ក្រសួងពាណិជ្ជកម្ម ចេញសេចក្តីជូនដំណឹង​ បំភ្លឺជុំវិញការ​ផ្លាស់ប្តូរឈ្មោះ​ តំបន់រមណីយដ្ឋាន​ «ឋានសួគ៌បូកគោ» ​

ក្រសួងពាណិជ្ជកម្ម នៅថ្ងៃទី២៤ ខែកញ្ញា ឆ្នាំ២០១៧ បានចេញសេចក្តីជូនដំណឹង ស្តីពីក្រុមហ៊ុនសុខាអូតែល ដែលបានស្នើសុំបើកសាខាក្រុមហ៊ុន និងប្ដូរនាមករណ៍ពី សាខាក្រុមហ៊ុនសុខាអូតែល “ឋានសួគ៌បូកគោ” ទៅជា សាខាក្រុមហ៊ុន សុខាអូតែល “សុខាឋានសួគ៌” គឺក្នុងគោលបំណងបញ្ជាក់ថា ក្រុមហ៊ុន សុខា អូតែល មានសាខាធ្វើអាជីវកម្មនៅតាមខេត្ត។

សេចក្តីជូនដំណឹងបានបន្តថា ចំពោះការលើកស្លាក គឺត្រូវលើកនៅលើអគារជាទីស្នាក់ការសាខាក្រុមហ៊ុនរបស់ខ្លួនតែប៉ុណ្ណោះ ដើម្បីបង្កលក្ខណៈងាយស្រួលដល់អាជ្ញាធរមានសមត្ថកិច្ចបំពេញបែបបទពន្ធដារ និងនីតិវិធីនានា ស្របតាមច្បាប់កំណត់។

ការអនុញ្ញាតដោយក្រសួងពាណិជ្ជកម្ម កាលពីថ្ងៃទី០១ ខែកញ្ញា ឆ្នាំ២០១៧កន្លងទៅ គឺជាការអនុញ្ញាតឲ្យប្ដូរនាមករណ៍(ឈ្មោះ) របស់សាខាក្រុមហ៊ុនសុខាអូតែលតែប៉ុណ្ណោះ មិនមែនប្តូរឈ្មោះរមណីយដ្ឋានបូកគោទេ។

ក្រសួងពាណិជ្ជកម្ម ពុំមានសិទ្ធិឲ្យក្រុមហ៊ុន សុខាអូតែល ប្ដូរឈ្មោះរមណីយដ្ឋានប្រវត្តិសាស្រ្ត ដែលបានកំណត់ដោយព្រះរាជក្រឹត្យ នោះឡើយ៕

សូមអានសេចក្តីជូនដំណឹងដូចខាងក្រោម៖