សម្តេចតេជោ ហ៊ុន សែន អនុញ្ញាត ឱ្យនាយកប្រតិបត្តិក្រុមហ៊ុនមីនីបៀ ជួបសម្តែងការគួរសម

នៅវិមានសន្តិភាព នាព្រឹកថ្ងៃអង្គារ ១៣រោច ខែអាសាឍ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៦ ខែកក្កដា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យលោក យ៉ូស៊ីហ៉ីសា កៃនុម៉ា (Yoshihisa Kainuma) នាយកប្រតិបត្តិក្រុមហ៊ុនមីនីបៀ (Minebea Mitsumi) ចូលជួបសម្តែងការគួរ និងពិភាក្សាកិច្ចមួយចំនួនពាក់ព័ន្ធការវិនិយោគរបស់ក្រុមហ៊ុននៅកម្ពុជា។

លោក កៃនូម៉ា បានគោរពរាយការណ៍ជូន សម្ដេចតេជោពីវឌ្ឍនភាពរបស់ក្រុមហ៊ុន ១០ឆ្នាំកន្លងមក ដែលក្នុងនោះ ក្រុមហ៊ុនបានដាក់ទុនវិនិយោគ សរុបប្រមាណ ១.១២៤ពាន់លានយ៉េន នៅទូទាំងពិភពលោក ដែលមាន ៩៥កន្លែង ។

លោក កៃនូម៉ា បានគោរពជម្រាបជូន សម្ដេចតេជោបន្តថា ក្រុមហ៊ុនរបស់លោក គឺយកចិត្តទុកដាក់ខ្លាំងទៅលើគុណភាព តម្លៃ សេដ្ឋកិច្ច សេវាល្អ និងល្បឿនលឿន និងជាពិសេសទៅទៀតនោះ គឺយកចិត្តទុកដាក់ខ្លាំង ទៅលើវិស័យបរិស្ថាន ។

លោក កៃនូម៉ា បានបន្ថែមថា រោងចក្ររបស់លោកផលិតភ្លើងអំពូលអិលអ៊ីឌី 100% នៅ កម្ពុជា ហើយបាននាំចេញទៅ លើទីផ្សារទូទាំងពិភពលោក ។ ដោយឡែកនៅកម្ពុជាក្រុមហ៊ុនបានតំឡើង អំពូល LED បានចំនួន 18.880 អំពូល ដែលក្នុងនោះ បានជួយដល់ការកាត់បន្ថយការប្រើប្រាស់អគ្គិសនីផង ការកាត់បន្ថយការសាយភាយឧស្ម័ន កាបូនិចផង ព្រមទាំងកាត់បន្ថយ ការចំណាយលើ អគ្គិសនីប្រមាណ១លានដុល្លារក្នុង១ឆ្នាំផង។

ឆ្លៀតក្នុងឱកាសនេះដែរ លោក កៃនូម៉ា បានគោរពថ្លែងអំណរគុណ សម្ដេចតេជោ, មន្ត្រីសុខាភិបាល , ក្រុមគ្រូពេទ្យស្ម័គ្រចិត្តទាំងអស់ ក្រុមគ្រូពេទ្យស្ម័គ្រចិត្ត TYDA ដែលបានយកចិត្តទុកដាក់ជួយដល់កម្មករ ក្រុមហ៊ុនឲ្យរួចផុតពីការរាតត្បាត ពីជំងឺកូវីដ-១៩, ដោយក្នុងចំណោម កម្មករជាង ៦ពាន់នាក់ មានតែកម្មករចំនួន ៧៨នាក់ប៉ុណ្ណោះ ដែលបានឆ្លងជំងឺ covid-19 ហើយរោងចក្ររបស់លោក នៅបន្តដំណើរការជារៀងរហូត ពុំមានការខកខានក្នុងចង្វាក់ផលិតកម្ម និងចង្វាក់ផ្គត់ផ្គង់ឡើយ ។ លោកកៃនូម៉ា បានគោរពអញ្ជើញសម្ដេចតេជោជាអធិបតីក្នុង ពិធីខួបទី ១០ឆ្នាំ នៃវត្តមានរបស់ក្រុមហ៊ុន មីនីបៀ នៅកម្ពុជា ។

ជាការឆ្លើយតប សម្ដេចតេជោ បានថ្លែងអំណរគុណ ចំពោះលោកកៃនូម៉ា ដែលបានរាយការណ៍ អំពីវឌ្ឍនភាពរបស់ក្រុមហ៊ុន រយៈពេល ១០ឆ្នាំកន្លងមក ហើយបានសម្ដែងនូវការរីករាយនិងសាទរជូនចំពោះ ក្រុមហ៊ុន ដែលរយៈពេល ១០ ឆ្នាំកន្លងមក ទទួលបានជោគជ័យ, ពង្រីកសកម្មភាពរបស់ខ្លួន ជាបន្តបន្ទាប់។

សម្ដេចតេជោ បានថ្លែងអំណរគុណផងដែរ ដល់លោកកៃនូម៉ា ដែលបានចូលរួមចំណែកក្នុងការទប់ស្កាត់ជំងឺកូវីដ19 ហើយសម្តេចតេជោ ក៏បានទទួលយកការអញ្ជើញ ជាអធិបតី ក្នុងពិធីខួប ១០ ឆ្នាំ របស់ក្រុមហ៊ុនមីនេបៀនៅកម្ពុជា ។

សម្ដេចតេជោ បានរំឭកអំពីប្រវត្តិក្រុមហ៊ុនមីនីបៀ ជាពិសេសនៅពេលដែលក្រុមហ៊ុនសម្រេចចិត្តមកវិនិយោគ នៅកម្ពុជាដែលពេលនោះ សម្ដេចតេជោ បានអនុវត្តនូវយុទ្ធសាស្ត្រ ២ នោះគឺត្រីណាមកដល់មុនគឺចាប់យកត្រីនោះ និងត្រូវធ្វើយ៉ាងណា ឲ្យក្រុមហ៊ុនទាំងអស់ ដែលមកកម្ពុជា មានជំនឿចិត្ត ចំពោះកម្ពុជា ៕

លិខិតមិត្តអ្នកអាន៖ តើអ្នកដឹងទេថា តើកម្ពុជាជាប្រទេសដែលមានសំណាងប៉ុណ្ណា?

ប្រទេសកម្ពុជា ត្រូវបានគេប្រសិទ្ធនាមថាជាដែនដីសុវណ្ណភូមិ ដែលសម្បូរណ៍ទៅដោយធនធានធម្មជាតិច្រើនប្រភេទ ទាំងរ៉ែមាស ត្បូងមានតម្លៃ ព្រៃឈើ សមុទ្រ ទន្លេ បឹងបួរ ហើយកត្តាអាកាសធាតុក៏អំណោយផលល្អដល់ការរស់នៅរបស់មនុស្សសត្វ និងការដំាំដុះដំណាំគ្រប់ប្រភេទ។ លើសពីសម្បត្តិធម្មជាតិដ៏សំបូរបែបដែលរៀបរាប់មិនអស់ កម្ពុជាពិតជាមានសំណាងធំណាស់ ដែលមាននូវសម្បត្តិបេតិកភ័ណ្ឌវប្បធម៌ដ៏ច្រើនសន្ធឹកសន្ធាប់ដែលបានបន្សល់ទុកពីដូនតាមក។ តាមរយៈវត្ថុបុរាណ បុរាណដ្ឋាន ប្រាង្គប្រសាទបុរាណ និងសម្បត្តិវប្បធម៌ទាំងរូបិយ និងអរូបិយជាច្រើនអនេក បានបង្ហាញពិភពលោកឱ្យដឹងថា កម្ពុជាពិតជាប្រទេសដែលមានអារ្យធម៌ដ៏រុងរឿងគួរជាទីមោទន។ ក្នុងអតីតកាល ខ្មែរធ្លាប់ជាមហានគរដ៏រុងរឿង សុះសាយ ល្បីរន្ទីនៅក្នុងតំបន់អាស៊ីភាគអាគ្នេយ៍នេះ បើទោះបីប្រជាជាតិខ្មែរបានឆ្លងកាត់ប្រវត្តិសាស្ត្រដ៏គួរឱ្យសោកស្តាយនិងរន្ធត់នៅចុងសតវត្សទី២០កន្លងទៅនេះក្តី។

សម្រាប់ស្ថានភាពសង្គមជាតិនាពេលបច្ចុប្បន្ននេះ យុវជនជំនាន់ថ្មីដែលជាសរសរទ្រូងរបស់ប្រទេសជាតិ តើពួកគេយល់យ៉ាងណាដែរ? 

តាមការធ្វើសង្កេតស្រាវជ្រាវលើការសិក្សារៀនសូត្រ ការងារ ប្រាក់ចំណូលគ្រួសារ និងជីវិតរស់នៅជាក់ស្តែងក្នុងសង្គមកម្ពុជាបច្ចុប្បន្ន បានបង្ហាញថា ប្រជាជនសម័យថ្មីនេះ ជាពិសេស យុវជន យុវនារី ដែលកើតក្រោយថ្ងៃរំដោះ៧មករា ពួកគេកំពុងមានមោទនភាពនឹងជីវិតបែបស៊ីវីល័យ ភាគច្រើនមិនសូវខ្វល់ខ្វាយ ឬចាប់អារម្មណ៍ខ្លាំងទៅលើ រឿងរ៉ាវអតីតកាលរបស់កម្ពុជានោះទេ ដោយសារតែពួកគេរវល់តែផ្តោតការយកចិត្តទុកដាក់ខ្លាំង ទៅលើជីវិតរស់នៅប្រចាំថ្ងៃរបស់ពួកគេ ទាំងការសិក្សារៀនសូត្រ និងការប្រកបរបរចិញ្ចឹមជីវិត។ ប្រជាពលរដ្ឋខ្មែរសម័យនេះ ពួកគេគិតគូខ្លាំងពីអនាគត និងការប្រកួតប្រជែងក្នុងបរិបទសាកលភាវូបនីយកម្មដ៏សម្បូរបែប។ បច្ចុប្បន្ន គេអាចនិយាយបានថា ការរីកចំរើនយ៉ាងលឿនរហ័សនៃបច្ចេកវិទ្យា វិទ្យាសាស្ត្រ និងលំហូរយ៉ាងលឿននៃការរស់នៅតាមបែបផែនវប្បធម៌សាកលភាវូបនីយកម្មមកក្នុងសង្គមកម្ពុជា បាននិងកំពុងនាំឱ្យយុវជនខ្មែរសម័យថ្មី ស្ទុះស្ទារ និងប្រឹងប្រែងខ្លាំងទៅលើការចង់ចេះចង់ដឹងនូវ ចំណេះវិជ្ជាថ្មីៗ បច្ចេកវិទ្យាថ្មី ដើម្បីជួយដល់ការប្រកបរបរចិញ្ចឹមជីវិត ការប្រកួតប្រជែងអាជីវកម្ម និងអនាគតរបស់ពួកគេនិងកូនចៅរបស់ពួកគេ។ យុវជនមួយចំនួនទៀត បាននិងកំពុងប្រឹងប្រែងកសាងឧត្តមភាព កេត្តិ៍ឈ្មោះក្នុងសង្គម និងគុណតម្លៃរៀងៗខ្លួន ដោយខ្លះខំរៀនក្នុងស្រុកឱ្យបានពូកែ ព្រមទាំងបន្តការសិក្សាទៅក្រៅប្រទេស និងជុំវិញពិភពលោក នូវថ្នាក់សិក្សាជាន់ខ្ពស់ថែមទៀតផង។ ការរីកចំរើនទាំងនេះ ជាកក្តាដែលធ្វើឱ្យប្រជាជនខ្មែរសម័យថ្មី រីកចំរើនខ្លាំងជាងមុន និងបានលឿនរហ័ស ទាំងចំណេះដឹង ការវិវត្តនៃផ្នត់គំនិត និងរីកចំរើនទាំងជីវភាព មុខរបរ និងសេដ្ឋកិច្ចសង្គមជាទូទៅផងដែរ។

ចុះអ្វីទៅជាកត្តាស្នូល ដែលជួយឱ្យប្រជាពលរដ្ឋខ្មែរសម័យបច្ចុប្បន្ន មានភាពរីកចំរើនបានលឿនរហ័ស ទាំងចំណេះដឹង ជីវភាព និងភាពស៊ីវីល័យ ដូចប្រទេសជឿនលឿននោះ? ចម្លើយដ៏ត្រឹមត្រូវសម្រាប់សំណួរនេះ គឺ កត្តាសុខសន្តិភាពទាំងស្រុង ទូទាំងប្រទេស ដែលកម្ពុជា កសាងបានក្រោមការដឹកនាំរបស់លោកនាយករដ្ឋមន្ត្រី ហ៊ុន សែន និងរក្សាការពារបានជិត២៤ឆ្នាំមកហើយ គឺពិតជាសំខាន់លើសអ្វីៗទាំងអស់។ មានសុខសន្តិភាព មានស្ថេរភាពនយោបាយ និងស្ថេរភាពម៉ាក្រូសេដ្ឋកិច្ច កម្ពុជានឹងបន្តរីកចំរើនជឿនលឿនទៅមុខជាលំដាប់ឥតឈប់ឈរ។ ស្ថានភាពល្អប្រសើរនៃប្រទេសកម្ពុជាក្នុងសម័យបច្ចុប្បន្ននេះ គឺមិនអាចកើតមានបានឡើយ ប្រសិនបើគ្មានការដឹកនាំដ៏ត្រឹមត្រូវ និងភាពប៉ិនប្រសព្វរបស់មេដឹកនាំខ្មែរសម័យបច្ចុប្បន្ន។ មេដឹកនាំកម្ពុជា លោកនាយករដ្ឋមន្ត្រី ហ៊ុន សែន ត្រូវបានទទួលស្គាល់ថាពិតជាមានទេពកោសល្យក្នុងការដឹកនាំខ្ពស់ និងមានភាពបត់បែនដ៏ឈ្លាសវ៉ៃ នៅគ្រប់ស្ថានការណ៍ទាំងអស់ ទាំងនយោបាយក្នុងស្រុក និងក្រៅស្រុក។ លោកនាយករដ្ឋមន្ត្រី ហ៊ុន សែន មានភាពប៉ិនប្រសព្វក្នុងការចាត់ចែងកិច្ចការងារប្រទេសជាតិ មិនថាតែរឿងក្នុងប្រទេស ក្នុងតំបន់ និងនៅលើឆាកអន្តរជាតិ។ លោកពិតជាមានសមត្ថភាពដឹកនាំខ្ពស់មិនធម្មតា ដែលអាចឈរបានយ៉ាងរឹងមាំ និងស្វាហាប់ ស្មើមុខស្មើមាត់ជាមួយបណ្តាប្រទេសនានាលើសកលលោក។  

នៅក្នុងបរិបទនៃការប្រជែងឥទ្ធិពលរបស់ប្រទេសមហាអំណាចនៅក្នុងភូមិសាស្ត្រនយោបាយបច្ចប្បន្ននេះ ធ្វើឲ្យយើងមើលឃើញកាន់តែច្បាស់ជាក់ស្តែងថា ប្រទេសកម្ពុជាគឺពិតជាមានសំណាងណាស់ ដែលអាចបន្តរស់នៅក្នុងសុខសន្តិភាព និងស្ថេរភាពសង្គមខណៈដែលប្រទេសមួយចំនួនក្នុងពិភពលោកកំពុងជួបបញ្ហាប្រឈមជាច្រើន ទាំងការរាតត្បាតនៃជំងឺកូវីដ-១៩ វិបត្តិសេដ្ឋកិច្ច សង្រា្គម ក៏ដូចជាកំណើនខ្ពស់នៃអតិផរណាផង ដែរ។ កម្ពុជាមានសំណាងណាស់ ដែលបានឆ្លងកាត់ដោយជោគជ័យនូវដំណាក់ការឆ្លងរាតត្បាតក្នុងសហគមន៍ធ្ងន់ធ្ងរនៃជំងឺកូវីដ-១៩ កាលពីឆ្នាំ២០២១កន្លងទៅ។ មកដល់បច្ចុប្បន្ននេះ ប្រជាពលរដ្ឋកម្ពុជា គឺមានសំណាងណាស់ដែលភាគច្រើនលើសលុបសុទ្ធតែបានចាក់វ៉ាក់សាំងការពារជំងឺកូវីដ-១៩ ទាំងដូសជំរុញទី៣ ដល់ទី៥រួចទៅហើយ។ នេះជាកក្តាជោគជ័យមួយដែលកម្ពុជា បង្កើតបាននូវភាពស៊ាំសហគមន៍ ដែលធ្វើឲ្យកម្ពុជាមានឱកាសងើបឡើងវិញពីវិបត្តិសកលដែលបណ្តាលមកពីឥទ្ធិពលនៃជំងឺកូវីដ-១៩ បានលឿន។ ទាំងនេះគឺដោយសារកម្ពុជាមានមេដឹកនាំដ៏ឈ្លាសវៃនិងប្រសព្វប្រកបដោយគតិបណ្ឌិតគឺលោកនាយករដ្ឋមន្ត្រីហ៊ុន សែន។

យើងគួរកកត់សំគាល់ថា បើត្រឹមតែកម្ពុជាមានភាពសុខសាន្តដូចបច្ចុប្បន្ននេះ កម្ពុជាពិតជាមានសំណាងធំណាស់ទៅហើយ ដូច្នេះក្នុងនាមពលរដ្ឋកម្ពុជា យើងគួរតែខិតខំ រួមគ្នាបន្ថែមទៀត ដើម្បីកសាងជាតិយើង ក្រោមការដឹកនាំដ៏ត្រឹមត្រូវ និងឈ្លាសវ៉ៃរបស់រាជរដ្ឋាភិបាលកម្ពុជា ដើម្បីអាចបន្តរស់ក្នុងភាពសុខសប្បាយ និងទទួលបានភាពរីកចំរើនតទៅមុខទៀត៕    

ដោយ៖ ស ជាតិ

អាស៊ាន ចេញសេចក្តីថ្លែងការណ៍សម្តែងការតក់ស្លុត និងសោកសៅយ៉ាងក្រៃលែងចំពោះមីយ៉ាន់ម៉ា ដែលប្រហារជីវិតសកម្មជនបក្សប្រឆាំង៤នាក់

សេចក្តីថ្លែងការណ៍របស់ប្រធានអាស៊ាន ស្តីពីការប្រហារជីវិតសកម្មជនបក្សប្រឆាំងបួននាក់នៅមីយ៉ាន់ម៉ា ថ្ងៃទី២៥ ខែកក្កដា ឆ្នាំ២០២២

តំណភ្ជាប់៖ https://bit.ly/3zyfHqa

ASEAN Chairman’s Statement on the Execution of Four Opposition Activists in Myanmar, 25 July 2022

Link: https://bit.ly/3vfLKJ7 ***********

(ភ្នំពេញ)៖ អាស៊ានបានចេញសេចក្តីថ្លែងការណ៍មួយដោយបង្ហាញពីក្តីតក់ស្លុត និងសោកសៅយ៉ាងក្រៃលែងចំពោះប្រទេសមីយ៉ាន់ម៉ា ដែលប្រហារជីវិតសកម្មជនបក្សប្រឆាំងចំនួន ០៤រូប។ 

សកម្មជនបក្សប្រឆាំងចំនួន ០៤រូបនោះ ដែលត្រូវរបបយោធាមីយ៉ាន់ម៉ាកាត់ទោសប្រហារជីវិតនោះ រួមមាន៖ លោក ភ្សូ ហ្សេយ៉ា ថរ, លោក ក្យរ មីនយូ, លោក ឡា មីយូ អោង និងលោក អោង ធូរ៉ា ហ្ស បើទោះបីមានការស្នើសុំឱ្យពិចារណាឡើងវិញ លើសេចក្តីសម្រេចផ្តន្ទាទោសលើជនទាំងនោះដោយផ្ទាល់ពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងនាមជាប្រធានអាស៊ាន ក៏ដូចជាសំណូមពរពីសំណាក់រដ្ឋសមាជិកអាស៊ានដទៃទៀតយ៉ាងណាក្តី។

អាស៊ានបានចាត់ទុកថា នេះជាបញ្ហាដែលអាស៊ានយកចិត្តទុកដាក់យ៉ាងខ្លាំង។

តាមរយៈសេចក្តីថ្លែងការណ៍ដដែល បានឱ្យដឹងថា ខណៈដែលមានការទទួលស្គាល់នូវភាពស្មុគស្មាញនៃវិបត្តិ ព្រមទាំងកំដៅទោសៈមោហៈផ្ទុះឡើងគ្រប់ទិសទីក្នុងប្រទេសមីយ៉ាន់ម៉ា អាស៊ានជារួមបានអំពាវនាវឱ្យភាគីពាក់ព័ន្ធទាំងអស់មានការអត់ទ្រាំ និងភាពអត់ធ្មត់ជាអតិបរិមា ហើយខិតខំចៀសវាងមិនធ្វើឱ្យជម្លោះរីករាលដាលកាន់តែខ្លាំង។ គឺជាទង្វើរមិនអាចអត់ឱនបានធ្ងន់ធ្ងរណាស់ ព្រោះវាបានទាញថយក្រោយនូវវឌ្ឍនភាព និងថែមទាំងសបញ្ជាក់ច្បាស់ពីកង្វះឆន្ទៈគាំទ្រកិច្ចខិតខំប្រឹងប្រែង ជាពិសេសរបស់ប្រធានអាស៊ាន ក្នុងការជួយពន្លឿនវឌ្ឍនភាពនៃការអនុវត្តកិច្ចព្រមព្រៀងជាឯកច្ឆន្ទ ៥ចំណុច ពោលគឺការកសាងភាពជឿជាក់ និងទំនុកចិត្តដើម្បីឱ្យធ្វើមានកិច្ចសន្ទនាក្នុងចំណោមភាគីពាក់ព័ន្ធទាំងអស់ សំដៅបញ្ចប់អំពើហិង្សាការអនុវត្តទោសប្រហារជីវិតតែមួយសប្ដាហ៍មុនកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងសម្រាលទុក្ខវេទនារបស់ប្រជាជនស្លូតត្រង់។

អាស៊ាន នៅតែប្រកាន់ខ្ជាប់គោលការណ៍ដែលមានចែងក្នុងធម្មនុញ្ញអាស៊ាន និងកិច្ចព្រមព្រៀងជាឯកច្ឆន្ទ៥ចំណុច។ ក្នុងនាមជាប្រធានអាស៊ាន កម្ពុជាសូមលើកបន្ទរនូវសំឡេងដ៏លើសលុបក្នុងមជ្ឈដ្ឋានអាស៊ាន ក៏ដូចជាសហគមន៍អន្តរជាតិ ដែលជំរុញឱ្យអាជ្ញាធរទីក្រុងណៃពិដោ ចាត់វិធានការជាក់ស្ដែង ដើម្បីអនុវត្តកិច្ចព្រមព្រៀងជាឯកច្ឆន្ទ ៥ចំណុច ឱ្យបានពេញលេញ និងប្រកបដោយប្រសិទ្ធភាព។

អាស៊ានបន្តអំពាវនាវយ៉ាងខ្លាំងក្លា និងជាបន្ទាន់ដល់ភាគីទាំងអស់ឱ្យចៀសវាងនូវសកម្មភាពទាំងឡាយណាដែលធ្វើឱ្យវិបត្តិនៅមីយ៉ាន់ម៉ាកាន់តែធ្លាក់ដុនដាប រារាំងដល់ការសន្ទនាដោយសន្តិវិធីក្នុងចំណោមភាគីពាក់ព័ន្ធទាំងអស់ និងបង្កគ្រោះថ្នាក់ដល់សន្តិភាព សន្តិសុខ និងស្ថិរភាព ទាំងនៅមីយ៉ាន់ម៉ា និងក្នុងតំបន់ទាំងមូល។

អាស៊ាន នៅតែតាំងចិត្តបន្តរិះរកវិធីសាស្ត្រជួយមីយ៉ាន់ម៉ាឱ្យត្រឡប់ទៅរកប្រក្រតីភាព និងដំណើរការកែប្រែទៅរកលទ្ធិប្រជាធិបតេយ្យ ហើយស្វែងរកដំណោះស្រាយនយោបាយដោយសន្តិវិធីចំពោះវិបត្តិបច្ចុប្បន្ន តាមរយៈកិច្ចសន្ទនាប្រកបដោយបរិយាប័ន្ន ដែលដឹកនាំដោយមីយ៉ាន់ម៉ា និងជារបស់មីយ៉ាន់ម៉ាខ្លួនឯង ស្របទៅតាមកិច្ចព្រមព្រៀងជាឯកច្ឆន្ទ ៥ចំណុច និងធម្មនុញ្ញអាស៊ាន។ ទាំងនេះគឺជាតម្រូវការបន្ទាន់ ដើម្បីទប់ស្កាត់ការបាត់បង់ជីវិតមនុស្សកាន់តែច្រើន និងបំបាត់នូវទុក្ខវេទនារបស់ប្រជាជន៕

វិភាគអន្តរជាតិ៖ តើចិននឹងធ្វើបែបណា បើប្រធានសភាតំណាងរាស្ត្រអាមេរិក បំពេញទស្សនកិច្ចនៅតៃវ៉ាន់?

(វ៉ាស៊ីនតោន)៖ ប្រធានាធិបតីអាមេរិក លោក ចូ បៃដិន កាលពីសប្ដាហ៍មុនបានបង្ហើបឱ្យដឹងថាទីប្រឹក្សាយោធា និងសន្តិសុខជាតិរបស់លោកបានជំទាស់ទៅនឹងផែនការ បំពេញទស្សនកិច្ចរបស់ប្រធានសភាតំណាងរាស្ត្រអាមេរិក លោកស្រី ណាន់ស៊ី ផេឡូស៊ី (Nancy Pelosi) មកកាន់កោះតៃវ៉ាន់ នៅខែសីហាខាងមុខនេះ។ ផែនការនៃ ដំណើរទស្ស នកិច្ចរបស់លោកស្រី ផេឡូស៊ី ត្រូវបានចុះផ្សាយមុនគេដោយកាសែត Financial Times ដែលបានរាយការណ៍ថាលោកស្រី នឹងដឹកនាំប្រតិភូសភាអាមេរិកមួយ ក្រុមបំពេញទស្សនកិច្ចមកកាន់កោះតៃវ៉ាន់ ជប៉ុន សិង្ហបុរី ឥណ្ឌូណេស៊ី និងម៉ាឡេស៊ី ព្រមទាំងទីបញ្ជាការយោធាអាមេរិកប្រចាំតំបន់ឥណ្ឌូប៉ាស៊ីហ្វិក មានមូលដ្ឋាននៅឯ រដ្ឋហាវ៉ៃផងដែរ។

បើតាមលោក ចូ បៃដិន យោធាអាមេរិកគិតថាដំណើរទស្សនកិច្ចរបស់លោកស្រី ផេឡូស៊ី មកកាន់កោះតៃវ៉ាន់ក្នុងពេលបច្ចុប្បន្ន មិនមែនជាគំនិតល្អនោះទេ ហើយក៏មិនបាន បញ្ជាក់លម្អិតអ្វីនោះដែរ។ ក៏ប៉ុន្តែ លោកស្រី ផេឡូស៊ី ផ្ទាល់បានអះអាងថាលោក បៃដិន បារម្ភខ្លាចក្រែងថាចិនអាចនឹងបាញ់ទម្លាក់យន្ដហោះរបស់លោកស្រី បន្ទាប់ពីប៉េកាំង បានព្រមានថានឹងចាត់វិធានការឆ្លើយតបយ៉ាងម៉ឺងម៉ាត់ ប្រសិនបើលោកស្រី ផេឡូស៊ី ពិតជាបំពេញទស្សនកិច្ចមកកាន់ទីក្រុងតៃប៉ិមែននោះដែលអាចនឹងក្លាយ ជាដំណើរទស្សនកិច្ចលើកដំបូងបំផុតរបស់ប្រធានសភាតំណាងរាស្ត្រអាមេរិក ក្នុងរយៈពេល ជាង២៥ឆ្នាំមកនេះ ក្រោយអតីតប្រធានសភា តំណាងរាស្ត្រអាមេរិក លោក ញូ ហ្គីនហ្រ្គីស (Newt Gingrich) បំពេញទស្សនកិច្ចមកកាន់កោះតៃវ៉ាន់ កាលពីឆ្នាំ១៩៩៧។

ប៉ុន្តែអ្វីដែលសំខាន់ គឺនៅត្រង់ថាផែនការដំណើរទស្សនកិច្ចរបស់លោកស្រី ផេឡូស៊ី ធ្វើឡើងនៅចំពេលដែលចិនត្រៀមរៀបចំព្រឹត្តិការណ៍ដ៏សំខាន់ ក្នុងខែសីហា នោះគឺខួប បង្កើតកងទ័ពរំដោះប្រជាជនចិន (PLA)។ លោក ដេរិក ក្រូសមែន (Derek Grossman) ជាអ្នកវិភាគជាន់ខ្ពស់ម្នាក់ខាងយោធាមកពីវិទ្យាស្ថាន RAND Corp បានកត់សម្គាល់ ថាដំណើរទស្សនកិច្ចរបស់លោកស្រី ផេឡូស៊ី មកកាន់កោះតៃវ៉ាន់នឹងធ្វើឱ្យទាំងចិន និងអាមេរិកស្ថិតនៅក្នុងស្ថានភាពមួយដ៏លំបាក។ ពោលគឺម្ខាង ចិនដាច់ខាតត្រូវតែធ្វើ ប្រតិកម្មឆ្លើយតប បើពុំដូច្នោះទេ ការជឿទុកចិត្តចំពោះលោក ស៊ី ជិនពីង នៅក្នុងជួរគណបក្សកម្មុយនិស្ដចិននឹងរង្គោះរង្គើរ ខណៈបើសហរដ្ឋអាមេរិកលុបចោល ដំណើរទស្សនកិច្ចនេះ នោះតៃវ៉ាន់អាចនឹងបាត់បង់ជំនឿលើទីក្រុងវ៉ាស៊ីនតោនដូចគ្នាដែរ ដោយពួកគេអាចគិតថាអាមេរិកមិនហ៊ានប្រឈមមុខ ឬខ្លាចការសម្លុតគំរាម របស់ចិន។

មកទល់នឹងពេលនេះ គេមិនទាន់ដឹងច្បាស់ថាតើដំណើរទស្សនកិច្ចរបស់លោកស្រី ផេឡូស៊ី នឹងធ្វើឡើងតាមផែនការ ឬក៏យ៉ាងណានោះទេ ស្របពេលលោក បៃដិន ត្រូវបាន គេរាយការណ៍ថានឹងបើកកិច្ចសន្ទនាជាមួយលោក ស៊ី ជិនពីង នៅចុងខែកក្កដានេះ។ ផែនការបំពេញទស្សនកិច្ច នៅទីក្រុងតៃប៉ិរបស់លោកស្រី ផេឡូស៊ី ក៏ធ្លាប់ត្រូវបាន លុបចោលដែរ កាលពីខែមេសាកន្លងទៅ ក្រោយលោកស្រីឆ្លងកូវីដ១៩។ តែបើទស្សនកិច្ចនេះកើតឡើងពិតមែន ថាតើវានឹងមានរឿងអ្វីកើតឡើង? ហើយតើចិននឹងបញ្ចេញ ប្រតិកម្មបែបណា?

បើតាមអ្នកជំនាញយោធា ដូចជាលោក កូអ៉ីឈិ អ៉ីសូបេ (Koichi Isobe) ជាឧត្ដមសេនីយ៍ផ្កាយ៣ ចូលនិវត្តន៍នៃកងកម្លាំងជើងគោកនៃកងកម្លាំងស្វ័យការពារជប៉ុន វាសឹងតែមិនអាចទៅរួចឡើយ ដែលចិននឹងបាញ់ទម្លាក់យន្ដហោះដឹកមន្ត្រីកំពូលអាមេរិក ដូចជាប្រធានសភាតំណាងរាស្ត្រអាមេរិក។ ជាការពិតណាស់ ជារឿយៗ ចិន តែងតែបញ្ចេញប្រតិកម្មឆ្លើយតបទាំងតាមរយៈការសារបញ្ជូនព្រមាន និងការធ្វើសកម្មភាពយោធានៅក្បែរកោះតៃវ៉ាន់ នៅពេលដែលមន្ត្រីអាមេរិក មិនគិតថាឋានៈទាប ឬខ្ពស់នោះទេ បំពេញទស្សនកិច្ចនៅកាន់កោះតៃវ៉ាន់។ ម្លោះហើយខាងក្រោមនេះអាចជាវិធានការឆ្លើយតបរបស់ចិន៖

* បញ្ជូនយន្ដហោះចម្បាំងទាំងហ្វូង

យន្ដហោះចម្បាំងនៃកងទ័ពរំដោះប្រជាជនចិន PLA ត្រូវបានគេរាយការណ៍ថាបានហោះចូលក្នុងតំបន់ដែនកំណត់អត្តញ្ញាណការពារដែនអាកាសរបស់តៃវ៉ាន់ ជាញឹកញាប់ក្នុងរយៈពេលប៉ុន្មានឆ្នាំចុងក្រោយនេះ ដើម្បីបង្កើនសម្ពាធនយោបាយលើប្រធានាធិបតីតៃវ៉ាន់ លោកស្រី ត្សៃ អ៉ីងវិន (Tsai Ing-wen) និងបង្ហាញពី សមត្ថភាពធ្វើសកម្មភាពយោធានៅក្នុងតំបន់ច្រកសមុទ្រតៃវ៉ាន់។ ដំណើរទស្សនកិច្ចរបស់លោកស្រី ផេឡូស៊ី អាចនឹងជំរុញឱ្យចិនបញ្ជូនយន្ដហោះចម្បាំងទាំងហ្វូង ហោះចូលក្នុងតំបន់ដែនកំណត់អត្តញ្ញាណការពារដែនអាកាសរបស់តៃវ៉ាន់ ជាទីដែលកន្លងមកយន្ដហោះចម្បាំងចិនរាប់សិបគ្រឿងហោះឆ្វែល នៅក្រោយពេលដែល មន្ត្រីអាមេរិកបំពេញទស្សនកិច្ចនៅតៃប៉ិ។ កំណត់ត្រាប្រចាំថ្ងៃខ្ពស់បំផុត នៃសកម្មភាពយន្ដហោះចម្បាំងចិន នោះគឺកាលពីថ្ងៃទី៤ ខែតុលា ឆ្នាំ២០២១ ជាពេលដែល យន្ដហោះចម្បាំងចិនជាង ៥៣គ្រឿង ហោះចូលក្នុងតំបន់ការពារដែនអាកាសរបស់តៃវ៉ាន់ ដោយជំរុញឱ្យសហរដ្ឋអាមេរិកដឹកនាំការធ្វើសមយុទ្ធយោធានៅក្បែរ កោះតៃវ៉ាន់ រីឯចិនក៏បានបញ្ជូននាវាចម្បាំងដឹកនាំការធ្វើសមយុទ្ធយោធាឆ្លើយតបវិញផងដែរ។

* ឆ្លងកាត់ «ខ្សែបន្ទាត់កណ្ដាល»

នៅក្នុងសេណារីយ៉ូនេះ ចិនអាចនឹងបញ្ជូនយន្ដហោះចម្បាំងឆ្លងកាត់ «ខ្សែបន្ទាត់កណ្ដាល» នៃតំបន់ច្រកសមុទ្រតៃវ៉ាន់ ដែលជាតំបន់ទ្រនាប់មួយបង្កើតឡើងដោយ សហរដ្ឋអាមេរិក ក្នុងឆ្នាំ១៩៥៤ ដើម្បីបង្ការជម្លោះរវាងចិន និងតៃវ៉ាន់។ យន្ដហោះចម្បាំងចិនត្រូវបានគេរាយការណ៍ថាបានហោះឆ្លងកាត់ខ្សែបន្ទាត់កណ្ដាលនេះ ម្ដងហើយម្ដងទៀត កាលពីខែកញ្ញា ឆ្នាំ២០២០ នៅពេលអតីតអនុរដ្ឋលេខាធិការនៃក្រសួងការបរទេសអាមេរិក លោក ឃីត ក្រាច (Keith Krach) បំពេញទស្សនកិច្ច នៅតៃវ៉ាន់។ យន្ដហោះចម្បាំងចិនហោះកាត់ខ្សែបន្ទាត់កណ្ដាលនេះដែរ កាលពីដើមខែកក្កដា ឆ្នាំ២០២២នេះ ចំពេលសមាជិកព្រឹទ្ធសភាអាមេរិក លោក រីក ស្កុត (Rick Scott) មកសួរសុខទុក្ខលោកស្រី ត្សៃ ដល់ទីក្រុងតៃប៉ិ។

លោក ជៀស ជុង (Chieh Chung) ជាអ្នកសា្រវជ្រាវមួយរូបមកពីមូលនិធិគោលនយោបាយជាតិតៃវ៉ាន់ (Taiwan’s National Policy Foundation) ក៏យល់ស្របដែរ ចំពោះសេណារីយ៉ូនេះ។ លោកបានបញ្ជាក់ដូច្នេះថា «សេណារីយ៉ូនេះអាចទៅរួចដោយ PLA នឹងបញ្ជូនយន្ដហោះចម្បាំងជាច្រើនគ្រឿង ហោះឆ្លងកាត់ «ខ្សែបន្ទាត់កណ្ដាល» នៃតំបន់ច្រកសមុទ្រតៃវ៉ាន់ ជាពិសេសនៅតំបន់ចន្លោះរវាងទីក្រុង តៃប៉ិ និងទីក្រុង ស៊ីនឈូ (Hsinchu) ដែលជាចំណុចតូចង្អៀតក្នុងតំបន់ច្រកសមុទ្រតៃវ៉ាន់»។

* ធ្វើតេស្ដបាញ់មីស៊ីលនៅក្បែរកោះតៃវ៉ាន់

ប្រតិកម្មតបតខ្លាំងក្លាបំផុតរបស់ចិន ឆ្លើយតបទៅនឹងសហរដ្ឋអាមេរិក និងកោះតៃវ៉ាន់ ធ្លាប់បានកើតឡើងកាលពីឆ្នាំ១៩៩៥។ នៅពេលនោះ ទីក្រុងប៉េកាំងបានធ្វើតេស្តបាញ់ មីស៊ីលជាច្រើនគ្រាប់ តម្រង់ទៅកាន់តំបន់ដែនទឹកក្បែកោះតៃវ៉ាន់។ ការធ្វើតេស្ដមីស៊ីលនេះគឺជាសារបង្ហាញការមិនពេញចិត្តរបស់ប៉េកាំង ប្រឆាំងនឹងការសម្រេចចិត្តរបស់ អតីតប្រធានាធិបតីអាមេរិក លោក ប៊ីល គ្លីនតុន ដែលអនុញ្ញាតឱ្យប្រធានាធិបតីជាប់ឆ្នោតតាមបែបប្រជាជាធិបតេយ្យដំបូងគេបំផុតរបស់តៃវ៉ាន់ គឺលោក លី តេង ហួយ (Lee Teng-hui) បំពេញទស្សនកិច្ចទៅកាន់សហរដ្ឋអាមេរិក។ នៅពេលនោះដែរ ចិនបានប្រកាសបង្កើតតំបន់ផ្ដាច់មុខពិសេស នៅជុំវិញគោលដៅនៃការធ្វើតេស្ដមីស៊ីល ដោយធ្វើ ឱ្យការដឹកជញ្ជូនតាមសមុទ្រ និងតាមអាកាសក្នុងតំបន់ច្រកសមុទ្រតៃវាន់ត្រូវផ្អាកសកម្មភាព។ ប្រតិកម្មតាមរយៈមីស៊ីលថ្មីចុងក្រោយបំផុត នោះគឺកងទ័ព PLA បានបាញ់ សាកល្បងមីស៊ីលបាលិស្ទីគប្រឆាំងនាវាផ្ទុកយន្ដហោះចម្បាំង ក្នុងតំបន់សមុទ្រចិនខាងត្បូង កាលខែសីហា ឆ្នាំ២០២០ ជាការឆ្លើយតបទៅនឹងសមយុទ្ធជើងទឹករបស់ សហរដ្ឋអាមេរិក។

* បញ្ជូនយន្ដហោះចម្បាំងហោះពីលើកោះតៃវ៉ាន់

ក្រុមអ្នកជាតិនិយមនៅក្នុងប្រទេសចិន បានលើកឡើងពីជម្រើសម៉ឺងម៉ាត់ជាច្រើន ដើម្បីឆ្លើយតបទៅនឹងដំណើរទស្សនកិច្ចរបស់លោកស្រី ផេឡូស៊ី មកកាន់កោះតៃវ៉ាន់ បើទោះជាអាចបង្កហានិភ័យខ្ពស់នៃការផ្ទុះជម្លោះក៏ដោយ។ ក្នុងចំណោមជម្រើសទំាងនោះត្រូវបានស្នើឡើងដោយកាសែតរដ្ឋចិន Global Times ដែលទទូចឱ្យយោធាចិន បញ្ជូនយន្ដហោះចម្បាំងហោះពីលើ ឬចូលក្នុងដែនអាកាសតៃវ៉ាន់តែម្ដង តែជម្រើសនេះអាចបង្កឱ្យមានភាពតានតឹងយោធារវាងចិន និងតៃវ៉ាន់។ តួយ៉ាង រដ្ឋមន្ត្រីការពារជាតិ តៃវ៉ាន់ លោក ឈីវ គូ ឆេង (Chiu Kuo-cheng) បានប្រាប់សភាកាលពីឆ្នាំ២០២១ថាយោធាតៃវ៉ាន់នឹងចាត់វិធានការឆ្លើយតបយ៉ាងម៉ឺតម៉ាត់ជាទីបំផុត បើយន្ដហោះចម្បាំង ចិនហោះមកក្បែរ ឬចូលក្នុងដែនអាកាសតៃវ៉ាន់។

* ហោះតាមអមយន្ដហោះរបស់លោកស្រី ផេឡូស៊ី

លោក ហ៊ូ ហ្ស៊ីជីន (Hu Xijin) ដែលជាអតីតនិពន្ធនាយកកាសែត Global Times បានស្នើឡើងនូវគំនិតបញ្ជូនយន្ដហោះចម្បាំងហោះអមយន្ដហោះរបស់លោកស្រី ផេឡេស៊ី ដែលហោះទៅកាន់កោះតៃវ៉ាន់។ សកម្មភាពបែបនេះអាចនឹងដាក់សម្ពាធដល់ពីឡុតចិន និងអាមេរិក ក្នុងការបញ្ចៀសកុំឱ្យមានកំហុសឆ្គងណាមួយកើតឡើង។

ដោយឡែក លោក វ៉ាង ទីង យូ (Wang Ting-Yu) ជាសមាជិកសភាតៃវ៉ាន់យល់ថាលោក ស៊ី ជិនពីង កំពុងស្ថិតនៅក្នុងស្ថានភាពមួយដ៏លំបាក ក្នុងការចាត់វិធានការដោយ ប្រយ័ត្នប្រយែងផង និងម៉ឺងម៉ាត់ផង នៅមុនសមាជបក្សកុម្មុយនិស្ដចិនត្រូវធ្វើឡើង។ បានន័យថាលោក ស៊ី ត្រូវចាត់វិធានការ ដើម្បីបំពេញចិត្តអ្នកនយោបាយជាតិនិយមចិន នៅក្នុងគណបក្សផង តាមរយៈការធ្វើសកម្មភាពយោធា និងបញ្ចៀសឱ្យបាននូវរាល់ការឆ្លើយតបជាអវិជ្ជវិមានណាមួយពីសំណាក់សហគមន៍អន្តរជាតិផង ក្នុងបរិបទដែលចិន កំពុងដោះស្រាយបញ្ហាសេដ្ឋកិច្ច និងការទូត។

គួរបញ្ជាក់ថា ជុំវិញផែនការដំណើរទស្សនកិច្ចរបស់លោកស្រី ផេឡូស៊ី ទៅកាន់កោះតៃវ៉ាន់ មានការខ្វែងគំនិតគ្នាជាច្រើន ដោយអ្នកនយោបាយអាមេរិកដូចជា លោក ម៉ៃក៍ ហ្កាឡាហ្គឺ (Mike Gallagher) ជាសមាជិកសភាដ៏មានឥទ្ធិពលមួយរូបមកពីគណបក្សសាធារណរដ្ឋ បានជំរុញឱ្យលោកស្រី ផេឡូស៊ី បំពេញដំណើរទស្សនកិច្ចទៅកាន់ កោះតៃវ៉ាន់ តាមគ្រោងទុក ដោយលោកបានចាត់ទុកការជំទាស់ទៅនឹងដំណើរទស្សនកិច្ចនេះ គឺជាការបង្ហាញពីភាពទន់ខ្សោយនៃនយោបាយការបទេសរបស់ សហរដ្ឋអាមេរិក។

ក៏ប៉ុន្តែ អ្នកជំនាញដូចជាលោក រ៉ៃអេន ហាស់ (Ryan Hass) មកពីវិទ្យាស្ថាន Brookings បាននិយាយថាលោកស្រី ផេឡូស៊ី គួរតែពិចារណាឡើងវិញពីពេលវេលាក្នុង ការបំពេញទស្សនកិច្ចទៅកាន់កោះតៃវ៉ាន់ ព្រោះថាក្នុងខែសីហា ឬថ្ងៃទី១ ខែសីហាតែម្ដង គឺជាថ្ងៃខួបបង្កើតកងទ័ព PLA ដូច្នេះចិននឹងចាត់វិធានការឆ្លើយតបជាអតិបរមា ហើយមានលេសចោទអាមេរិកថាជាអ្នកបង្ករឿងមុនតែប៉ុណ្ណោះ។ លោកបន្ថែមថាលោកស្រី ផេឡូ អាចបង្ហាញការគាំទ្រចំពោះតៃវ៉ាន់ ក្នុងខែសីហា ដោយសន្យាបំពេញ ទស្សនកិច្ចនៅពេលវេលាផ្សេងណាមួយ ពីព្រោះថាទោះជាមានរឿងអ្វីកើតឡើងក្នុងការបោះឆ្នោតពាក់កណ្ដាលអាណត្តិនៅខែវិច្ឆិកា ឆ្នាំ២០២២នេះក៏ដោយ ក៏លោកស្រី នៅតែអាចកាន់តំណែងជាប្រធានសភាតំណាងរាស្ត្រអាមេរិករហូតដល់ថ្ងៃទី៣ ខែមករា ឆ្នាំ២០២៣។ ការបំពេញដំណើរទស្សនកិច្ចនៅចុងឆ្នាំ គឺជាពេលវេលាល្អ ដ្បិតវានឹង មិនសូវមានប្រតិកម្មខ្លាំងក្លាពីចិន។

សម្រាប់លោក រ៉ៃអេន ហាស់ យុទ្ធសាស្ត្រចម្បងរបស់សហរដ្ឋអាមេរិកចាប់តាំងពីឆ្នាំ១៩៥០មក គឺធានាសន្តិភាព និងសន្ថិរភាពក្នុងតំបន់ច្រកសមុទ្រតៃវ៉ាន់។ ដូច្នេះអាមេរិក គួរតែធ្វើសកម្មភាពដែលអាចសម្រេចបាននូវវត្ថុបំណងនេះ ជាជាងបង្កើតលេសមួយឱ្យចិន៕ ដោយៈ Fresh News

BREAKING: កម្លាំងសមត្ថកិច្ច អំពាវនាវបុគ្គល២នាក់ ដែលដឹកជនជាតិនីហ្សេរីយ៉ាមកផ្ទះសំណាក់ ចូលខ្លួនជាបន្ទាន់ដើម្បីពិនិត្យសុខភាព ។

អគ្គស្នងការរងនគរបាលជាតិ នាយឧត្តមសេនីយ៍ ឆៃ ស៉ីណារិទ្ធ តាមរយៈបណ្ដាញព័ត៌មាន Fresh News នៅយប់ថ្ងៃទី២៣ ខែកក្កដា ឆ្នាំ២០២២នេះ បានអំពាវនាវដល់បុគ្គល២រូប ដែលបានដឹកជនជាតិនីហ្សេរីយ៉ាផ្ទុកជំងឺអុតស្វា ទៅកាន់ផ្ទះសំណាក់ស្លឹកមាស ត្រូវចូលខ្លួនជាបន្ទាន់ដើម្បីធ្វើការពិនិត្យសុខភាព ក្រោយប៉ះពាល់ផ្ទាល់ជាមួយអ្នកជំងឺ។

នាយឧត្តមសេនីយ៍ ឆៃ ស៉ីណារិទ្ធ បានបន្ដទៀតថា បន្ទាប់ពីធ្វើការសួរនាំជនជាតិនីហ្សេរីយ៉ា បាននិយាយថា រូបគេបានមកដល់ផ្ទះសំណាក់ស្លឹកមាសនេះ នៅវេលាម៉ោង០៥៖២០នាទី ដោយជិះកង់បីឥណ្ឌាមួយគ្រឿង មានបុរសម្នាក់ជាម្ចាស់អ្នកឌុប និងស្ដ្រីម្នាក់ទៀតជាអ្នករួមដំណើរជាមួយ។ ពេលមកដល់បានមួយសន្ទុះ ពោលនៅវេលាម៉ោង០៥៖៤០នាទី ក៏ត្រូវសមត្ថកិច្ចឃាត់ខ្លួនតែម្ដង។

យោងតាមនាយឧត្តមសេនីយ៍ ឆៃ ស៉ីណារិទ្ធ ដោយសារសមត្ថកិច្ចមិនអាចទៅធ្វើការសួរនាំក្បែរអ្នកជំងឺអុតស្វានេះបាន ដូច្នេះអត្តសញ្ញាណ ឬប្រព័ន្ធទំនាក់ទំនងជាមួយបុគ្គលទាំង២នាក់ខាងលើ មិនទាន់កំណត់បាននោះឡើយទេ ដូច្នេះហើយនាយឧត្តមសេនីយ៍ ក៏សូមធ្វើការអំពាវនាវឲ្យសាម៉ីខ្លួន ត្រូវចូលខ្លួនដើម្បីពិនិត្យសុខភាពបន្ទាន់។

សូមជម្រាបថា បុរសជនជាតិនីហ្សេរីយ៉ា ដែលកើតជំងឺអុតស្វា រត់គេចពីប្រទេសថៃ ចូលមកប្រទេសកម្ពុជានោះ ត្រូវបានកម្លាំងសមត្ថកិច្ចរកឃើញ និងឃាត់ខ្លួននៅព្រលបថ្ងៃទី២៣ ខែកក្កដា ឆ្នាំ២០២២នេះ នៅម្ដុំផ្សារដើមថ្កូវ ខណ្ឌចំការមន រាជធានីភ្នំពេញ។ ក្រោយពីពេលឃាត់ខ្លួន ជនជាតិនីហ្សេរីយ៉ារូបនេះ ត្រូវបានប្រគល់ជូនមន្ដ្រីជំនាញរបស់ក្រសួងសុខាភិបាល ដើម្បីអនុវត្តវិធានការបន្ដ៕

ក្រសួងសុខាភិបាល ចេញសេចក្តីប្រកាសអំពីការររកឃើញបុរសជនជាតិនីហ្សេរីយ៉ាដែលមានជំងឺអុតស្វា

(ភ្នំពេញ)៖ ក្រសួងសុខាភិបាលកម្ពុជា នៅថ្ងៃទី២៣ ខែកក្កដា ឆ្នាំ២០២២ បានប្រកាសអំពីការររកឃើញបុរសជនជាតិនីហ្សេរីយ៉ាដែលមានជំងឺអុតស្វា នៅរាជធានីភ្នំពេញ។

ក្រសួងបានបញ្ជាក់ថា ក្រោយពីទទួលបានព័ត៌មានពីអាជ្ញាធរសុខាភិបាលថៃកាលពីយប់ថ្ងៃទី២២ ខែកក្កដា ឆ្នាំ២០២២ ស្ដីអំពីលទ្ធភាពនៃការគេចខ្លួន របស់បុរសជនជាតិនីហ្សេរីយ៉ា ដែលអាជ្ញាធរសុខាភិបាលថៃបានធ្វើរោគវិនិច្ឆ័យឃើញមានវិជ្ជមានវីរុសអុតស្វា (Monkeypox) ធ្វើដំណើរ ឆ្លងព្រំដែនមកកាន់ព្រះរាជាណាចក្រកម្ពុជាមក ថ្នាក់ដឹកនាំ និងមន្ត្រីឆ្លើយតបបន្ទាន់នៃក្រសួងសុខាភិបាល រួមជាមួយរដ្ឋបាលថ្នាក់ក្រោមជាតិ អាជ្ញាធរមានសមត្ថកិច្ច និងមន្ត្រីសុខាភិបាលរាជធានី-ខេត្តទាំងអស់ បានធ្វើសកម្មភាពជាបន្ទាន់ដោយបានត្រួតពិនិត្យ និងស្វែងរក អ្នកជំងឺអុតស្វាដែលជាជនជាតិនីហ្សេរីយ៉ានេះ រហូតមកដល់វេលាម៉ោងប្រហែលជា ១៧:៣០នាទីល្ងាច នាថ្ងៃទី២៣ ខែកក្កដា ឆ្នាំ២០២២ អាជ្ញាធរមានសមត្ថកិច្ចថ្នាក់ជាតិ និងសាលារាជធានីភ្នំពេញ ព្រមទាំងផ្នែកពាក់ព័ន្ធផ្សេងទៀត បានរកឃើញបុរសជនជាតិនីហ្សេរីយ៉ានេះ ដែលកំពុងតែស្នាក់នៅផ្ទះសំណាក់មួយ នៅផ្លូវលេខ ៤៣០ សង្កាត់ទួលទំពួង (ម្តុំផ្សារដើមថ្កូវ) ខណ្ឌចំការមន រាជធានីភ្នំពេញ។

ក្រសួងបានបន្តថា បុរសជនជាតិនីហ្សេរីយ៉ារូបនេះមានឈ្មោះ អូសម៉ុង ហ៊ឺហាហ្ស៊ីរឹម (OSMOND CHIHAZIRIM) អាយុ ២៧ឆ្នាំ កាន់ប៉ាស្ទ័រលេខ A10414328 ជាអ្នកទេសចរណ៍ និងមានប្រវត្តិនៃការធ្វើដំណើរចូលមកទឹកដីថៃ កោះភូកេត នៅថ្ងៃទី២១ ខែតុលា ឆ្នាំ២០២១។ បច្ចុប្បន្ន អ្នកជំងឺអុតស្វាខាងលើនេះ ត្រូវបានមន្ទីរសុខាភិបាលរាជធានីភ្នំពេញចាត់ចែងដឹកតាមរថយន្តសង្គ្រោះបន្ទាន់ បញ្ចូនកាន់មន្ទីរពេទ្យ មិត្តភាពខ្មែរ-សូវៀត និងបានដាក់ឱ្យសម្រាកព្យាបាលនៅក្នុងមន្ទីរពេទ្យនេះនៅវេលាម៉ោង ១៩:១០នាទី រួចរាល់ហើយ។

ដើម្បីការពារការចម្លងនៃវីរុសអុតស្វា ក្រសួងសុខាភិបាល បានអំពាវនាវឱ្យអ្នកដែលបានប៉ះពាល់ផ្ទាល់ជាមួយអ្នកជំងឺជនជាតិនី ហ្សេរីយ៉ាទាំងអស់ ដាក់ខ្លួននៅដោយឡែក ហើយស្វែងរកការពិនិត្យសុខភាព ឬជូនព័ត៌មានមកក្រុមគ្រូពេទ្យដែលនៅជិតលោកអ្នក ឬជូន ព័ត៌មានទៅលេខ ១១៥ ដើម្បីទទួលបានការជួយជ្រោមជ្រែង ពិនិត្យសុខភាព ស្វែងរកការចម្លងបន្ត និងដើម្បីចូលរួមកាត់ផ្តាច់ខ្សែចម្លងវីរុស អុតស្វានេះបានទាន់ពេលវេលា។ សូមបងប្អូនប្រជាពលរដ្ឋទាំងអស់ បន្តអនុវត្តវិធានការការពារការចម្លងវីរុសអុតស្វា ដែលក្រសួងបានចេញ សេចក្ដីណែនាំជារឿយៗ ជាពិសេស មិនត្រូវប៉ះពាល់ជាមួយអ្នកជំងឺអុតស្វា ជាមួយសត្វព្រៃ និងត្រូវបរិភោគអាហារដែលឆ្អិនល្អ ព្រមទាំង រក្សាអនាម័យដៃ និងអនាម័យខ្លួនប្រាណឱ្យបានស្អាត ដោយឧស្សាហ៍លាងសម្អាតដៃជាមួយសាប៊ូ ឬអាល់កុល ឬដែល និងស្វែងរកការពិនិត្យ ព្យាបាលប្រសិនបើមានបញ្ហាសុខភាព ឬសង្ស័យ។

ក្រសួងសុខាភិបាល នឹងបន្តធ្វើការជូនដំណឹងដល់សាធារណជន អំពីការវិវត្តន៍នៃបញ្ហាសុខភាពតាមទំព័រហ្វេសប៊ុក និងគេហទំព័ររបស់ក្រសួងសុខាភិបាល www.cdcmoh.gov.kh ដែលគេហទំព័រនេះមានសម្ភារអប់រំសុខភាព ដែលអាចទាញយកមកមើល និងប្រើប្រាស់បាន៕ 

ការស្ទង់ប្រជាមតិបង្ហាញថា ប្រជាជនអារ៉ាប់កំពុងបាត់បង់ជំនឿចិត្ត ចំពោះប្រជាធិបតេយ្យបែបលោកខាងលិច

 (ប៉េកាំង)៖ នាពេលថ្មីៗកន្លងទៅនេះ អង្គការ Arab barometer ដែលជាអង្គការស្ទង់ប្រជាមតិអន្តរជាតិ បានចេញផ្សាយរបាយការណ៍ពិនិត្យអង្កេតពីរច្បាប់ ដោយបានបង្ហាញថា ប្រជាជនអារ៉ាប់ភាគច្រើន បាននិងកំពុងបាត់បង់ជនឿចិត្ត ចំពោះប្រសិទ្ធភាពរបស់ប្រព័ន្ធរបបប្រជាធិបតេយ្យបែបលោកខាងលិច ហើយរូបមន្តរបស់ប្រទេសចិនមានកម្លាំងទាក់ទាញ កាន់តែខ្លាំងឡើងៗ។

ការស្ទង់ប្រជាមតិដែលមានអ្នកចូលរួមផ្តល់ប្រជាមតិសរុប២៣ពាន់នាក់ បានគ្របដណ្តប់ប្រទេសចំនួន៩ ដូចជាម៉ារ៉ុក ទុយនីស៊ី អ៊ីរ៉ាក់ ស៊ូដង់ លីប៊ី ហ៊្សកដានី លីបង់ ម៉ូរីតានី និងប៉ាឡេស្ទីនជាដើម។ អនុលោមតាមការស្ទប់ប្រជាមតិលើកនេះ នៅដើមខែកក្កដា អង្គការ Arab barometer បានចេញផ្សាយរបាយការណ៍ពីរច្បាប់លើវេបសាយរបស់ខ្លួន គឺ «ប្រជាធិបតេយ្យនៃមជ្ឈិមបូព៌ា និងអាហ្វ្រិកខាងជើង» និង «មតិរបស់សាធារណជនចំពោះ ការប្រកួតប្រជែងរវាងចិននិងអាមេរិក នៅតំបន់មជ្ឈិមបូព៌ានិងអាហ្វ្រិកខាងជើង»។

របាយការណ៍ស្តីពី «ប្រជាធិបតេយ្យនៃមជ្ឈិមបូព៌ានិងអាហ្វ្រិកខាងជើង» បានលើកឡើងថា ក្នុងរយៈពេល១០ឆ្នាំកន្លងទៅ ជាពិសេសគឺ៥ឆ្នាំចុងក្រោយនេះ ប្រជាជននៃប្រទេសអារ៉ាប់នៅតំបន់មជ្ឈិមបូព៌ា និងអាហ្វ្រិកខាងជើង កាន់តែមានមន្ទិលសង្ស័យចំពោះ អត្ថប្រយោជន៍របស់ប្រជាធិបតេយ្យបែបលោកខាងលិច ប្រជាពលរដ្ឋកាន់តែច្រើនសម្គាល់ឃើញថា ប្រព័ន្ធរបបប្រជាធិបតេយ្យបែបលោកខាងលិច គ្មានអំណោយផលដល់ការស្តារសេដ្ឋកិច្ចឡើងវិញ គាំពារស្ថិរភាពនៃសណ្តាប់ធ្នាប់សង្គមនិងជំរុញឱ្យ រដ្ឋាភិបាលចាត់វិធានការយ៉ាងដាច់ម៉ាត់នោះទេ។

រីឯរបាយការណ៍ស្តីពី «មតិរបស់សាធារណជនចំពោះ ការប្រកួតប្រជែងរវាងចិននិងអាមេរិក នៅតំបន់មជ្ឈិមបូព៌ានិងអាហ្វ្រិកខាងជើង» បានលើកឡើងថា ប្រទេសចិនបានបង្កើនទំនាក់ទំនង ផ្នែកសេដ្ឋកិច្ចជាមួយតំបន់នេះ តាមរយៈគំនិតផ្តួចផ្តើម «ខ្សែក្រវាត់និងផ្លូវ» ប៉ុន្តែអាមេរិកបែរជាបន្តកាត់បន្ថយការចំណាយនៅក្នុងតំបន់នេះ ដើម្បីបង្វែរមជ្ឈមណ្ឌលយុទ្ធសាស្ត្រទៅកាន់អាស៊ីប៉ាស៊ីហ្វីក។ អ្នកចូលរួមផ្តល់ប្រជាមតិជាច្រើនសម្គាល់ឃើញថា អាមេរិកផ្តល់ជំនួយគឺដើម្បីបង្កើនកម្លាំងឥទ្ធិពលរបស់ខ្លួន ហើយប្រើប្រៀបធៀបនឹងអាមេរិក ប្រជាជនក្នុងតំបន់មិនសូវមាន មន្ទិលសង្ស័យចំពោះជំនួយពីប្រទេសចិននោះឡើយ។

ទីបំផុត របាយការណ៍បានបូកសរុបថា ដោយមកពីប្រទេសចិនមិនមែនជាប្រទេសអាណានិគមនោះទេ ហើយក៏មិនដែលជ្រៀតជ្រែកដោយផ្ទាល់ នូវកិច្ចការរបស់តំបន់មជ្ឈិមបូព៌ានិងអាហ្វ្រិកខាងជើងនោះដែរ ដូច្នេះ នៅពេលអនាគតមិនជាយូរប៉ុន្មាន ប្រទេសចិនប្រហែលនឹងកាន់តែមាន ប្រជាប្រិយភាពជាងអាមេរិក៕

វិទ្យុមិត្តភាពកម្ពុជាចិន