សារ​លិខិត​សម្តេច​អគ្គម​ហា​សេនា​បតី​តេជោ ហ៊ុន សែន នាយក​រដ្ឋមន្ត្រី​នៃព្រះរា​ជាណា​ចក្រ​កម្ពុជា ក្នុងឱកាស​បើក​ពិធី​បុណ្យ​ទន្លេ ខេត្ត​ក្រចេះ ថ្ងៃទី​១៣-​១៥ ខែសីហា ឆ្នាំ​២០១៥

សុន្ទរកថា​​ស្វាគមន៍​ ឯកឧត្តម ថោង ខុន រដ្ឋមន្ត្រី​ក្រសួង​ទេសចរណ៍ ក្នុង​ឱកាស​បើក​ពិធី​បុណ្យទន្លេ នៅ​ខេត្តក្រចេះ ថ្ងៃ​ទី១៤ ខែមីនា ឆ្នាំ២០១៥

សូមគោរព
-          ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុក​ទីស្តីការ​គណៈ​រដ្ឋមន្រ្តី និងជាតំណាងដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយក​រដ្ឋមន្ត្រី ​នៃព្រះរាជាណាចក្រ​កម្ពុជា និងលោកជំទាវ អានី សុខអាន ជាទីគោរពដ៏ខ្ពង់ខ្ពស់!
-          ឯកឧត្តម អ៊ឹម ឈុនលីម ទេសរដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់  និង​ជា​ប្រធាន​ក្រុមការងារ​​ថ្នាក់​ជាតិចុះ​ជួយខេត្ត​ក្រចេះ និងខេត្មណ្ឌលគីរី
-         ឯកឧត្តម ស ចំរុង អភិបាលនៃគណៈអភិបាលខេត្តក្រចេះ
-         ឯកឧត្តម លោកជំទាវ ឯកអគ្គរាជទូត ឯកអគ្គរដ្ឋទូត និងតំណាងអង្គទូត
-         ឯកឧត្តម លោកជំទាវ លោក លោកស្រី ភ្ញៀវកិត្តិយសជាតិ និងអន្តរជាតិទាំងអស់ ជាទីមេត្រី!
ជាបឋម តាងនាមឲ្យ​ក្រសួងទេសចរណ៍ គណៈកម្មការអន្តរក្រសួង ដើម្បីរៀបចំពិធីបុណ្យទន្លេ និង​ក្នុង​នាម​ខ្លួនខ្ញុំផ្ទាល់ ខ្ញុំបាទសូម​គោរពសំដែងនូវកិច្ចស្វាគមន៍ និងថ្លែងអំណរគុណយ៉ាងជ្រាលជ្រៅចំពោះវត្តមានដ៏ ខ្ពង់ខ្ពស់របស់ ឯកឧត្តមបណ្ឌិតសភាចារ្យ សុខ អាន ឧប​​នាយករដ្ឋមន្ត្រី រដ្ឋមន្ត្រីទទួល បន្ទុកទីស្តីការ គណៈរដ្ឋ មន្ត្រី និងជាតំណាងដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​នៃព្រះរាជាណាចក្រ​កម្ពុជា និងលោកជំទាវ ដែលបាន​អញ្ជើញជា​អធិបតីដ៏ខ្ពង់ខ្ពស់​ក្នុង​ពិធី​បើក​ពិធីបុណ្យទន្លេ ដែលបាននិងកំពុងរៀបចំ​ប្រព្រឹត្ត​ទៅចាប់ពីថ្ងៃទី ១៣-១៥ខែមីនា ឆ្នាំ២០១៥ នៅលើ​ទឹកដី​ ​ខេត្ត​ក្រចេះ ដែលជាខេត្តមួយមានសក្តានុពលអេកូទេសចរណ៍ដ៏ទាក់ទាញនៅភូមិភាគឦសានរបស់កម្ពុជា។
          ខ្ញុំក៏សូមថ្លែងអំណរគុណផងដែរចំពោះវត្តមានដ៏ថ្លៃថ្លារបស់ឯកឧត្តម លោកជំទាវ ឯកអគ្គរាជទូត​ ឯកអគ្គរដ្ឋ ទូត តំណាងអង្គទូត ឯកឧត្តម លោកជំទាវ លោក លោកស្រី ភ្ញៀវកិត្តិយសជាតិ និងអន្តរជាតិ ផ្នែកឯកជន និងបង ប្អូនប្រជាពលរដ្ឋ ដែលបានអញ្ជើញចូលរួមយ៉ាងច្រើនកុះករក្នុងពិធីនេះ ប្រកបដោយ​សេចក្តីសប្បាយរីករាយ។
-       ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី  និងលោកជំទាវជាទីគោរពដ៏ខ្ពង់ខ្ពស់!
-       ឯកឧត្តម លោកជំទាវ អស់លោក-​លោកស្រី!
ពិធីបុណ្យ​ទន្លេត្រូវបានកំណត់ដោយ​អនុក្រឹត្យ​លេខ​​​​២៦៥ អនក្រ.បក ចុះថ្ងៃទី​០១ ខែតុលា ឆ្នាំ២០១៤ ក្នុង ​គោល​បំណង​បង្កើតព្រឹត្តិការណ៍ទេសចរណ៍សម្រាប់ខេត្តជាប់ដងទន្លេ ​ ពិសេស​ដើម្បី​រួម​​ចំណែក​ដល់ការជំរុញ និង​អភិវឌ្ឍតំបន់​តាមដងទន្លេ​កម្ពុជា ឲ្យ​ក្លាយ​ជា​ប៉ូល​ទេសចរណ៍ដ៏ទាក់ទាញ​ស្របតាម​យុទ្ធសាស្ត្រ​ពិពិធកម្ម​ផលិតផល ​ទេសចរណ៍​​របស់រាជរដ្ឋាភិបាលកម្ពុជា លើកកម្ពស់គុណភាពសេវាកម្មទេសចរណ៍ បំផុសមហាជនក្នុងការអភិរក្សធនធានធម្មជាតិ រួមចំណែកសម្រេចផែនការយុទ្ធសាស្រ្តទេសចរណ៍អាស៊ានឆ្នាំ ២០១១‑២០១៥ និងឆ្ពោះទៅផែនការក្រោយឆ្នាំ២០១៥ (Post-ATSP 2016-2020) ព្រមទាំងជំរុញការតភ្ជាប់ និងពង្រឹងភាពជាដៃគូ ជាពិសេសក្នុងក្របខណ្ឌមហាអនុតំបន់មេគង្គ និងមេគង្គ- ជប៉ុន។
លើសពី​នេះទៀត ការរៀបចំពិធីបុណ្យទន្លេនេះ គឺជាព្រឹត្តិការណ៍ទេសចរណ៍ដ៏ទាក់ទាញសម្រាប់ខេត្តជាប់ដងទន្លេ ហើយ​ពិធីបុណ្យទន្លេនេះ មិនត្រឹម​តែ​ចូលរួម​ចំណែក​ក្នុង​ការ​​ផ្សព្វផ្សាយ​ពី​​សក្តានុពលទេសចរណ៍​ នៃតំបន់ជាប់ដងទន្លេកម្ពុជាប៉ុណ្ណោះទេ ប៉ុន្តែក៏ចូលរួម​ចំណែក​​យ៉ាងសំខាន់​​ដល់​​ការ​គាំទ្រ​នយោបាយរ​​ បស់រាជរដ្ឋាភិបាលកម្ពុជា ក្នុងការយកចិត្តទុកដាក់អភិវឌ្ឍន៍កម្ពុជា​ប្រកបដោយនិរន្តរភាព និង​ការ​ទទួល​ខុសត្រូវ ជាពិសេសការការពារ និងអភិរក្សធនធានធម្មជាតិដោយឈរលើ​ការ​ប្តេជ្ញាចិត្តរួមមួយ​ច្បាស់​​លាស់​ ក្នុងការរក្សាតុល្យភាពរវាងផលប្រយោ-ជន៍ខាងផ្នែកបរិស្ថាន សេដ្ឋកិច្ច-សង្គម និង​វប្បធម៌​។ ព្រមជាមួយ​នេះ ពិធីបុណ្យ​ទន្លេ គឺជាឱកាសដ៏ប្រសើរដើម្បី​ជំរុញ​ឲ្យគ្រប់​ភាគី​ពាក់ព័ន្ធ​ទាំងអស់​ចូលរួម​ក្នុង​ចលនា​ប្រឡង​ប្រណាំង "ទីក្រុង​ស្អាត រមណីយដ្ឋានស្អាត សេវាល្អ​​ បដិសណ្ឋារកិច្ចល្អ" តាមរយៈ​ការ​លើកកម្ពស់គុណភាពសេវាកម្ម​ទេសចរណ៍ ជំរុញ​​ដល់ការអភិវឌ្ឍហេដ្ឋារចនាសម្ព័ន្ធ និងការអប់រំ​ការយល់ដឹង​ជាសាធារណៈ​ដល់​​ប្រជា​ពលរដ្ឋអំពី​សារៈប្រយោជន៍​នៃ​ ធនធានតាមដងទន្លេទាំងអស់​ និងអំពីទស្សនាទាន “ស្អាត និងបៃតង”។ ជាក់ស្តែង​​ ក្នុងពិធី​បុណ្យទន្លេ​លើកទី១នេះ ក្រសួង​ទេសចរណ៍បានជ្រើសរើស និងផ្តល់​នូវអាជីវកម្មល្អ​ និងបុគ្គល​គំរូនៅខេត្តជាប់ទន្លេ សរុប​ចំនួន ៣៨ ទីតាំង ក្នុងនោះ ៣១ មូលដ្ឋានអាជីវកម្ម,            ៣ រមណីយដ្ឋាន​ទេសចរណ៍ ១ សហគមន៍ផលិតវត្ថុអនុស្សាវរីយ៍ និងបុគ្គលគំរូ ចំនួន ៣រូប។
-       ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី និងលោកជំទាវ ជាទីគោរពដ៏ខ្ពង់ខ្ពស់!
-       ឯកឧត្តម លោកជំទាវ អស់លោក-​លោកស្រី!
          នៅក្នុងពិធីបុណ្យទន្លេលើកទី១ គណៈកម្មការអន្តរក្រសួង បានរៀបចំឲ្យមានជា​សកម្មភាពសំខាន់ៗមួយ​ចំនួន ដូច​ខាងក្រោមៈ
១- ពិធីថ្វាយសក្ការៈ ដែលបានរៀបចំកាលពីថ្ងៃទី១២ ខែមីនា ឆ្នាំ២០១៥។

២- សកម្មភាពកីឡា ដែលមានដូចជាកីឡាបាល់ទះលើឆ្នេរខ្សាច់ ចំបាប់លើឆ្នេរខ្សាច់ ជិះកង់​ រត់ប្រណាំង ការប្រណាំងម៉ូតូទឹក ការប្រណាំងទូកប្រពៃណី ប្រដាល់គុន​បុរាណខ្មែរ ឆ័ត្រយោងពីលើអាកាស…។

៣- មហោស្រពម្ហូបអាហារ ស្រា និងភេសជ្ជៈ និងការតាំងពិព័រណ៍សមិទ្ធផលផលិតផល កសិទេសចរណ៍ និងផលិតផលខ្មែរ ក្រោមកិច្ចសហការជាមួយសម្ព័ន្ធសមាគមសហគ្រាសធុនតូច និងមធ្យមកម្ពុជា។

៤- ការប្រគំតន្ត្រី ការសម្តែងទស្សនីយភាពសិល្បៈ និងការបាញ់កាំជ្រួចអបអរសាទរជាដើម​។

៥- ការរៀបចំកម្មវិធីដាំដើមឈើអនុស្សាវរីយ៍ ”ទេសចរម្នាក់ ដើមឈើមួយដើម” ”គូរស្រករ​មួយគូរ ដើមឈើ២ដើម”នៅសហគមន៍កោះទ្រង់ជាដើម។

          ប្រការគួរកត់សំគាល់ និងជាទីមោទនៈសំរាប់ពិធីបុណ្យទន្លេលើកទី១ គឺមានការចូលរួមជាច្រើនពីផ្នែក​ឯកជន សាធារណជន និងប្រជាពលរដ្ឋមូលដ្ឋាន ជាពិសេសកិច្ចសហការជាមួយសម្ព័ន្ធសមាគមសហគ្រាសធុនតូច និងមធ្យមកម្ពុជា ដែលមានលោកឧកញ៉ា តែ តាំងប៉ ជាប្រធាន ដែលនេះឆ្លុះបញ្ចាំងពីភាពជាដៃគូដ៏មានប្រសិទ្ធភាពរវាងរដ្ឋ និងឯកជន ក្នុងការជំរុញការអភិវឌ្ឍវិស័យទេសចរណ៍នៅកម្ពុជា។
          ឆ្លៀតក្នុងឱកាសនេះ យើងខ្ញុំសូមកោតសរសើរចំពោះឯកឧត្តម សរ ចំរ៉ុង អភិបាលនៃគណៈអភិបាលខេត្តក្រចេះ និងសហការីដែល បាន​ខិតខំប្រឹងប្រែងសហការជាមួយក្រសួងស្ថាប័ន អាជ្ញាធរពាក់ព័ន្ធ ធ្វើការរៀបចំ និងអភិវឌ្ឍហេដ្ឋារចនាសម្ព័ន្ធ​រូបវ័ន្តសំខាន់ៗនៅខេត្តក្រចេះបានល្អប្រសើរ ព្រមទាំងបំផុសចលនាប្រជាជន និងយុវជនឲ្យចូលរួមយ៉ាងសកម្ម និង​ផុលផុសក្នុងការថែរក្សា ការពារបរិស្ថាន អនាម័យ សំរាម និងសណ្តាប់ធ្នាប់នៅតាមទី​សាធារណៈ ទីក្រុង និង តាមដងទន្លេខេត្តក្រចេះ  ដែលធ្វើឲ្យខេត្តក្រចេះប្រែមុខមាត់ថ្មី និងសក្តិសមជាគោលដៅទេសចរណ៍សំរាក​លំហែ​កំសាន្តប្រកបដោយភាពទាក់ទាញ​ និងស្រស់បំព្រង។
-       ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី និងលោកជំទាវ ជាទីគោរពដ៏ខ្ពង់ខ្ពស់!
-       ឯកឧត្តម លោកជំទាវ អស់លោក-​លោកស្រី!
          ពិធីបុណ្យទន្លេលើកទី១ ត្រូវបាន​ប្រារព្ធ​ឡើង​ក្រោមប្រធានបទ “ទេសចរណ៍តាមដងទន្លេសម្រាប់ការអភិវឌ្ឍសហគមន៍” ដែល​ឆ្លុះបញ្ចាំង​ឲ្យឃើញ​ថាការអភិវឌ្ឍផលិតផលទេសចរណ៍ថ្មីៗតាមដងទន្លេ បានកំពុងក្លាយជាកាតាលីករជំរុញការអភិវឌ្ឍនៅ​តាមសហគមន៍ ដោយបង្កើតឱកាស​ការងារ  បង្កើនប្រាក់ចំណូលជូនប្រជាពលរដ្ឋដោយផ្ទាល់ និងដោយប្រយោល ចូលរួម​ដល់​​ការកាត់បន្ថយភាពក្រីក្រ ពិសេសចូលរួមដល់ការឆ្លើយតបនឹងបំរែបំរួលអាកាសធាតុ ដែល​ជា​​បញ្ហា​ប្រឈម​ជា​សាកល។
          ទន្ទឹមនឹងនេះ ភាពសម្បូរបែបនៃធនធានធម្មជាតិ និងវប្បធម៌នៅតាមតំបន់ជាប់ដងទន្លេ បានរួមចំណែកបង្កើតឧត្តម​ភាពប្រកួតប្រជែង (Competitive Advantage) ក្នុងការអភិវឌ្ឍ​វិស័យទេសចរណ៍នៅកម្ពុជា។ សក្តា នុពលទាំង​នេះបានធ្វើឲ្យកម្ពុជា​ កំពុងទទួលស្វាគមន៍កំណើន​នៃ​ការ​​​មកដល់ទេសចរជាតិ និងអន្តរជាតិ។ ជាក់ស្តែង​នៅឆ្នាំ២០១៤ កន្លងទៅ ចំនួន​ទេសចរអន្តរជាតិដែលមក​ទស្សនាកម្ពុជាមានចំនួន ៤.៥០២.៧៧៥នាក់ កើនឡើង ៧%​ ធៀបនឹងឆ្នាំ២០១៣។ តាមព្យាករណ៍​ នៅឆ្នាំ២០១៥ ​កម្ពុជាអាច​​នឹង​ទទួល​បានទេសចរអន្តរជាតិប្រមាណ ៥ លាននាក់ និងប្រមាណ ៧,៥ លាននាក់ ​នៅឆ្នាំ​២០២០ ។ ការ​រីកចម្រើន​នៃវិស័យ​ទេសចរណ៍ គឺពិតជាបានចូលរួមចំណែកយ៉ាងខ្លាំងក្នុងការអភិវឌ្ឍសេដ្ឋកិច្ច-សង្គម​ និងលើកកំពស់កំរិតជីវភាពរបស់ប្រជាពលរដ្ឋពិសេសចូលរួមដល់​ការសម្រេច​នូវ​ យុទ្ធសាស្រ្តចតុកោណដំណាក់កាលទីបីរបស់​​រាជរដ្ឋាភិបាលអាណត្តិទី៥ ដើម្បី “កំណើន ការងារ ប្រសិទ្ធភាព​ និងសមធម៌”។
-       ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី និងលោកជំទាវ ជាទីគោរពដ៏ខ្ពង់ខ្ពស់!
-       ឯកឧត្តម លោកជំទាវ អស់លោក-​លោកស្រី!
ឆ្លៀត​ឱកាស​ដ៏វិសេសវិសាល​នេះ ខ្ញុំសូម​អនុញ្ញាតថ្លែងអំណរ​គុណដ៏ខ្ពង់ខ្ពស់បំផុតជូន សម្តេច​តេជោនាយក​-រដ្ឋមន្ត្រី ដែលបាន​អនុញ្ញាត និង​គាំទ្រ​ដល់​ការ​រៀបចំ​ពិធីបុណ្យ​ទន្លេនេះ ដែលនឹង​ក្លាយជាព្រឹត្តិការណ៍​ទេសចរណ៍ដ៏​សំខាន់ និង​ទាក់​ទាញ​​នៅតំបន់តាមដងទន្លេនៃព្រះរាជាណាចក្រកម្ពុជា​ ហើយ​ខ្ញុំក៏សូម​អរគុណ​ចំពោះ​ការអញ្ជើញ​ចូលរួម​ទស្ស​នា​យ៉ាង​កុះករ ប្រកប​ដោយ​បរិយាកាស​សប្បាយរីករាយ​ពីសំណាក់បងប្អូនប្រជាពលរដ្ឋ​ និងភ្ញៀវទេសចរអន្តរជាតិ ជាពិសេស​សូម​​អរគុណ​ចំពោះគណៈ​កម្មការអន្តរក្រសួង​រៀបចំ​បុណ្យទន្លេ​ គ្រប់ភាគី​ពាក់ព័ន្ធ​ទាំង ​រដ្ឋ និងឯកជន កីឡាករ-​កីឡាការិនី សិល្បករ-សិល្បការិនី និងក្រុមហ៊ុន​ Sponsor នានា ដែល​បានចូលរួម​យ៉ាង​សកម្មក្នុង​ការរៀបចំ​ពិធីបុណ្យ​ទន្លេ រួមចំណែក​ធ្វើឲ្យ​ខេត្ត​ក្រចេះរីកមុខមាត់ថ្មី និងបន្តភាពទាក់ទាញ​របស់ខ្លួន​នាពេលអនា​គត ទាំងលើផ្នែក​សេដ្ឋកិច្ច-សង្គម វិនិយោគ និង​ទេសចរណ៍។
ខ្ញុំ​ក៏សូមថ្លែងអំណរគុណចំពោះប្រព័ន្ធ​ ផ្សព្វផ្សាយ​ទូរទស្សន៍​ វិទ្យុ បណ្តាញសារព័ត៌មាន​ និងអ្នកនិពន្ធ និងសិល្បៈករ‑ការិនីទាំងអស់ដែលតែងតែ​បាន​ចូលរួម​យ៉ាងសកម្មក្នុង​ ការផ្សព្វផ្សាយ​ទេសចរណ៍កម្ពុជា​ ពិសេសសក្តានុពល​ទេសចរណ៍​តំបន់​អេកូទេសចរណ៍ភូមិភាគឦសាន តាមរយៈ​​ការផ្សព្វផ្សាយអំពី​​សក្តានុពល​ទេសចរណ៍​ដ៏ទាក់ទាញ ការតាក់តែង និងនិពន្ធបទចំរៀងទេសចរណ៍ ស្ប៉តអប់រំ​នានា ។
មុននឹងបញ្ចប់ ខ្ញុំសូម​អនុញ្ញាតគោរពជូនពរ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រី​ទទួលបន្ទុកទីស្តីការគណៈរដ្ឋមន្ត្រី និងលោកជំទាវ ឯកឧត្តម លោកជំទាវ លោក លោកស្រី អ្នកនាងកញ្ញា សូមជួបប្រទះ តែ​ពុទ្ធពរ ទាំង​៤ ប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

 

សុន្ទរកថា​ស្វាគមន៍ ​របស់ ឯកឧត្តម​​អភិបាល​ខេត្ត​ក្រចេះ ក្នុង​ឧិកាស​ពិធី​បើក​បុណ្យ​ទន្លេ ថៃ្ងទី១៤ ខែមីនា ឆ្នាំ២០១៥

សូមគោរព ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្ត្រីទទួលបន្ទុកទីស្តីការ  គណៈរដ្ឋមន្ត្រី  និងលោកជំទាវ  តំណាងដ៍ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នែព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុនរ៉ានីហ៊ុនសែន..... ជាទី គោរពដ៍ខ្ពង់ខ្ពស់ !
សូមគោរព ឯកឧត្តម អ៊ឹម ឈុនលឹម ទេសរដ្ឋមន្ត្រី រដ្ឋមន្រ្តីក្រសួងរៀបចំដែនដី នគររូបនីយកម្ម និងសំណង់
សូមគោរព   ឯកឧត្តម លាកជំទាវ សមាជិកព្រឹទ្ធសភា រដ្ឋសភា   រាជរដ្ឋាភិបាល ឯកឧត្តម លាក
 ជំទាវឯកអគ្គរាជទូត  រដ្ឋទូត  អ្នកឧញ៉ា លោកឧកញ៉ា   លោក   លោកស្រី    ភ្ញៀវកិត្តិយសជាតិ
អន្តរជាតិ និងបងប្អូនប្រជាពលរដ្ឋទាំងអស់ .......ជាទីគោរព !

ថ្ងៃនេះ ជាថ្ងៃប្រកបដោយមហានក្ខត្តឭក្សអធិកអធម  និងមានសេចក្តីសោមនស្សរីករាយយ៉ាងក្រៃលែង ដែលខេត្តក្រចេះ​មានកិត្តិយស​ដ៍ឧត្តុង​ឧត្តម​បាន​ទទួល​ធ្វើជាម្ចា​ស់​ ផ្ទះរៀបចំពិធីធ្វើបុណ្យទន្លេលើកទី១ ដែលជាព្រឹត្តិការណ៍ជាប្រវត្តិសាស្ត្រសម្រាប់ខេត្តក្រចេះនិយាយដោយឡែក និយាយរួមសម្រាប់ព្រះរាជាណាចក្រកម្ពុជាទាំងមូល។

ក្នុងនាមថ្នាក់ដឹកនាំខេត្ត មន្ត្រីរាជការគ្រប់លំដាប់ថ្នាក់   កងកំលាំងប្រដាប់អាវុធគ្រប់ប្រភេទ​  និង

ប្រជាពលរដ្ឋក្នុងខេត្តក្រចេះទាំងមូល និងក្នុងនាមខ្លួនខ្ញុំផ្ទាល់ ខ្ញុំសូមសំដែងនូវការអបអរសាទរយ៉ាង ក្លៀវក្លា និងសូម​ស្វាគមន៍ប្រកប​ដោយក្តីរំភើប​ឥតឧបមា​ដោយសេចក្តី​គោរពចំពោះ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងលោកជំទាវ តំណាងដ៍ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ  កម្ពុជា និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលបានឆ្លៀតឱកាសដ៍មានតម្លៃ អញ្ជើញចូលរួមជាអធិបតីដ៍ខ្ពង់ខ្ពស់នាពេលនេះ។ យើងខ្ញុំក៍សូមថ្លែងអំណរគុណ និងសូមស្វាគមន៍យ៉ាងកក់ក្តៅចំពោះ វត្តមាន ឯកឧត្តម លោកជំទាវ ភ្ញៀវកិត្តិយសជាតិ-អន្តរជាតិ លោក លោកស្រី បងប្អូនអាជីវករ សិប្បករ សេវាករ និងប្រជាពលរដ្ឋទាំងអស់​ ដែលបានអញ្ជើញចូលរួមក្នុងអង្គពីធីដ៍អធិកអធមនេះ។
          យើងខ្ញុំសូមគោរពថ្លែងអំណរគុណយ៉ាងជ្រាលជ្រៅបំផុតចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នែព្រះរាជាណាចក្រកម្ពុជា ដែលបានអនុញ្ញាតឲ្យរៀបចំបង្កើតឲ្យមានព្រឹត្តិការណ៍បុណ្យទន្លេនេះឡើង និងបានជ្រើសរើសយកខេត្តក្រចេះយើងខ្ញុំធ្វើជាម្ចាស់ផ្ទះក្នុងការរៀបចំពិធីបុណ្យទន្លេលើកទី១ ដែលជាព្រឹត្តិការណ៍ប្រវត្តិសាស្ត្រ និងមានអត្ថន័យយ៉ាងជ្រាលជ្រៅ។ យើងខ្ញុំចាត់ទុកព្រឹត្តិការណ៍ដ៍មានសារៈសំខាន់នេះពិតជានាំមកនូវកិត្តិយស និងកិច្ចអភិវឌ្ឍថ្មីៗបន្ថែមទៀតសម្រាប់ខេត្តក្រចេះយើងខ្ញុំ ក៍ដូចព្រះរាជាណាចក្រកម្ពុជាទាំងមូល។
ឆ្លៀតក្នុងឱកាសដ៍ថ្លៃថ្លានេះ ខ្ញុំសូមអនុញ្ញាតជម្រាបជូនដោយសង្ខេបពីលក្ខណៈភូមិសាស្ត្រ ប្រជាសាស្ត្រ និងសក្តានុពលរបស់ខេត្តក្រចេះមានដូចតទៅ៖ ខេត្តក្រចេះស្ថិតនៅប៉ែកឥសាន្តនៃប្រទេស មានផ្ទៃដីធម្មជាតិ១១.០៩៤គីឡូម៉ែត្រការ៉េ ចែកចេញជាពីរតំបន់សំខាន់ៗគឺ ប៉ែកខាងជើង និងខាងកើតជាតំបន់ខ្ពង់រាប មានព្រៃឈើ និងស្មៅច្រើនប្រភេទ ជាប្រភេទដីក្រហមអំណោយផលដល់ការចិញ្ចឹមសត្វគោ ក្របី និងដាំដំណាំកសិ-ឧស្សាហកម្ម។ ប៉ែកខាងត្បូង និងខាងលិចជាតំបន់ទំនាប និងតំបន់ដីសើមតាមដងទន្លេមេគង្គសំបូរដោយបឹង អូរ ព្រែក ដីល្បាប់មានជីរជាតិ អំណោយផលដល់ការចិញ្ចឹមត្រី និងដាំដំណាំស្បៀង ជាពិសេសតំបន់ដីសើមសំបូរជម្រកសម្រាប់មច្ឆាជាតិចំរុះពងកូន និងបន្តពូជ និងមានសត្វផ្សោតទន្លេមេគង្គដែលជាសត្វធម្មជាតិដ៍កម្រ កំពុងទាក់ទាញភ្ញៀវទេសចរណ៍ជាតិ-អន្តរជាតិចូលមកកំសាន្តខេត្តក្រចេះកើនឡើងជារៀងរាល់ឆ្នាំ។ ខេត្តក្រចេះចែកចេញជា ៥ស្រុក ក្រុង១ មាន៥សង្កាត់ និង៤១ឃុំ និងមាន២៥៣ភូមិ មានប្រជាពលរដ្ឋសរុប ៨៨.០៥៧ គ្រួសារ មនុស្ស ៣៨៤.៧២៥ នាក់ ប្រជាពលរដ្ឋប្រមាណ ៨២% ជាកសិករ ដង់ស៊ីតេ ៣២នាក់ ក្នុង១គីឡូម៉ែត្រការ៉េ។ ខេត្តក្រចេះមាន ៧ជនជាតិដើមភាគតិចរស់នៅ​មាន៖ ភ្នង កួយ ស្ទៀង ខោញ មិល ថ្មូន និងក្រោល នៅក្នុងភូមិ  សាស្ត្រស្រុកសំបូរ ស្រុកចិត្តបុរី និងស្រុកស្នួល។
 ផ្អែកលើមូលដ្ឋានសក្តានុពលខាងលើនេះ ថ្នាក់ដឹកនាំខេត្ត មន្ត្រីរាជការ កងកំលាំងប្រដាប់អាវុធ និងប្រជាពលរដ្ឋក្នុងខេត្តក្រចេះទាំងមូល បាននឹងកំពុងខិតខំអនុវត្តការងារយ៉ាងសកម្មដើម្បីសម្រេចឲ្យ បានជោគជ័យនូវកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាលដែលមាន សម្តេចអគ្គមហាសេនាបតីតេជោ ហ៊ុន សែន ជាប្រមុខដឹកនាំដ៍ឈ្លាសវៃ និងប្រកបដោយភាពប្រាកដនិយម ធានាបាននូវសុខសន្តិភាព សុវត្ថភាព ស្ថេរភាពនយោបាយ និងមានការអភិវឌ្ឍរីកចំរើនគួរឲ្យកត់សម្គាល់លើគ្រប់វិស័យមានជាអាទិ៍ វិស័យកសិកម្មពីមួយឆ្នាំទៅមួយឆ្នាំបរិមាណផលស្រូវមានកំណើនជាលំដាប់ ធានាការផ្គត់ផ្គង់ស្បៀងក្នុងខេត្តបានគ្រប់គ្រាន់ និងសល់ស្រូវជាង ៥ម៉ឺនតោន ជារៀងរាល់ឆ្នាំសម្រាប់នាំចេញ។ ខេត្តក្រចេះមានក្រុមហ៊ុនចំនួន៥៣ ដែលបានកំពុងធ្វើការវិនិយោគដាំដំណាំកសិ-ឧស្សាហកម្មលើផ្ទៃដីសរុប ២៩១.១៨៧ហិកតា ដោយដំណើរការដាំដុះកៅស៊ូបានជាង     ៧ម៉ឺនហិកតា និងដាំដំឡូងមី ស្វាយចន្ទីរ អំពៅ ម្រេច ជាច្រើនហិកតាថែមទៀត។ ក្រៅពីនេះនៅមានកៅស៊ូ ដំឡូងមី ស្វាយចន្ទីរ ម្រេច របស់ប្រជាពលរដ្ឋជាលក្ខណៈគ្រួសាររាប់ម៉ឺនហិកតា ធ្វើឲ្យជីវភាពរស់នៅរបស់ប្រជាពលរដ្ឋកាន់តែមានភាពធូរធា។ ហេដ្ឋារចនាសម្ព័ន្ធក្នុងខេត្តមានការរីកចំរើងយ៉ាងឆាប់រហ័ស ផ្លូវជាតិ ផ្លូវខេត្ត ផ្លូវលំជនបទត្រូវបានកសាងជួសជុលកែលំអរ ធ្វើឲ្យខេត្តក្រចេះកំពុងបំពេញ    តួនាទីយ៉ាងសំខាន់តភ្ចាប់ខេត្តនៅភូមិភាគឥសាន្តទៅកាន់រាជធានីភ្នំពញ។ ទំនប់ ប្រឡាយជាច្រើនកន្លែងត្រូវបានកសាង ជួសជុលដាក់ឲ្យប្រើប្រាស់ ដើម្បីឆ្លើយតបទៅនឹងតំរូវការវិស័យកសិកម្ម។  វិស័យ ទេសចរណ៍ក៍មានការរីកចំរើនគួរជាទីមោទនៈ បច្ចុប្បន្នខេត្តមានរមណីយដ្ឋាទេសចរណ៍១៦កន្លែងកំពុង ត្រូវបានយកចិត្តទុកដាក់កែលំអរសោភ័ណភាព   និងរៀបចំសហគមថែទាំការពារឲ្យបានល្អប្រសើរ។ ជាមួយេនះ ខេត្តបាននឹងកំពុងបន្តអនុវត្តផែនការសកម្មភាព ដោយបានយកចិត្តទុកដាក់បំពេញតាមសូចនាករ និងលក្ខណៈវិនិច្ឆ័យ និងខិតខំអនុវត្តគោលនយោបាយទីក្រុងបៃតង ទីក្រុងស្អាត ទេសចរមួយនាក់ ដើមឈើមួយដើម   ការពង្រីកស្តង់ដារទេសចរ ការផ្សព្វផ្សាយអប់រំដល់ប្រជាពលរដ្ឋឲ្យទូលំទូលាយ ដើម្បីចូលរួមឲ្យសកម្មព្រមៗគ្នាក្នុងចលនា ទេសចរណ៍សម្រាប់ទាំងអស់គ្នា ទាំងអស់គ្នាសម្រាប់ ទេសចរណ៍ ធ្វើឲ្យទីរួមខេត្តក្រចេះតូចច្រឡឹងកាន់តែមានភាពស្រស់បំព្រង ទាក់ទាញភ្ញៀវទេសចរណ៍ជាតិ-អន្តរជាតិ មកទស្សនាខេត្តក្រចេះមានចំនួនកើនឡើងជាលំដាប់ ។ ជាក់ស្តែងថ្មីៗកន្លងមកនេះ ក្រុងក្រចេះ នៃខេត្តក្រចេះទទួលបានចំណាត់ថ្នាក់ផ្ការំដួលទីក្រុងស្អាតចំនួនពីរទងសម្រាប់ឆ្នាំ២០១៤-២០១៨។ វិស័យផ្សេងៗទៀតក៍មានការរីកចំរើនជាទីមោទនៈផងដែរ។
-ឯកឧត្តមឧបនាយករដ្ឋមន្ត្រី      ជាទីគោរពដ៍ខ្ពង់ខ្ពស់!
-អង្គពិធីទាំងមូល     ជាទីមេត្រី!
ពិធីបុណ្យទន្លេដែលយើងទាំងអស់គ្នាបានកំពុងជួបជុំគ្នាប្រារព្ធពិធីបើកនាឱកាសនេះ គឺជាពិធីបុណ្យលើកទី១ សម្រាប់ព្រះរាជាណាចក្រកម្ពុជា ហើយសម្រាប់ខេត្តក្រចេះក៍ជាលើកទី១ក្នុងការរៀបចំធ្វើជាម្ចាស់ផ្ទះនៃព្រឹត្តិការណ៍ជាប្រវត្តិសាស្ត្រនេះ ដែលថ្នាក់ដឹកនាំខេត្ត មន្ត្រីរាជការគ្រប់លំដាប់ថ្នាក់  កងកំលាំងប្រដាប់អាវុធគ្រប់ប្រភេទ​ និងប្រជាពលរដ្ឋក្នុងខេត្តក្រចេះទាំងមូលបានខិតខំពុះពារជុំរុញក្នុងការរៀបចំ ដើម្បីឆ្លើយតបឲ្យបានសាក់សមនឹងព្រឹត្តិការណ៍ដ៍មានអត្ថន័យនេះ ដោយបានរៀបចំសាងសង់ ជួសជុលកែលម្អរប្រព័ន្ធផ្លូវ រៀបចំសាងសង់ច្រាំងទន្លេ កែលម្អរសួនច្បារ កែលម្អរគ្រឹះស្ថានសាធា  រណៈ និងឯកជន តុបតែងលម្អរភ្លើង រៀបចំសណ្តាប់អនាម័យ ព្រមទាំងរៀបចំផែនការការពារសន្តិសុខសណ្តាប់ធ្នាប់ក្នុងពិធីនេះបានយ៉ាងម៉ឺងម៉ាត់ថែមទៀត។ ខេត្តក៍បានធ្វើការផ្សព្វផ្សាយដល់ប្រជាពលរដ្ឋដែលមានផលិតផលឲ្យយកមកដាក់តាំងលក់ដូរ ដោយធ្វើការវិចខ្ចប់ឲ្យមានសោភណ្ឌភាព និងមានអនាម័យល្អក្នុងការឆ្លើយតបទៅនឹងទិសស្លោក«អនាម័យនាំមកនូវសុខភាព» ។
ជាមួយនេះ ខេត្តក៍បានសហការជាមួយក្រសួងពាក់ព័ន្ធ បណ្តាខេត្តនានា និងផ្នែកឯកជនរៀបចំ ពិព័រណ៌ពាណិជ្ជកម្មក្នុងគោលបំណងជុំរុញសកម្មភាពពាណិជ្ជកម្ម និងផលិតផលនានានៅក្នុងមូលដ្ឋានខេត្តក្រចេះ ក៍ដូចជាផលិតផលមកពីបណ្តាខេត្តនានា នៃព្រះរាជាណាចក្រកម្ពុជា និងផលិតផលដែលនាំ​ចូលពីក្រៅប្រទេស ដើម្បីជាការចូលរួមចំណែកដល់ការអភិវឌ្ឍសេដ្ឋកិច្ចស្របតាមកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាលនីតិកាលទី៥ នៃរដ្ឋសភា និងដើម្បីឆ្លើយតបទៅនឹងកិច្ចសហប្រតិបត្តិការសេដ្ឋកិច្ច ពាណិជ្ជកម្មក្នុងតំបន់ និងបង្កើនសកម្មភាពជុំរុញពាណិជ្ជកម្មតាមព្រុំដែនជាមួយប្រទេសជិតខាងដោយបានរៀបចំស្តង់សរុបចំនួន១៦៨ស្តង់ ដោយមានសម្ព័ន្ធសមាគមសហគ្រាសធុនតូច និងមធ្យមកម្ពុជា ជាអ្នកទទួលរ៉ាប់រង ដែលបានដាល់តាំងលក់ផលិផលជាច្រើនប្រភេទប្រកបដោយគុណភាព ឆ្លើយតបទៅនឹងតំរូវការទីផ្សារ មានតម្លៃសមស្របដែលប្រជាពលរដ្ឋអាចទទួលយកបាន។
ទន្លេមេគង្គដែលជាសម្បត្តិធម្មជាតិដ៍ស្តុកស្តម មានប្រភពនៅខ្ពង់រាបទីបេ ហូរកាត់ប្រទេសចំនួន៦ មានប្រទេសចិន ភូមា ថែ ឡាវ កម្ពុជា វៀតណាម មានប្រវែងសរុប ៤៨៨០ គ.ម។ ហូរកាត់ ព្រះរាជា ណាចក្រកម្ពុជាមានប្រវែង ៥០០គ.ម កាត់ខេត្តស្ទឹងត្រែង ខេត្តក្រចេះ ខេត្តកំពង់ចាម ខេត្តត្បូងឃ្មុំ ខេត្តកណ្តាល ខេត្តព្រៃវែង និងរាជធានីភ្នំពេញ ។ ដោយឡែកហូរកាត់ខេត្តក្រចេះមានប្រវែង ១៤០ គ.ម កាត់ស្រុក៤ ក្រុង១ គឺស្រុកសំបូរ ស្រុកចិត្តបុរី ស្រុកព្រែកប្រសព្វ ស្រុកឆ្លូង និងក្រុងក្រចេះ។ ទន្លេមេគង្គបានផ្តល់នូវសារៈប្រយោជន៍ជាច្រើនដល់ជីវភាពរស់នៅរបស់ប្រជាពលរដ្ឋ ជាពិសេសប្រជាពលរដ្ឋដែលរស់នៅតាមដងទន្លេមេគង្គ និងផ្តល់ផលប្រយោជន៍ដល់សង្គមជាតិទាំងមូល រួមមាន ផ្តល់ត្រីជាអាហារ ជាប្រភពទឹកសម្រាប់ហូប ប្រើប្រាស់ និងបំរើឲ្យវិស័យកសិកម្ម ជាផ្លូវគមនាគមន៍សម្រាប់ដឹកជញ្ជូនទំនិញ និងអ្នកដំណើរ ជាតំបន់ទេសចរណ៍ធម្មជាតិដ៍ស្រស់ត្រកាល ផ្តល់រ៉ែក្រួសខ្សាច់បំរើដល់វិស័យ សំណង់ និងនៅរដូវវស្សាបាននាំមកនូវដីល្បាប់ដ៍មានជីជាតិមកចាប់បំពេញដីស្រែចំការរបស់ប្រជាកសិករ ធ្វើឲ្យដំណាំដុះលូតលាស់បានល្អផ្តល់នូវភោគផលបានច្រើន ធ្វើឲ្យជីវភាពរសនៅរបស់ប្រជាពលរដ្ឋមានភាពកាន់តែប្រសើរឡើង។
តាមរយៈព្រឹត្តិការណ៍ជាប្រវត្តិសាស្ត្រក្នុងរយៈពេលបីថ្ងៃនេះ គឺពិតជានឹងរំលេចឲ្យឃើញកាន់តែច្បាស់ថែមទៀតពីសារៈប្រយោជន៍ដ៍ធំធេងនៃទន្លេមេគង្គនៃយើងទាំងអស់គ្នា។

ជាទីបញ្ចប់  ក្នុងនាមថ្នាក់ដឹកនាំខេត្ត មន្ត្រីរាជការគ្រប់លំដាប់ថ្នាក់   កងកំលាំងប្រដាប់អាវុធគ្រប់

ប្រភេទ​ និងប្រជាពលរដ្ឋក្នុងខេត្តក្រចេះទាំងមូល ខ្ញុំសូមគោរពថ្លែងអំណរគុណជាថ្មីម្តងទៀតចំពោះ   ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងលោកជំទាវ ដែលបានឆ្លៀតឱកាសដ៍មមាញឹកអញ្ជើញជាអធិបតីដ៍ខ្ពង់ខ្ពស់ក្នុងពិធីជាប្រវត្តិសាស្ត្រនេះនិងសូមគោរពជូនពរ ឯកឧត្តមឧបនាយករដ្ឋមន្ត្រី និងលោកជំទាវ សូមមានសុខភាពល្អបរិបូរណ៌        កំលាំងខ្លាំងក្លា ប្រាជ្ញាឈ្លាសវៃក្នុងបេសកកម្មបំរើជាតិមាតុភូមិ។ ទន្ទឹមនេះអនុញ្ញាតឲ្យខ្ញុំបាទថ្លែងនូវការកោតសរសើរដោយស្មោះស្ម័គ្រចំពោះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងថ្នាក់ដឹកនាំក្រសួង ព្រមទាំងសហការីដែលបានដឹកនាំវិស័យទេសចរណ៍មានការរីកចំរើនប្រៀបបាននិងស្នូរផ្ទុះនៃកាំជ្រួចជះរស្មីភ្លឺថ្លាត្រចះត្រចង់ទាំងក្នុងប្រទេស ទាំងក្នុងតំបន់ និងពិភពលោក ធ្វើឲ្យភ្ញៀវទេសចរមានកំណើនរាប់លាននាក់រាល់ឆ្នាំគួរជាទីមោទនភាព។ សូមប្រសិទ្ធពរជូន ឯកឧត្តម លោកជំទាវ លោកឧកញ៉ា អ្នកឧកញ៉ា ភ្ញៀវកិត្តិយសជាតិ-អន្តរជាតិ លោក លោកស្រី និងប្រជាពលរដ្ឋទាំងអស់ សូមមានសុខភាពល្អបរិបូរណ៌ និងទទួលបានជ័យជំនះគ្រប់ភារកិច្ច។
ក្នុងព្រឹត្តិការណ៍ដ៍អស្ចារនេះ ខ្ញុំសូមឲ្យការកំសាន្ត និងការស្នាក់នៅរបស់ ឯកឧត្តម លោកជំទាវ លោកឧកញ៉ា អ្នកឧកញ៉ា ភ្ញៀវកិត្តិយសជាតិ-អន្តរជាតិ លោក លោកស្រី  លើទឹកដីខេត្តក្រចេះយើងខ្ញុំ សូមប្រកបដោយផាសុខភាព។

                                                          សូមអរគុណ!

ជប៉ុន​នឹង​ផ្តល់​នូវ​កម្ចីសម្បទាន​ដល់​កម្ពុជា​ដែល​មាន​ទឹកប្រាក់​១ម៉ឺន​​​​៩​​ពាន់​ ២០០លាន​យ៉េន សម្រាប់កា​រកសាង​កំណាត់​ផ្លូវជាតិ​លេខ៥ និង​​ជម្រុញ​​ឲ្យមាន​​ការហោះ​ហើរត្រង់ កម្ពុជា‑​ជប៉ុន​នៅ​ពេល​ដ៏ខ្លី​ខាងមុខ

ក្នុង​ឱកាស​ទទួល​រៀបចំពិធីទទួលអាហារការងារ ជូនសម្តេចតេជោនាយករដ្ឋ​មន្រ្តី និង​គណៈ​ប្រតិភូកម្ពុជានៅវេលាថ្ងៃត្រង់​ថ្ងៃទី១៥មីនា ដែលជាថ្ងៃទី២នៃការស្នាក់អាស្រ័យ​អញ្ជើញ​ចូល​រួម សន្និសីទពិភពលោកលើកទី៣ ស្តីពីការកាត់បន្ថយហានិភ័យ នៃគ្រោះ​មហន្តរាយ នៅ​ទីក្រុង​សេនដាយ ប្រទេសជប៉ុន ឯកឧត្តម ស៊ិនហ្សូ អាបេ នាយករដ្ឋមន្រ្តីជប៉ុន   បានស្វាគមន៍​ចំពោះ​ការ​ដាក់ឲ្យប្រើ​ប្រាស់ជា​ផ្លូវការ នូវ​ស្ពានអ្នកលឿង និងថ្លែងអំណរគុណជូនចំពោះសម្តេចតេជោ​នាយករដ្ឋ​មន្រ្តី ដែលបានដាក់រូបសញ្ញាស្ពាន គីហ្សូណា និងស្ពានអ្នកលឿង​ហៅស្ពាន​ស៊ូបាសា ទៅក្នុងក្រដាក់ប្រាក់៥០០រៀល ដែលជារូបិយបណ្ណថ្មី របស់កម្ពុជា ហើយ ដោយសារ​តែគំរោង​នៃការ​តភ្ជាប់​នោះ​មាន គុណភាពខ្ពស់ ជប៉ុនឹងផ្តល់នូវកម្ចីសម្បទាន​ដល់កម្ពុជាដែល​មានទឹកប្រាក់១ម៉ឺន​​​​៩​ពាន់​២០០លានយ៉េន សម្រាប់ការកសាងកំណាត់ផ្លូវជាតិលេខ៥។

ក្នុងជំនួបពិសារបាយការងារនោះដែរ ឯកឧត្តមនាយករដ្ឋមន្រ្តី ជប៉ុនមាន​ប្រសាសន៍ បច្ចុប្បន្ន​នេះសន្ទុះនៃការវិនិយោគរបស់ជប៉ុននៅកម្ពុជាមានការកើនឡើងនោះ ឯក ឧត្តមមានសេចក្តី​សង្ឃឹមថា រាជរដ្ឋាភិបាលកម្ពុជានិងបន្តជំរុញយ៉ាងណាឲ្យបរិយាកាសវិនិយោគនៅកម្ពុជា កាន់​តែមានស្ថេរភាពជាពិសេសពាក់ព័ន្ធនិងថ្លៃអគ្គិសនី។

ជាមួយគ្នានេះ ឯកឧត្តមចង់ឃើញការអនុវត្តកិច្ច​ព្រម​ព្រៀង នៃវិស័យអាកាសចរណ៍របស់​ប្រទេស​ទាំងពីរ ដែលបានចុះហត្ថលេខាកាលពីខែមករាកន្លងទៅ ឲ្យបានចេញដំណើរ​ជា​រូបរាង​នៅពេលខាងមុខ។ ឯកឧត្តមនាយករដ្ឋមន្រ្តីក៏បានស្វាគមន៍ចំពោះរាជរដ្ឋាភិ បាលកម្ពុជា ដែលបានលើកលែងទិដ្ឋាការលើលិខិតឆ្លងដែនផ្លូវការ និងការទូតដល់ប្រទេសជប៉ុន ជាមួយ​គ្នា នេះឯកឧត្តមក៏ចង់ឃើញផងដែរនូវការផ្លាស់ប្តូរប្រជាពលរដ្ឋ នៃប្រទេសទាំងពីរ​ផងដែរ។

ទាក់ទិនទៅនឹងការ បើកឲ្យមានការហោះហើរត្រង់នៃប្រទេសទាំងពីរ សម្តេចតេជោ មាន​ប្រសាសន៍ថា សេវាហោះហើរគឺវាពាក់​ព័ន្ធនិងក្រុមហ៊ុនហោះហើរផ្ទាល់ តាមរយៈនេះសម្តេច​មានប្រសាសន៍ស្នើឲ្យមានការគាំទ្រ ពីឯកឧត្តម​នាយក​រដ្ឋមន្រ្តីជប៉ុន ដើម្បីឲ្យសេវា​ហោះហើរ​បានចេញជារូបរាង។ ពាក់ព័ន្ធបញ្ហានេះ ឯកឧត្តមនាយករដ្ឋ​មន្រ្តីជប៉ុន មានប្រសាសន៍ថា នេះ​គឺជាលើកទី១ហើយដែលឯកឧត្តមបានឃើញក្រុមហ៊ុនអាកាសចរណ៍ ជប៉ុន ANA មានការ​ចាប់​អារម្មណ៍ចំពោះការហោះហើរត្រង់នោះ ប៉ុន្តែទោះបីជាយ៉ាងណាក៏ដោយឯកឧត្តម និងខិត​ខំប្រឹងប្រែងធ្វើយ៉ាងណាឲ្យច្បាប់ស្តីពីហោះហើរ នៃវិស័យអាកាសចរណ៍ស៊ីវិល​របស់ប្រទេស​ទាំងពីរ បានចេញជារូបរាងពីរដ្ឋសភា។ ឯកឧត្តមបានផ្តល់នូវសេចក្តីសង្ឃឹមថា នឹងមាន​ការ​ហោះហើរត្រង់នៅពេលដ៏ខ្លីខាងមុខ។ ក្នុងនាមជាប្រទេសស្រឡាញ់សន្តិភាព​ចាប់តាំងពី​ក្រោយ​​សង្រ្គាមលោកលើកទី២ ពិសេស​ការ​បន្តដើរ​តួនាទីថែរក្សាសន្តិភាព​ សម្រាប់ពិភព​លោកនាពេលកន្លងមក ឯកឧត្តមនាយករដ្ឋមន្រ្តីជប៉ុន មាន​ប្រសាសន៍ស្នើឲ្យសម្តេចតេជោ​នាយករដ្ឋមន្រ្តី គាំទ្រនូវតួនាទីជប៉ុនក្នុងការថែរក្សាសន្តិភាព សម្រាប់ពិភព​លោក។

ឯកឧត្តមនាយករដ្ឋមន្រ្តីបន្តថា នៅខែមិថុនាខាងមុខ ជប៉ុននិងរៀបចំសិក្ខាសាលា​ជាន់ខ្ពស់​មួយ ពាក់ព័ន្ធទៅនិងការកសាងនិងថែរក្សាសន្តិភាពនោះ ដោយផ្តើមចេញពីបទ​ពិសោធន៍​ដែល​ជប៉ុនមាន ក្នុង​ការរួមចំណែកថែរក្សាសន្តិភាពសម្រាប់កម្ពុជា កាលពីដើមទសវត្ស​ទី៩០​មក​នោះ។

ទាក់ទិនទៅនិងបញ្ហា​នេះ សម្តេចតេជោនាយករដ្ឋមន្រ្តីមានប្រសាសន៍ថា កម្ពុជា​គាំទ្រ​នូវរាល់​សកម្មភាពថែរក្សាសន្តិភាពពិភព​លោក ដែលស្ថិតនៅក្នុងក្របខណ្ឌនៃដំបូល​របស់អង្គការ​សហប្រជាជាតិ។ ក្នុងជំនួបពិភាក្សាគ្នានោះដែរ ឯកឧត្តមនាយករដ្ឋមន្រ្តីជប៉ុន មានប្រសាសន៍​សំដែងនូវការរីករាយចំពោះ ការកែទម្រង់នានាក្នុងប្រទេស​កម្ពុជា ពិសេសការកែទម្រង់លើ​ការបោះឆ្នោត នោះសោតគឺផ្តើមចេញពីការដឹកនាំប្រកបដោយកិត្តិបណ្ឌិត​ របស់សម្តេចតេជោ​នាយករដ្ឋមន្រ្តី។

ទាក់ទិនទៅនិងការកែទម្រង់ការបោះឆ្នោតនោះ ឯកឧត្តមនាយករដ្ឋ​មន្រ្តី​ជប៉ុន​មានជំនឿយ៉ាង​មុតមាំថា គណបក្សទាំងពីរនិងបន្តការចរចារគ្នា ដើម្បីឈានទៅ​សំរេច​ទាំង​​ស្រុង​នៅពេលឆាប់​ៗ​ខាងមុខ ហើយជប៉ុននិងជួយដល់កម្ពុជាតាមរយៈ​ការបញ្ជូន​អ្នក​ឯកទេសរបស់ខ្លួន ក្នុងការ​ជួយដល់គណៈកម្មាធិការជាតិរៀបចំការបោះឆ្នោត។

ជាការ​ឆ្លើយ​តបសម្តេចតេជោមានប្រសាសន៍ថា មក​ដល់ពេលនេះគណបក្សទាំងពីរ​បានធ្វើការ​រួមគ្នា ដើម្បីឈានទៅសំរេចក្នុងពេលដ៏ខ្លីខាងមុខ ពោលគឺនៅថ្ងៃ​ទី១៩មីនាខាងមុខ នឹងមាន​ការ​ជជែកដេញដោលគ្នាក្នុងសភា។ សម្តេចបន្តថា អ្វីៗកំពុងដំណើរការទៅមុខ ហើយនៅ​ពេល​ដែល​ច្បាប់បោះឆ្នោតថ្មីដំណើរការហើយនោះ ជប៉ុនអាចបញ្ជូនអ្នកឯកទេសបោះឆ្នោត​មក​កម្ពុជា បញ្ហាសំខាន់គឺការជួយរៀបចំបញ្ជីបោះឆ្នោតដល់កម្ពុជា ដោយសារនៅឆ្នាំ​២០១៧​កម្ពុជា មានការ​បោះឆ្នោតជ្រើសរើសក្រុមប្រឹក្សាឃុំ-សង្កាត់ និងនៅឆ្នាំ២០១៨ ការបោះឆ្នោត​សកលជ្រើសតាំងតំណាងរាស្រ្ត។     

ក្នុងជំនួបពិភាក្សាគ្នានោះ ដែរប្រមុខរដ្ឋាភិបាល​នៃប្រទេសទាំងពីរកម្ពុជា ជប៉ុន ក៏បានពិភាក្សា​គ្នា​យ៉ាងល្អិតល្អន់ជុំវិញសភាពការណ៍តំបន់ និងអន្តរជាតិ ដែលមានការយកចិត្តទុកដាក់ដូចគ្នា​។

ក្នុងជំនួប​ពិភាក្សាគ្នានោះដែរ ឯកឧត្តម ស៊ិនហ្សូ អាបេ មានប្រសាសន៍ថ្លែងអំណរគុណ​ជូន​ចំពោះសម្តេចតេជោ​នាយក​រដ្ឋមន្រ្តី និងរាជរដ្ឋាភិបាលកម្ពុជា ដែលបានគាំទ្រ​ចំពោះ​ប្រទេស​ជប៉ុន សម្រាប់បេក្ខភាពសមាជិក​មិនអចិន្រៃ្តយ៍របស់ក្រុមប្រឹក្សាសន្តិសុខ អង្គការសហ​ប្រជា​ជាតិ ពិសេសក្រោយការកែទម្រង់អង្គការ​សហ​ប្រជាជាតិមកនោះ៕

Analysis By: Allen Myers: NGOs get it wrong, again

When the governing and opposition parties agreed on the text of a new election law at the end of February, most Cambodians probably felt relief that the long-running disagreements over electoral procedures appeared to be at an end. But not everyone.
In less than 48 hours, a collection of so-called non-government organisations operating under the name Electoral Reform Alliance (ERA) had attacked the electoral reform agreement at a public “discussion” staged for the benefit of the media. This event was held on Monday, 2 March. A week later, the same NGOs boycotted a public workshop on the draft laws, complaining that they hadn’t been given a copy until Saturday, 7 March.
This raises an obvious question: Did the ERA criticise the agreement without knowing what it consisted of, or was it lying when it said it didn’t know what was in the draft laws until 7 March?
In fact, although the leading organisations of the ERA are critical of a few specific provisions in the draft laws, what mainly bothers them is the fact that the CPP and CNRP didn’t include them as equal partners in their negotiations. Their annoyance is explained by some recent history.
The NGOs of the ERA like to portray themselves as especially knowledgeable about democracies and elections. After the July 2013 general election, they put out a glossy booklet intended to discredit the election. This project was mainly organised and funded by the National Democratic Institute, a pretend NGO from the United States that is actually funded by the US government.
The ERA election booklet was a mish-mash of accusations designed to support the CNRP claim that it had somehow been cheated of victory, using arguments that were generally false, illogical and/or mutually contradictory. (For my detailed rebuttal of it, see https://letters2pppapers.wordpress.com/2013-election-pamphlet/.) Still, it was a determined effort to make something out of nothing, and leading NGOs of the ERA obviously thought that the CNRP owed them something in return.
So when the CNRP failed to give the ERA a de facto veto over the agreement with the CPP, the NGO leaders felt betrayed. (The claim that they weren’t “consulted” is nonsense. Throughout the course of the negotiations, what had and hadn’t been agreed was regularly reported in the media, and NGO leaders’ views on such questions were quoted in the press and, presumably, delivered privately to at least one of the parties.)
More than betrayed, the NGO leaders must have felt threatened. If the members of the National Assembly and the Senate discuss, debate, negotiate and pass laws as happens in most countries that have a parliamentary system, what does that mean for NGOs that have spent the last two decades elevating themselves into the role of “watchdogs” over the government? If the government and opposition can agree on the conduct of elections, and on other legislation, it will start to look to many people that a watchdog isn’t really needed. Even some of the people who now fund NGOs might start to think that way!
And – horror of horrors! – it seems that the CNRP agreed to a provision that NGOs not be allowed to attack political parties during election campaigns. If foreign organisations and governments are no longer able to fund NGO attacks on a party they dislike, they might shift their contributions from NGOs to an organisation that is allowed to criticise: i.e., another political party.
But what I found most striking about the statements of ERA leaders regarding the electoral laws was their obvious assumption that they have a right – one not shared by most Cambodian voters – to demand that members of the National Assembly take instruction from them. It’s as though they think Cambodia has a three-house parliament: National Assembly, Senate and NGO Assembly.
Fortunately, they’re wrong about that.

សម្តេច​​តេជោ ហ៊ុន សែន ចូល​​ជួប​​សន្ទនា​​ជា​មួយ​ ឯកឧត្តម​ បាន​ គីមូន​ ជជែក​​រឿង​​សាលាក្តី​​ខ្មែរក្រហម​ និង​​ច្បាប់​​ស្តី​ពី​ ការ​គ្រប់​​គ្រង​គ្រោះ​ម​ហន្ត​រាយ​

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជា​ណាចក្រ​កម្ពុជា អញ្ជើញ​ជួបពិភាក្សាការងារទ្វេភាគីជាមួយ ឯកឧត្តម ឯកឧត្តម បាន គីមូន អគ្គលេខា​ធិការ​អង្គការ​​សហ​ប្រជា​ជាតិ ក្នុង​ខណៈសម្តេចអញ្ជើញចូលរួមសន្និ​សីទពិភព​លោក​លើក​ទី៣ ស្តីពី ការកាត់បន្ថយហានិភ័យ នៃគ្រោះមហន្តរាយ នៅទីក្រុង​សេន​ដាយ ប្រទេស​ជប៉ុន នៅរសៀល​ថ្ងៃទី១៤មីនា ឆ្នាំ​២០១៥

ក្នុងជំនួបពិភាក្សាគ្នានេះ ឯកឧត្តម បាន គីមូន មានប្រសាសន៍ថ្លែងនូវអំណរគុណ ជូនចំពោះ សម្តេចតេជោនាយករដ្ឋមន្រ្តី ដែលបានចំណាយនូវពេលវេលាដ៏មានតម្លៃអញ្ជើញមកចូលរួម សន្និសីទពិភព​លោកលើកទី៣ ស្តីពីការកាត់បន្ថយហានិភ័យនៃគ្រោះមហន្តរាយ នៅទីក្រុង​សេនដាយប្រទេសជប៉ុន។ ជាមួយគ្នានេះ ឯកឧត្តមមានប្រសាសន៍សំដែង​នូវការវាយតម្លៃ​ខ្ពស់​និងកោតសរសើរជូនចំពោះ សម្តេតេជោ នាយករដ្ឋមន្រ្តីដែលបានជំរុញ​ឲ្យមានវប្បធម៌​សន្ទនា​នយោបាយ ជាពិសេសជាមួយនិងគណបក្សប្រឆាំងនៅ កម្ពុជា ព្រមទាំងបានវាយ​តម្លៃ​ខ្ពស់​ចំពោះការរីកចំរើនទាំងនយោបាយ និង​សេដ្ឋកិច្ចរបស់ប្រទេសកម្ពុជា ពិសេសការ​សម្រេច​បាន​នូវ​លទ្ធផល​ជាផ្លែផ្កានៃការអនុវត្តសេចក្តីប្រកាស សហសវត្ស៍ ន៍របស់​អង្គការសហ​ប្រជា​ជាតិ លើចំណុចអាទិភាពទាំង៩របស់ខ្លួន។

ក្នុងជំនួបពិភាក្សាគ្នានោះដែរ សម្តេចតេជោ​នាយករដ្ឋមន្រ្តី និងឯកឧត្តម បាន គីមូន បាន​ពិភាក្សា​​យ៉ាងយកចិត្តទុកដាក់ ចំពោះសាលាក្តីកាត់​ទោសមេដឹកនាំខ្មែរ​ក្រហម ក្នុងនោះ​ឯកឧត្តម​អគ្គលេខា​ធិការអង្គការសហប្រជាជាតិ បានសំដែងនូវការវាយតម្លៃខ្ពស់ចំពោះ ការ​ចូល​រួមវិភាគទានរបស់រាជរដ្ឋាភិ​បាលកម្ពុជា ក្នុងកិច្ចខិតខំប្រឹងប្រែងជួយផ្តល់នូវ​ថវិកាដល់ការ​បើក​​ប្រាក់បៀវត្សរ៍ ដល់បុគ្គលិកជាតិរបស់កម្ពុជា ហើយខាងផ្នែកអន្តរជាតិ​ជាបន្ទុករបស់​អង្គការ​​សហប្រជាជាតិ ក្នុងការស្វែងរកថវិកាដោយផ្ទាល់ ដើម្បីឲ្យមាននិរន្តរភាពទៅ​មុខជា​បន្ត​បន្ទាប់។

ពាក់ព័ន្ធនឹងការប្រារព្វ​ខួប​៧០ឆ្នាំរបស់អង្គការ​សហប្រជាជាតិ ដែលនឹងប្រារព្ធ​ធ្វើឡើងនៅ​ខែ​កញ្ញា​ឆ្នាំ២០១៥ ឯកឧត្តម បាន គីមូន បាន​គោរពអញ្ជើញសម្តេចតេជោចូល​រួម ក្នុងកិច្ចប្រជុំ​កំពូលរំលឹកខួបនោះ ព្រោះគឺជាកិច្ចប្រជុំកំពូលដ៏មាន​សារសំខាន់ ក្នុងការពិភាក្សាសម្រាប់​បណ្តា​ប្រទេសទាំងអស់ក្នុងពិភពលោក ដែលពាក់ព័ន្ធទៅនឹងដំណាក់​កាល​ក្រោយឆ្នាំ២០១៥ ដែលជា​សេចក្តីប្រកាសសហស្សវត្សរ៍របស់អង្គការសហប្រជាជាតិ។ ជាការឆ្លើយ​តប​សម្តេច​តេជោ​នាយករដ្ឋមន្រ្តីមានប្រសាសន៍ថា ពេលវេលានោះសម្តេចមានការជាប់រវល់និងកិច្ចការ​ជា​ច្រើននៅក្នុងប្រទេស តាមរយៈនេះ សម្តេចនិងចាត់តាំងឲ្យឯកឧត្តមឧបនាយករដ្ឋមន្រ្តី គាត ឈន់ អញ្ជើញ​ទៅចូលរួមកិច្ចប្រជុំនោះ។

នៅក្នុងកិច្ចពិភាក្សាគ្នានោះដែរ សម្តេចតេជោ​នាយករដ្ឋមន្រ្តី បាន​មានប្រសាសន៍ជំរាបជូន ឯក​ឧត្ត​មអគ្គ​លេខាធិការអង្គការសហប្រជាជាតិដែរថា ដោយសារតែបញ្ហាគ្រោះ​មហន្តរាយ​គឺ​ជាបញ្ហា ដែលត្រូវយកចិត្តទុកដាក់បំផុតនោះ កម្ពុជា​បាន​រៀបចំតាក់តែងច្បាប់ ​ស្តីពី ការគ្រប់​គ្រងគ្រោះ​មហន្តរាយ ហើយដែលច្បាប់​នោះមកដល់ពេលនេះ កំពុងតែស្ថិតនៅក្នុងដៃសភា។

សម្តេច​តេជោនាយករដ្ឋមន្រ្តីមាន ប្រសាសន៍បន្តថា នៅពេលដែលច្បាប់នោះ​ដាក់ឲ្យអនុវត្តន៍​កម្ពុជា​នឹង​មានភាពប្រាកដនិយម ក្នុងការគ្រប់គ្រងគ្រោះមហន្តរាយនៅកម្ពុជា៕

ឯកឧត្តម Fumiaki Takahashi អតីត​ឯកអគ្គរាជ​ទូត​ជប៉ុន ប្រចាំកម្ពុជា និងជា​ប្រធាន​សមាគម​កម្ពុជា‑ ជប៉ុន រៀបចំ​ពិធី​អាហារ​ពេល​ល្ងាចជូន សម្តេច​តេជោ នាយករដ្ឋមន្រ្តី និងគណៈប្រតិភូ

នៅរាត្រីថ្ងៃទី១៣មីនា ដែលជាថ្ងៃទី១ នៃការស្នាក់អាស្រ័យបំពេញបេសកកម្ម ការងារនៅទីក្រុងតូក្យូ ប្រទេសជប៉ុន ដើម្បីចូលរួមសន្និសីទពិភពលោកលើកទី៣ របស់អង្គការសហប្រជាជាតិ ស្តីពីការកាត់បន្ថយ​ហានិ​ភ័យ ​នៃគ្រោះមហន្តរាយ នៅទីក្រុងសេនដាយ ឯកឧត្តម Fumiaki Takahashi អតីតឯកអគ្គរាជ​ទូត​ជប៉ុន ប្រចាំកម្ពុជា និងជាប្រធានសមាគមកម្ពុជា-ជប៉ុន រៀបចំពិធីអាហារពេល ល្ងាច ជាមហាកិត្តិយស ជូនសម្តេច​អគ្គមហាសេនាបតីតេជោ ហ៊ុន សែន នាយករដ្ឋ មន្រ្តីនៃព្រះរាជាណាចក្រកម្ពុជា និងគណៈប្រតិភូ។

ឯកឧត្តម ណាហ្កាហ្កាវ៉ា ជីហីរ៉ូ ប្រធានក្រុមប្រឹក្សាផ្លាស់ប្តូរមិត្តភាពអន្តរជាតិ មាន ប្រសាសន៍​សំដែង​នូវការរីករាយ ដោយបាន​ជួប​សម្តេច​តេជោសា​ជា​ថ្មីនៅទី ក្រុង តូក្យូ។ ឯកឧត្តមមានប្រសាសន៍បន្តថា ប្រ​ទេសយើងទាំងពីរមានប្រវត្តិ សាស្រ្ត ជាមួយគ្នា មានអាយុកាលជាង៤០០ឆ្នាំមកហើយ និងមានទំនាក់ទំនង ល្អរហូត មកដល់បច្ចុប្បន្ន ហើយអ្វីដែលធ្វើឲ្យប្រទេសទាំងពីរ  មានទំនាក់ទំនង គ្នាកាន់ តែប្រសើរឡើង​ថែម​ទៀតនោះ គឺប្រទេសជប៉ុនបានរួមចំណែកជួយស្តារ និង អភិរក្ស នូវបណ្តាប្រាសាទមួយចំនួន ក្នុងប្រទេស កម្ពុជា។

ឯកឧត្តម ណាហ្កាហ្កាវ៉ា ក៏បានថ្លែងនូវការគោរពកោតសរសើរ និងវាយតម្លៃ ខ្ពស់ ចំពោះកំណើន សេដ្ឋកិច្ចរបស់ប្រទេសកម្ពុជា ដែលរក្សានូវកំណើនជាង៧% ក្នុង មួយឆ្នាំ ដែលនោះ គឺជាការប្តេជ្ញាចិត្តយ៉ាង មុតមាំរបស់សម្តេចក្នុងការ ជំរុញ កំណើនសេដ្ឋកិច្ច ការកាត់បន្ថយភាពក្រីក្រ និងការអភិវឌ្ឍប្រទេសប្រកប ដោយ និរន្តរភាពបំផុតនោះ។ ឯកឧត្តមមានប្រសាសន៍បន្តថា ក្រុមប្រឹក្សាផ្លាស់ប្តូរ មិត្តភាពអន្តរជាតិ របស់ឯកឧត្តម បានភ្ជាប់នូវទំនាក់ទំនងជាមិត្តភាព ជាមួយនិង បណ្តាប្រទេសនានា លើសកលលោក និង​សំបូរទៅដោយបញ្ញាវ័ន្តវ័យក្មេង តាមរយៈឯកឧត្តមមានការរីករាយខ្លាំងណាស់ ក្នុងការបង្កើនកិច្ចសហប្រតិបត្តិ ការជាមួយនិងប្រទេសកម្ពុជា ដើម្បីជួយគ្នាទៅវិញទៅមក ក្នុងគោលបំណងជួយ ដល់យុវជនជំនាន់​ក្រោយរបស់យើង កាន់តែមានទំនាក់ទំនងនិងកិច្ចសហប្រតិ បត្តិការជាមួយគ្នា ឲ្យកាន់តែប្រសើរឡើង។   

សម្តេចតេជោនាយករដ្ឋមន្រ្តីមានប្រសាសន៍ថា សម្តេច ពិតជាមានការរីករាយ ខ្លាំងណាស់ ដោយ​បានអញ្ជើញមកកាន់ ទីក្រុងតូក្យូប្រទេសជប៉ុន សាជាថ្មីម្តង ទៀត ដើម្បីចូលរួមសន្និសីទពិភពលោកលើកទី៣ របស់អង្គការសហប្រជា ជាតិ ស្តីពីការកាត់បន្ថយហានិ​ភ័យនៃគ្រោះមហន្តរាយ ដែលនឹងប្រារព្វធ្វើឡើង​នៅទី ក្រុងសេនដាយនៅថ្ងៃទី១៤មីនា។

សម្តេចតេជោមានប្រសាសន៍បន្តថា វត្តមានរបស់សម្តេចមកកាន់ ប្រទេសជប៉ុន នៅពេលនេះ មិនគ្រាន់តែផ្តល់ឱកាសឲ្យរូបសម្តេចធ្វើការជាមួយភាគីជប៉ុន និង ថ្នាក់ដឹកនាំ កំពូលៗរបស់ពិភពលោក ដែលទាក់ទិនទៅនឹងការរិៈរកវិធានការ រួម គ្នា ក្នុងការទប់ស្កាត់និងការកាត់បន្ថយ ហានិភ័យ នៃគ្រោះមហន្តរាយ ដែល កំពុងតែគំរាបកំណែងមកលើមនុស្សជាតិលើពិភពលោកប៉ុណ្ណោះទេ ប៉ុន្តែវត្តមាន របស់សម្តេចមកកាន់ប្រទេសជប៉ុននៅពេលនេះ គឺក្នុងន័យដើម្បីផ្តល់ឱកាសឲ្យ រូបសម្តេចបាន ជួបប្រាស្រ័យជាមួយនិងថ្នាក់ដឹកនាំជប៉ុន ក្នុងគោលបំណងពង្រឹង និងពង្រីក កិច្ចសហប្រតិបត្តិការនៃប្រ​ទេសទាំងពីរកម្ពុជា ជប៉ុនឲ្យកាន់តែរឹងមាំ ទ្វេឡើងថែមទៀត។

សម្តេចតេជោនាយករដ្ឋមន្រ្តីមានប្រសាសន៍ បន្តថា សម្តេចបានសរសេរ សំបុត្រ ជូនឯកឧត្តមនាយករដ្ឋមន្រ្តីជប៉ុន ដើម្បីគោរពអញ្ជើញឯកឧត្តម គួមួរ៉ា អញ្ជើញ ទៅបំពេញទស្សនកិច្ចនៅកម្ពុជា ក្នុងនាមជាគណបក្សកាន់អំណាចដូចគ្នា សំដៅ ធ្វើយ៉ាងណាជំរុញ ទំនាក់ទំនង និងកិច្ចសហប្រតិបត្តិការ នៃគណបក្សកាន់ អំណាចទាំងពីរ កានតែស្អិតរមួតទ្វេឡើងថែមទៀត។

ក្នុងពិធីដ៏មានអត្ថន័យនោះដែរ សម្តេចតេជោនាយករដ្ឋមន្រ្តីបាននាំយកនូវ រូបិយ បណ្ណជាតិក្រដាស់ ប្រាក់៥០០រៀលប្រភេទថ្មី ដែលមានរូបសញ្ញាស្ពាន គីហ្សូណា និងស្ពានស៊ូបាសា ដែលបានបោះពុម្ភឲ្យធ្វើចរាចរកាលពីថ្ងៃទី១៤ ខែមករាឆ្នាំ ២០១៥ ក្នុងឱកាសនៃការតមុខតំណស្ពានអ្នកលឿង និងដែលត្រូវបាន​ប្រសិទ្ធ នាមថា ស្ពានស៊ួបាសា ឧបត្ថម្ភជូនដល់ឯកឧត្តមជាឥស្សរជនជប៉ុន ដែលមាន វត្តមាននៅក្នុងរាត្រី កាលនេះផងដែរ៕

ឯកឧត្តម ស៊ិនហ្សូ អាបេ នាយក​រដ្ឋ​មន្រ្តីជប៉ុន រៀបចំ​ពិធីទទួល​អាហារ​ការងារ ជូន​សម្តេច​តេជោ​នាយក​រដ្ឋមន្រ្តី និងគណៈ​ប្រតិភូ​កម្ពុជា​

នៅវេលាថ្ងៃត្រង់ថ្ងៃទី១៥មីនា ដែលជាថ្ងៃទី២នៃការស្នាក់អាស្រ័យ​អញ្ជើញ​ចូល​រួម សន្និសីទ​ពិភពលោកលើកទី៣ ស្តីពីការកាត់បន្ថយហានិភ័យ នៃគ្រោះ​មហន្តរាយ នៅ​ទីក្រុងសេនដាយ ប្រទេសជប៉ុន ឯកឧត្តម ស៊ិនហ្សូ អាបេ នាយករដ្ឋមន្រ្តី​ជប៉ុន រៀបចំពិធីទទួលអាហារការងារ​ថ្ងៃត្រង់ជាមហាកិត្តិយសដ៏ខ្ពង់ខ្ពស់បំផុត ជូន​សម្តេច​​​អគ្គ​មហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណា​ចក្រ​កម្ពុជា​ និង​​គណៈប្រតិភូជាន់ខ្ពស់រាជរដ្ឋាភិបាលកម្ពុជា។

ឯកឧត្តម ស៊ិនហ្សូ អាបេ នាយករដ្ឋមន្រ្តីជប៉ុន មានប្រសាសន៍ ថ្លែងនូវអំណរ​គុណ​ជូន​ចំពោះ សម្តេចតេជោនាយករដ្ឋមន្រ្តី ដែលបានអញ្ជើញចូលរួម​សន្និសីទពិភព​លោក​​លើកទី៣ ស្តីពីការ​កាត់បន្ថយហានិភ័យ នៃគ្រោះមហន្តរាយ នៅទីក្រុង​សេន​​ដាយ ប្រទេសជប៉ុន ដែល​បានធ្វើឲ្យសន្និសីទនេះ​ ទទួលបានជោគជ័យ​ដ៏​ត្រចះ​​​ត្រចង់បំផុត។ ឯកឧត្តម​នាយករដ្ឋមន្រ្តី​មានប្រសសាសន៍​បន្តថា ដោយសារ​ឆ្នាំ​២០១៥នេះ គឺជាខួប៦០ឆ្នាំនៃការចុះហត្ថលេខា​លើកិច្ច​សហប្រតិបត្តិការ​មិត្ត​ភា​ព នៃ​ប្រទេសទាំងពីរកម្ពុជា ជប៉ុន គឺពិតជាមានកត្តា​សំខាន់ខ្លាំង​ណាស់​​នៅក្នុង​ទំនាក់ទំនងរបស់ប្រទេសទាំងពីរ ។

សម្តេចតេជោនាយករដ្ឋមន្រ្តី បាន​មានប្រសាសន៍ឯកភាពចំពោះការលើក​ឡើង​របស់ឯក​ឧត្តម​នាយករដ្ឋមន្រ្តី ជប៉ុន ស៊ិនហ្សូ អាបេ ចំពោះទំនាក់ទំនងដ៏ស្អិត​រមួតនៃ​ប្រទេស​ទាំងពីរនៅ​ក្នុងរយៈ​ពេល៦០ឆ្នាំ បន្ទាប់ពីការចុះហត្ថលេខា​មក​នោះ​។

សម្តេចក៏បានចាត់ទុកថានេះគឺជាឱកាសដ៏ល្អ ដើម្បីពង្រឹងកិច្ចសហប្រតិបត្តិការ និងទំនាក់​ទំនងនៃប្រទេសទាំងពីរឲ្យកាន់តែឈានដល់ចំណុចកំពូលថ្មីទៀត។

សម្តេចតេជោមានប្រសាសន៍ បន្តថា នៅថ្ងៃទី៦ខែមេសាខាងមុខនេះ ដោយបាន​ការ​ឯកភាព​ពីភាគីជប៉ុន កម្ពុជានឹងសម្ភោធដាក់ឲ្យ​ប្រើ​ប្រាស់ជាផ្លូវការស្ពាន​អ្នក​លឿ​ង ដែលត្រូវបាន​ប្រសិទ្ធនាមថាស្ពានស៊ូបាសា ជាចំណងដៃដ៏ពិសិដ្ឋ​របស់រដ្ឋា​ភិបាល និងប្រជាជនជប៉ុន ដើម្បី​ឲ្យ​ប្រជាពលរដ្ឋកម្ពុជា បានប្រើប្រាស់នៅមុន​ពិធី​បុណ្យចូលឆ្នាំខ្មែរចូលមកដល់ ដែលនោះ​គឺជាតំណាងជាក់ស្តែងនៃ​ចំណងមិត្ត​ភាព កិច្ចសហប្រតិបត្តិការនិងទំនាក់ទំនងល្អនៃ​ប្រ​ទេស​ទាំងពីរ។

ឯកឧត្តម ស៊ិនហ្សូ អាបេ មានប្រសាសន៍ស្វាគមន៍ចំពោះ​ការដាក់ឲ្យប្រើ​ប្រាស់ជា​ផ្លូវការ នូវ​ស្ពានអ្នកលឿង និងថ្លែងអំណរគុណជូនចំពោះសម្តេចតេជោ​នាយករដ្ឋ​មន្រ្តី ដែល​បាន​ដាក់រូបសញ្ញាស្ពាន គីហ្សូណា និងស្ពានអ្នកលឿង​ហៅស្ពាន​ស៊ូបាសា ទៅក្នុងក្រដាក់​ប្រាក់៥០០រៀល ដែលជារូបិយបណ្ណថ្មី របស់កម្ពុជា។ ឯកឧត្តម​ក៏បានបញ្ជាក់ដែរថា ឯកឧត្តមទទួលក្រដាស់ប្រាក់នោះរួចហើយ ពី​ឯកឧត្តមអនុរដ្ឋ មន្រ្តីការបរទេសរបស់គាត់ ដែលរូបសម្តេចបានផ្ញើរ​មកជូន​រូបឯកឧត្តម។

ឯកឧត្តមមានប្រសាសន៍បន្តថា ជប៉ុននឹងបន្តរួមចំណែកដល់ការពង្រឹងការ​តភ្ជាប់​នោះ ពិសេស​​ការតភ្ជាប់រវាងកម្ពុជាជាមួយនិងប្រទេសជិត​ខាងក្នុងតំបន់​អាស៊ាន​៕ 

សម្តេច ហ៊ុន សែន ជួប​សន្ទនា​ជាមួយ លោកជំទាវ Annick Girardin រដ្ឋលេខា​ធិការ​ទទួល​​បន្ទុក​អភិវឌ្ឍនី និង​ហ្រ្វង់​កូហ្វូនី នៃប្រទេស​បារាំង

ក្នុងឱកាសនៅការស្នាក់អាស្រ័យបំពេញការងារ អញ្ជើញចូលរួមសន្និ​សីទពិភព​លោក​លើក​ទី៣ ស្តីពី ការកាត់បន្ថយហានិភ័យ នៃគ្រោះមហន្តរាយ នៅទីក្រុង​សេន​ដាយ ប្រទេស​ជប៉ុន នៅរសៀលថ្ងៃទី១៤មីនា នេះដែរ សម្តេចតេជោ ហ៊ុន ក៏បានអនុញ្ញាតឲ្យលោកជំទាវ Annick Girardin រដ្ឋលេខាធិការទទួលបន្ទុកអភិវឌ្ឍនី និងហ្រ្វង់កូហ្វូនី នៃសាធារណ​រដ្ឋបារាំង ចូល​ជួបសំដែងការគួរសម និងពិភាក្សាការងារ។

ក្នុងជំនួបពិភាក្សាគ្នានេះ លោកជំទាវ Annick មានប្រសាសន៍ជំរាប​ជូនសម្តេច​តេជោ​នាយក​រដ្ឋមន្រ្តីថា កាលពីព្រឹកមិញ​ក្នុងពិធីបើកសន្និសីទពិភពលោក លើកទី៣ ស្តីពីការកាត់​បន្ថយ​ហានិភ័យ នៃគ្រោះមហន្តរាយ ឯកឧត្តម រ៉ូឡង់ហ្វាយីស ទេសរដ្ឋមន្រ្តីនិងជា​រដ្ឋមន្រ្តី​ការបរទេស​បារាំងបារាំង បានថ្លែងសុន្ទកថា ដោយបានគូសបញ្ជាក់ថា នៅខែធ្នូឆ្នាំ២០១៥នេះ ប្រ ទេសបារាំងនឹងមានរៀបចំកិច្ចប្រជុំអន្តរជាតិ ស្តីពីការបម្រែបម្រួលអាកាស​ធាតុ​អាកាស​នៅទីក្រុងបារីស ប្រ ទេសបារាំង។

លោកជំទាវមានប្រសាសន៍បន្តថា កិច្ចប្រជុំអន្តរជាតិនោះ ​គឺបារាំងចង់ប្រកាសឲ្យបណ្តាប្រ​ទេស​ទាំងអស់លើពិភពលោក មានយន្តការរួមក្នុងការប្រើប្រាស់ប្រព័ន្ធប្រកាសអាសន្នជាមុន។ តាមរយៈ​ នៃការប្រើប្រាស់នូវប្រព័ន្ធប្រកាសអាសន្នជាមិននេះ លោកជំទាវរដ្ឋលេខាធិការ​មាន​ប្រសាសន៍ជំរាបជូន​ សម្តេចតេជោនាយករដ្ឋមន្រ្តីថា តើសម្តេចមានការចាប់​អារម្មណ៍​និង​មានការយល់ឃើញយ៉ាងណា?

ជាការ ឆ្លើយតបសម្តេចតេជោនាយករដ្ឋមន្រ្តី បានសំដែង​នូវការគាំទ្រនូវ​គំនិតផ្តួច​ផ្តើម​ដ៏មាន​សារៈសំខាន់នោះ។ សម្តេចតេជោមានប្រសាសន៍បន្តថា សម្តេចមានបំណងចង់ឲ្យ​បណ្តា​ប្រទេស​ទាំងអស់ រួមចិត្តរួមថ្លើមគ្នាក្នុង ការរិៈរកនូវគំនិតល្អៗ ក្នុងការបង្កើននូវ​ឡើងនូវប្រព័ន្ធ​ប្រកាសអាសន្នជាមុននេះ ដើម្បីប្រាប់ដល់ពិភពលោក ទាំងមូល ពីការបម្រែបម្រួល​អាកាស​ធាតុដែលអាចកើតឡើងជាយថាហេតុ ក្នុងគោលបំណងបំរើផលប្រយោជន៍សម្រាប់​ប្រទេស​ទាំងអស់ នៅលើពិភពលោកយើងនេះ។ ពាក់ព័ន្ធនឹងគ្រោះ​មហន្តរាយនោះដែរលោកជំទាវ មានប្រសាសន៍ជំរាបជូនសម្តេចតេជោដែរថា តើនៅក្នុងប្រទេសកម្ពុជា រាជរដ្ឋាភិបាល​មាន​វិធាន​​ការ​យ៉ាងណា ដើម្បីដោះស្រាយនូវបញ្ហាប្រឈមដែលបង្កឡើងដោយគ្រោះមហន្តរាយ។ សម្តេចតេជោនាយក រដ្ឋមន្រ្តីមានប្រសាសន៍ថា បើប្រៀបធៀបទៅនិងបណ្តា​ប្រទេសនៅ​តាមបណ្តោយដងទន្លេមេគង្គ ជាការពិត កម្ពុជាមានបទពិសោធន៍ខ្លាំងណាស់ ហើយបទ​ពិសោធន៍ដែលមានចរិកជាខ្មែរនោះគឺ យើងជ្រើសរើសទីទួលសុវត្តិភាព ពោលគឺទីទួល​សុវត្តិភាព​នោះមិនគ្រាន់តែដើម្បីជួយសង្រោ្គះតែអាយុជីវិតមនុស្សទេ គឺជួយដល់អាយុ​ជីវិត​សត្វ ហើយទីទួលសុវត្ថិភាពនោះដែរ គឺយើងធ្វើឡើងនៅតាមវត្តអារាម និងសាលារៀនដែល​សង់ខ្ពស់ពីផ្ទៃទឹក។

សម្តេចតេជោនាយករដ្ឋមន្រ្តីមានប្រសាសន៍បន្តថា នៅកម្ពុជាយន្តការនៃការ​ដឹកនាំជួយ សង្រោ្គះ​ជនងាយរងគ្រោះ គឺមានកម្រិតខ្ពស់ណាស់ ពោលគឺដឹកនាំដោយ​នាយករដ្ឋមន្រ្តី​ផ្ទាល់​តែម្តង។ សម្តេចតេជោនាយករដ្ឋមន្រ្តីមានប្រសាសន៍សង្កត់ធ្ងន់ថា នៅពេលមានគ្រោះ​មហន្ត​រាយ​ម្តងៗ កម្ពុជាមិន គ្រានតែជួយសង្រោ្គះតែជីវិតមនុស្ស សត្វ ប៉ុណ្ណោះទេ គឺកម្ពុជា​បាន​ត្រៀមនូវស្បៀង ពូជសម្រាប់ផ្តល់ជូន ប្រជាពលរដ្ឋរងគ្រោះស្តារឡើងវិញ នូវជីវភាពរស់​នៅ​របស់ពួកគេផងដែរ។ លោកជំទាវ Annick មានប្រសា សន៍ជំរាបជូនសម្តេចតេជោដែរថា នៅ​ថ្ងៃទី១៨ដល់ថ្ងៃទី២០ឧសភា លោកជំទាវនឹងអញ្ជើញទៅបំពេញ ទស្សនកិច្ចនៅកម្ពុជា ហើយ​តាមរយៈដំណើរទស្សនកិច្ចនោះ លោកជំទាវនឹងធ្វើការពិភាក្សាលើកិច្ចសហប្រ តិបត្តិ​ការ នៃប្រទេសទាំងពីរ ទៅលើការងារគ្រោះមហន្តរាយ និងការរិតចំណង​មិត្តភាព​នៃ​ប្រទេស​ទាំងពីរ។ ពាក់ព័ន្ធនឹងការលើកឡើងរបស់លោកជំទាវ Annick សម្តេចតេជោ​នាយករដ្ឋមន្រ្តី​មាន​ប្រសាសន៍ស្វាគមន៍ និងចង់ឃើញនូវទំនាក់ទំនងរបស់ប្រទេសទាំងពីរ ឈានដល់ចំណុច​កំពូលថ្មីមួយទៀត ពិសេសការរីកចំរើន លើវិស័យសេដ្ឋកិច្ច ពាណិជ្ជកម្ម វិនិយោគ វប្បធម៌ និងអប់រំ។

ក្នុងជំនួបពិភាក្សាគ្នានោះដែរ ដោយសារតែ​នៅប្រទេសកម្ពុជា មាននូវទីភ្នាក់អភិវឌ្ឍន៍បារាំង AFD នោះ សម្តេចតេជោនាយករដ្ឋមន្រ្តីមានប្រសាសន៍ ថា កម្ពុជានឹងធ្វើកិច្ច​សហប្រតិបត្តិ​ការ​ឲ្យកាន់តែល្អប្រសើរថែមទៀត ដើម្បីអភិវឌ្ឍន៍ប្រទេសកម្ពុជាឲ្យកាន់តែ ល្អប្រសើរឡើងថែម​ទៀត។ ជាមួយគ្នានេះដោយសារតែកម្ពុជាបានបញ្ជូនទាហានថែរក្សា សន្តិភាពពិភព​លោក ទៅ​កាន់ប្រទេសនានាលើកពិភពលោក ពិសេសនៅក្នុងបណ្តាប្រទេស​សមាជិកហ្រ្វង់​កូហ្វូនី​ផង​នោះ សម្តេចសំណូមពរឲ្យដល់កងទ័ពបារាំងដែលមានវត្តមាន ជាមួយនិងកងទ័ពកម្ពុជា បន្ត​សហការនិងផ្តល់ ព័ត៌មានដល់កងទ័ពកម្ពុជា និងប្រជាជននៅទីនោះមាន​សុវត្តិភាព​ទាំង​អស់គ្នា៕  

ទស្សនវិភាគ ដោយ Allen Myers៖ អង្គ​ការ​ក្រៅ​រដ្ឋាភិបាល (NGO) ដើរ​ខុស​ផ្លូវ​ជា​ថ្មី​ទៀត​ហើយ

ខណៈដែល​គណបក្ស​គ្រប់​គ្រង​អំណាច និង​គណបក្ស​ប្រឆាំងបាន​ព្រម​ព្រៀង​គ្នា នៅលើ​​សេចក្ដី​ព្រាង​ច្បាប់​មួយ កាលពីចុងខែ​កុម្ភៈ ឆ្នាំ​២០១៥ ប្រជាជនកម្ពុជា​ភាគ​ច្រើនបំផុត មាន​អារម្មណ៍​​ធូរ​ស្បើយ ដោយ​ហេតុ​ថា ការ​ខ្វែង​គំនិត​គ្នា​​នៅ​លើ​នីតិ​វិធី​ការ​បោះឆ្នោត ដែលបាន​អូស​បន្លាយយ៉ាង​យូរ​នោះ​​ ហាក់​បាន​ឈាន​ដល់​ការ​ត្រូវរូវ​គ្នាហើយ​។ ប៉ុន្ដែ​រឿង​នេះ ពុំ​មែនគ្រប់​គ្នា​ចេះ​​តែចុះ​សម្រុង​នោះ​​ទេ។
          ព្រោះថា ក្នុង​រយៈ​ពេល​មិន​ដល់​៤៨​ម៉ោង​ផងនោះ ក្រុម​អ្នក​ដែល​គេ​ហៅ​ថា «ក្រុម​អង្គការ​ក្រៅរដ្ឋាភិ​បាល NGOs» ដែល​បាន​ធ្វើ​កិច្ច​ប្រតិបត្តិការ​ក្រោម​ឈ្មោះ​ «​សម្ព័ន្ធ​កំណែ​ទម្រង់​ការ​បោះ​ឆ្នោត» ​ដែលហៅ​កាត់​ថា «អៀរ៉ា-ERA» បាន​​ធ្វើ​ការ​វាយ​ប្រហារ​មក​លើ​ការ​រៀប​ចំ​ឲ្យ​មាន​​ «កិច្ចពិ​ភា​ក្សា​» ជា​សាធារណៈមួយ​ ទៅ​លើ​កិច្ច​ព្រម​ព្រៀង​កំណែ​ទម្រង់​​​ការ​បោះឆ្នោត​ ​ដើម្បី​​ពួក​នេះ​បាន​ចំណេញ​ខាង​ប្រព័ន្ធ​ផ្សព្វ​ផ្សាយ។ ព្រឹត្តិការ​ណ៍​នេះ​បាន​រៀប​ចំ​ឡើង​កាលពី​​ថ្ងៃ​ច័ន្ទ ទី០២ ខែ​មីនា។ មួយ​សប្ដាហ៍​ក្រោយ​មក​ ក្រុម​ NGOs ដដែល​នេះ បាន​ធ្វើ​ពហិការ​មិន​ចូល​រួម​សិក្ខា​សាលា​ស្ដី​អំពី​សេចក្ដី​ព្រាង​​សេចក្ដី ​ស្នើ​ច្បាប់​  ដោយ​​ត្អូញ​ត្អែរថាពួក​គេ​មិន​បាន​ទទួល​​ជា​មុន​​នូវ​សេចក្ដីព្រាង​នោះ ​ រហូត​ដល់ថ្ងៃ​សៅរ៍ ​ទី​០៧ ខែមីនា​។
​​រឿង​នេះ​យើង​ត្រូវ​លើក​​ជា​សំណួរថា៖ តើ​ ERA រិះ​គន់​សេចក្ដី​ព្រាងច្បាប់ ​ដោយខ្លួនពិត​ជា​​មិន​បាន​ដឹង​ថាវា​មាន​ខ្លឹម​សារ​​យ៉ាង​ដូច​ម្តេច ឬ​ក៏​ពួកគេភូត​កុហក ​នៅពេល​ដែល​ពួក​គេ​និយាយ​ថា «មិន​​បាន​ដឹង​អំពី​ខ្លឹម​សារ​នៃ​សេចក្ដី​ព្រាង​សេចក្ដី​ស្នើ​ច្បាប់នេះរហូត ​ដល់​ថ្ងៃ​ទី​០៧ ខែ​មីនា?»​
ការ​ពិត ទោះ​បីជា​ក្រុមអង្គការ​ NGOs-ឈានមុខ​ របស់​ ERA ទាំង​នេះ បាន​រិះ​គន់ពី​បទ​ប្បញ្ញត្តិ​មួយ​ចំនួន ​​នៅ​ក្នុង​សេចក្ដី​​​ ព្រាង​ច្បាប់នេះក៏ដោយ អ្វី​ដែល​​ពួកគេ​អាក់​អន់ចិត្ត​នោះ គឺ​គណ​បក្ស​ប្រជាជន​កម្ពុជា និង​គណបក្ស​សង្រ្គោះជាតិ ​«មិន​បាន​រួម​បញ្ចូល​ពួក​គេជា​ដៃ​គូស្មើ​ភាពគ្នា» ​ក្នុង​ការ​ចរចា ​នោះទៅ​ វិញទេ​។ គួរ​រំ​ឭក​ថា វាកើត​មាន​ឡើងជា​ច្រើន​លើក​មក​ហើយ តាំង​ពី​ដើម​រៀង​មក ចំ​ ពោះការ​ថ្នាំង​ថ្នាក់ ការ​មិន​ពេញ​ចិត្ត​បែប​​នេះ។
ក្រុម NGOs របស់សម្ព័ន្ធ​ ERA ​បាន​ចាត់​ទុក​ខ្លួន​​ថា ជា​អ្នក​មាន​ចំណេះ​ដឹង ​ពិសេស​អំពីលទ្ធិ​ប្រជា​ធិបតេយ្យ ​និង​ការ​បោះ​ ឆ្នោត។ បន្ទាប់​ពីការ​បោះឆ្នោត​សកល​ ខែ​កក្កដា ឆ្នាំ​២០១៣ ​​ពួកគេ​បាន​ចេញ​​​ផ្សាយនូវ​​កូន​សៀវភៅមួយ​ ក្នុង​បំណង​បង្ខូចដំណើ​រ​ការ​នៃ​ការ​បោះ​ឆ្នោត។​ គម្រោង​​រៀប​ចំ​កូន​សៀវ​ភោះនេះ ត្រូវ​បាន​​ផ្ដល់​មូល​និធិដោយអង្គការ​​វិទ្យា​ស្ថាន​ជាតិ​ប្រជា​ធិប​តេយ្យ​ (NDI) ដែល​ជា​​អង្គការ​ក្រៅ​រដ្ឋាភិបាល​ក្លែង​ក្លាយមួយ ​​ចេញ​មក​ពីសហរដ្ឋ​អាមេរិក ដែល​ការពិត​អង្គការ​នេះ​បាន​ទទួល​មូល​និធី​ពី​រដ្ឋាភិបាល​សហរដ្ឋអាមេរិក​ ទាំង​ស្រុង។ ​កូ​ន​សៀវ​ភៅ​ស្ដីពី​ការបោះឆ្នោត​របស់​ ERA បាន​ចោទ​ប្រកាន់យ៉ាង​ងងឹត​ងងល់ ដែល​រៀប​ចំ​ឡើងក្នុងគោល​បំណង​​​គាំទ្រ​ការ​​អះ​អាង​​របស់​គណបក្ស​សង្រ្គោះ​ ជាតិ​ ថាការ​បោះឆ្នោត​នោះ​មាន​ការ​លួច​បន្លំ ដោយបាន​​ប្រើ​ប្រាស់​នូវ​ទឡ្ហីករណ៍​​មិន​សម​ហេតុ​សម​ផលនានា​​ មិន​ចុះ​សម្រុង​នឹង​គ្នា។ (សម្រាប់​ព័ត៌មាន​​លម្អិត​ពាក់​ព័ន្ធនឹង​ការ​លើក​ឡើង​របស់​ខ្ញុំនេះ សូម​ចូល​ទៅ​អាន​នូវ​គេហទំព័រ៖     
https://letters2pppa​p​e​rs.wordpress.com/2013-election-pamphlet/)។ ប៉ុ​ន្តែក៏​វា​នៅ​តែ​ជា​​ការ​ខិត​
ខំ​តាំង​ចិត្តដើម្បី​ធ្វើ​ឲ្យអ្វី​មួយ​ បែប​លក្ខណៈ​ «​ធ្វើ​នំ​អត់​ម្សៅ» ហើយ​អង្គ​ការ​ NGOs ​របស់​សម្ព័ន្ធ​ ERA ទាំង​នេះ ​គិត​ថានឹងទទួល​​បាននូវការ​​តប​ស្នង​សង​គុណមក​វិញ​ពីគណបក្ស​សង្រ្គោះជាតិ។
ដូច្នេះ នៅ​ពេល​ដែល​គណបក្សសង្រ្គោះ​ជាតិ​មិន​បាន​ផ្ដល់​ឲ្យ​ ERA នូវ​ «សិទ្ធិ​វេតូ» ​ជាក់​ស្ដែងមួយ ​លើ​កិច្ច​ព្រម​ព្រៀង​​ជាមួយ​គណបក្ស​ ប្រជាជនកម្ពុជា មេដឹកនាំ​  NGOs ទាំង​នោះគិត​ថា ពួក​គេ​​ចាញ់​​បោក​គណបក្ស​សង្រ្គោះ​ជាតិ។ [វា​គ្មាន​ន័យ​អ្វី​ទាល់​តែ​សោះ​ ដែល​ថាការ​ទាម​ទារ​ខាង​លើ​ មិន​ត្រូវ​បាន​លើក​យក​មក «​ពិភាក្សា»។ ការ​ចរចា​តាំង​ពី​ដើម​ដល់ចប់​ ហើយ​អ្វី​ដែល​ត្រូវ​គ្នា និង​​អ្វី​ដែល​មិន​ត្រូវ​គា្ន បាន​លើក​ជា​រឿយ​ៗ​នៅ​ក្នុង​ប្រព័ន្ធ​សារព័ត៌មាន​ ​រីឯ​ទស្សនៈលើ​បញ្ហា​ទាំង​ឡាយរបស់​ក្រុមអ្នក​​​ដឹកនាំ​ NGOs ទាំង​នោះ ដែល​បាន​ចេញ​​ផ្សាយ​ដោយ​សារព័ត៌មាននោះ​ គេ អាច​សន្មត់​ថា ​ពួក​គេអាច​នឹង​ផ្តល់​ទស្សនៈពួក​គេឲ្យ​ទៅ​គណ​បក្ស​ណា​មួយ​​ដឹងរួចទៅ​​ហើយ​ ដែរ។
រឿង​រ៉ាវនេះ លើស​អ្វីដែល​គេ​គឹត​ថាពួក​គេ​ «ត្រូវបាន​​គេ​​បោក​ប្រាស់» នោះ មេអ្នក​ដឹកនាំ​អង្គការ​ NGOs ទាំង​នេះ​ច្បាស់ជា​មាន​អារម្មណ៍ថា ពួក​គេ​បាន​ទទួល​​រង​នូវ​ការ​គំរាម​កំហែង។ ព្រោះថា ប្រសិន​បើ​សមាជិក​នៃ​រដ្ឋ​សភា​ និង​ព្រឹទ្ធ​សភាបានពិភាក្សា​ ជជែក​វែក​ញែកគ្នា​ និង​អនុ​ម័ត​ច្បាប់ណាមួយ ​​ដូច​ធ្លាប់​មាន​នៅ​​ប្រទេស​នានាលើ​ពិភព​លោក​ ដែលមាន​ប្រព័ន្ធ​នយោបាយ​សភា​និយម​ តើ​នោះ​វាមិន​​បាន​ន័យថា ​អង្គ​ការ NGOs ដែល​បាន​ចំណាយ​ពេល​ប្រមាណ​ ២​ទស​វត្សន៍ចុង​ក្រោ​យ​នេះ​ ដែល​បាន​លើក​តម្កើង​ខ្លួន​ឯង​ថា​មានតួនាទី​ជា «អ្នកឃ្លាំមើល» ទៅ​លើ​សកម្ម​ភាព​រដ្ឋាភិបាល វា​នឺងទៅជា​យ៉ាង​ណា​ទៅ​វិញ?
ប្រសិន​បើ​រដ្ឋាភិបាល​ និងគណបក្ស​ប្រឆាំង​ អាច​យល់​ស្រប​គ្នា​លើ​ដំណើរ​ប្រព្រឹត្ត​ទៅ​នៃ​ការ​បោះឆ្នោត​ និង​នៅ​លើ​ច្បាប់​ផ្សេង​ៗ​ទៀត គេ​នឹង​យល់ថា គេ​មិន​ត្រូវ​ការ​ «អ្នកឃ្លាំ​មើល»​ ទៀត​ទេ។ សូម្បី​អ្នក​ដែល​ធ្លាប់​បាន​ផ្ដល់​មូល​និធិដល់​អង្គការ​ NGO ទាំង​នេះ ក៏​អាច​នឹង​ចាប់​ផ្ដើម​គិត​បែប​នេះ​ដែរ។
 ហើយ​អ្វីដែល​កាន់​តែ​ធ្ងន់​ធ្ងរ​ជាង​នេះ​ទៅទៀតនោះគឺថា គេមើល​​​ឃើញថាគណបក្ស​សង្រ្គោះ​ជាតិ​បាន​ឯកភាព​ទៅលើ​បទ​ប្បញ្ញត្តិ​​ដែល​ថា​ អង្គការ​ NGOs មិន​ត្រូវ​បាន​អនុញ្ញាត​ឲ្យ​វាយ​ប្រហារ​លើគណបក្ស​នយោបាយណា​ មួយ​​ក្នុង​អំឡុង​ពេល​យុទ្ធនាការ​​បោះឆ្នោត។ ដូច​នេះ​ប្រសិន​បើ​មាន​អង្គ​ការ​បរទេស និង​រដ្ឋាភិបាល​បរទេសណា​មួយ ​​មិន​ផ្ដល់​ជំនួយ​ដល់អង្គ​ការ​ក្រៅ​រដ្ឋា​ភិ​ បាលក្នុង​ការ​វាយ​ប្រហារ​លើ​គណបក្ស​ដែល​គេ​មិន​ចូល​ចិត្ត ពួក​គេ​ទាំង​នោះអាច​នឹងប្ដូរ​​ជំនួយ​របស់​​ពួក​គេពី​អង្គការ​ NGOs ​ទាំង​នោះ ទៅ​អង្គ​ការណា​មួយ​​ដែល​គេ​អនុញ្ញាត​ឲ្យ​ធ្វើ​ការ​រិះ​គន់​ឧទាហរណ៍លើ​គណបក្ស ​ណា​មួយ​ផ្សេង​ទៀត។
ប៉ុន្ដែ​អ្វីដែល​ខ្ញុំ​ចាប់​អារម្មណ៍​បំផុតទៅ​លើ​សេចក្ដី​ថ្លែង​ការណ៍​​របស់ ​មេដឹកនាំ​ក្រុមសម្ព័ន្ធ​ ERA ទាក់​ទង​ទៅ​នឹង​ច្បាប់​បោះឆ្នោត​នោះ គឺ​ការ​សន្មត់​របស់​ពួក​គេ​ថា ពួក​គេ​មាន​សិទ្ធិ​ (ដែល​អ្នក​បោះឆ្នោត​ខែ្មរ​ស្ទើរ​តែ​គ្រប់​រូប​មិន​ទទួល​ដឹង​ឮ) ដែល​ទាម​ទារ​ឲ្យ​សមាជិក​រដ្ឋ​សភា​ទទួល​យក​ការ​ណែនាំ​របស់​ពួក​គេ។ នេះ​វា​ហាក់​ដូច​ជា​ពួក​គេ​គិត​ថា កម្ពុជា​មាន​សភា​បី៖ «រដ្ឋ​សភា»​​ «ព្រឹទ្ធ​សភា» និង​ »សភា​អង្គ​ការ​ NGOs»។
ជា​សំណាង​ល្អ​ ការ​គិត​របស់​ពួក​គេ​ គឺ​ខុសទាំងស្រុង!

ក្រសួងអប់រំអំពាវនាវឲ្យបន្តបោះឆ្នោតគាំទ្រអ្នកគ្រូ នាង ផល្លា សម្រាប់ជ័យលាភីគ្រូប្រជាប្រិយភាព

បើទោះ​បីជា​អ្នកគ្រូ​ នាង ​ផល្លា​ ដែលជា​គ្រូ​បង្រៀន​សិស្ស ​គ ថ្លង់ ​និងពិការ​ភ្នែក នៅអង្គការ​គ្រួសារថ្មី​នៃប្រទេស​កម្ពុជា​ មិនបាន​ក្លាយជាម្ចាស់​ពានរង្វាន់​គ្រូបង្រៀន​ឆ្នើមពិភពលោក​ (Global Teacher Prize)​ ក៏ដោយ ​ក៏ក្រសួង​អប់រំ​នៃ​ព្រះរាជា​ណាចក្រ​កម្ពុជា ​នៅតែ​បន្តអំពាវនាវ​ឲ្យសាធារណ​ជន​ បោះឆ្នោត​គាំទ្រអ្នកគ្រូ​ សម្រាប់​រង្វាន់​លើកទឹក​ចិត្ត​ជាគ្រូបង្រៀន​ប្រជា​ប្រិយភាព។

បើយោង​តាមលទ្ធផល​ផ្លូវការ ​ដែលត្រូវបាន​ប្រកាស​នៅយប់​ថ្ងៃអាទិត្យ​ទី១៥ ​ខែមីនា ពីទី​ក្រុងឌូបៃ​ ប្រទេស​អេមីរ៉េត ​អារ៉ាប់រួម ​លោកស្រី ​Nancie Atwell ​មកពីសហរដ្ឋ​អាមេរិក ក្លាយ​ជាម្ចាស់ពាន​ជាមួយទឹក​ប្រាក់ចំនួន​១លាន​ដុល្លារ​អាមេរិក។

បន្ទាប់​ពីការប្រកាស​លទ្ធ​ផល ក្រសួង​អប់រំ​បានសរសេរ​នៅលើ​ហ្វេសប៊ុក​ផ្លូវការ​របស់ខ្លួនថា ​«សូមអរគុណ​ដល់អ្នកគ្រូ ​នាង ផល្លា ​ដែលតំណាង​ឲ្យគ្រូទូទាំង​ប្រទេសកម្ពុជា ​ដែលបានជាប់​ជាបេក្ខជន​ទាំង១០រូប​ចុងក្រោយ​ក្នុងកម្មវិធីគ្រូ​ឆ្នើម​ពិភពលោក ​ដោយបាន​លះបង់​កម្លាំងចិត្ត​ និង​កាយក្នុង​ការជួយ​បង្រៀន​ដល់កុមារ​ពិការភ្នែក​ និង​គថ្លង់​នៅកម្ពុជា​»។​ ក្រសួង​បញ្ជាក់​បន្ថែមថា​ «នេះជា​ចំណែក​មួយក្នុងការ​ជួយពង្រឹង​ និង​លើកកម្ពស់​វិស័យអប់រំ​ដល់កុមារ​គ្រប់ៗរូប​។ ​ទោះបីជា​អ្នកគ្រូ ​មិនបាន​ទទួលបាន​ជ័យលាភី​ក៏ដោយ​ យើង​ទាំងអស់​គ្នាសូម​កោត​សរសើរ​នូវការ​លះបង់​ដ៏ធំធេង​របស់អ្នក​គ្រូ ​ហើយ​នៅ​តែបន្តការលើក​ទឹកចិត្ត ​និង​គាំទ្រ​ដល់អ្នកគ្រូ ​ក្នុងការ​បំពេញការងារ​គ្រប់ភារកិច្ច​ឲ្យ​បាន​ជោគជ័យ»​។

ក្រសួង​អប់រំ​អំពាវនាវ​ដល់​សាធារណជន​បន្តបោះឆ្នោត​គាំទ្រ​ដល់​អ្នកគ្រូ ​ដើម្បី​អ្នកគ្រូ​អាចទទួល​បាន​នូវជ័យលោភី​គ្រូ​ដែល​មាន​ប្រជាប្រិយ​ភាព​ជាងគេ​។ ​សាធារណជន​អាច​ចូលទៅ​តាមរយៈ​តំណhttp://bit.ly/1GrhFHF​ រហូត​ដល់ថ្ងៃ​ទី១៧​ ខែ ​មីនា​ ឆ្នាំ ២០១៥ ​ដើម្បីបោះឆ្នោត​។

តាមរយៈ​ជីវប្រវត្តិ​សង្ខេបរបស់​ អ្នកគ្រូ​ នាង​ ផល្លា ​ដែល​ត្រូវបាន​ បង្ហោះ​ក្នុង ​គេហទំព័រ​ របស់ ​(Global Teacher Prize)​  បានឲ្យ​ដឹងថា​ អ្នកគ្រូបាន​ចាប់ផ្ដើម​ធ្វើការជាមួយ​ក្មេងពិការ​ភ្នែក​ក្នុងឆ្នាំ១៩៨៦​ជា ​នាយកសាលា​របស់​អង្គការ​សហប្រជា​ជាតិ​នៅក្នុង​ជុំរំ​ជន​ភៀស​ខ្លួន​ក្នុងប្រទេស ​ថៃ ​ហើយ​នៅពេលគាត់​ត្រឡប់​មកប្រទេស​កម្ពុជា​ក្នុង​ឆ្នាំ១៩៩៣​ គាត់បានក្លាយ​ជា​គ្រូបង្រៀន​សិស្ស ​គ ថ្លង់​ មុន​គេបង្អស់​ក្នុង​ប្រវត្តិសាស្ដ្រ​ប្រទេស​កម្ពុជា​ ។  គាត់បាន​បរិច្ចាគ​ទ្រព្យសម្បត្ដិ​ផ្ទាល់ខ្លួន​ដើម្បី​បើកសាលា ​គ ថ្លង់​ ដំបូងបង្អស់​នៅក្នុង​ប្រទេស​កម្ពុជា​ ហើយ​ក៏​បាន​បង្កើត​អក្សរផុស​ខ្មែរ​  (Braille)​ សម្រាប់​អ្នកពិការ​អាន​ផងដែរ​។

បច្ចុប្បន្ន ​អ្នកគ្រូ ​នាង ផល្លា ​ជាគ្រូបង្រៀន​កុមារ គ ថ្លង់ ​កុមារពិការ​ភ្នែក ​ក្នុងអង្គ​ការ​គ្រួសារថ្មី​ នៅ​សង្កាត់​ឃ្មួញ ​ខណ្ឌសែន​សុខ ​រាជធានី​ភ្នំពេញ​។ ​អ្នកគ្រូ​ នាង​ ផល្លា ​មានតួនាទី​ជាគ្រូបង្រៀន​ ជា​នាយក​សាលា ​និងជាអ្នក​សម្របសម្រួល​កម្មវិធី​អប់រំកុមារ ​គ ថ្លង់ ​នៅក្នុងប្រទេស​កម្ពុជាជាង​២០ឆ្នាំ​មកហើយ ​។

គួររំឮក​ថា​មុនពេលត្រូវ​បានជ្រើសរើស​ឲ្យជាប់​ក្នុងបេក្ខជន​គ្រូឆ្នើម​ទាំង១០​ចុងក្រោយ​ នេះ ​អ្នកគ្រូ ​នាង​ ផល្លា​ បាន​ឆ្លងកាត់វគ្គ​ជម្រុះ​ពីរដង​រួចមក​ហើយ ​គឺលើកទីមួយ​ជាប់​ក្នុង​ចំណោម​គ្រូ៥០នាក់​ នៃ​គ្រូបង្រៀន​ជុំវិញ​ពិភពលោក​ ដែល​មាន​ចំនួន៥០០០​នាក់​ចូលរួម​ និង​លើកទីពីរ​ គាត់​ត្រូវបាន​ជ្រើសរើស​ក្នុង​ចំណោម​គ្រូ១០នាក់​ចុងក្រោយ ​ពីគ្រូ​បង្រៀន​៥០​នាក់​។ ​តាមរយៈការ​ជ្រើសរើស​ដ៏​ស្វិតស្វាញ​នេះ ​គឺ​សបញ្ជាក់​ពីភាពសំខាន់​ និង​គុណ​សម្បតិ្ត​ដ៏ច្រើន​ដែលអ្នកគ្រូ​ នាង​ ផល្លា​ មាន​ បើទោះបី​ជាគាត់​មិនបាន​ទទួលពាន​រង្វាន់គ្រូ​ឆ្នើម​ពិភព​លោក​ក្តីក៏នេះ​ជាមោទន​ភាព​របស់​កម្ពុជា​ ដែលអ្នក​គ្រូ​បាននាំយក​នូវទង់​ជាតិ​កម្ពុជា​ទៅលើក​បង្ហាញ​នូវលើ​ឆាក​អន្តរជាតិ​ ក្នុងកម្ម​វិធី​ដ៏វិសេស​វិសាល​មួយនេះ៕

        អត្ថបទ៖ ច័ន្ទ ទេវី             

រដ្ឋសភា នឹងបើកកិច្ចប្រជុំជជែកដេញដោល លើសេចក្តីស្នើច្បាប់បោះឆ្នោត និងច្បាប់គជប នៅថ្ងៃ១៩មីនា ខាងមុខនេះ

បើតាម​សម្តេច​នាយក​រដ្ឋមន្ត្រី ​ហ៊ុន​សែន ​ជម្រាប​ជូន​លោក​នាយករដ្ឋ​មន្ត្រី​ជប៉ុន ​ស៊ិនហ្ស៊ូ ​អាបេ ​ក្នុងកិច្ច​ប្រជុំ ​នៅប្រទេស​ជប៉ុន ​កាល​ពីថ្ងៃទី​១៥​ មីនា ​កន្លងទៅ ​សម្តេច​បានមាន​ប្រសាសន៍​ ប្រាប់​លោក​នាយករដ្ឋ​មន្ត្រី​ជប៉ុន​ថា ​នៅថ្ងៃទី​១៩​មីនា​ខាងមុខ​ នឹង​មានការ​ជជែក​ដេញដោល​គ្នា​ក្នុងសភា​ លើ​សេចក្តី​ព្រាង​សេចក្តី​ស្នើច្បាប់​បោះឆ្នោត​ និង​ច្បាប់​គជប​។

គួរ​បញ្ជាក់​ថា​ ការ​លើក​ឡើង​របស់​សម្តេច​តេជោ ​ហ៊ុន​ សែន​ នាយករដ្ឋ​មន្រ្តី​នៃ​ព្រះរាជា​ណាចក្រ​កម្ពុជា​ ត្រូវ​បាន​ធ្វើឡើង​នៅពេល​ដែល​សម្តេច​ កំពុង​បំពេញ​ទស្សន​កិច្ចនៅ​ប្រទេស​ជប៉ុន​ និង​ចូលរួម​សន្និសីទ​ពិភព​លោក​លើកទី៣​ ស្តីពី​ការកាត់​បន្ថយ​ហានិ​ភ័យ​នៃគ្រោះ​មហន្តរាយ​។

តាម​សេចក្តី​រាយការណ៍​ពី​ ប្រទេស​ជប៉ុន​ បង្ហាញ​ថា​ ក្នុង​ជំនួប​ពិភាក្សា​រវាង​សម្តេច​ហ៊ុន​សែន​ និង​លោក​នាយក​រដ្ឋ​មន្ត្រី ​ជប៉ុន​ ស៊ិន​ហ្ស៊ូ ​អាបេ ​គឺ​លោក​នាយក​រដ្ឋមន្ត្រី​ជប៉ុន​ បាន​មាន​ប្រសាសន៍​សំដែង​នូវ​ការរីករាយ​ចំពោះ​ការ​កែទម្រង់​នានា ​ក្នុង​ប្រទេស​កម្ពុជា​ ពិសេស​ការ​កែទម្រង់​លើការ​បោះឆ្នោត​ ដែល​គឺ​ផ្តើមចេញ​ពីការ​ដឹកនាំ​ប្រកប​ដោយកិត្តិ​បណ្ឌិត​របស់​សម្តេចតេជោ​ នាយករដ្ឋមន្ត្រី។

ទាក់ទិន​ទៅនឹងការ​កែទម្រង់​ការបោះ​ឆ្នោតនោះ​ លោកនាយក​រដ្ឋ​មន្ត្រី​ជប៉ុន ​មាន​ជំនឿយ៉ាង​មុតមាំថា ​គណបក្ស​ទាំងពីរ​ នឹង​បន្ត​ការចរចារ​គ្នា ​ដើម្បី​ឈាន​ទៅសំរេចទាំងស្រុង ​នៅ​ពេលឆាប់ៗ​ខាងមុខ​ ហើយជប៉ុន​ នឹងជួយ​ដល់កម្ពុជា ​តាមរយៈ​ការបញ្ជូន​អ្នកឯក​ទេសរបស់ខ្លួន​ ក្នុងការជួយ​ដល់គណៈ​កម្មាធិការ​ជាតិរៀប​ចំការ​បោះឆ្នោត។

ជាការ​ឆ្លើយតប​ សម្តេចតេជោ​ មានប្រសាសន៍​ថា​ មក​ដល់​ពេលនេះ ​គណបក្ស​ទាំងពីរ ​បានធ្វើ​ការរួមគ្នា ​ដើម្បី​ឈានទៅ​សំរេច​ ក្នុងពេល​ដ៏ខ្លីខាងមុខ​ ពោល​គឺនៅថ្ងៃទី​១៩​មីនាខាងមុខ​ នឹងមាន​ការជជែក​ដេញ​ដោល​គ្នាក្នុងរដ្ឋសភា​អំពីច្បាប់​បោះឆ្នោត​ថ្មី។

សម្តេច​នាយករដ្ឋមន្ត្រី ​បានបន្ត​ទៀតថា​ អ្វីៗ​កំពុងដំណើរ​ការ​ទៅមុខ ​ហើយនៅ​ពេលដែល​ច្បាប់បោះ​ឆ្នោតថ្មី​ដំណើរ​ការហើយ​នោះ​ ជប៉ុន​អាចបញ្ជូន​អ្នកឯកទេស​បោះឆ្នោត​មកកម្ពុជា​ បញ្ហា​សំខាន់ ​គឺការជួយ​រៀប​ចំបញ្ជីបោះ​ឆ្នោត​ដល់កម្ពុជា​ ដោយសារ​នៅ​ឆ្នាំ២០១៧ កម្ពុជា​មាន​ការបោះ​ឆ្នោត​ជ្រើសរើស​ក្រុម​ប្រឹក្សាឃុំ-​សង្កាត់​ និង​នៅឆ្នាំ២០១៨ ​ការបោះឆ្នោត​សកល​ជ្រើស​តាំង​តំណាង​រាស្ត្រ៕

អត្ថបទ៖ ច័ន្ទ ទេវី