សេចក្តីណែនាំ របស់ក្រសួងសុខាភិបាល ស្តីពី ការការពារការចម្លងវីរុសកូវីដ-១៩ និងការពុលចំណីអាហារក្នុងអំឡុងពិធីបុណ្យកាន់បិណ្ឌ និងភ្ជុំបិណ្ឌ

សេចក្តីណែនាំ របស់ក្រសួងសុខាភិបាល ស្តីពី ការការពារការចម្លងវីរុសកូវីដ-១៩ និងការពុលចំណីអាហារក្នុងអំឡុងពិធីបុណ្យកាន់បិណ្ឌ និងភ្ជុំបិណ្ឌ (ថ្ងៃទី០៨ ខែកញ្ញា ឆ្នាំ២០២១)

សេចក្តីសម្រេច ស្តីពី ការបន្តដាក់ចេញនូវវិធានការរដ្ឋបាល ដោយផ្អាក ជាបណ្តោះអាសន្ន ចំពោះសកម្មភាពការងារ មុខរបរ ឫអាជីវកម្មដែលមានហានិភ័យខ្ពស់ នៃការឆ្លងរាលដាលជំងឺកូវីដ១៩ និងការជួបជុំ ឫកាប្រមូលផ្តុំ មនុស្សជាលក្ខណៈឯកជន

សេចក្តីសម្រេចលេខៈ២៨៣/២១សសរ របស់រដ្ឋបាលរាជធានីភ្នំពេញ ស្តីពី ការបន្តដាក់ចេញនូវវិធានការរដ្ឋបាល ដោយផ្អាក ជាបណ្តោះអាសន្ន ចំពោះសកម្មភាពការងារ មុខរបរ ឫអាជីវកម្មដែលមានហានិភ័យខ្ពស់ នៃការឆ្លងរាលដាលជំងឺកូវីដ១៩ និងការជួបជុំ ឫកាប្រមូលផ្តុំ មនុស្សជាលក្ខណៈឯកជន នៅក្នុងភូមិសាស្រ្តរាជធានីភ្នំពេញ សម្រាប់រយៈពេល១៤ ថ្ងៃ ចាប់ពីថ្ងៃទី១០ ខែកញ្ញា ឆ្នាំ២០២១ រហូតដល់ថ្ងៃទី២៣ ខែកញ្ញា ឆ្នាំ២០២១

កិច្ចប្រជុំកំពូលមហាអនុតំបន់មេគង្គលើកទី៧ ចេញសេចក្តីថ្លែងការណ៍រួម ២០ចំណុច

 

(ភ្នំពេញ)៖ កិច្ចប្រជុំកំពូលមហាអនុតំបន់មេគង្គលើកទី៧ ដឹកនាំដោយសម្តេចតេជោ ហ៊ុន សែន នាយករដ្មន្រ្តីនៃកម្ពុជា បានប្រព្រឹត្តទៅតាមប្រព័ន្ធវីដេអូ នៅថ្ងៃទី០៩ ខែកញ្ញា ឆ្នាំ២០២១នេះ ក្រោមមូលបទ «មហាអនុតំបន់មេគង្គ៖ ពង្រឹងភាពខ្លាំងដើម្បីទប់ទល់នឹងបញ្ហាប្រឈមនៃទសវត្សរ៍ថ្មី»។

បណ្តាថ្នាក់ដឹកនាំនៃប្រទេសជាសមាជិកមហាអនុតំបន់ផ្សេងទៀត រួមមាន លោក លី ខឺឈាង នាយករដ្ឋមន្រ្តី នៃសាធារណរដ្ឋប្រជាមានិតចិន, លោក ផនខាំ វីផាវ៉ាន់ នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ លោកនាយឧត្តមសេនីយ៍ មីង អោង ឡាំង ប្រធានក្រុមប្រឹក្សារដ្ឋបាលរដ្ឋមីយ៉ាន់ម៉ា លោកនាយឧត្តមសេនីយ៍ ប្រាយុទ្ធ ច័ន្ទអូឆា នាយករដ្ឋមន្រ្តីថៃ លោក ផាម មិញជិញ នាយករដ្ឋមន្ត្រីវៀតណាម និង លោក ម៉ាសាតស៊ូហ្គូ អាសាកាវ៉ា ប្រធានធនាគារអភិវឌ្ឍន៍អាស៊ី ក៏អញ្ជើញចូលរួមក្នុងកិច្ចប្រជុំនេះដែរ។

ក្រោយបញ្ចប់កិច្ចជុំនេះ ភាគីទាំងអស់ បានចេញសេចក្តីថ្លែងការណ៍រួម២០ចំណុច ដូចខាងក្រោម៖

Joint Summit Declaration GMS: Renewed Strength to Face the Challenges of the New Decade

សុន្ទរកថាទាំងស្រុងរបស់ សម្តេចតេជោ ហ៊ុន សែន ក្នុងពិធីបិទកិច្ចប្រជុំកំពូលមហាអនុតំបន់មេគង្គលើកទី៧ តាមប្រព័ន្ធវីដេអូ (៣ទំព័រ)

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅព្រឹកថ្ងៃទី០៩ ខែកញ្ញា ឆ្នាំ២០២១ បានអញ្ជើញធ្វើជាប្រធានដឹកនាំកិច្ចប្រជុំកំពូលមហាអនុតំបន់មេគង្គលើកទី៧ តាមប្រព័ន្ធវីដេអូ ដែលធ្វើឡើងក្រោមមូលបទ «មហាអនុតំបន់មេគង្គ៖ ពង្រឹងភាពខ្លាំងដើម្បីទប់ទល់នឹងបញ្ហាប្រឈមនៃទសវត្សរ៍ថ្មី»។

   

 បណ្តាថ្នាក់ដឹកនាំនៃប្រទេសជាសមាជិកមហាអនុតំបន់ផ្សេងទៀត រួមមាន លោក លី ខឺឈាង នាយករដ្ឋមន្រ្តី នៃសាធារណរដ្ឋប្រជាមានិតចិន, លោក ផនខាំ វីផាវ៉ាន់ នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ លោកនាយឧត្តមសេនីយ៍ មីង អោង ឡាំង ប្រធានក្រុមប្រឹក្សារដ្ឋបាលរដ្ឋមីយ៉ាន់ម៉ា លោកនាយឧត្តមសេនីយ៍ ប្រាយុទ្ធ ច័ន្ទអូឆា នាយករដ្ឋមន្រ្តីថៃ លោក ផាម មិញជិញ នាយករដ្ឋមន្ត្រីវៀតណាម និង លោក ម៉ាសាតស៊ូហ្គូ អាសាកាវ៉ា ប្រធានធនាគារអភិវឌ្ឍន៍អាស៊ី ក៏អញ្ជើញចូលរួមក្នុងកិច្ចប្រជុំនេះដែរ។

កិច្ចប្រជុំកំពូលមហាអនុតំបន់មេគង្គលើកទី៧ បានពិនិត្យមើលវឌ្ឍនភាព នៃកិច្ចសហប្រតិបត្តិការ ចាប់តាំងពីកិច្ចប្រជុំកំពូលលើកទី៦ នៅថ្ងៃទី ៣១ ខែមីនា ឆ្នាំ២០១៨ នៅប្រទេសវៀតណាម ព្រមទាំងកំណត់សកម្មភាព និងទិសដៅអនាគតនៃកិច្ចសហប្រតិបត្តិការ នៅ៣ឆ្នាំបន្ទាប់ ក្រោមការជួយគាំទ្រពីធនាគារអភិវឌ្ឍន៍អាស៊ី។

ក្នុងនាមប្រធានដឹកនាំកិច្ចប្រជុំ សម្តេចតេជោ ហ៊ុន សែន បានថ្លែងនូវសុន្ទរកថាគន្លឹះមួយចំនួនដើម្បីបើកកម្មវិធីនេះ ហើយនៅចុងបញ្ចប់នៃកម្មវិធី ប្រមុខរាជរដ្ឋាភិបាលកម្ពុជា ក៏មានសុន្ទរកថា បិទបញ្ចប់ផងដែរ៕

ខាងក្រោមនេះជាសុន្ទរកថាទាំងស្រុងរបស់ សម្តេចតេជោ ហ៊ុន សែន ក្នុងពិធីបិទកិច្ចប្រជុំកំពូលមហាអនុតំបន់មេគង្គលើកទី៧ តាមប្រព័ន្ធវីដេអូ៖

Remark by Samdech Akka Moha Sena Padei Techo Hun Sen, Prime Minister of the Kingdom of Cambodia at the Closing Session of the 7^th GMS Summit Under the theme: “GMS: Renewed Strength to Face the Challenges of the News Decade” Phnom Penh, 9 September 2021

សុន្ទរកថាទាំងស្រុងរបស់សម្តេចតេជោ ហ៊ុន សែន ថ្លែងក្នុងពិធីបើកកិច្ចប្រជុំកំពូលមហាអនុតំបន់មេគង្គលើកទី៧ (៦ទំព័រ)

 

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃព្រហស្បតិ៍ ទី០៩ ខែកញ្ញា ឆ្នាំ២០២១នេះ បានអញ្ជើញជាប្រធានកិច្ចប្រជុំកំពូលមហាអនុតំបន់ទន្លេមេគង្គលើកទី៧ តាមប្រព័ន្ធវីដេអូ។

កិច្ចប្រជុំនេះក៏មានការអញ្ជើញចូលរួមពីនាយករដ្ឋមន្ត្រីចិនលោក លី កឺជាំង, នាយករដ្ឋមន្ត្រីឡាវ លោក ផានខាំ វិផាវ៉ាញ, នាយករដ្ឋមន្ត្រីថៃ លោក ប្រាយុទ្ធ ចាន់អូចា, នាយករដ្ឋមន្ត្រីវៀតណាម លោក ផាម មិញជិញ, នាយឧត្តមសេនីយ៍ មីន អោង ឡាំង ប្រធានក្រុមប្រឹក្សារដ្ឋបាលមីយ៉ាន់ម៉ា និងលោក ម៉ាសាត្ស៊ូហ្គូ អាសាកាវ៉ា ប្រធានធានគារអភិវឌ្ឍន៍អាស៊ី។

ជាកិច្ចចាប់ផ្តើមនៃកិច្ចប្រជុំនេះ មានការចាក់ផ្សាយនូវវីដេអូមួយស្តីពីកិច្ចសហប្រតិបត្តិការរបស់ប្រទេសនៃមហាអនុតំបន់ទន្លេមេគង្គ បន្ទាប់មកសម្តេចតេជោនាយករដ្ឋមន្ត្រី ក៏បានថ្លែងសុន្ទរកថាបើកកម្មវិធី ក្នុងនាមជាម្ចាស់ផ្ទះរៀបចំកិច្ចប្រជុំ។

ក្នុងសុន្ទរកថានេះសម្តេចតេជោ ហ៊ុន សែន បានស្វាគមន៍យ៉ាងកក់ក្តៅចំពោះមានវត្តថ្នាក់ដឹកនាំនៃបណ្តាប្រទេសមេគង្គ និងប្រធានធនាគារអភិវឌ្ឍន៍អាស៊ី។ សម្តេចតេជោ បានថ្លែងថា កម្ពុជាពិតជាមានកិត្តិយសដែលបានដើរតួនាទីសម្របសម្រួលការត្រួតពិនិត្យឡើងវិញ និងរៀបចំក្របខណ្ឌយុទ្ធសាស្ត្រថ្មី ដែលបានកំណត់ទិសដៅអនាគត សម្រាប់កម្មវិធីសហប្រតិបត្តិការមហាអនុតំបន់មេគង្គ លើមាគ៌ាអភិវឌ្ឍន៍ឆ្ពោះទៅរកវិបុលភាពរួមដោយឈរលើគោលការណ៍ច្បាប់អន្តរជាតិ សុខសន្តិភាព និងសាមគ្គីភាព។

ក្នុងសុន្ទរកថាបើកកិច្ចប្រជុំនេះ សម្តេចតេជោ ហ៊ុន សែន បានគូសរំលេចនូវវឌ្ឍនភាព ភាពប្រឈម និងទិសដៅការងារមួយចំនួន សម្រាប់ប្រទេសមហាអនុតំបន់ទន្លេមេគង្គ។

សម្តេចតេជោ ហ៊ុន សែន ក៏បានគូសរំលេចពីបញ្ហាប្រឈមនៃមេរោគកូវីដ១៩ ដែលនាំឱ្យប៉ះពាល់ដល់គោលដៅអភិវឌ្ឍសម្រាប់ប្រទេសមហាអនុតំបន់ទន្លេមេគង្គ។ បើទោះបីជាយ៉ាងណាសម្តេចតេជោ បានកត់សម្គាល់ឃើញថា ប្រទេសមហាអនុតំបន់ទន្លេមេគង្គបានប្រឹងប្រែងយ៉ាងខ្លាំង ក្នុងការប្រយុទ្ធប្រឆាំងនឹងមេរោគឆ្លងសាកលមួយនេះ។

សម្តេចតេជោ ហ៊ុន សែន ក៏បានគូសរំលេចថា ចិន បានក្លាយជាប្រទេសមួយដើរតួនាទីយ៉ាងសំខាន់ក្នុងការប្រយុទ្ធប្រឆាំងនឹងជំងឺកូវីដ១៩នេះ ដោយបានចែករំលែកនូវ វ៉ាក់សាំងយ៉ាងច្រើនដល់ប្រទេសក្នុងតំបន់។ សម្តេចតេជោ ក៏បានឆ្លៀតឱកាសថ្លែងអំណរគុណរដ្ឋាភិបាលចិន និងប្រទេសដៃគូតាមរយៈយន្តការកូវ៉ាក់ បានផ្តល់ជាជំនួយវ៉ាក់សាំងមកដល់ប្រទេសកម្ពុជា។

ក្នុងសុន្ទរកថាបើកនេះ សម្តេចតេជោ ហ៊ុន សែន ក៏បានប្រកាសបង្ហាញនូវចក្ខុវិស័យមួយចំនួនដើម្បីជាវិភាគទានក្នុងការអភិវឌ្ឍប្រកប ដោយបរិយាប័ន្នសម្រាប់ប្រទេសមហាអនុតំបន់ទន្លេមេគង្គផងដែរ។

ខាងក្រោមនេះជាសុន្ទរកថាទាំងស្រុងរបស់សម្តេចតេជោ ដែលបានថ្លែងក្នុងពិធីបើកកិច្ចប្រជុំនាព្រឹកថ្ងៃទី០៩ ខែកញ្ញា ឆ្នាំ២០២១៖

វិភាគអន្តរជាតិ៖ តើយុគសម័យអាមេរិកដឹកនាំពិភពលោក ត្រូវបញ្ចប់ដោយសារអាហ្វហ្កានីស្ថាន ឬ?

(វ៉ាស៊ីនតោន)៖ «សហរដ្ឋអាមេរិកត្រឡប់មកវិញហើយ ឬ America is back» គឺជាពាក្យស្លោកមួយដែលលោកប្រធានាធិបតី ចូ បៃដិន តែងតែអះអាងប្រាប់សម្ព័ន្ធមិត្ត ចាប់តាំងពីលោកឡើងកាន់អំណាច កាលពីខែមករាមក។ លោក បៃដិន និងគណបក្សប្រជាធិបតេយ្យបានលើកឡើងជារឿយៗថាលោក ដូណាល់ ត្រាំ គឺជាអ្នកបំផ្លាញ យុគសម័យនៃភាពជាមេដឹកនាំពិភពលោក និងទំនុកចិត្តរបស់សម្ព័ន្ធមិត្តមកលើសហរដ្ឋអាមេរិក ហើយដែលនេះគឺជាកិច្ចការដែលលោកបានសន្យាថានឹងជួសជុលកែលម្អ ឡើងវិញ។

ក៏ប៉ុន្តែ ការដួលរលំនៃរដ្ឋាភិបាលអាហ្វហ្កានីស្ថា នលើកបន្ដុបដោយសហរដ្ឋអាមេរិក ក្រោមថ្វីដៃក្រុមតាលីបង់ បានធ្វើឱ្យពាក្យស្លោក «America is back» របស់លោក បៃដិន កំពុងស្ថិតនៅក្នុងភាពស្រពិចស្រពិល និងបង្កឱ្យមានការចោទសួរជាសំណួរថាតើយុគសម័យ ដែលសហរដ្ឋអាមេរិកដឹកនាំពិភពលោកបានបិទបញ្ចប់នៅក្នុងប្រទេស អាហ្វហ្កានីស្ថានមែន ឬក៏គ្រាន់តែជាការថយចុះឥទ្ធិពលមួយរយៈពេលខ្លី? មិនតែប៉ុណ្ណោះ ព្រឹត្តិការណ៍នៅអាហ្វហ្កានីស្ថាន វាក៏ធ្វើឱ្យគេនឹកឃើញផងដែរនូវសម្ដីរបស់ អតីតរដ្ឋមន្ត្រីការបរទេសអាមេរិក លោក Henry Kissinger ដែលធ្លាប់បាននិយាយថា «វាអាចជារឿងគ្រោះថ្នាក់ដែលចង់ធ្វើជាសត្រូវរបស់សហរដ្ឋអាមរិក ប៉ុន្តែធ្វើជាមិត្ត របស់អាមេរិក ក៏អាចស្លាប់ដូចគ្នាដែរ»។

ការដកកងទ័ពចេញពីអាហ្វហ្កានីស្ថានជារឿងដែលប្រជាជនអាមេរិកភាគច្រើនគាំទ្រ ហើយសូម្បីតែសម្ព័ន្ធមិត្ត NATO ក៏បានឯកភាពដែរ។ ប៉ុន្តែ អ្វីដែលជាបញ្ហា នោះគឺថា ពួកគេយល់ថាលោក បៃដិន ដោះស្រាយបញ្ហាមិនបានល្អដោយបង្កឱ្យមានវឹកវរ នៅឯអាកាសយានដ្ឋានកាប៊ុល រហូតដល់ទាហានអាមេរិក ១៣នាក់ត្រូវបានសម្លាប់នៅ ក្នុងការវាយប្រហារភេរវកម្មបំផ្ទុះគ្រាប់បែកអត្តឃាតរបស់ពួក ISIS។

រុស្ស៊ី ជាពិសេសគឺចិនបានឆ្លៀតឱកាសយកវិបត្តិអាហ្វហ្កានីស្ថាន មកវាយបំបាក់រូបភាពជាមេដឹកនាំពិភពលោករបស់អាមេរិក ដែលពួកគេចោទប្រកាន់ថាតែងតែបោះបង់ ចោលសម្ព័ន្ធមិត្តខ្លួនឯងដើម្បីប្រយោជន៍ផ្ទាល់ខ្លួន។ ប៉ុន្មានម៉ោងក្រោយអាហ្វហ្កានីស្ថានដួលរលំភ្លាមៗ កាសែតរដ្ឋចិន Global Times បានព្រមានកោះតៃវ៉ាន់ថាមិនអាច បន្តពឹងផ្អែកលើសហរដ្ឋអាមេរិកបានទៀតឡើយ ហើយមានជម្រើសល្អតែមួយគត់ គឺយល់ព្រមបង្រួបបង្រួមជាតិជាមួយចិនដោយសន្តិវិធី។ ពីព្រោះថាប្រសិនបើសង្រ្គាម នៅច្រកសមុទ្រតៃវ៉ាន់ផ្ទុះឡើង នោះប្រព័ន្ធការពាររបស់កោះតៃវ៉ាន់នឹងត្រូវបានបំផ្លាញក្នុងរយៈពេលត្រឹមតែប៉ុន្មានប៉ុណ្ណោះ ហើយយោធាអាមេរិកក៏នឹងមិនមកជួយនោះ ដែរ។ 

អាហ្វហ្កានីស្ថានជាទីដែលអាមេរិកចំណាយពេលធ្វើសង្រ្គាមអស់ជាង២០ឆ្នាំ តែបែរជាមកត្រូវដួលរលំក្នុងពេលមិនដល់១០ថ្ងៃ ក្រោយកងទ័ពអាមេរិក និង NATO ដកចេញ បានធ្វើឱ្យប៉ះពាល់យ៉ាងខ្លាំងដល់ជំនឿចិត្ត និងទំនុកចិត្តរបស់សម្ព័ន្ធមិត្តចំពោះទីក្រុងវ៉ាស៊ីនតោន។ ក្រុមអ្នកវិភាគមើលឃើញថាវិបត្តិអាហ្វហ្កានីស្ថាន ច្បាស់ណាស់នឹង «បិទបញ្ចប់ឥទ្ធិពលរបស់សហរដ្ឋអាមេរិក» នៅអាហ្វហ្កានីស្ថាន ប្រហែលជាក្នុងរយៈពេលរាប់ទសវត្សរ ដូចគ្នាទៅនឹងការដួលរលំនៃរបបរាជានិយម អ៉ឺរ៉ង់ឆ្នាំ១៩៧៩, វៀតណាមខាងត្បូង ឆ្នាំ១៩៧៥ ឬរបបដឹកនាំគុយបាឆ្នាំ១៩៥៩ ដែលសុទ្ធសឹងតែធ្លាប់ជាសម្ព័ន្ធមិត្តអាមេរិក។

តែទោះជាបែបនេះក្ដី ការនិយាយថា «យុគសម័យអាមេរិកដឹកនាំពិភពលោក» ដល់ទីបញ្ចប់ដោយសារតែអាហ្វហ្កានីស្ថាន វាហាក់ដូចជាលឿនរហ័សពេកហើយ។ នៅក្នុង ប្រវត្តិសាស្ត្រ ក៏មានព្រឹត្តិការណ៍ស្រដៀងគ្នាទៅនឹងអាហ្វហ្កានីស្ថានធ្លាប់បានកើតឡើងផងដែរ ដែលព្រឹត្តិការណ៍ទំាងនេះបានបង្ហាញពីភាពទន់ខ្សោយរបស់អាមេរិក។ នៅឆ្នាំ១៩៤១ ជប៉ុនបានវាយប្រហារលើមូលដ្ឋានទ័ពអាមេរិក Pearl Harbour ហើយអាមេរិកបានបរាជ័យក្នុងការការពារហ្វីលីពីនកុំឱ្យធ្លាក់ចូលទៅក្រោមការគ្រប់គ្រង របស់ជប៉ុន។ តែក្រោយមក អាមេរិកបានកសាងកងទ័ពជើងទឹករបស់ខ្លួនឡើងវិញ ហើយក្នុងរយៈពេល៣ឆ្នាំ អាមេរិកធ្វើឱ្យជប៉ុនចុះចាញ់សង្រ្គាម។

ដោយឡែក នៅឆ្នាំ១៩៧៣ កងទ័ពអេហ្ស៊ីប និងស៊ីរី ក្រោមការគាំទ្រពីអតីតសហភាពសូវៀតបានបើកការវាយប្រហារលើទឹកដែលអ៉ីស្រាអែលកាន់កាប់ ហើយនៅពេល ដែលអាមេរិកធ្វើអន្តរាគមន៍ជួយអ៉ីស្រាអែល បណ្ដាប្រទេសអារ៉ាប់បាននាំគ្នាដាក់ទណ្ឌកម្មឈប់លក់ប្រេងឱ្យអាមេរិក។ ១០ឆ្នាំក្រោយមក ឥទ្ធិពលសូវៀតនៅក្នុងតំបន់ ត្រូវបានអាមេរិកបន្សាប រីឯអេហ្ស៊ីបត្រូវបានបំបែកចេញពីចលនាជាតិនិយមអារ៉ាប់។

សហរដ្ឋអាមេរិកចាប់ផ្ដើមលេចមុខមាត់ជាមហាអំណាចនៅលើឆាកអន្តរជាតិដ៏គួរឱ្យភ្ញាក់ផ្អើល។ នៅឆ្នាំ១៩១៣ អាមេរិកបានក្លាយជាមហាអំណាចសេដ្ឋកិច្ចដ៏ធំមួយ ហើយ ក្រោយលូកដៃចូលក្នុងសង្រ្គាមលោកលើកទី១ ជួយសម្ព័ន្ធមិត្តរបស់ខ្លួនឈ្នះសង្រ្គាម និងក្រោយការបញ្ចប់សង្រ្គាមលោកលើកទី២ សហរដ្ឋអាមេរិកបានដណ្ដើមកៅអីជា មហាអំណាចលេខ១ នៅលើពិភពលោកពីចក្រភពអង់គ្លេស។ មិនដល់ ៥០ឆ្នាំក្រោយផង អាមេរិកបានផ្ដួលអតីតសហភាពសូវៀត ហើយបង្កើតសណ្ដាប់ធ្នាប់ពិភពលោក ស្ដង់ដារលោកខាងលិច, ប្រែក្លាយឱ្យលុយដុល្លារអាមេរិកទៅជាស្នូលនៃសេដ្ឋកិច្ចពិភពលោក និងបង្កើតប្រព័ន្ធសម្ព័ន្ធមិត្តមួយដែលប្រយោជន៍ «សន្តិសុខជាតិ» របស់ពួកគេ ត្រូវពឹងផ្អែកលើសហរដ្ឋអាមេរិក។

ជាការពិតណាស់ ការនិយាយថា «យុគសម័យអាមេរិកដឹកនាំពិភពលោក» ដល់ទីបញ្ចប់ វាពិតលឿនរហ័សពេកមែន។ ប៉ុន្តែអ្វីដែលគេមិនអាចប្រកែកបាន នោះគឺឥទ្ធិពល អាមេរិកពិតថយចុះមែន ដ្បិតបច្ចុប្បន្ន ពិភពលោកមិនមែនជាកម្មសិទ្ធិផ្ដាច់មុខរបស់សហរដ្ឋអាមេរិកដូចកាលពីស.វទី២០ ជាពេលដែលអាមេរិកជាមហាអំណាចផ្ដាច់មុខ ទាំងខាងយោធា និងសេដ្ឋកិច្ចទៀតនោះទេ។ ពោលគឺសព្វថ្ងៃ វាជាសម័យប្រជែងឥទ្ធិពលខាងភូមិសាស្រ្តនយោបាយរវាងអាមេរិក និងមហាអំណាចលេចមុខថ្មីគឺចិនដែល រដ្ឋបាលលោក ចូ បៃដិន ចាត់ទុកជាសត្រូវភូមិសាស្ត្រនយោបាយដ៏ធំរបស់សហរដ្ឋអាមេរិកនៅក្នុងស.វទី១នេះ ដែលអាចប្រមូលកម្លាំងចាប់ពីសេដ្ឋកិច្ច, បច្ចេកវិទ្យា រហូតដល់យោធាដើម្បីប្រជែងជាមួយអាមេរិក។

សហរដ្ឋអាមេរិកនៅតែជាមហាអំណាចយោធា និងសេដ្ឋកិច្ចលេខ១ នៅលើពិភពលោក ខណៈចិនត្រូវបានគេមើលឃើញថានៅត្រូវការពេលជាច្រើនឆ្នាំទៀតដើម្បីតាម ឱ្យទាន់ ឬផ្ដួលអាមេរិកក្លាយជាមហាអំណាចសេដ្ឋកិច្ចពិភពលោក។ ដូច្នេះ ការដួលរលំរបស់អាហ្វហ្កានីស្ថាន មិនមែនជាការបិទបញ្ចប់យុគសម័យដឹកនាំពិភពលោករបស់ អាមេរិកនោះទេ តែចង់ ឬមិនចង់វានឹងធ្វើឱ្យសម្ព័ន្ធមិត្តដែលពឹងផ្អែកខ្លាំងលើអាមេរិក នឹងចាប់ផ្ដើមប្រុងប្រយ័ត្នជាងមុន ជាពិសេសនៅពេលធ្វើការសម្រេចចិត្តណាមួយ ដែលត្រូវពឹងលើអាមេរិក ហើយអំណេះតទៅគេត្រូវចាំមើលថាតើអាមេរិក អាចបញ្ចៀសកុំឱ្យព្រឹត្តិការណ៍នៅអាហ្វហ្កានីស្ថានកើតឡើងម្ដងទៀត ឬក៏អាចសា្ដរទំនុកចិត្ត ឡើងវិញពីសម្ព័ន្ធមិត្តរបស់ខ្លួនបានដែរឬយ៉ាងណា៕

ប្រភព៖ Asiatimes (ថ្ងៃពុធ ទី០៨ ខែកញ្ញា ឆ្នាំ២០២១)

ដោយៈ Fresh news

ក្រសួងសុខាភិបាល ចេញសេចក្តីណែនាំស្តីពីការការពារការចម្លងមេរោគកូវីដ១៩ និងការពុលចំណីអាហារ ក្នុងឱកាសបុណ្យកាន់បិណ្ឌ និងភ្ជុំបិណ្ឌ

(ភ្នំពេញ)៖ ក្រសួងសុខាភិបាល បានចេញសេចក្តីណែនាំជូនដល់ប្រជាពលរដ្ឋខ្មែរដែលជាពុទ្ធសាសនិក ឱ្យមានការប្រុងប្រយ័ត្នខ្ពស់ និងអនុវត្តឱ្យបានខ្ជាប់ខ្ជួននូវវិធានសុខាភិបាល ដើម្បីទប់ស្កាត់ការចម្លងមេរោគកូវីដ១៩ និងប្រុងប្រយ័ត្នការពុលចំណីអាហារ នៅក្នុងឱកាសបុណ្យកាន់បិណ្ឌ និងភ្ជុំបិណ្ឌ ដែលនឹងប្រព្រឹត្តទៅចាប់ពីថ្ងៃទី២២ ខែកញ្ញា ដល់ថ្ងៃ០៧ ខែតុលា ឆ្នាំ២០២១ខាងមុខនេះ។

ក្នុងសេចក្តីណែនាំដែលចេញផ្សាយនៅយប់ថ្ងៃទី០៨ ខែកញ្ញា ឆ្នាំ២០២១នេះ ក្រសួងសុខាភិបាល បានគូសរំលេចពីការរាតត្បាតនៃជំងឺកូវីដ១៩នៅលើពិភពលោកមិនទាន់ថមថយនៅឡើយ។ ដោយឡែកនៅកម្ពុជា ដោយមានកិច្ចខិតខំប្រឹងប្រែងពីសំណាក់ប្រមុខរាជរដ្ឋាភិបាល ដែលមានសម្តេចតេជោ ហ៊ុន សែន នាយករដ្ឋមន្ត្រីកម្ពុជា បានដឹកនាំ ចង្អុលបង្ហាញផ្លូវ បានធ្វើឱ្យករណីឆ្លងជំងឺកូវីដ-១៩ បន្តធ្លាក់ចុះជាបន្តបន្ទាប់ជាទីមោទនៈ។

ទោះយ៉ាងនេះក្តី ក្រសួងសុខាភិបាល បានក្រើនរំលឹកថា ដើម្បីធានាឱ្យបាននូវការទប់ស្កាត់ការចម្លងជំងឺកូវីដ១៩ និងឆ្ពោះទៅកាន់ការរស់នៅតាមបែបគន្លងប្រក្រតីភាពថ្មី ប្រជាពលរដ្ឋមិនត្រូវមានអារម្មណ៍ស្កប់ស្កល់ពេកនឹងអ្វីដែលជាសមិទ្ធផលដែលកម្ពុជាទទួលបាននេះទេ។ បុគ្គលគ្រប់រូប គ្រួសារ និងសហគមន៍ត្រូវតែបន្តរួបរួមគ្នាទទួលខុសត្រូវទប់ស្កាត់ការចម្លងវីរុសកូវីដ-១៩។

ក្រសួងសុខាភិបាល បានអំពាវនាវ និងក្រើនរំលឹកដល់ប្រជាពលរដ្ឋទាំងអស់ ត្រូវបន្តអនុវត្តការការពារការចម្លងវីរុសកូវីដ-១៩ ដោយបង្កើនការប្រុងប្រយ័ត្នខ្ពស់ក្នុងអំឡុងពិធីបុណ្យកាន់បិណ្ឌ និងភ្ជុំបិណ្ឌ ដែលនឹងប្រព្រឹត្តទៅចាប់ពីថ្ងៃទី២២ ខែកញ្ញា ឆ្នាំ ២០២១ ដល់ថ្ងៃទី០៧ ខែតុលា ឆ្នាំ២០២១ ខាងមុខនេះ ដោយអនុវត្តឱ្យបានខ្ជាប់ខ្ជួននូវ វិធានការ ៣ការពារ (ពាក់ម៉ាស់ លាងដៃឱ្យញឹកញាប់ និងរក្សាគម្លាតសុវត្ថិភាពបុគ្គលពីមួយម៉ែត្រកន្លះឡើង) និង៣កុំ (កុំទៅកន្លែងមានមនុស្សច្រើន កុំ ទៅកន្លែងបិទជិតគ្មានខ្យល់ចេញចូល កុំប៉ះពាល់គ្នា កុំចាប់ដៃគ្នា កុំកៀកស្មាគ្នា)។

ដើម្បីចូលរួមទប់ស្កាត់ការឆ្លងរាលដាលជំងឺកូវីដ១៩ និងការពុលចំណីអាហារ ក្នុងឱកាសបុណ្យកាន់បិណ្ឌ និងបុណ្យភ្ជុំបិណ្ឌនាពេលខាងមុខនេះ ក្រសួងសុខាភិបាល បានធ្វើការណែនាំលើចំណុចសំខាន់ៗចំនួន៤ចំណុច ដែលមានខ្លឹមលំអិតដូចក្នុងសេចក្តីជូនព័ត៌មានភ្ជាប់មកខាងក្រោមនេះ