ពិធីបើកកិច្ចប្រជុំបូកសរុបលទ្ធផលការងារត្រីមាសទី៣ ឆ្នាំ២០២១ និងលើកទិសដៅអនុវត្តផែនការគណនេយ្យភាពសង្គម

កំពង់ឆ្នាំង÷ នៅថ្ងៃទី១៣ ខែតុលា ឆ្នាំ២០២១ នៅសាលប្រជុំសាលាខេត្តកំពង់ឆ្នាំង លោក ស៊្រន សំឫទ្ធី អភិបាល

រងខេត្តកំពង់ឆ្នាំង និងជាប្រធានក្រុមការងារគណនេយ្យភាពសង្គមថ្នាក់ខេត្ត បានអញ្ជើញជាអធិបតីភាពក្នុងកិច្ចប្រជុំប្រចាំ

បូកសរុបលទ្ធផលការងារត្រីមាសទី៣ ឆ្នាំ២០២១ និងលើកទិសដៅអនុវត្តផែនការគណនេយ្យភាពសង្គម  ដោយមានការចូលរួមពីលោក លោកស្រីអភិបាល អភិបាលរងក្រុង ស្រុក ការិយាល័យអប់រំក្រុង ស្រុក និងតំណាងអង្គការដៃគូរផងដែរ។

មានប្រសាសន៍បើកកិច្ចប្រជុំ លោក ស៊្រន សំឫទ្ធី បានថ្លែងការកោតសរសើរនូវ លទ្ធផលការងារសម្រេចបានប្រកបដោយប្រសិទ្ធភាពខ្ពស់ របស់ក្រុមការងារដែលខិតខំសម្រេចបានកន្លងមក ដើម្បីជួយគាំទ្រដល់រដ្ឋបាលខេត្ត ក្នុងការអភិវឌ្ឍសមត្ថភាព ពាក់ព័ន្ធនិងគណនេយ្យភាពសង្គមដល់រដ្ឋបាលខេត្ត ក្រុង ស្រុក ឃុំ សង្កាត់ មន្ត្រីបង្គោលគណនេយ្យភាព និងការងារគណនេយ្យភាពខេត្ត ក្រុង ស្រុក ឃុំ សង្កាត់ស្ថាប័នពាក់ព័ន្ធមានមន្ទីរអប់រំយុវជននិងកីឡា មន្ទីរសុខាភិបាល និងការិយាល័យអប់រំស្រុកប្រតិបត្តិ ដើម្បីអនុវត្តទាំងផ្នែកផ្គត់ផ្គង់ និងផ្នែកតម្រូវការរបស់ប្រជាពលរដ្ឋព្រមទាំងអង្កការសង្គមសុីវិលនៅក្នុងខេត្តកំពង់ឆ្នាំង។

លោក ស្រ៊ន សំឫទ្ធី បានផ្តាំផ្ញើដល់ក្រុមការងារត្រូវ លើក

យកបញ្ហាប្រឈមក្នុងបរិបទជំងឺកូវីដ១៩ ដើម្បីធ្វើការដោះស្រាយសម្រាប់អនុវត្តនៅខែបន្ទាប់ និងសូមអោយក្រុមកាងារក្រុង ស្រុក ព្រមទាំងអង្គការដៃគូរពេលចុះធ្វើការងារអប់រំផ្សព្វផ្សាយតាមមណ្ឌលសុខភាព សាលាឃុំសង្កាត់ត្រូវបញ្ជូលកម្មវិធី អទិភាពចំនួន២ គឺការណែនាំដល់ប្រជាពលរដ្ឋចូលរួមចាក់វ៉ាក់សាំង និងផ្សព្វផ្សាយនូវវិធានការការពារនិងទប់ស្កាត់ការរីករាលដាលនៃជំងឺកូវីដ១៩ កាន់តែជ្រួតជ្រាបបន្ថែមទៀត ៕