អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ ចេញសេចក្តីអំពាវនាវ ឲ្យមានការយកចិត្តទុកដាក់ខ្ពស់អំពី ហានិភ័យដែលកើតមានចំពោះពលករ ពលការីនី

ឯកឧត្តម​ ជុំ សុន្ទរី​ អ្នកនាំពាក្យ ​ក្រសួងការបរទេស ​និងសហប្រតិបត្តិការ​អន្តរជាតិ ​នៅថ្ងៃទី១ ខែកញ្ញា ​ឆ្នាំ២០១៥នេះ ​បានចេញសេចក្តី​អំពាវនាវមួយ ​ដោយបានបញ្ជាក់ថា៖​ ក្រសួងការបរទេស ​និងសហប្រតិ​បត្តិការអន្តរជាតិ ​បានសង្កេតឃើ​ញថា ពលករ​ ពលការិនី​ ដែលបានទៅធ្វើការ​នៅក្រៅប្រទេស ​ហើយនិង​ស្រ្តីខ្មែរដែលបាន​រៀបការជាមួយជ​នបរទេស ​ទំាង  ក្នុងករណី ​“ស្របច្បាប់”​ និង“មិនស្របច្បាប់”​ បានជួបប្រទះការ​លំបាក និងហានិ​ភ័យផ្សេងៗ មានដូចជា៖​

 ១- ប្រទេសម៉ាឡេស៊ី ​: ពលការិនីខ្មែរ​ ទៅបំរើការជាអ្នក​បំរើតាមផ្ទះ ​តាមរយៈក្រុមហ៊ុន ជ្រើស​រើសពលករ-​ពលការិនី ​នៅកម្ពុជា ​និងនៅម៉ាឡេស៊ី ​ក៏ដូចជាតាមរយៈការ​ធ្វើដំណើរទៅតាមការ​រៀបចំរបស់មេ​ខ្យល់ ​បានជួបការលំបាក​ និងបញ្ហា​ រួមមាន៖​ ការបង្ខំឲ្យធ្វើការគ្មាន​ពេលកំណត់ ​ហូបមិនឆ្អែត​ បើកប្រាក់បៀវត្ស​មិនទៀងទាត់​ និងមិនតាម​ចំនួនដែលបា​នសន្យា ​ហើយក៏មានករណី ​ត្រូវបានជាប់​ពន្ធនាគារដោយកា​រស្នាក់នៅមិន​ស្របច្បាប់ជា​ដើម។

 ២- ប្រទេសថៃ ​: ពលរដ្ឋខ្មែរ​ ទៅរកកាងារធ្វើ​ដោយលួចឆ្លង​ដែនខុសច្បាប់ ​និងទៅតាម​រយៈ ការរៀបចំ​របស់មេខ្យល់ ​ហើយជួបបញ្ហាការ​បង្ខំឲ្យធ្វើការធ្ងន់ធ្ងរ​គ្មានពេលកំណត់ ​មិនទទួលបាន ប្រាក់បៀ​វត្សដូចការសន្យា ​ហើយក៏មាន​ករណីត្រូវជាប់​ពន្ធនាគារ ​ និងការចាប់​បញ្ជូនមកមាតុ-​ ប្រទេសវិញ។ ​ជាងនេះទៅទៀត ​ក៏មានករណី​ត្រូវបានចាប់បង្ខំ​ឲ្យធ្វើជាទាសករនៅលើក​ប៉ាល់ នេសាទ ​ពុំមានប្រាក់បៀវត្ស​ហើយមានគ្រោះថ្នាក់​ដល់អាយុជីវិ​តថែមទៀត។

៣- ប្រទេសចិន ​: ស្ត្រីខ្មែររងគ្រោះជាច្រើន ​ដែលត្រូវបានមេ​ខ្យល់បោកបញ្ឆោត​នាំយកទៅ រៀបការ​ជាមួយបុរសជន​ជាតិចិន ​ហើយត្រូវទទួល​រងការធ្វើបាបពី​ប្តី ឬត្រូវលក់​បន្តឲ្យទៅធ្វើជា ស្រីបម្រើផ្លូវ​ភេទ។ល។ ​

អ្នកនាំពាក្យក្រ​សួងការបរទេស ​និងសហប្រតិបត្តិការ​អន្តរជាតិ ​ក៏បានអំពាវនាវ​ដល់មាតាបិតា អាណាព្យាបាល​ ពលករ-ពលការិនី​ និងស្ត្រីខ្មែរយើង ​សូមឲ្យចាប់អារម្មណ៍ ​និងយកចិត្តទុកដាក់​ ឲ្យបានខ្ពស់ចំ​ពោះហានិភ័យ ​និងការលំបាក​គ្រប់បែបយ៉ាង ​ដែលពលករ​-ពលការិនី និងស្ត្រីខ្មែរយើង ​បានជួបប្រទះក​ន្លងមក ហើយត្រូវមា​នការប្រុងប្រយ័ត្ន​ឲ្យបានខ្លាំង ចំពោះការ​ភូតកុហក ​ឆបោក អូសទាញ ​បញ្ជុះបញ្ជូលរបស់ពួ​កមេខ្យល់ ​ដែលមានគំនិតទុច្ចរិត​ គិតតែពីផលប្រ​យោជន៍ផ្ទាល់​ខ្លួន របស់ពួក​គេប៉ុណ្ណោះ។

​ឯកឧត្តម ​ជុំ សុន្ទរីបាន​បន្តថា ​កន្លងមក​ ក្រសួងការបរទេស ​និងសហប្រតិបត្តិការ​អន្តរជាតិ បានធ្វើការ​ណែនាំដល់ស្ថាន​ទូតនិងស្ថានអ​គ្គកុងស៊ុលក​ម្ពុជាប្រចាំនៅ​បរទេស ​ឲ្យយកចិត្តទុកដាក់ក្នុង​ការជួយដល់ពល​រដ្ឋខ្មែរ ពិសេសក្នុងករណី ​ដែលបានលើកខាង​លើនេះ ដោយមិនគិតពី​ភាព«ស្របច្បាប់​» ឬ «មិនស្របច្បាប់»​ របស់គេឡើយ។ ​ក្រសួងបានកត់​សំគាល់ឃើញថា ​ស្ថានតំណាង​យើងអនុវត្តបាន​ល្អតាមការណែនាំ​ នេះ ហើយបាន​ជួយសង្គ្រោះ និងបានជួ​យរៀបចំឲ្យពលករ​-ពលការនី ​និងស្រ្តីខ្មែររងគ្រោះរាប់​រយនាក់បានវិល​ត្រឡប់មកកម្ពុជាវិញ។ ​

ដើម្បីបង្កើន​ថែមទៀតនូវ​ប្រសិទ្ធិភាពការងារ​ ក្រសួងការបរទេស ​និងសហប្រតិត្តិការ​អន្តរជាតិបានអំពាវ​នាវដល់ពលរដ្ឋ​ខ្មែរយើង ​ពេលជួបបញ្ហា​សូមឲ្យធ្វើការទំនាក់ទំ​នងជាមួយស្ថានទូត​ និងស្ថានអគ្គកុងស៊ុ​លកម្ពុជាប្រចាំនៅ ​ប្រទសទាំងបី​ខាងលើ ​តាមលេខទូរ​ស័ព្ទខាងក្រោមនេះ ​៖

១- ប្រទេសម៉ាឡេ​ស៊ី៖

-​ ស្ថានឯក​អគ្គរាជទូត  ​: +៦០ ១១៣ ​៣០៤ ៧៥៥ ​៨ /+៦០ ​១០២ ៤៧១ ​៩៨៦

២- ប្រទេសចិ​ន ៖ ​

- ស្ថានឯក​អគ្គរាជទូត ​ : +៨៦ ១៨៨​ ០១៤ ០៧៨ ​៦៥ / +៨៦ ​១៨២ ០១៣ ​៨២២ ៣៦

 - ស្ថានអគ្គកុងស៊ុ​លនៅ ក្វាងចូវ ​ :  +៨៦ ១៣៩ ​២៤១ ៧០០ ០៤

 ​- ស្ថានអគ្គ​កុងស៊ុលនៅ ​ហុងកុង :​  +៨៥ ២៥៥​ ៨៨៨ ៥៨៩/ ​+៨៥ ២៦៥ ​១៦៦ ៦៧៨

 - ស្ថានអ​គ្គកុងស៊ុលនៅ ​សៀងហៃ  ​: +៨៦ ១៥៦ ​០១៧ ១៨៧ ​៧៧

 - ស្ថានអគ្គ​កុងស៊ុលនៅ ​ឆុងឈីង ​: +៨៦ ១៣៦ ​២៨៤ ៩៦១ ​៩៣

 - ស្ថានអគ្គកុង​ស៊ុលនៅ ​គន់មីង ​: +៨៦ ១៣៧ ​៩៥១ ៩២៣ ​៩៨

 - ស្ថានអគ្គកុង​ស៊ុលនៅ ​ណាននីង ​: +៨៦ ១៨២​ ៧៦៦ ៧៧៧ ​៧៨

៣- ប្រទេសថៃ ៖​

 - ស្ថានឯក​អគ្គរាជទូត ​ : +៦៦ ៩៨៤ ​០៤១ ៥៥០​

 - ស្ថានអគ្គកុ​ងស៊ុលនៅ ​សាកែវ ​ : +៦៦ ៦១៧ ​៦៨៨ ៧០៦​

កម្ពុជានឹងមានវិទ្យាស្ថានបណ្តុះបណ្តាលវិជ្ជាជីវៈសម្រាប់ឧស្សាហកម្មកាត់ដេរ ក្នុងពេលដ៏ខ្លីខាងមុខនេះ

យោងតាម​លិខិតអញ្ជើញ ​របស់សមាគម​រោងចក្រកាត់ដេ​រនៅកម្ពុជា ​(GMAC)​ ចុះថ្ងៃទី០១ ខែកញ្ញា ​ឆ្នាំ២០១៥នេះ ​បានឲ្យដឹងថា ​សមាគមរោងច​ក្រកាត់ដេរនៅ​កម្ពុជា ​(GMAC) និ​ងរៀបចំពិធីប​ញ្ចុះបឋមសិលា ​សាងសង់វិទ្យាស្ថាន​បណ្តុះបណ្តាល​វិជ្ជាជីវៈ សម្រាប់​ឧស្សាហកម្មកាត់ដេរ​ ដែលមាន​ទីតាំងនៅក្នុងតំ​បន់សេដ្ឋកិច្ច​ពិសេសភ្នំពេញ ​ក្នុងពេលឆាប់ៗនេះ។​

វិទ្យាស្ថានប​ណ្តុះបណ្តាលនេះ​ បានទទួលហិ​រញ្ញប្បទានជា​ប្រាក់កម្ចីពីទី​ភ្នាក់ងារអភិវ​ឌ្ឍន៍បារាំង ​(AFD) ហើយវិទ្យាស្ថា​ននេះនឹងផ្តល់កា​របណ្តុះបណ្តាល​ជំនាញដល់ក​ម្មករ-និយោជិត​ គ្រប់លំដាប់ដែ​លកំពុងបម្រើការ​ងារក្នុងវិស័យកា​ត់ដេរ ​ព្រមទាំងប្រ​ជាជនកម្ពុជាទាំងឡាយដែ​លមានបំណង​ចាប់យកអាជីព​ក្នុងវិស័យកាត់​ដេរនៅពេល​អនាគត។​

ពិធីបញ្ចុះបឋម​សិលានេះ នឹ​ងប្រព្រឹត្តទៅនៅថ្ងៃ​ទី០៣ ខែកញ្ញា​ ឆ្នាំ២០១៥​ វេលាម៉ោង ​០៨ ព្រឹក ដែលស្ថិត​នៅតំបន់សេដ្ឋកិច្ច​ពិសេសភ្នំពេញ ​ផ្លូវជាតិលេខ៤​ ភូមិត្រពាំងគល់ ​សង្កាត់កន្ទោក ខ័ណ្ឌពោធិ៍​សែនជ័យ ​រាជធានីភ្នំពេញ៕ ​

សៀវភៅសភាស្តីពី «សេវាកម្មសំខាន់ៗសម្រាប់តំណាងរាស្ត្រ» នឹងត្រូវដាក់សម្ពោធនៅវិមានរដ្ឋសភា

នៅថ្ងៃទី០​១ ​ខែកញ្ញា ​ឆ្នាំ២០១៥នេះ ​អគ្គលេខាធិការ​ដ្ឋានរដ្ឋសភាបាន​សេចក្តីជូន​ដំណឹងមួយដល់​អ្នកសារព័ត៌​មានជាតិ ​និងអន្តរជាតិ ​ដោយប្រកាស​ពីការរៀបចំ ​ពិធីសម្ពោធសៀវភៅសភា ​ស្តីពី «សេវាកម្ម​សំខាន់ៗ ​សម្រាប់តំណាងរាស្ត្រ»​ ដែលនឹងប្រ​ព្រឹត្តទៅនៅព្រឹកថ្ងៃទី០៤​ ខែកញ្ញា ឆ្នាំ២០១៥​ ខាងមុខនេះ ​ក្រោមអធិបតីភាព​ ឯកឧត្តមបណ្ឌិត ​ប៉ែន បញ្ញា ប្រធាន​គណៈកម្មការ​នីតិកម្ម ​និងយុត្តិធម៌ ​នៃរដ្ឋសភា។​

សៀវភៅសភាស្តី​ពី «សេវាកម្ម​សំខាន់ៗ​ សម្រាប់តំ​ណាងរាស្ត្រ»​ បានតាក់តែងឡើង ​ដើម្បីផ្តល់ភាពងាយ​ស្រួលជូនតំ​ណាងរាស្ត្រ ​ក្នុងការទទួល​បានសេវាគាំទ្រ​សំខាន់ៗ ​ពីមន្ត្រីជំនាញ ​នៃអគ្គលេខាធិការដ្ឋា​នរដ្ឋសភា។ ​សៀវភៅនេះ ​មានពីរភាសា ​គឺភាសាខ្មែរ​ និងអង់គ្លេស ​គឺជាឯកសារ​ សំខាន់មួយ​ ដែលផ្តល់នូ​វព័ត៌មានត្រឹមត្រូវ​ ជូនតំណាងរាស្ត្រ ​អំពីទិដ្ឋភាពច្បាប់ ​និងរចនាសម្ព័ន្ធសេ​វាកម្ម ​រដ្ឋបាលផ្ទៃក្នុង​សភា ដោយបាន​ចងក្រងឡើង​ក្រោមកិច្ចសហ​ប្រតិបត្តិការ រវាង​អគ្គលេខាធិកា​រដ្ឋានរដ្ឋសភា ​និងមូលនិធិខុនរ៉ាដ ​ប្រចាំនៅព្រះរាជា​ណាចក្រកម្ពុជា។​

ពិធីនេះដែរ​នឹងមានការអ​ញ្ជើញចូលរួ​មពីសមាជិក​ សមាជិការដ្ឋសភា ​ថ្នាក់ដឹក​នាំអគ្គលេខាធិការ​ដ្ឋានរដ្ឋសភា​ អង្គទូត ​អង្គការក្រៅរដ្ឋា​ភិបាល ​និងដៃគូអភិវឌ្ឍន៍​មួយចំនួនទៀត។​

ផែនទីបារាំងនឹងផ្ទៀងផ្ទាត់ជាមួយផែនទីផ្លូវការរបស់កម្ពុជា នៅថ្ងៃទី០៣ ខែកញ្ញា ខាងមុខ

យោងតាម​សេចក្តីជូន​ព័ត៌មានរបស់​លេខាធិការដ្ឋាន​ នៃគណៈកម្មការ​ចំពោះកិច្ចសម្រាប់សម្រប​សម្រួលការ​ងារទទួល ​ប្រគល់ និងផ្ទៀងផ្ទា​ត់ផែនទី ​ចុះថ្ងៃទី ០១​ ខែកញ្ញា ​ឆ្នាំ២០១៥​នេះ បានឲ្យដឹង ​នៅថ្ងៃទី០៣ ​ខែកញ្ញា ​ឆ្នាំ២០១៥ ​ខាងមុខ វេលាម៉ោ​ង០៩:០០នាទីព្រឹក ​នឹងមានរៀបចំពិធី​ទទួល និងផ្ទៀងផ្ទា​ត់ផែនទី​ ពីរដ្ឋាភិបាល​នៃសាធារណ​រដ្ឋបារាំងជាមួយ ​ផែនទីផ្លូវការ និងស្របច្បាប់​ របស់រាជ​រដ្ឋាភិបាលកម្ពុជា​ ដែលនឹងប្រ​ព្រឹត្តធ្វើឡើងនៅ​វិមានសន្តិភាព ក្រោម​អធិបតីភាពឯក​ឧត្តមឧបនាយ​ករដ្ឋមន្ត្រី ហោ ​ណាំហុង រ​ដ្ឋមន្ត្រីក្រសួងការ​បរទេស និងសហប្រតិបត្តិ​ការអន្តរជាតិ ​តំណាងដ៏ខ្ពង់ខ្ពស់បំផុត ​របស់សម្តេចអគ្គម​ហាសេនាបតីតេជោ ​ហ៊ុន សែន នា​យករដ្ឋមន្ត្រី ​នៃព្រះរាជាណាចក្រ​កម្ពុជា។​

នៅក្នុងពិធី​ប្រគល់ផែនទី​ជាផ្លូវការនោះ ​គណៈកម្មការ​ចំពោះកិច្ចសម្រាប់​សម្របសម្រួលការងារទទួល​ ប្រគល់ ​និងផ្ទៀងផ្ទាត់​ផែនទី  នឹងអញ្ជើញ​ឥស្សរជនមួយចំ​នួនចូលរួម​ ដើម្បីសង្កេតការណ៍ ​ក្នុងនោះរួមមាន៖ ​តំណាងគណបក្ស​ប្រជាជនកម្ពុជា ​ចំនួន៥រូប ​គណបក្សសង្គ្រោះជាតិ​ចំនួន៥រូប ​និងគណបក្សហ៊្វុនស៊ិ​នប៉ិចចំនួន៥រូប,​ សមាជិករដ្ឋសភា ​គណបក្សដែលមាន​សំឡេងភាគច្រើន​ចំនួន៣រូប ​សមាជិករដ្ឋសភា​សំឡេងភាគតិច៣រូប,​ សមាជិកព្រឹទ្ធសភាគណ​បក្សប្រជាជនកម្ពុជា​ចំនួន៣រូប, ​ សមាជិកព្រឹទ្ធស​ភាគណបក្សសម ​រង្ស៊ី ចំនួន ​៣រូប  ហើយក៏នឹង​អញ្ជើញឲ្យចូល​រួមផងដែរ​ នូវតំណាងឧ​ត្តមក្រុមប្រឹក្សានៃ​អង្គចៅក្រម​ចំនួន២រូប លោកបណ្ឌិត ​សុខ ទូច ​និងសហការី ​នៃរាជបណ្ឌិតសភាចំ​នួន៣រូប ​ហើយនិងទីប្រឹក្សារាជ​រដ្ឋាភិបាលដែល​ជាជនជាតិបរទេស​មួយចំនួន។​

គួរបញ្ជាក់ថា​ កាលពីថ្ងៃទី២០​ ខែសីហា ​ឆ្នាំ២០១៥កន្លងទៅ ​រាជរដ្ឋាភិបាល​កម្ពុជាទើបនឹងបាន​ដំណើរការផ្ទៀងផ្ទា​ត់ផែនទីផ្លូវការ​របស់ខ្លួនម្តង​រួចមកហើយ ​ជាមួយផែនទី​របស់អង្គការសហ​ប្រជាជាតិ ​ហើយជាលទ្ធផល​ឃើញថា ​ខ្សែបន្ទាត់ព្រំដែនរ​វាងផែនទីផ្លូ​វការរបស់រាជរដ្ឋាភិបាល​កម្ពុជា និងផែនទី​របស់អង្គការ​សហប្រជាជាតិគឺដូចគ្នា ​៕

រាជរដ្ឋាភិបាលជូនព័ត៌មាន ពីការរៀបចំពិធីទទួល ប្រគល់ និងផ្ទៀងផ្ទាត់ផែនទី ពីរដ្ឋាភិបាលនៃសាធារណៈរដ្ឋបារាំងជាមួយផែនទីផ្លូវការ របស់រាជរដ្ឋាភិបាលកម្ពុជា

ឯកឧត្តម សុខ សង្វារ, សម្តែងការសាទរចំពោះលទ្ធផលដែលរមណីដ្ឋានអង្គរ ទទួលបានចំណាត់ថ្នាក់លេខ១ ជាគោលដៅទេសចរណ៍ល្អបំផុតលើសកលោក