លិខិតមិត្តអ្នកអាន៖ អ្នកនយោបាយក្បត់ជាតិ ជួបតែបរាជ័យទាំងក្នុងស្រុកនិងក្រៅស្រុក

ស្របពេលដែលមេដឹកនាំពិភពលោកជាច្រើន បានសាទរចំពោះការជាប់ឆ្នោតរបស់លោក ដូណាល់ ត្រាំ ជាប្រធានាធិបតី សហរដ្ឋអាមេរិកទី៤៧ ហើយសូម្បីតែបេក្ខជនប្រកួតប្រជែងខាងគណបក្សប្រជាធិបតេយ្យ លោកស្រី ហារីស និងប្រធានាធិបតីកាន់តំណែង លោក ចូ បៃដិន ក៏បានទូរស័ព្ទទៅលោកត្រាំដើម្បីទទួលស្គាល់លទ្ធផលនៃការបោះឆ្នោត និងអបអរសាទរអ្នកសាធារណរដ្ឋរូបនេះផងដែរ ថែមទាំងអញ្ជើញទៅសេតវិមានដើម្បីពិភាក្សាគ្នាពីការផ្ទេរអំណាចទៀតផង ប៉ុន្តែអ្នកនយោបាយប្រឆាំងចាស់វស្សា ដែលមានឈ្មោះជាទណ្ឌិតរត់ចោលគុក សម រង្ស៊ី មិនត្រឹមតែមិនទទួលស្គាល់ពីភាពបរាជ័យរបស់ខ្លួននៅក្នុងការបោះឆ្នោតដែលចាញ់ជាបន្តបន្ទាប់នោះទេ ថែមទាំងស្រែកឡាំប៉ាធ្វើកុប្បកម្មហិង្សាប្រឆាំងនឹងលទ្ធផលនៃការបោះឆ្នោតថែមទៀតផង។ អ្វីដែលទណ្ឌិតរូបនេះបានធ្វើកន្លងមកនេះ គឺគោលបំណងចង់ផ្តួលរំលំរាជរដ្ឋាភិបាលស្របច្បាប់ដែលកើតឡើងពីប្រជាជនច្រើនលើសលប់ផ្តល់ការគាំទ្រ។ តើមានមូលហេតុអ្វីខ្លះបានជាទណ្ឌិតក្បត់ជាតិរូបនេះ មិនព្រមទទួលស្គាល់បរាជ័យរបស់ខ្លួនខុស ហើយនៅតែបន្តមួលបង្កាច់លើរាជរដ្ឋាភិបាលកម្ពុជា? ក្នុងនាមជាអ្នកតាមដានស្ថានការណ៍នយោបាយនៅកម្ពុជាមួយរូប ខ្ញុំយល់ឃើញថា ការមិនព្រមទទួលស្គាល់បរាជ័យម្តងហើយម្តងទៀត របស់ជនក្បត់ជាតិ សម រង្ស៊ី ក៏ដោយសារជនក្បត់ជាតិរូបនេះចងគំនុំនឹងរាជរដ្ឋាភិបាល ដែលបានបកអាក្រាតស្បែកមុខដ៏អាក្រក់ជូរជាតិរបស់ខ្លួន ក្នុងផែនការផ្តួលរំលំរដ្ឋអំណាចស្របច្បាប់ដោយហិង្សា និងចង់ទាញប្រទេសជាតិធ្លាក់ក្នុងស្ថានភាពវឹកវរចលាចល។ ប្រវត្តិរបស់ទណ្ឌិតក្បត់ សម រង្ស៊ី គឺជននេះមានឈាមជ័យក្បត់ជាតិ តាំងពីជំនាន់ជីតា រហូតដល់ឪពុករបស់ខ្លួន ដែលបានធ្វើនយោបាយក្បត់ជាតិ សាសនា ព្រះមហាក្សត្រ ដូច្នេះហើយ បានជាការធ្វើនយោបាយប្រឆាំងរបស់ សម រង្ស៊ី កន្លងមកបន្តមរតកក្បត់ជាតិ បង្កប់ដោយគំនុំសងសឹក និងរិះរកគ្រប់មធ្យោបាយដើម្បីបំផ្លិចបំផ្លាញផលប្រយោជន៍ជាតិ និងប្រជាជនកម្ពុជា។ ជាក់ស្តែង ទណ្ឌិតក្បត់ជាតិរូបនេះ តែងតែធ្វើការប្រមាថអង្គព្រះមហាក្សត្រ ថ្នាក់ដឹកនាំរាជរដ្ឋាភិបាល ញុះញង់ប្រជាពលរដ្ឋនិងកងកម្លាំងប្រដាប់អាវុធឱ្យងើបបះបោរ ដើម្បីធ្វើយ៉ាងណាឱ្យប្រទេសជាតិ ធ្លាក់ចុះក្នុងសង្រ្គាមចលាចលវឹកវរ ប្រជាជនរងទុក្ខវេទនា ដែលជាគោលបំណងដែលគេចង់បាន។ កន្លងមកទណ្ឌិតក្បត់ជាតិ៣ជំនាន់រូបនេះ បានធ្វើនយោបាយមួលបង្កាច់បង្ខូចកិត្តិយសប្រទេសកម្ពុជា និងបានអំពាវនាវឱ្យអន្តរជាតិដាក់សម្ពាធមកលើកម្ពុជា កុំឱ្យបរទេសផ្តល់ជំនួយដល់កម្ពុជា និងមិនឱ្យបរទេសទិញទំនិញពីកម្ពុជាជាដើម។ ទង្វើទាំងអស់នេះ គឺជាការបំផ្លាញផលប្រយោជន៍ជាតិនិងប្រជាជនកម្ពុជា របស់អ្នកនយោបាយប្រឆាំងរូបនេះ ដែលផ្ទុយខុសពីអ្នកនយោបាយប្រឆាំងនៅក្នុងបណ្តាប្រទេសនានា ដែលគេមិនហ៊ានបំផ្លាញផលប្រយោជន៍ជាតិគេនោះឡើយ បើទោះបីគេចង់ឈ្នះយ៉ាងណាក៏ដោយ ក៏គេគិតពីផលប្រយោជន៍ជាតិគេជាធំផងដែរ។ ពាក់ព័ន្ធនឹងការក្រាញននៀលក្នុងឆាកនយោបាយ មិនព្រមឈប់ចងកម្មពារនឹងកម្ពុជានេះដែរ ត្រូវបានគេមើលឃើញថា ដោយសារតែ ទណ្ឌិត សម រង្ស៊ី ចង់បានលាភសក្ការៈ ពីអ្នកងប់ងុលគាំទ្រខ្លួន តាមរយៈការរៀបចំជាព្រឹត្តិការណ៍ជួបជុំ ដើម្បីប្រមូលប្រាក់ដាក់ហោប៉ៅ និងចែកគ្នីគ្នារបស់ខ្លួន ដើម្បីបានបន្តបម្រើនយោបាយបំផ្លាញកម្ពុជាបន្តទៅទៀត។ ជាក់ស្តែង ការប្រកាសបង្កើតរដ្ឋាភិបាលនិរទេសនៅក្រៅប្រទេសនេះដែរ ក៏ត្រូវបានគេមើលឃើញថា ជាមូលហេតុមួយដើម្បីប្រមូលលុយដាក់ហោប៉ៅផងដែរ។ នេះមិនមែនជាលើកទី១នោះទេ ដែលទណ្ឌិតក្បត់ជាតិរូបនេះ បានប្រកាសបង្កើតចលនាតស៊ូ រដ្ឋាភិបាលស្រមោល និងមូលនិធិផ្សេងៗ ប៉ុន្តែជាក់ស្តែងមិនដែលទទួលបានជោគជ័យអ្វីពីសកម្មភាពទាំងនោះទេ ក្រៅតែពីប្រមូលលុយដាក់ហោប៉ៅផ្ទាល់ខ្លួន យកទៅចាយវាយហ៊ឺហារតែប៉ុណ្ណោះ។ ទណ្ឌិតក្បត់ជាតិ សម រង្ស៊ី គឺជាអ្នកនយោបាយ ដែលគ្មានតម្លៃសម្រាប់ប្រជាជនកម្ពុជា ដោយសារតែការធ្វើនយោបាយញុះញង់ បង្កចលាចលសង្គមគ្រប់រូបភាព បំផ្លាញផលប្រយោជន៍ជាតិនិងប្រជាជន ដើម្បីតែបម្រើមហិច្ឆិតាគំនុំសងសឹកផ្ទាល់ខ្លួន។ ដោយសារមើលឃើញពីនយោបាយទុច្ចរិតបែបនេះហើយ ទើបធ្វើឱ្យអ្នកគាំទ្រដើរចេញជាបន្តបន្ទាប់ ហើយជនក្បត់ជាតិរូបនេះ តែងតែជួបបរាជ័យជានិច្ចទាំងនៅក្នុងស្រុក និងក្រៅស្រុក។ ជីវិតចុងក្រោយរបស់ទណ្ឌិត សម រង្ស៊ី នឹងក្លាយទៅជាអ្នកនយោបាយស្ពាយឈ្មោះក្បត់ជាតិ បំផ្លាញជាតិខ្មែរ នៅក្នុងប្រវត្តិសាស្រ្ត៕ 

 ដោយ៖ មាន មេត្តា

លិខិតមិត្តអ្នកអាន ៖ មហាជនផ្ទុះងើបសំពងក្បាលពួកទូរទស្សន៍មនសិការដែលមានចរិតពាលអសីលធម៌

ក្នុងរយៈពេលថ្មីៗនេះ តាមរយៈទំព័រហ្វេសប៊ុករបស់សម្តេចតេជោ ដែលបានបង្ហោះទម្លាយឲ្យបានដឹង ហើយក៏ដូចជាបើកវាំងននខ្មៅឲ្យមហាជនរួមជាតិបានឃើញ បានដឹងជាទូទៅ នូវចរិតពិត គ្មានភាពថ្លៃថ្នូរ គ្មានសីលធម៌ និងសុជីវធម៌របស់ពួកមួយដំបរស្វា ក្នុងរបស់ដែលហៅថា វេទិកាមនសិការនៃជនពាល ហើយមហាជនទូទៅ ក៏បានដឹងច្បាស់ថា ជាវេទិកាមួយ ដែលមាន សម រង្ស៊ី ជាមេចលនាឧទ្ទាមក្រៅច្បាប់ឈរកាងពីក្រោយយ៉ាងច្បាស់ប្រាកដ។ តើជនពាលម្នាក់នោះ ដែលបានតាំងខ្លួនឯងថា ជាអ្នកសារព័ត៌មានមកពីទូរទស្សន៍មនសិការ នៅពេលហាស្តីឡើង បានរៀបឫក រៀបពាក្យសំដីដោយភាពថ្លៃថ្នូរ មានសីលធម៌ សុជីវធម៌ ពិសេស មានការចេះដឹងក្រមវិជ្ជាជីវៈសារព័ត៌មាន បានត្រឹមត្រូវ ក្នុងកិច្ចបំពេញវិជ្ជាជីវរបស់ខ្លួនឬទេ? សំឡេងឆ្លើយឆ្លងរវាង សម្តេចតេជោ និងជនដែលតាំងខ្លួនជាអ្នកសារព័ត៌មានក្រៅច្បាប់ មកពីទូរទស្ស មនសិការ ដែលមានមូលដ្ឋានៅសហរដ្ឋអាមេរិក ពិតជាបានបង្ហាញឲ្យមហាជនទូទៅបានឃើញនូវចរិតពិតរបស់ក្រុមទូរទស្សន៍បាតផ្សារ បាតសង្គម រស់នៅក្នុងប្រទេសស៊ីវិល័យមួយ ក៏ប៉ុន្តែ សំដីនិយាយជាមួយមនុស្ស ចាស់ម្នាក់ ដូចសត្វធាតុ មិនសមជាពលរដ្ឋថ្លៃថ្នូរនោះទេ។ បើសិនជាអ្នកសារព័ត៌មាន មានវិជ្ជាជីវៈត្រឹមត្រូវ មកពីអង្គភាពសារព័ត៌មានស្របច្បាប់ គឺគេគ្រប់គ្នាបានដឹងបានស្គាល់តួនាទី និងភារកិច្ចត្រឹមត្រូវក្នុងវិជ្ជាជីវច្បាស់លាស់ណាស់ ការណ៍ដែលអ្នកសារព័ត៌មានណាម្នាក់តាំងសំណួរទៅលោកនាយករដ្ឋមន្រ្តី ប្រធានាធិបតី ឬ រដ្ឋមន្រ្តីក្តី គឺសុទ្ធតែជាសំណួរផ្លូវការ ហើយចម្លើយក៏ផ្លូវការ មិននិយាយលេងសើច ឡេបខាយបានទេ។ ហើយវារឹតតែជាកិត្តិយសបំផុត ដែលថ្នាក់ដឹកនាំប្រទេសបានអនុញ្ញាតឲ្យមានការតាំងសំណួរឆ្លើយឆ្លងនោះ។ ផ្ទុយទៅវិញ ជនពាលម្នាក់ដែលបានហៅសុំជួបស្តេចតេជោ នាពេលនោះ វាពិតជាមិនមែន កូនខ្មែរមានពូជអំបូរច្បាស់លាស់ត្រឹមត្រូវ មិនស្គាល់ខ្ពស់ទាប មិនស្គាល់ដំបូក មិនស្គាល់ភ្នំអ្វីសោះឡើយ។ ប្រសិនបើ មនុស្សពេញវ័យធម្មតាទូទៅ អ្នកណាៗ ក៏គេស្គាល់ សម្តេចតេជោ យ៉ាងច្បាស់បំផុត ថាជាអ្នកនយោបាយដែលបានចេញធ្វើការតស៊ូលះបង់អាយុជីវិត ដើម្បីរំដោះប្រជាជនកម្ពុជាឲ្យបានវៀរចាកផុតរបបប្រល័យពូជសាសន៍ខ្មែរក្រហម ក្នុងថ្ងៃ ៧ មករា ឆ្នាំ១៩៧៩។ សម្តេចតេជោ គឺជាឥស្សរជននយោបាយខ្មែរមួយរូប ដែលបានស្វែងរកការបញ្ចប់សង្រ្គាមរវាងខ្មែរនិងខ្មែរជាច្រើនទសវត្សរ៍ ពិសេស សម្តេចតេជោ ជាអ្នកដឹកនាំការចរចាដោយផ្ទាល់ជាមួយអតីតព្រះមហាក្សត្រ សម្តេចព្រះនរោត្តម សីហនុ ព្រះបរមរតនកោដ្ឋ ហើយក៏សម្រេចបាននូវកិច្ចព្រមព្រៀងសន្តិភាព នាទីក្រុងប៉ារីស នៅឆ្នាំ១៩៩១។ ពិសេស បំផុត សម្តេចតេជោ បានដឹកនាំការបង្រួបបង្រួមជាតិខ្មែរចុងក្រោយ តាមរយៈនយោបាយ ឈ្នះ-ឈ្នះ រហូតទទួលបាននូវសុខសន្តិភាព ឯកភាពជាតិ ឯកភាពទឹកដីចាប់ពីងឆ្នាំ១៩៩៨រហូតមក។ ជាការពិត ប្រជាជនកម្ពុជា ពិតជាមានភ័ព្វសំណាង និងដោយក្តីមោទនភាពបំផុត ដែលមាន សម្តេចតេជោ នាសម័យកាលដ៏សំខាន់បំផុត ក្នុងប្រវត្តិសាស្រ្តខ្មែរ ដែលមានរស់ជាតិជូរផង ចត់ផង និងផ្អែមផង ហើយប្រជាជនពិតមានឱកាសមាសរស់នៅក្នុងសុខសន្តិភាព ការអភិវឌ្ឍ ដោយអនុវត្តតាមមាគ៌ាប្រជាធិបតេយ្យយ៉ាងត្រឹមត្រូវបំផុត។ តាមរយៈសំឡេងបែកធ្លាយឆ្លើយឆ្លងនេះ មហាជនខ្មែរទូទៅ ពិតជាមានអារម្មណ៍ផ្ទុះកំហឹង មិនពេញចិត្តនូវការនិយាយស្តីរបស់ជនពាលម្នាក់ ដែលបានតាំងខ្លួនថាជាអ្នកសារព័ត៌មានមកពីទូរទស្សន៍មនសិការរបស់ពួកឧទ្ទាមក្រៅច្បាប់។ អ្នកណាៗក៏បានយលដឹងយ៉ាងច្បាស់ថា វេទិកាមនសិការមានកម្រិតសុទ្ធតែមនុស្សធុនពួកបាតផ្សារ វាគ្រាន់តែជាវេទិកាមនសិការ នៃពួកមួយដំបរស្វា គឺពួកចេះនិយាយ ត្រឹមដោយសំដីមហាឈ្លើយ គ្មានសីលធម៌ សុជីវធម៌ ពិសេសតាំងខ្លួនជាអ្នកសារព័ត៌មាន ក៏ប៉ុន្តែអត់ចេះដឹងក្រមវិជ្ជាជីវៈសារព័ត៌មាន និយាយស្តីច្រង៉េងច្រង៉ាង គ្មានក្បាល គ្មានកន្ទុយ ដូច្នេះហើយ វាមានតែពួកឧទ្ទាមក្រៅច្បាប់មួយដំបរស្វាស្តាប់តែគ្នាឯងប៉ុណ្ណោះ។ និយាយឱ្យចំ វាមិនមិនមែនទូរទស្សន៍មនសិការទេ គឺជាវេទិកាទូរទស្សន៍នៃពួកបាតសង្គម បាតផ្សារ វេទិកានៃពួកឧទ្ទាមក្រៅច្បាប់ វេទិកាអាណាធិបតេយ្យ ស្តាប់បានតែពួកឧទ្ទាមមួយដំបរស្វារសុទ្ធសាធ។ ទូរទស្សន៍នៃពួកជនពាលមួយដំបរស្វា ជាវេទិកានៃពួកអាណាធិបតេយ្យ វេទិកានៃពួកជនពាល និងជាវេទិកានៃពួកគ្មានពូជអំបូរ៕ 

 ដោយ៖ ឡុង បូរិតា

ឯកអគ្គរាជទូតហូឡង់ ប្ដេជ្ញាបន្តពង្រឹងនិងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរឹងមាំថែមទៀត

នាព្រឹកថ្ងៃទី១២ ខែវិច្ឆិកា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម Remco Johannes  an Wijngaarden ឯកអគ្គរាជទូតនៃព្រះរាជាណាចក្រហូឡង់ ប្រចាំកម្ពុជា (ដែលមាននិវេសនដ្ឋាន នៅទីក្រុងបាងកក) ចូលជួបសម្ដែងការគួរសម និងពិភាក្សាការងារ នៅវិមានសន្ដិភាព។ ក្នុងឱកាសនៃជំនួប ឯកឧត្តមឯកអគ្គរាជទូតបានអបអរសាទសម្ដេចបវរធិបតី ដែលត្រូវបានបោះឆ្នោតជ្រើសតាំងជានាយករដ្ឋមន្ត្រីនៃព្រះរាជាណាចក្រកម្ពុជា និងបានវាយតម្លៃខ្ពស់ចំពោះការអភិវឌ្ឍ និងរីកចម្រើន នៅកម្ពុជា ជាពិសេស ការសម្រេចបាននូវកំណើនសេដ្ឋកិច្ច​។ 

ឯកឧត្តមឯកអគ្គរាជទូតបានសម្ដែងនូវការពេញចិត្តចំពោះទំនាក់ទំនងដ៏យូរលង់ និងវឌ្ឍនភាពនៃកិច្ចសហប្រតិបត្តិការរវាងហូងឡង់ និងកម្ពុជា  ព្រមទាំងប្ដេជ្ញាបន្តពង្រឹងនិងពង្រីកកិច្ចសហប្រតិបត្តិការរវាងប្រទេសទាំងពីរឱ្យកាន់តែរឹងមាំថែមទៀត។ ជាការឆ្លើយតប សម្ដេចបវរធិបតីបានសម្ដែងនូវក្ដីសោមនស្សចំពោះទំនាក់ទំនង​ និងកិច្ចសហប្រតិបត្តិការដ៏ល្អប្រសើររវាងកម្ពុជា និងហូឡង់ ព្រមទាំងថ្លែងអំណរគុណចំពោះរាជរដ្ឋាភិបាលនិងប្រជាជនហូឡង់ ដែលបានរួមចំណែកដល់ការអភិវឌ្ឍប្រទេសកម្ពុជា នៅលើវិស័យសំខាន់ៗមួយចំនួន នាពេលកន្លងមក។ សម្ដេចបវរធិបតីបានលើកទឹកចិត្តឯកឧត្តមឯកអគ្គរាជទូតបន្តផ្សារភ្ជាប់ទំនាក់ទំនងជាមួយក្រសួង-ស្ថាប័ននៃរាជរដ្ឋាភិបាលកម្ពុជា ឱ្យកាន់តែជិតស្និទ្ធថែមទៀត ដើម្បីចូលរួមចំណែកលើកកម្ពស់កិច្ចសហប្រតិបត្តិការនៃប្រទេសទាំងពីឱ្យកាន់តែខ្លាំងក្លាថែមទៀត។ 

 សម្ដេចបវរធិបតី និងឯកឧត្តមឯកអគ្គរាជទូតបានកត់សម្គាល់ដោយការពេញចិត្តចំពោះការដាក់ចេញនូវយន្តការពិគ្រោះយោបល់ទេ្វភាគីរវាងក្រសួងការបរទេស​ នៃប្រទេសទាំងពីរ  ដែលចូលរួមចំណែកដល់ការរីកចម្រើននៃកិច្ចសហប្រតិបត្តិការរវាងប្រទេសទាំងពីរ។ សម្តេច​បវរ​ធិបតី​ និង​ឯកឧត្តម​អគ្គរាជទូត​ក៏បាន​ពិភាក្សាអំពីការបន្ត​ពង្រឹង​ និង​ពង្រីក​កិច្ចសហប្រតិបត្តិការរវាង​ប្រទេសទាំងពីរ ជាពិសេសលេីវិស័យពាណិជ្ជកម្ម និងវិនិយោគ​។ 

 សម្ដេចបវរធិបតីបានចែករំលែកជូនឯកឧត្តមឯកអគ្គរាជទូត​ អំពីការដាក់ចេញនូវគោលនយោបាយ​ យន្តការ​ និង​ការលេីកទឹកចិត្តនានា​ ប្រកបដោយភាពទាក់ទាញ និងជាក់ស្ដែងរបស់កម្ពុជា ក្នុងការទាក់ទាញវិនិយោគិនបរទេស ក៍ដូចជាធានានូវ​បរិយាកាស​វិនិយោគ​ និងភាពប្រកួតប្រជែងរបស់កម្ពុជា។ ឯកឧត្តម​អគ្គរាជទូត​ បាន​គូសបញ្ជាក់ថា ក្រុមហ៊ុនឯកជនហូឡង់ដែលកំពុងមានប្រតិបត្តិការនៅកម្ពុជា ក៏ទទួលស្គាល់បរិយាកាសកាន់តែប្រសើរឡើងក្នុងការវិនិយោគនៅប្រទេសកម្ពុជាដែរ ហើយរាជរដ្ឋាភិបាល​ហូឡង់​ នឹងបន្តគាំទ្រ​ក្រុមហ៊ុនឯកជន​ហូឡង់ មកវិនិយោគ​នៅកម្ពុជា​។  សម្ដេចបវរធិបតី និងឯកឧត្តមឯកអគ្គរាជទូតបានផ្លាស់ប្តូ​រយោបល់អំពីបញ្ហាតំបន់និងអន្តរជាតិ​មួយចំនួនផងដែរ៕

បទអត្ថាធិប្បាយ៖ សម រង្ស៊ី នៃនយោបាយដើរជ្រកសុំរណបកាន់តែរងភាពឯកោ

ភ្នំពេញ៖ ការធ្វើនយោបាយរបស់មេខ្លោងក្រុមជ្រុលនិយម សម រង្ស៊ី ត្រូវគេនិយាយថា កំពុងតែស្ថិត ក្នុងសភាពតែងតោលមួយវេលាចុងក្រោយនេះ។ តាមពិតការប្រកាសចង់បង្កើតចលនាតស៊ូ និងការបង្កើតរដ្ឋាភិបាលនិរទេសមួយនៅក្រៅស្រុក គឺជានយោបាយមួយដែលទ័លច្រកតែប៉ុណ្ណោះ។ Fresh Exclusive មានបទអត្ថាធិប្បាយស៊ីជម្រៅជុំវិញបញ្ហានេះ៖ ខណៈថ្ងៃទន្សារបស់មេខ្លោងក្រុមជ្រុលនិយម សម រង្ស៊ី កាន់តែខិតជិតមកដល់ហើយនោះ បុគ្គលក្បត់ជាតិរូបនេះនៅតែបន្តស្រែកព្យាយាមចង់អូសទាញសកម្មជនគាំទ្រឱ្យធ្វើដំណើរទៅកាន់ភពដ៏តែលតោលមួយជាមួយនឹងខ្លួនថែមទៀត។ សម រង្ស៊ី ពេលនេះបានស្រែកប្រកាសចង់បង្កើតចលនាតស៊ូ និងការបង្កើតរដ្ឋាភិបាលនិរទេសមួយនៅក្រៅស្រុក។ *តើសម រង្ស៊ី អាចធ្វើកិច្ចការនេះ បានដែរឬទេ? បើគ្រាន់តែការប្រកាស ដើម្បីតែប្រកាសអត់ប្រយោជន៍នោះ ទណ្ឌិតមេខ្លោងក្បត់ជាតិរូបនេះ នឹងមិនខ្លាចធ្វើនូវអំពើក្បត់ជាតិនេះជាបន្ថែមទៀតទេ ប៉ុន្តែបើមើលពីស្ថានការណ៍ពិភពលោក និងបរិយាកាស នៅជុំវិញ សម រង្ស៊ី នោះវិញគេនឹងឃើញថា អ្វីដែលទណ្ឌិត សម រង្ស៊ី បានប្រកាសនោះ គឺគ្រាន់តែជាការកម្លាចិត្ត ដើម្បីកុំឱ្យសកម្មជនរបស់ខ្លួនមើលឃើញនូវចំណុចខ្សោយរបស់ខ្លួនឯងតែប៉ុណ្ណោះ។ ពេលនេះ ផ្លូវត្រូវដើរនៅចំពោះមុខរបស់មេខ្លោងក្រុមជ្រុលនិយម សម រង្ស៊ី គ្មានឃើញអ្វីក្រៅតែពីភាពតែលតោលគ្មានទីពឹងឡើយក្រៅតែពីការស្រែកកម្លាចិត្តនេះ ដើម្បីកុំឱ្យអ្នកគាំទ្ររបស់ខ្លួនអស់សង្ឃឹមតែប៉ុណ្ណោះ។ សម្តេចតេជោសែន ក្នុងប្រសាសន៍មួយកាលពីខែមករា ឆ្នាំ២០២៤ បានប្រកាសថាសម្តេចនឹងមិនអនុញ្ញាតឱ្យមានចលនាជ្រុលនិយមណាមួយកើតមានឡើងនៅក្នុងប្រទេសកម្ពុជាឡើយ ពីព្រោះវត្តមានរបស់ចលនាជ្រុលនិយម គឺជាអំពើបំផ្លាញជាតិខ្មែរ៖ «បើក្រុមជ្រុលនិយមនៅបន្ត គឺយើងនឹងបន្តឆ្លងកាត់នូវការរំបាកដែលធ្វើឱ្យប្រជាជនអាចហូរឈាមសារជាថ្មីម្តងទៀត។ ក្នុងន័យនេះ ខ្ញុំក៏សុំបញ្ជាក់ទុកជាមុនថា ការផ្តួចផ្តើមគំនិតដែលដើម្បីបង្កើតរដ្ឋាភិបាលនិរទេស នៅក្រៅប្រទេសកំពុងចាប់ផ្តើមហើយ។ ខ្ញុំសុំយកឱកាសនេះ បញ្ជាក់ជូនជាព័ត៌មានសម្រាប់អ្នកក្នុងប្រទេសឱ្យបានជ្រាបថា បក្សណាក៏ដោយ អ្នកណាក៏ដោយ ដែលមានទំនាក់ទំនងជាមួយនឹងរដ្ឋាភិបាល ដែលបង្កើតនៅឯបរទេស ប្រសិនបើកើតឡើងនាពេលខាងមុខ តាមការគ្រោងទុករបស់គេ យើងត្រូវតែកំចាត់ចោលភ្លាម រំសាយចោលភ្លាម នូវអង្គការចាត់តាំងបក្សណាក៏ដោយ ដែលនៅក្នុងប្រទេស។ នេះគឺជារឿងចាំបាច់ដើម្បីធានាការពារ យើងមិនអាចឱ្យពួកមានក្បាលម៉ាស៊ីនជារដ្ឋាភិបាលនៅក្រៅប្រទេស ហើយមានសមាជិកធ្វើសកម្មភាពនៅក្នុងប្រទេសនោះបានទេ។ ដូច្នេះខ្ញុំសុំអំពាវនាវចំពោះរាជរដ្ឋាភិបាល ពិនិត្យពិចារណាលើរឿងនេះ វិសោធនកម្មច្បាប់ទាក់ទងនឹងច្បាប់បង្កើតបក្សនយោបាយ និងច្បាប់ដទៃទៀត ប្រសិនបើពួកគេបង្កើតនូវរដ្ឋាភិបាលនិរទេស។ ខ្ញុំក៏ទទួលបាននូវព័ត៌មាន ដែលពួកគេកំពុងចលនា បង្កើតឡើងរបស់ដែលហៅថា រដ្ឋាភិបាលនិរទេស។ បើអ្នកឯងមាន រដ្ឋាភិបាល យើងក៏មិនអាចទុក គណបក្សនយោបាយឲ្យស្របច្បាប់បានតទៅទៀតដែរ នេះគឺជារឿងដែលយើងចាំបាច់ត្រូវធ្វើ។ យើងត្រូវហ៊ានលះបង់ ត្រូវហ៊ានធ្វើនូវអ្វីៗ ដើម្បីការពារនូវសន្តិភាព សម្រាប់ប្រជាជាតិរបស់យើង។ យើងបានបាត់បង់សន្តិភាពរយ:ពេលវែង យើងទើបមានសន្តិភាពរយ:ពេលជាង២៥ឆ្នាំ យើងមិនខ្លាចនឹងបង់តម្លៃណាក៏ដោយ ដើម្បីនឹងទប់ស្តាត់នូវចរន្តជ្រុលនិយម ដែលបង្កើតឡើងនូវស្ថានភាពគ្រោះថ្នាក់សម្រាប់ប្រទេសជាតិនោះឡើយ»។ តាមពិត សម រង្ស៊ី បានព្យាយាមណាស់ក្នុងការចង់ឱ្យខ្លួនឯងអាចក្លាយជាអាយ៉ងមួយរបស់បរទេសណា ដែលត្រូវការប្រើប្រាស់សន្លឹកបៀរកម្ពុជា ក្នុងគោលបំណងដើរផ្ទុយពីគោលនយោបាយការបរទេសរបស់កម្ពុជាបច្ចុប្បន្ន។ សម រង្ស៊ី ដែលសញ្ជាតិបារាំង ប៉ុន្តែមិនត្រូវបានរដ្ឋាភិបាលបារាំង មើលឃើញថាគាត់ជាអ្នកនយោបាយជួយជាតិឡើយ។ ដូច្នេះដោយសារគ្មានការជួយជ្រោមជ្រែងពីរដ្ឋាភិបាលបារាំងនូវនយោបាយសំគិះរបស់ខ្លួន សម រង្ស៊ី តែងធ្វើដំណើរជាញឹកញាប់ទៅកាន់សហរដ្ឋអាមេរិក ដើម្បីឱ្យគេមើលឃើញថា គាត់មានទំនោរនយោបាយចំពោះរដ្ឋបាលសហរដ្ឋអាមេរិក ប៉ុន្តែឆ្លងកាត់រយៈពេលជិត១០ឆ្នាំរួចមកនេះ សម រង្ស៊ី មិនត្រូវបានសហរដ្ឋអាមេរិកប្រើប្រាស់ជាអាយ៉ងនយោបាយទេ។ *សម រង្ស៊ី ធ្លាប់បង្ហាញនយោបាយសុំរណបចិន តាមពិត សម រង្ស៊ី បាន ដឹងនូវចំណុចខ្សោយរបស់សហរដ្ឋអាមេរិក ដែលមានគោលកាណ៍ខ្លះប្រឆាំងនឹងចិន ដូច្នេះដើម្បីរកការទាក់ទាញនយោបាយអាមេរិកដើម្បីគាំទ្ររូបគាត់បុគ្គល សម រង្ស៊ី តែងព្យាយាមនិយាយអាក្រក់អំពីជាតិខ្មែរ ដោយភ្ជាប់រឿងជាមួយនឹងនយោបាយចិន ដូចជារឿងនៅឈូងសមុទ្ររាម និងសំណង់ព្រែកជីកហ៊្វូណន តេជោ ជាដើម ដើម្បីចង់ឱ្យសហរដ្ឋអាមេរិក ដាក់ទណ្ឌកម្មលើខ្មែរ ឬការប្រើប្រាស់សម រង្ស៊ី ជាសន្លឹកបៀរដើម្បីទុកប្រឆាំង នឹងនយោបាយរាជរដ្ឋាភិបាលកម្ពុជា។ ប៉ុន្តែ សម រង្ស៊ី ស្គាល់សហរដ្ឋអាមេរិក តិចជាងសហរដ្ឋអាមេរិកស្គាល់ក្រយ៉ៅរបស់ សម រង្ស៊ី នោះទៅទៀតពីព្រោះ សម រង្ស៊ី គ្មានតម្លៃអ្វីដែលគេអាចប្រើប្រាស់បានសម្រាប់ការធ្វើនយោបាយទៀតឡើយ ពីព្រោះបុគ្គលនេះ ដើរតែសុំធ្វើជារណបគេរហូតដើម្បីតែនយោបាយល្ងិតល្ងង់ចង់ដឹកនាំប្រទេស។ គេនៅចាំបានថា កាលពីថ្ងៃទី១០ ខែមករា ឆ្នាំ២០១៤ សម រង្ស៊ី នេះក្នុងពេលសម្ភាសន៍ជាមួយទូរទស្សន៍ Phoenix China TV បានធ្លាប់និយាយបង្ហាញនយោបាយរបស់ខ្លួនចង់រណបប្រទេសចិន និងថែមទាំងនិយាយបរិហាដល់សហរដ្ឋអាមេរិកថែមទៀត។ នេះជាតឹកតាងមួយនៃសម្តីរបស់សម រង្ស៊ី ក្នុងពេលសម្ភាសន៍ជាមួយទូរទស្សន៍ចិនកាលពីថ្ងៃទី១០ ខែមករា ឆ្នាំ២០១៤៖ « But we have never received one single dollar from the Western power. They support us intellectually but there also Chinese people who support us. Actually, the CNRP is the ally of China. យើងមិនដែលទទួលបានលុយសូម្បីមួយដុល្លារពីមហាអំណាចខាងលិច។ គេគាំទ្រយើងដោយបញ្ញា ប៉ុន្តែមានតែប្រជាជនចិនទេដែលគាំទ្រយើង។ តាមពិត CNRP គឺជាមិត្តរបស់ចិន»។ សម្តីដែលបង្ហាញការសុំរណបនយោបាយប្រទេសចិននេះទៀត គឺប្រហែលមានតែ សម រង្ស៊ី ម្នាក់នេះតែប៉ុណ្ណោះ ដែលហ៊ាននិយាយដោយឥតអៀនខ្មាសនោះ។ ក្នុងកិច្ចសម្ភាសន៍នាពេលនោះទៀត ដើម្បីចង់ឱ្យសម្តីរបស់ខ្លួនឯងមានទម្ងន់ដោយសារខ្លាចប្រទេសចិន មិនទទួលយកនោះ, សម រង្ស៊ី ថែមទាំងបានសន្យាចិន លើការគាំទ្ររបស់គាត់ចំពោះការគ្រប់គ្រងដែនកោះ Xisha និង Nansha ដែលជាកោះមានវិវាទរវាងចិននិងវៀតណាម ក្នុងទីប្រជុំកោះ Spratly ថែមទៀត។ ចូរស្តាប់សម្តីរបស់គាត់បន្តដែលបាន ប្រាប់ទៅទូរទស្សន៍ចិន Phoenix News៖ «Take just one issue: the CNRP fully support China in the assertion of her sovereignty over the Xisha and Nansha islands in the South China’s sea. This shows that we are not alliance with America because America supports Vietnam. On the contrary, the CPP of Mr. Hun Sen, they are listening, they follow Vietnam’s line, that’s why, they would never fully support China as the CNRP does». គ្រាន់តែមើលឧទាហរណ៍តែមួយក៏បានដឹង៖ CNRP គាំទ្រទាំងស្រុងប្រទេសចិន ក្នុងការអះអាងលើអធិបតេយ្យភាពកោះ Xisha និង Nansha ក្នុងដែនសមុទ្ទចិនខាងត្បូង។ ប្រការនេះបង្ហាញថាយើងមិនមានជាសម្ព័ន្ធមិត្តជាមួយអាមេរិកាំងទេ ពីព្រោះអាមេរិកាំង គាំទ្រវៀតណាម។ ផ្ទុយពីនេះទៀត, គណបក្ស CPP របស់លោកហ៊ុនសែន គឺជាគណបក្សដែលស្តាប់ និងធ្វើតាមខ្សែបន្ទាត់វៀតណាម។ ហេតុដូច្នេះហើយ ពួកគេមិនដែលគាំទ្រចិនពេញលេញដូច CNRP ធ្វើនោះទេ»។ សម រង្ស៊ី មិនដែលដឹងថាតើ Xisha និង Nansha មានប្រវត្តិទាក់ទងយ៉ាងណាពីអតីតកាលឡើយ ប៉ុន្តែដើម្បីយកចិត្តពីប្រទេសចិន, ស្អីក៏សមរង្ស៊ីហ៊ានធ្វើដែរ។ ឧទាហរណ៍ដូចជារឿងលួចចុះហត្ថលេខាប្រគល់ខេត្តខ្មែរទាំង៤ ឱ្យមេដឹកនាំក្រុមម៉ុងតាញ៉ា កាលពីឆ្នាំ២០១៣ ជាដើម ដែលជាទង្វើក្បត់ចំពោះប្រជាពលរដ្ឋខ្មែរជាម្ចាស់ស្រុក។ នយោបាយ ចូលចិត្តដើរសុំរណបគេ និងការនិយាយដើមថាសហរដ្ឋអាមេរិកមិនជួយដល់ក្រុមប្រឆាំងរបស់ខ្លួនទៀតនោះ ត្រូវគេឃើញថាបានធ្វើឱ្យ សម រង្ស៊ី ឯកោកាន់តែខ្លាំងឡើង។ សម រង្ស៊ី ពេលនេះ ក៏កំពុងស្ថិតក្នុងសភាពភ័យព្រួយបារម្ភមួយនៅចំពោះមុខអនាគតមិន នឹងនរ ដោយសារ តែការបោះឆ្នោតសកលអាមេរិកខាងមុខនេះ ទោះបីជាគណបក្សនយោបាយអាមេរិក មួយណាដែលឈ្នះឆ្នោត ក៏នឹងមិនអាចជាទីពឹងបានចំពោះគណបក្ស សម រង្ស៊ី ឡើយ។ សម រង្ស៊ី ដែលតែងរត់ចោលអ្នកគាំទ្ររបស់ខ្លួន នៅពេលដែលមានរឿងអ្វីមួយកើតឡើងនោះ ក្នុងនយោបាយទ័លច្រកមួយវេលាចុងក្រោយនេះ គាត់បានប្រកាសទាំងប្រថុយប្រថាន ថានឹងបង្កើតចលនាតស៊ូ និងរដ្ឋាភិបាលនិរទេសមួយថែមទៀត។ តាមពិត ការប្រកាសនេះ គឺគ្រាន់តែជាការស្រែកកម្លាទឹកចិត្តតែប៉ុណ្ណោះ ពីព្រោះ សម រង្ស៊ី ខ្លួនឯងដឹងច្បាស់ណាស់ថា គ្មានអ្នកណាអាចមកជួយប្រយោជន៍របស់ខ្លួនបានទេ ពីព្រោះនយោបាយអាក្រក់ចោទថា ខ្មែរបម្រើនយោបាយចិនក៏គេលែងជឿ ចង់ងាកខ្លួនទៅប្រទេសចិនក៏គេមិនយក និងចង់លក់ខ្លួនឱ្យបរទេសណា ក៏ហាក់ដូចលែងមានប្រយោជន៍ទៀតហើយ។ ម្យ៉ាងទៀត នាពេលនេះមនុស្សមួយចំនួនដែលធ្លាប់តែជឿលង់សម្តី សម រង្ស៊ី ត្រូវគេឃើញបាននាំគ្នាដើរចេញពី សម រង្ស៊ី ស្ទើរតែអស់ទៅហើយទាំងក្នុងនិងក្រៅស្រុក ដូចជាអតីតសកម្មជន ហៃ វណ្ណា រស់នៅក្នុងប្រទេសជប៉ុន និងលោក វណ្ណ ចំរើន អតីតលេខាបក្សសង្គ្រោះជាតិ នៅរដ្ឋម៉ាសាឈូសិត សហរដ្ឋអាមេរិកជាដើម នោះមិននិយាយអំពីអតីតសកម្ម ជនរបស់ខ្លួនក្នុងស្រុក ដែលពីមួយថ្ងៃទៅមួយថ្ងៃ ត្រូវបានសារព័ត៌មានបង្ហោះមិនឈប់ឈរអំពីការដកខ្លួនចេញពី សម រង្ស៊ី និងចេញពីគណបក្សប្រឆាំងដែលស្និទ្ធនឹង សម រង្ស៊ី សុំមកចូលរួមនិងរួមរស់ជាមួយនឹងគណបក្សប្រជាជនកម្ពុជាដែលកាន់អំណាច។ បណ្តាញសារព័ត៌មានក្នុងស្រុក បានបង្ហោះរូបភាពការសារភាពកំហុសឆ្គាំឆ្គងពីអតីតកាលរបស់លោក វណ្ណ ចំរើន អតីតលេខាបក្សសង្គ្រោះជាតិ នៅរដ្ឋម៉ាសាឈូសិត សហរដ្ឋអាមេរិក និងការសុំរួមរស់ក្រោមដំបូលម្លប់ និងសន្តិភាពរបស់រាជរដ្ឋាភិបាលក្រោមការដឹកនាំរបស់គណបក្សប្រជាជនកម្ពុជា។ បណ្តាញសារព័ត៌មានក្នុងស្រុកនៅបានបង្ហោះរួបភាពអតីតសកម្មជនលោក ហៃ វណ្ណា និងប្អូនប្រុសក្នុងឱកាសអនុញ្ញាតចូលជួបសម្តេចតេជោ ហ៊ុន សែន និងកិច្ចសម្ភាសន៍ជាមួយបណ្តាញទូរទស្សន៍ក្នុងស្រុកដោយលោក ហៃ វណ្ណា បាននិយាយសុំទោសចំពោះកំហុសឆ្គាំឆ្គងរបស់ខ្លួនកន្លងមកចំពោះថ្នាក់ដឹកនាំរាជរដ្ឋាភិបាលកម្ពុជា និងប្រជាជនកម្ពុជា និងលោក ហៃ វណ្ណា ថែមទាំងបានបរិហានូវនយោបាយ ជួរ ជាតិរបស់ សម រង្ស៊ី និងបានអំពាវនាវដល់ក្រុមយុវជនដទៃទៀត សូមភ្ញាក់រលឹកបោះបង់ចោលការជឿលង់នូវនយោបាយរបស់ សម រង្ស៊ី និងងាកខ្លួនមកចូលរួមជាមួយរាជរដ្ឋាភិបាល និងប្រជាជនរបស់ខ្លួនក្នុងប្រទេសកម្ពុជានេះវិញ ដើម្បីការជួយពង្រឹងសន្តិភាពនិងការអភិវឌ្ឍប្រទេសកាន់តែខ្លាំងក្លាថែមទៀត។ នយោបាយដើរជ្រកសុំរណបរបស់ សម រង្ស៊ី ត្រូវគេឃើញថាកាន់តែរងភាពឯកោ ដូច្នេះជាមួយនឹងនយោបាយនេះ សម រង្ស៊ី និងជីវិតចុងក្រោយរបស់គាត់នឹងគ្មានអ្វីសេសសល់ទៀតឡើយ។ ទណ្ឌិត សម រង្ស៊ី និងភរិយា នៅទីបំផុតនឹងត្រូវតែលតោលដោយចៀសមិនផុតពីការថ្កោលទោសជាប្រវត្តិសាស្ត្ររបស់ពលរដ្ឋខ្មែរឡើយ៕

ឯកឧត្តម ស្វាយ ស៊ីថា សូមផ្ញើសារជូនពរ សម្ដេចពិជ័យសេនា ទៀ បាញ់ ក្នុងឱកាសសិរីមង្គលដ៏បវរ នៃពិធីចម្រើនជន្មាយុ

(ភ្នំពេញ)៖ ក្នុងឱកាសដ៏វិសេសវិសាលប្រកបដោយសិរីមង្គលដ៏បវរ នៃពិធីចម្រើនជន្មាយុរបស់ សម្ដេចពិជ័យសេនា ទៀ បាញ់ ឧត្តមទីប្រឹក្សាផ្ទាល់ព្រះមហាក្សត្រ ដែលនឹងចូលមកដល់នៅថ្ងៃទី០៥ ខែវិច្ឆិកា ឆ្នាំ២០២៤ ឯកឧត្តម ស្វាយ ស៊ីថា ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានគណៈកម្មាធិការជាតិសម្របសម្រួលកិច្ចការព័ត៌មាន និងសាធារណមតិ សូមសម្ដែងនូវមនោសញ្ចេតនាគោរព ប្រកបដោយកតញ្ញុតាធម៌ដ៏ជ្រាលជ្រៅ និងស្មោះស្ម័គ្របំផុត និងសូមគោរពជូនពរជ័យសិរីមង្គល ដ៏មហាប្រសើរជូនចំពោះ សម្តេចពិជ័យសេនា សូមប្រកបដោយសុខភាពល្អបរិបូរណ៍ បញ្ញាញាណភ្លឺថ្លា និងជន្មាយុយឺនយូរតរៀងទៅ។ ឆ្លៀតក្នុងឱកាសដ៏មហាប្រសើរវិសេសវិសាលនេះ យើងខ្ញុំទាំងអស់គ្នា សូមសម្តែងនូវសេចក្តីគោរពដោយស្មោះ ចំពោះសម្តេចពិជ័យសេនា ដែលកន្លងមក ក៏ដូចជាបច្ចុប្បន្ន សម្ដេច តែងតែបានខិតខំប្រឹងប្រែងយកអស់កម្លាំង កាយចិត្ត និងប្រាជ្ញាស្មារតី បំពេញបេសកកម្មបម្រើផលប្រយោជន៍ជាតិ សាសនា ព្រះមហាក្សត្រ។ ក្រោមការដឹកនាំដ៏ប៉ិនប្រសប់របស់សម្ដេច ក្នុងការរួមចំណែកកសាងសមិទ្ធផលលើគ្រប់វិស័យរបស់សង្គមជាតិ ទាំងផ្នែកពុទ្ធចក្រ និងអាណាចក្រ ពិសេសក្នុងវិស័យការពារជាតិ និងពង្រឹងសន្តិភាព ស្ថិរភាពនយោបាយ សន្តិសុខ សណ្តាប់ធ្នាប់សង្គម ការពារបូរណភាពទឹកដី អធិបតេយ្យភាព សម្រាប់អភិវឌ្ឍន៍សេដ្ឋកិច្ចសង្គម ក្នុងគោលដៅបម្រើឧត្តមប្រយោជន៍ជាតិ និងប្រជាពលរដ្ឋ ក្រោមការដឹកនាំរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ ជាថ្មីម្តងទៀត យើងខ្ញុំទាំងអស់គ្នា សូមឧទ្ទិសបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិក្នុងលោក និងទេវតារក្សាទឹកដី នៃព្រះរាជាណាចក្រកម្ពុជា តាមជួយបីបាច់ថែរក្សាប្រទានពរជ័យ សិរីសួស្តី ជ័យមង្គលគ្រប់ប្រការ ជូនចំពោះ សម្តេចពិជ័យសេនា និងលោកជំទាវ ព្រមទាំងបុត្រា បុត្រី ចៅប្រុស ចៅស្រី សូមមាន ជន្មាយុយឺនយូរ និងសុខភាពល្អបរិបូរណ៍ ដើម្បីរួមចំណែកដឹកនាំនាវាកម្ពុជា និងប្រជាពលរដ្ឋឆ្ពោះទៅកាន់វឌ្ឍនភាព ក្នុងសុខសន្តិភាពស្ថិរភាពដ៏រឹងមាំតរៀងទៅ៕

ឯកឧត្តម កើត រិទ្ធ សូមផ្ញើសារជូនពរ សម្ដេចពិជ័យសេនា ទៀ បាញ់ ក្នុងឱកាសសិរីមង្គលដ៏បវរ នៃពិធីចម្រើនជន្មាយុ

 

(ភ្នំពេញ)៖ ក្នុងឱកាសដ៏វិសេសវិសាលប្រកបដោយសិរីមង្គលដ៏បវរ នៃពិធីចម្រើនជន្មាយុរបស់ សម្ដេចពិជ័យសេនា ទៀ បាញ់ ឧត្តមទីប្រឹក្សាផ្ទាល់ព្រះមហាក្សត្រ ដែលនឹងចូលមកដល់នៅថ្ងៃទី០៥ ខែវិច្ឆិកា ឆ្នាំ២០២៤ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ សូមសម្ដែងនូវមនោសញ្ចេតនាគោរព ប្រកបដោយកតញ្ញុតាធម៌ដ៏ជ្រាលជ្រៅ និងស្មោះស្ម័គ្របំផុត និងសូមគោរពជូនពរជ័យសិរីមង្គល ដ៏មហាប្រសើរជូនចំពោះ សម្តេចពិជ័យសេនា សូមប្រកបដោយសុខភាពល្អបរិបូរណ៍ បញ្ញាញាណភ្លឺថ្លា និងជន្មាយុយឺនយូរតរៀងទៅ។ ឆ្លៀតក្នុងឱកាសដ៏មហាប្រសើរវិសេសវិសាលនេះ យើងខ្ញុំទាំងអស់គ្នា សូមសម្តែងនូវសេចក្តីគោរពដោយស្មោះ ចំពោះសម្តេចពិជ័យសេនា ដែលកន្លងមក ក៏ដូចជាបច្ចុប្បន្ន សម្ដេច តែងតែបានខិតខំប្រឹងប្រែងយកអស់កម្លាំង កាយចិត្ត និងប្រាជ្ញាស្មារតី បំពេញបេសកកម្មបម្រើផលប្រយោជន៍ជាតិ សាសនា ព្រះមហាក្សត្រ។ ក្រោមការដឹកនាំដ៏ប៉ិនប្រសប់របស់សម្ដេច ក្នុងការរួមចំណែកកសាងសមិទ្ធផលលើគ្រប់វិស័យរបស់សង្គមជាតិ ទាំងផ្នែកពុទ្ធចក្រ និងអាណាចក្រ ពិសេសក្នុងវិស័យការពារជាតិ និងពង្រឹងសន្តិភាព ស្ថិរភាពនយោបាយ សន្តិសុខ សណ្តាប់ធ្នាប់សង្គម ការពារបូរណភាពទឹកដី អធិបតេយ្យភាព សម្រាប់អភិវឌ្ឍន៍សេដ្ឋកិច្ចសង្គម ក្នុងគោលដៅបម្រើឧត្តមប្រយោជន៍ជាតិ និងប្រជាពលរដ្ឋ ក្រោមការដឹកនាំរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ ជាថ្មីម្តងទៀត យើងខ្ញុំទាំងអស់គ្នា សូមឧទ្ទិសបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិក្នុងលោក និងទេវតារក្សាទឹកដី នៃព្រះរាជាណាចក្រកម្ពុជា តាមជួយបីបាច់ថែរក្សាប្រទានពរជ័យ សិរីសួស្តី ជ័យមង្គលគ្រប់ប្រការ ជូនចំពោះ សម្តេចពិជ័យសេនា និងលោកជំទាវ ព្រមទាំងបុត្រា បុត្រី ចៅប្រុស ចៅស្រី សូមមាន ជន្មាយុយឺនយូរ និងសុខភាពល្អបរិបូរណ៍ ដើម្បីរួមចំណែកដឹកនាំនាវាកម្ពុជា និងប្រជាពលរដ្ឋឆ្ពោះទៅកាន់វឌ្ឍនភាព ក្នុងសុខសន្តិភាពស្ថិរភាពដ៏រឹងមាំតរៀងទៅ៕

សមាគមអ្នកអភិវឌ្ឍន៍លំនៅឋានកម្ពុជា ថ្លែងអំណរគុណសម្ដេចធិបតី ហ៊ុន ម៉ាណែត ដែលបានបន្តនិងបន្ថែមការលើកទឹកចិត្តពន្ធដារចំពោះវិស័យអចលនទ្រព្យរហូតដល់ដំណាច់ឆ្នាំ២០២៥ .

សមាគមអ្នកអភិវឌ្ឍន៍លំនៅឋានកម្ពុជា នៅថ្ងៃទី៤ ខែវិច្ឆិកា ឆ្នាំ២០២៤ បានចេញលិខិតថ្លែងអំណរគុណជូនចំពោះសម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា ដែលសម្ដេចបានយកចិត្ដទុកដាក់ក្នុងការបន្តនិងបន្ថែមការលើកទឹកចិត្តពន្ធដារ ចំពោះវិស័យអចលនទ្រព្យ រហូតដល់ដំណាច់ឆ្នាំ២០២៥។ តាងនាម សមាគមអ្នកអភិវឌ្ឍន៍លំនៅឋានកម្ពុជា លោកអ្នកឧកញ៉ា លី ហួរ សូមគោរពថ្លែងអំណរគុណយ៉ាងជ្រាលជ្រៅបំផុតជូនចំពោះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ចំពោះការសម្រេចដ៏ខ្ពង់ខ្ពស់អំពីការបន្តអនុវត្តលើសេចក្តីជូនដំណឹងលេខ ០០១ សហវ.សជ ណ.អពដ ចុះថ្ងៃទី៤ ខែមករា ឆ្នាំ២០២៤ និងបានចេញសេចក្តីជូនដំណឹងលេខ ០១៤ សហវ ស.ជ.ណ ចុះថ្ងៃទី៩ ខែតុលា ឆ្នាំ២០២៤ របស់ក្រសួងសេដ្ឋកិច្ច និងហិរញ្ញវត្ថុ ស្តីពីការបន្ត និងបន្ថែមការលើកទឹកចិត្តពន្ធដារ ចំពោះវិស័យអចលនទ្រព្យ រហូតដល់ដំណាច់ឆ្នាំ២០២៥។ សេចក្តីសម្រេចដ៏ខ្ពង់ខ្ពស់របស់ សម្តេចធិបតី នាយករដ្ឋមន្រ្តី ជាការជួយកាត់បន្ថយបន្ទុកចំណាយបង់ពន្ធដល់ក្រុមហ៊ុនអភិវឌ្ឍន៍លំនៅឋានកម្ពុជា និងប្រជាពលរដ្ឋជាម្ចាស់អចលនទ្រព្យ ជាពិសេសតែងតែយកចិត្តទុកដាក់ក្នុងការជួយគាំទ្រលើកទឹកចិត្តដល់ក្រុមហ៊ុនអ្នកអភិវឌ្ឍន៍លំនៅឋានកម្ពុជា ក៏ដូចអ្នកវិនិយោគទាំងអស់ បន្តបេសកកម្មជាមួយរាជរដ្ឋាភិបាល ក្នុងការអភិវឌ្ឍន៍វិស័យអចលនទ្រព្យ និងសេដ្ឋកិច្ចកម្ពុជាឱ្យកាន់តែរីកចម្រើនទៅមុខបន្តទៀត៕

ឯកឧត្តមឧបនាយករដ្ឋមន្រ្តីប្រចាំការ វង្សី វិស្សុត ជួបប្រជុំពិភាក្សាការងារជាមួយឯកឧត្តម Lee Wan-kyu រដ្ឋមន្ត្រីក្រសួងនីតិកម្មនៃសាធារណរដ្ឋកូរ៉េ នៅទីក្រុងសេអ៊ូល

សេអ៊ូល៖ នារសៀលថ្ងៃទី៣១ ខែតុលា ឆ្នាំ២០២៤ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី, ប្រធានក្រុមប្រឹក្សាអ្នកច្បាប់ និងជាប្រធានគណៈកម្មាធិការដឹកនាំការកែទម្រង់ច្បាប់ បានជួបប្រជុំពិភាក្សាជាមួយឯកឧត្តម Lee Wan-kyu រដ្ឋមន្ត្រីក្រសួងនីតិកម្ម នៃសាធារណរដ្ឋកូរ៉េ នៅអគាររដ្ឋាភិបាលកូរ៉េ នាទីក្រុងសេអ៊ូល សាធារណរដ្ឋកូរ៉។ 

គោលបំណងនៃកិច្ចប្រជុំពិភាក្សាការងារនេះ ដើម្បីពង្រឹង និងពង្រីកកិច្ចសហប្រតិបត្តិការលើវិស័យនីតិកម្ម រវាងក្រុមប្រឹក្សាអ្នកច្បាប់ នៃទីស្តីការគណៈរដ្ឋមន្រ្តី និងក្រសួងនីតិកម្ម នៃសាធារណរដ្ឋកូរ៉េ និងដើម្បីផ្លាស់ប្តូរចែករំលែកបទពិសោធលើការងារនីតិកម្ម ព្រមទាំងការកសាងសមត្ថភាពលើការពិនិត្យ និងផ្តល់យោបល់លើសេចក្តីព្រាងច្បាប់ ពិសេសការកាត់តែងសេចក្តីព្រាងច្បាប់ ដោយផ្អែកលើអនុស្សរណៈនៃការយោគយល់គ្នា ដែលបានចុះហត្ថលេខាកាលពីឆ្នាំ២០១៥។ ជាកិច្ចចាប់ផ្តើម, ឯកឧត្តម Lee Wan-kyu រដ្ឋមន្ត្រីក្រសួងនីតិកម្ម នៃសាធារណរដ្ឋកូរ៉េ បានសំដែងនូវការស្វាគមន៍យ៉ាងកក់ក្តៅ និងថ្លែងអំណរគុណយ៉ាងជ្រាលជ្រៅជូនចំពោះឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត និងគណៈប្រតិភូដែលបានអញ្ជើញមកបំពេញទស្សនកិច្ចការងារនៅសាធារដ្ឋកូរ៉េ និងមានជំនួបពិភាក្សាការងារជាមួយក្រសួងនីតិកម្ម ដើម្បីពិភាក្សាផ្លាស់ប្តូរបទពិសោធន៍ ពាក់ព័ន្ធនឹងមុខងារកសាងច្បាប់រវាងកម្ពុជា និងសាធារណរដ្ឋកូរ៉េ ពិសេសការចូលរួមថ្លែងសុន្ទកថាបើករបស់គណៈកម្មការរៀបចំបង្កើតក្រុមប្រឹក្សាស្ថាប័ននីតិកម្មអាស៊ី និងសន្និសីទលើកទី១២ នៃអ្នកជំនាញនីតិកម្មអាស៊ី។ ក្នុងឱកាសនោះដែរ ក្រសួងនីតិកម្មនៃសាធារណរដ្ឋកូរ៉េ បានធ្វើបទបង្ហាញអំពីមុខងារ, តួនាទីភារកិច្ច និងរចនាសម្ព័ន្ធរបស់ក្រសួងនីតិកម្មកូរ៉េ ពិសេសមុខងារក្នុងការពិនិត្យ និងការផ្តល់យោបល់លើសេចក្តីព្រាងច្បាប់, ការបកស្រាយច្បាប់ និងការកែលម្អច្បាប់និងលិខិតបទដ្ឋានគតិយុត្ត ព្រមទាំងការផ្តល់សេវាកម្មផ្នែកច្បាប់ដល់គ្រប់ក្រសួងស្ថាប័ន និងសាធារណជនទូទៅរបស់កូរ៉េ។ 

 ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត បានថ្លែងអំណរគុណចំពោះការស្វាគមន៍ដ៏កក់ក្តៅរបស់ក្រសួងនីតិកម្មនៃសាធារណរដ្ឋកូរ៉េ និងការរៀបចំកិច្ចប្រជុំការងារដ៏មានសារៈសំខាន់នេះឡើង។ ឯកឧត្តមឧបនាយករដ្ឋមន្ត្រីប្រចាំការ បានបន្តថា សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី និងបច្ចុប្បន្នជាប្រធានព្រឹទ្ធសភានៃព្រះរាជាណាចក្រកម្ពុជា គឺជាស្ថាបនិកនៃទំនាក់ទំនងការទូតកម្ពុជា-កូរ៉េ ក្នុងឆ្នាំ១៩៩៧ ហើយទំនាក់ទំនងនេះបានចូលរួមចំណែកយ៉ាងច្រើនដល់ការអភិវឌ្ឍសង្គម-សេដ្ឋកិច្ចកម្ពុជាលើគ្រប់ វិស័យរហូតដល់សព្វថ្ងៃ តាមរយៈការផ្តល់ហិរញ្ញប្បទានអភិវឌ្ឍន៍ផ្លូវការ (ODA), ការវិនិយោគ, ពាណិជ្ជកម្ម និងទេសចរណ៍។ ផ្អែកលើមូលដ្ឋាននៃទំនាក់ទំនងការទូតដ៏រឹងមាំខាងលើ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានបន្តផ្តល់អាទិភាពខ្ពស់បន្ថែមទៀតដល់ការពង្រឹង និងពង្រីកទំនាក់ទំនង និងកិច្ចសហប្រតិបត្តិការរវាងកម្ពុជា-កូរ៉េ ព្រមទាំងបានដំឡើងទំនាក់ទំនងនេះដល់កម្រិតភាពជាដៃគូយុទ្ធសាស្ត្រ។ 

ជាក់ស្តែង កិច្ចប្រជុំនាពេលនេះ គឺជាផ្នែកមួយនៃការចូលរួមចំណែកពង្រឹងនិងពង្រីងទំនាក់ទំនងជាយុទ្ធសាស្រ្តនៃប្រទេសទាំងពីរ។ ឯកឧត្តម វង្សី វិស្សុត បានបន្តលើកឡើងថា រាជរដ្ឋាភិបាលអាណត្តិទី៧ នៃរដ្ឋសភា ដែលមាន សម្តេចធិបតី ហ៊ុន ម៉ាណែត ជាប្រមុខ បានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ហើយមុំទី៤ នៃយុទ្ធសាស្រ្តនេះ បានផ្តោតសារៈសំខាន់លើការលើកកម្ពស់ និងពង្រឹងប្រសិទ្ធភាពច្បាប់និងប្រព័ន្ធយុត្តិធម៌។ ក្នុងស្មារតីនេះ រាជរដ្ឋាភិបាលកម្ពុជាបានសម្រេចបង្កើតគណៈកម្មាធិការដឹកនាំការកែទម្រង់ច្បាប់ ដែលជាយន្តការដឹកនាំ, សម្របសម្រួល និងជំរុញការអនុវត្តការងារកែទម្រង់ច្បាប់ ស្របតាមកម្មវិធីនយោបាយរបស់រាជរដ្ឋាភិបាល ក្នុងគោលបំណងពង្រឹងនិងលើកកម្ពស់គោលការណ៍នីតិរដ្ឋ និងសន្តិសុខគតិយុត្ត ព្រមទាំងគុណភាព និងប្រសិទ្ធភាពនៃច្បាប់។

 ឯកឧត្តមឧបនាយករដ្ឋមន្ត្រីប្រចាំការ ក៏បានលើកឡើងផងដែរថា វិស័យនីតិកម្មរបស់សាធារណរដ្ឋកូរ៉េមានភាពជឿនលឿន។ ជាងនេះទៅទៀត កូរ៉េបានដាក់ចេញ និងអនុវត្តនូវការកែទម្រង់ច្បាប់របស់ខ្លួន ប្រកបដោយភាពជោគជ័យខ្ពស់ ដែលជាប្រការមួយបានជួយធ្វើឱ្យសាធារណរដ្ឋកូរ៉េទទួលបាននូវការរីកចម្រើនខាងផ្នែកសេដ្ឋកិច្ច គួរឱ្យកត់សម្គាល់។ ដូចនេះ ការចែករំលែក និងការផ្លាស់ប្តូរបទពិសោធន៍ល្អៗរបស់សាធារណរដ្ឋកូរ៉េ ពិតជាមានសារៈសំខាន់ដល់ការកែទម្រង់ច្បាប់របស់កម្ពុជាខាងលើ ពិសេសការរៀបចំក្របខ័ណ្ឌយុទ្ធសាស្រ្តនៃការកែទម្រង់ច្បាប់ និងនិម្មាបនកម្ម ព្រមទាំងផែនទីចង្អុលផ្លូវ សម្រាប់កសាងប្រព័ន្ធច្បាប់ និងពង្រឹងវប្បធម៌នីតិរដ្ឋ។ 

ក្នុងឱកាសនោះដែរ ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត និងឯកឧត្តម Lee Wan-kyu រដ្ឋមន្ត្រីក្រសួងនីតិកម្មនៃសាធារណរដ្ឋកូរ៉េ ក៏បានធ្វើការពិភាក្សា និងផ្លាស់ប្តូរមតិយោបល់ផងដែរ លើការពង្រឹង និងពង្រីកកិច្ចសហប្រតិបត្តិការលើវិស័យនីតិកម្ម រវាងក្រុមប្រឹក្សាអ្នកច្បាប់ នៃទីស្តីការគណៈរដ្ឋមន្រ្តី និងក្រសួងនីតិកម្ម នៃសាធារណរដ្ឋកូរ៉េ ដោយឈរលើមូលដ្ឋាននៃអនុស្សរណៈនៃការយោគយល់គ្នារវាងស្ថាប័ន នៃប្រទេសទាំងពីរ ដែលបានចុះហត្ថលេខាកាលពីឆ្នាំ២០១៥ លើការតាក់តែងច្បាប់ និងលិខិតបទដ្ឋានគតិយុត្ត, ការកសាងសមត្ថភាព, ការផ្លាស់ប្តូរបទពិសោធ និងការកសាងប្រព័ន្ធគ្រប់គ្រងទិន្នន័យច្បាប់ នៅក្នុងបរិបទនៃការកសាងរដ្ឋាភិបាលឌីជីថល និងសេដ្ឋកិច្ច-សង្គមឌីជីថល។

សម្តេចធិបតី ហ៊ុន ម៉ាណែត ៖ កម្ពុជានឹងធ្វើជាម្ចាស់ផ្ទះក្នុងការរៀបចំការប្រកួតកីឡាយុវជនអាស៊ីនៅឆ្នាំ ២០២៩

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នាល្ងាចថ្ងៃទី៣០ ខែតុលា ឆ្នាំ២០២៤ បានអញ្ជើញ ចូលរួមពិធីបើកការប្រកួតកីឡាជាតិលើកទី៤ និងកីឡាជាតិជនពិការលើកទី២ ដែលបានប្រព្រឹត្តទៅនៅពហុកីឡដ្ឋានជាតិអូឡាំពិក។ ក្នុងឱកាសនោះ សម្តេចធិបតី ហ៊ុន ម៉ាណែត ក៏បានកោតសរសើរចំពោះកិច្ចខិតខំប្រឹងប្រែងរួមគ្នារវាងក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា គណៈកម្មាធិការជាតិប៉ារ៉ាឡាំពិកកម្ពុជា សហព័ន្ធកីឡាជាតិ និងក្រសួង-ស្ថាប័នពាក់ព័ន្ធ ដែលបានសហការគ្នាយ៉ាងល្អ រៀបចំការប្រកួតកីឡាជាតិ លើកទី៤ និងកីឡាជាតិជនពិការ លើកទី២ នេះឡើង ព្រមទាំងបានវាយតម្លៃខ្ពស់ចំពោះការខិតខំប្រឹងប្រែងរបស់ក្រសួងអប់រំ យុវជន និងកីឡា ក្នុងការដាក់ចេញនូវវិធានការកំណែទម្រង់ស៊ីជម្រៅលើវិស័យអប់រំកាយ និង កីឡា តាមរយៈការបន្តការជួសជុលកែលម្អហេដ្ឋារចនាសម្ព័ន្ធកីឡា ការធ្វើប្រតិភូកម្មការងារ និងការផ្តល់គាំទ្រថវិកាដល់សហព័ន្ធកីឡាជាតិ ដើម្បីធ្វើការបណ្តុះបណ្តាលធនធានមនុស្សជំនាញកីឡា និងការកែទម្រង់ការប្រកួតកីឡាជាដើម។ 

 សមិទ្ធផលជាក់ស្តែង នៅឆ្នាំ២០២៣ កន្លងទៅ ខណៈពេលដែលព្រះរាជាណាចក្រកម្ពុជាធ្វើជាម្ចាស់ផ្ទះនៃការប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ កម្ពុជា ទទួលបានជោគជ័យយ៉ាងធំធេង ព្រមទាំងទទួលបានការកោតសរសើរពីប្រទេសក្នុងតំបន់ និងពិភពលោក ទាំងលើទិដ្ឋភាពនៃការរៀបចំ និងការទទួលបានមេដាយពីការប្រកួតសរុបចំនួន ២៨២ គ្រឿង ដោយឈរលេខរៀងទី៤ ក្នុងចំនួន១១ ប្រទេស ក្នុងតំបន់អាស៊ាន និងអាស៊ានប៉ារ៉ាហ្គេមលើកទី១២ កម្ពុជាទទួលបានមេដាយសរុប ៧៣ គ្រឿង ដោយឈរលេខរៀងទី ៨ ក្នុងចំនួន ១១ ប្រទេស ក្នុងតំបន់អាស៊ាន។ 

 ជាមួយគ្នានោះ សម្តេចបវរធិបតី បានលើកឡើងថា ការរៀបចំការប្រកួតកីឡាជាតិលើកទី ៤ និងកីឡាជាតិជនពិការលើកទី ២ នេះ ជាឱកាសថ្មីមួយទៀត ដែលបានបង្ហាញអំពីការរីកចម្រើន និងការអភិវឌ្ឍវិស័យកីឡានៅកម្ពុជា និងជាការត្រៀមខ្លួនរួចរាល់សម្រាប់ការរៀបចំការប្រកួតកីឡាយុវជនអាស៊ីលើកទី៥ និងយុវជនអាស៊ីប៉ារ៉ាហ្គេមលើកទី ៦ នៅឆ្នាំ ២០២៩។ ម៉្យាងវិញទៀត ការរៀបចំព្រឹត្តិការណ៍កីឡាបានផ្តល់អត្ថប្រយោជន៍ជាច្រើនដល់សង្គម ក៏ដូចជា នយោបាយ ការទូត សេដ្ឋកិច្ច វប្បធម៌ ការលើកកម្ពស់មុខមាត់ជាតិ ទីផ្សារ ពាណិជ្ជកម្ម និងការទាក់ទាញភ្ញៀវទេសចរណ៍ ជាដើម ដែលនេះគឺជាការខិតខំប្រឹងប្រែងរបស់កម្ពុជា មួយជំហានទៀតក្នុងការបង្ហាញឱ្យឃើញនូវកម្លាំងសាមគ្គីភាពជាតិ និងកម្លាំងសេដ្ឋកិច្ច កម្ពុជា។ 

 ក្នុងពិធីនោះ សម្តេចបវរធិបតី បានបញ្ជាក់ថាកម្ពុជា នឹងធ្វើជាម្ចាស់ផ្ទះក្នុងការរៀបចំការប្រកួតកីឡាយុវជនអាស៊ីនៅឆ្នាំ ២០២៩ ហើយការសម្រេចធ្វើជាម្ចាស់ផ្ទះនេះអាចប្រព្រឹត្តទៅបាន គឺអាស្រ័យលើសមត្ថភាពពេញលេញ និងការកៀរគរធនធានចាំបាច់ និងគ្រប់គ្រាន់ សម្រាប់រៀបចំការប្រកួតកីឡាថ្នាក់តំបន់អាស៊ីដ៏ធំនេះឱ្យបានល្អ និងរលូនប្រកបដោយស្មារតីទទួលខុសត្រូវខ្ពស់។ ក្នុងនាមជាម្ចាស់ផ្ទះ សម្រាប់ការប្រកួតកីឡា យុវជនអាស៊ីឆ្នាំ២០២៩ កម្ពុជា មានមហិច្ឆតារៀបចំទទួលស្វាគមន៍ភ្ញៀវជាតិ និងអន្តរជាតិ ប្រកបដោយភាពកក់ក្តៅ បដិសណ្ឋារកិច្ចល្អ និងសេវាល្អ សម្រាប់គ្រប់ប្រតិភូកីឡា និងភ្ញៀវជាតិ-អន្តរជាតិ ឱ្យទទួលបានបទពិសោធល្អក្នុងការចូលរួមការប្រកួតកីឡាយុវជនអាស៊ីឆ្នាំ ២០២៩ នៅព្រះរាជាណាចក្រកម្ពុជា៕

លិខិតមិត្តអ្នកអាន៖ ប្រជាពលរដ្ឋចាំបាច់ត្រូវចូលរួមថែរក្សាសុខសន្តិភាពអោយបានគង់វង្ស

ជាការពិត សោកនាដកម្មនៃសង្គ្រាម បាននាំឱ្យប្រជាពលរដ្ឋធ្លាក់ក្នុងភាពអពមង្គលនៃរបបកម្ពុជាប្រជាធិបតេយ្យ របស់បនប្រល័យពូជសាសន៍ ប៉ុល ពត ដែលជាឃាតករដ៏ឃោរឃៅយង់ឃ្នង កាប់សម្លាប់ បំផ្លិចបំផ្លាញកម្ទេចចោលអស់នូវអ្វីៗដែលជាអត្តសញ្ញាណជាតិ អ្វីជាសមិទ្ធផលដែលបុព្វបុរសយើងបានខំកសាងបន្សល់ដោយញើសឈាម។ ក្រោយឆ្លងកាត់សង្គ្រាម អស្ថិរភាព និងរបបប្រល័យពូជសាសន៍ កម្ពុជាទំរាំបានស្គាល់រសជាតិសុខសន្តិភាពពេញលេញក្រោមការដឹកនាំរបស់ សម្តេចតេជោ ហ៊ុន សែន គឺពុំមែនជារឿងងាយស្រួលនោះទេ។ 

សន្តិភាព មានតម្លៃជាងអ្វីៗទាំងអស់ សន្តិភាពបានផ្ដល់នូវក្តីសង្ឃឹម និងស្នាមញញឹមដល់ប្រជាជនកម្ពុជាឡើងវិញ ដែលពុំធ្លាប់មានជាង៥០០ឆ្នាំក្នុងប្រវត្តិសាស្រ្តរបស់ខ្លួន។ អ្នកដែលមិនធ្លាប់បានឆ្លងកាត់នូវទុក្ខលំបាក និងការឈឺចាប់ដែលបង្កដោយសង្គ្រាម ប្រហែលជាមិនសូវយល់ច្បាស់ ពីតម្លៃនៃសន្តិភាពនោះឡើយ ចំណែកឯអ្នកដែលធ្លាប់បានឆ្លងកាត់ជម្លោះហិង្សា ឬភ្លើងសង្គ្រាម ទើបដឹងថាសន្តិភាពមានតម្លៃខ្លាំងកម្រិតណា។ បន្តវេនពីរាជរដ្ឋាភិបាលអាណត្តិមុន នៅអាណត្តិទី៧ ដែលដឹកនាំដោយ សម្តេចធិបតី ហ៊ុន ម៉ាណែត បានបន្តប្តេជ្ញាចិត្តការពារ និងលើកស្ទួយសន្តិភាពបន្ថែមទៀត ដោយហេតុថា «គ្មានសន្តិភាព គ្មានក្តីសង្ឃឹម គ្មានសន្តិភាព គ្មានការអភិវឌ្ឍ គ្មានសន្តិភាព គ្មានការគោរពសិទ្ធិមនុស្ស និងគ្មានលទ្ធិប្រជាធិបតេយ្យ»។ 

 ជាងនេះទៅទៀត ទោះបីជាប្រទេសកម្ពុជាតូចក៏ដោយ ក៏កម្ពុជាបានចូលរួមចំណែកដល់ដំណើរការនៃការស្វែងរកសន្តិភាពនៅក្នុងតំបន់ និងពិភពលោក ប្រកបដោយសុឆន្ទៈ ការទទួលខុសត្រូវ និងភាពស្មោះត្រង់ផងដែរ ជាពិសេសរាជរដ្ឋាភិបាលបានបង្កើតពាក្យមួយឃ្លាថា «អរគុណសន្តិភាព» ដើម្បីអោយប្រជាពលរដ្ឋចងចាំពាក្យនេះក្នុងចិត្តគ្រប់ៗគ្នា។ ក្នុងនាមប្រជាពលរដ្ឋខ្មែរ យើងត្រូវរួមគ្នាថែរក្សា និងលើកកម្ពស់សន្តិភាពជាមួយប្រមុខរាជរដ្ឋាភិបាល ឱ្យនៅស្ថិតស្ថេរគង់វង្សយូរអង្វែងដើម្បីការអភិវឌ្ឍសង្គមជាតិយើង៕ ដោយ៖ សំ ដានីរ៉ា

ឧបនាយករដ្ឋមន្រ្តីប្រចាំការ វង្សី វិស្សុត អញ្ជើញចូលរួមរៀបចំបង្កើតក្រុមប្រឹក្សាស្ថាប័ននីតិកម្មអាស៊ី និងសន្និសីទលើកទី១២ នៃអ្នកជំនាញនីតិកម្មអាស៊ី នៅសាធារណរដ្ឋកូរ៉េ

ភ្នំពេញ៖ ដោយទទួលបានគោលការណ៍អនុញ្ញាតដ៏ខ្ពង់ខ្ពស់ពីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា, កាលពីយប់ថ្ងៃទី២៩ ខែតុលា ឆ្នាំ២០២៤ ឧបនាយករដ្ឋមន្ត្រីប្រចាំការ វង្សី វិស្សុត រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ប្រធានក្រុមប្រឹក្សាអ្នកច្បាប់ និងជាប្រធានគណៈកម្មាធិការដឹកនាំការកែទម្រង់ច្បាប់ បានដឹកនាំគណៈប្រតិភូទៅចូលរួមពិធីបើករបស់គណៈកម្មការរៀបចំបង្កើតក្រុមប្រឹក្សាស្ថាប័ននីតិកម្មអាស៊ី និងសន្និសីទលើកទី១២ នៃអ្នកជំនាញនីតិកម្មអាស៊ី នៅសាធារណរដ្ឋកូរ៉េ ដែលនឹងប្រព្រឹត្តទៅចាប់ពីថ្ងៃទី៣០ ខែតុលា ឆ្នាំ២០២៤ ដល់ថ្ងៃទី១ ខែវិច្ឆិកា ឆ្នាំ២០២៤ ក្រោមប្រធានបទ «ច្បាប់និងបញ្ញាសិប្បនិម្មិត៖ កិច្ចសហប្រតិបត្តិការក្នុងការអភិវឌ្ឍបច្ចេកវិទ្យាសម្រាប់នីតិកម្មនៅអាស៊ី (Law Encounters AI : Cooperation Measures for Advancing Legal Tech in Asia)»។

តាមកម្មវិធីដែលបានគ្រោងទុក ឧបនាយករដ្ឋមន្ត្រីប្រចាំការ វង្សី វិស្សុត នឹងថ្លែងសុន្ទរកថាក្នុងពិធីបើករបស់គណៈកម្មការរៀបចំបង្កើតក្រុមប្រឹក្សាស្ថាប័ននីតិកម្មអាស៊ី និងថ្លែងសុន្ទរកថាក្នុងសន្និសីទលើកទី១២ នៃអ្នកជំនាញនីតិកម្មអាស៊ី។ ក្រៅពីនេះ ឧបនាយករដ្ឋមន្ត្រីប្រចាំការ ក៏នឹងមានជំនួបពិភាក្សាការងារទ្វេភាគីជាមួយលោក Lee Wan-kyu រដ្ឋមន្ត្រីក្រសួងនីតិកម្ម នៃសាធារណរដ្ឋកូរ៉េ និងចុះហត្ថលេខាលើកំណត់ហេតុនៃកិច្ចប្រជុំរបស់គណៈកម្មការរៀបចំបង្កើតក្រុមប្រឹក្សាស្ថាប័ននីតិកម្មអាស៊ីផងដែរ។

ការចូលរួមពិធីបើករបស់គណៈកម្មាធិការរៀបចំបង្កើតក្រុមប្រឹក្សាស្ថាប័ននីតិកម្មអាស៊ី ក្នុងគោលបំណងដើម្បីគាំទ្រនូវចក្ខុវិស័យនៃការបង្កើតក្រុមប្រឹក្សាស្ថាប័ននីតិកម្មអាស៊ីមួយ ជាអង្គការអន្តរជាតិមួយ សម្រាប់កិច្ចសហការផ្នែកនីតិកម្មក្នុងតំបន់អាស៊ីនៅឆ្នាំ២០៣០។ ទន្ទឹមនេះ ការចូលរួមសន្និសីទលើកទី១២ នៃអ្នកជំនាញនីតិកម្មអាស៊ី ក្នុងគោលបំណងដើម្បីពង្រឹង និងពង្រីកកិច្ចសហការក្នុងការអភិវឌ្ឍឧស្សាហកម្មបច្ចេកវិទ្យាក្នុងវិស័យនីតិកម្ម ពោលគឺការធ្វើសមាហរណកម្មវិស័យបញ្ញាសិប្បនិម្មិតនិងនីតិកម្ម និងការកសាងសមត្ថភាពលើវិស័យនីតិកម្មក្នុងបរិការណ៍នៃការវិវត្តឥតឈប់ឈរក្នុងវិស័យឌីជីថលនិងបញ្ញាសិប្បនិម្មិត។

ការចូលរួមពិធីបើករបស់គណៈកម្មាធិការរៀបចំបង្កើតក្រុមប្រឹក្សាស្ថាប័ននីតិកម្មអាស៊ី និង សន្និសីទលើកទី១២ នៃអ្នកជំនាញនីតិកម្មអាស៊ី គឺជាឱកាសដ៏ល្អសម្រាប់កម្ពុជា ដើម្បីក្លាយជាសហស្ថាបនិកនៃក្រុមប្រឹក្សាស្ថាប័ននីតិកម្មអាស៊ី និងដើម្បីកសាង និងពង្រឹងសមត្ថភាពផ្នែកនីតិកម្មរបស់កម្ពុជាបន្ថែមទៀត ជាពិសេសលើការកសាងច្បាប់ដ៏មានប្រសិទ្ធភាព សំដៅពង្រឹងនីតិរដ្ឋ សន្តិសុខគតិយុត្ត និងសុខដុមនីយកម្មនៃប្រព័ន្ធច្បាប់កម្ពុជាជាមួយនឹងប្រព័ន្ធច្បាប់នៃបណ្តាប្រទេសនានាក្នុងតំបន់អាស៊ី និងសកលលោក ដែលជាកាតាលីករដ៏សំខាន់ និងចាំបាច់សម្រាប់គាំទ្រដល់កិច្ចអភិវឌ្ឍន៍សង្គម សេដ្ឋកិច្ចកម្ពុជានៅក្នុងដំណាក់កាលថ្មី៕

តើកត្តាសំខាន់ៗអ្វីខ្លះដែលប្រជាពលរដ្ឋត្រូវចូលរួមដើម្បីកសាងប្រទេសជាតិ?

ក្នុងឱកាសអញ្ជើញជាអធិបតីសម្ពោធសមិទ្ធផលនានានៅវិទ្យាល័យ ហ៊ុន សែន ពាមជីកង ស្រុកកងមាស ខេត្តកំពង់ចាម នៅថ្ងៃទី២៦ ខែតុលា ឆ្នាំ ២០២៤ សម្តេចធិបតី ហ៊ុន ម៉ាណែត បានថ្លែងថា កត្តា ៣ ដែលប្រជាពលរដ្ឋត្រូវចូលរួមកសាងប្រទេសជាតិគឺ៖ ទី១-ការចូលរួមថែរក្សាលំនឹងស្ថិរភាព និងសន្តិភាព ទី២-យល់ពីតម្លៃនៃសន្តិភាព និងសន្តិសុខ ទី៣-ចូលរួមក្នុងការកសាងជីវភាពរស់នៅរបស់ខ្លួន ទន្ទឹមនេះដែរ សម្តេចធិបតី ហ៊ុន ម៉ាណែត បានថ្លែងបន្តថា យើងមិនអាចថែរក្សា និងជំរុញប្រទេសយើងបានទេ ប្រសិនបើប្រជាជនមិនចូលរួម។ ជាក់ស្តែង ការខិតខំរបស់រាជរដ្ឋាភិបាលជាផ្នែកមួយជួយសម្រួលដល់ជីវភាពរស់នៅរបស់ប្រជាជន ប៉ុន្តែគឺអាស្រ័យលើប្រជាជនដែលខិតខំចាប់យកឱកាសនៃសុខសន្តិភាព និងស្ថិរភាព ថែរក្សាលំនឹងសន្តិសុខ ជាពិសេសរួមគ្នាខិតខំរៀនសូត្រកសាងសមត្ថភាពដើម្បីយើងកសាងប្រទេសតទៅទៀត៕

សេចក្តីសម្រេចតែងតាំងសមាសភាពគណៈកម្មាធិការរៀបចំដែនដី និងនគរូបនីយកម្មថ្នាក់ជាតិ ដែលមានឯកឧត្តម សាយ សំអាល់ និងឯកឧត្តមអភិសន្តិបណ្ឌិត ស សុខា ជាសហប្រធាន!

រាជរដ្ឋាភិបាលកម្ពុជា៖ សេចក្តីសម្រេចតែងតាំងសមាសភាពគណៈកម្មាធិការរៀបចំដែនដី និងនគរូបនីយកម្មថ្នាក់ជាតិ ដែលមានឯកឧត្តម សាយ សំអាល់ និងឯកឧត្តមអភិសន្តិបណ្ឌិត ស សុខា ជាសហប្រធាន!