កិច្ចប្រជុំកំពូលមហាអនុតំបន់មេគង្គ (GMS) លើកទី៥
ក្រោមប្រធានបទ « ការប្តេជ្ញាចិត្ត ដើម្បីកិច្ចអភិវឌ្ឍប្រកបដោយបរិយាប័ន្ន
និងចីរភាពក្នុងមហាអនុតំបន់មេគង្គ » បានប្រារព្ធពិធីបើកជាផ្លូវការនៅព្រឹកថ្ងៃទី២០ធ្នូ នៅទីក្រុងបាងកក
ព្រះរាជាណាចក្រថៃ។
ប្រមុខរដ្ឋ
ប្រមុខរដ្ឋាភិបាលនៃប្រទេសមហាអនុតំបន់មេគង្គ រួមមាន សម្តេចអគ្គមហាសេនាបតីតេជោ
ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ឯកឧត្តម លី ខឺឈាង នាយករដ្ឋមន្រ្តី
នៃសាធារណរដ្ឋប្រជាមានិចិន ឯកឧត្តម ថងស៊ីង ថាមម៉ាវង្ស នាយករដ្ឋមន្រ្តី នៃសាធារណរដ្ឋប្រជាធិបតេយ្យប្រជាមានិតឡាវ ឯកឧត្តម ថេន
សេន ប្រធានាធិបតីនៃសាធារណរដ្ឋសហភាពមីយ៉ាន់ម៉ារ
ឯកឧត្តម ង្វៀន
តាន់យ៉ុង នាយករដ្ឋមន្រ្តី នៃសាធារណរដ្ឋសង្គមនិយមវៀតណាម
ឯកឧត្តម ឡេ លឿងមិញ អគ្គលេខាធិការអាស៊ាន
រួមទាំងប្រធានធនាគារអភិវឌ្ឍន៍អាស៊ី បានអញ្ជើញចូលរួមក្នុងកិច្ចប្រជុំកំពូលដ៏មានសារៈសំខាន់នេះ ក្រោមវត្តមាននៃការស្វាគមន៍យ៉ាងស្និទ្ធស្នាលរាក់ទាក់បំផុត ពីសំណាក់ ឯកឧត្តមឧត្តមសេនីយ៍ ប្រាយុទ្ធ ចាន់អូចារ នាយករដ្ឋមន្រ្តីថៃ
និងជាម្ចាស់ផ្ទះនៃកិច្ចប្រជុំកំពូលមហាអនុតំបន់មេគង្គ (GMS) លើកទី៥។
នៅមុនពិធីបើកកិច្ចប្រជុំកំពូលរបស់ខ្លួន
បណ្តាមេដឹកនាំទាំងអស់ បានទស្សនាខ្សែវីដេអូ ស្តីពីសកម្មភាពរបស់បណ្តាប្រទេស ក្នុងមហាអនុតំបន់មេគង្គ ពិសេស ក្រោមកិច្ចអភិវឌ្ឍន៍របស់ខ្លួន។
ថ្លែងក្នុងពិធីបើកកិច្ចប្រជុំកំពូលើកទី៥
ឯកឧត្តមឧត្តមសេនីយ៍ ប្រាយុទ្ធ ចាន់អូចារ នាយករដ្ឋមន្រ្តីថៃ និងជាម្ចាស់ផ្ទះនៃកិច្ចប្រជុំកំពូលមហាអនុតំបន់មេគង្គ (GMS) លើកទី៥ បានធ្វើការគូសបញ្ជាក់ថា
កាលពី២០ឆ្នាំមុនគ្មាននណាម្នាក់គិតថា
ប្រជាជននៃប្រទេសទាំង៦របស់យើង និងអាចទាក់ទង គ្នាដោយងាយស្រួលដូចថ្ងៃនេះទេ
និងក៏មិនមានអ្នកណាជឿថា ផ្នែកធុរកិច្ចអាចធ្វើការដឹកជញ្ជូនទំនិញឆ្លងកាត់ព្រំដែនថៃ
វៀតណាម ក្នុងពេល១ថ្ងៃបាននោះទេ នេះចក្ខុវិស័យដែលមេដឹកនាំនៃ ប្រទេសទាំង៦
បានខិតខំរួមគ្នានិង ភាពជោគជ័យនៅក្នុងការកសាងបណ្តាញដឹកជញ្ជូន ដែលផ្សារ ភ្ជាប់ប្រជាជនប្រមាណ៣២០លាននាក់។
ឯកឧត្តមប្រធានមានប្រសាសន៍ដោយឈរលើហេតុផលនៃការតភ្ជាប់នេះ
ដែលធ្វើឲ្យអាស៊ានបានរួមចំណែកជម្រុញដល់បណ្តាប្រទេសក្នុង
GMS ខិតខំធ្វើសមាហរណកម្មរបស់ខ្លួន
ដល់ការរួមចំណែកដល់ការបង្កើតសហគមន៍អាស៊ាននៅឆ្នាំ២០១៥។
នៅក្នុងសុន្ទរកថាគន្លឹៈនោះដែរ
ឯកឧត្តមប្រធានមានប្រសាសន៍ថា
ប្រធានបទដែលយើងនឹងលើកយកមកពិភាក្សានៅក្នុងកិច្ចប្រជុំកំពូលលើកទី៥នេះ
គឺពិតជាសមស្រប ទៅនិងសភាពការណ៍វិវត្តន៍ របស់ពិភពលោក
ក្នុងការប្តេជ្ញាចិត្តដើម្បីជំរុញកំណើនរួម និងប្រកបដោយចីរភាព។ ឯកឧត្តមមានប្រសាសន៍ថា
ក្នុងរយៈពេល១០ឆ្នាំខាងមុន បណ្តាមេដឹកនាំ GMS
បានដាក់ចេញនូវ ផែនការវិនិយោគយ៉ាងប្រុងប្រយ័ត្ន ដែលមានទឹកប្រាក់ប្រមាណ
៣០ពាន់លានដុល្លាអាមេរិក ហើយដែលមេដឹកនាំទាំងអស់ នឹងធ្វើការពិចារណារួមគ្នា
ក្នុងការអនុវត្តនូវផែនការដ៏មានសារៈ សំខាន់នោះ។ ឯកឧត្តម បន្តថា
សម្រាប់រយៈពេល១០ឆ្នាំខាងមុន សម្រាប់ផែនការសកម្មភាព និងត្រូវអនុម័ត
និងអនុវត្តលើវិស័យ ទាំង៧ រួមមានទី១ការប្រើប្រាស់នូវការតភ្ជាប់នៃច្រកសេដ្ឋកិច្ច
តាមរយៈការបង្កើតតំបន់សេដ្ឋកិច្ចពិសេស នៅតាមច្រកព្រំដែន ដើម្បីបង្កើតកំណើនក្នុងតំបន់
បង្កើតការងារ និងប្រាក់ចំណូលសម្រាប់ប្រជាជន ទី២ ការបង្កើនដឹកជញ្ជូនផ្លូវទឹក
ផ្លូវគោក ផ្លូវហាយវេ ផ្លូវអាកាសនិងផ្លូវដែក ដើម្បីភ្ជាប់ប្រទេសក្នុងមហាអនុតំបន់ ទី៣បង្កើនការសំរួលពាណិជ្ជ កម្ម
និងកាត់បន្ថយនូវភាពស្មុកស្មាញ់នានា តាមរយៈនោះថៃនឹងបង្កើតផ្លូវហាយវេចំនួន៨ទៀត នៅពេលខាងមុខ
ទី៤បង្កើនកិច្ចសហប្រតិបត្តិការពីគ្រប់ស្ថាប័នអន្តរជាតិ និងដៃគូរអភិវឌ្ឍដល់ គំនិតផ្តួចផ្តើមរបស់យើង ទី៥ការបង្កើនផលប្រយោជន៍និងលើកទឹកចិត្តដល់ផ្នែកឯកជន
ដល់ការអភិវឌ្ឍន៍ក្នុងតំបន់
ទី៦ការអភិរក្សបរិស្ថាននិងការគ្រប់គ្រងគ្រោះមហន្តរាយ
និងទី៧ការរួមគ្នា សំរេចឲ្យបាន នូវសេដ្ឋកិច្ចមេគង្គពណ៌បែតង។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា
អញ្ជើញថ្លែង សុន្ទរកថាគន្លឹៈក្នុងពិធីបើកកិច្ចប្រជុំកំពូលមហាអនុតំបន់មេគង្គលើកទី៥
ក្នុងខ្លឹមសារដ៏មានអត្ថន័យបំផុត។
នៅក្នុងបទអន្តរាគមន៍នោះដែរ
ឯកឧត្តម លី ខឺឈាង នាយករដ្ឋមន្រ្តីនៃសាធារណរដ្ឋប្រជាមានិតចិន ឯកឧត្តម ថងលួង
ថាមម៉ាវង្ស នាយករដ្ឋមន្រ្តីឡាវ ឯកឧត្តម ថេន សេន ប្រធានាធិបតីនៃសាធារណរដ្ឋ សហភាពមីយ៉ាន់ម៉ារ ឯកឧត្តម ង្វៀន តាន់យ៉ុង
នាយករដ្ឋមន្រ្តីនៃសាធារណរដ្ឋសង្គមនិយមវៀតណាម ឯកឧត្តមប្រធានធនាគារអភិវឌ្ឍន៍អាស៊ី បានបទអន្តរាគមន៍ របស់ខ្លួនដោយបានសង្កត់ធ្ងន់ថា
បើទោះបីជាសេដ្ឋកិច្ចពិភពលោកមានការងើបឡើង មានភាព យឺតយ៉ាវក៏ពិតមែន
ប៉ុន្តែជារួមសេដ្ឋកិច្ចនៅក្នុងបណ្តាប្រទេស GMS
មានការរីកចំរើនគួរឲ្យកត់ សំគាល់ផងដែរ។
ជាមួយគ្នានេះចិននៅតែប្តេជ្ញាចិត្តដ៏រឹងមាំក្នុងការ
ខិតខំសំរេចនូវគោលដៅរបស់ខ្លួន។ គាំទ្រដល់សមាហរណកម្មអាស៊ាន
និងចាត់ទុកអាស៊ានជាអាទិភាពធំបំផុតរបស់ចិន ពិសេសបណ្តាប្រទេសក្នុងមហាអនុតំបន់មេគង្គ។
ជាមួយនិងការថ្លែងនូវសុន្ទរកថាគន្លឹៈនោះដែរ ឯកឧត្តមនាយក រដ្ឋមន្រ្តីចិន លី
ខឺឈាង មានប្រសាសន៍ទៅកាន់បណ្តាមេដឹកនាំនៃប្រទេសមេគង្គ ដែរថា ប្រទេសចិននិងផ្តល់ថវិកាចំនួន១០០លានយន់
ដល់ការចូលរួមចំណែកជួយថែរក្សាផ្ទៃទឹកក្នុងបណ្តា ប្រទេស GMS។
ដោយឡែកនៅក្នុងបទអន្តរាគមន៍របស់ ឯកឧត្តម ថងលួង ថាមម៉ាវង្ស នាយករដ្ឋមន្រ្តីឡាវ
ឯកឧត្តម ថេន សេន ប្រធានាធិបតីនៃសាធារណរដ្ឋ សហភាពមីយ៉ាន់ម៉ារ ឯកឧត្តម ង្វៀន តាន់យ៉ុង នាយករដ្ឋមន្រ្តីនៃសាធារណរដ្ឋសង្គមនិយមវៀតណាម
ឯកឧត្តមប្រធាន ធនាគារអភិវឌ្ឍន៍អាស៊ី បានសង្កត់ធ្ងន់ពី សារៈសំខាន់ក្នុងការនៃភាពជាដៃគូរបស់បណ្តាប្រទេស ទាំងអស់
ពិសេសការការប្តេជ្ញានិងការសហការដើម្បីឲ្យតំបន់ របស់យើងទទួលបានជោគជ័យទ្វេឡើង ថែមទៀត
ពិសេសការចូរួមលើកកម្ពស់ជីវភាពរស់នៅ និងការកាត់បន្ថយភាពក្រីក្រ របស់ប្រជាជនក្នុងតំបន់។ បន្ទាប់មកបណ្តាមេដឹកនាំនៃមហា អនុតំបន់មេគង្គ GMS បានអញ្ជើញ ចូលរួមក្នុងកិច្ចប្រជុំកំពូល ចង្អៀតរបស់ខ្លួន
ប្រកបដោយបរិយាកាសស្និតស្នាលរ៉ាក់ទាក់បំផុត។
នៅក្នុងកិច្ចប្រជុំកំពូលដ៏មានសារៈសំខាន់នេះ
បណ្តាមេដឹកនាំនៃប្រទេស GMS បានបញ្ជាក់អះអាងជាថ្មីនូវទិសដៅដ៏ទូលំទូលាយ
កម្លាំងចលករសំខាន់ៗ និងអភិក្រមដូចបានកំណត់នៅក្នុងក្របខណ្ឌ
យុទ្ធសាស្រ្ត GMS ២០១២-២០២២
ដែលបានអនុម័តនៅក្នុងកិច្ចប្រជុំកំពូល GMS
លើកទី៤ នៅទីក្រុងណៃពីដោរ សាធារណរដ្ឋសហភាពមីយ៉ាន់ម៉ារ កាលពីខែធ្នូឆ្នាំ២០១១។
ជាមួយគ្នានេះមេដឹកនាំទាំងអស់
បានធ្វើការកោតសរសើរចំពោះកិច្ចខិតខំប្រឹងប្រែងដ៏ធំធេងរបស់ រដ្ឋមន្រ្តី
ឧត្តមមន្រ្តី និងភាគីពាក់ព័ន្ធនានា ក្នុងការប្រែក្លាយក្របខណ្ឌយុទ្ធសាស្រ្ត GMS ទៅជាក្របខណ្ឌវិនិយោគតំបន់
ដោយមានអនុលោមភាពជាមួយនឹងការចង្អុលបង្ហាញរបស់យើង
ដើម្បី បង្កើតនូវបណ្តុំផលបត្រនៃគម្រោង GMS
ជំនាន់ទី២ សម្រាប់ ទសវត្សរ៍ថ្មី។
នៅក្នុងកិច្ចប្រជុំកំពូលនោះដែរ
មេដឹកនាំនៃប្រទេស GMS ទទួលស្គាល់ថា
កិច្ចខិតខំប្រឹងប្រែងបច្ចុប្បន្នកំពុងផ្តោតទៅលើការអនុវត្តយ៉ាងហ្មត់ធ្យ័ត
និងអនុលោមតាមកាលវិភាគនៃក្របខណ្ឌវិនិយោគតំបន់
ដើម្បីសម្រេចឲ្យបាននូវគោលដៅចុងក្រោយ នៃកិច្ចអភិវឌ្ឍន៍ប្រកបដោយបរិយាប័ន្ន និងចីរភាពនៅក្នុង GMS តាមរយៈការរួមកម្លាំងគ្នាឆ្ពោះទៅរកការប្រតិបត្តិមួយ
ដែលមានប្រសិទ្ធ ភាពឆាប់រហ័ស និងប្រកបដោយជោគជ័យនៃគម្រោងវិនិយោគអាទិភាព និងកិច្ចសហប្រតិបត្តិការ ដទៃទៀត
ដែលកំពុងអនុវត្តន៍
ដែលបានឯកភាពគ្នាកន្លងមក និងធ្វើប្រត្យក្សនីយកម្មនៃផល ប្រយោជន៍ របស់គម្រោងទាំងនោះ
សម្រាប់ប្រជាជននៃប្រទេស GMS ដូចបានចង្អុលបង្ហាញដោយផែនការនៃការអនុវត្តមានលក្ខណៈជាក់ស្តែង
និងច្បាស់លាស់ និងការកៀរគរការគាំទ្រពីភាគី ពាក់ព័ន្ធទាំងអស់។
មេដឹកនាំទាំងអស់បានគត់សំគាល់ថា ផែនការអនុវត្តក្រមខណ្ឌវិនិយោគតំបន់
ដែលបានបាន កំណត់គម្រោងអាទិភាពក្នុងមហាអនុតំបន់ ចំនួន៩២ សម្រាប់ឆ្នាំ២០១៤-២០១៨ ជាមួយនិងតម្លៃ វិនិយោគប្រមាណ
៣០ពាន់១០០លានដុល្លារ មិនត្រឹមតែផ្តល់បានផ្តល់ជាផែនទីបង្ហាញផ្លូវ ជាយុទ្ធសាស្រ្ត
និងផែនការសកម្មភាពប៉ុណ្ណោះទេ ប៉ុន្តែវាក៏ជាឧបករណ៍ផ្សព្ធផ្សាយពីទីផ្សារប្រកប ដោយប្រសិទ្ធភាព
នៅក្នុងកិច្ចខិតខំប្រឹងប្រែងរបស់យើង ដើម្បីទទួលបាននូវការគាំទ្រដ៏ទូលំ ទូលាយសម្រាប់គំនិតផ្តួចផ្តើមគន្លឹៈនានា
នៅក្នុងគ្រប់សកម្មភាពរបស់ GMS
ពោលគឺក្នុងរយៈពេល បីឆ្នាំកន្លងមក កិច្ចសហប្រតិបត្តិការដែលមានទ្រង់ទ្រាយនៅក្នុងកម្រិតវិស័យ
ក៏ទទួលបាននូវលទ្ធផលជាដុំកំភួនផងដែរ។
នៅក្នុងកិច្ចប្រជុំកំពូលនោះដែរ
មេដឹកនាំនៃប្រទេស GMS បានធ្វើការកត់សំគាល់
ផងដែរថា ការសម្រេចឲ្យបាននូវសហគមន៍ GMS
ដែលមានសមាហរណកម្ម និងវិបុលភាព គឺនៅតែមាន ហានិភ័យ
ប្រសិនបើគម្លាតនៃការអភិវឌ្ឍទាំងនៅក្នុងស្រុក និងនៅក្នុងរង្វង់ប្រទេស GMS បន្តនៅមានគម្លាតនៅឆ្ងាយពីគ្នា។ តាមរយៈនេះមេដឹកនាំទាំងអស់ ក៏បានធានាដែរថា
រាល់គម្រោងដែលមានពីមុន គំរោងដែលបាននិងកំពុងអនុវត្តន៍ និងគម្រោងសម្រាប់អនាគត គឺមានបរិយាប័ន្ន
ដែលផលប្រយោជន៍នៃការ អភិវឌ្ឍគម្រោងទាំងនោះ បានទៅដល់ប្រជាជនក្រីក្រ ជាមួយគ្នានេះយើងក៏ត្រូវការឆ្លើយតបទៅនិង តម្រូវការរបស់ជនដែលងាយរងគ្រោះបំផុតនៅក្នុង សង្គមតាមរយៈការផ្តល់នូវតម្រូវការសុវត្តិភាពសង្គមគ្រប់គ្រាន់ ខណៈបំពេញនូវតម្រូវការមូលដ្ឋាន រួមមាន សន្តិសុខស្បៀង
ជម្រក សុខាភិបាល និងសិក្សាធិការ។
មេដឹកនាំទាំងអស់
ក៏បានយល់ឃើញដែរថា កំណើនសេដ្ឋកិច្ច និងកំណើនប្រជាជនយ៉ាងឆាប់រហ័ស
បានធ្វើឲ្យមានការកើនឡើងនូវសេចក្តីត្រូវការផ្នែកថាមពល ដីធ្លី ទឹក និងធនធានដទៃផ្សេងទៀត។
ប្រទេសនិង សហគមន៍មូលដ្ឋានក្នុងGMS
បានជួបនូវបញ្ហាប្រឈមផ្នែកបរិស្ថានជាច្រើន
ដែលក្នុងនោះបញ្ហាមួយចំនួន ត្រូវបានដោះស្រាយតាមរយៈកិច្ចសហប្រតិបត្តិការតំបន់។
នៅក្នុងកិច្ចប្រជុំកំពូលនេះដែរមេដឹកនាំទាំងអស់
បានឯកភាពគ្នាក្នុងការប្រារព្ធពិធីបើកកិច្ចប្រជុំ
កំពូលមហាអនុតំបន់មេគង្គលើកទី៦
នៅសាធារណរដ្ឋសង្គមនិយមវៀតណាម នៅឆ្នាំ២០១៧ខាងមុខ។
ជាមួយគ្នានេះបណ្តាមេដឹកនាំទាំងអស់
បានឯកភាពគ្នាក្នុងការចុះហត្ថលេខាលើ
សេចក្តីប្រកាសរបស់ប្រធានកិច្ចប្រជុំកំពូលមហាអនុតំបន់មេគង្គលើកទី៥
ដែលចេញដោយឯកឧត្តមឧត្តមសេនីយ៍
ប្រាយុទ្ធ ចាន់អូចារ នាយករដ្ឋមន្រ្តីថៃ និងជាម្ចាស់ផ្ទះនៃកិច្ចប្រជុំកំពូលមហាអនុតំបន់មេគង្គ (GMS) លើកទី៥៕
