ព្រះរាជក្រិត្យ ព្រះករុណា ព្រះមហាក្សត្រ ត្រូវបានលើកលែងទោសទោសឱ្យទណ្ឌិត សម រង្ស៊ី ភេទប្រុស អាយុ៦២ឆ្នាំ (ថ្ងៃទី១២ ខែកក្កដា ឆ្នាំ២០១៣

 

សារលិខិតសម្តេចតេជោ ហ៊ុន សែន ទូលថ្វាយ ព្រះកុរណា ព្រះមហាក្សត្រ ពាក់ព័ន្ធនិងលិខិតសុំលើកលែងទោសរបស់ទណ្ឌិត សម រង្ស៊ី ចុះថ្ងៃទី ១៣ ខែមិថុនា ឆ្នាំ២០១៣

សារលិខិតសម្តេចតេជោ ហ៊ុន សែន ទូលថ្វាយ ព្រះកុរណា ព្រះមហាក្សត្រ សូមទ្រង់ព្រះបរមរាជានុញាតដ៏ខ្ពង់ខ្ពស់ លើកលែងទោសទណ្ឌិត សម រង្ស៊ី (ថ្ងៃទី ១២ ខែកក្កដា ឆ្នាំ២០១៣)

ព្រះរាជក្រិត្យ ព្រះករុណា ព្រះមហាក្សត្រ លើកលែងទោសទោសទណ្ឌិត សម រង្ស៊ី

ព្រះរាជសារ ព្រះករុណាព្រះមហាក្សត្រ ជូន សម្តេចតេជោ ហ៊ុន សែន ពាក់ព័ន្ធនិងលិខិតសុំលើកលែងទោសរបស់ សម រង្ស៊ី ចុះថ្ងៃទី ១៣ ខែមិថុនា ឆ្នាំ២០១៣

លិខិតសុំលើកលែងទោសរបស់ សម រង្ស៊ី ថ្វាយព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ កម្ពុជា ពីទីក្រុងប៉ារីស ថ្ងៃទី ១៣ ខែមិថុនា ឆ្នាំ២០១៣

 

លោកនាយករដ្ឋមន្ត្រី ហ៊ុន សែន ស្នើឱ្យក្រសួង ស្ថាប័ន ត្រូវតាមដានមើលខមិនក្នុងផេកហ្វេសប៊ុករបស់លោកដើម្បីដឹងពីបញ្ហា និងដោះស្រាយភ្លាមៗជូនប្រជាពលរដ្ឋ

លោកនាយករដ្ឋមន្ត្រី ហ៊ុន សែន បានថ្លែងថា ទោះបីថ្ងៃនេះ ជាថ្ងៃបិទយុទ្ធនាការចាក់វ៉ាក់សាំងក្នុងទ្រង់ទ្រាយធំ ក្នុងរាជធានីភ្នំពេញ និងបណ្តាខេត្តក៏ដោយ ប៉ុន្តែនៅមានប្រជាពលរដ្ឋនៅចម្ងល់ ហើយបានចូល ខំមិន ក្នុងផេកហ្វេសប៊ុករបស់លោកដោយបានលើកឡើងពីបញ្ហាការចាក់ថ្នាំវ៉ាក់សាំងការពារជំងឺកូវីដ-១៩។ ទោះយ៉ាងណាលោកថា បើលោកមានពេលវេលា លោកនឹងធ្វើការឆ្លើយទៅកាន់ប្រជាពលរដ្ឋផ្ទាល់តែម្តង។

លោកនាយករដ្ឋមន្ត្រី ហ៊ុន សែន ថ្លែងបែបនេះ នៅថ្ងៃទី ១ ខែវិច្ឆិកា ឆ្នាំ២០២១ ក្នុងឱកាសអញ្ជើញជាអធិបតីភាពក្នុងពិធីបិទយុទ្ធនាការចាក់វ៉ាក់សាំងបង្ការជំងឺកូវីដ១៩ សម្រាប់អ្នកមានអាយុ ៦ឆ្នាំឡើង និងបើកយុទ្ធនាការចាក់សម្រាប់កុមារមានអាយុ ៥ឆ្នាំនេះ

លោកនាយករដ្ឋមន្ត្រី ហ៊ុន សែន បានថ្លែងបន្តថា លោកចង់ធ្វើការខំមិនឆ្លើយតបទៅកាន់ប្រជាពលរដ្ឋណាស់ តែរឿងខំមិននេះ គួរគប្បីក្រសួង ឬស្ថាប័ន ដែលមានសមត្ថកិច្ចពាក់ព័ន្ធនឹងបញ្ហា ត្រូវតែធ្វើការឆ្លើយតបជូនប្រជាពលរដ្ឋតែម្តង។ លោកបានថ្លែងបញ្ជាក់ថា បើលោកឆ្លើយតបបែបនេះ ក្នុងឋានៈលោកជានាយករដ្ឋមន្ត្រី ហាក់នាំតែប៉ះពាល់ដល់មន្ត្រីមួយចំនួន ដែលកំពុងអនុវត្តតួនាទី ភារកិច្ច ក្នុងកិច្ចការដែលពាក់ព័ន្ធការងារនោះ។

ទន្ទឹមគ្នានេះ លោកនាយករដ្ឋមន្ត្រី បានស្នើឲ្យក្រសួង ស្ថាប័ន ពាក់ព័ន្ធត្រូវបានដានការចូលមកខំមិនរបស់ប្រជាពលរដ្ឋក្នុងផេកហ្វេសប៊ុកផ្លូវការរបស់លោក ដើម្បីឆ្លើយតបរាល់ចម្ងល់របស់ពលរដ្ឋ និងមានចំណាត់ការដោះស្រាយជូនពួកគាត់បានភ្លាមៗផងដែរ។

សម្តេចតេជោ ហ៊ុន សែន៖ ប្រជាពលរដ្ឋអាចចាក់វ៉ាក់សាំងកូវីដ១៩ ដូសទី១ បានគ្រប់ទីកន្លែង

សម្តេចតេជោ ហ៊ុន សែន បានថ្លែងឲ្យដឹងថា បងប្អូនប្រជាពលរដ្ឋអាចចាក់វ៉ាក់សាំងបង្ការជំងឺកូវីដ១៩ ដូសទី១ បានគ្រប់ទីកន្លែងទាំងអស់ដោយមិនចាំបាច់អាជ្ញាធរសួរនាំពីទីកន្លែងរស់នៅរបស់ពួកគាត់ឡើយ។ សម្តេចបានថ្លែងដូចនេះ នៅព្រឹកថ្ងៃទី១ ខែវិច្ឆិកា ឆ្នាំ២០២១ ក្នុងពិធីប្រកាសបិទយុទ្ធនាការចាក់វ៉ាក់សាំងបង្ការជំងឺកូវីដ-១៩ ជុំទី១ សម្រាប់ក្រុមអាយុចាប់ពី៦ឆ្នាំឡើង ក្នុងក្របខណ្ឌទូទាំងប្រទេស និងប្រកាសបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនកុមារអាយុ៥ឆ្នាំ ដែលចាប់ផ្ដើមពីថ្ងៃចន្ទទី០១ ខែវិច្ឆិកា ឆ្នាំ២០២១ ដែលពិធីប្រារព្ធធ្វើឡើងនៅវិមានសន្តិភាព រាជធានីភ្នំពេញ។

សម្តេចតេជោ ហ៊ុន សែន បានគូសបញ្ជាក់បន្ថែមថា មានប្រជាពលរដ្ឋយើងមួយចំនួន ខកខានមិនបានចាក់វ៉ាក់សាំងបង្ការជំងឺកូវីដ-១៩ ដោយសារបញ្ហាសុខភាព អ្នកខ្លះឆ្លងទន្លេ មានផ្ទៃពោះជាដើម។ សម្តេចតេជោ បានបន្តថា អាជ្ញាធរត្រូវសម្របសម្រួលឱ្យពួកគាត់បានចាក់វ៉ាក់សាំងបង្ការជំងឺកូវីដ-១៩ដូសទី១ឱ្យបានគ្រប់គ្នា ព្រោះថាបើគាត់មិនបានចាក់ដូសទី១នោះទេ គាត់នឹងច្បាស់ជាខកខានមិនអាចចាក់ដូសបន្តបន្ទាប់ទៀតបានឡើយ។

សម្តេចតេជោ ហ៊ុន សែន ក៏បានណែនាំឱ្យលោកជំទាវ ឱ វណ្ណឌីន ធ្វើការគិតគូរជូនដំណឹងទៅដល់អាជ្ញាធរមូលដ្ឋានគ្រប់លំដាប់ថ្នាក់ដើម្បីបង្ករលក្ខណៈឱ្យប្រជាពលរដ្ឋយើងបានចាក់ដូសទី១ ទាំងអស់គ្នា៕

ផ្សាយបន្តផ្ទាល់ពិសេស (Live): ពិធីប្រកាសបិទយុទ្ធនាការចាក់វ៉ាក់សាំងបង្ការជំងឺកូវីដ-១៩ ជុំទី១ សម្រាប់ក្រុមអាយុចាប់ពី ៦ឆ្នាំឡើង ក្នុងក្របខណ្ឌទូទាំងប្រទេស

ផ្សាយបន្តផ្ទាល់ពិសេស (Live): ពិធីប្រកាសបិទយុទ្ធនាការចាក់វ៉ាក់សាំងបង្ការជំងឺកូវីដ-១៩ ជុំទី១ សម្រាប់ក្រុមអាយុចាប់ពី ៦ឆ្នាំឡើង ក្នុងក្របខណ្ឌទូទាំងប្រទេស និង ប្រកាសបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនកុមារអាយុ ៥ឆ្នាំ ដែលចាប់ផ្ដើមពីថ្ងៃចន្ទ ទី០១ ខែវិច្ឆិកា ឆ្នាំ២០២១ ។

វិមានសន្តិភាព រាជធានីភ្នំពេញ, ថ្ងៃចន្ទ ១១រោច ខែអស្សុច ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី០១ ខែវិច្ឆិកា ឆ្នាំ២០២១

#វ៉ាក់សាំងកូវីដ១៩ #កម្ពុជា #ហ៊ុនសែន #vaccine