លោកនាយករដ្ឋមន្ត្រី ហ៊ុន សែន ស្នើឱ្យក្រសួង ស្ថាប័ន ត្រូវតាមដានមើលខមិនក្នុងផេកហ្វេសប៊ុករបស់លោកដើម្បីដឹងពីបញ្ហា និងដោះស្រាយភ្លាមៗជូនប្រជាពលរដ្ឋ

លោកនាយករដ្ឋមន្ត្រី ហ៊ុន សែន បានថ្លែងថា ទោះបីថ្ងៃនេះ ជាថ្ងៃបិទយុទ្ធនាការចាក់វ៉ាក់សាំងក្នុងទ្រង់ទ្រាយធំ ក្នុងរាជធានីភ្នំពេញ និងបណ្តាខេត្តក៏ដោយ ប៉ុន្តែនៅមានប្រជាពលរដ្ឋនៅចម្ងល់ ហើយបានចូល ខំមិន ក្នុងផេកហ្វេសប៊ុករបស់លោកដោយបានលើកឡើងពីបញ្ហាការចាក់ថ្នាំវ៉ាក់សាំងការពារជំងឺកូវីដ-១៩។ ទោះយ៉ាងណាលោកថា បើលោកមានពេលវេលា លោកនឹងធ្វើការឆ្លើយទៅកាន់ប្រជាពលរដ្ឋផ្ទាល់តែម្តង។

លោកនាយករដ្ឋមន្ត្រី ហ៊ុន សែន ថ្លែងបែបនេះ នៅថ្ងៃទី ១ ខែវិច្ឆិកា ឆ្នាំ២០២១ ក្នុងឱកាសអញ្ជើញជាអធិបតីភាពក្នុងពិធីបិទយុទ្ធនាការចាក់វ៉ាក់សាំងបង្ការជំងឺកូវីដ១៩ សម្រាប់អ្នកមានអាយុ ៦ឆ្នាំឡើង និងបើកយុទ្ធនាការចាក់សម្រាប់កុមារមានអាយុ ៥ឆ្នាំនេះ

លោកនាយករដ្ឋមន្ត្រី ហ៊ុន សែន បានថ្លែងបន្តថា លោកចង់ធ្វើការខំមិនឆ្លើយតបទៅកាន់ប្រជាពលរដ្ឋណាស់ តែរឿងខំមិននេះ គួរគប្បីក្រសួង ឬស្ថាប័ន ដែលមានសមត្ថកិច្ចពាក់ព័ន្ធនឹងបញ្ហា ត្រូវតែធ្វើការឆ្លើយតបជូនប្រជាពលរដ្ឋតែម្តង។ លោកបានថ្លែងបញ្ជាក់ថា បើលោកឆ្លើយតបបែបនេះ ក្នុងឋានៈលោកជានាយករដ្ឋមន្ត្រី ហាក់នាំតែប៉ះពាល់ដល់មន្ត្រីមួយចំនួន ដែលកំពុងអនុវត្តតួនាទី ភារកិច្ច ក្នុងកិច្ចការដែលពាក់ព័ន្ធការងារនោះ។

ទន្ទឹមគ្នានេះ លោកនាយករដ្ឋមន្ត្រី បានស្នើឲ្យក្រសួង ស្ថាប័ន ពាក់ព័ន្ធត្រូវបានដានការចូលមកខំមិនរបស់ប្រជាពលរដ្ឋក្នុងផេកហ្វេសប៊ុកផ្លូវការរបស់លោក ដើម្បីឆ្លើយតបរាល់ចម្ងល់របស់ពលរដ្ឋ និងមានចំណាត់ការដោះស្រាយជូនពួកគាត់បានភ្លាមៗផងដែរ។

សម្តេចតេជោ ហ៊ុន សែន៖ ប្រជាពលរដ្ឋអាចចាក់វ៉ាក់សាំងកូវីដ១៩ ដូសទី១ បានគ្រប់ទីកន្លែង

សម្តេចតេជោ ហ៊ុន សែន បានថ្លែងឲ្យដឹងថា បងប្អូនប្រជាពលរដ្ឋអាចចាក់វ៉ាក់សាំងបង្ការជំងឺកូវីដ១៩ ដូសទី១ បានគ្រប់ទីកន្លែងទាំងអស់ដោយមិនចាំបាច់អាជ្ញាធរសួរនាំពីទីកន្លែងរស់នៅរបស់ពួកគាត់ឡើយ។ សម្តេចបានថ្លែងដូចនេះ នៅព្រឹកថ្ងៃទី១ ខែវិច្ឆិកា ឆ្នាំ២០២១ ក្នុងពិធីប្រកាសបិទយុទ្ធនាការចាក់វ៉ាក់សាំងបង្ការជំងឺកូវីដ-១៩ ជុំទី១ សម្រាប់ក្រុមអាយុចាប់ពី៦ឆ្នាំឡើង ក្នុងក្របខណ្ឌទូទាំងប្រទេស និងប្រកាសបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនកុមារអាយុ៥ឆ្នាំ ដែលចាប់ផ្ដើមពីថ្ងៃចន្ទទី០១ ខែវិច្ឆិកា ឆ្នាំ២០២១ ដែលពិធីប្រារព្ធធ្វើឡើងនៅវិមានសន្តិភាព រាជធានីភ្នំពេញ។

សម្តេចតេជោ ហ៊ុន សែន បានគូសបញ្ជាក់បន្ថែមថា មានប្រជាពលរដ្ឋយើងមួយចំនួន ខកខានមិនបានចាក់វ៉ាក់សាំងបង្ការជំងឺកូវីដ-១៩ ដោយសារបញ្ហាសុខភាព អ្នកខ្លះឆ្លងទន្លេ មានផ្ទៃពោះជាដើម។ សម្តេចតេជោ បានបន្តថា អាជ្ញាធរត្រូវសម្របសម្រួលឱ្យពួកគាត់បានចាក់វ៉ាក់សាំងបង្ការជំងឺកូវីដ-១៩ដូសទី១ឱ្យបានគ្រប់គ្នា ព្រោះថាបើគាត់មិនបានចាក់ដូសទី១នោះទេ គាត់នឹងច្បាស់ជាខកខានមិនអាចចាក់ដូសបន្តបន្ទាប់ទៀតបានឡើយ។

សម្តេចតេជោ ហ៊ុន សែន ក៏បានណែនាំឱ្យលោកជំទាវ ឱ វណ្ណឌីន ធ្វើការគិតគូរជូនដំណឹងទៅដល់អាជ្ញាធរមូលដ្ឋានគ្រប់លំដាប់ថ្នាក់ដើម្បីបង្ករលក្ខណៈឱ្យប្រជាពលរដ្ឋយើងបានចាក់ដូសទី១ ទាំងអស់គ្នា៕

ផ្សាយបន្តផ្ទាល់ពិសេស (Live): ពិធីប្រកាសបិទយុទ្ធនាការចាក់វ៉ាក់សាំងបង្ការជំងឺកូវីដ-១៩ ជុំទី១ សម្រាប់ក្រុមអាយុចាប់ពី ៦ឆ្នាំឡើង ក្នុងក្របខណ្ឌទូទាំងប្រទេស

ផ្សាយបន្តផ្ទាល់ពិសេស (Live): ពិធីប្រកាសបិទយុទ្ធនាការចាក់វ៉ាក់សាំងបង្ការជំងឺកូវីដ-១៩ ជុំទី១ សម្រាប់ក្រុមអាយុចាប់ពី ៦ឆ្នាំឡើង ក្នុងក្របខណ្ឌទូទាំងប្រទេស និង ប្រកាសបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនកុមារអាយុ ៥ឆ្នាំ ដែលចាប់ផ្ដើមពីថ្ងៃចន្ទ ទី០១ ខែវិច្ឆិកា ឆ្នាំ២០២១ ។

វិមានសន្តិភាព រាជធានីភ្នំពេញ, ថ្ងៃចន្ទ ១១រោច ខែអស្សុច ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី០១ ខែវិច្ឆិកា ឆ្នាំ២០២១

#វ៉ាក់សាំងកូវីដ១៩ #កម្ពុជា #ហ៊ុនសែន #vaccine

ក្រសួងសុខាភិបាល ចេញសេចក្តីជូនព័ត៌មាន ស្តីពីការចាក់វ៉ាក់សាំងការពារជំងឺកូវីដ-១៩ (សុីណូវ៉ាក់) ដូសទី១ និងដូសទី២ ជូនកុមារដែលមានអាយុ ៥ ឆ្នាំ។

 

 

  

ក្រុមផ្តាច់ខ្លួនពីទីបេ, ស៊ីនជាំង និងហុងកុងដែលទទួលបានការ ឧបត្ថម្ភពីសហរដ្ឋអាមេរិក កំពុងកំណត់គោលដៅលើព្រឹត្តិការណ៍កីឡាអូឡាំពិកឆ្នាំ ២០២២ នៅទីក្រុងប៉េកាំង!

ក្នុងគោលបំណងបង្ហាញអោយសាធារណមតិទូទៅ បានឃើញនិងយល់ ដឹងអំពី«រូបភាពនិងទំរង់នៃការជ្រៀតជ្រែករបស់អាមេរិកចូលកិច្ចការផ្ទៃក្នុងរបស់ប្រទេសដែលអាមេរិកបានកំណត់ជាគោលដៅ» តាមរយៈការប្រគល់បេសកកម្មឱ្យ«អង្គការក្រៅរដ្ឋាភិបាល NED - National Endowment for Democracy » ដើម្បីផ្លាស់ផ្តូររបបគ្រប់គ្រងនៅក្នុងប្រទេសគោលដៅ ជាពិសេសគឺ «ការសហការរវាង CIA និង អង្គការក្រៅដ្ឋាភិបាល NED» ។

ការរៀបរាប់នៃដំណើររឿងនេះ ឃើញមាននៅក្នុងខ្លឹមសារនៃឃ្លីបវីដេូមួយមួយបានបង្ហោះផ្សាយលើ Channel YouTube : The New Atlas នៅថ្ងៃទី26/10/2021របស់លោក Brian Berletic ដែលជាអតីតកងម៉ារីនអាមេរិក និងបច្ចុប្បន្នជាអ្នកសរសេរ Blogger ជា Youtuber, ជាអ្នកស្រាវជ្រាវនិង ជាអ្នកនិពន្ធផ្នែកភូមិសាស្ត្រនយោបាយ» ក្រោមចំណងជើងថា «ក្រុមផ្តាច់ខ្លួនពីទីបេ, ស៊ីនជាំង និងហុងកុងដែលទទួលបានការ ឧបត្ថម្ភពីសហរដ្ឋអាមេរិក កំពុងកំណត់គោលដៅលើព្រឹត្តិការណ៍កីឡាអូឡាំពិកឆ្នាំ ២០២២ នៅទីក្រុងប៉េកាំង» ។

សូមទស្សនាវីដេអូទាំងស្រុងដែលមានរយៈពេល ១៧នាទី ដូចតទៅ៖

ប្រភពវីដេអូដើម៖ https://youtu.be/2w31eNNcGVU

#cambodia #politics #usa #Geopolitics #china #Olympics

វិភាគអន្តរជាតិ៖ តើ «មីស៊ីលល្បឿនលឿនជាងសំឡេង» របស់ចិន អាចទម្លុះប្រព័ន្ធខែលមីស៊ីលអាមេរិកបានឬទេ?

(វ៉ាស៊ីនតោន)៖ សហរដ្ឋអាមេរិកបានទទួលស្គាល់ថា ចិនបានធ្វើតេស្ដមីស៊ីលល្បឿនលឿនជាងសំឡេង (Hypersonic missile) មួយគ្រាប់ដែលមានសមត្ថភាពបំពាក់ក្បាល គ្រាប់នុយក្លេអ៊ែរកាលពីខែសីហាកន្លងទៅនេះ។ ការទទួលស្គាល់របស់ទីក្រុងវ៉ាស៊ីនតោនធ្វើឡើង បន្ទាប់ពីសារព័ត៌មាន Financial Times ដោយផ្អែកលើប្រភពដែលខ្លួនទទួល បានពីក្រុមមន្ត្រីអាមេរិកបានរាយការណ៍កាលពីដើមខែតុលានេះថា ចិនបានធ្វើតេស្ដអាវុធលឿនជាងសំឡេងពីរលើក កាលពីខែកក្កដា និងខែសីហាកន្លងទៅនេះ។

នៅក្នុងបទសម្ភាសន៍ជាមួយទូរទស្សន៍ Bloomberg នៅថ្ងៃពុធ ទី២៧ ខែតុលានេះ នាយសេនាធិការចម្រុះកងទ័ពអាមេរិក លោកឧត្តមសេនីយ៍ Mark Milley ក៏បានប្រដូច ការធ្វើតេស្ដមីស៊ីលល្បឿនលឿនជាងសំឡេងរបស់ចិន ស្ទើរតែដូចគ្នាទៅនឹងព្រឹត្តិការណ៍ Sputnik ផងដែរ ពោលគឺជាពេលដែលរុស្ស៊ីបាញ់បង្ហោះផ្កាយរណបជាលើកដំបូងបំផុត កាលពីឆ្នាំ១៩៥៧ ដោយបានធ្វើឱ្យទីក្រុងម៉ូស្គូ នាំមុខគេក្នុងការរត់ប្រណាំងសព្វាវុធនាសម័យសង្រ្គាមត្រជាក់នៅពេលនោះ។ ក្រុមអ្នកជំនាញយោធាភាគច្រើនយល់ថា អាវុធប្រភេទនេះត្រូវបានចិនផលិតឡើងដើម្បីទម្លុះប្រព័ន្ធខែលការពារមីស៊ីលអាមេរិក។

ក្រសួងការបរទេសចិន មិនបានបដិសេធចំពោះការធ្វើតេស្ដឡើយ ប៉ុន្តែបានបញ្ជាក់ថាខ្លួនមិនបានបាញ់សាកល្បងមីស៊ីលអ្វីនោះទេ ដោយគ្រាន់តែធ្វើការបាញ់បង្ហោះផ្កាយ រណបធម្មតាតែប៉ុណ្ណោះ។ តើមីស៊ីលល្បឿនលឿនជាងសំឡេងគឺជាអ្វី? ហើយថាតើហេតុអ្វីបានជាគេនាំគ្នាបារម្ភចំពោះការធ្វើតេស្ដរបស់ចិន ខណៈអាវុធប្រភេទនេះបានក្លាយជា ចំណុចកណ្ដាលនៃការប្រកួតប្រជែងគ្នារឹតតែខ្លាំងរវាងសហរដ្ឋអាមេរិក និងចិន?

*អ្វីទៅជាមីស៊ីលល្បឿនលឿនជាងសំឡេង?

«មីស៊ីលល្បឿនលឿនជាងសំឡេង» ជាទូទៅត្រូវបានគេហៅជាភាសាអង់គ្លេសថា «Hypersonic missile»។ ពាក្យថា «Hypersonic» ត្រូវបានគេយកមកពិពណ៌នាពីល្បឿន ដែលលឿនជាងសំឡេង ៥ដង។ នេះមានន័យថាអាវុធប្រភទនេះអាចហោះបានក្នុងល្បឿនយ៉ាងហោច ៦,២០០គីឡូម៉ែត្រក្នុងមួយម៉ោង ហើយដែលល្បឿនលឿនបែបនេះ អាចបង្កការលំបាកដល់រ៉ាដានៃប្រព័ន្ធខែលការពារមីស៊ីលក្នុងការចាប់សញ្ញា ឬក៏ស្ទាក់ចាប់ និងបំផ្លាញវាចោល។

បើតាមវិទ្យាស្ថានសិក្សាស្រាវជ្រាវរបស់សភាអាមេរិក Congressional Research Service ផ្ទុយពីមីស៊ីលបាលិស្ទីគ, មីស៊ីលល្បឿនលឿនជាងសំឡេង អាចហោះនៅរយៈកម្ពស់ ទាប ដោយមិនចាំបាច់ហោះតាមគន្លងខ្សែកោង ដែលត្រូវបានកំណត់ជាមុននោះទេ ពោលគឺវាងាយស្រួលបញ្ជា និងគ្រប់គ្រងនៅលើគន្លងផ្លូវដែលវាហោះទៅរក គោលដៅតែម្ដង។

*តើមីស៊ីលល្បឿនលឿនជាងសំឡេងមានប៉ុន្មានប្រភេទ?

វាត្រូវបានបែងចែកជាពីរប្រភេទសំខាន់បំផុត នោះគឺមីស៊ីលចង្អុលប្រាប់ ឬគេតែងហៅថាគ្រូសមីស៊ីល (cruise missile) និងមីស៊ីលហោះសំកាំង (glide vehicles)។ ជាធម្មតា នៅក្នុងការអភិវឌ្ឍមីស៊ីល គឺគេផ្ដោតសំខាន់លើបច្ចេកវិទ្យាបាញ់ចេញពីគ្រាប់រ៉ុក្កែត មុននឹងវាហោះសំកាំងទៅរកគោលដៅ ដោយសារតែមានបញ្ហាប្រឈមច្រើនក្នុងការអភិវឌ្ឍ កម្លាំងរុញគ្រាប់មីស៊ីលលឿនជាងសំឡេង។

គ្រាប់មីស៊ីលមានម៉ាស៊ីនបង្កើតកម្លាំងរុញម្យ៉ាងដែលគេស្គាល់ថា «scramjets» ដែលប្រើប្រាស់អុកស៊ីហ្សែននៅក្នុងខ្យល់ និងបង្កើតកម្លាំងរុញកំឡុងពេលហោះហើរ ដែល អនុញ្ញាតឱ្យមីស៊ីលធ្វើដំណើរក្នុងល្បឿន និងរយៈកម្ពស់ឋេរមួយ។

*តើប្រទេសណាខ្លះមានមីស៊ីលល្បឿនលឿនជាងសំឡេង?

ក្នុងពេលបច្ចុប្បន្ន, ចិន សហរដ្ឋអាមេរិក និងរុស្ស៊ីមានសមត្ថភាពជឿនលឿនជាងគេក្នុងការអភិវឌ្ឍមីស៊ីលល្បឿនលឿនជាងសំឡេង ខណៈប្រទេសជាច្រើនក្នុងនោះរួមមាន ជប៉ុន, ឥណ្ឌា, អូស្ត្រាលី, បារាំង, អាល្លឺម៉ង់ និងកូរ៉េខាងជើងកំពុងសិក្សាស្រាវជ្រាវលើបច្ចេកវិទ្យានេះ ហើយក្នុងនោះទៀតសោត កូរ៉េខាងជើងកាលពីពេលថ្មីៗនេះបានអះអាងថា ខ្លួន បានធ្វើតេស្ដ «មីស៊ីលល្បឿនលឿនជាងសំឡេង» មួយគ្រាប់។

*តើអ្វីទៅជាសារៈសំខាន់នៃមីស៊ីលល្បឿនលឿនជាងសំឡេង?

បើតាមអ្នកជំនាញយោធាភាគច្រើន, «មីស៊ីលល្បឿនលឿនជាងសំឡេង » អាចធ្វើដំណើរក្នុងរយៈចម្ងាយដោយប្រព័ន្ធរ៉ាដានៃប្រព័ន្ធខែលការពារមីស៊ីលពិបាក ឬមិនអាច ចាប់សញ្ញាវាបាន។ ក្រុមមន្ត្រីអាមេរិកធ្លាប់បានឱ្យដឹងថាមីស៊ីលល្បឿនលឿនជាងសំឡេងរបស់សហរដ្ឋអាមេរិក មានលក្ខណៈខុសប្លែកពីមីស៊ីលដែលកំពុងត្រូវបានអភិវឌ្ឍ ដោយចិន និងរុស្ស៊ី ពីព្រោះថាវាត្រូវបានរចនាឡើងសម្រាប់បំពាក់ក្បាលគ្រាប់ធម្មតា ជាជាងអាវុធនុយក្លេអ៊ែរ។ ប៉ុន្តែ ការអះអាងបែបនេះត្រូវបានគេមើលឃើញថាជាយុទ្ធសាស្ត្រ មួយដែលអាមេរិក មិនចង់ឱ្យចិន ឬរុស្ស៊ីដឹងថាតើអាវុធរបស់ខ្លួន មាន ឬមិនមានបំពាក់ក្បាលគ្រាប់នុយក្លេអ៊ែរ។

ចិន និងរុស្ស៊ីបានដឹងយ៉ាងច្បាស់ថាប្រព័ន្ធខែលការពារមីស៊ីលអាមេរិក មានសមត្ថភាពខ្លាំងប៉ុនណា ដោយមីស៊ីលធម្មតារបស់ពួកគេមិនអាចមានសមត្ថភាពគ្រប់គ្រាន់បើក ការវាយប្រហារលើសហរដ្ឋអាមេរិកនោះទេ។ ដូច្នេះហើយ ទើបពួកគេកំពុងប្រឹងប្រែងអភិវឌ្ឍមីស៊ីលល្បឿនលឿនជាងសំឡេង ដែលត្រូវបានអ្នកជំនាញយោធាភាគច្រើន ជឿជាក់ថាអាចទម្លុះប្រព័ន្ធខែលការពារមីស៊ីលដែលមានស្រាប់នាពេលបច្ចុប្បន្ន៕

ប្រភព៖ Bloomberg (ថ្ងៃសុក្រ ទី២៩ ខែតុលា ឆ្នាំ២០២១)

ដោយៈ Fresh News

ផ្សាយពិសេស៖ អបអរសាទរទិវាបុណ្យខួបលើកទី ១៧ នៃការឡើងគ្រងព្រះបរមរាជសម្បត្តិរបស់ ព្រះករុណាព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា

 

• អបអរសាទរទិវាបុណ្យខួបលើកទី ១៧ នៃការឡើងគ្រងព្រះបរមរាជសម្បត្តិរបស់ ព្រះករុណាព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា
• កិច្ចប្រជុំកំពូលអាស៊ានលើកទី៣៨ និងលើកទី៣៩ កិច្ចប្រជុំកំពូលពាក់ព័ន្ធ និងពិធីប្រគល់តំណែងប្រធានអាស៊ានជូនកម្ពុជា