កៃដា និង ISIS នៅទូទាំងតំបន់អាហ្រិ្វក។
នារយៈពេលជាង២សប្ដាហ៍មកនេះ ពោលគឺចាប់តាំងពីផ្ទុះរដ្ឋប្រហារយោធានៅនីហ្សេមក លោក បាមូ ត្រូវបានគេចាត់ទុកថាជាឆាណែលការទូតដ៏ចម្បង រវាងសហរដ្ឋអាមេរិក និងរបបសឹក។ ក្រុមមន្ត្រីយោធា និងការទូតអាមេរិកមានលេខទូរស័ព្ទទំនាក់ទំនងរបស់លោក បាមូ នៅក្នុងទូរស័ព្ទដៃរបស់ពួកគេ ហើយគិតថាលោកជាឱកាសមួយដ៏ល្អប្រសើររបស់ពួកគេដើម្បីស្ដារប្រជាធិបតេយ្យ និងការទប់ស្កាត់កុំឱ្យភាពចលាចល ឬសង្រ្គាមផ្ទុះឡើងធ្វើឱ្យតំបន់ អាហ្រ្វិកខាងលិចទាំងមូលដែលជាតំបន់ក្រីក្របំផុតមួយនៅលើពិភពលោកធ្លាក់ចូលកាន់តែជ្រៅទៅក្នុងវិបត្តិ។ កាលពីថ្ងៃចន្ទដើមសប្ដាហ៍កន្លងទៅនេះ លោក បាមូ បានអង្គុយជជែកពិភាក្សារយៈពេលជាង ២ម៉ោង ជាមួយអនុរដ្ឋមន្ត្រីការបរទេសអាមេរិកស្ដីទី លោកស្រី Victoria Nuland នៅក្នុងរដ្ឋធានី នីញ៉ាម៉េ នៃប្រទេសនីហ្សេ។ ជំនួបនេះមិនបានទទួលលទ្ធផលផ្លែផ្កានោះទេ ប៉ុន្តែលោកស្រី Nuland បានជំរុញឱ្យលោក បាមូ ជួយសម្របសម្រួល កិច្ចព្រមព្រៀងមួយដែលអនុញ្ញាតឱ្យនីហ្សេ និងសម្ព័ន្ធមិត្តលោកខាងលិចត្រឡប់មកប្រយុទ្ធប្រឆាំងនឹងពួកអាល់កៃដា ISIS និងពួកសកម្មប្រយុទ្ធ Boko Haram ព្រមទាំងបញ្ឈប់កុំឱ្យនីហ្សេក្លាយជាមូលដ្ឋានមួយផ្សេងទៀតនៅអាហ្រ្វិកសម្រាប់រុស្ស៉ី និងទាហានរុស្ស៉ីឈ្នួល Wagner។
* យុទ្ធសាស្ត្រតំបន់សាហែល (Sahel)
សាហែល (Sahel) ជាតំបន់មួយស្ថិតនៅភាគខាងត្បូងនៃវាលខ្សាច់សាហារ៉ា (Sahara) ជាដែលពួកភេរវកររាប់ពាន់នាក់ត្រូវបានសម្លាប់ក្នុងរយៈពេល ប៉ុន្មានឆ្នាំថ្មីៗនេះដោយធ្វើឱ្យតំបន់នេះក្លាយជាសមរភូមិដ៏ធំមួយនៅក្នុងចំណោមសមរភូមិធំៗរបស់ពិភពលោកប្រឆាំងនឹងពួកភេវករអស់ជាង ២០ឆ្នាំ មកនេះ។ ចំណុចស្នូលនៃយុទ្ធសាស្ត្រយោធាអាមេរិក គឺបញ្ជូនកុម្ម៉ង់ដូរពិសេសអាមេរិកឱ្យជួយបណ្ដុះបណ្ដាលកងកម្លាំងពិសេសក្នុងតំបន់ ដើម្បីដឹកនាំ យុទ្ធនាការប្រឆាំងភេរវកម្ម ហើយកងទ័ពរបស់លោក បាមូ គឺជាគន្លឹះសំខាន់នៃយុទ្ធសាស្ត្រនេះ។
បើតាមឧត្តមសេនីយ៍ទោចូលនិវត្តន៍នៃកងទ័ពអាកាសអាមេរិក លោក Mark Hicks ផលប្រយោជន៍យុទ្ធសាស្ត្ររបស់សហរដ្ឋអាមេរិកនៅក្នុងតំបន់អាហ្រ្វិក ខាងលិច នឹងរងផលប៉ះពាល់យ៉ាងខ្លាំង ប្រសិនបើសហរដ្ឋអាមេរិកបាត់បង់មូលដ្ឋានដ៏រឹងមាំនៅក្នុងប្រទេសនីហ្សេ ដោយសារតែការធ្វើរដ្ឋប្រហារយោធា។ ជាង២ឆ្នាំមកនេះ រដ្ឋប្រហារយោធាបានកើតឡើងជាបន្តបន្ទាប់ដូចជានៅក្នុងប្រទេសម៉ាលី បួរគីណាហ្វាសូ និងសព្វថ្ងៃនៅនីហ្សេ បាន និងកំពុងបង្កឱ្យមាន ការចោទសួរថាតើសហរដ្ឋអាមេរិក អាចនឹងជួយបណ្ដាប្រទេសក្នុងតំបន់សាហែល ការពារខ្លួនឯងប្រឆាំងនឹងពួកភេវរករបានដែរឬក៏យ៉ាងណា ក្នុងបរិបទដែល ទីក្រុងមូស្គូកំពុងសម្លឹងឃើញការទាញយកប្រយោជន៍ពីអស្ថិរភាព។ បណ្ដាប្រទេសក្បែរខាងនីហ្សេ ក្នុងនោះរួមានមហាអំណាចក្នុងតំបន់ដូចជានីហ្សេរីយ៉ា បានគំរាមធ្វើអន្តរាគមន៍យោធាដើម្បីរំដោះប្រធានាធិបតី លោក មហំាម៉ាត់ បាហ្សូម (Mohamed Bazoum) ដែលកំពុងជាប់ឃុំនៅក្នុងរដ្ឋធានីនីញ៉ាម៉េ។ ប៉ុន្តែ ក្នុងពេលដំណាលគ្នា របបយោធានៅក្នុងប្រទេសបួរគីណាហ្វាសូ និងម៉ាលី ដែលទទួលឱ្យទាហានស៊ីឈ្នូល Wagner ឈរជើងបានសន្យាផ្ដល់ការគាំទ្រដល់ របបយោធាថ្មីនៅនីហ្សេ ជាហេតុបង្កឱ្យមានការព្រួយបារម្ភពីការផ្ទុះជាសង្រ្គាមនៅក្នុងតំបន់អាហ្រ្វិកខាងលិចទាំងមូល។
លោក បាមូ ធ្លាប់ជាមេបញ្ជាការកងកម្លំាងពិសេសរបស់នីហ្សេ មុននឹងត្រូវរបបសឹកដំឡើងតំណែងជានាយសេនាធិការកងទ័ពនីហ្សេ។ កងទ័ពរបស់លោក បានប្រកៀកស្មាជាមួយកងកុម្ម៉ង់ដូរពិសេសអាមេរិក American Green Berets រហូតទាល់តែមានរដ្ឋប្រហារយោធាទម្លាក់លោកប្រធានាធិបតី បាហ្សូម ចេញពីអំណាចកាលពីថ្ងៃទី២៦ ខែកក្កដាកន្លងទៅ។ ដូចគ្នាទៅនឹងលោក បាមូ លោក បាហ្សូម ក៏ជាសំណព្វចិត្តរបស់សហរដ្ឋអាមេរិកផងដែរ ដូច្នេះទើប រដ្ឋបាលលោក ចូ បៃដិន បានអំពាវនាវឱ្យមានការប្រគល់អំណាចឱ្យលោក បាហ្សូមវិញជាបន្ទាន់។ សហរដ្ឋអាមេរិកបានចំណាយលុយ ៥០០លានដុល្លារ ដើម្បីពង្រឹងសមត្ថភាពកងទ័ពនីហ្សេ ក្នុងនោះរួមមានទាំងកញ្ចប់ថវិកា ១១០លានដុល្លារ សម្រាប់ការកសាងមូលដ្ឋានយន្ដហោះដ្រូនអាមេរិកក្នុងទីក្រុង Agadez និងបានដាក់កងទ័ពអាមេរិក ១,១០០នាក់ឈរជើងក្នុងប្រទេសនេះ។ តែក្រោយរដ្ឋប្រហារយោធាផ្ទុះឡើង សហរដ្ឋអាមេរិកបានប្រកាសផ្អាកការ បណ្ដុះបណ្ដាលរបស់ខ្លួនដល់កងទ័ពនីហ្សេ ក៏ដូចជាកាត់បន្ថយជំនួយយោធាមួយចំនួនផងដែរ។ ម្យ៉ាងវិញទៀត ដោយសារតែក្រសួងការបរទេសអាមេរិក ចាត់ទុកថាការបះបោរនៅក្នុងប្រទេសនីហ្សេគឺជាការធ្វើរដ្ឋប្រហារយោធា នោះបើតាមច្បាប់អាមេរិកនឹងតម្រូវឱ្យមានការកាត់បន្ថយជំនួយបន្ថែមទៀត ខណៈ ទីក្រុងវ៉ាស៊ីនតោនសន្យាថានឹងបន្តផ្ដល់ជំនួយជាស្បៀងអាហារ និងមនុស្សធម៌ដល់នីហ្សេ។
លោក បាមូគឺជាមនុស្សម្នាក់ដែលដឹងច្បាស់បំផុតថារដ្ឋប្រហារអាចនឹងធ្វើឱ្យបាត់បង់ការគាំទ្រដ៏សំខាន់ទាំងនេះ។ ប៉ុន្តែនៅក្នុងអត្ថបទមួយចុះផ្សាយដោយ កាសែត The Wall Street Journal នៅប៉ុន្មានថ្ងៃក្រោយរដ្ឋប្រហារ ឧត្ដមសេនីយ៍សំណព្វរបស់សហរដ្ឋអាមេរិករូបនេះបាននិយាយថា «ប្រសិនបើវាគឺជាតម្លៃ តបស្នងដល់អធិបតេយ្យរបស់យើង ចូធ្វើវាចុះ»។ លោក បាមូ មិនបានឆ្លើយតបនឹងសំណួរបញ្ជាក់បន្ថែមពីលើអ្វីដែលលោកបានលើកឡើងនេះទេ។
គួរបញ្ជាក់ថា បច្ចុប្បន្ន ក្រុមមន្ត្រីអាមេរិកកំពុងព្យាយាមស្វែងរកឱ្យឃើញថាតើលោក បាមូ បានសម្រេចចិត្តថារូបលោក និងកងទ័ពរបស់លោកគឺជាក្ដីសង្ឃឹមនៃ ស្ថិរភាពរបស់ប្រទេសនីហ្សេ ឬក៏លោកមានឆន្ទៈជួយជ្រោមជ្រែងត្រួសត្រាយផ្លូវឆ្ពោះទៅតុចរចាប្រគល់អំណាចទៅឱ្យរដ្ឋាភិបាលស៊ីវិលវិញ។ ក្រុមមន្ត្រីសន្តិសុខ នៃបណ្ដាប្រទេសអាហ្រ្វិកខាងលិចដទៃទៀត បាននិយាយថាជោគជ័យរបស់សហរដ្ឋអាមេរិក នៅក្នុងការធ្វើឱ្យលោកបាមូឈរនៅខាងអាមេរិក គឺជារឿងមួយ ដ៏សំខាន់ដើម្បីបញ្ចៀសកុំឱ្យមានសង្រ្គាមបង្ហូរឈាម។ បើតាមក្រុមមន្ត្រីទាំងនេះ សហរដ្ឋអាមេរិកក៏ត្រូវជ្រើសរើសផងដែរថាចង់បន្តឈរជើងនៅនីហ្សេ ឬក៏ចង់ ទុកកន្លែងឱ្យទាហានស៊ីឈ្នួលរុស្ស៉ី Wagner។
រដ្ឋាភិបាលអាមេរិកធ្លាប់បានបញ្ជូនលោក បាមូ ទៅចូលរួមវគ្គសិក្សាជាច្រើនដូចជាការបណ្ដុះបណ្ដាលពីរបៀបដឹកនាំការវាយប្រហារថ្មើរជើង និងការលោតឆត្រ យោងចេញពីយន្ដហោះជាដើម។ លោក បាមូក៏ធ្លាប់ចូលរួមវគ្គសិក្សានៅឯសាកលវិទ្យាល័យ Joint Special Operations University ដែលចំណុះឱ្យទីស្នាក់ការ នៃបញ្ជាការដ្ឋានកងកម្លាំងប្រតិបត្តិការពិសេសអាមេរិក (U.S. Special Operations Command) ស្ថិតនៅក្នុងទីក្រុង Tampa នៃរដ្ឋផ្ល័រីដា ផងដែរ។ ដូច្នេះបើ ទោះជាកិច្ចចរចាមានភាពយឺតយ៉ាវរវាងសហរដ្ឋអាមេរិក និងរបបសឹកក៏ពិតមែន ក៏មិត្តភក្តិអាមេរិកកាំងរបស់លោក បាមូ នៅតែជឿថាឧត្តមសេនីយ៍រូបនេះអាច ជួយឱ្យមានកិច្ចពិភាក្សានយោបាយ និងមានទំនោរផ្ទាល់ខ្លួនក្នុងការបញ្ចុះបញ្ចូលឱ្យមានដំណោះស្រាយមួយដែលអាចរក្សានីហ្សេឱ្យឈរនៅខាង សហរដ្ឋអាមេរិក។ ក៏ប៉ុន្តែ អ្វីដែលគេត្រូវរង់ចាំមើលនោះគឺថាតើផលប្រយោជន៍រវាងលោក បាមូ និងសហរដ្ឋអាមេរិក នឹងផ្ដាច់ចេញពីគ្នាដែរ ឬក៏យ៉ាងណា៕
