សម្តេចតេជោ ហ៊ុន សែន ផ្តល់អនុសាសន៍ ៥ចំណុច ជំរុញប្រសិទ្ធភាពការងារគយ និងរដ្ឋាករ

សម្តេចតេជោ ហ៊ុន សែន បានថ្លែងថា មាន ៥ចំណុច ផ្តល់ជូនដល់រដ្ឋបាលអគ្គនាយករដ្ឋានគយ និងរដ្ឋាករ សម្រាប់ជំរុញប្រសិទ្ធភាពការងារឱ្យកាន់តែប្រសើរឡើងថែមទៀត។

សម្តេចតេជោ ហ៊ុន សែន ថ្លែងបែបនេះ នៅព្រឹកថ្ងៃទី២៣ ខែធ្នូ ឆ្នាំ២០២១ នៅក្នុងឱកាសអញ្ជើញជាអធិបតីភាពដ៏ខ្ពង់ខ្ពស់សម្ពោធដាក់ឱ្យប្រើប្រាស់ជាផ្លូវការ អគាររដ្ឋបាលអគ្គនាយកដ្ឋានគយ និងរដ្ឋាករកម្ពុជា។

សម្តេចតេជោ ហ៊ុន សែន បានថ្លែងថា មាន ៥ចំណុច រួមមាន ចំណុចទី ១ ត្រូវបន្តជំរុញការផ្សព្វផ្សាយច្បាប់ លិខតបទដ្ឋានគតិយុត្តិទាំងអស់ ជូនដល់ភាគីពាក់ព័ន្ធនានា ចំណុចទី២ ត្រូវបន្តអនុវត្តយុទ្ធសាស្ត្រការងារឱ្យមានប្រសិទ្ធភាព និងបង្កើនឆន្ទៈក្នុងការអនុវត្តយុទ្ធសាស្ត្រកែទម្រង់ឱ្យបានល្អ ចំណុចទី៣ ត្រូវបន្តពង្រឹងកិច្ចការអនុវត្តប្រព័ន្ធកែទម្រង់នានា ក្នុងការជំរុញឱកាសដៃគូវិនិយោគ ចំណុចទី៤ ត្រូវបន្តអនុវត្តកម្មវិធីស្តារសេដ្ឋកិច្ច ក្នុងបរិបទកូវីដ និងចំណុចទី៥ ត្រូវបន្តបង្ការទប់ស្កាត់ ទំនិញគេចវេសពន្ធ ត្រូវពង្រឹងច្បាប់ និងលើកកម្ពស់ការប្រកួតប្រជែងអាជីវកម្មដោយស្មើភាពគ្នា ស្របច្បាប់៕