អភិបាលខេត្តកំពង់ឆ្នាំង អញ្ជើញជាអធិបតីក្នុងវេទិការផ្សព្វផ្សាយអំពីផលប៉ះពាល់នៃការធ្វើចំណាកស្រុកដល់បងប្អូនប្រជាពលរដ្ឋក្នុងស្រុកទឹកផុស

កំពង់ឆ្នាំង៖ នាព្រឹកថ្ងៃទី១៦ ខែមិថុនា ឆ្នាំ២០២០ លេខាធិការដ្ឋានគណៈកម្មាធិការប្រយុទ្ធប្រឆាំងអំពើជួញដូរមនុស្ស (គ.ខ.ប.ជ) ខេត្តកំពង់ឆ្នាំង បានរៀបចំវេទិកាដើម្បីផ្សព្វផ្សាយអំពីផលប៉ះពាល់នៃការធ្វើចំណាកស្រុកដោយប្រថុយប្រថាន និងការបង្ការទប់ស្កាត់អំពើជួញដូរមនុស្ស ជូនដល់ប្រជាពលរដ្ឋរស់នៅឃុំខ្លុងពពក ស្រុកទឹកផុស ខេត្តកំពង់ឆ្នាំង ក្រោមអធិបតីភាព លោក ឈួរ ច័ន្ទ ឌឿន អភិបាលខេត្ត និងជាប្រធានគណៈកម្មា ធិការប្រយុទ្ធប្រឆាំងអំពើជួញដូរមនុស្សខេត្ត លោកស្រី ប៊ន សុភី អភិបាល រងខេត្ត និងជាអនុប្រធានអចិន្ត្រៃយ៍គណៈកម្មាធិការប្រយុទ្ធប្រឆាំងអំពើជួញដូរមនុស្ស (គ.ខ.ប.ជ) ខេត្តកំពង់ឆ្នាំង។

ពិធីនេះដែរក៏មានការចូលរួមពីអភិបាលរងខេត្ត អភិបាលស្តីទីស្រុកទឹកផុស លោកស្រីឧត្តមសេនីយ៍ត្រី មាស សុម៉ាលី ស្នងការរង នគរបាលខេត្តកំពង់ឆ្នាំង លោក លោកស្រីជាថ្នាក់ដឹកនាំមន្ទីរ អង្គភាព ក្នុងគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្ត កម្លាំងមានសមត្ថកិច្ច, មេ ឃុំ មេភូមិ អាជ្ញាធរ ក្រុមការងារ របស់លេខាធិការដ្ឋាន គ.ខ.ប.ជ ខេត្ត និងប្រជាពលរដ្ឋជាច្រើនទៀតចូលរួមផងដែរ។

លោកស្រី ប៊ន សុភី អភិបាល រងខេត្ត និងជាអនុប្រធានអចិន្ត្រៃយ៍គណៈកម្មាធិការប្រយុទ្ធប្រឆាំងអំពើជួញដូរមនុស្ស (គ.ខ.ប.ជ) ខេត្តកំពង់ឆ្នាំង បានបញ្ជាក់ពីគោលបំណងនៃការរៀបចំវេទិកា គឺដើម្បីឱ្យប្រជាពលរដ្ឋយល់កាន់តែច្បាស់អំពីការធ្វើចំណាកស្រុក ជៀសវាងការធ្វើចំណាកស្រុកដោយប្រថុយប្រថាន តាមការឃោសនា របស់មេខ្យល់អូសទាញនិងដើម្បីបង្ការទប់ស្កាត់អំពើជួញដូរមនុស្សតាមគ្រប់រូបភាពផងដែរ។

លោក ឈួរ ច័ន្ទ ឌឿន អភិបាលខេត្តកំពង់ឆ្នាំង និងជាប្រធានគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្ត បានកោតសរសើរ ដល់គណៈកម្មាធិការ គ.ខ.ប.ជ ខេត្ត និងក្រុមលេខាធិការដ្ឋាន និងក្រុមការងារជំនាញអន្តរ មន្ទីរ អង្គភាព ដែលបានយកចិត្តទុកដាក់អនុវត្តការងាររួមគ្នា ដើម្បីបង្ការ និងទប់ស្កាត់ ព្រមទាំងចាត់វិធានការតាមច្បាប់ឱ្យបានទាន់ពេលវេលា ចំពោះជនល្មើស និងមេខ្យល់ដែលបានប្រើប្រជាភិថុតតាមគ្រប់រូបភាព។

ក្នុងនោះដែរ លោកអភិបាលខេត្ត ក៏បានផ្តាំផ្ញើការសាកសួរសុខទុក្ខពីលោកឧបនាយករដ្ឋមន្រ្តី ស ខេង រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ខ.ប.ជ), លោកស្រី ជូ ប៊ុនអេង អនុអចិន្ត្រៃយ៍ គ.ជ.ប.ជ និងបានធ្វើផ្សព្វផ្សាយ ដល់បងប្អូនប្រជាពលរដ្ឋទាំងអស់៖
១. យល់ពីផលប៉ះពាល់ការធ្វើចំណាកស្រុកដោយប្រថុយប្រថាន ប្រុងប្រយ័ត្ន ចំពោះមេខ្យល់គ្រប់រូបភាព។
២. រាយការណ៍ បន្ទាន់ទៅក្រុមការងារថ្នាក់ស្រុក ឃុំ ភូមិ ប៉ុស្ត៍ ដែលនៅជិត ចំពោះករណីសង្ស័យ មានជនណាមកឃោសនា។
៣.ចូររួមសាមគ្គីសហការគ្នា ជួយគ្នាទៅវិញទៅមកដោយមិនឲ្យមានការរើសអើង។
៤. ចូលរួមអនុវត្តន៍ ភូមិឃុំ មានសុវត្ថិភាព។
៣. ត្រូវរក្សាអនាម័យ អនុវត្តវិធានការការពារខ្លួនពីជំងឺផ្សេងៗជាពិសេសជំងឺកូវីដ១៩ ដែលកំពុងរីករាលដាលទូទាំងសកលលោក ត្រូវតែប្រុងប្រយ័ត្ន និងអនុវត្តនូវវិធានការនានាដែលរាជរដ្ឋាភិបាលកម្ពុជា និងស្តាប់តាមការណែនាំរបស់ក្រសួងសុខាភិបាលឱ្យបានជាប្រចាំដើម្បីចូលរួមទាំងអស់គ្នាកុំឱ្យកើតមានជំងឺកូវីដ១៩ នៅក្នុងដំណាក់កាលដែលមានរលកទី២នេះនៅក្នុងសហគមន៍យើងជាដាច់ខាត។

លោកអភិបាលខេត្ត បានធ្វើការអំពាវនាវបន្ថែមទៀតឱ្យប្រជាពលរដ្ឋទាំងអស់គ្នាត្រូវបង្កើនការផលិតផ្នែកកសិកម្ម តាមរយៈ ការដាំដុះ ការចិញ្ចឹមសត្វជាដើម ដើម្បីដោះស្រាយបញ្ហាជីវភាព។ ក្នុងនោះ លោក បានជូនថវិកាប្រជាពលរដ្ឋ ចំនួន ៥០នាក់ ក្នុងម្នាក់ៗទទួលបាន ៣០ ០០០រៀល និងឧបត្តម្ភដល់ក្រុមការងារ របស់លេខាធិការដ្ឋាន គ.ខ.ប.ជ ខេត្ត ចំនួន ៤០០ ០០០រៀលផងដែរ៕

រដ្ឋបាលខេត្តកែប រៀបចំព្រះរាជពិធីចម្រើនព្រះជន្មវស្សាសម្តេចព្រះមហាក្សត្រីព្រះវររាជមាតាជាតិខ្មែរ

កែប៖ នៅព្រឹកថ្ងៃអង្គារទី១៦ ខែមិថុនា ឆ្នាំ២០២០ រដ្ឋបាលខេត្តកែប ដឹកនាំដោយលោក សំ សារីន ប្រធានក្រុមប្រឹក្សាខេត្ត លោក សោម ពិសិដ្ឋ អភិបាលនៃគណៈអភិបាលខេត្ត និងលោកស្រី ស ម៉ាលីដា រួមដំណើរដោយ លោកស្រី អ៊ុល ភីរុណ អភិបាលរងខេត្ត និងជាប្រធានស្តីទីគណៈកម្មាធិការសាខាកាកបាទក្រហមកម្ពុជាខេត្ត សមាជិកក្រុមប្រឹក្សាខេត្ត អភិបាលរងខេត្ត អនុប្រធានសមាជិក សមាជិកា អនុសាខា គណៈកម្មាធិការសាខាកកាបាទក្រហមកម្ពុជាខេត្ត ប្រធានមន្ទីរ អង្គភាពជុំវិញខេត្ត កងកម្លាំង មន្រ្តីរាជការទូទាំងខេត្ត និងយុវជនគ្រប់ប្រភេទ បានប្រគេនចង្ហាន់ និងទេយ្យវត្ថុ ជូនព្រះសង្ឃក្នុងពិធីចម្រើនព្រះជន្មវស្សាសម្តេចព្រះមហាក្សត្រីព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា ស្ថិតនៅវត្តសត្ថារ៉ាមភ្នំពោន ឃុំពងទឹក ស្រុកដំណាក់ចង្អើរ។

បន្ទាប់ពីបានស្តាប់នូវសារលិខិតថ្វាយព្រះពរសម្តេចព្រះប្រធានកិត្តិយសកាកក្រហមកម្ពុជា ដែលអានដោយលោកស្រី អ៊ុល ភីរុណ ប្រធានស្តីទីគណៈកម្មាធិការសាខាកក្រកខេត្ត រួចមក លោក សោម ពិសិដ្ឋអភិបាល នៃគណៈអភិបាលខេត្តកែប បានបញ្ជាក់ថា ការទប់ស្កាត់អំពីការរីករាលដាលនៃជំងឺកូវីដ១៩ ត្រូវអនុវត្តទៅតាមការណែនាំរបស់ក្រសួងសុខាភិបាល ដោយមានអនាម័យល្អជាប្រចាំ លាងដៃនឹងសាប៊ូ ឬប្រើទឹកអាល់កុល ជាពិសេសត្រូវរក្សានូវគម្លាតសង្គមឲ្យបានជាដាច់ខាត ព្រោះជំងឺកូវិដ១៩នេះ មិនទាន់បានចេញឆ្ងាយពីខ្លូនយើងនៅឡើយទេ។ លោក បានបញ្ជាក់ថា ថ្វីត្បិតតែកម្ពុជាមិនមានការឆ្លងក្នុងសហគមន៍ក៏ដោយ ក៏ត្រូវតែការពារខ្លួនយើងជានិច្ច។

លោកស្រីប្រធានស្តីទីកាកបាទក្រហមកម្ពុជាខេត្ត បានបញ្ជាក់ជូនថា សម្ភារជាចង្ហាន់ និងទេយ្យវត្ថុ ដែលបានប្រគេនព្រះសង្ឃ ក្នុងថ្ងៃនេះ រួមមាន អង្ករ ចំនួន១០បាវ ត្រីខកំប៉ុងចំនួន ១កេស ទឹកស៊ីអ៊ីវចំនួន ៥ឡូរ មីចំនួន ៨កេស ទឹកផ្លែឈើ ចំនួន ៥កេស ទឹកសុទ្ធ១០កេស សម្រាប់ប្រគេនជូនដល់ព្រះសង្ឍ ៣២អង្គ និងចង្ហាន់ចំនួន១០ស្រាក់ រួមទាំងស្លាដក បច្ច័យជូនដល់យាយជីតាជីផងដែរ។ លោកស្រីប្រធានស្តីទីបានបន្ថែមទៀតថា ក្រៅពីនេះ ក៏នៅមានថវិកា ចំនួន ៦,២០០,០០០ រៀលទៀតសម្រាប់កសាងវត្ត បើសរុបជាថវិកាទាំងអស់គឺ ៩,៥៨៧,០០០ រៀល៕

រដ្ឋបាលខេត្តពោធិ៍សាត់ រៀបចំពិធីប្រកាសផ្សព្វផ្សាយនិងដាក់ឱ្យដំណើរការមន្ទីរសុខាភិបាល

ពោធិ៍សាត់៖ នៅព្រឹកថ្ងៃទី១៦ ខែមិថុនា ឆ្នាំ២០២០ រដ្ឋបាលខេត្តពោធិ៍សាត់ បានរៀបចំកម្មវិធីផ្សព្វផ្សាយ និងដាក់ឱ្យដំណើរការមន្ទីរសុខាភិបាល នៃរដ្ឋបាលខេត្តពោធិ៍សាត់ ដោយមានការអញ្ជើញជាគណ:អធិបតីពីលោក ម៉ក់ រ៉ា ប្រធានក្រុមប្រឹក្សាខេត្តពោធិ៍សាត់ និងលោក ម៉ៅ ធនិន អភិបាលនៃគណៈអភិបាលខេត្តពោធិ៍សាត់ នៅវេទិកាក្នុងសាលាខេត្តពោធិ៍សាត់។

ក្នុងពិធីនេះដែរ ក៏មានការអញ្ជើញចូលរួមពីសមាជិកក្រុមប្រឹក្សាខេត្ត អភិបាលរងខេត្ត លោក លោកស្រី តំណាងសាលាដំបូងខេត្ត នាយក នាយករងរដ្ឋបាលសាលាខេត្ត កងកម្លាំងប្រដាប់អាវុធទាំងបី ប្រធាន អនុប្រធាន មន្ទីរ អង្គភាពនានាជុំវិញខេត្ត ក្រុមប្រឹក្សា និងគណៈអភិបាលក្រុងស្រុក ព្រមទាំងថ្នាក់ដឹកនាំ មន្រ្តីរាជការ និងបុគ្គលិកសុខាភិបាលខេត្តពោធិ៍សាត់ជាច្រើនទៀត។

ពិធីប្រកាសនេះមានគោលបំណងនៃការដាក់ឱ្យដំណើរការមន្ទីរសុខាភិបាលនៃរដ្ឋបាលរាជធានី-ខេត្ត បានន័យថាមន្ទីរសុខាភិបាល នៃរដ្ឋបាលរាជធានី-ខេត្ត ត្រូវបានផ្ទេរទៅឱ្យរដ្ឋបាលរាជធានីខេត្ត ជាអ្នកគ្រប់គ្រងដោយផ្ទាល់ តាមរចនាសម្ពន្ធគ្រប់គ្រងរដ្ឋបាលថ្មី៕

សាខាកាកបាទក្រហមកម្ពុជា រៀបចំពិធីសូត្រមន្តចម្រើនព្រះជន្មថ្វាយសម្តេចម៉ែ គម្រប់៨៤ យាងចូល ៨៥ព្រះវស្សា

ត្បូងឃ្មុំ៖ នៅថ្ងៃទី១៦ ខែមិថុនា ឆ្នាំ២០២០នេះ គណៈកម្មាធិការសាខាកាកបាទក្រហមកម្ពុជាខេត្តត្បូងឃ្មុំ បានប្រារព្ធពិធីសូត្រមន្តចម្រើនព្រះជន្មថ្វាយព្រះពរព្រះមហាក្សត្រីនរោត្តម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាពសេចក្តីថ្លៃថ្នូ និងសុភមង្គល ជាព្រះប្រធានកិត្តិយសកាកបាទក្រហមកម្ពុជា ដែលទ្រង់គម្រប់៨៤ យាងចូល ៨៥ ព្រះវស្សា នៅថ្ងៃទី១៨ ខែមិថុនា ឆ្នាំ២០២០ខាងមុខនេះ។

ពិធីចម្រើនមង្គលដ៍ថ្លៃថ្លានេះ បានប្រារព្ធធ្វើឡើងក្រោមអធិបតីភាពលោក ជាម ច័ន្ទសោភ័ណ អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមខេត្តត្បូងឃ្មុំ និងលោក ស៊ាក ឡេង ប្រធានក្រុមប្រឹក្សាខេត្ត ដោយមានការចូលរួមពីសំណាក់អភិបាលរងខេត្ត លោក លោកស្រី សមាជិកគណៈកម្មាធិការសាខា អនុសាខាកាកបាទក្រហមខេត្ត ក្រុង ស្រុក សមាជិកាសាខា យុវជនស្ម័គ្រកាកបាទក្រហម និងលោកយាយ លោកតា យ៉ាងច្រើនកុះករ នៅបរិវេណវត្តពោធិជ័យមង្គល ហៅវត្តដំណាក់ចារ ក្នុងឃុំស្រឡប់ ស្រុកត្បូងឃ្មុំ។

លោក ជាម ច័ន្ទសោភ័ណ តាងនាមថ្នាក់ដឹកនាំគណៈកម្មាធិការសាខាកាកបាទក្រហមកម្ពុជាខេត្តត្បូងឃ្មុំ លោក លោកស្រី ព្រមទាំងយុវជនអ្នកស្ម័គ្រចិត្តកាកបាទក្រហមកម្ពុជា នៃសាខាកាកបាទក្រហមកម្ពុជាខេត្តទាំងអស់ សូមព្រះរាជានុញ្ញាតក្រាបបង្គំទូលថ្វាយព្រះសព្ទ សាធុការ បវរសួស្ដី សិរីមង្គល វិបុលសុខ ជាមួយនឹងមនោសញ្ចេតនា កត្តញ្ញូកតា វេទិតាធម៌ដ៏ជ្រាលជ្រៅ ចំពោះ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីសក្ការៈដ៏ខ្ពង់ខ្ពស់បំផុត សូមទ្រង់ប្រកបដោយព្រះសុខភាពល្អ មានព្រះជន្មាយុយឺនយូរ បានបន្តគង់ជាម្លប់ដ៏ត្រជាក់ត្រជុំដល់កូនចៅ ចៅទួត ចៅលួត ជាដរាបរៀងទៅ។

ក្នុងនាមសាខាកាកបាទក្រហមកម្ពុជាខេត្តត្បូងឃ្មុំ ខ្ញុំម្ចាស់ចងចាំជានិច្ចនូវព្រះរាជលំអានដ៏ប្រសើរថ្លៃថ្លានៃ សម្តេចព្រះមហាក្សត្រី ព្រះវររាជមាតាជាតិខ្មែរ ដែលបានបូជាព្រះកាយពល បំពេញព្រះរាជកិច្ចដ៏ឧត្តុងឧត្តមយាងដង្ហែព្រះករុណា ព្រះមហាវីរក្សត្រ ព្រះវររាជបិតា ព្រះបរមរតនកោដ្ឋ ក្នុងព្រះរាជបូជនីយកិច្ចជាប្រវត្តិសាស្ត្រដ៏គួរឱ្យស្ញប់ស្ញែង ដើម្បីឯករាជ្យជាតិ បូរណភាពទឹកដីសុខសន្តិភាព ស្ថិរភាព និងវឌ្ឍនភាពជាតិ ក្នុងគ្របវិស័យ ហើយដែលនេះជាព្រះគំរូវីរៈភាពនៃមាគ៌ាដឹកនាំដ៏ត្រចះត្រចង់គ្មានអ្វីប្រៀបផ្ទឹមបានឡើយ។

ជាគារវកិច្ចភក្ដីដ៏ខ្ពង់ខ្ពស់បំផុត និងព្រះករុណាទិគុណយ៉ាងជ្រាលជ្រៅនោះ ក្នុងនាមប្រធានគណៈកម្មាធិការសាខា ព្រមទាំងសហការីនៃកាកបាទក្រហមកម្ពុជាខេត្តត្បូងឃ្មុំ សូមលើកហត្ថប្រណម្យបួងសួងដល់គុណបុណ្យព្រះរតនត្រ័យ គ្រប់វត្ថុស័ក្តិសិទ្ធិទាំងអស់ក្នុងលោក ទេវតាថែរក្សាព្រះមហាស្វេតឆ័ត្រ ព្រះបារមីនៃអតីតព្រះមហាក្សត្រ ពហរះមហាក្សត្រីយានីខ្មែរ គ្រប់ព្រះអង្គ ព្របារមីព្រះករុណាព្រះបរមរតនកោដ្ឋ ជាពិសេសទេវតាឆ្នាំថ្មីព្រះនាម គោរគទេវី សូមជួយបីបាច់ថែរក្សាសម្តេចព្រះមហាក្សត្រី ព្រះវររាជមាតាជាតិខ្មែរ ជាទីសក្ការៈដ៏ខ្ពង់ខ្ពស់បំផុត សូមព្រះអង្គប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ដើម្បីគង់ប្រថាប់ជាម្លប់ដ៏ត្រជាក់ដល់ប្រជានុរាស្រ្តខ្មែរ ជាកូនចៅ ចៅទួត របស់ព្រអង្គទូទាំងព្រះរាជាណាចក្រកម្ពុជាជារៀងដរាបរៀងទៅ។

ក្នុងឱកាសដ៏មហាប្រសើរ គណៈអធិបតី និងសមាជិកកាកបាទក្រហម ក៏បានប្រគេននូវទេយ្យទានដល់ ព្រះមេគណ ព្រះអនុគណខេត្ត ព្រះគ្រូចៅអធិការវត្ត និងព្រះសង្ឃចំនួន៧អង្គ មាន៖ អង្ករ ទឹកក្រូច ទឹកសុទ្ធ មី និងបច្ច័យមួយចំនួន ព្រមទាំងចែកថវិការលោកតាលោកយាយ១០០នាក់ ក្នុងម្នាក់១មុឺនរៀលផងដែរ៕

កំណាព្យ៖ មេឧទ្ទាម

គេឯងតែងស្គាល់សមរង្ស៊ី   រស់នៅប៉ារីសពីកុមារ
សញ្ជាតិបារាំងមានមហិច្ឆតា   មកចង់ធ្វើការនៅដីអាយ  ។

ដើមឡើយមេបក្សហាក់ត្រឹមត្រូវ   ក្រោយមកធ្លាក់ទៅផ្លូវមហន្តរាយ
ជាពិរុទ្ធជនលែងគិតឆ្ងាយ   ដោយសារខ្លួនណាយច្បាប់មាត្រា  ។

ជាមេឧទ្ទាមបៀមគ្រោះថ្នាក់   ឃុបឃិតលួចលាក់ជាក់នេត្រា
កាត់ទឹកកាត់ដីព្រៃព្រឹក្សា   ក្បត់ជាតិខេមរាមហាក្សត្រឯង  ។

ក្រោយពេលចាញ់ឆ្នោតសារជាថ្មី   ពីរពាន់ដប់បីយ៉ាងជាក់ស្ដែង
ក៏បែកគំនិតគិតចាត់ចែង   ហ៊ានលេងប្រលែងល្បែងអគ្គី  ។

លែងស្គាល់ខ្មៅសល្អអាក្រក់   កាន់តែវីវក់ឈ្លក់ញាំញី
ថាមានតែខ្លួនពុំមានពីរ   មើលឃើញគិរីថាទន្លេ  ។

មើលឃើញស្រមោលថាការពិត   ដោយសារគំនិតគិតគ្នាន់គ្នេរ
រវើរវាយឆ្ងាយពីគេ   មើលឃើញដើមឃ្លេថាស្នាយបឹង  ។

ដោយសារមហិច្ឆតាប្រាថ្នាច្រាន   បង់បោយហួសប្រាណប្រមាណដឹង
ឃើញធំថាតូចស្ដួចក្រញឹង   ស្គាំងស្គមកំព្រឹងថាអង់អាច  ។

រស់នៅតែឯងតែងអាត្មា   តាំងខ្លួនដូចខ្លាមហាអំណាច
ពេលនេះធ្លាក់ខ្លួនជាបិសាច   គំនិតកោងកាចខ្លាចពេកកូវ  ។

គំនិតក្បត់ជាតិក្បត់សាសនា   ក្បត់មហាក្សត្រាយ៉ាងអាស្រូវ
ដូចសមសារីដែលជាឳ   គួររកផ្លូវត្រូវប្រសើរជាង  ៕

===========

*សម រង្ស៊ី៖ ថ្ងៃទី៣១ ខែសិហា ឆ្នាំ១៩៥៩ មានការផ្ទុះក្នុងព្រះបរមរាជវាំងបណ្ដាលឱ្យប្រធានពិធីការព្រះអង្គម្ចាស់ មគ្គវណ្ណ និងមន្ត្រី ២នាក់ ស្លាប់។ ព្រះបរមរតនកោដ្ឋ បានសង្ស័យលើពួកខ្មែរសេរីដែលមាន សម សារី ផង។

===========

ថ្ងៃអង្គារ ទី១៦ ខែមិថុនា ឆ្នាំ២០២០
និពន្ធដោយ លោកអ៊ុ មូលមិត្ត

ទោះបីជាជំងឺកូវីដ-១៩ ​មានការឆ្លងរីករាលដាល​នៅលើពិភពលោក​យ៉ាងណាក៏ដោយ​ កាកបាទក្រហមកម្ពុជា​ នៅតែបន្តសកម្មភាពមនុស្សធម៌ជានិច្ច

ស្វាយរៀង៖ នៅថ្ងៃទី១៦ ខែមិថុនា ឆ្នាំ២០២០នេះ សាខាកាកបាទក្រហមកម្ពុជាខេត្តស្វាយរៀង ដឹកនាំដោយលោកស្រី ដួង វណ្ណា ប្រធានកិត្តិយសសាខា លោកស្រី ហៅ ច័ន្ទសិរីទេពី ចៅ ភិរុណ អនុប្រធានគណៈកម្មាធិការសាខា និងសហការី បានបន្តនាំយកអំណោយមនុស្សធម៌របស់លោកស្រី ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា តាមរយៈសាខាកាកបាទក្រហមកម្ពុជាខេត្ត ជូនដល់គ្រួសារងាយរងគ្រោះ(ចាស់ជារា១៦គ្រួសារ កុមារកំព្រា៥គ្រួសារ ស្ត្រីមេម៉ាយ១១គ្រួសារ អ្នករស់នៅជាមួយមេរោគអេដស៍៣នាក់ ជនចំណាកស្រុក២គ្រួសារ និងគ្រួសារមានជីវភាពខ្វះខាត២ គ្រួសារ ) សរុបចំនួន៣៩គ្រួសារ ក្នុងស្រុកស្វាយជ្រំ មកពីពីរឃុំគឺ ឃុំស្វាយធំ២១គ្រួសារ និងឃុំគ្រួស១៨ គ្រួសារ។

នាឱកាសនោះ លោកស្រី បានថ្លែងថា ទោះបីជំងឺឆ្លងកូវីដ១៩ មានការរីរាលដាល នៅលើពិភពលោកយ៉ាងណាក៏ដោយ កាកបាទក្រហមកម្ពុជា នៅតែយកចិត្តទុក្ខដាក់ជាប់ជានិច្ច ជាពិសេសការផ្តាំផ្ញើសាកសួរទុក្ខពីសំណាក់លោកស្រី ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចជាកាលតែងតែគិតគូរពីសុខទុក្ខ សុខភាពនិងជីវភាពរស់នៅរបស់បងប្អូនប្រជាពលរដ្ឋ ដោយមិនប្រកាន់និន្នការនយោបាយ ជំនឿ សាសនា ពណ៌សម្បុរនោះឡើយ។ ទីណាមានការលំបាក ទីនោះមានកាកបាទក្រហមកម្ពុជា។

ជាមួយគ្នានោះ ដើម្បីទប់ស្កាត់ការរីករាលដាលជំងឺកូវីដ១៩ កាកបាទក្រហមកម្ពុជា ក៏បានរៀបចំនិងបានអនុវត្តវិធានការមួយចំនួន ដើម្បីផ្ដល់កិច្ចអន្តរាគមន៍ជាបន្ទាន់ដល់ប្រជាជនកម្ពុជាទាំងអស់ ដែលរងនូវផលប៉ះពាល់ដល់ជីវភាពរស់នៅ ជាពិសេស គ្រួសារក្រីក្រនិងគ្រួសារទទួលរងផលប៉ះពាល់ខ្លាំងជាងគេ ហើយលោក ដួង វណ្ណា ក៏បានផ្តាំផ្ញើបន្ថែមដល់បងប្អូនប្រជាពលរដ្ឋទាំងអស់ អោយមានការប្រុងប្រយ័ត្នខ្ពស់បំផុតក្នុងការថែរក្សាសុខភាព ហើយកត្តាដែលសំខាន់នោះ គឺការរស់នៅត្រូវប្រកាន់យកនៅការរស់នៅស្អាត ពិសារទឹកដាំពុះ ហូបស្អាត សម្អាតបរិស្ថានជុំវិញផ្ទះ ណែនាំកូនចៅឲ្យគោរពច្បាប់ចរាចណ៍ គេងក្នុងមុងដើម្បីការពារជំងឺគ្រុនឈាម ហើយត្រូវដាំដំណាំ ចិញ្ចឹមសត្វ ដើម្បីផ្គត់ផ្គង់ជីវភាពប្រចាំថ្ងៃ ជាពិសេស សូមក្រើនរម្លឹកដល់ប្រជាពលរដ្ឋនៅតាមមូលដ្ឋានកុំឲ្យធ្វេសប្រហេសពីជំងឺកូវីដ-១៩ នេះឱ្យសោះ ត្រូវអនុវត្តន៍តាមការណែនាំរបស់ក្រសួងសុខាភិបាល។

អំណោយដែលបានចែកជូនប្រជាពលរដ្ឋទាំង៣៩គ្រួសារ ក្នុង១គ្រួសារទទួលបានអង្ករ ២៥គីឡូក្រាម មី ១កេស ត្រីខ១០កំប៉ុង អាវយឺត២ សាប៊ូ២ដុំ ក្រម៉ា១ ម៉ាស់១ និងថវិកា ៤០,០០០ រៀល៕

ប្រេងសាំងបន្ត​ឡើងដល់២៨៥០រៀល​ក្នុង​មួយ​លីត្រហើយ

យោង​តាម​តម្លៃ​កំណត់​ឲ្យ​លក់រាយ​តាម​ស្ថានីយ៍ ដែលអនុវត្ត​ចាប់ពីថ្ងៃទី១៦ ដល់ថ្ងៃទី៣០ ខែមិថុនា ឆ្នាំ​២០២០ បាន​កំណត់ឲ្យប្រេងសាំងធម្មតា​លក់តម្លៃ ២៨៥០រៀល​ក្នុង​មួយលីត្រ ដែលតម្លៃនេះឡើង ១៥០រៀល​បើធៀប​នឹង​តម្លៃកាលពីដើមខែមិថុនា។
ដោយ​ឡែកសម្រាប់ប្រេងម៉ាស៊ូតវិញ ត្រូវ​បាន​កំណត់​ក្នុងតម្លៃ ២៦០០រៀល​ក្នុង​មួយលីត្រ ឡើង​ថ្លៃ១០០រៀល បើធៀបនឹង​ដើមខែមិថុនា។
ខាងក្រោមនេះ គឺជាតារាងតម្លៃប្រេងដែលកំណត់ដោយ​ក្រសួងពាណិជ្ជកម្ម៖