(សូមទស្សនាវីដេអូ)៖ គណបក្សឆន្ទៈខ្មែរ សម្តែងការពេញចិត្តចំពោះការបង្កើត «ឧត្តមក្រុមប្រឹក្សាពិគ្រោះ និងផ្តល់យោបល់» ដែលផ្តល់ឱកាសដល់បក្សគ្មានអាសនៈ​ក្នុងរដ្ឋសភា ចូលរួមបម្រើប្រ​ជាពលរដ្ឋ

(សូមទស្សនាវីដេអូ)៖ ការចាប់អារម្មណ៍របស់​គណបក្សមិនជាប់ឆ្នោតជុំ​វិញការចូលរួមជា​មួយឧត្តមក្រុមប្រឹក្សា​និងពិគ្រោះយោបល់

អភិបាលខេត្តប៉ៃលិនបើកការដ្ឋានកសាងផ្លូវបេតុង ១ខ្សែនិងកាយប្រឡាយដាក់លូបង្ហូរទឹក នៅភូមិចំនួនពីរ ក្នុងសង្កាត់ប៉ៃលិន ក្រុងប៉ៃលិន

ប៉ៃលិន៖ ភូមិចំនួនពីរគឺភូមិតាង៉ែនលើ និងភូមិប៉ាហ៊ីត្បូង ក្នុងសង្កាត់ប៉ៃលិន ក្រុងប៉ៃលិន ត្រូវបានអាជ្ញាធរខេត្តប៉ៃលិន បើកការដ្ឋានកសាងផ្លូវបេតុង និងកាយប្រឡាយដាក់លូបង្ហូរទឹក នាព្រឹកថ្ងៃទី២១ ខែសីហា ឆ្នាំ២០១៨ ក្រោមអធិបតីភាពលោក ផាន់ ចាន់ធុល អភិបាលខេត្តប៉ៃ​លិន ព្រមទាំងមានការអញ្ជើញចូលរួមពីសំណាក់ អភិបាលរងខេត្ត ថ្នាក់ដឹកនាំ មន្ត្រីរាជការតាមមន្ទីរស្ថាប័នជុំវិញខេត្ត និងប្រជាពលរដ្ឋយ៉ាងច្រើនកុះករផងដែរ។

អភិបាលខេត្តប៉ៃលិន បានមានប្រសាសន៍ថា ក្រោមមាគ៌ាដឹកនាំរបស់លោកនាយករដ្ឋមន្ត្រី ហ៊ុន សែន និងក្រោមគោលនយោបាយឈ្នះៗ បានធ្វើឱ្យប្រទេសជាតិទាំងមូលទទួលបាននូវសុខសន្តិភាពពេញផ្ទៃប្រទេស ជាពិសេសបានធ្វើឱ្យខេត្តប៉ៃលិន ដែលជាខេត្តជាយដែន និងធ្លាប់ជាសមរភូមិយ៉ាងក្តៅគគុក មានការអភិវឌ្ឍ និងរីកចម្រើមលើគ្រប់វិស័យ ហើយជាក់ស្តែងនៅថ្ងៃនេះរដ្ឋបាលខេត្ត បានបើកការ ដ្ឋានជួសជុលផ្លូវប៉េតុង ១ខែ្ស និងបើកការដ្ឋានកាយប្រ​ឡាយដាក់លូបង្ហូរទឹក នៅក្នុងសង្កាត់ ប៉ៃលិននេះ ក្នុងគោលបំណងពង្រឹងនូវហេដ្ឋារចនាសម្ព័នរូបវ័ន្តក្រុងប៉ៃលិន ឱ្យបានកាន់តែល្អប្រសើរឡើង។

លោកអភិបាលខេត្តប៉ៃលិន ក៏បានបញ្ជាក់ថា ការកសាងសមិទ្ធផលនាថ្ងៃនេះ គឺជាការឆ្លើយតបតាមសំណូមពររបស់ប្រជាពលរដ្ឋ នៅមុនពេលបោះឆ្នោត ហើយបន្ទាប់ពីគណបក្សប្រជាជនម្ពុជា បានជាប់ឆ្នោតបន្តដឹកនាំរាជរដ្ឋាភិបាលអណត្តិទី៦នេះ រដ្ឋបាលខេត្តប៉ៃលិននឹងខិតខំបន្តចុះជួយដោះស្រាយនូវរាល់សំណូមពរ និងទុក្ខលំបាករបស់ប្រជាពលរដ្ឋនៅតាមមូលដ្ឋាន ជាពិសេសការកសាងហេដ្ឋារចនាសម័ន្ធ និងការផ្តល់សេវាសាធារណៈជូនប្រជាពលរដ្ឋឱ្យបានកាន់តែល្អប្រសើរឡើង។ លោក ក៏បានសំណូមពរដល់បងប្អូនទាំងអស់ ត្រូវរួមគ្នាជួយថែរក្សាទ្រព្យសម្បត្តិសាធារណៈរបស់រដ្ឋ ពិសេសផ្លូវថ្នល់នេះតែម្តង ព្រោះថាការកសាង និងជួសជុលហេដ្ឋារចនាសម្ព័ន្ធ គឺត្រូវចំណាយថវិកាយ៉ាងច្រើនសន្ធឹកសន្ធាប់ ម្យ៉ាងទៀតប្រជាពលរដ្ឋដែលនៅរស់នៅសងខាងផ្លូវកំពុងកសាង មេត្តាយោគយល់ និងអធ្យាស្រ័យ ព្រមទាំងចូលរួមសហការជាមួយក្រុមការងារបច្ចេកទេសរបស់មន្ទីរសាធារណៈការខេត្ត ដើម្បីឱ្យសមិទ្ធផលថ្មីនេះ សម្រេចបានទៅតាមការគ្រោងទុក។

សូមបញ្ជាក់ថា បើតាមរបាយការណ៍របស់លោក អ៊ាត សារ៉ាត់ ប្រធានមន្ទីរសាធារណការ និងដឹកជញ្ជូនខេត្តប៉ៃលិន បានឱ្យដឹងដែរថា ផ្លូវចាក់បេតុង១ខ្សែនេះ ឈ្មោះផ្លូវ ១០៦ C ឬ ហៅថាផ្លូវផ្ទះយាយកំពត  ស្ថិតក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ដែលមានប្រវែង ៣៨៤ម៉ែត្រ ទទឹង ១១.៦ម៉ែត្រ  និងកាយប្រឡាយដាក់លូបង្ហូរទឹក នៅតាមបណ្តោយផ្លូវបេតុង លេខ ១០៦ ប្រវែង ៣០០ម៉ែត្រ ខ្នាតលូ ៨០ ដោយរំដោះទឹកពីភូមិតាង៉ែនលើ សង្កាត់ប៉ៃលិន ក្រុងប៉ៃលិន ទម្លាក់មកស្ពានមេម៉ាយ ដោយប្រើប្រាស់កញ្ចប់ថវិការបស់មន្ទីរសាធារណៈការ និងដឹកជញ្ជូនខេត្តប៉ៃលិន៕

ការចាប់អារម្មណ៍របស់គណបក្សមិនជាប់ឆ្នោតជុំវិញការចូលរួមជាមួយឧត្តមក្រុមប្រឹក្សានិងពិគ្រោះយោបល់

ក្រោយពីលោកនាយករដ្ឋមន្រ្តី ហ៊ុន សែន បានទទួលជួបសំណេះសំណាលជាមួយតំណាងគណបក្សនយោបាយដែលមិនជាប់ឆ្នោតចំនួន១៦នៅព្រឹកថ្ងៃទី២១ ខែសីហា ឆ្នាំ២០១៨ នៅវិមានសន្តិភាព ហើយឈានដល់ការបង្កើត «ឧត្តមក្រុមប្រឹក្សាពិគ្រោះ និងផ្តល់យោបល់» រួចមក ក៏មានការចាប់អារម្មណ៍យ៉ាងខ្លាំងពីតំណាងគណបក្សនយោបាយដែលបានចូលរួម។

លោក ពេជ្រ ស្រស់ ប្រធាន​គណបក្ស​យុវជន​កម្ពុជា​ (CYP) ​បាន​ប្រាប់​អ្នក​កាសែត​ក្រោយ​ជំនួប​ថា​ ការបង្កើតនេះគឺជាចំណុច​​ល្អ​ដោយសារគណ​បក្ស​នយោបាយ ​ចង់​ចូលរួមអភិវឌ្ឍ​ជាតិ ចង់​ឱ្យ​ជាតិ​​រីកចម្រើន។ លោកបានបន្ថែមថា នេះគឺជា​ឱកាសមួយផង​ដែរ​ពីព្រោះ​ការ​បើក​គណបក្ស​ឡើងគោលបំណង​ធំ​បំផុត​គឺ​ចង់​ចូលរួម​អភិវឌ្ឍ​ជាតិ​ខ្មែរ​យើង ជាពិសេស​ចង់​លុប​បំបាត់​ការជិះជាន់ បំបាត់​អំពើ​ពុករលួយ លុបបំបាត់​ភាពរើសអើង​នយោបាយ និង​លុប​បំបាត់រឿង​ឧកញ៉ា​ទៅ​ប្លន់​ដី​រាស្ត្រ​ជាដើម។

ចំណែកឯ ​លោក នួន សុខាវី គណបក្ស​ពន្លឺ​ថ្មី ក៏​ប្រកាស​គាំទ្រ​ឧត្តម​ក្រុមប្រឹក្សា​នេះ​ផងដែរ​ដោយ​ពួកគេ​បាន​បញ្ចេញ​ទស្សនៈ​ស្រដៀង​គ្នា​។ លោក សុខាវី បានថ្លែង​ថា​ ការបង្កើតនេះគឺជាចំណុចល្អណាស់ព្រោះ​រាជរដ្ឋាភិបាល​ឱ្យយើង​មាន​សិទ្ធិ​គ្រប់គ្រាន់ ដើម្បី​ជា​កញ្ចក់​ឆ្លុះបញ្ចាំង តើ​មន្ត្រីរាជការ​ណា​ខុស ហើយរាយការណ៍​ជូន​រាជរដ្ឋាភិបាល ដើម្បីអនុវត្ត​ទៅ​តាម​ច្បាប់​ ហើយយើង​ត្រូវចូលរួមគោរព​ច្បាប់​ទាំងអស់​គ្នា​។ លោកជឿជាក់​ថា ប្រជាពលរដ្ឋ​​ពិតជា​រក​យុត្តិធម៌​បាន​ច្រើន ព្រោះ​គណបក្ស​ ១៦ ​ចូលរួម​នេះ​គឺជា​កញ្ចក់​ឆ្លុះបញ្ចាំង​ដើម្បី​រក​យុត្តិធម៌​ជូន​គណបក្ស​ទូទាំង​នគរ​បាន​។

ដោយឡែក លោក​ គង់ មុនីកា វិញ​បានថ្លែង​ថា​ ការបង្កើតឧត្តមក្រុមប្រឹក្សានេះ គឺជា​ឱកាស​ថ្មី​មួយ​ដែល​ផ្តល់​ឱ្យគណបក្ស​ទាំងអស់​ដែល​បាន​ចូលរួម​បោះឆ្នោត​អាច​បម្រើ​នូវ​ឆន្ទៈ​របស់​ប្រជាពលរដ្ឋ ជាពិសេស​អ្នក​គាំទ្រ​របស់​ខ្លួន​។ នេះ​ជា​ឱកាស​មួយ​ដែល​យើង​អាច​ពាំនាំ​នូវ​ទុក្ខលំបាក ក៏​ដូចជា​ទុក្ខលំបាក​នានា​ដែល​អ្នកគាំទ្រ​យើង​ជួបប្រទះ​។

គួរបញ្ជាក់ផងដែរថា «ឧត្តមក្រុមប្រឹក្សាពិគ្រោះ និងផ្តល់យោបល់» នេះមានភារកិច្ចដូចជា៖

ទី១៖ ផ្តួចផ្តើមគំនិត ឬផ្តល់មតិនៅលើការរៀបចំគោលនយោបាយដល់រាជរដ្ឋាភិបាល (ធាតុចូល)
ទី២៖ ចូលរួមផ្តល់យោបល់ដល់សេចក្តីព្រាងច្បាប់របស់របស់រាជរដ្ឋាភិបាលមុនគណៈរដ្ឋមន្រ្តីអនុម័ត។ ឧត្តមក្រុមប្រឹក្សា មានអត្តនោម័តធ្វើញត្តិជូនព្រឹទ្ធសភាតតំាង និងច្បាប់ដែលបានអនុម័តដោយរដ្ឋសភា
ទី៣៖ ឧត្តមក្រុមប្រឹក្សានេះ បានចូលរួមផ្តល់យោបល់ដល់នាយករដ្ឋមន្រ្តីចំពោះភាពអសកម្ម ឬបទរំលោភណាមួយរបស់មន្រ្តី ឬនាយករដ្ឋមន្រ្តី
ទី៤៖ ការបង្កើតឧត្តមក្រុមប្រឹក្សានេះ គឺតាមរយៈព្រះរាជក្រឹត្យ៕