ក្នុងពិធីបិទកិច្ចប្រជុំនោះ សម្តេច បានមានប្រសាសន៍ ថាកិច្ចប្រជុំរយៈពេល៣ថ្ងៃកន្លងមកនេះ ពិតជាបានដំណើរការទៅយ៉ាងមមាញឹក ក្នុងបរិយាកាសមិត្តភាព សាមគ្គីភាព សហប្រតិបត្តិការ យ៉ាងជិតស្និទ្ធនិងប្រកបដោយស្មារតីទទួលខុសត្រូវខ្ពស់ រហូតសម្រេច បាននូវសេចក្តីសម្រេចសំខាន់ៗ។ សន្តិភាពនៅក្នុងតំបន់ និងសកលលោក គឺជាកត្តាចម្បងចាំបាច់សម្រាប់អភិវឌ្ឍប្រទេសជាតិ។ កិច្ចប្រជុំលើកទី២៧ APPF បានប្រារព្ធធ្វើឡើងក្រោមមូលបទ “ពង្រឹងភាពជាដៃគូសភា ដើម្បីសន្តិភាព សន្តិសុខ និងការអភិវឌ្ឍប្រកបដោយចីរភាព” ដោយបានប្រជុំពិភាក្សាគ្នាលើវិស័យចំនួន៤ គឺ កិច្ចប្រជុំសមាជិកសភាស្ត្រី វិស័យកិច្ចសហប្រតិបត្តិការក្នុងតំបន់ វិស័យសេដ្ឋកិច្ច និងពាណិជ្ជកម្ម និង វិស័យនយោបាយ និងសន្តិសុខ ដែលបានចេញសេចក្តីសម្រេចចំនួន ១៤។
សម្តេចប្រធានវេទិកាសភាអាស៊ី-ប៉ាស៊ីហ្វិកលើកទី២៧ បានគូសបញ្ជាក់ថា អ្វីដែលជាលទ្ធផលនៃសេចក្ដីសម្រេចនានា ដែលបានអនុម័ត នៅក្នុងកិច្ចប្រជុំរយៈបីថ្ងៃមកនេះ បានសំដៅដល់ការដោះ ស្រាយបញ្ហារួមក្នុងតំបន់ ដែលមានដូចជាការកសាងសន្តិភាព កសាងទំនុកចិត្តគ្នាទៅវិញទៅមក ការប្រយុទ្ធប្រឆំាងអំពើភេរវកម្ម និងបទល្មើសតាមប្រព័ន្ធអ៊ិនធឺណេត ការទប់ស្កាត់ការប្រែប្រួលអាកាសធាតុ ការពង្រឹងកិច្ចសហប្រតិបត្តិការភាពជាដៃគូលើវិស័យពាណិជ្ជកម្មសេរី និងវិនិយោគទូលំទូលាយ ជាដើម។
សម្តេចប្រធាន APPF បានសង្កត់ធ្ងន់ថា ជាការពិតណាស់ សន្តិភាព និងស្ថិរភាព ជាបុរេលក្ខខ័ណ្ឌដ៏ចំាបាច់សម្រាប់ការកសាង និងអភិវឌ្ឍសង្គមជាតិ។ ប៉ុន្តែបើប្រទេសមួយមានតែសន្តិភាព គ្មានការអភិវឌ្ឍរីកចម្រើន ប្រទេសនោះក៏មិនអាចរក្សាសន្តិភាពឱ្យបានស្ថិតស្ថេរគង់វង្សយូរអង្វែងបានឡើយ។ ដូច្នេះយើង ត្រូវបន្តលើកកម្ពស់កិច្ចសហប្រតិបត្តិការលើគ្រប់វិស័យ ដោយផ្អែកលើគោលការណ៍ផ្តល់ផលប្រយោជន៍ឱ្យគ្នាទៅវិញទៅមក ដើម្បីទទួលបាននូវកំណើនសេដ្ឋកិច្ចប្រកបដោយបរិយាប័ន្ន និងវិបុលភាព។ ក្នុងន័យនេះពាណិជ្ជកម្មសេរី និងការបើចំហរការវិនិយោគទូលំទូលាយ គឺជាចលករដ៏សំខាន់ក្នុងការជំរុញកំណើនសេដ្ឋកិច្ចជាតិរបស់យើង ។
ប្រទេសទទួលធ្វើជាម្ចាស់ផ្ទះកិច្ចប្រជុំប្រចំាឆ្នាំ APPF លើកទី២៨ បន្តពីកម្ពុជាគឺប្រទេសអូស្រ្តាលី។ នៅក្នុងពិធីបិទកិច្ចប្រជុំលើកទី២៧នេះ សភាកម្ពុជាបានប្រគល់ទង់ APPF ជូនប្រទេសអូស្រ្តាលីផងដែរ។
APPF ជាបណ្តុំសភាធំមួយដែលមានសមាជិក២៧ប្រទេស តែងតែរៀបចំកិច្ចប្រជុំប្រឆ្នាំរបស់ខ្លួន ដោយសភាប្រទេសជាសមាជិកប្តូរវេនគ្នាជាទៀតទាត់ក្នុងការប្រមូលផ្តុំសំឡេងតំណាងពលរដ្ឋដោះស្រាយបញ្ហារួម ពង្រឹងកិច្ចសហប្រតិបត្តិការ និងសាមគ្គីភាពក្នុងគ្រួសារ APPF ក្នុងគោលបំណងកសាងសុខសន្តិភាពនៅក្នុងតំបន់និងពិភពលោកប្រកបដោយចីរភាព៕
![](https://blogger.googleusercontent.com/img/b/R29vZ2xl/AVvXsEjQBbDTcsA0pebRt12lZMplZdff2tAqQDOTHidpDdYxEUpETL1-IPeDPhgq9Pjj1fTqig4bW4Ytq_g75IfHGgHe_Qc2FfZvEBObwOxigeOFT9rX7141be88iCfVpq07nFVnZ2qUHxcFFenL/s640/50394032_1179790172194456_7774633530159529984_n.jpg)
![](https://blogger.googleusercontent.com/img/b/R29vZ2xl/AVvXsEjIC0Er6DHo9L91M1rFBD4Aqv8vOCIA1Z68Arc-9c6jW0N7f5gs4CXqW7gjBPy2CWMFFtqPRwXMnY-wLZf7uym_1ka8ehnfcaUCaJnxx2U7eEQAuxLkqPjh14gDCwA-Woxw6AS2qEhx5fUe/s640/49831335_1179790792194394_5919911139570876416_n+%25281%2529.jpg)
![](https://blogger.googleusercontent.com/img/b/R29vZ2xl/AVvXsEhZxchCavqksyEn0ZmoRxUAIOtJeTiIeaXo6KakqgNrHI9z-3riheRgTi0mCh3huLtKdk6QYR7IZRv0JtlWva7AEXaiWhteZfn7EvnI9rckIh083Aww8adgRE3eTsqtupS-ZO9Dm90rr7HG/s640/50301936_1179790332194440_2922394648410324992_n.jpg)
![](https://blogger.googleusercontent.com/img/b/R29vZ2xl/AVvXsEiXgWuXWDuvd7YcAFXwSUwdnre6AaJKidWmRDdM5EK-RLJnM3ATGK95YSB8DlNBc0-_5lrDAwHw6KMjLJwISJSH04kE-Dl23y76ZV065iwEqHf_JJ2y2QCOZGqBj9JBwZabbIOIw5Su4-kn/s640/49845005_1179791112194362_6725922440553168896_n+%25281%2529.jpg)
![](https://blogger.googleusercontent.com/img/b/R29vZ2xl/AVvXsEgYxaA5-da9S5QaZmYrE0dcHL8cmxvzx41Bi9pdScPA1DzQC9oiF9a-_G6ZIXMuHPybEcdrlnvm23EROus2AisA_0wvSrzvZcGmqDrE1PKR_MF6SCV_WNNi3Tdw3T5olNABup61Qm_0845X/s640/49896018_1179790415527765_3670208863358943232_n.jpg)
![](https://blogger.googleusercontent.com/img/b/R29vZ2xl/AVvXsEg_c358ob4RSF0ZeF6xNlhFN5SDLi03EZgEEO98rfCI9BoUwZmKn18hSUtS62pe9KIRNH5yeOlY9tW-1HFqByXRm0ZzIuHSCQV42nhUEpIc153UuPHEBXs7_q4jKWi0yV6BTC4Rzmiu04m7/s640/50077670_1179790235527783_4368364030776049664_n.jpg)
![](https://blogger.googleusercontent.com/img/b/R29vZ2xl/AVvXsEh6XX4WAU4zmr1_2518NzsYu11ls-GsrpyZGRhyOwG_YlpRn6YrDn26Bwb0ZEGh84IVaaXS6ZlOWJvbGZKjr_4bCoSTUBi8bktmIR5ftcbRFA4Br5nmeUmIU48oAPluKEu-avjsN66o5L9I/s640/50061744_1179790205527786_2450250182051233792_n.jpg)
![](https://blogger.googleusercontent.com/img/b/R29vZ2xl/AVvXsEisE7K345OE1153N3AFYz8t4FOeisjS3AwLCj5xUNtF-j3WBngmFho4ZwmYgsvEBZuFlI8xG-tnDoKQhoQxnEPgQFFF9ZP1RuFHuWUoVOy5L9_nW6igOeojG7gOwrRKzgkIqF9RIxdTmmhd/s640/50058601_1179790702194403_7003870278451200000_n+%25281%2529.jpg)
![](https://blogger.googleusercontent.com/img/b/R29vZ2xl/AVvXsEhSp59IqSQyyb3edqYSlb4XhxLvlv3T9eKRM7eTnKsvW6PdU_3K5_1GdFg5wxOZxAk89Kp8HNFLiegP9V-FL2gi3BXYsUhGOenzQbQO1QU2MpKoAkKtv0GGgR3pc6U_6f8koFKfqW3lq6Ni/s640/49914688_1179790988861041_5159078324697300992_n.jpg)
![](https://blogger.googleusercontent.com/img/b/R29vZ2xl/AVvXsEgNfT43WzR_f9xX7BSSdBY3q4Hx_b75ERqPVYccQ8pDxQin18Dhnf6mGj5nVWijx7UZ2nIIRBM_gLnenP3KQsWiTWi_TZpwE8O2fvbaRIpPoA74X0Sq0CPWzGcbjZaRBYjVkbkHCFpDZKnj/s640/50096375_1179790592194414_713808648173780992_n.jpg)
![](https://blogger.googleusercontent.com/img/b/R29vZ2xl/AVvXsEhPjuN-qdGdpo7C8dvsC7qr6cJU0ynZEO1lyFoRG80zpRuIJmTyu-699d5S9AV5zzvw-_W2a-j9IPN9xb-UvG9_hhVv7SUACx8kQ0RvrrJr5SW2UnzvVs91YEAc0gAEgt2iVHMZIpDJnY31/s640/50122831_1179790285527778_5002141843199098880_n+%25281%2529.jpg)
![](https://blogger.googleusercontent.com/img/b/R29vZ2xl/AVvXsEi1WE10TX2IZhbr6T8pDoZ5KNlPcz6_tampUlGV3QdqHfXnEkm7UPCt2addEtA-tuJYTJ8rHmeqIWXeQRVPrv6N4kQ7OfJbjrcN9hJmj_phOo-SR9d4pr_S6a2usVA_cxCTUkeQ6HhH5RGW/s640/50257616_1179790922194381_8233560561082695680_n.jpg)