អំឡុងពេលពិធីលៀងសាយភោជន៍កំពុងប្រព្រឹត្តិទៅយ៉ាងសប្បាយរីករាយ ស្រាប់តែឮសម្លេងភ្លេងជូនពរថ្ងៃខួបកំណើត ដែលធ្វើអោយអ្នកចូលរួមទាំងអស់ មានការភ្ញាក់ផ្អើល ហើយគ្រប់ៗគ្នាបានបែរមុខទៅរកតុរបស់លោកនាយករដ្ឋមន្រ្តី ហ៊ុន សែន និងលោកនាយករដ្ឋមន្រ្តីជប៉ុន ដែលកំពុងអង្គុយរួមតុជាមួយគ្នា នៅថ្ងៃទី៧ ខែសីហា ឆ្នាំ២០១៧។
ពេលនោះ ស្រាប់តែឃើញមនុស្សម្នាក់កាន់នំខួប កំណើតដើរសំដៅទៅរកតុរបស់ លោកនាយករដ្ឋមន្រ្តី ហ៊ុន សែន ហើយលោក Shinzo Abe ក៏បានច្រៀង ចំរៀងជូនពរថ្ងៃខួបកំណើត អមជាមួយភ្លេងដែលកំពុងលេង។ ក្រោយពីភ្លេងចប់ លោក Abe បានមានប្រសាសន៍ថា “ ជូនពរថ្ងៃខួបកំណើត លោកនាយករដ្ឋមន្រ្តី ហ៊ុន សែន” ហើយ លោកនាយករដ្ឋមន្រ្តី ហ៊ុន សែន ក៏បានផ្លុំពន្លត់ភ្លើងទៀនក្រោមស្នូរទះដៃ អបអរសាទរយ៉ាងកងរំពង ប្រកបដោយ បរិយាកាសស្និទ្ធស្នាល និងរីករាយបំផុត។
លោកនាយករដ្ឋមន្រ្តី ហ៊ុន សែន បានថ្លែងអំណរគុណលោក Shinzo Abe ចំពោះកាដូសម្រាប់វាយកូនគោល១ឈុត និងនំខួបកំណើតភ្ញាក់ផ្អើលដែលធ្វើអោយ លោកនាយករដ្ឋមន្រ្តី ហ៊ុន សែន ចងចាំនូវអនុស្សាវរីយ៍នេះមិនអាចបំភ្លេចបានឡើយ៕
លោកនាយករដ្ឋមន្រ្តី ហ៊ុន សែន បានថ្លែងអំណរគុណលោក Shinzo Abe ចំពោះកាដូសម្រាប់វាយកូនគោល១ឈុត និងនំខួបកំណើតភ្ញាក់ផ្អើលដែលធ្វើអោយ លោកនាយករដ្ឋមន្រ្តី ហ៊ុន សែន ចងចាំនូវអនុស្សាវរីយ៍នេះមិនអាចបំភ្លេចបានឡើយ៕
No comments:
Post a Comment