មន្ត្រីជាន់ខ្ពស់ពាណិជ្ជកម្ម៖ កម្ពុជា-ចិន ជាដៃគូដ៏សកម្ម និងមិនអាចខ្វះបានក្នុងរៀបចំគោលនយោបាយ និងចរចាពាណិជ្ជកម្មទាំងក្នុងតំបន់ និងពិភពលោក

 

(ភ្នំពេញ)៖ លោក សុខ សុភ័ក្ត្រ រដ្ឋលេខាធិការក្រសួងពាណិជ្ជកម្មបានថ្លែងថា ចិនក្រៅតែជាដៃគូពាណិជ្ជកម្មដ៏សំខាន់ របស់កម្ពុជាហើយនោះ កម្ពុជានិងចិន ក៏ជាដៃគូដ៏សកម្ម និងមិនអាចខ្វះបាន ក្នុងការរៀបចំគោលនយោបាយ និងចរចារពាណិជ្ជកម្ម ទាំងក្នុងតំបន់ និងពិភពលោក។

ការថ្លែងរបស់មន្ត្រីជាន់ខ្ពស់ពាណិជ្ជកម្មរូបនេះ ធ្វើឡើងក្នុងឱកាសចូលរួមក្នុងវេទិកាកម្រិតខ្ពស់នៃធនាគារខួរក្បាលកម្ពុជា-ចិន លើកទី២៖ ដំណាក់កាលថ្មីនៃការអភិវឌ្ឍទំនាក់ទំនងពាណិជ្ជកម្មទ្វេភាគីកម្ពុជា-ចិន នៅថ្ងៃទី២៨ ខេកក្កដានេះ។

លោក សុខ សុភ័ក្ត្រ បានថ្លែងយ៉ាងដូច្នេះថា «ក្នុងរយៈកាលជាច្រើនឆ្នាំកន្លងមកហើយ តួលេខនៃការធ្វើពាណិជ្ជកម្មបានបង្ហាញយ៉ាងច្បាស់ថា ចិនជាដៃគូពាណិជ្ជកម្មដ៏សំខាន់របស់កម្ពុជា ។ មិនតែប៉ុណ្ណោះ កម្ពុជានិងចិន គឺជាដៃគូដ៏សកម្ម និងមិនអាចខ្វះបាន នៅក្នុងការរៀបចំគោលនយោបាយនិងចរចាពាណិជ្ជកម្ម ទាំងក្នុងក្របខ័ណ្ឌអង្គការពាណិជ្ជកម្មពិភពលោក និងក្នុងកំរិតតំបន់»។

លោកបន្តថា ក្នុងរយៈកាលប៉ុន្មានឆ្នាំចុងក្រោយនេះ ទំហំពាណិជ្ជកម្មរវាងអាស៊ាន-ចិន និងកម្ពុជា-ចិន មានការកើនឡើងគួរឱ្យកត់សម្គាល់ និងជាទីមោទនភាពបំផុត។ ការរីកចម្រើននៃសេដ្ឋកិច្ចរបស់ចិន បានដើរតួជាគំនាស់សេដ្ឋកិច្ចតំបន់ និងពិភពលោក។ បើពិនិត្យក្នុងឆ្នាំ២០១៩, ទំហំពាណិជ្ជកម្មទំនិញរវាងអាស៊ាន-ចិនមានចំនួនប្រមាណ ៦៤១ ០០០ លានដុល្លារអាមេរិក គឺកើនទ្បើងចំនួន ៩% បើធៀបនឹងឆ្នាំ២០១៨ ដែលមានត្រឹមប្រមាណ ៥៨៩ ០០០ លានដុល្លារអាមេរិក។ រីឯក្នុងឆ្នាំ២០២០, ពាណិជ្ជកម្មសរុបរវាងអាស៊ាន និងចិនមានចំនួនប្រមាណ ៦៨៥ ០០០ លានដុល្លារអាមេរិក បានកើន៧% ធៀបនឹងឆ្នាំ២០១៩។

លោកបន្តថា ចំពោះពាណិជ្ជកម្មសរុបរវាងកម្ពុជា និងចិនវិញ គឺតែងតែសម្រេចបានលើសផែនការដែលកំណត់ដោយប្រមុខរដ្ឋាភិបាលនៃប្រទេសទាំងពីរ។ ជាក់ស្តែងនៅក្នុងឆ្នាំ២០១៧, ពាណិជ្ជកម្មសរុបមានកំណើន១៦% ស្មើនឹង ៥ ៨០០ លានដុល្លារអាមេរិក គឺលើសទិសដៅកំណត់។ ក្នុងឆ្នាំ២០២០ ដោយសារប្រទេសទាំងពីររងផលប៉ះពាល់ពីវិបត្តិកូវីដ១៩ កំណើនបានថយចុះ៥% ក៏ប៉ុន្តែពាណិជ្ជកម្មសរុបទ្វេភាគីនៅតែមានទំហំធំ គឺមានជាង ៨ ០០០ លានដុល្លារអាមេរិក។

លោកបញ្ជាក់ទៀតថា ដោយមើលឃើញសក្តានុពលដ៏ធំផ្នែកពាណិជ្ជកម្ម, រដ្ឋាភិបាលនៃប្រទេសទាំងពីរបានដាក់ទិសដៅពាណិជ្ជកម្មសរុបក្នុងឆ្នាំ២០២៣ ធ្វើយ៉ាងណាសម្រេចឱ្យបាន ១០ ០០០ លានដុល្លារអាមេរិក។ បើគិតលើទំហំពាណិជ្ជកម្មទ្វេភាគីរវាងកម្ពុជា-ចិនសម្រាប់រយៈពេល៦ខែនៃឆ្នាំ២០២១នេះ ទោះបីជាប្រទេសទាំងពីរបានទទួលរងផលប៉ះពាល់ធ្ងន់ធ្ងរពីវិបត្តិកូវីដ១៩ក៏ដោយ ក៏កំណើនពាណិជ្ជកម្មនៅតែមានការកើនទ្បើងចំនួន៣១% គឺបានក្នុងតម្លៃជិត ៥ ០០០ លានដុល្លារអាមេរិក បើធៀបនឹងរយៈពេល៦ខែដូចគ្នា ក្នុងឆ្នាំ២០២០ ដែលតម្លៃត្រឹមតែ ៣ ៧០០ លានដុល្លារអាមេរិកតែប៉ុណ្ណោះ។

ការនាំចេញពីកម្ពុជាទៅចិន តែងតែមានកំណើនជាមធ្យមប្រមាណ ពី ៦-១០% ក្នុងមួយឆ្នាំៗ ព្រោះសេដ្ឋកិច្ចនៃប្រទេសទាំងពីរ បានបំពេញឱ្យគ្នាទៅវិញទៅមកយ៉ាងល្អ។ ជាទូទៅ កម្ពុជាបាននាំចេញទៅចិន នូវសម្លៀកបំពាក់ ស្បែកជើង ស្បែកសត្វមានរោម ម៉ាស៊ីនប្រើពីស្តុង អង្ករ កៅស៊ូ ចេក ដំឡូងមី គ្រាប់ស្វាយចន្ទី ស្បែកជើង ហិប វ៉ាលី ហើយនាំចូលពីចិនមកវិញនូវផលិតផលសម្រាប់បម្រើឱ្យ ការវិនិយោគនិងផលិតកម្ម ដូចជា ក្រណាត់ចាក់ ក្រណាត់ត្បាញពីកប្បាស គ្រឿងចក្រ ដែក គ្រឿងសំណង់ផ្សេងៗ បរិក្ខារនិងគ្រឿងអេឡិចត្រូនិក វត្ថុធាតុពីប្លាស្ទិក អាលុយមីញ៉ូម គ្រឿងសង្ហារឹម និងក្រដាសនិងក្រដាសកាតុង ជាដើម។

លោកសង្កត់ធ្ងន់ថា ក្នុងកំរិតតំបន់ ប្រទេសទាំងពីរ បានបំពេញឱ្យគ្នាយ៉ាងល្អនូវភាពបត់បែនដែលជួយឲ្យកិច្ចចចារនានាសម្រេចបានជោគជ័យ។ ជាក់ស្តែង កាលពីខែធ្នូ ឆ្នាំ២០០២ ក្នុងឱកាសដែលកម្ពុជាធ្វើជាម្ចាស់ផ្ទះនៃកិច្ចប្រជុំអាស៊ាន, កម្ពុជាបានសម្របសម្រួលឱ្យចិន និងអាស៊ានអាចចុះហត្ថលេខា លើកិច្ចព្រមព្រៀងក្របខ័ណ្ឌ ស្តីពីកិច្ចសហប្រតិបត្តិការសេដ្ឋកិច្ចគ្រប់ជ្រុងជ្រោយ ដែលបានជួយបើកផ្លូវឱ្យមានកិច្ចព្រមព្រៀង ពាណិជ្ជកម្មសេរីអាស៊ាន-ចិន នៅក្នុងឆ្នាំបន្តបន្ទាប់ទៀត៕

ប្រភព៖ Fresh News

ក្រសួងការងារ ប្រកាសបើកឧបត្ថម្ភជូនកម្មករក្នុងវិស័យកាត់ដេរសម្លៀកបំពាក់ស្បែកជើង និងកាបូប ដែលស្ថិតនៅក្នុងតំបន់បិទខ្ទប់ ជាង៥ម៉ឺននាក់ទៀត

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី២៨ ខែកក្កដា ឆ្នាំ២០២១នេះ បានចេញសេចក្ដីជូនដំណឹងស្ដីពី ការបើកផ្តល់ប្រាក់ឧបត្ថម្ភជូនកម្មករ និយោជិតក្នុងវិស័យកាត់ដេរសម្លៀកបំពាក់ ស្បែកជើង និងកាបូប ចំនួន ៥៩, ០១២នាក់ នៃរោងចក្រ ចំនួន ១៧៥ ដែលស្ថិតនៅក្នុងតំបន់បិទខ្ទប់ជាលក្ខណៈទ្រង់ទ្រាយធំ នៃរាជធានីភ្នំពេញ ក្រុងតាខ្មៅនៃខេត្តកណ្តាល និងក្រុងព្រះសីហនុ នៃខេត្តព្រះសីហនុ (ជំហានទី២ ទី៣ និងទី៤) ។

ក្រសួងការងារ បានបញ្ជាក់ថា ធនាគារឯកទេសវីងនឹងផ្ញើសារអំពីការបើកប្រាក់ឧបត្ថម្ភចំនួន ១៦០ ០០០ (ដប់ប្រាំមួយម៉ឺន) រៀលតែមួយលើកគត់ ស្របតាមកម្មវិធីជំនួយសង្គមជាសាច់ប្រាក់ក្រោយពេលបិទខ្ទប់របស់រាជរដ្ឋាភិបាល ទៅលេខទូរសព្ទដែលបងប្អូនបានផ្តល់មកឱ្យក្រសួងតាមរយៈរដ្ឋបាលរោងចក្រ នាពេលកន្លងមក។

ក្រសួងការងារ បានជម្រាបជូនរបៀបបើកប្រាក់ឧបត្ថម្ភថា៖ ធនាគារឯកទេសវីងនឹងបង្វិលប្រាក់ឧបត្ថម្ភនេះជូនរាជរដ្ឋាភិបាលវិញ ប្រសិនជាបងប្អូនខកខានមិនបានទៅបើកប្រាក់ឧបត្ថម្ភនេះក្នុងរយៈពេល ២១ថ្ងៃ បន្ទាប់ពីទទួលបានសារតាមទូរសព្ទពីធនាគារឯកទេសវីង ដើម្បីបើកប្រាក់ឧបត្ថម្ភនេះ បងប្អូនត្រូវយកអត្តសញ្ញាណប័ណ្ណសញ្ជាតិខ្មែរ និងទូរសព្ទដែលទទួលបានសារនោះទៅកាន់ភ្នាក់ងារវីងដែលនៅជិតបំផុត។ សូមបញ្ជាក់ថា បងប្អូនមិនតម្រូវឱ្យបង់ថ្លៃសេវាទៅភ្នាក់ងារវីងឡើយពេលបើកប្រាក់ឧបត្ថម្ភនេះ។

ចំពោះករណីនេះ បងប្អូនកម្មករនិយោជិត ដែលបម្រើការងារនៅរោងចក្រ ចំនួន ១៧៥ នេះ មិនបានទទួលសារទូរសព្ទពីធនាគារឯកទេសវីង ឬមានចម្ងល់ផ្សេងៗនោះសូមបងប្អូនទំនាក់ទំនងសួរព័ត៌មានបន្ថែម តាមរយៈក្រុមតេឡេក្រាម https://t.me/KhmerWorkerChat ឬទូរសព្ទលេខ ១២៩៧៕

លោក ទូ សាវុធ អញ្ជើញចូលរួមកិច្ចប្រជុំ ស្តីពីផែនការចាក់វ៉ាក់សាំងបង្ការជំងឺកូវីដ-១៩ លើកុមារ និងយុវវ័យ ដែលមានអាយុចាប់ពី១២ឆ្នាំ ដល់១៨ឆ្នាំ

កោះកុង÷ លោក ទូ សាវុធ អភិបាលរងនៃគណៈអភិបាលខេត្តកោះកុង នៅថ្ងៃទី២៨ ខែកក្កដា ឆ្នាំ២០២១ បានអញ្ជើញចូលរួមកិច្ចប្រជុំ ស្តីពីផែនការចាក់វ៉ាក់សាំងបង្ការជំងឺកូវីដ-១៩ លើកុមារ និងយុវវ័យ ដែលមានអាយុចាប់ពី១២ឆ្នាំ ទៅដល់អាយុ ១៨ឆ្នាំ តាមរយៈកម្មវិធី Zoom Meeting ។

គោលបំណងនៃកិច្ចប្រជុំគឺការពារប្រជាពលរដ្ឋកម្ពុជា ការពារប្រព័ន្ធសុខាភិបាល និងកាត់បន្ថយផលប៉ះពាល់សង្គម-សេដ្ឋកិច្ច ដោយកាត់បន្ថយឱ្យបានជាអតិបរមានូវអ្នកជំងឺសម្រាកពេទ្យ និងស្លាប់បណ្តាលមកពីជំងឺកូវីដ-១៩ ក្នុងគោលដៅកាត់បន្ថយការឆ្លង ភាពធ្ងន់ធ្ងរនៃជំងឺ និងស្លាប់ ដែលបណ្តាលមកពីជំងឺកូវីដ-១៩ និងទប់ទល់នឹងការគម្រាមកំហែងនៃមេរោគបំលែងខ្លួនថ្មីៗ ជាពិសេសមេរោគប្រភេទដែលតា តាមរយៈការផ្តល់វ៉ាក់សាំង បង្ការជំងឺកូវីដ-១៩ ដល់កុមារនិងយុវវ័យអាយុពី១២ឆ្នាំ ទៅក្រោម១៨ឆ្នាំ ដែលមានចំនួនប្រមាណ ២លាននាក់ នៅបំណាច់ខែតុលា ឆ្នាំ២០២១។

ការអនុញ្ញាតិឱ្យចាក់វ៉ាក់សាំងត្រូវ

-មានអាយុ គ្រប់១២ឆ្នាំ នៅថ្ងៃដែលមកចាក់វ៉ាក់សាំង

-មានការយល់ព្រមជាលាយលក្ខណ៍អក្សរ ពីមាតា-បិតា ឬអាណាព្យាបាលតាមផ្លូវច្បាប់

-អ្នកកំពុងរស់នៅ ឬរៀនសូត្រ ក្រៅភូមិសាស្ត្រនៃលំនៅដ្ឋានរបស់ឱពុក-ម្ដាយ ឬអាណាព្យាបាលត្រូវមានការយល់ព្រម  ដោយផ្ទាល់មាត់ពីមាតា-បិតា ឬអាណាព្យាបាលតាមផ្លូវច្បាប់របស់ខ្លួន តាមរយៈទូរស័ព្ទ

-កំព្រាឱពុក-ម្ដាយ ឬគ្មានអាណាព្យាបាលរស់នៅក្នុងមជ្ឈមណ្ឌលគ្រប់គ្រងដោយក្រសួង-ស្ថាប័នមានសមត្ថកិច្ច ឬដោយ អង្គការផ្សេងៗ ត្រូវបានការយល់ព្រមពីក្រសួង-ស្ថាប័នមានសមត្ថកិច្ច ឬពីអង្គការនោះ អនុលោមតាមអំណាចច្បាប់

-កំព្រាដែលគ្មានទីពឹងនិងគ្មានផ្ទះសម្បែងរស់នៅពិតប្រាកដ ជាការទទួលខុសត្រូវរបស់អាជ្ញាមានសមត្ថកិច្ចមូលដ្ឋាន

-នៅថ្ងៃមកចាក់វ៉ាក់សាំង មាតា-បិតា ឬអាណាព្យាបាលតាមផ្លូវច្បាប់របស់កុមារ-យុវវ័យ ត្រូវបង្ហាញ ឬបំពេញលិខិតយល់ព្រមអនុញ្ញាតិឱ្យចាក់វ៉ាក់សាំង ដល់មន្ត្រីគ្រប់គ្រងទីតាំងចាក់វ៉ាក់សាំង

-ត្រូវបានពិនិត្យសុខភាពយ៉ាងម៉ត់ចត់ និងត្រូវបានអនុញ្ញាតិឱ្យចាក់ដោយគ្រូពេទ្យនៅទីតាំងចាក់វ៉ាក់សាំង។

ការចុះឈោ្មះចាក់វ៉ាក់សាំងទុកជាមុន

-មាតា-បិតាឬអាណាព្យាបាលតាមផ្លូវច្បាប់ ត្រូវចុះឈ្មោះកុមារ-យុវវ័យត្រូវចាក់វ៉ាក់សាំងទុកជាមុន នៅក្នុងគេហទំព័រ www.cambodia-vaccine.gov.kh។

-អនុគណៈកម្មការចំពោះកិច្ចចាក់វ៉ាក់សាំង ឬអាជ្ញាធរមានសមត្ថកិច្ចពាក់ព័ន្ធអាចជួយរៀបចំបញ្ជី ឈ្មោះកុមារ-យុវវ័យ ក្នុងដែនសមត្ថកិច្ចរបស់ខ្លួន និងដោយមានការយល់ព្រមពីមាតា-បិតា ឬអាណាព្យាបាល រួចចុះឈ្មោះឱ្យទុកជាមុននៅក្នុងគេហទំព័រ www.cambodia-vaccirie.gov.kh ឬបញ្ជូន បញ្ជីឈ្មោះនោះទៅមន្ត្រីគ្រប់គ្រងទីតាំងចាក់វ៉ាក់សាំងបង្ការជំងឺកូវីដ-១៩ ដែលស្ថិតនៅជិតបំផុត៕

លោក អម សុភា ៖ ការអនុវត្ត ៣ការពារ និង៣កុំ និងវិធានការរបស់ក្រសួងសុខាភិបាល ឱ្យបានខ្ជាប់ខ្ជួន ទើបយើងអាចជៀសផុតពីការចម្លងនៃមេរោគកូវីដ-១៩

កំពង់ឆ្នាំង៖ លោក អម សុភា អភិបាលរងខេត្តកំពង់ឆ្នាំង បានថ្លែងថា ការអនុវត្ត ៣ការពារ និង៣កុំ របស់ប្រមុខរាជរដ្ឋាភិបាល និងវិធានការរបស់ក្រសួងសុខាភិបាល អោយបានខ្ជាប់ខ្ជួនគឺអាចជៀសផុតពីការចម្លងនៃមេរោគកូវីដ-១៩។ លោកបានថ្លែងបែបនេះ នាថ្ងៃទី២៦ ខែកក្កដា ឆ្នាំ២០២១ នៅក្នុងបរិវេណវត្តនិគ្រោធារាម ស្ថិតក្នុងឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ក្នុងឱកាសដែលលោកអញ្ជើញជាអធិបតីភាពក្នុងពិធីផ្សព្វផ្សាយអំពីវិធានការទប់ស្កាត់ការរីករាលដាលនៃជំងឺកូវីដ-១៩ ដោយមានការអញ្ជើញចូលរួមពីសំណាក់លោក វេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្ត ព្រះសង្ឃ អាជ្ញាធរដែនដី និងប្រជាពលរដ្ឋផងដែរ។

លោក អម សុភា បានមានប្រសាសន៍បន្តថា បច្ចុប្បន្ននេះ ជំងឺកូវីដ-១៩ មិនទាន់មានការថយចុះនៅឡើយបានធ្វើអោយបណ្តាប្រទេសនៅជុំវិញពិភពលោកមានការឆ្លង និងស្លាប់ជាបន្តបន្ទាប់។ ក្នុងនោះលោកបានអំពាវនាវប្រគេនដល់ព្រះសង្ឃ និងប្រជាពលរដ្ឋទាំងអស់ត្រូវធ្វើអនាម័យជាប់ជាប្រចាំដោយលាងសម្អាតដៃជាមួយសាប៊ូ អាល់កុល ឬជែល ដើម្បីសម្លាប់មេរោគមុនពេលប៉ះពាល់នៅលើផ្ទៃមុខ និងពេលបរិភោគអាហារ ពិសេសអនុវត្តអោយបានខ្ជាប់ខ្លួនតាមវិធានការរបស់ប្រមុខរាជរដ្ឋាភិបាល និងក្រសួងសុខាភិបាលដើម្បីទាំងអស់គ្នាជៀសផុតពីជំងឺដ៏កាចសាហាវនេះ។

លោកវេជ្ជបណ្ឌិត ប្រាក់ វ៉ុន បានគូសបញ្ជាក់ អំពីការចម្លងនៃមេរោគកូវីដ និងវិធីសាស្ត្រទប់ស្កាត់កុំអោយឆ្លងគឺការអនុវត្តទៅតាមបច្ចេកទេស និងវិធានការនានារបស់ក្រសួងសុខាភិបាល ឱ្យបានត្រឹមត្រូវ ដូចជាកាលាងសំអាតដៃឱ្យបានញឹកញាប់ ការក្សាគំលាតសុវត្ថិភាព ពាក់ម៉ាស់ គឺពិតជាអាចទប់ស្កាត់បានការចម្លងនៃជំងឺកូវីដ-១៩នេះ ប្រកបដោយប្រសិទ្ធភាព។

ជាមួយគ្នានោះ លោកក៏បាននាំយកគ្រឿងឧបភោគបរិភោគរបស់លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ប្រគេនដល់ព្រះចៅអធិការវត្តសម្រាប់ផ្គត់ផ្គង់ក្នុងអំឡុងពេលព្រះសង្ឃចូលព្រះវស្សាផងដែរ៕

ពិធីបើកកិច្ចប្រជុំពិភាក្សាលើសំណើរបស់ប្រជាពលរដ្ឋ និងចុះពិនិត្យទីតាំងដីស្នើសុំធ្វើការផ្ទេរសិទ្ធិកាន់កាប់ដីមិនទាន់ចុះបញ្ជី

កោះកុង៖ នៅថ្ងៃទី២៧ ខែកក្កដា ឆ្នាំ២០២១ លោក សុខ សុទ្ធី អភិបាលរងខេត្តកោះកុង ដោយមានការណែនាំ និងការអនុញ្ញាតពីលោកស្រី មិថុនា ភូថង អភិបាល នៃគណៈអភិបាលខេត្តកោះកុង បានដឹកនាំក្រុមការងាររួមមាន លោកប្រធានមន្ទីរបរិស្ថាន លោកប្រធានមន្ទីរកសិកម្ម រុក្ខាប្រមាញ់ និងនេសាទ លោកប្រធានមន្ទីររៀបចំដែនដី នគរូបនីយកម្ម និងសំណង់ លោកនាយកទីចាត់ការអន្តរវិស័យសាលាខេត្ត រដ្ឋបាលស្រុកស្រែអំបិល ការិយាល័យភូមិបាលស្រុកស្រែអំបិល មេឃុំ និងអ្នកពាក់ព័ន្ធ ដើម្បីប្រជុំពិភាក្សាលើសំណើរបស់ប្រជាពលរដ្ឋ និងចុះពិនិត្យទីតាំងដីដែលប្រជាពលរដ្ឋស្នើសុំធ្វើការផ្ទេរសិទ្ធិកាន់កាប់ដីមិនទាន់ចុះបញ្ជី និងទីតាំងដីដែលប្រជាពលរដ្ឋស្នើសុំចុះបញ្ជីដីធ្លីដូចខាងក្រោម៖

១. ចុះពិនិត្យទីតាំងដីដែលប្រជាពលរដ្ឋឈ្មោះ កូឡា កូកា ស្នើសុំផ្ទេរសិទ្ធិកាន់កាប់អចលនវត្ថុមិនទាន់ចុះបញ្ជីដីចំនួន២ក្បាលដី ស្ថិតនៅភូមិភ្នំស្រឡៅ ឃុំជ្រោយស្វាយ ស្រុកស្រែអំបិល ខេត្តកោះកុង និងស្ថិតនៅភូមិជ្រោយស្វាយកើត ឃុំជ្រោយស្វាយ ស្រុកស្រែអំបិល ខេត្តកោះកុង

២. ចុះពិនិត្យទីតាំងដីដែលប្រជាពលរដ្ឋឈ្មោះ សួន មាន ស្នើសុំផ្ទេរសិទ្ធិកាន់កាប់អចលនវត្ថុមិនទាន់ចុះបញ្ជីដីស្ថិតនៅភូមិផ្លោង ឃុំបឹងព្រាវ ស្រុកស្រែអំបិល ខេត្តកោះកុង

៣. ចុះពិនិត្យទីតាំងដីប្រជាពលរដ្ឋឈ្មោះ យិន ម៉េង និងឈ្មោះ ហ៊ុន ស្រេង ស្នើសុំចុះបញ្ជីដីធ្វើបណ្ណសម្គាល់សិទ្ធិកាន់កាប់អចលនវត្ថុ នៃដីស្ថិតនៅភូមិឈើនាង-ជ្រោយស្វាយកើត ឃុំជ្រោយស្វាយ ស្រុកស្រែអំបិល ខេត្តកោះកុង

៤. ចុះពិនិត្យទីតាំងដីប្រជាពលរដ្ឋឈ្មោះ លឹម បុក និងឈ្មោះ ឈីវ កៀក ស្នើសុំចុះបញ្ជីដីធ្វើបណ្ណសម្គាល់សិទ្ធិកាន់កាប់អចលនវត្ថុ នៃដីស្ថិតនៅភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោះកុង

៥. ចុះពិនិត្យទីតាំងដីប្រជាពលរដ្ឋឈ្មោះ ស្រី ចាន់ថន និងឈ្មោះ រិទ្ធ ដារាវីន ស្នើសុំចុះបញ្ជីដីធ្វើបណ្ណសម្គាល់សិទ្ធិកាន់កាប់អចលនវត្ថុ នៃដីស្ថិតនៅភូមិសាលាម្ខាង ឃុំបឹងព្រាវ ស្រុកស្រែអំបិល ខេត្តកោះកុង។

ចំពោះករណីពាក់ព័ន្ធនឹងការស្នើសុំចុះបញ្ជីដីធ្លីនេះ លោក សុខ សុទ្ធី អភិបាលរងខេត្តកោះកុងបានបញ្ជាក់ថា នៅពេលក្រុមការងារចុះពិនិត្យទីតាំងដីដែលប្រជាពលរដ្ឋស្នើសុំចុះបញ្ជី មិនមែនមានន័យអនុញ្ញាតចុះបញ្ជីដីឱ្យនោះទេ។ ការអនុញ្ញាតឱ្យចុះបញ្ជីដីធ្លីបានលុះត្រាតែការកាន់កាន់ដីធ្លីនោះស្របច្បាប់ មានឯកសារពាក់ព័ន្ធគ្រប់គ្រាន់ មានការកាន់កាប់និងអាស្រ័យផលជាក់ស្តែង និងលក្ខខណ្ឌផ្សេងៗទៀតដែលច្បាប់តម្រូវ។ 

បន្ទាប់ពីការចុះពិនិត្យស្ថានភាពដីជារួមរួចហើយ ក្រុមមន្ត្រីជំនាញពាក់ព័ន្ធនឹងចុចនិយាមកាដី តំឡើងផែនទីទីតាំងដី ដោយកាត់ចេញនូវចំណីព្រែក អូរ ស្ទឹង ផ្លូវ... ដើម្បីយកមកពិនិត្យផ្ទៀតផ្ទាត់ថាតើ ទីតាំងដីដែលស្នើសុំនេះមានស្ថិតនៅក្នុងតំបន់ការពារធម្មជាតិ ឬមានប៉ះពាល់ជាមួយតំបន់ការពារនានាឬទេ ហើយដីនេះមានទំនាស់ដែរឬអត់៕

រដ្ឋបាលខេត្តកែប សូមធ្វើការច្រានចោលនូវការចោទប្រកាន់របស់សារព័ត៌មានក្នុងស្រុកមួយចំនួន ដែលបានផ្សព្វផ្សាយថា ការរៀបចំគម្រោងពង្រីកឆ្នេរនៅមុខសាលាខេត្ត ធ្វើឱ្យបាត់បង់ផលប្រយោជន៍របស់អាជីវករ

រដ្ឋបាលខេត្តកែប សូមធ្វើការបញ្ជាក់ជូនសាធារណៈជនឱ្យបានជ្រាបថា គម្រោងពង្រីកឆ្នេរនេះ មានគោលបំណងពង្រីកតំបន់កំសាន្តឱ្យបានច្រើន ដែលជាសកម្មភាពពង្រីកសត្តានុពលរបស់ខេត្ត សម្រាប់ទាក់ទាញភ្ញៀវទេសចរណ៍មកកាន់តែច្រើនជាងមុន ដោយមិនបានធ្វើការរុះរើសំណង់មិនរៀបរយរបស់អាជីវករ និងពុំមានបិទការប្រកបអាជីវកម្មប្រចាំថ្ងៃរបស់អាជីវករនៅតំបន់នេះឡើយ។

ការអនុវត្តគម្រោងរៀបខឿនពង្រីក ច្រាំងសមុទ្រនៅមុខសាលាខេត្ត ជាគម្រោងដែលរៀបចំឡើងដោយផ្អែកតាមចក្ខុវិស័យអភិវឌ្ឍន៍ខេត្ត និងស្របតាមប្លង់គោលប្រើប្រាស់ដីក្រុងកែបផងដែរ៕

រដ្ឋបាលខេត្តសៀមរាប អនុញ្ញាតឱ្យបើកចេញ-ចូលឡើងវិញនូវទីតាំងផ្ទះចំនួន ២៧ខ្នង

រដ្ឋបាលខេត្តសៀមរាបអនុញ្ញាតឱ្យបើកចេញ-ចូលឡើងវិញនូវទីតាំងផ្ទះចំនួន ២៧ខ្នងផ្ទះ រួមមាន ភូមិព្រៃធំ ចំនួន ២៣ខ្នងផ្ទះ និងភូមិចខ្លោង ចំនួន ០៤ខ្នងផ្ទះ ស្ថិតក្នុងសង្កាត់ស្រង៉ ក្រុងសៀមរាប ខេត្តសៀមរាប បន្ទាប់ពីត្រូវបានហ៊ុមព័ទ្ធការចេញ-ចូលជាបណ្តោះអាសន្ន ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩។

សូមអានសេចក្តីសម្រេចទាំងស្រុងដូចខាងក្រោម ៖