សារព័ត៌មានមៈទិឆុន ឆ្នាំទី៣៨ លេខ១៣៦០០២
ចេញផ្សាយនៅថ្ងៃសុក្រ សប្តាហ៍ទី១ ក្នុងខែកញ្ញា ឆ្នាំ២០១៥ ពុទ្ធស័ករាជ ២៥៥៩
បានឲ្យដឹងថា គណបក្សសង្គ្រោះជាតិរបស់លោក សម រង្ស៊ី និងលោកកឹម សុខា កំពុងស្ថិតក្នុងសភាពដួលដាំក្បាលចុះ
និងដាច់សសៃជើងទាំងអស់ គឺជួបគ្រោះធំ «
បាក់ឆ្អឹងខ្នង » ទៅមុខលែងរួច
ថយក្រោយមិនកើត ហេតុនេះហើយទើបថ្នាក់ដឹកនាំគណបក្សប្រឆាំងដ៏ធំមួយនេះ ខំប្រឹងតាមគ្រប់មធ្យោបាយ
និងប្រើគ្រប់យុទ្ធវិធី ទាំងត្រដរខ្យល ស្រវាក្រោកងើបៗ ហើយដួលទៅវិញ យ៉ាងត្រដាបត្រដួសបំផុត
និងទាំងភ័យព្រលឹងចុងសក់ ដើម្បីបន្តដឹកនាំគណបក្សរបស់ខ្លួន ដែលកំពុងស្ថិតនៅក្នុងសភាពបាត់បង់ម្ចាស់ការ
។
ខាងលើនេះ គឺជាសម្តីនៃការទស្សន៍ទាយដ៏ខ្លាំងក្លា
និងប្រកបដោយភាពម៉ឺងម៉ាត់របស់ហោរាសាស្ត្រ ដ៏ល្បីឈ្មោះមួយរូបនៅប្រទេសថៃ
ដែលត្រូវបានអ្នកនយោបាយ និងអ្នកជំនួញជាច្រើននាក់ស្ញើចសរសើរ និងប្រសិទ្ធិនាមឲ្យថា
ជាហោរាមាត់ទិព្វ គឺលោក ភិនយ៉ូ ភុងចារ៉ឺន
ដែលមានអាយុប្រមាណ៥០ឆ្នាំ ឆ្លើយទៅកាន់ស្ត្រីម្នាក់ដែលទំនងជាធ្លាប់ចេញចូលប្រទេសថៃញឹកញាប់
និងបានបង្ហាញនូវអត្តៈចរិតប្រឆាំងជាមួយការដឹកនាំនៃរដ្ឋាភិបាលរបស់លោក ហ៊ុន
សែន។ នេះបើយោងតាមសេចក្តីរាយការណ៍ពីភ្នាក់ងារនៃក្រុមបណ្តាញព័ត៌មានសេរី
ផ្តល់ជូនសារព័ត៌មាន ម៉ៈទិឆុន ។
ក្នុងភាពរហ័សរហួន និងសំឡេងខ្លាំងៗ ច្បាស់ៗ
ប៉ុន្តែមានទឹកមុខញញឹមស្រស់ស្រាយ លោក ភិនយ៉ូ ភុងចារ៉ឺន បាននិយាយទៅកាន់មនុស្សប្រមាណពី៥ ៧នាក់ ជាជនជាតិខ្មែរ តាមរយៈការបកប្រែពីយុវជនជំទង់១រូប
ទំនងជានិស្សិតកម្ពុជាដែលកំពុងសិក្សានៅប្រទេសថៃ ខណៈដែលមានមនុស្សជាច្រើននាក់ផ្សេងទៀតកំពុងរង់ចាំនៅរានខាងក្រៅ
ក្នុងបរិវេណផ្ទះដ៏ស្កឹមស្កៃមួយរបស់លោក ភិនយ៉ូ ក្នុងទីក្រុងបាងកក ។
លោក ភិនយ៉ូ បានបញ្ជាក់ថា គណបក្សប្រឆាំងនៅកម្ពុជា
ខុសពីគណបក្សប្រឆាំងនៅស្រុកថៃ និងក៏មិនអាចធ្វើដូចស្រុកថៃបានឡើយ នូវគោលបំណងប៉ុនប៉ងកាន់កាប់អំណាចដ៏ឆាប់រហ័ស
តាមវិធីធ្វើរដ្ឋប្រហារផ្តួលរំលំរដ្ឋាភិបាល និងតាមគ្រប់មធ្យោបាយទុចរិតផ្សេងៗទៀត
ក៏ដូចជាការយកបញ្ហាព្រំដែនដើម្បីកេងចំណេញនយោបាយ គឺគណបក្សសង្គ្រោះជាតិគាំងគ្រប់ច្រកទាំងអស់
ពេលវេលាមិនអំណោយផលដូចក្នុងពេលយុទ្ធនាការឃោសនាបោះឆ្នោតឆ្នាំ២០១៣កន្លងទៅនោះទេ។
ស្ត្រីជនជាតិខ្មែរតំណាងគណបក្សសង្គ្រោះជាតិរូបនោះ
ហាក់ដូចជាខឹងសម្បា បានចោទសួរទៅលោក ភិនយ៉ូ ដោយបានរំលឹកអំពីការប្រមូលផ្តុំកម្លាំងគាំទ្រពីមហាជន
ជាពិសេស ក្រុមយុវជនក្នុងរាជធានីភ្នំពេញកាលពីពេលកន្លងមកថា មានហ្វូងមនុស្សជាច្រើនម៉ឺននាក់មិនសុខចិត្តនឹងលទ្ធផលនៃការបោះឆ្នោត
ដោយចោទថា មានការកិបកេងបន្លំជាដើម ។ ការលើកបញ្ហានេះឡើង អាចជាអ្វីដែលស្ត្រីរូបនោះ
ចង់បញ្ជាក់ថា បក្សប្រឆាំងនៅតែខ្លាំង និងអាចសង្ឃឹមថា ផ្តួលរំលំរដ្ឋាភិបាលបាននៅពេលណាមួយ
បើពួកគេមានឱកាស និងកម្លាំងគ្រប់គ្រាន់ ។
លោក ភិនយ៉ូ បាននិយាយថា ពេលវេលានេះ
អាក្រក់បំផុតសម្រាប់គណបក្សប្រឆាំងរបស់លោក សម រង្ស៊ី ដូចអ្នកលេងអុកអញ្ចឹង គឺ
« អស់ផ្លូវ អស់ក្រឡាដើរ
ទាល់ច្រក និងគេព័ទ្ធជិត » ហើយមានតែវិធីម៉្យាងគត់
គឺបោះទូក បោះសេះ ឲ្យសត្រូវស៊ី ដើម្បីការពារខ្លួនតែប៉ុណ្ណោះ។
លោក ភិនយ៉ូ បានមានប្រសាសន៍បន្តថា « ល្បែងអុក » គឺដូចគ្នានឹងសកម្មភាពរបស់អ្នកនយោបាយដែរ
សំខាន់ត្រង់គំនិតដឹកនាំ ការសម្រេចចិត្តច្បាស់លាស់ បានលឿន រហ័ស និងចេះប្រើប្រាស់ឱកាស ជាពិសេសបំផុតនោះ គឺភាពឈ្លាសវៃ ក្នុងផ្លូវដើរពីមួយជំហានទៅមួយជំហាន។
ប៉ុន្តែ លោក ភិនយ៉ូ ថ្លែងបញ្ជាក់ថា ទាំងលោក សម រង្ស៊ី ទាំងលោក កឹម សុខា គ្មានផែនការយុទ្ធសាស្ត្រដឹកនាំច្បាស់លាស់
និងថ្នាក់ដឹកនាំមួយចំនួនទៀតដែលជាកម្លាំងស្នូលក្នុងគណបក្សប្រឆាំងត្រូវបានគេវាយបំបាក់ឆ្អឹងខ្នង
ហើយក្នុងនោះសំបូរដោយមនុស្សអសមត្ថភាព ពួកគេចូលចិត្តធ្វើអ្វីៗតាមតែគំនិតឯកជនរៀងខ្លួន
ផ្ទុយទៅវិញបែរជាលេចធ្លោរនូវការគិតតែពីផលប្រយោជន៍ លាភសក្ការៈ មុខតំណែង
និងការអែបអប រុកគួនគ្នាទៅវិញទៅមក។ ក្រៅពីនេះ ពួកគេច្រើនតែមានអំនួតក្អេងក្អាង
អាងមេរៀងៗខ្លួននៅក្នុងគណបក្សដែលចែកជាច្រើនក្រុម គ្មានមេកើយច្បាស់លាស់
ហើយអ្វីដែលជាគ្រោះថ្នាក់បំផុតនោះ ក្នុងដំណាក់កាលចុងក្រោយនេះ គឺផ្ទៃក្នុងគណបក្សប្រឆាំងនៅកម្ពុជា
បាន និងកំពុងរង្គោះរង្គើពេញបន្ទុក ដោយសារបុគ្គលជាអ្នកដឹកនាំរួមក្នុងគណបក្សសង្គ្រោះជាតិមិនមានចិត្តស្មោះត្រង់ចំពោះប្រទេសជាតិ
និងក្បត់ប្រជាជនខ្លួនឯង ចូលចិត្តប្រថុយតែជាមួយនឹង « ល្បែងយកកទៅលអន្ទាក់ »។
លោក ភិនយ៉ូ និយាយបន្ថែមដោយសម្តីខ្លាំងៗទៀតថា
ទាំងលោក សម រង្ស៊ី និងលោកអនុប្រធាន កឹម សុខា មើលស្រាលលើសមត្ថភាពដ៏ខ្លាំងក្លា
ប្រកបដោយថាមពល និងភាពប៉ិនប្រសប់របស់លោក ហ៊ុន សែន ក្នុងការដឹកនាំប្រទេសជាតិ។
មានពេលខ្លះ ពួកគាត់ (សម រង្ស៊ី កឹម សុខា)
ចង់ប្រើស្នៀត បំភ័ន្ត បំភ្លើស ដោយលើកយកបញ្ហាជាច្រើនមកបន្លំ និងផ្លាស់ប្តូរស្នៀតពីមួយទៅមួយ
ប៉ុន្តែ លោក ហ៊ុន សែន ងាយនឹងមើលឃើញពីការបង្វែរសាច់រឿងនោះ និងដឹងពីចំណុចខ្សោយរបស់ពួកគេ
ក៏វ៉ៃបំបាក់បានមុន បានធ្វើឲ្យថ្នាក់ដឹកនាំគណបក្សប្រឆាំង គ្មានអ្វីក្រៅពីទទួលរងនូវភាពបរាជ័យផ្ទួនៗ
ងើបមុខមិនរួច។
ហោរាដ៏ល្បីរូបនេះ បានបញ្ជាក់ថា « ជំហានរបស់លោក ហ៊ុន សែន ដែលកំពុងដឹកនាំ
គឺជាជំហានគីង្គក់ ប៉ុន្តែ ពីមួយជំហានទៅមួយជំហាន គឺលោកប្រើទម្ងន់ដំរី
។ លោក ភិនយ៉ូ ភុងចារ៉ឺន បានដាស់តឿនដល់គណបក្សសង្គ្រោះជាតិតាមរយៈស្ត្រីដែលបានមកទស្សន៍ទាយថា
សូមសម្លឹងមើលបញ្ហាជុំវិញខ្លួន តើមានអ្វីខ្លះបានកើតឡើងនៅក្នុងគណបក្សសង្គ្រោះជាតិ
និងផ្តាំថា សូមកុំនាំគ្នាផ្គើន និងយកដៃទៅចាប់ភ្លើង ប្រយ័ត្នរលាក ឬក៏អាចមានទុក្ខដាក់ខ្លួនកាន់ខ្លាំងជាងនេះ។
លោកបន្តថា ភាពបរាជ័យទាំងអស់របស់គណបក្សសង្គ្រោះជាតិ គឺកើតចេញពីសកម្មភាពផ្ទាល់របស់ពួកគេម្នាក់ៗ
ដែលបំពានលើភាពស្មោះត្រង់ គ្មានសច្ចធម៌ និងបំពានគោលការណ៍ច្បាប់ បន្ថែមពីលើគុណវិបត្តិជាច្រើនដែលអ្នកតំណាងរាស្ត្រមួយចំនួនបានប្រព្រឹត្តចំពោះជាតិ
គឺប្រាស់ចាកពីការពិតទាំងស្រុង ។
លោក ភិនយ៉ូ បានសង្កត់ធ្ងន់ថា « ការបរាជ័យរបស់គណបក្សសង្គ្រោះជាតិ មិនទាន់បញ្ចប់ត្រឹមហ្នឹងទេ
គឺនៅក្នុងពេលឆាប់ៗខាងមុខ ចរន្តនៃការផ្តាច់ខ្លួនដើរចេញពីបក្សបានកើតឡើងជាបន្តបន្ទាប់ទៀត
ដែលប្រៀបដូចទឹកបាក់ទំនប់»។ លោក ភិនយ៉ូ
បាននិយាយចំៗថា ពេលនេះ គណបក្សសង្គ្រោះជាតិ គឺដូចអ្វីដែលរូបគាត់បានទស្សន៍ទាយកាលពីចុងឆ្នាំ២០១៤កន្លងទៅប្រាកដមែន
គឺចាប់ពីពាក់កណ្តាលឆ្នាំ២០១៥មកម្ល៉េះ គណបក្សប្រឆាំងមួយនេះ កំពុងស្ថិតក្នុងស្ថានភាពជួបគ្រោះធំ
ប្រៀបដូច « ពស់ដាច់ក្បាល
និងដាច់ដងខ្លួន» ដូច្នេះ អ្វីដែលជាការពិតនៅពេលនេះ
គឺ១០០ភាគរយ គឺគ្មានអ្វីជាអាថ៌កំបាំងទៀតទេ ។
បក្សប្រឆាំងត្រូវតែទទួលស្គាល់ការពិតថា សព្វថ្ងៃកំពុងរស់នៅដូចពស់ដាច់ក្បាល ដាច់ដងខ្លួន
និងកន្ទុយ។ ក្នុងបក្សគឺដូចសត្វឥតមេបា មេបក្ស និងតំណាងរាស្ត្រមួយចំនួន
នាំគ្នារត់ទៅក្រៅប្រទេស សកម្មជនរបស់ខ្លួនកំពុងជាប់ឃុំ ជួបអាសន្នគ្មានអ្នកជួយសង្គ្រោះ។
ក្នុងបញ្ហាប្រឈមបែបនេះ មេបក្សខិតខំបង្វែរសភាពការណ៍ ខំសំដែងធ្វើដូចជាគ្មានរឿងអ្វីកើតឡើង
និងខិតខំរិះរកវិធីលុបលាងកំហុស ដើម្បីកសាងគុណសម្បត្តិទាំងបំភ័ន្តភ្នែកគេ
ប្រើស្នៀតថ្មីៗ ប៉ុនប៉ងដាក់គំនាបលើលោក ហ៊ុន សែន ប៉ុន្តែ អំពើបោកប្រាស់បានអស់លក្ខណ៍ដោយសារត្រូវបានលោកហ៊ុន
សែន ដឹងច្បាស់ និងមិនអាចអនុគ្រោះតទៅទៀតបាន ក៏សង្កត់កថែម ។
លោក ភិនយ៉ូ បានបញ្ជាក់ថានៅពេលនេះ បក្សប្រឆាំងស្ទើរតែអស់សន្លឹកបៀរលេងទៅហើយ
ហើយនឹងអាចជួបគ្រោះខ្លាំងជាងនេះលើបញ្ហាជាច្រើនទៀត បើថ្នាក់ដឹកនាំគណបក្សប្រឆាំង
នៅតែបន្តប៉ុនប៉ងលេងល្បែងអសីលធម៌ ក្នុងការដាក់គំនាបលើបក្សម្ខាងទៀត ឬក៏ប្រើឧបាយកលភូតកុហក
ដើម្បីកេងចំណេញប្រជាប្រិយ៍ភាពដ៏ជ្រុលហួសហេតុនោះ។ ម៉្យាងវិញទៀត ម៉ោងនេះ
វប្បធម៌និយាយគ្នារវាងលោក ហ៊ុន សែន និងលោក សម រង្ស៊ី ត្រូវបានលោក ភិនយ៉ូ អះអាងថា
ផ្លូវនោះកំពុងជួបឧបសគ្គ ហើយល្បែងមិនស្មោះត្រង់នឹងគ្នានេះ បានស្លាប់បាត់ទៅហើយ
ដោយសារការលាក់កំបិតពីក្រោយខ្នងរបស់មេបក្សសង្គ្រោះជាតិ។ សម្តីរបស់ សម
រង្ស៊ី និងលោក កឹម សុខា នៅពេលនេះសាបដូចទឹកត្រពាំង ស្អុយដូចគំរុង នឹងមិនមានតម្លៃអ្វីចំពោះលោក
ហ៊ុន សែន ដូចពីមុនទៀតឡើយ ។
លោក ភិនយ៉ូ បាននិយាយថា បក្សប្រឆាំងមិនត្រូវយកភាពទុច្ចរិតរបស់ខ្លួន
ទៅបោកប្រាស់ដៃគូម្ខាងទៀត ដែលគេកំពុងមានប្រៀបនោះទេ ហើយបានសង្កត់ធ្ងន់ថា
អ្នកនយោបាយ មិនមែនជាអ្នកទេសចរណ៍ឡើយ ហើយក៏ពុំគប្បីកាឡៃប្រវត្តិសាស្ត្រ គុំគួន
ញុះញង់អុចអាល បង្កជម្លោះ ដើម្បីកេងចំណេញនយោបាយប្រជាភិថុតរបស់បក្ខពួក
និងក្រុមខ្លួន នោះដែរ។
សូមរំលឹកថា លោក ភិនយ៉ូ ភុងចារ៉ឺន បច្ចុប្បន្ន
គឺជានាយកសមាគមហោរាសាស្ត្រអន្តរជាតិ នៃរាជាណាចក្រថៃ ។ កាលពីថ្ងៃទី២៦ ខែធ្នូ
ឆ្នាំ២០១៤ លោកក៏ធ្លាប់បានទស្សន៍អំពីជោគវាសនារបស់គណបក្សប្រឆាំងម្តងមកហើយ
ដោយនិយាយថា នៅដើមឆ្នាំ២០១៥ ឬយ៉ាងយូរបំផុតត្រឹមពាក់កណ្តាលឆ្នាំ គណបក្សសង្គ្រោះជាតិនឹងជួបគ្រោះធំ
ប្រៀបដូច ពស់ដាច់ក្បាល និងដាច់ដងខ្លួន ហើយថានឹងកើតមានវិបត្តិបែកបាក់ផ្ទៃក្នុង
អាប់អួរ ច្របូកច្របល់ក្នុងគណបក្សសង្គ្រោះជាតិយ៉ាងធ្ងន់ធ្ងរ៕
ប្រែសម្រួលចេញពី សារព័ត៌មានភាសាថៃ ម៉ៈទិឆុន
No comments:
Post a Comment