(វីដេអូ)៖ សេចក្តីជូនដំណឹងស្តីពីការបពា្ឈប់ជាបន្ទាន់នូវការធ្វើសកម្មភាពបាតុកម្មដោយខុសច្បាប់របស់ សហជីពទ្រទ្រង់សិទ្ធិការងារបុគ្គលិកកម្មករខ្មែរ នៃក្រុមហ៊ុនណាហ្គាវើលដ៏ លីមីធីត

 

រដ្ឋបាលរាជធានីភ្នំពេញ៖ ការធ្វើបាតុកម្មខុសច្បាប់របស់បុគ្គលិកក្រុមហ៊ុនណាហ្គាវើលដ៍ នឹងត្រូវទទួលខុសត្រូវចំពោះមុខច្បាប់ជាធរមាន

រដ្ឋបាលរាជធានីភ្នំពេញ នៅថ្ងៃទី៣១ ខែធ្នូ ឆ្នាំ២០២១នេះ បានចេញសេចក្ដីជូនដំណឹងរំលឹកជាថ្មីម្ដងទៀត ឲ្យតំណាងសហជីពទ្រទ្រង់សិទ្ធិការងារបុគ្គលិកកម្មករខ្មែរ នៃក្រុមហ៊ុនណាហ្គាវើលដ៍ លីមីធីត បញ្ឈប់ជាបន្ទាន់នូវការធ្វើបាតុកម្មដោយខុសច្បាប់។

រដ្ឋបាលរាជធានីភ្នំពេញ បានបញ្ជាក់ថា ផ្អែកតាមស្មារតី នៃកិច្ចប្រជុំនាពេលកន្លងមក រដ្ឋបាលរាជធានីភ្នំពេញ បានណែនាំ និងសំណូមពរលោក-លោកស្រីជាច្រើនលើកច្រើនសារ ឲ្យបញ្ឈប់សកម្មភាពសម្តែងមតិដោយខុសច្បាប់ នៅលើសួនច្បារសាធារណៈ និងនៅតាមដងផ្លូវសាធារណៈ ដូចមានខ្លឹមសារក្នុងលិខិត លេខ១៤០១/២១ ឆត ចុះថ្ងៃទី១៨ ខែធ្នូ ឆ្នាំ២០២១ ប៉ុន្តែលោក-លោកស្រី នៅតែបន្តដឹកនាំធ្វើបាតុកម្មដោយខុសច្បាប់អស់រយៈពេល១៣ថ្ងៃ ជាបន្តបន្ទាប់ ដោយមិនបំពេញនីតីវិធីដែលបានចែងក្នុងច្បាប់ស្តីពីការធ្វើបាតុកម្មដោយសន្តិវិធី។

បន្ថែមលើនេះ កាលពីថ្ងៃទី៣០ ខែធ្នូ ឆ្នាំ២០២១ ម្សិលមិញនេះ រដ្ឋបាលរាជធានីភ្នំពេញ បានចេញសេចក្តីអំពាវនាវ ដើម្បីក្រើនរំលឹកជូនលោក-លោកស្រី និងក្រុមបាតុករ ឲ្យបញ្ឈប់នូវសកម្មភាពតវ៉ាដោយខុសច្បាប់ ដើម្បីឲ្យប្រជាពលរដ្ឋភ្ញៀវទេសចរជាតិ និងអន្តរជាតិ ចូលរួមអបអរសាទរពិធីបុណ្យចូលឆ្នាំសកល ២០២២ ប៉ុន្តែជាក់ស្តែងនៅថ្ងៃទី៣១ ខែធ្នូ ឆ្នាំ២០២១នេះ លោក-លោកស្រី និងក្រុមបាតុករ នៅតែបន្តរឹងរូសមិនគោរពតាមការណែនាំរបស់រដ្ឋបាលរាជធានីភ្នំពេញ ព្រមទាំងបន្តសកម្មភាពបំពានម្តងហើយម្តងទៀត ផ្ទុយទៅនឹងច្បាប់ស្តីពីការធ្វើបាតុកម្មដោយសន្តិវិធី ដដែល។

ចំពោះមុខ រដ្ឋបាលរាជធានីភ្នំពេញ សូមជូនដំណឹងជាថ្មីម្តងទៀតដល់លោក-លោកស្រី និងក្រុមបាតុករ ត្រូវបន្តការចរចាតាមនីតិវិធី ដូចមានចែងក្នុងច្បាប់ស្តីពីការងារ តាមរយៈយន្តការក្រសួងការងារ និងបណ្តុះបណ្តាលវិជ្ជាជីវៈ ដើម្បីផ្ទៀងផ្ទាត់ការទូទាត់សំណង ក៏ដូចជាអត្ថប្រយោជន៍ផ្សេងៗ និងស្នើឲ្យលោក-លោកស្រី ត្រូវបញ្ឈប់នូវសកម្មភាពតវ៉ាដោយខុសច្បាប់ជាបន្ទាន់ ដើម្បីកុំឲ្យប៉ះពាល់ដល់សន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈក្នុងរាជធានីភ្នំពេញ។ ក្នុងករណីលោក-លោកស្រី នៅតែបន្តសកម្មភាពបាតុកម្មដោយខុសច្បាប់ នឹងត្រូវទទួលខុសត្រូវចំពោះមុខច្បាប់ជាធរមាន៕

Facebook ឈ្មោះ «Srey Aun Naga» បន្តទម្លាយផែនការ ឈឹម ស៊ីថរ អុកឡុក បិទផ្លូវ រារាំងដំណើរការអាជីវកម្មរបស់ក្រុមហ៊ុនណាហ្គាវើលដ៍ ជាពិសេស គឹការរំខាន បំផ្លាញការរៀបចំកម្មវិធីឆ្លងឆ្នាំថ្មី Countdown

នៅថ្ងៃទី31 ខែធ្នូ ឆ្នាំ2021 នេះ Facebook «Srey Aun Naga» បានបង្ហោះសារ ដោយមានភ្ជាប់ជាមួយនិងវីដេអូរយៈពេល២នាទី និង២វិនាទី ដោយបានរៀបរាប់ថា «បងប្អូនដែលធ្វើបាតុកម្មតវ៉ានិងក្រុមហ៊ុនកាស៊ីណូណាហ្គាវើលដ៍ ដែលមិនបានចូលរួមប្រជុំតាម Zoom កាលពីថ្ងៃទី២៩ ធ្នូ ២០២១ សូមពិចារណា គិតគូឱ្យបានល្អិតល្អន់នូវការណែនាំ រៀបចំធ្វើផែនការរបស់នាង ឈឹម ស៊ីថរ ក្នុងការបន្តធ្វើបាតុកម្មខុសច្បាប់ អុកឡុក បិទផ្លូវសាធារណៈ រារាំងដំណើរការអាជីវកម្មរបស់ក្រុមហ៊ុនណាហ្គាវើលដ៍ ការដឹកទំនិញ និងការចេញចូលធ្វើការរបស់បុគ្គលិក ដែលមិនបានចូលរួមតវ៉ា ជាពិសេស គឹការរំខាន បំផ្លាញការរៀបចំកម្មវិធីឆ្លងឆ្នាំថ្មី Countdown ។សកម្មភាពទាំងនេះ គឺសុទ្ធសឹងជាការបង្កហេតុដោយខុសច្បាប់ ហើយខាងអាជ្ញាធរគេពិតជាមានហេតុផលត្រឹមត្រូវក្នុងការប្រើវិធានការច្បាប់មកលើពួកយើងបាន»។

សូមស្តាប់សំឡេងដែល ឈឹម ស៊ីថរ បានបញ្ជា និងរៀបផែនការយ៉ាងល្អិតល្អន់ ឱ្យបាតុករធ្វើឱ្យបានជាដាច់ខាតនៅថ្ងៃឆ្លងឆ្នាំ ៖

ឧត្តមសេនីយ៍ឯក ហ៊ុន ម៉ាណែត បញ្ជាឲ្យកងទ័ពទាំងអស់ អនុវត្តឱ្យបានម៉ឺងម៉ាត់ នូវអនុសាសន៍របស់សម្តេចតេជោ «ការប៉ុនប៉ងផ្តួលរំលំ និងការប្រមាថព្រះមហាក្សត្រ គឺមិនអាចលើកលែងបានឡើយ» !

 (ភ្នំពេញ)៖ ក្នុងសារជូនពរនាយទាហាន នាយទាហានរង និងពលទាហានកងទ័ពជើងគោកនៃកងយោធពលខេមរភូមិន្ទ ក្នុងឱកាសចូលឆ្នាំថ្មី ឆ្នាំសាកល ២០២២, ឧត្តមសេនីយ៍ឯក ហ៊ុន ម៉ាណែត មេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក បានបញ្ជាឲ្យកងទ័ពទាំងអស់ អនុវត្តឱ្យបានម៉ឺងម៉ាត់ នូវអនុសាសន៍របស់សម្តេចតេជោ ហ៊ុន សែន ដែលបានថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការអគារ ទីស្តីការក្រសួងការពារជាតិ «រាល់ការប៉ុនប៉ងផ្តួលរំលំ និងការប្រមាថព្រះមហាក្សត្រ គឺមិនអាចលើកលែងបានឡើយ»។

សារលិខិតរបស់ឧត្តមសេនីយ៍ឯក ហ៊ុន ម៉ាណែត បានបញ្ជាដល់កងទ័ពយ៉ាងដូច្នេះថា «ចំពោះមុខនេះ ខ្ញុំក៏សូមអំពាវនាវដល់ មេបញ្ជាការ មេបញ្ជាការរង នាយទាហាន នាយទាហានរង និងពលទាហានកងទ័ពជើងគោកទាំងអស់ ចូលរួមប្តេជ្ញាចិត្តអនុវត្តឱ្យបានម៉ឺងម៉ាត់នូវអនុសាសន៍របស់សម្តេចតេជោ នាយករដ្ឋមន្ត្រី ថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការអគាររដ្ឋបាល និងសាលប្រជុំ នៃទីស្តីការក្រសួងការពារជាតិដែលបានប្រព្រឹត្តទៅកាលពីថ្ងៃទី២៩ ខែធ្នូ ឆ្នាំ២០២១ កន្លងទៅ ស្របពេលនឹងខួប២៣ ឆ្នាំ នៃការបញ្ចប់សង្គ្រាមស៊ីវិលនៅកម្ពុជា ក្នុងខ្លឹមសារថា៖ "កម្ពុជាជាប្រទេសរាជានិយម មានបាវចនាចំនួន ៣ គឺ ជាតិ សាសនា ព្រះមហាក្សត្រ ដូច្នេះនាយទាហាន នាយទាហានរង និងពលទាហានទាំងអស់ត្រូវផ្តូរផ្តាច់ការពាររាជានិយម ការពាររាជបល្ល័ង្ក ការពារព្រះមហាក្សត្រ ឱ្យខានតែបាន។ ការប៉ុនប៉ងផ្តួលរំលំ និងការប្រមាថព្រះមហាក្សត្រ គឺមិនអាចលើកលែងបានឡើយ»។

ជាមួយគ្នានេះ ឧត្តមសេនីយ៍ឯក ហ៊ុន ម៉ាណែត បានសម្តែងនូវការកោតសរសើរយ៉ាងស្មោះចំពោះស្នាដៃ និងសមិទ្ធផលធំធេងជាច្រើន ក្នុងភារកិច្ចការពារបូរណភាពទឹកដី, ការពារសុខសន្តិភាព សន្តិសុខ និងសណ្តាប់ធ្នាប់សាធារណៈ ក៏ដូចជាការចូលរួមចំណែកក្នុងការអភិវឌ្ឍជាតិ ដែលនាយទាហាន នាយទាហានរង និងពលទាហានកងទ័ពជើងគោកទាំងអស់ បានខិតខំប្រឹងប្រែងពុះពារសម្រេចបាន ដោយជម្នះគ្រប់ការលំបាក និងធ្វើពលិកម្មគ្រប់បែបយ៉ាង។ ក្រោមការដឹកនាំប្រកបដោយគតិបណ្ឌិតដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា គឺកងទ័ពតែងតែវត្តមានចុះជាប់ជានិច្ចជាមួយនឹងប្រជាពលរដ្ឋ ដោះស្រាយវិបត្តិយថាហេតុ និងគ្រោះមហន្តរាយផ្សេងៗដែលកើតមាន ខណៈដែលភារកិច្ចស្នូលរបស់កងទ័ពក៏នៅតែត្រូវបានបន្តអនុវត្តយ៉ាងខ្ជាប់ខ្លួនបំផុត។

ជាពិសេស នៅចំពោះមុខបញ្ហាប្រឈមនៃការរាតត្បាតនៃជំងឺកូវីដ-១៩ ក្នុងគ្រប់ដំណាក់កាលទាំងអស់ គិតចាប់តាំងពីការផ្ទុះករណីដំបូងនៅក្នុងប្រទេស, ការទប់ស្កាត់ការឆ្លងចូលក្នុងសហគមន៍, ការគ្រប់គ្រងការឆ្លងចូលក្នុងសហគមន៍ រហូតដល់ការបង្កើតបាន់ភាពស៊ាំ ក្នុងសហគមន៍តាមរយៈយុទ្ធនាការជាតិចាក់វ៉ាក់សាំង ដែលសម្រេចបានជោគជ័យគួរជាទីមោទនៈ ហើយមកដល់បច្ចុប្បន្ននេះ ជាដំណាក់កាលនៃការបើកប្រទេសឡើងវិញលើគ្រប់វិស័យ ដើម្បីស្តារផលប៉ះពាល់ផ្នែកសង្គម-សេដ្ឋកិច្ច ក៏កងទ័ពបាន និងកំពុងបន្តចូលរួមយ៉ាងសកម្ម និងប្រកបដោយការទទួលខុសត្រូវ។

ក្នុងឱកាសចូលថ្មី ឆ្នាំសាកល ២០២២នេះ លោក ហ៊ុន ម៉ាណែត សូមបួងសួងដល់វត្ថុស័ក្តិសិទ្ធិក្នុងលោក និងទេវតារក្សាទឹកដីនៃព្រះរាជាណាចក្រកម្ពុជា សូមប្រោះព្រំសព្ទសាធុការពរជ័យ សិរីមង្គលមហាប្រសើរជូនចំពោះនាយទាហាន នាយទាហានរង និងពលទាហានកងទ័ពជើងគោក នៃកងយោធពលខេមរភូមិន្ទទាំងអស់ សូមឱ្យទទួលបានសុខភាពល្អបរិបូរណ៍ កម្លាំងខ្លាំងក្លា ប្រាជ្ញាឈ្លាសវៃ អាយុយឺនយូរ និងសម្រេចបានជោគជ័យគ្រប់ភារកិច្ចបម្រើជាតិ មាតុភូមិ និងប្រជាជន៕

Facebook ស្រីអូនណាហ្កា បង្ហោះផ្សាយវីដេអូនាង ឈឹម ស៊ីថរ បានណែនាំ បង្រៀនបាតុករតាមការប្រជុំ Zoom ឱ្យធ្វើសកម្មភាពញុះញង់ក្នុងចេតនាចង់ឱ្យសមត្ថកិច្ចចាប់ខ្លួន

នៅយប់ថ្ងៃទី30 ខែធ្នូ ឆ្នាំ2021 Facebook ឈ្មោះ ស្រីអូនណាហ្កា បានបង្ហោះផ្សាយវីដេអូភ្ជាប់ជាមួយនឹងខ្លឹមសារថា «ខ្ញុំសូមឱ្យគ្នាយើងដែលកំពុងប្រមូលផ្តុំតវ៉ានៅមុខកាស៊ីណូ Naga នេះ កុំប្រថុយធ្វើតាមល្បិចសាច់កម្ម ដែលនាង ឈឹម ស៊ីថរ បានណែនាំ បង្រៀនយើងតាមការប្រជុំ Zoom ឱ្យធ្វើសកម្មភាពញុះញង់ក្នុងចេតនាចង់ឱ្យសមត្ថកិច្ចចាប់ខ្លួន បង្កឱ្យកើតជាអំពើហិង្សា។»

នៅក្នុងវីដេអូដែលភ្ជាប់មកជាមួយនោះ បានទម្លាយពីផែនការដែលនាង ឈឹម ស៊ីថ ធ្វើការណែនាំ និងបង្រៀនទៅបាតុករថា «ឥឡូវនេះដល់វគ្គយើងចង់ឱ្យគេ(សមត្ថកិច្ច)ចាប់ហើយ»។

ការបែកធ្លាយនូវសំលេងនេះ កើតមានបន្ទាប់ពីសាលារាជធានីភ្នំពេញ នៅល្ងាចមិញនេះ បានចេញសេចក្តីអំពាវនាវ ឱ្យពួកបាតុករនៅខាងមុខណាហ្កាវើល បញ្ឈប់បាតុកម្មខុសច្បាប់ផងដែរ។

សូមស្តាប់សំឡេង នាង ឈឹម ស៊ីថរប្រជុំតាមZoom ញុះញង់ឱ្យសមត្ថកិច្ចចាប់ខ្លួន៖

(វីដេអូ) លិខិតមិត្តអ្នកអាន៖ «បណ្ឌិត ហ៊ុន ម៉ាណែត បកស្បែកមុខទណ្ឌិត សម រង្ស៊ី»

 

អ្នកវិភាគចៅចាក់ស្មុក៖ សម រង្ស៊ី ជាអ្នកនយោបាយចាស់ទុំខាងវ័យ ប៉ុន្តែគ្មានភាពចាស់ទុំខាងនយោបាយ

 (ភ្នំពេញ)៖ រយៈពេលលើស២៤ម៉ោងហើយដែលទណ្ឌិត សម រង្ស៊ី មិនទាន់បានឆ្លើយតបជាផ្លូវការថា តើខ្លួនហ៊ាន ឬមិនហ៊ានទទួលយកការបបួលភ្នាល់របស់លោក ហ៊ុន ម៉ាណែត ឬអត់ ខណៈដែលអ្នកនៅជុំវិញទណ្ឌិត សម រង្ស៊ី បានបដិសេធសំណើសុំភ្នាល់នេះរួចហើយ។ សម រង្ស៊ី ខ្លួនឯងក៏បានដឹងច្បាស់ថា ខ្លួនក៏មិនហ៊ានភ្នាល់ដែរ ព្រោះដឹងតែពីចាញ់រួចទៅហើយ ដោយសារអ្វីដែលខ្លួននិងក្រុមខ្លួនបើកយុទ្ធនាការបំផ្លាញកេរ្តិ៍ឈ្មោះ និងបំផ្លាញសេចក្តីទុកចិត្តពលរដ្ឋលើលោក ហ៊ុន ម៉ាណែត ត្រូវបានបរាជ័យយ៉ាងអាម៉ាស់ពីផែនការមួយទៅផែនការមួយទៀត ហើយពេលខ្លះចាញ់ឡើងបោសគូថខោ។

ការណ៍នេះក៏កាន់តែបង្ហាញដល់ប្រជាពលរដ្ឋកម្ពុជាឱ្យឃើញច្បាស់ថា ទណ្ឌិត សម រង្ស៊ី និងក្រុមប្រឆាំងរបស់ខ្លួនបានត្រឹមតែនិយាយឱ្យតែរួចពីមាត់ តែគ្មានការទទួលខុសត្រូវចំពោះទង្វើខ្លួនដូចសព្វមួយដង ហើយក៏បានបញ្ជាក់ច្បាស់ថា ក្រុមប្រឆាំងប្រើប្រាស់ការធ្វើប្រជាភិថុតិ ការមួលបង្កាច់ បង្ខូចកេរ្តិ៍ឈ្មោះ និងផ្សព្វផ្សាយព័ត៌មានមិនពិត ដើម្បីបម្រើឱ្យមហិច្ឆតានយោបាយរបស់ខ្លួន។ ពួកគេបន្តរស់នៅ និងបោកបញ្ឆោតសកម្មជនរបស់ខ្លួនជាមួយនឹងភាពក្លែងក្លាយ និងការបោកប្រាស់។

តាមរយៈទង្វើទាំងឡាយរបស់ក្រុមប្រឆាំងដែលមានទណ្ឌិត សម រង្ស៊ី ជាអ្នកនយោបាយចាញ់ចាស់វស្សាជាអ្នកនាំមុខនេះ អ្នកវិភាគចៅចាក់ស្មុកអាចទាញសេចក្តីសន្និដ្ឋានមួយចំនួនដូចខាងក្រោម៖

ទី១៖ សម រង្ស៊ី និងក្រុមប្រឆាំងរបស់ខ្លួន ធ្វើនយោបាយដោយគ្មានគោលជំហរច្បាស់លាស់ និង និយាយឱ្យតែរួចពីមាត់ ហើយគ្មានការទទួលខុសត្រូវ។ ក្រុមនេះពិតជាអ្នកនយោបាយចរិតមាន់ត្រចៀកស ដែលហ៊ានប្រើប្រាស់ល្បិចកលស្មោគគ្រោកទាំងឡាយដើម្បីបំពេញបំណងខ្លួន តែគ្មានការទទួលខុសត្រូវ។ ដោយសារតែពួកគេជាអ្នកនយោបាយចរិតដូចកូនក្មេង ធ្វើអ្វីផ្តេសផ្តាសដោយមិនដឹងអី។ ដូច្នេះហើយបានជាពួកគេតែងតែបរាជ័យជារៀងដរាបមក។

ទី២៖ សម រង្ស៊ី ជាអ្នកនយោបាយដែលគ្មានចក្ខុវិស័យ។ គ្មានចក្ខុវិស័យដោយសារតែជាអ្នកនយោបាយ «ឃើញមួយថ្ងៃ គិតមួយថ្ងៃ ធ្វើមួយថ្ងៃ» ដែលសពលោក កែម ឡី ធ្លាប់ដាក់ឈ្មោះឱ្យ សម រង្ស៊ី ថាជា«អ្នកនយោបាយអង្ករកំប៉ុង»។ អ្នកនយោបាយដែលគ្មានចក្ខុវិស័យបែបនេះគឺជាគ្រោះធំបំផុតសម្រាប់ជាតិ និងប្រជាជន។ គ្មានចក្ខុវិស័យ ដោយសាតែសូម្បីតែការបន្តវេននយោបាយ ដែលជាកិច្ចដ៏សំខាន់ក៏ សម រង្ស៊ី បានមិនបាននឹកឃើញផង និងតែងតែដណ្តើមតួនាទីយុវជនថែមទៀតផង ដែលសម្រាប់អ្នកនយោបាយមានចក្ខុវិស័យវែងឆ្ងាយ មិនត្រឹមតែបានគិតនោះទេ គឺថែមទាំងបានរៀបចំរួចរាល់បានយ៉ាងល្អទៅហើយ។

អ្នកនយោបាយគ្មានចក្ខុវិស័យរូបនេះ ធ្វើនយោបាយ តាំងពីមានបក្សរហូតដល់អត់បក្សឈរជើង និងធ្វើនយោបាយតាំងពីនៅក្នុងស្រុករហូតដល់រត់ចោលស្រុក។ ឥឡូវនេះ ទណ្ឌិត សម រង្ស៊ី បានធ្វើដំណើរមកដល់ផ្លូវទាល់ច្រក និងស្ទើរដល់ទីបញ្ចប់នៃជីវិតនយោបាយ និងជីវិតតាមធម្មជាតិទៅហើយ ប៉ុន្តែពុំទាន់បានគិតគូរអំពីការបន្តវេននៅឡើយ។ ពិតជាអ្នកនយោបាយដែលគ្មានភាពចាស់ទុំខាងនយោបាយ និងគ្មានចក្ខុវិស័យសម្រាប់បក្ស និងប្រទេសជាតិមែន។

ទី៣៖ សម រង្ស៊ី ជាអ្នកនយោបាយគ្មានសីលធម៌ គ្មានគុណធម៌ សូម្បីតែក្មេងជំនាន់ក្រោយ ដែលគ្រាន់តែទៅរៀននៅក្រៅប្រទេស បានទទួលសញ្ញាប័ត្រខ្ពស់ទទួលបាន សមត្ថភាពខ្ពស់ និងជាកិត្តិយសជាតិ ដែលមាននិស្សិតខ្មែររៀនបានជោគជ័យនៅសាលាល្បីៗ ក៏សម រង្ស៉ី វាយប្រហារមិនរើសមុខដែរ។ តើនេះឬជាជាអ្នកនយោបាយ ដែលតែងតែអួតក្តែងៗថា ជាអ្នកស្រឡាញ់ជាតិនោះ? តាមពិត សម រង្ស៊ី គ្រាន់តែជាអ្នកនយោបាយគ្មានសីលធម៌ និងគុណធម៌ ហើយបើនិយាយឱ្យចំគឺជាជនចង្រៃជាតិ ដែលមិនបានជួយកសាងនិងអភិវឌ្ឍជាតិ និងមិនបានជួយជ្រោមជ្រែងក្នុងការកសាងធនធានមនុស្សសម្រាប់ប្រទេសជាតិ តែបែរជាមកច្រណែនឈ្នានីសនឹងយុវជនកម្ពុជា ដែលខិតខំប្រឹងប្រែងរៀនសូត្រ ទទួលបានសញ្ញាបត្រ និងចំណេះជំនាញពីបរទេសដើម្បីមកជួយកសាងនិងអភិវឌ្ឍជាតិទៅវិញ។ មនុស្សជំពូកដូច សម រង្ស៊ី នេះមិន ចំណេញសម្រាប់ជាតិឡើយតែជាសត្រូវរបស់ជាតិ និងប្រជាជន។

ទី៤៖ បើនិយាយពីចាញ់វិញគឺ សម រង្ស៊ី ដែលគេប្រសិទ្ធនាមថា អ្នកនយោបាយចាញ់ចាស់វស្សា ហាក់ដូចជាចាប់ជាតិជាមួយផ្កាយវាសនា «ចាញ់រហូត និងចាញ់អាជីព» ថែមទៀត។ លើការជាក់ស្តែងក្នុងការប្រកួតប្រជែងក្នុងការបោះឆ្នោតជាមួយសម្តេចតេជោ ហ៊ុន សែន គឺមួយជីវិតនយោបាយរហូតដល់អាយុ៧២ឆ្នាំទៅហើយ ប៉ុន្តែ សម រង្ស៊ី បានបរាជ័យជាដរាប បរាជ័យរហូតគ្មានបក្សឈរជើង និងរលាយរលត់ រត់ចោលស្រុកខ្មែរថែមទៀតផង។

អ្នកនយោបាយដែលគ្មានភាពចាស់ទុំ និងគ្មានចក្ខុវិស័យដូច សម រង្ស៊ី នេះ បានចាញ់រហូតក្នុងការប្រកួតប្រជែងជាមួយសម្តេចតេជោ ហ៊ុន សែន ដែលវីរបុសរបស់គណបក្ស ប្រជាជនកម្ពុជា និងរបស់កម្ពុជា ហើយអ្នកនយោបាយចាស់វស្សានេះ នឹងបន្តចាញ់រហូតដល់ជីវិតចុងក្រោយរបស់ខ្លួនបន្ថែមទៀត ប្រសិនបើហ៊ានប្រកួតប្រជែងជាមួយ លោក ហ៊ុន ម៉ាណែត ដែលជាបេក្ខភាពនាយករដ្ឋមន្ត្រីនាពេលអនាគតរបស់គណបក្សប្រជាជនកម្ពុជា។

យោបល់តូចមួយដែលចៅចាក់ស្មុក ចង់ផ្តល់ជូនដល់ សម រង្ស៊ី អ្នកនយោបាយដែលមានភាពចាស់ទុំខាងវ័យ ប៉ុន្តែគ្មានភាពចាស់ទុំខាងនយោបាយនេះ គឺគួរតែលោកមាន ភាពខ្មាសអៀន ហើយគួរដាក់ខ្លួនចូលនិវត្តពីនយោបាយ ដើម្បីបើកផ្លូវ និងទុកឱកាសឱ្យយុវជនជំនាន់ក្រោយធ្វើនយោបាយម្តង ដូចអ្វីដែលគណបក្សប្រជាជនកម្ពុជា បាននិងកំពុងរៀបចំនេះ គឺការរៀបចំផែនការបន្តវេន ដើម្បីបន្តថែរក្សាការពារ និងធានាសុខសន្តិភាព ស្ថិរភាព និងការអភិវឌ្ឍ ជូនជាតិមាតុភូមិ និងប្រជាជនកម្ពុជា៕

ដោយ៖ ចៅចាក់ស្មុក
រាជធានីភ្នំពេញ, ថ្ងៃទី២៩ ខែធ្នូ ឆ្នាំ២០២១