ខ្មែរតែមួយ - Khmer Unity: 12/04/14

Thursday, December 04, 2014

តំណាងប្រទេសជាង១៨ និងអង្គការដៃគូជាង២០ គាំទ្រការប្រកាសបង្កើត ICCព្រះវិហារ

អង្គការ UNESCO និង អង្គការដៃគូជាង២០រួមជាមួយ ,សហគមន៍អ៊ឺរ៉ុប និងបណ្តា អង្គទូតប្រទេសជាមិត្តជាង១៨ បានសំដែងការគាំទ្រការប្រកាសបង្កើតឡើង គណៈកម្មា ធិការសម្របសម្រួលអន្តរជាតិសម្រាប់ប្រាសាទព្រះវិហារ។

គណៈកម្មាធិការសម្របសម្រួលអន្តរជាតិសម្រាប់ប្រាសាទព្រះវិហារ (ICCព្រះវិហារ) បាន ប្រកាសសមាសភាពជាផ្លូវការហើយ នាព្រឹកថ្ងៃទី០៣ ខែធ្នូ ឆ្នំា២០១៤នេះ នៅសាល សន្និសិទអង្គរ នៃមជ្ឈមណ្ឌលអាជ្ញាធរជាតិអាប្សរា ខេត្តសៀមរាប ដើម្បីចូលរួមធ្វើសកម្មភាព ថែរក្សាការពារ សម្បត្តិវប្បធម៌មនុស្សជាតិ ដ៏មានតម្លៃលេចធ្លោជាសកលរបស់កម្ពុជាឲ្យបាន ស្ថិតស្ថេរគង់វង្ស។

សមាសភាពគណកម្មាធិការនេះដឹកនាំដោសសហប្រធានពីររូបគឺ លោកបណ្ឌិត Mohamed Sameh ARM និងលោក បណ្ឌិត Hao Ping មកពីប្រទេសមហាអំណាចធំៗពីរនៅអាស៊ី គឺប្រទេសឥណ្ឌា និងប្រទេសចិន។ រីឯសមាជិកនៃគណកម្មាធិការនេះ មានការចូលរួមពីបណ្តា ប្រទេសចំនួន៩ក្នុងនោះថៃក៏ជាសមាជិក១រូបផងដែរ។ តួនាទីនៃគណកម្មាធិការ នេះគឺជាអ្នក សម្របសម្រួលវាយតម្លៃចំពោះអាទិភាពទាំងឡាយ មុននឹងអនុញ្ញាតឲ្យអនុវត្តន៍ នូវគម្រោងអ្វី មួយ។ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មាធិការជាតិយូណេស្កូមានប្រសាសន៍ថា ការប្រការ ជាផ្លូវការបង្កើតឡើង (ICCព្រះវិហារ) ថ្ងៃនេះ គឺអនុលោមទៅតាមសេចក្តីសម្រេចរបស់ UNESCO និងការអនុម័តពីក្រុមប្រឹក្សាប្រតិបត្តិរបស់អង្គការយូណេស្កូ កាលពីថ្ងៃទី២៣ ខែតុលា ឆ្នាំ២០១៤ កន្លងមក។

ឯ.ឧបណ្ឌិតសភាចារ្យ សុខ អាន មានប្រសាសន៍ថា ការលេចរូបរៀងនៃគណកម្មាធិការនេះឡើងដោយសារតែមាន ការគាំទ្រដ៏មានប្រសិទ្ធភាព ពីប្រទេសចិននិងប្រទេសឥណ្ឌា និងបណ្តាប្រទេសជាច្រើនទៀតដូចជាប្រទេសបារាំង និង ប្រទេសជប៉ុន។ សហប្រធានទាំងពីររូប សុទ្ធតែបាន បង្ហាញពីការប្តេជ្ញាចិត្ត ក្នុងការបំពេញកាតព្វកិច្ចដើម្បីបុព្វហេតុចូលរួម ជួយលើការងារអភិវឌ្ឍន៍ និងអភិរក្ស សម្បត្តិបេតិកភណ្ឌវប្បធម៌ ដ៏ល្បីល្បាញ នេះឲ្យបានប្រសើរ តាមរយៈការខិតខំ ជំនៈនូវឧបសគ្គទាំងឡាយ ក៏ដូចជាការ ខិតខំរិៈរកដំណោះស្រាយចំពោះបញ្ហាប្រឈមនានា ក្នុងការរួមគ្នាគៀងគរប្រភពថវិកា និងបច្ចេកទេស ដើម្បីរៀបចំផែនការ គ្រប់គ្រងថែរក្សាការពារឲ្យមាននិរន្តរភាព។

ជាទស្សនៈលើកឡើងពីតំណាងប្រទេសជាមិត្តនានាជាពិសេស ឯកអគ្គរាជទូតថៃក៏ដូចជា ឯកអគ្គរដ្ឋទូតសហរដ្ឋអាមេរិកប្រចាំកម្ពុជា ក៏បានបង្ហាញពីការពេញចិត្ត និងស្វាគមន៍ ការបង្កើតឡើង គណកម្មាការICCព្រះវិហារនេះ ដោយបានសន្យាថានឹងចូលរួមសហការ ដល់ការងារអភិរក្ស និងអភិវឌ្ឍន៍ប្រាសាទព្រះវិហាររបស់ខ្មែរ ដើម្បីសន្តិភាព មិត្តភាព កិច្ចសហប្រតិបត្តិការ និងការផ្លាស់ប្តូរផ្នែកវប្បធម៌ពីគ្នាទៅវិញទៅមក៕

បទពិចារណថា៖ ការធ្វើវិភាគបែបស្ទើរភ្លើង របស់កាសែតភ្នំពេញប៉ុស្តិ៍

ពិភពលោកនឹងប្រឈមទៅនឹងការខ្វះខាតស្បៀងអាហារប្រសិនបើមិនប្រែក្លាយ តំបន់ជនបទ ដើម្បីបង្កើនផលិតកម្មស្បៀងអាហារ

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាមាន ប្រសាសន៍ថា ផលិតកម្មស្បៀងនៅទូទាំងពិភពលោក ចាំបាច់ត្រូវបង្កើន ឲ្យបាន៧០% នៅឆ្នាំ២០៥០ ហើយផលិតអាហារត្រូវ ឲ្យបានជិតទ្វេដងដោយប្រទេសកំពុងអភិវឌ្ឍ ដើម្បីចិញ្ចឹមប្រជាជនចំនួន ៩ពាន់លាននាក់ ដែលនឹងរស់នៅលើផែនដី នាពេលនោះ។ ការងារនេះត្រូវអនុវត្តឲ្យបាន បើទោះបីជា ដីបង្កបង្កើនផលក្នុងពិភពលោកអាចកើនឡើងបានប្រមាណ៥% និងនៅក្នុងប្រទេសកំពុងអភិវឌ្ឍអាចកើនឡើង បាន១២%។ ប្រសិនបើនិន្នាការនេះនៅតែបន្តកើតឡើង នៅឆ្នាំ២០៥០ តំបន់អាស៊ី នឹងមានប្រជាជនប្រហែល៥០% នៃប្រជាជនពិភពលោក ដែលកំពុងជួបប្រទះនូវភាពអត់ឃ្លាន។

នេះជាការបញ្ជាក់ របស់សម្តេចតេជោ នៅក្នុងឱកាសបើកសិក្ខាសាលា «ការប្រែក្លាយតំបន់ជនបទ៖ ចក្ខុវិស័យជាយុទ្ធសាស្ត្រសំរាប់តំបន់អាស៊ីប៉ាស៊ីហ្វិក នាព្រឹកថ្ងៃទី០២ ធ្នូ នៅសណ្ឋាគារបុរីអង្គរ នៃខេត្តសៀមរាប។ សិក្ខាសាលាដែលមាន អ្នកជំនាញផ្នែកអភិវឌ្ឍន៍ជនបទ មកពីមូលនិធិអន្តរជាតិសំរាប់ការអភិវឌ្ឍកសិកម្ម IFAD និងរដ្ឋមន្ត្រីដែលអញ្ជើញ មកពីតំបន់អាស៊ី ជាង២០០នាក់ បានជួបជុំគ្នាដើម្បីពិភាក្សាអំពីផែនការ ក្នុងការប្រែក្លាយជនបទក្រីក្រ និងការលើកកំពស់ជីវភាពរស់នៅរបស់ប្រជាជននៅជនបទ។

សម្តេចតេជោ ហ៊ុន សែន បានសង្កត់ធ្ងន់ថា មានតែការប្រែក្លាយតំបន់ជនបទទេ គឺជាចំលើយសម្រាប់ការដោះស្រាយបញ្ហាប្រឈមជាច្រើន ក្នុងការឆ្លើយតប ទៅនឹង កង្វះស្បៀង អាហារនាពេលអនាគត។ កសិករខ្នាតតូច គឺជាអ្នកចូលរួមចំណែក គន្លឹះក្នុងការធានា សន្តិសុខពិភពលោក និងជាអ្នកចូលរួមថែរក្សាការពារធនធានធម្មជាតិ ក៍ដូចជាជីវចម្រុះរបស់ជាតិ និងការកាត់បន្ថយការប្រែប្រួលអាកាសធាតុ។ កសិករខ្នាតតូច គឺជាអ្នកជំរុញការអភិវឌ្ឍសេដ្ឋកិច្ច និងសង្គម នៅជនបទឲ្យមានដំណើរការ ឆ្ពោះទៅមុខ។ សម្តេចតេជោ បន្តថា ការវិនិយោគទៅលើ វិស័យកសិកម្ម ពិសេសលើ កសិករខ្នាតតូច មិនត្រឹមថែមទាំងបានបង្កើតការងារធ្វើជូនប្រជាជន ផងដែរ។ សំរាប់កម្ពុជាវិញ រាជរដ្ឋាភិបាលបាននឹងកំពុងបោះជំហានឆ្ពោះទៅរកការប្រែក្លាយតំបន់ជនបទឲ្យកាន់តែប្រសើរឡើងនៅគ្រាដែលកម្ពុជាធ្លាប់ជាប្រទេសមានអត្រាភាពក្រីក្រ ខ្ពស់ និងអសន្តិសុខស្បៀង ក្លាយជាប្រទេសដែលនាំចេញស្បៀង និងសំរេចបាន នូវកំណើនសេដ្ឋកិច្ចខ្ពស់ក្នុងរយៈពេលមួយទសវត្សនេះ។ កម្ពុជាមានបំណងប្រាថ្នាប្រែក្លាយទៅជាប្រទេសមានចំណូល មធ្យមកម្រិតខ្ពស់នៅឆ្នាំ២០៣០ ហើយឈានឡើង ទៅជាប្រទេសមានចំណូលខ្ពស់ក្នុង ឆ្នាំ២០៥០។ នេះជាការគូសបញ្ជាក់របស់សម្តេច តេជោ នាយករដ្ឋមន្ត្រី។

យោងតាមការស្រាវជ្រាវរបស់ IFAD បង្ហាញថា នៅតំបន់អាស៊ីប៉ាស៊ីហ្វិក មានប្រជាជនពីរភាគបី នៃប្រជាជនក្រីក្រក្នុងពិភពលោក កំពុងរស់នៅ (ប្រមាណ៧៥០លាននាក់) និងមានប្រជាជន ពីរភាគបី នៃប្រជាជនក្នុងពិភពលោក ប្រមាណ៥៦៨លាននាក់ ដែលខ្វះអាហារូបត្ថម្ភ និងជួបគ្រោះទុរភិក្ស។ ប្រសិនបើនិន្នាការនេះនៅតែបន្តកើតឡើង នៅឆ្នាំ២០៥០ តំបន់អាស៊ី នឹងមានប្រជាជនប្រហែល៥០% នៃប្រជាជនពិភពលោក ដែលកំពុងជួប ប្រទះនូវភាពអត់ឃ្លាន។

គួរបញ្ជាក់ថា មូលនិធិអន្តរជាតិសំរាប់អភិវឌ្ឍន៍កសិកម្ម បានវិនិយោគច្រើនបំផុត ក្នុងតំបន់អាស៊ី ប៉ាស៊ីហ្វិក លើការអភិវឌ្ឍកសិកម្ម ជំរុញការបង្កើនសន្តិសុខស្បៀង បើធៀបទៅនឹងតំបន់ផ្សេងទៀត។ បច្ចុប្បន្ន មូលនិធិអន្តរជាតិសំរាប់អភិវឌ្ឍន៍កសិកម្មបានវិនិយោគថវិកា ចំនួន ១,៨ពាន់ លានដុល្លារ អាមេរិក ក្នុងប្រទេសចំនួន ១៩ នៅក្នុងតំបន់អាស៊ីប៉ាស៊ីហ្វិក ដែលផ្តល់ផលប្រយោជន៍ដល់ប្រជាជននៅជនបទជិត ២០លាននាក់ ។ ចាប់តាំងពីបង្កើតឡើងនៅឆ្នាំ១៩៧៨ មូលនិធិអន្តរជាតិសំរាប់អភិវឌ្ឍន៍កសិកម្ម បានវិនិយោគ ៥ពាន់លានដុល្លារអាមេរិក នៅក្នុងប្រទេសចំនួន ២៥នៅតំបន់ អាស៊ីប៉ាស៊ីហ្វិក ដែលបានផ្តល់ផលប្រយោជន៍ដល់កសិករចំនួន ១៤៥លាននាក់៕

គោលនយោបាយរបស់រាជរដ្ឋាភិបាលកម្ពុជា គឺបន្តអាទិភាពការងារអភិវឌ្ឍជនបទ រហូតដល់ភាពក្រីក្រត្រូវបានលុបបំបាត់ទាំងស្រុង

សម្ដេចអគ្គមហាសេនាបតីតេជោ ហ៊ុន សែន នាព្រឹកថ្ងៃទី២ ខែធ្នូ ឆ្នាំ២០១៤ បានប្រកាសឲ្យដឹងអំពីគោលនយោបាយរបស់រាជរដ្ឋាភិបាលកម្ពុជា ដោយចាត់ទុកការងារ អភិវឌ្ឍជនបទ ជាឤទិភាពមួយ សំដៅចាប់ច្បាមយកនូវកាលានុវត្តភាព សម្រាប់លុបបំបាត់ភាពក្រីក្រ ហើយឤទិភាពនេះនៅតែបន្តរហូតដល់តំបន់ជនបទត្រូវបានអភិវឌ្ឍ ហើយភាពក្រីក្រ ត្រូវបានលុបបំបាត់ទាំងស្រុង ។

ថ្លែងក្នុងពិធីបើកសិក្ខាសាលាថ្នាក់តំបន់ សហការរៀបចំធ្វើនៅទីក្រុងសៀមរាប ដោយក្រសួងកសិកម្មរុក្ខាប្រមាញ់ និងនេសាទ និងមូលនិធិអន្តរជាតិសម្រាប់អភិវឌ្ឍន៍កសិកម្ម (IFAD) ដែលប្រធានបទផ្ដោតលើ «ការប្រែក្លាយតំបន់ជនបទ៖ ចក្ខុវិស័យជាយុទ្ធសាស្ត្រ សម្រាប់តំបន់អាស៊ីប៉ាស៊ីហ្វិក»។

ដើម្បីជាធាតុចូលសម្រាប់អង្គសិក្ខាសាលា ដែលមានអ្នកជំនាញផ្នែកអភិវឌ្ឍន៍ជនបទជាង ២០០នាក់ ដែលក្នុងនោះមានរួមទាំងអ្នកជំនាញមកពីមូលនិធិអន្តរជាតិ សម្រាប់អភិវឌ្ឍន៍កសិកម្ម (IFAD) ផង សម្ដេចតេជោនាយករដ្ឋមន្ត្រី បានផ្ដល់អនុសាសន៍សំខាន់ ៤ចំណុច ដែលរួមមាន៖

ទី១, ចាំបាច់ត្រូវរិះរកវិធានការបន្តលើកកម្ពស់កំណើនសេដ្ឋកិច្ច និងការបង្កើតការងារនៅតំបន់ជនបទទាំងក្នុង និងក្រៅវិស័យកសិកម្មជាពិសេសសម្រាប់ក្រុមយុវជន។ ក្នុងនោះត្រូវធានាឱ្យបាននូវការតភ្ជាប់គ្នាឱ្យសកម្មរវាងតំបន់ជនបទ និងទីក្រុងដោយផ្តោតការវិនិយោគលើហេដ្ឋារចនាសម្ព័ន្ធ ថាមពល និងបង្កើននូវលំហូរ នៃទំនិញចំណេះដឹងបច្ចេកវិទ្យា និងហិរញ្ញវត្ថុចូលទៅក្នុងតំបន់ជនបទ។

ទី២, ចាំបាច់ត្រូវធ្វើឱ្យប្រសើរឡើងនូវរបៀបវារៈ ដែលអាចឱ្យប្រជាជនជនបទមានលទ្ធភាព ទទួលបានធនធានចាំបាច់ និងកសាងសមត្ថភាពរបស់ខ្លួនសំដៅជំរុញឱ្យមានការផ្លាស់ប្តូរឆ្ពោះទៅរកការអភិវឌ្ឍជនបទប្រកបដោយចីរភាព។

ទី៣, ចាំបាច់ត្រូវពិនិត្យលើកសិកម្មខ្នាតតូច នៅតាមជនបទសម្រាប់ធានាសន្តិសុខស្បៀង និងអាហារូបត្ថម្ភទាំងក្នុងតំបន់ និងពិភពលោក។ កសិកម្មគ្រួសារខ្នាតតូចមាន តួនាទីស្នូលក្នុងកិច្ចអភិវឌ្ឍជនបទជាទម្រង់កសិកម្ម ដែលមានលក្ខណៈគ្របដណ្តប់នៅក្នុងវិស័យផលិតកម្មស្បៀងអាហារ ហើយក្នុងខណៈពេលដែលការកើនឡើងនៃតម្រូវការនៃអាហារ និងបង្កើនកាលានុវត្តភាពគ្រួសារកសិករ និងបង្កើនសកម្មភាពធុរកិច្ច។ ក្នុងបរិការនេះ យើងចាំបាច់ត្រូវរិះរកវិធីជួយកសិករឱ្យទទួលបាននូវសិទ្ធិប្រើប្រាស់ធនធានធម្មជាតិទទួលបានសេវាប្រកបដោយផលិតភាពដូចជាហិរញ្ញវត្ថុ និងទីផ្សារជាដើម។ ទន្ទឹមនេះយើងចាំបាច់ត្រូវជំរុញការងារវិនិយោគឯកជនឱ្យទៅដល់ជនបទ ក្នុងន័យពង្រីកទីផ្សារកសិផលរបស់ប្រជាជនផង និងការរួមចំណែកប្រែក្លាយតំបន់ ជនបទផង។

ទី៤, ចាំបាច់ត្រូវលើកកម្ពស់ភាពធន់ របស់គ្រួសារក្រីក្រនៅជនបទ។ ព្រោះថា ប្រជាជន នៅជនបទងាយទទួលរងគ្រោះទៅនឹងការប្រែប្រួលអាកាសធាតុធ្ងន់ធ្ងរភ្លាមៗដែលរុញច្រានឱ្យពួកគាត់ធ្លាក់ចូលទៅក្នុងភាពក្រីក្រ ឬបង្កឱ្យពួកគាត់ស្ថិតនៅក្នុងអន្ទាក់ នៃភាពក្រីក្រ ដោយសារពួកគាត់មិនអាចចាប់បាននូវកាលានុវត្តភាពថ្មីៗភ្លាមៗនោះទេ ។ ទាក់ទងចំណុចនេះ សម្តេចតេជោនាយករដ្ឋមន្ត្រីបានមានប្រសាសន៍បញ្ជាក់ឲ្យដឹងអំពីវិធានការដែលត្រូវប្រកាន់យក ដូចជា៖

-១, ការផ្តល់ការលើកទឹកចិត្តដល់ការវិនិយោគដែលជួយកាត់បន្ថយភាពងាយរងគ្រោះទៅនឹងការប្រែប្រួលធ្ងន់ធ្ងរភ្លាមៗ ដូចជាតាមរយៈការកសាងហេដ្ឋារចនាសម្ព័ន្ធដែលធន់ទៅនឹងការប្រែប្រួលអាកាសធាតុ។

-២, ការផ្តល់ទំនិញ និងសេវាសាធារណៈដែលកាត់បន្ថយឥទ្ធិពលអវិជ្ជមាននៃការប្រែប្រួលធ្ងន់ធ្ងរភ្លាមៗ ឬតាមរយៈការពង្រឹងសមត្ថភាពក្នុងការគ្រប់គ្រងហានិភ័យរួមមាន ការផ្តល់សេវាអប់រំ និងការគាំពារសង្គម។

-៣, ជំរុញទីផ្សារឲ្យមានដំណើរការល្អ និងធានាបាននូវអភិបាលកិច្ចល្អ។ កិច្ចការនេះទាមទារឱ្យមានកិច្ចសហប្រតិបត្តិការក្នុងចំណោមគ្រប់តួអង្គនៅគ្រប់កម្រិត។ ក្នុងន័យនេះកិច្ចអន្តរាគមន៍ដូចជា ការជួយឱ្យកសិករអាចពឹងផ្អែកលើខ្លួនឯង និងមានទម្លាប់សហការគ្នាអាចជាការអនុវត្តល្អបំផុតមួយ នាំមកនូវផលប្រយោជន៍សម្រាប់ទាំងអស់គ្នា។

សម្តេចអគ្គមហាសេនាបតីតេជោ ហ៊ុន សែន បានមានប្រសាសន៍បញ្ជាក់បន្ថែមថា៖ ការប្រែក្លាយតំបន់ជនបទឱ្យមានភាពរឹងមាំ និងប្រកបដោយចីរភាព គឺត្រូវផ្តោតសំខាន់ លើការងារនៃវិស័យកសិកម្ម,សុខាភិបាល, អប់រំ, ហេដ្ឋារចនាសម័ន្ធ, ធនធានទឹក, បរិស្ថាន និងវិស័យឯកជន។ ការងារទាំងនេះ នឹងធានាបង្កើតឡើងនូវកាលានុវត្តភាព ថ្មីៗ ដល់ប្រជាជននៅជនបទ ជាពិសេសការបង្កើតបាននូវសំណាញ់សុវត្ថិភាព និងការបង្កើតនូវក្បាលម៉ាស៊ីនថ្មីជួយអូសកំណើនសេដ្ឋកិច្ចគ្រួសាររបស់ប្រជាពលរដ្ឋនៅជនបទផងដែរ។ ជាក់ស្តែងការវិនិយោគទៅលើវិស័យកសិកម្ម និងការផ្តោតទៅលើកសិករខ្នាតតូចមិនត្រឹមតែជាកត្តាចាំបាច់សម្រាប់ធានាសនិ្តសុខស្បៀងប៉ុណ្ណោះទេ ប៉ុន្តែថែមទាំងបានបង្កើតការងារជូនប្រជាជន ដែលជាកត្តារួមចំណែកដល់ការអភិវឌ្ឍជនបទ, ភាពសុខដុមរមនា និងជួយប្រជាជននៅជនបទឱ្យចាកផុតពីភាពក្រីក្រទៀតផង។

សម្ដេចតេជោនាយករដ្ឋមន្ត្រីបានមានប្រសាសន៍រំលឹកជាថ្មីទៀតថា៖ ការប្រែក្លាយតំបន់ជនបទនេះ គឺជាការងារដែលកម្ពុជាតែងបានយកចិត្តទុកដាក់ខ្ពស់ជាប់ជាប្រចាំមិនមែនតែក្នុងន័យ នៃការកាត់បន្ថយភាពក្រីក្រ និងការទប់ស្កាត់បញ្ហាប្រឈមនានានៅទីជនបទប៉ុណ្ណោះទេ ប៉ុន្តែថែមទាំងជាការថែរក្សាកោសិការដ៏សំខាន់របស់សង្គមដែលជាជង្រុកនៃវប្បធម៌ដ៏សម្បូណ៌បែប និងជាអត្តសញ្ញាណមួយ របស់កម្ពុជាទៀតផង។

ឯកឧត្តម អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ឲ្យដឹងថា ក្នុងរយៈពេលបីថ្ងៃ ពីថ្ងៃទី២ ដល់ថ្ងៃទី៤ ខែធ្នូ ឆ្នាំ២០១៤ សិក្ខាសាលាថ្នាក់តំបន់នេះនឹងដាក់ចេញនូវយុទ្ធសាស្ត្រ ដើម្បីប្រែក្លាយតំបន់ជនបទទៅជាសហគមន៍សេដ្ឋកិច្ចរស់រវើក និងរៀបចំដាក់ចេញនូវផែនការសកម្មភាពច្បាស់លាស់សម្រាប់ IFAD ក៏ដូចជាដៃគូ និងប្រទេសជាសមាជិក។

សិក្ខាសាលានេះ ត្រូវបានចូលរួមពីអ្នកជំនាញ ផ្នែកអភិវឌ្ឍន៍ជនបទ ជាង ២០០ នាក់ ដែលក្នុងនោះរួមមាន អ្នកជំនាញមកពីមូលនិធិអន្តរជាតិ សម្រាប់អភិវឌ្ឍន៍កសិកម្ម ផងដែរ (IFAD) បានជួបប្រជុំជាមួយរដ្ឋមន្ត្រី ដែលអញ្ជើញមកពីតំបន់អាស៊ី នៅថ្ងៃទី២ ខែធ្នូ ឆ្នាំ ២០១៤ នៅសណ្ឋាគារបុរីអង្គរ ខេត្តសៀមរាប។

លោក ចន មើរី ម៉ាកឃិនថាយ នាយករងIFAD បានមានប្រសាសន៍គូសបញ្ជាក់ថា៖ "វិស័យកសិកម្មនៅតែជាជម្រើសដ៏ប្រសើរបំផុត ក្នុងការបង្កើនប្រាក់ចំណូល នៅជនបទក្នុងតំបន់អាស៊ីប៉ាស៊ីហ្វិក។ ប៉ុន្តែការខ្វះខាត ក្នុងការទទួលបាននូវបច្ចេកវិទ្យា និងកាលានុវត្តភាព ក្នុងការវិនិយោគ ប្រកបដោយនិរន្តភាព ធ្វើឲ្យប្រជាជនជនបទលំបាកក្នុង ការលើកកម្ពស់ជីវភាពរស់នៅ របស់ពួកគាត់”។

មូលនិធិអន្តរជាតិសម្រាប់អភិវឌ្ឍន៍កសិកម្ម បានវិនិយោគច្រើនបំផុត ក្នុងតំបន់អាស៊ីប៉ាស៊ីហ្វិក បើប្រៀបធៀបទៅនឹងតំបន់ផ្សេងទៀត។ បច្ចុប្បន្ន មូលនិធិអន្តរជាតិ សម្រាប់អភិវឌ្ឍន៍កសិកម្ម បានវិនិយោគថវិកា ចំនួន ១,៨ ពាន់លានដុល្លារអាមេរិក ក្នុងប្រទេសចំនួន ១៩ នៅក្នុងតំបន់អាស៊ីប៉ាស៊ីហ្វិក ដោយផ្តល់ផលប្រយោជន៍ ដល់ប្រជាជននៅក្នុងតំបន់ជនបទ ជិត ២០ លាននាក់ ។

ចាប់តាំងពីបានបង្កើតឡើង នៅឆ្នាំ ១៩៧៨ មូលនិធិអន្តរជាតិ សម្រាប់អភិវឌ្ឍន៍កសិកម្ម បានវិនិយោគ ៥ ពាន់លានដុល្លារអាមេរិក នៅក្នុងប្រទេសចំនួន ២៥ នៅតំបន់អាស៊ីប៉ាស៊ីហ្វិក និងផ្តល់ផលប្រយោជន៍ ដល់កសិករ ចំនួន ១៤៥ លាននាក់។

យោងតាមគោលនយោបាយសង្ខេបរបស់ IFAD ដែលបានចេញក្នុងឆ្នាំ២០១៤ បង្ហាញថា ទីប្រជុំជននៅក្នុងតំបន់បន្តអភិវឌ្ឍន៍យ៉ាងលឿន ក្នុងខណៈដែលតំបន់ជនបទទទួលរងគ្រោះពីឥទ្ធិ ពលនៃការធ្វើចំណាកស្រុករបស់ប្រជាជនទៅកាន់ទីប្រជុំជន ការខ្វះហេដ្ឋារចនាសម្ព័ន្ធទំនើប និងសេដ្ឋកិច្ចមិនមានការរីកចម្រើន។ កំណើនវិសមភាពលើប្រាក់ចំណូលរវាងតំបន់ប្រជុំជន និងជនបទអាចនាំឱ្យប្រទេសទាំងនេះ ជួបប្រទះហានិភ័យនៃវិបត្តិសង្គម និងអស្ថិរភាពនយោបាយ។ មូលនិធិអន្តរជាតិសម្រាប់អភិវឌ្ឍន៍កសិកម្មបានវិនិយោគច្រើនបំផុត ក្នុងអាស៊ីប៉ាស៊ីហ្វិកបើប្រៀបធៀប ទៅនឹងតំបន់ផ្សេងទៀត។

បច្ចុប្បន្នមូលនិធិនេះ បានវិនិយោគថវិកា១,៨ ពាន់លានដុល្លារអាមេរិក ក្នុងប្រទេសចំនួន១៩ នៅក្នុងតំបន់អាស៊ីប៉ាស៊ីហ្វិកដោយផ្តល់ប្រយោជន៍ដល់ប្រជាជននៅជនបទជិត ២០លាននាក់។

ទាក់ទងនឹងបញ្ហាតំបន់ និងពិភពលោក សម្ដេចអគ្គមហាសេនាបតីតេជោ ហ៊ុន សែន បានលើកឡើងជាអនុសាសន៍ថា ផលិតកម្មស្បៀងនៅទូទាំងពិភពលោកចាំបាច់ត្រូវបង្កើនឱ្យ បាន៧០ភាគរយនៅឆ្នាំ២០៥០ហើយ ផលិតផលអាហារត្រូវផលិតឱ្យបានជិតទ្វេដងដោយប្រទេសកំពុងអភិ វឌ្ឍន៍ដើម្បីចិញ្ចឹមប្រជាជនចំនួន៩ ពាន់លាននាក់ដែលរស់នៅលើផែនដីនាពេលនេះ។ ការងារនេះ ត្រូវតែអនុវត្តឱ្យបានបើទោះបីជាដីបង្កបង្កើនផលក្នុងពិភពលោកអាចកើនឡើងប្រមាណ ៥ភាគរយ និងនៅក្នុងប្រទេសកំពុងអភិវឌ្ឍន៍ អាចកើនឡើងចំនួនប្រមាណ១២ ភាគរយ។

សម្តេចតេជោបានធ្វើការនិទស្សន៍ថា ប្រសិនបើនិន្នាការនាពេលបច្ចុប្បន្ននេះ នៅតែបន្តនោះចំនួនប្រមាណ៥០ ភាគរយនៃប្រជាជននៅក្នុងពិភពលោកដែលប្រឈមនឹងភាពអត់ឃ្លានត្រូវបានព្យាករណ៍ថា នឹងស្ថិតនៅក្នុងទ្វីបអាស៊ីនៅឆ្នាំ២០៥០ខាងមុខ៕