ក្រសួងសុខាភិបាល ចេញសេចក្តីជូនព័ត៌មាន ស្តីពីការចាក់វ៉ាក់សាំងការពារជំងឺកូវីដ-១៩ (សុីណូវ៉ាក់) ដូសទី១ និងដូសទី២ ជូនកុមារដែលមានអាយុ ៥ ឆ្នាំ។

 

 

  

ក្រុមផ្តាច់ខ្លួនពីទីបេ, ស៊ីនជាំង និងហុងកុងដែលទទួលបានការ ឧបត្ថម្ភពីសហរដ្ឋអាមេរិក កំពុងកំណត់គោលដៅលើព្រឹត្តិការណ៍កីឡាអូឡាំពិកឆ្នាំ ២០២២ នៅទីក្រុងប៉េកាំង!

ក្នុងគោលបំណងបង្ហាញអោយសាធារណមតិទូទៅ បានឃើញនិងយល់ ដឹងអំពី«រូបភាពនិងទំរង់នៃការជ្រៀតជ្រែករបស់អាមេរិកចូលកិច្ចការផ្ទៃក្នុងរបស់ប្រទេសដែលអាមេរិកបានកំណត់ជាគោលដៅ» តាមរយៈការប្រគល់បេសកកម្មឱ្យ«អង្គការក្រៅរដ្ឋាភិបាល NED - National Endowment for Democracy » ដើម្បីផ្លាស់ផ្តូររបបគ្រប់គ្រងនៅក្នុងប្រទេសគោលដៅ ជាពិសេសគឺ «ការសហការរវាង CIA និង អង្គការក្រៅដ្ឋាភិបាល NED» ។

ការរៀបរាប់នៃដំណើររឿងនេះ ឃើញមាននៅក្នុងខ្លឹមសារនៃឃ្លីបវីដេូមួយមួយបានបង្ហោះផ្សាយលើ Channel YouTube : The New Atlas នៅថ្ងៃទី26/10/2021របស់លោក Brian Berletic ដែលជាអតីតកងម៉ារីនអាមេរិក និងបច្ចុប្បន្នជាអ្នកសរសេរ Blogger ជា Youtuber, ជាអ្នកស្រាវជ្រាវនិង ជាអ្នកនិពន្ធផ្នែកភូមិសាស្ត្រនយោបាយ» ក្រោមចំណងជើងថា «ក្រុមផ្តាច់ខ្លួនពីទីបេ, ស៊ីនជាំង និងហុងកុងដែលទទួលបានការ ឧបត្ថម្ភពីសហរដ្ឋអាមេរិក កំពុងកំណត់គោលដៅលើព្រឹត្តិការណ៍កីឡាអូឡាំពិកឆ្នាំ ២០២២ នៅទីក្រុងប៉េកាំង» ។

សូមទស្សនាវីដេអូទាំងស្រុងដែលមានរយៈពេល ១៧នាទី ដូចតទៅ៖

ប្រភពវីដេអូដើម៖ https://youtu.be/2w31eNNcGVU

#cambodia #politics #usa #Geopolitics #china #Olympics

វិភាគអន្តរជាតិ៖ តើ «មីស៊ីលល្បឿនលឿនជាងសំឡេង» របស់ចិន អាចទម្លុះប្រព័ន្ធខែលមីស៊ីលអាមេរិកបានឬទេ?

(វ៉ាស៊ីនតោន)៖ សហរដ្ឋអាមេរិកបានទទួលស្គាល់ថា ចិនបានធ្វើតេស្ដមីស៊ីលល្បឿនលឿនជាងសំឡេង (Hypersonic missile) មួយគ្រាប់ដែលមានសមត្ថភាពបំពាក់ក្បាល គ្រាប់នុយក្លេអ៊ែរកាលពីខែសីហាកន្លងទៅនេះ។ ការទទួលស្គាល់របស់ទីក្រុងវ៉ាស៊ីនតោនធ្វើឡើង បន្ទាប់ពីសារព័ត៌មាន Financial Times ដោយផ្អែកលើប្រភពដែលខ្លួនទទួល បានពីក្រុមមន្ត្រីអាមេរិកបានរាយការណ៍កាលពីដើមខែតុលានេះថា ចិនបានធ្វើតេស្ដអាវុធលឿនជាងសំឡេងពីរលើក កាលពីខែកក្កដា និងខែសីហាកន្លងទៅនេះ។

នៅក្នុងបទសម្ភាសន៍ជាមួយទូរទស្សន៍ Bloomberg នៅថ្ងៃពុធ ទី២៧ ខែតុលានេះ នាយសេនាធិការចម្រុះកងទ័ពអាមេរិក លោកឧត្តមសេនីយ៍ Mark Milley ក៏បានប្រដូច ការធ្វើតេស្ដមីស៊ីលល្បឿនលឿនជាងសំឡេងរបស់ចិន ស្ទើរតែដូចគ្នាទៅនឹងព្រឹត្តិការណ៍ Sputnik ផងដែរ ពោលគឺជាពេលដែលរុស្ស៊ីបាញ់បង្ហោះផ្កាយរណបជាលើកដំបូងបំផុត កាលពីឆ្នាំ១៩៥៧ ដោយបានធ្វើឱ្យទីក្រុងម៉ូស្គូ នាំមុខគេក្នុងការរត់ប្រណាំងសព្វាវុធនាសម័យសង្រ្គាមត្រជាក់នៅពេលនោះ។ ក្រុមអ្នកជំនាញយោធាភាគច្រើនយល់ថា អាវុធប្រភេទនេះត្រូវបានចិនផលិតឡើងដើម្បីទម្លុះប្រព័ន្ធខែលការពារមីស៊ីលអាមេរិក។

ក្រសួងការបរទេសចិន មិនបានបដិសេធចំពោះការធ្វើតេស្ដឡើយ ប៉ុន្តែបានបញ្ជាក់ថាខ្លួនមិនបានបាញ់សាកល្បងមីស៊ីលអ្វីនោះទេ ដោយគ្រាន់តែធ្វើការបាញ់បង្ហោះផ្កាយ រណបធម្មតាតែប៉ុណ្ណោះ។ តើមីស៊ីលល្បឿនលឿនជាងសំឡេងគឺជាអ្វី? ហើយថាតើហេតុអ្វីបានជាគេនាំគ្នាបារម្ភចំពោះការធ្វើតេស្ដរបស់ចិន ខណៈអាវុធប្រភេទនេះបានក្លាយជា ចំណុចកណ្ដាលនៃការប្រកួតប្រជែងគ្នារឹតតែខ្លាំងរវាងសហរដ្ឋអាមេរិក និងចិន?

*អ្វីទៅជាមីស៊ីលល្បឿនលឿនជាងសំឡេង?

«មីស៊ីលល្បឿនលឿនជាងសំឡេង» ជាទូទៅត្រូវបានគេហៅជាភាសាអង់គ្លេសថា «Hypersonic missile»។ ពាក្យថា «Hypersonic» ត្រូវបានគេយកមកពិពណ៌នាពីល្បឿន ដែលលឿនជាងសំឡេង ៥ដង។ នេះមានន័យថាអាវុធប្រភទនេះអាចហោះបានក្នុងល្បឿនយ៉ាងហោច ៦,២០០គីឡូម៉ែត្រក្នុងមួយម៉ោង ហើយដែលល្បឿនលឿនបែបនេះ អាចបង្កការលំបាកដល់រ៉ាដានៃប្រព័ន្ធខែលការពារមីស៊ីលក្នុងការចាប់សញ្ញា ឬក៏ស្ទាក់ចាប់ និងបំផ្លាញវាចោល។

បើតាមវិទ្យាស្ថានសិក្សាស្រាវជ្រាវរបស់សភាអាមេរិក Congressional Research Service ផ្ទុយពីមីស៊ីលបាលិស្ទីគ, មីស៊ីលល្បឿនលឿនជាងសំឡេង អាចហោះនៅរយៈកម្ពស់ ទាប ដោយមិនចាំបាច់ហោះតាមគន្លងខ្សែកោង ដែលត្រូវបានកំណត់ជាមុននោះទេ ពោលគឺវាងាយស្រួលបញ្ជា និងគ្រប់គ្រងនៅលើគន្លងផ្លូវដែលវាហោះទៅរក គោលដៅតែម្ដង។

*តើមីស៊ីលល្បឿនលឿនជាងសំឡេងមានប៉ុន្មានប្រភេទ?

វាត្រូវបានបែងចែកជាពីរប្រភេទសំខាន់បំផុត នោះគឺមីស៊ីលចង្អុលប្រាប់ ឬគេតែងហៅថាគ្រូសមីស៊ីល (cruise missile) និងមីស៊ីលហោះសំកាំង (glide vehicles)។ ជាធម្មតា នៅក្នុងការអភិវឌ្ឍមីស៊ីល គឺគេផ្ដោតសំខាន់លើបច្ចេកវិទ្យាបាញ់ចេញពីគ្រាប់រ៉ុក្កែត មុននឹងវាហោះសំកាំងទៅរកគោលដៅ ដោយសារតែមានបញ្ហាប្រឈមច្រើនក្នុងការអភិវឌ្ឍ កម្លាំងរុញគ្រាប់មីស៊ីលលឿនជាងសំឡេង។

គ្រាប់មីស៊ីលមានម៉ាស៊ីនបង្កើតកម្លាំងរុញម្យ៉ាងដែលគេស្គាល់ថា «scramjets» ដែលប្រើប្រាស់អុកស៊ីហ្សែននៅក្នុងខ្យល់ និងបង្កើតកម្លាំងរុញកំឡុងពេលហោះហើរ ដែល អនុញ្ញាតឱ្យមីស៊ីលធ្វើដំណើរក្នុងល្បឿន និងរយៈកម្ពស់ឋេរមួយ។

*តើប្រទេសណាខ្លះមានមីស៊ីលល្បឿនលឿនជាងសំឡេង?

ក្នុងពេលបច្ចុប្បន្ន, ចិន សហរដ្ឋអាមេរិក និងរុស្ស៊ីមានសមត្ថភាពជឿនលឿនជាងគេក្នុងការអភិវឌ្ឍមីស៊ីលល្បឿនលឿនជាងសំឡេង ខណៈប្រទេសជាច្រើនក្នុងនោះរួមមាន ជប៉ុន, ឥណ្ឌា, អូស្ត្រាលី, បារាំង, អាល្លឺម៉ង់ និងកូរ៉េខាងជើងកំពុងសិក្សាស្រាវជ្រាវលើបច្ចេកវិទ្យានេះ ហើយក្នុងនោះទៀតសោត កូរ៉េខាងជើងកាលពីពេលថ្មីៗនេះបានអះអាងថា ខ្លួន បានធ្វើតេស្ដ «មីស៊ីលល្បឿនលឿនជាងសំឡេង» មួយគ្រាប់។

*តើអ្វីទៅជាសារៈសំខាន់នៃមីស៊ីលល្បឿនលឿនជាងសំឡេង?

បើតាមអ្នកជំនាញយោធាភាគច្រើន, «មីស៊ីលល្បឿនលឿនជាងសំឡេង » អាចធ្វើដំណើរក្នុងរយៈចម្ងាយដោយប្រព័ន្ធរ៉ាដានៃប្រព័ន្ធខែលការពារមីស៊ីលពិបាក ឬមិនអាច ចាប់សញ្ញាវាបាន។ ក្រុមមន្ត្រីអាមេរិកធ្លាប់បានឱ្យដឹងថាមីស៊ីលល្បឿនលឿនជាងសំឡេងរបស់សហរដ្ឋអាមេរិក មានលក្ខណៈខុសប្លែកពីមីស៊ីលដែលកំពុងត្រូវបានអភិវឌ្ឍ ដោយចិន និងរុស្ស៊ី ពីព្រោះថាវាត្រូវបានរចនាឡើងសម្រាប់បំពាក់ក្បាលគ្រាប់ធម្មតា ជាជាងអាវុធនុយក្លេអ៊ែរ។ ប៉ុន្តែ ការអះអាងបែបនេះត្រូវបានគេមើលឃើញថាជាយុទ្ធសាស្ត្រ មួយដែលអាមេរិក មិនចង់ឱ្យចិន ឬរុស្ស៊ីដឹងថាតើអាវុធរបស់ខ្លួន មាន ឬមិនមានបំពាក់ក្បាលគ្រាប់នុយក្លេអ៊ែរ។

ចិន និងរុស្ស៊ីបានដឹងយ៉ាងច្បាស់ថាប្រព័ន្ធខែលការពារមីស៊ីលអាមេរិក មានសមត្ថភាពខ្លាំងប៉ុនណា ដោយមីស៊ីលធម្មតារបស់ពួកគេមិនអាចមានសមត្ថភាពគ្រប់គ្រាន់បើក ការវាយប្រហារលើសហរដ្ឋអាមេរិកនោះទេ។ ដូច្នេះហើយ ទើបពួកគេកំពុងប្រឹងប្រែងអភិវឌ្ឍមីស៊ីលល្បឿនលឿនជាងសំឡេង ដែលត្រូវបានអ្នកជំនាញយោធាភាគច្រើន ជឿជាក់ថាអាចទម្លុះប្រព័ន្ធខែលការពារមីស៊ីលដែលមានស្រាប់នាពេលបច្ចុប្បន្ន៕

ប្រភព៖ Bloomberg (ថ្ងៃសុក្រ ទី២៩ ខែតុលា ឆ្នាំ២០២១)

ដោយៈ Fresh News

ផ្សាយពិសេស៖ អបអរសាទរទិវាបុណ្យខួបលើកទី ១៧ នៃការឡើងគ្រងព្រះបរមរាជសម្បត្តិរបស់ ព្រះករុណាព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា

 

• អបអរសាទរទិវាបុណ្យខួបលើកទី ១៧ នៃការឡើងគ្រងព្រះបរមរាជសម្បត្តិរបស់ ព្រះករុណាព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា
• កិច្ចប្រជុំកំពូលអាស៊ានលើកទី៣៨ និងលើកទី៣៩ កិច្ចប្រជុំកំពូលពាក់ព័ន្ធ និងពិធីប្រគល់តំណែងប្រធានអាស៊ានជូនកម្ពុជា
  
  
  
  
  
  
  
  
  

លោក សុខ លូ អញ្ជើញជួបសំណេះសំណាលជាមួយក្រុមប្រឹក្សា គណៈអភិបាលក្រុង មន្រ្ដីរាជការ ក្រុមប្រឹក្សាសង្កាត់ និងកងកម្លាំងប្រដាប់អាវុធ នៃរដ្ឋបាលក្រុងបាត់ដំបង

បាត់ដំបង៖  នៅថ្ងៃទី២៨ ខែតុលា ឆ្នាំ២០២១នេះ  លោក សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញជួបសំណេះសំណាលជាមួយក្រុមប្រឹក្សា គណៈអភិបាលក្រុង មន្រ្ដីរាជការ ក្រុមប្រឹក្សាសង្កាត់ និងកងកម្លាំងប្រដាប់អាវុធ នៃរដ្ឋបាលក្រុងបាត់ដំបង ។

លោក ផេង សិទ្ធី អភិបាល នៃគណៈអភិបាលក្រុងបាត់ដំបង បានធ្វើការថ្លែងសន្ទរកថាបើកកម្មវិធី ដើម្បីបង្ហាញពីភូមិសាស្រ្ដ និងប្រវត្តិក្រុងបាត់ដំបង ក៏ដូចជារាយការណ៍ជូន លោក អភិបាលខេត្តបាត់ដំបង ពីកិច្ចការងារដែលរដ្ឋបាលក្រុងបាត់ដំបងសម្រេចបាន ។ 

នាឱកាសនៃការសំណេះសំណាលនេះ លោក សុខ លូ អភិបាល នៃគណៈអភិបាលខេត្តបាត់ដំបង បានមានប្រសាសន៍ថា ក្រុងបាត់ដំបង ជាតំបន់ភូមិសាស្រ្ដ មួយដែលនៅមានបញ្ហាមួយចំនួនដែលមិនទាន់បានដោះស្រាយ នៅឡើយ ដូចជាបញ្ហាផ្លូវថ្នល់ សណ្ដាប់ធ្នាប់សាធារណៈ និងសំរាម ដែលសង្កេតឃើញថា នៅមានការចោលសំរាមពាសវាលពាសកាល មិនទាន់មានរបៀបរៀបរយនៅឡើយ ដែលបញ្ហានេះជាបញ្ហាចាក់ឫសដែលយើងជាមន្រ្ដីរាជការត្រូវតែដោះស្រាយជាបន្ទាន់ និងរកវិធានការនានាក្នុងការទប់ស្កាត់ឱ្យបានទាន់ពេលវេលា ។  លោកបានបន្តទៀតថា រដ្ឋបាលក្រុងត្រូវតែបន្តចុះពិនិត្យ ក្រុមហ៊ុនប្រមូលសំរាមទាំងអស់ ថាតើការអនុវត្តការងាររបស់ក្រុមហ៊ុនប្រមូលសំរាមនោះ បានប្រមូលសំរាមបានស្អាតតាមកិច្ចកិច្ចសន្យាដែលបានចុះជាមួយដែលឬអត់ បើសិនជាមិនមានការប្រមូលសំរាមបានស្អាតនោះទេ ឬការប្រមូលសំរាមយឺតដែលធ្វើឲ្យជះក្លិនអាក្រក់ មេរោគដល់ប្រជាពលរដ្ឋ ឬធ្វើឱ្យគ្មានសណ្ដាប់ធ្នាប់ រដ្ឋបាលក្រុងត្រូវរាយការណ៍មករដ្ឋបាលខេត្ត ដើម្បីធ្វើការដោះស្រាយជាបន្ទាន់ ។ 

លោកបានបញ្ជាក់ទៀតថា គ្រប់កិច្ចការងារទាំងអស់ គឺត្រូវតែមានការសហការគ្នាជាមួយមន្រ្ដីរាជការ ចៅសង្កាត់ កងកម្លាំងប្រដាប់អាវុធទាំងអស់ ទើបអាចធ្វើរឿងទាំងឡាយបានជោគជ័យ ដោយមិនអាចត្រឹមតែមនុស្សម្នាក់ធ្វើបានជោគជ័យនោះទេ និងជាពិសេសត្រូវទទួលយកមតិរិះគន់ក្នុងន័យស្ថាបនា ដើម្បីពង្រឹងនូវឥរិយាបថការងារ និងអត្តចារឹកខ្លួនឯងផង ។ លោកបានបញ្ជាក់បន្ថែមទៀតថា រដ្ឋបាលខេត្ត នឹងរៀបចំក្រុមការងារដោះស្រាយបញ្ហានានាតាមរយៈបណ្ដាញសង្គមFacebook Page ដើម្បីពន្លឿនដល់ការដោះស្រាយជូនប្រជាពលរដ្ឋ ដែលបញ្ហាខ្លះយើងអាចដោះស្រាយបានភ្លាមៗ និងបញ្ហាខ្លះយើងត្រូវធ្វើការពិភាក្សាជាបន្តទៀត ក្នុងន័យដើម្បីសម្រួលដល់ប្រជាពលរដ្ឋដែលជួបបញ្ហានានានៅក្នុងសហគមន៍ ឬភូមិសាស្រ្ដរបស់ខ្លួន ។ 

លោក ក៏បានលើកឡើង និងគោរពថ្លែងអំណរគុណ លោកនាយករដ្ឋមន្រ្តី នៃព្រះរាជាណាចក្រកម្ពុជា ដែលបានផ្តល់វ៉ាក់សាំងកូវីដ-១៩ សម្រាប់ចាក់ជូនដល់បងប្អូនប្រជាពលរដ្ឋទូទៅ និងដល់យុវជន ចាប់ពីអាយុ ១២ ដល់១៧ ឆ្នាំ និងដល់កុមារចាប់ពីអាយុ ៦ឆ្នាំ ដល់ក្រោម ១២ឆ្នាំ ទូទាំងប្រទេស ក៏ដូចជាខេត្តបាត់ដំបង ដោយឥតគិតថ្លៃ ។ 

លោក ក៏បានជំរុញឱ្យរដ្ឋបាលក្រុង និងសង្កាត់ពន្លឿនការផ្តល់សេវាសាធារណៈជូនបងប្អូនប្រជាពលរដ្ឋនៅក្នុហមូលដ្ឋាន ឱ្យបានទាន់ពេលវេលា និងត្រូវពិនិត្យមើលទៅលើអត្តចរិត និងអក្បកិរិយារបស់ស្មៀនសង្កាត់ក្នុងការបម្រើសេវាជូនបងប្អូនប្រជាពលរដ្ឋនៅមូលដ្ឋាន។ 

លោក ក៏បានជំរុញ ឱ្យរដ្ឋបាលក្រុង ក្នុងនាមគណៈបញ្ជាការឯកភាពរដ្ឋបាលក្រុង ធ្វើការបង្រ្កាបល្បែងសុីសងខុសច្បាប់ផ្សេងៗ ជាពិសេសល្បែងភ្នាល់ទឹកភ្លៀង នៅក្នុងភូមិសាស្រ្តក្រុងបាត់ដំបង។

លោក ក៏បានរំលឹងដល់អ្នកចូលរួមពិធីសំណេះសំណាលនេះផងដែរ គឺត្រូវអនាម័យខ្លួនប្រាណ ហើយត្រូវបន្តអនុវត្តអនុសាសន៍របស់លោកនាយករដ្ឋមន្រ្ដី គឺ៣ការពារ និង៣កុំ និងអនុវត្តវិធានការសុខាភិបាលឱ្យបានខ្ជាប់ខ្ជួន៕

ប្រជាពលរដ្ឋជាង៥០០គ្រួសារ ដែលទទួលរងការលិចលង់ដោយទឹកទំនប់ព្រែកត្នោត ទទួលបានអំណោយរបស់លោកនាយករដ្ឋមន្រ្ដី ហ៊ុន សែន

ភ្នំពេញ៖ អំណោយរបស់លោកនាយករដ្ឋមន្រ្ដី ហ៊ុន សែន និងលោកស្រី ប៊ុន រ៉ានី ហ៊ុនសែន ដែលមានដូចជាអង្គរ មី ត្រីខ ទឹកស៊ីអ៊ីវ ត្រូវបាន លោកឃួង ស្រេង អភិបាលនៃគណៈអភិបាលរាជធានីភ្នំពេញ នាំយកមកប្រគល់ជូនដល់បងប្អូនប្រជាពលរដ្ឋចំនួន៥១៥ គ្រួសារ ដែលទទួលរងនូវការលិចលង់ដោយទឹកទំនប់ព្រែកត្នោត នៅក្នុងខណ្ឌដង្កោរាជធានីភ្នំពេញ។

ពិធីចែកអំណោយខាងលើនេះត្រូវបានធ្វើឡើង នៅព្រឹកថ្ងៃទី២៨ខែតុលាឆ្នាំ២០២១នេះ នៅក្នុងបរិវេណក្រុមហ៊ុនដឹកជញ្ជូនសំរាម Mizuda Group Co.,Ltd ស្ថិតនៅតាមបណ្ដោយផ្លូវ៣០ម៉ែត្រ ក្នុងសង្កាត់ស្ពានថ្មខណ្ឌដង្កោរាជធានីភ្នំពេញ ។ 

ចូលរួមក្នុងឱកាសនោះដែរមានវត្តមានលោកកែប ជុតិមា តំណាងរាស្ត្រមណ្ឌភ្នំពេញ ប្រធានក្រុមការងារចុះជួយខណ្ឌដង្កោ និងលោក ស៊ាង ប៊ុនលាង រដ្ឋលេខាធិការក្រសួងមហាផ្ទៃផងដែរ។

លោកឃួង ស្រេង បានបញ្ជាក់ថា អំណោយទាំងនេះគឺជាអំណោយរបស់លោកនាយករដ្ឋមន្រ្ដី ហ៊ុន សែន និងលោកស្រី ប៊ុន រ៉ានី ហ៊ុនសែន ។លោកទាំងពីរ បានអោយរដ្ឋបាលរាជធានីភ្នំពេញនាំយកអំណោយទាំងនេះ មកចែកជួនបងប្អូន ដែលជួបការពិបាក ដោយសារទឹកជំនន់ ។ លោកឃួង ស្រេង បានបញ្ជាក់ផងដែរថា គិតមកដល់ព្រឹកថ្ងៃទី២៨ តុលានេះ ទឹកស្ទឹងព្រែកត្នោតបានស្រកចុះ៤តឹកហើយ ។ ប៉ុន្តែទោះបីជាយ៉ាងណាក្តីទាំងអាជ្ញាធរ ទាំងកម្លាំងមានសមត្ថកិច្ចនិងកងអង្គរក្សសម្ដេចតេជោ នៅតែឈរជើង នៅទីតាំងបញ្ជាការស្រាល ដើម្បីជួយដល់បងប្អូនប្រជាពលរដ្ឋ ខណៈដែលពួកគាត់ត្រូវការជួយសង្គ្រោះដោយប្រការផ្សេងៗ។ លោកនាយករដ្ឋមន្រ្ដី ហ៊ុន សែន និងលោកស្រី ជានិច្ចជាកាល នៅជាប់ជាមួយបងប្អូនប្រជាពលរដ្ឋជានិច្ច ពោលគឺនៅពេលដែលបងប្អូនប្រជាពលរដ្ឋមានបញ្ហាទុក្ខព្រួយគឺ លោកទាំងពីរជួយបងប្អូនប្រជាពរដ្ឋជានិច្ច ដោយមិនទុកអោយប្រជាពលរដ្ឋណាម្នាក់ស្លាប់ដោយការអត់បាយនោះទេ។

លោក ឃួង ស្រេង បានបន្ថែមអោយដឹងទៀតថា អំណោយជាអង្កររបស់លោកនាយករដ្ឋមន្រ្ដី ហ៊ុន សែន និងលោកស្រី ប៊ុន រ៉ានី ហ៊ុនសែន ចំនួន១០០០តោន បានត្រៀមរួចរាល់ហើយ ដើម្បីចែកជូនបងប្អូនប្រជាពលរដ្ឋ ដែលខ្វះខាត ៕

រដ្ឋបាលរាជធានីភ្នំពេញ សម្រេចបន្តដាក់ចេញនូវវិធានការរដ្ឋបាល ដោយផ្អាកជាបណ្ដោះអាសន្នចំពោះសកម្មភាពការងារ មុខរបរ ឬអាជីវកម្មដែលមានហានិភ័យខ្ពស់នៃការឆ្លងរាលដាលជំងឺកូវីដ-១៩

នៅថ្ងៃទី២៨ ខែតុលា ឆ្នាំ២០២១នេះ រដ្ឋបាលរាជធានីភ្នំពេញ សេចក្ដីសម្រេច ស្ដីពីការបន្តដាក់ចេញនូវវិធានការរដ្ឋបាល ដោយផ្អាកជាបណ្ដោះអាសន្នចំពោះសកម្មភាពការងារ មុខរបរ ឬអាជីវកម្មដែលមានហានិភ័យខ្ពស់នៃការឆ្លងរាលដាលជំងឺកូវីដ-១៩ រួមមាន ខារ៉ាអូខេ រង្គសាល និងឌីស្កូតែក និងការជួបជុំ ឬការប្រមូលផ្ដុំមនុស្សជាលក្ខណៈឯកជន នៅក្នុងភូមិសាស្ត្ររាជធានីភ្នំពេញ សម្រាប់រយៈពេល ១៤ថ្ងៃ គិតចាប់ពីថ្ងៃទី២៩ ខែតុលា ឆ្នាំ២០២១ រហូតដល់ថ្ងៃទី១១ ខែវិច្ឆិកា ឆ្នាំ២០២១ ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ ៕

ខាងក្រោមនេះជាសេចក្ដីសម្រេចរបស់ រដ្ឋបាលរាជធានីភ្នំពេញ៖

អភិបាលខេត្តបន្ទាយមានជ័យ បានអញ្ជើញសំណេះសំណាល និងចែកអំណោយជូនប្រជាពលរដ្ឋមានជីវភាពខ្វះខាតក្នុងដំណាក់កាលកូវីដ១៩ ចំនួន១៥០ គ្រួសារ

បន្ទាយមានជ័យ៖  នាព្រឹកថ្ងៃទី២៨  ខែតុលាឆ្នាំ២០២១នេះ លោក អ៊ុ រាត្រី អភិបាលខេត្តបន្ទាយមានជ័យ បានអញ្ជើញសំណេះសំណាល និងចែកអំណោយជូនប្រជាពលរដ្ឋមានជីវភាពខ្វះខាតក្នុងដំណាក់កាលកូវីដ១៩ ចំនួន១៥០ គ្រួសារ ក្នុងក្រុងសិរីសោភ័ណ ដែលជាអំណោយឧបត្ថម្ភរបស់ក្រុមហ៊ុនលក់ប្រេងឥន្ធនៈតូតាល់ សាខាចែកចាយក្នុងក្រុងសេរីសោភ័ណ ខេត្តបន្ទាយមានជ័យ។

អំណោយក្នុងមួយគ្រួសារៗទទួលបាន អង្ករ ២៥គីឡូក្រាម មី ១កេស ត្រីខ  ២យូរ ទឹកត្រី ១យួរ ទឹកស៊ីអ៊ីវ ១យួរ សាប៊ូ១កញ្ចប់។

លោក អ៊ុ រាត្រី អភិបាលខេត្តបន្ទាយមានជ័យ មានប្រសាសន៍ថា រាជរដ្ឋាភិបាល អាជ្ញាធរខេត្តបន្ទាយមានជ័យ បានគិតគូរដោះស្រាយបញ្ហាការលំបាករបស់បងប្អូនប្រជាពលរដ្ឋទូទាំងខេត្តនាពេលកន្លងមកតាមរយៈការផ្តល់អំណោយស្បៀងឧបត្ថម្ភគ្រប់ទីកន្លែង អំណោយរបស់សម្តេចតេជោ ក្រុមការងារ រដ្ឋបាលខេត្ត និងផ្នែកឯកជន។  រាជរដ្ឋាភិបាលកម្ពុជា ក៏ដូចអាជ្ញាធរខេត្ត មិនទុកឲ្យប្រជាពលរដ្ឋណាម្នាក់មានបញ្ហា ដោយការដាច់ស្បៀងហូបចុកនោះឡើយ។

អំណោយរបស់ក្រុមហ៊ុន total ឧបត្ថម្ភនាពេលនេះ ជាការចូលរួមចំណែកដ៍មានសារៈសំខាន់របស់វិស័យឯកជន ដើម្បីជួយដោះស្រាយទុក្ខលំបាករបស់ប្រជាពលរដ្ឋយើង ក្នុងដំណាក់កាលនៃការរីករាលនៃជំងឺកូវីដ១៩ ។

ក្នុងឱកាសនោះ លោក អ៊ុ រាត្រី អភិបាលខេត្ត បាន

មានប្រសាសន៍បន្តទៀតថា  ជំងឺកូវីដ-១៩ កំពុងរីករាលដាលនៅលើសកលលោក ដែលក្នុងនោះ ប្រទេសកម្ពុជាក៏កំពុងរងគ្រោះផងដែរ។ ដូច្នេះដើម្បីការពារ ទប់ស្កាត់ និងបង្ការការចម្លងជំងឺនេះបងប្អូនប្រជាពលរដ្ឋទាំងអស់ ត្រូវរក្សាសុខភាព និងរក្សាអនាម័យ និងចូលរួមអនុវត្តតាមការណែនាំរបស់ក្រសួងសុខា ភិបាលនិងអនុវត្តឲ្យបានតាម អនុសាសន៍របស់សម្តេចតេជោ ហ៊ុន សែន គឺ៣ការពារ និង ៣កុំ៕

ផ្សាយបន្តផ្ទាល់៖ ពិធីបិទកិច្ចប្រជុំកំពូលអាស៊ានលើកទី៣៨ និងលើកទី៣៩ កិច្ចប្រជុំកំពូលពាក់ព័ន្ធ និងពិធីប្រគល់តំណែងប្រធានអាស៊ានជូនកម្ពុជា

 ផ្សាយបន្តផ្ទាល់៖ ពិធីបិទកិច្ចប្រជុំកំពូលអាស៊ានលើកទី៣៨ និងលើកទី៣៩ កិច្ចប្រជុំកំពូលពាក់ព័ន្ធ និងពិធីប្រគល់តំណែងប្រធានអាស៊ានជូនកម្ពុជា

ថ្ងៃទី២៨ ខែតុលា ឆ្នាំ២០២១ #HUNSEN #ASEAN #កម្ពុជា #អាស៊ាន

ពិធីចែកអំណោយមនុស្សធម៌កាកបាទក្រហមកម្ពុជា ជូនដល់ប្រជាពលរដ្ឋរងគ្រោះដោយសារគ្រោះធម្មជាតិ ខ្យល់កន្ទ្រាក់ ចំនួន ៨៥គ្រួសារ

កំពង់ចាម៖  នៅព្រឹកថ្ងៃទី ២៧ ខែតុលា ឆ្នាំ២០២១ លោកលោក អ៊ុន ចាន់ដា អភិបាលខេត្តកំពង់ចាម និងជាប្រធានសាខាកាកបាទក្រហមខេត្ត

បានដឹកនាំក្រុមការងារ នាំអំណោយលោកស្រី  ប៊ុន  រ៉ានី  ហ៊ុ ន សែន  ផ្ដល់ជូនប្រជាពលរដ្ឋរងគ្រោះដោយខ្យល់កន្ត្រាក់ ចំនួន ៨៥គ្រួសារ នៅឃុំពាមកោះស្នា ស្រុកស្ទឹងត្រង់ ខេត្តកំពង់ចាម ។

លោកអភិបាលខេត្ត បានរំលឹកថា កាលពីរំលងអធ្រាត្រឈានចូល ថ្ងៃទី០៥ ខែតុលា ឆ្នាំ២០២១   ពេលកំពុងភ្លៀងធ្លាក់ខ្លាំង ក៏ស្រាប់តែមានខ្យល់កន្ត្រាក់បក់គួច ធ្វើអោយផ្ទះ ៨៧ខ្នង ក្នុងនោះ ភូមិទួលរកា ១៧ខ្នង និងភូមិដីលើ ៧០ខ្នង រងការខូចខាត ដោយមានការដួលរលំ របើកសង្កសី ហ្វីប្រូ និងរបើកក្បឿង។ ប៉ុន្តែភ្លាមៗនោះ លោក បានចាត់អោយលោកនាយកប្រតិបត្តិសាខា នាំយកអំណោយមនុស្សធម៌ ផ្តល់មួយជំហានមុន ជូនដល់ ២គ្រួសារ ដែលរងការខូចខាតធ្ងន់ជាងគេ រួចហើយ។ នៅសល់ ៨៥ គ្រួសារនេះ សាខា បានសហការចុះពិនិត្យវាយតម្លៃឡើងវិញជាបន្តបន្ទាប់ ហើយចុងក្រោយ ក៏បានសម្រេចធ្វើការឆ្លើយតប តាមរយៈការផ្តល់អំណោយជាគ្រឿងឧបភោគ បរិភោគ និងថវិកាមួយចំនួន សម្រាប់ការស្តារ និង ជួសជុលលំនៅដ្ឋាន បងប្អូន ឡើងវិញ ។

ជាមួយគ្នានោះ លោកអភិបាលខេត្ត បានសម្តែងការសោកស្តាយជាមួយគ្រួសាររងគ្រោះ ចំពោះគ្រោះធម្មជាតិ ដែលកើតឡើងដោយស្មានមិនដល់នេះ ហើយ ក៏បានពាំនាំ នូវប្រសាសន៍ផ្ដាំផ្ញើសួរសុខទុក្ខដោយក្តីអាណិតអាសូរ ពីសំណាក់ លោក ហ៊ុន ណេង ប្រធានកិត្តិយសសាខា ពិសេសលោកស្រី ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាល លោកស្រីតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋរងគ្រោះ និងងាយរងគ្រោះ ដោយមិនប្រកាន់វណ្ណៈ ជំនឿសាសនា ឬនិន្នាការនយោបាយអ្វីឡើយ ហើយលោក តែងបានចាត់តំណាង ចុះអន្តរាគមន៍ ផ្តល់ជំនួយសង្រ្គោះ ជួយសម្រាលទុក្ខលំបាក ទាន់ពេលវេលា តាមទិសស្លោក “ ទីណាមានទុក្ខលំបាក ទីនោះមានកាកបាទក្រហមកម្ពុជា " ។

សូមបញ្ជាក់ថា អំណោយមនុស្សធម៌ដែលបានផ្ដល់ជូនពលរដ្ឋរងគ្រោះទាំង ៨៥គ្រួសារ ក្នុង១គ្រួសារ ទទួលបាន៖ អង្ករ២៥គីឡូក្រាម មី ១កេស ទឹកត្រី ១យួរ ទឹកសុីអុីវ ១យួរ ត្រីខ ១០កំប៉ុង  ឃីត១ អាវយឺតចំនួន៤ និងថវិកា ១០០,០០០ រៀល៕

សាខាកាកបាទក្រហមខេត្តស្វាយរៀង បានចុះអប់រំផ្សព្វផ្សាយស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩ ដល់ប្រជាពលរដ្ឋ

ស្វាយរៀង៖ នៅថ្ងៃទី ២៦ ខែ តុលា ឆ្នាំ២០២១ មន្រ្តីគម្រោងត្រៀមបង្ការ និងឆ្លើយតបចំពោះការរាតត្បាតនៃជំងឺកូវីដ-១៩ នៃសាខាកាកបាទ ក្រហមកម្ពុជាខេត្តស្វាយរៀង សហការជាមួយក្រុមកាកបាទក្រហមឃុំ អាជ្ញាធរភូមិ និងអ្នកស្ម័គ្រចិត្តប្រចាំភូមិ គោលដៅ បានចុះអប់រំផ្សព្វផ្សាយស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩ ដោយអនុវត្តវិធានការ ៣ ការពារ ៣ កុំ ២ ចូលរួមដល់ប្រជាពលរដ្ឋក្នុង ឃុំស្វាយធំ ស្រុកស្វាយជ្រំ ក្នុងភូមិក្រាំងលាវចំនួន ២៣ នាក់ ភូមិស្វាយ ៣៥ នាក់ សរុប ៥៨ នាក់ ស្រី ៤១ នាក់។

ក្រោមការឧបត្ថម្ភថវិកាដោយគណ:កម្មាធិការអន្តរជាតិកាកបាទ ក្រហម(ICRC) និងបានបញ្ជ្រាបការផ្សព្វផ្សាយស្តីពីសិទ្ធិជនពិការ និងសុវត្ថិភាពចរាចរណ៍នានា ដើម្បីចូលរួមកាត់បន្ថយអាត្រាស្លាប់ របួស និងពិការភាព ដោយសារគ្រោះថ្នាក់ចរាចរណ៍ ផ្សព្វផ្សាយពីការ លើកកម្ពស់គោលការណ៍គ្រឹះ ចលនាកាកបាទក្រហម អឌ្ឍចន្ទក្រហម ការធ្វើចំណាកស្រុកដោយសុវត្ថិភាព។ ការផ្សព្វផ្សាយនេះ ក្រុមការងារបានចែកម៉ាស់ សាប៊ូដុំ ខិត្តប័ណ្ណអប់រំជំងឺកូវីដ-១៩ ខិត្តប័ណ្ណចរាចរណ៍ ខិត្តប័ណ្ណ ចំណាកស្រុក ប្រកបដោយសុវត្ថិភាព ចាក់សារសម្លេងអប់រំរបស់ក្រសួងសុខាភិបាលតាមរថយន្ត និងចុះអប់រំផ្សព្វផ្សាយដល់ប្រជាពលរដ្ឋតាមខ្នងផ្ទះនៅទីកន្លែងមួយចំនួនក្នុងភូមិ ដើម្បីចូលរួមការពារមេរោគកូវីដ-១៩ បម្លែងថ្មីដ៏កាចសាហាវនេះ ហើយត្រូវបានលើកទឹកចិត្តដល់បងប្អូនប្រជាពលរដ្ឋ សិស្សានុសិស្សទូទៅត្រូវអនុវត្តឲ្យបាននូវអនុសាសន៍ដ៏ខ្ពង់ខ្ពស់របស់លោកនាយករដ្ឋមន្ត្រី ហ៊ុនសែន គឺ ៣ការពារ និង៣កុំ ព្រមទាំងសារអប់រំនានារបស់ក្រសួងសុខាភិបាល សំដៅចូលរួមប្រយុទ្ឋប្រឆាំងទប់ស្កាត់ការរីករាលដាលជំងឺកូវីដ-១៩ កុំឲ្យមានការរីករាលដាលចូលក្នុងសហគមន៍បាន៕

ហេដ្ឋារចនាសម្ព័ន្ធផ្លូវក្នុងក្រុងសៀមរាប ត្រូវតែមានគុណភាពខ្ពស់ស្របតាមកិច្ចសន្យា បើមិនធ្វើតាមកិច្ចសន្យានឹងត្រូវឱ្យកែសម្រួលឡើងវិញ

សៀមរាប÷ នៅថ្ងៃទី២៦ ខែតុលា ឆ្នាំ២០២១ នៅសាលប្រជុំសាលាខេត្តសៀមរាប លោក អ៊ាន ឃុន ប្រធានក្រុមប្រឹក្សាខេត្ត លោក ទៀ សីហា អភិបាលនៃគណៈអភិបាលខេត្ត បានអញ្ជើញចូលរួមកិច្ចប្រជុំពិភាក្សាលើគម្រោងសាងសង់ហេដ្ឋារចនាសម្ព័ន្ធផ្លូវ ចំនួន៣៨ខ្សែនៅក្រុងខេត្តសៀមរាប ជាមួយអង្គភាពសាងសង់ ដើម្បីស្វែងរកដំណោះស្រាយចំពោះបញ្ហាប្រឈម សំណូមពរ ក៏ដូចជាផ្ដល់អនុសាសន៍នានា ដើម្បីធានាឲ្យសំណង់មានគុណភាពខ្ពស់ស្របតាមបទដ្ឋានបច្ចេកទេសក្រោមអធិបតីភាពលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងជាអនុប្រធានប្រចាំការនិងមានការចូលរួមពីថ្នាក់ដឹកនាំក្រសួង គណៈអភិបាលខេត្ត ប្រធានគណៈកម្មាការខេត្ត អង្គភាពសាងសង់ ក្រុមការងារត្រួតពិនិត្យបច្ចេកទេស មន្ត្រីជំនាញបច្ចេកទេស ក្រោមឱវាទក្រសួង និងភាគីពាក់ព័ន្ធផងដែរ។ 

ជាមួយគ្នានេះ កិច្ចប្រជុំក៏បានធ្វើបទបង្ហាញទាក់ទងនឹងបញ្ហាបច្ចេកទេស បញ្ហាប្រឈម និងសំណូមពររបស់ក្រុមទទួលបន្ទុកការងារសាងសង់នីមួយៗ សំដៅស្វែងរកដំណោះស្រាយ ក៏ដូចជាផ្ដល់អនុសាសន៍នានា ដើម្បីធានាឲ្យកិច្ចដំណើរការសាងសង់ផ្លូវទាំង៣៨ខែ្សនេះ ប្រកបដោយគុណភាពខ្ពស់ ស្របតាមបទដ្ឋាន ស្តង់ដាបច្ចេកទេស និងសៀវភៅបន្ទុកធ្វើឲ្យបានរឹងមាំជាប់គង់វង្សយូរអង្វែង។ 

ក្នុងនោះលោកទេសរដ្ឋមន្ត្រី ស៊ុន ចាន់ថុល បានថ្លែងអំណរគុណ និងកោតសរសើរយ៉ាងជ្រាលជ្រៅ ចំពោះអង្គភាព សាងសង់ទាំងអស់ ដែលបានខិតខំប្រឹងប្រែងបំពេញការងាររបស់ខ្លួនដោយយកចិត្តទុកដាក់ និងប្រកបដោយការទទួលខុសត្រូវខ្ពស់ ព្រមទាំងបានផ្ដាំផ្ញើឲ្យភាគីពាក់ព័ន្ធទាំងអស់ មានកិច្ចសហការ និងពិភាក្សាគ្នារិះរកបច្ចេកទេសល្អៗ ដើម្បីសាងសង់សង់ផ្លូវទាំង៣៨ខ្សែនេះ ឲ្យកាន់តែមានគុណភាពខ្ពស់ ម្យ៉ាងទៀតក្នុងករណីការសាងសង់ កន្លងមកមិនត្រឹមត្រូវតាមលក្ខណៈបច្ចេកទេស ត្រូវកែសម្រួលឲ្យត្រូវតាមបទដ្ឋានបច្ចេកទេសឡើងវិញ។

តាមការបញ្ជាក់របស់អគ្គនាយកដ្ឋានបច្ចេកទេស នៃក្រសួងសាធារណការ និងដឹកជញ្ជូនបានឲ្យដឹងថា វឌ្ឍនភាពគម្រោងសាងសង់ហេដ្ឋារចនាសម្ព័ន្ធផ្លូវ៣៨ខ្សែនៅក្រុងសៀមរាបនេះ គិតត្រឹមថ្ងៃទី១៥ ខែតុលា ឆ្នាំ២០២១ ឬ រយៈពេលជាង ១១ខែ សម្រេចបាន៨៦%នៃទំហំការងារសរុប (២% លឿនជាងផែនការ) 

គម្រោងនេះគ្រោងបញ្ចប់ការស្ថាបនា នៅចុងខែធ្នូ ឆ្នាំ២០២១ខាងមុខនេះ។

គួរកត់សម្គាល់ផងដែរថា៖ បញ្ហាប្រឈមនៅរដូវធ្លាក់ភ្លៀង និងវិបត្តិនៃជំងឺកូវីដ-១៩ មិនមែនជាបញ្ហាក្នុងអំឡុងសាងសង់ផ្លូវ៣៨ខ្សែ នៅក្រុងសៀមរាប ខេត្តសៀមរាប ព្រមទាំងមិនធ្វើឲ្យប៉ះពាល់ដល់ដំណើរការអង្គភាពសាងសង់ឡើយ ដោយហេតុថាគ្រប់ អង្គភាពទាំងអស់ បានអនុវត្តទៅតាមវិធានការរបស់ប្រមុខរាជរដ្ឋាភិបាល ៣កុំ ៣ការពារ និង សេចក្តីណែនាំរបស់ ក្រសួងសុខាភិបាលបានខ្ជាប់ខ្ជួន និងខិតខំប្រឹងប្រែងបំពេញការងាររបស់ខ្លួនយ៉ាងសកម្ម ដើម្បីជំរុញការងារស្ថាបនាឲ្យសម្រេចតាមផែនការដែលបានគ្រោងទុក៕

វិភាគអន្តរជាតិ៖ តើអាស៊ានអាចរួមរស់ជាមួយ «Quad» បានដែរឬទេ?

(បានដាស៊េរី បេហ្កាវ៉ាន់, ព្រុយណេ)៖ សមាគមប្រជាជាតិអាស៊ីអាគ្នេយ៍ ឬហៅកាត់ថាអាស៊ានបានបើកកិច្ចប្រជុំកំពូលរបស់ខ្លួនហើយនៅថ្ងៃអង្គារ ទី២៦ ខែតុលានេះ ខណៈ កំពុងប្រឈមមុខនឹងទាំងបញ្ហាផ្ទៃក្នុង និងខាងក្រៅ នោះគឺការប្រជែងដណ្ដើមឥទ្ធិពលគ្នាកាន់តែខ្លាំងរវាងសហរដ្ឋអាមេរិក និងចិន។ កិច្ចប្រជុំកំពូលអាស៊ាន ធ្វើឡើងតាមប្រព័ន្ធ វីដេអូដែលព្រុយណេជាម្ចាស់ផ្ទះក្នុងនាមជាប្រធានអាស៊ានប្ដូរវេននឹងប្រព្រឹត្តរយៈពេល ៣ថ្ងៃ អមជាមួយកិច្ចប្រជុំដ៏សំខាន់គឺកិច្ចប្រជុំកំពូលតំបន់អាស៊ីខាងកើត (East Asia Summit) ដែលមាន ១៨ប្រទេសចូលរួម ក្នុងនោះរួមមានទាំងសហរដ្ឋអាមេរិក, រុស្ស៊ី និងចិន។

ប្រធានាធិបតីអាមេរិក លោក ចូ បៃដិន ក៏នឹងដឹកនាំក្រុមប្រតិភូរបស់លោកចូលរួមក្នុងកិច្ចប្រជុំកំពូលតាមប្រព័ន្ធវីដេអូ ជាមួយអាស៊ានផងដែរជាលើកដំបូងបំផុត ក្នុងរយៈពេល ៤ឆ្នាំមកនេះដែលទីក្រុងវ៉ាស៊ីនតោនចូលរួមក្នុងកិច្ចប្រជុំកម្រិតកំពូលជាមួយប្លុកមួយនេះ។ សហរដ្ឋអាមេរិកមិនធ្លាប់បានចូលរួមក្នុងកិច្ចប្រជុំកម្រិតប្រធានាធិបតីនោះទេ ចាប់តាំងពីអតីតប្រធានាធិបតី លោក ដូណាល់ ត្រាំ មានវត្តមានចុងក្រោយបំផុតនៅឯកិច្ចប្រជុំកំពូលអាស៊ាន-អាមេរិក ក្នុងទីក្រុងម៉ានីល ប្រទេសហ្វីលីពីន កាលពីឆ្នាំ២០១៧ មក។

ក្រុមអ្នកវិភាគយល់ថាជំនួបរវាងលោក បៃដិន និងមេដឹកនាំអាស៊ានទាំង១០ គឺឆ្លុះបញ្ចំងពីកិច្ចខិតខំប្រឹងប្រែងនៃរដ្ឋបាលរបស់លោកក្នុងការប្រមូលផ្ដុំកម្លាំងសម្ព័ន្ធមិត្ត និងប្រទេសដៃគូ ក្នុងតំបន់អាស៊ី ដើម្បីខ្ទប់ការកើនឡើងឥទ្ធិពលចិន។ នៅក្នុងជំនួបកំពូលជាមួយអាស៊ាន លោក បៃដិន ត្រូវបានគេរំពឹងថានឹងផ្ដោតសំខាន់លើ កិច្ចសហប្រតិបត្តិការចែកចាយវ៉ាក់សាំងបង្ការ COVID-19, ការប្រែប្រួលអាកាសធាតុ, ខ្សែចង្វាក់ផ្គត់ផ្គង់ និងហេដ្ឋារចនាសម្ព័ន្ធ។ មិនតែប៉ុណ្ណោះ លោកក៏ត្រូវបានគេរំពឹងដែរថា នឹងធ្វើការធានាមួយចំពោះអាស៊ានថាកិច្ចសន្ទនាសន្តិសុខចតុភាគីជាមួយឥណ្ឌា, ជប៉ុន និងអូស្ត្រាលី ឬហៅកាត់ថាក្វាដ (Quad) រួមទាំងសម្ព័ន្ធភាពត្រីភាព AUKUS ដែលនឹង ជួយអូស្ត្រាលីផលិតនាវាមុជទឹកដើរដោយថាមពលនុយក្លេអ៊ែរនឹងមិនបំផ្លាញតួនាទីរបស់អាស៊ាននៅក្នុងតំបន់ឡើយ។

មិនថាកិច្ចសន្ទនាសន្តិសុខចតុភាគី (Quad) ឬក៏កិច្ចព្រមព្រៀង AUKUS សុទ្ធតែជាបញ្ហាប្រឈមសម្រាប់អាស៊ាន ពីព្រោះថាការបង្កើតសម្ព័ន្ធភាពទាំងនេះឡើងដោយអាមេរិក មានគោលដៅចម្បងប្រឆាំងនឹងការកើនឡើងឥទ្ធិពលចិននៅក្នុងតំបន់ តែទន្ទឹមគ្នា វាក៏បានបង្កឱ្យមានការខ្វែងគំនិតគ្នានៅក្នុងចំណោមបណ្ដាប្រទេសជាសមាជិកអាស៊ានទាំង ១០ ដោយមានខ្លះបង្ហាញជំហរជំទាស់ និងខ្លះទៀតគាំទ្រដោយជំហរ ឬដោយប្រយោល។ អាស៊ីអាគ្នេយ៍ជាតំបន់មួយដែលការប្រជែងដណ្ដើមឥទ្ធិពលគ្នារវាងអាមេរិក និងចិន មានភាពពុះកញ្ជ្រោល ហើយដែលការពុះកញ្ជ្រោលនេះបានធ្វើឱ្យអាស៊ានបារម្ភថាពួកគេអាចនឹងត្រូវប្រឈមមុខនឹងការបង្ខំចិត្តត្រូវជ្រើសរើសថាពួកគេត្រូវឈរនៅខាង អាមេរិក ឬចិន នៅពេលអនាគត។

នៅក្រោមការដឹកនាំរបស់លោក ចូ បៃដិន សហរដ្ឋអាមេរិក បាន និងកំពុងផ្ដោតជាសំខាន់លើតំបន់អាស៊ី ដោយក្នុងនោះអាស៊ីអាគ្នេយ៍បានជាក្លាយជាកម្មវត្ថុនៃការប្រកួតប្រជែង យុទ្ធសាស្ត្រ និងភូមិសាស្ត្រនយោបាយជាមួយចិន។ នៅក្នុងប្រវតិ្តសាស្ត្ររបស់ខ្លួន, តំបន់អាស៊ីអាគ្នេយ៍បានទទួលរងការលូកលាន់ពីមហាអំណាចខាងក្រៅ ដោយមហាអំណាច អឺរ៉ុបបានធ្វើអាណានិគមលើតំបន់មួយនេះអស់រាប់រយឆ្នាំ ហើយសហរដ្ឋអាមេរិក និងអតីតសហភាពសូវៀតក៏ធ្លាប់បានប្រែក្លាយតំបន់នេះជាសមរភូមិសង្រ្គាមនៅក្នុងសម័យ សង្រ្គាមត្រជាក់ផងដែរ។ ទោះបីជាមកដល់បច្ចុប្បន្ន, ក៏អាស៊ីអាគ្នេយ៍នៅតែកា្លយជាទីលានដណ្ដើមឥទ្ធិពលគ្នារវាងពួកមហាអំណាចដដែល ដោយក្នុងនោះអាមេរិកបានចាត់ទុក ថាអាស៊ីអាគ្នេយ៍គឺជាផ្នែកមួយដ៏សំខាន់មិនអាចខ្វះបានសម្រាប់ «យុទ្ធសាស្ត្រឥណ្ឌូ-ប៉ាស៊ីហ្វិក»។

ក្រោយត្រូវបានបង្កើតឡើង, អាស៊ានបានខិតខំប្រឹងប្រែងយ៉ាងខ្លាំង ដើម្បីបញ្ចៀសការលូកលាន់ពីមហាអំណាចខាងក្រៅ។ តួយ៉ាងស្ថិតនៅចំកណ្ដាលនៃភាពតានតឹងរវាង អាមេរិក និងប្លុកកុម្មុយនិស្ដ, អាស៊ានបានប្រកាសដាក់ចេញផែនការយុទ្ធសាស្ត្រ «តំបន់សន្តិភាព, សេរីភាព និងអព្យាក្រឹត» ឬហៅកាត់ថា (ZOPFAN) ដែលត្រូវបាន ចុះហត្ថលេខាក្នុងឆ្នាំ១៩៧១ និងបានក្លាយជាគោលការណ៍នាំមួយសម្រាប់ឱ្យបណ្ដាប្រទេសជាសមាជិកយកទៅប្រើប្រាស់ក្នុងការគ្រប់គ្រងទំនាក់ទំនងរបស់ពួកគេជាមួយ មហាអំណាចខាងក្រៅ។ ពិតមែនទៅ, AUKUS ជាពិសេសគឺ Quad ក៏ផ្ដល់ផលចំណេញខ្លះដែរ ដ្បិត Quad ផ្ដល់ប្រយោជន៍ខាងកិច្ចសហប្រតិបត្តិការចែកចាយវ៉ាក់សាំងបង្ការ COVID-19, ការប្រែប្រួលអាកាសធាតុ, ខ្សែចង្វាក់ផ្គត់ផ្គង់ និងហេដ្ឋារចនាសម្ព័ន្ធ។

តែទោះជាយ៉ាងណាក៏ដោយ, ប្រឈមមុខនឹង Quad ឬក៏កិច្ចព្រមព្រៀង AUKUS ស្ថានការណ៍យុទ្ធសាស្ត្រនៅក្នុងតំបន់អាចនឹងកាន់តែមានភាពស្មុគស្មាញ ហើយក៏អាចនឹងធ្វើ ឱ្យប៉ះពាល់ដល់គោលជំហរអព្យាក្រឹតរបស់អាស៊ានដូចជា ZOPFAN។ បើតាមក្រុមអ្នកជំនាញ ការបង្កើត Quad និង AUKUS វាអាចនឹងធ្វើឱ្យ «នយោបាយអព្យាក្រឹត» របស់ អាស៊ានរង្គោះរង្គើរ។ ជាឧទាហរណ៍ដូចជា Quad ជាដើមត្រូវបានគេមើលឃើញថាអាចនឹងក្លាយជាតួអង្គដ៏សំខាន់ជំនួសតំណែងអាស៊ានទាំងខាងការទូត និងសន្តិសុខនៅក្នុង តំបន់អាស៊ីអាគ្នេយ៍ រួមទាំងតំបន់ឥណ្ឌូ-ប៉ាស៊ីហ្វិកទាំងមូល។ វេទិការថ្នាក់តំបន់អាស៊ាន (ARF) ដែលត្រូវបានបង្កើតឡើងកាលពីឆ្នាំ១៩៩៤ គឺជាគំនិតផ្ដួតផ្ដើមមួយរបស់ អាស៊ានដើម្បីលើកកម្ពស់គោលការណ៍អព្យាក្រឹតនៅក្នុងវិស័យសន្តិសុខតាមរយៈការរៀបចំកិច្ចសន្ទនាស្ដីពីបញ្ហានយោបាយ-សន្តិសុខ ដែលមានប្រទេសចំនួន ២៦ ចូលរួម ក្នុងនោះរួមមទាំងសហរដ្ឋអាមេរិក និងចិនផងដែរ។

ដូច្នេះហើយ កិច្ចសន្ទនាសន្តិសុខរបស់ Quad និងការកំណត់ចំនួនសមាជិកត្រឹម ៤ ដូចជាអាមេរិក, អូស្ត្រាលី, ជប៉ុន និងឥណ្ឌា វានឹងធ្វើឱ្យវេទិការ ARF របស់អាស៊ានលែងសូវ មានសារៈសំខាន់។ ពោលគឺការព្យាយាមរបស់អាស៊ាន ក្នុងការរៀបចំឱ្យបណ្ដាប្រទេសជាសមាជិក ARF អង្គុយនៅឯតុចរចាតែមួយ និងពិភាក្សាគ្នាដោះស្រាយបញ្ហាសន្តិសុខ នៅក្នុងតំបន់ នឹងមិនមែនជារឿងងាយស្រួលទៀតឡើយ នៅពេលដែលរបៀបវារៈសន្តិសុខឥណ្ឌូ-ប៉ាស៊ីហ្វិកទាំងមូលស្ថិតនៅក្រោមការគ្រប់គ្រងរបស់ Quad ដែលមាន សមាជិកសុទ្ធតែជាមហាអំណាចនៅក្រៅតំបន់អាស៊ីអាគ្នេយ៍។

គួរបញ្ជាក់ថា ទោះជាបណ្ដាប្រទេសជាសមាជិក Quad ធ្លាប់បានធានាថានឹងគោរពសាមគ្គីភាព និងគោលការណ៍អព្យាក្រឹតរបស់អាស៊ានក៏ពិតមែន តែផ្អែកលើទស្សនវិស័យ អាស៊ានលើតំបន់ឥណ្ឌូ-ប៉ាស៊ីហ្វិកចេញផ្សាយកាលពីឆ្នាំ២០១៩ ត្រូវបានក្រុមអ្នកជំនាញវាយតម្លៃថាដោយសារតែការកើនឡើងភាពតានតឹងរវាងអាមេរិក និងចិន វាអាចនឹងធ្វើ ឱ្យ Quad មានជំហរប្រឆាំងចិនរឹតតែខ្លាំង ហើយអាចនឹងប្រែក្លាយតំបន់អាស៊ីអាគ្នេយ៍ទៅជាទីកន្លែងមួយដ៏មានគ្រោះថ្នាក់នៃការប្រកួតប្រជែងដណ្ដើមឥទ្ធិពលគ្នាជាថ្មីម្ដងទៀត រវាងពួកមហាអំណាច។ អាស៊ានអាចនឹងរក្សាគោលការណ៍អព្យាក្រឹតភាពបាន លុះត្រាតែបណ្ដាប្រទេសជាសមាជិកអាស៊ានមានសាមគ្គីភាពនឹងគ្នាជាមុនសិន៕

ប្រភព៖ Diplomat, Nikkei (ថ្ងៃអង្គារ ទី២៦ ខែតុលា ឆ្នាំ២០២១)

ដោយៈ Fresh News

លោក សុខ លូ ដឹកនាំកិច្ចប្រជុំពិភាក្សា ស្ដីពីករណីវិវាទដីធ្លី ស្ថិតក្នុងស្រុកគាស់ក្រឡ

បាត់ដំបង÷ នារសៀលថ្ងៃទី២៦ ខែតុលា ឆ្នាំ២០២១ លោក សុខ លូ  អភិបាលនៃគណៈអភិបាលខេត្តបាត់ដំបង បានដឹកនាំកិច្ចប្រជុំពិភាក្សាស្ដីពីវិវាទដីធ្លី រវាងក្រុមហ៊ុន អេហ្រ្គីខលឈ័រ ហ្រ្គីនហ្វៀល ខូអិលធីឌី ជាមួយភាគីពាក់ព័ន្ធ ស្ថិតក្នុងភូមិសាស្រ្ដឃុំដូនបា និងឃុំឆ្នាល់មាន់ ស្រុកគាស់ក្រឡ ខេត្តបាត់ដំបង។

ក្នុងកិច្ចប្រជុំនេះដែរ ក៏មានការចូលរួមដោយលោកអភិបាលរងនៃគណៈអភិបាលខេត្ត លោកអភិបាលនៃគណៈអភិបាលស្រុកគាស់ក្រឡ លោកប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត លោកនាយករងរដ្ឋបាលសាលាខេត្ត លោកនាយកទីចាត់ការអន្តរវិស័យ ព្រមទាំងអ្នកពាក់ព័ន្ធមួយចំនួនទៀតផងដែរ៕