Friday, December 19, 2014
សម្តេចតេជោ អញ្ជើញទៅដល់ចំណតអាកាសយានដ្ឋានអន្តរជាតិ ទីក្រុងបាងកក ដើម្បីចូលរួមកិច្ចប្រជុំកំពូលមហាអនុតំបន់មេគង្គលើកទី៥
សម្តេចអគ្គមហាសេនាបតីតេជោ ហ៊ុន សែន ប្រមុខនៃរាជរដ្ឋាភិបាលកម្ពុជា ក៏ដូចជាឯកឧត្តម ប្រមុខរដ្ឋ ប្រមុខរដ្ឋាភិបាលនៃបណ្តា ប្រទេសក្នុងមហា អនុ តំបន់មេគង្គ៤ផ្សេងទៀត រួមមានប្រទេសចិន ឡាវ មីយ៉ាន់ម៉ា និងប្រទេស វៀតណាម បានអញ្ជើញទៅដល់ទីក្រុងបាងកក ព្រះរាជាណាចក្រថៃ ជាបន្ត បន្ទាប់ ដើម្បីចូលរួមកិច្ចប្រជុំកំពូលមហាអនុតំបន់មេគង្គលើកទី៥ ដែលនឹង ប្រារព្ធ ធ្វើឡើងនៅល្ងាចថ្ងៃ ទី១៩និងព្រឹកថ្ងៃទី២០ធ្នូ។
យន្តហោះពិសេសរបស់ព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់រាជរដ្ឋាភិបាលកម្ពុជា ចុះចតនៅចំណតអាកាសយានដ្ឋានអន្តរជាតិដនមឿង ទីក្រុងបាងកក ព្រះរាជាណាចក្រថៃ ប្រកបដោយសុវត្តិភាព កាលពីវេលា ម៉ោង ១១និង៣៣នាទីព្រឹក ក្រោមវត្តមាននៃការទទួលបដិសណ្ឋារកិច្ចស្វាគមន៍ យ៉ាង ស្និតស្នាលរ៉ាក់ទាក់បំផុត ពីសំណាក់ឯកឧត្តមឧត្តមសេនីយ៍ Surasak Kanchanarath រដ្ឋមន្រ្តីក្រសួងការងារ លោកជំទាវ អ៊ាត សោភា ឯកអគ្គរាជទូតវិសាមញ និងពេញសមត្ថភាពរបស់ព្រះរាជាណាចក្រកម្ពុជា ប្រចាំព្រះរាជាណាចក្រថៃ ព្រមទាំងឯកឧត្តម លោកជំទាវ ជាឥស្សរជនជាន់ខ្ពស់រាជរដ្ឋាភិបាលថៃ និង ឥស្សរជនការទូតរបស់ព្រះរាជាណាចក្រកម្ពុជាជាច្រើនរូប។
តាមកម្មវិធីដែលបានគ្រោងទុក នៅមុនពិធីបើកកិច្ចប្រជុំកំពូលមហា អនុតំបន់ មេគង្គលើកទី៥ គឺនៅល្ងាចថ្ងៃទី១៩ធ្នូនេះ សម្តេចតេជោនាយករដ្ឋមន្រ្តី និងជួប ពិភាក្សាទ្វេភាគីជាមួយឯកឧត្តមឧត្តមសេនីយ៍ ប្រាយុទ្ធ ចាន់អូចារ នាយករដ្ឋមន្រ្តីថៃ និងជាប្រធានកិច្ចប្រជុំកំពូលមហាអនុតំបន់មេគង្គលើកទី៥ ដើម្បីពង្រឹង ពង្រីកចំណងសាមគ្គីភាព និងកិច្ចសហប្រតិបត្តិការនៃប្រទេសទាំងពីរកម្ពុជា-ថៃ ឲ្យកាន់តែរឹងមាំទ្វេឡើងថែមទៀត ពិសេសការពិនិត្យមើលឡើងវិញ ជុំវិញការ វិវត្តន៍ នៃទំនាក់ទំនងរបស់ប្រទេសទាំងពីរ ក្រោមពីដំណើរទស្សនកិច្ចផ្លូវការរបស់ឯកឧត្តមឧត្តមសេនីយ៍ ប្រាយុទ្ធ ចាន់អូចារ មកកាន់ព្រះរាជាណាចក្រកម្ពុជា កាលពីខែវិច្ឆិកាកន្លងទៅថ្មីៗនេះ។ សន្តិសុខត្រូវបានរិតបណ្តឹង នៅពេលវត្តមាន នៃការអញ្ជើញ ទៅដល់របស់សម្តេចតេជោនាយករដ្ឋមន្រ្តី និងគណៈប្រតិភូជាន់ ខ្ពស់រាជរដ្ឋាភិបាលកម្ពុជា ពោលគឺសន្តិសុខត្រូវបានរិតបណ្តឹងចាប់ពីព្រលាន យន្តហោះដនមឿង រហូតដល់សណ្ឋាគារស្នាក់នៅរបស់សម្តេចតេជោ និងគណៈ ប្រតីភូជាន់ខ្ពស់ ក្នុងនោះរួមទាំងការរៀបចំក្បួនឧទ្ធម្ភាគចក្រការពារសន្តិសុខ សុត្ថិភាព ពីលើក្បូនធ្វើដំណើររបស់សម្តេចតេជោនាយក រដ្ឋមន្រ្តីផងដែរ៕
ឯកឧត្តមបណ្ឌិតសភាចារ្យ សុខ អាន លើកទឹកចិត្ត និងជំរុញឲ្យមានការសិក្សាស្រាវជ្រាវ និងចងក្រងឯកសារផ្សព្វផ្សាយ ពីទំនាក់ទំនងកម្ពុជា-ចិន
ក្នុងឱកាសអញ្ជើញចូលរួមជាអធិបតី ក្នុងពិធីបើកសន្និសីទអន្តរជាតិស្ដីពីទំនាក់ទំនងការទូតកម្ពុជា-ចិន នាសមយ័សម្ដេចព្រះនរោត្ដមសីហនុ រសៀលថ្ងៃទី១៧ ខែធ្នូ ឆ្នាំ២០១៤ នៅរាជ្យបណ្ឌិតសភាកម្ពុជាឯកត្តមបណ្ឌិត សភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានមានប្រសាសន៍លើកទឹកចិត្តឲ្យមានការសិក្សាស្រាវជ្រាវចងក្រង និងផ្សព្វផ្សាយឲ្យបានកាន់តែទូលំទូលាយថែមទៀតដល់មហាជនគ្រប់ស្រទាប់អំពីប្រវត្តិសាស្ត្រ វប្បធម៌ ភាសា និងសារៈសំខាន់ នៃទំនាក់ទំនងការទូតកម្ពុជា-ចិន។
ជាមួយនឹងការកោតសរសើរ និងវាយតម្លៃខ្ពស់ចំពោះថ្នាក់ដឹកនាំ និងមន្ត្រីរាជការ នៃរាជ្យបណ្ឌិតសភាកម្ពុជា និងវិទ្យាស្ថានខុងជឺង ក្នុងកិច្ចសហការរៀបចំសន្និសីទ ឯកឧត្តមបណ្ឌិតសភាចារ្យ សុខ អាន បានចាត់ទុកសន្និសីទរយៈពេលពីរថ្ងៃដោយមានការចូលរួមពីវាគ្មិនកិតិ្តយសដែលសុទ្ធសឹងជាឥស្សរជនសំខាន់ៗ នៅក្នុងវិស័យការទូត ជាពិសេស ឯកឧត្តម លោកជំទាវដែលធ្លាប់ជាឯកអគ្គរដ្ឋទូតចិនប្រចាំនៅកម្ពុជា គឺជាវេទិកាវិទ្យាសាស្ត្រដ៏មានសារៈសំខាន់សម្រាប់ការចែករំលែកចំណេះដឹង និងបទពិសោធន៍ល្អៗ ពាក់ព័ន្ធនឹងចំណងការទូតកម្ពុជា-ចិន។
ឯកឧត្ដម បណ្ឌិតសភាចារ្យ សុខ អាន បានមានប្រសាសន៍ថា វេទិកាដ៏មានសារៈសំខាន់នេះ ផ្តល់ឱកាសឱ្យអ្នកសិក្សាស្រាវជ្រាវ សាស្ត្រាចារ្យ សិស្ស និស្សិត ចែករំលែកទស្សនៈ បទពិសោធន៍ និងសិក្សាស្វែងយល់ ឱ្យកាន់តែយល់ដឹងស៊ីជម្រៅបន្ថែមទៀត អំពីការកកើត ការវិវត្ត ហើយជាពិសេសអំពីសារៈសំខាន់នៃទំនាក់ទំនងការទូត កម្ពុជា-ចិន។ ដើម្បីពង្រីកការយល់ដឹងកាន់តែទូលំទូលាយអំពីស្នាព្រះហស្តរបស់ សម្តេចព្រះ នរោត្តម សីហនុ ព្រះមហាវីរក្សត្រ ព្រះវរបិតាឯករាជជាតិ ព្រះបរមរតនកោដ្ឋ។
សន្និសីទនេះ ក៏ជាវិភាគទានដ៏មានតម្លៃ សម្រាប់រាជរដ្ឋាភិបាលកម្ពុជា ក្នុងការបន្តពង្រឹងនិងពង្រីកទំនាក់ទំនងមិត្តភាព សហប្រតិបត្តិការ និងសាមគ្គីភាពជាប្រពៃណីរវាងប្រជាជាតិទាំងពីរ កម្ពុជា-ចិន ក៏ដូចជា ការអភិវឌ្ឍសេដ្ឋកិច្ច សង្គមឱ្យកាន់តែប្រសើរឡើងថែមទៀត។
ឯកឧត្ដម បណ្ឌិតសភាចារ្យ សុខ អាន បានផ្តល់ជាអនុសាសន៍ថា លទ្ធផលនៃការសិក្សាស្រាវជ្រាវអំពីទំនាក់ទំនងមិត្តភាពកម្ពុជា-ចិន ក្នុងសម័យសម្តេចព្រះ នរោត្តម សីហនុ គួរត្រូវបានចងក្រង បោះពុម្ព និងផ្សព្វផ្សាយ ជាខេមរភាសា ភាសាចិន និងភាសាអង់គ្លេស ឱ្យបានទូលំទូលាយដល់មហាជនជាតិ និងអន្តរជាតិ។ នៅថ្ងៃទី១៩ ខែកក្កដា ឆ្នាំ១៩៥៨ កម្ពុជា-ចិន បានឈានទៅបង្កើតទំនាក់ទំនងការទូត ហើយបានក្លាយជាដៃគូសហប្រតិបត្តិការយ៉ាងជិតស្និត ប្រកបដោយផលប្រយោជន៍ទៅវិញទៅមក ក្នុងរយៈពេលដ៏ខ្លី។ មិត្តល្អជួយគ្នាក្នុងគ្រាក្រ បានក្លាយជាពាក្យស្លោកប្រកបដោយគុណធម៌ សម្រាប់ថ្នាក់ដឹកនាំនៃប្រទេសទាំងពីរ។
គួររំឭកផងដែរថា ៦ឆ្នាំក្រោយពីគណបក្សកុម្មុយនិស្តចិនបានឡើងកាន់អំណាច និង២ឆ្នាំក្រោយពីកម្ពុជាទទួលបានឯករាជ្យពីប្រទេសបារាំង កម្ពុជានិងចិន ក៏ចាប់មានទំនាក់ទំនងជាមួយគ្នា។ ដំបូងជាទំនាក់ទំនងក្រៅផ្លូវការ ប៉ុន្តែ ជាទំនាក់ទំនងដ៏ជិតស្និទ្ធមួយ រវាងសម្តេចព្រះ នរោត្តម សីហនុ និងលោក ជូ អេនឡាយ នាយករដ្ឋមន្រ្តីចិន នៅក្នុងឱកាសសន្និសីទប្រទេសមិនចូលបក្សសម្ព័ន្ធ នៅក្រុង Bandung ប្រទេសឥណ្ឌូណេស៊ី ក្នុងឆ្នាំ១៩៥៥។ ចាប់តាំងពីដើមឆ្នាំ១៩៥៨ បើទោះជាចិននិងកម្ពុជា មិនទាន់មានទំនាក់ទំនងការទូតជាផ្លូវការជាមួយគ្នាក៏ដោយ ថ្នាក់ដឹកនាំនៃប្រទសទាំងពីរតែងតែបំពេញទស្សនកិច្ចទៅវិញទៅមក ហើយប្រទេសចិនបានក្លាយជាប្រទេសផ្តល់ជំនួយដ៏សំខាន់មួយដល់ប្រទេសកម្ពុជា។ នៅថ្ងៃទី១៩ ខែកក្កដា ឆ្នាំ១៩៥៨ កម្ពុជា-ចិន បានឈានទៅបង្កើតទំនាក់ទំនងការទូត ហើយបានក្លាយជាដៃគូសហប្រតិបត្តិការយ៉ាងជិតស្និត ប្រកបដោយផលប្រយោជន៍ទៅវិញទៅមក ក្នុងរយៈពេលដ៏ខ្លី។ មិត្តល្អជួយគ្នាក្នុងគ្រាក្រ បានក្លាយជាពាក្យស្លោកប្រកបដោយគុណធម៌ សម្រាប់ថ្នាក់ដឹកនាំនៃប្រទេសទាំងពីរ។ ជាក់ស្តែងក្នុងទសវត្សរ៍ឆ្នាំ៦០ សម្តេចព្រះ នរោត្តម សីហនុ ព្រះប្រមុខរដ្ឋ នៃព្រះរាជាណាចក្រកម្ពុជា បានចូលរួមជាមួយរដ្ឋាភិបាល និងប្រជាជនចិន ក្នុងការតស៊ូមតិនៅលើវេទិកាអន្តរជាតិនានា ដើម្បីជួយគាំទ្រឱ្យសាធារណរដ្ឋប្រជាមានិតចិន ទទួលបានអាសនៈប្រចាំអង្គការសហប្រជាជាតិ។
ពេញមួយព្រះជន្មរបស់ព្រះអង្គ ព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ ព្រះអង្គមិនត្រឹមតែបានលះបង់ព្រះកាយពល ដើម្បីឯករាជ្យជាតិ បូរណភាពទឹកដី និងការអភិវឌ្ឍជាតិ ហើយបានកសាងប្រទេសកម្ពុជានៅក្នុងសម័យសង្គមរាស្រ្តនិយម ឱ្យក្លាយជាប្រទេសដ៏រីកចម្រើនមួយនៅអាស៊ីអាគ្នេយ៍ប៉ុណ្ណោះទេ ប៉ុន្តែព្រះអង្គថែមទាំងជាអ្នកការទូតដ៏ឆ្នើមដែលបានកសាងទំនាក់ទំនងយ៉ាងល្អ ក្នុងស្មារតីសន្តិភាព និងសន្តិសហវិជ្ជមានជាមួយប្រទេសនានានៅក្នុងតំបន់ ក៏ដូចជាក្នុងពិភពលោក ជាពិសេស ជាមួយមហាមិត្តចិន។ ទាំងនេះបានធ្វើឱ្យព្រះអង្គទទួលបាននូវការគោរពស្រឡាញ់ និងកោតសរសើរ ពីប្រជាជនកម្ពុជា ក៏ដូចជាប្រជាជនចិនថា ជាព្រះអគ្គមគ្គុទេសក៍ដ៏ឆ្នើម ដែលពោរពេញទៅដោយភាពឈ្លាសវៃ ប៉ិនប្រសប់ ទន់ភ្លន់ ប៉ុន្តែម៉ឺងម៉ាត់ ជាគំរូសម្រាប់អ្នកដឹកនាំ និងអ្នកការទូតទាំងអស់រៀនសូត្រតាម។
ទាក់ទងនឹងបញ្ហានេះ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី បានមានប្រសាសន៍បញ្ជាក់ថា ដោយឈរលើស្មារតីមិត្តភាពជាអមតៈ និងដើរតាមមាគ៌ាដ៏វិសេសវិសាលរបស់ព្រះករុណា សម្តេចព្រះ នរោត្តម សីហនុ ព្រះមហាវីរក្សត្រ ព្រះបរមរតនកោដ្ឋ រាជរដ្ឋាភិបាលកម្ពុជាក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបន្តពង្រឹង និងពង្រីកចំណងមិត្តភាព ទំនាក់ទំនងការទូត និងកិច្ចសហប្រតិបត្តិការរវាងកម្ពុជា និងចិន រហូតឈានដល់កម្រិតដៃគូយុទ្ធសាស្រ្តគ្រប់ជ្រុងជ្រោយ។ កម្ពុជាជាបងប្អូនល្អ ជាអ្នកជិតខាងល្អ ជាមិត្តភក្តិល្អ និងជាដៃគូល្អរបស់ចិន។ រាជរដ្ឋាភិបាលកម្ពុជានៅតែបន្តគាំទ្រដោយឥតងាករេចំពោះនយោបាយចិនតែមួយ និងប្រកាន់ខ្ជាប់នូវគោលការណ៍គោរពអធិបតេយ្យភាព ការមិនជ្រៀតជ្រែកផ្ទៃក្នុងគ្នា និងការផ្តល់ផលប្រយោជន៍ឱ្យគ្នាទៅវិញទៅមក។
ដោយសារកត្តាអំណោយផលទាំងនេះ អ្នកវិនិយោគ និងទេសចរចិន បានមកបណ្តាក់ទុនវិនិយោគ និងទស្សនាកម្ពុជា កាន់តែច្រើនជាបន្តបន្ទាប់។
លោកជំទាវបណ្ឌិតសភាចារ្យ ខ្លួត ធីតា ប្រធាន រាជ្យបណ្ឌិតសភាកម្ពុជា បានឱ្យដឹងថា ប្រវត្តិទំនាក់ទំនងរវាងកម្ពុជាចិនត្រូវបានកត់ត្រាយ៉ាងច្បាស់លាស់ ដោយលោក ជោ យីង និង លោកកាំងថៃ ដែលបានមកបំពេញបេសកកម្មនៅ ហ្វូណន លើសពីនេះអ្នកស្រាវជ្រាវជាតិ និងអន្តរជាតិនាពេលបច្ចុប្បន្ន បានយល់យ៉ាងច្បាស់ពីទំនាក់ទំនងកម្ពុជាចិននាសមយ័អង្គរ ពីកំណត់ត្រា របស់ លោក ជីវ តាក្វាន់ បេសកជនចិនដែលបានមកបំពេញបេសសកម្មនៅក្រុងអង្គរ។
លោកជំទាវ បានបន្តថា សន្និសីទនេះបានរៀបចំឡើងជាលើកទី៤ ដោយវិទ្យាស្ថានខុងជឺនៃ រាជ្យបណ្ឌិតសភាកម្ពុជា ដោយយល់ឃើញថា ប្រជាជាតិនៃប្រទេសយើងទាំងពីរកម្ពុជា-ចិន តែងបានចាត់ទុកសម្ដេចព្រះនរោត្ដមសីហនុជាអច្ឆរិយៈបុគ្គល ជាវីរៈបុរសនិងជាស្ថាបនិកនៃទំនាក់ទំនងរវាងប្រទេសយើងទាំងពីរទើប ថ្ងៃនេះយើងរៀបចំសន្និសីទ ដើម្បីផ្ដោតលើការសិក្សាស្រាវជ្រាវពីទំនាក់ទំនងកម្ពុជាចិន នាសមយ័ សម្ដេចព្រះនរោត្ដមសីហនុ ។ សន្និសីទនេះ ក៍មានការអញ្ជើញចូលរួមពីលោកជំទាវ ពូ ជានគ័រ ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន ប្រចាំនៅព្រះរាជាណាចក្រកម្ពុជា ឯកឧត្តម លោកជំទាវ អតីតឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំនៅព្រះរាជាណាចក្រកម្ពុជា៕
Press Release ECCC, Trial Chamber Refers Misconduct of Khieu Samphan’s Counsel to their Respective Professional Bodies
Issued on: ( 19-12-2014 )
19 December 2014
PRESS RELEASE
TRIAL CHAMBER REFERS MISCONDUCT OF KHIEU SAMPHAN’S COUNSEL TO THEIR RESPECTIVE PROFESSIONAL BODIES
On 19 December 2014, the Trial Chamber of the Extraordinary Chambers in the Courts of Cambodia (ECCC) issued an order, referring the misconduct of Khieu Samphan’s national Co-Lawyer Kong Sam Onn to the President of the Bar Association of the Kingdom of Cambodia, and referring the misconduct of foreign Co-Lawyers Arthur Vercken and Anta Guisse to the President of the Paris Bar Association and the Prosecutor General of the Paris Appeal Court.
The order provides details of the misconduct of Khieu Samphan’s counsel from 17 October 2014 onwards. The Trial Chamber found that counsel’s repeated violations of court orders to attend trial hearings in Case 002/02 amounts to a serious and deliberate obstruction of the proceedings. As a direct consequence of this misconduct, 25 trial days over a course of 10 weeks were cancelled, creating hardships for witnesses and Civil Parties, inconvenience for the Parties and significant additional costs for the ECCC.
The Trial Chamber found that there is no factual or legal basis justifying counsel’s misconduct. Two written filings by counsel attempting to justify their actions were considered by the Trial Chamber to be repetitious, frivolous and in support of a defence strategy that is legally groundless, inconsistent with counsel’s duties and fashioned to obstruct the proceedings in Case 002/02. Consequently, the Chamber recommended that the Defence Support Section refuse any request by the counsel for Khieu Samphan to be paid for work on these filings.
The order is available on the ECCC website:
For further information, please contact:
Mr. Lars Olsen
Legal Officer
Mobile: +855 (0)12 488 023
Land line: +855 (0)23 861 669
Email: olsenl@un.org
|
Mr. Neth Pheaktra
Press Officer
Mobile phone: +855 (0)12 488 156
Email neth.phektra@eccc.gov.kh
|
រដ្ឋសភាអនុម័តជាផ្លវការបង្កើតឲ្យមានក្រុមភាគតិច នៅក្នុងសភា
នៅព្រឹកថ្ងៃទី១៩ ខែធ្នូ ឆ្នាំ២០១៤នេះ រដ្ឋសភាបានអនុម័តរួចហើយចំពោះការធ្វើវិសោធនកម្មច្បាប់ បទបញ្ជាផ្ទៃក្នុង នៃរដ្ឋសភា ក្នុងការបង្កើតឲ្យមានក្រុមភាគតិចនៅក្នុងសភា ដោយសំឡេងគាំទ្រ១០២ លើ១០២ ក្រោមអធិបតីភាពសម្តេច ហេង សំរិន ប្រធានរដ្ឋសភា ប៉ុន្តែច្បាប់នេះ នឹងត្រូវបញ្ជូនទៅសុំការយល់ព្រមពីព្រឹទ្ធសភាពិនិត្យជាមុនសិន មុននឹងបញ្ជូនថ្វាយព្រះមហាក្សត្រឡាយព្រះហស្ថលេខាដាក់ឲ្យប្រើប្រាស់ជាផ្លូវការ។
ការអនុម័តច្បាប់បង្កើតក្រុមសភាភាគតិចនេះ បានធ្វើឡើងបន្ទាប់ពីមានការព្រមព្រៀងគ្នារវាងមេដឹកនាំគណបក្សជាប់ឆ្នោតទាំងពីរ គឺសម្តេចតេជោ ហ៊ុន សែន នាយករដ្ឋមន្ត្រី និងឯកឧត្តម សម រង្ស៊ី ប្រធានគណបក្សសង្គ្រោះជាតិ។
តាមការគ្រោងទុក ឯកឧត្តម សម រង្ស៊ី នឹងត្រូវបានផ្គូផ្គងសម្រាប់កាន់ដំណែងជាប្រធានក្រុមសភាភាគតិចនេះ ដែលមានឋានៈស្មើនាយករដ្ឋមន្ត្រី ខណៈពេលដែលមហាជនជាច្រើនគេបានគិតថា ឯកឧត្តម កឹម សុខា មិនមែនជាដៃគូល្អនៃវប្បធម៌សន្ទនាជាមួយថ្នាក់ដឹកនាំគណបក្សប្រជាជនកម្ពុជាឡើយ ដោយសារតែភាពរឹងរូស ចចេះមានះជាបន្តបន្ទាប់នាពេលកន្លងមកនេះ។
ឯកឧត្តម សម រង្ស៊ី បានឲ្យដឹងបន្ទាប់ពីសភាអនុម័តច្បាប់ថ្មីនេះថា ខ្លួនគាត់មានរឿងច្រើនណាស់ដែលត្រូវពិភាក្សាជាមួយសម្តេចតេជោ ហ៊ុន សែន នៅពេលដែលលោកក្លាយខ្លួនជាប្រធានក្រុមសភាភាគតិចក្នុងរដ្ឋសភា ដើម្បីរកការដោះស្រាយផលប្រយោជន៍ជាតិ និងអ្វីដែលលោក អះអាងថា នឹងទុកផលប្រយោជន៍ជាតិជាធំ។
Subscribe to:
Posts (Atom)