សារលិខិតរំលែកទុក្ខ ឯកឧត្តមបណ្ឌិតសភាចារ្យ សុខ អាន ជូនចំពោះក្រុមគ្រួសារ នៃសព លោក សាយ ភូថង

ឯកឧ​ត្តម ផៃ ស៊ីផា​ន៖ គម្រោងទូ​លថ្វាយ​ព្រះ​មហាក្សត្រ ដើម្បី​រាយការណ៍​ពីស្ថាន​ភាពនយោ​បាយរបស់ គណបក្សស​ង្រ្គោះជាតិ រំលោភ​ច្បាប់រដ្ឋ​ធម្មនុញ្ញរ​បស់​កម្ពុជា

ឯកឧត្តម ផៃ ស៊ីផាន រដ្ឋលេខាធិការ និងជាអ្នកនាំពាក្យទីស្តីការគណៈរដ្ឋមន្រ្តី មានគម្រោង​ចូល​គាល់​ព្រះមហាក្សត្រ ដើម្បីទូលថ្វាយព័ត៌មានព្រះអង្គអំពីស្ថានភាពនយោបាយ របស់គណ​បក្ស​សង្រ្គោះ​ជាតិ គឺជាការរំលោភច្បាប់រដ្ឋធម្មនុញ្ញរបស់កម្ពុជា។

ឯកឧត្តម ផៃ ស៊ីផាន បានមានប្រសាសន៍ថា សកម្មភាពរបស់គណបក្សសង្រ្គោះជាតិ កំពុងតែ​ប្រឆាំង​រដ្ឋធម្មនុញ្ញ ដែលអូសទាញព្រះមហាក្សត្រចូលទៅក្នុង ល្បិចកលនយោបាយរបស់       ខ្លួន។ ឯកឧត្តមបន្តថា រដ្ឋធម្មនុញ្ញបាន​ចែងច្បាស់ណាស់ មានតែនាយករដ្ឋមន្រ្តី និងគណៈរដ្ឋមន្រ្តីប៉ុណ្ណោះ ដែលមានសិទ្ធិរាយការណ៍ អំពីស្ថានភាពនយោបាយថ្វាយព្រះមហាក្សត្រ។

ឯកឧត្តម ផៃ ស៊ីផាន បានមានប្រសាសន៍សង្កត់ធ្ងន់ថា អ្វីដែលគណបក្សសង្គ្រោះជាតិមានគម្រោង ចូលបង្គំទូលថ្វាយព្រះករុណា ពីស្ថានភាពនយោបាយ គឺជាសកម្មភាពប្រឆាំងនឹងរដ្ឋធម្មនុញ្ញ ដោយ​សារមូល​ហេតុ, ទី១៖ រដ្ឋធម្មនុញ្ញបានចែងច្បាស់ថា ព្រះមហាក្សត្រមិនមែន ជាអ្នកនយោបាយទេ មិនមែនជាចៅក្រម ជាវីរជនជាតិ តាមរដ្ឋធម្មនុញ្ញ ព្រះអង្គមានសិទ្ធិត្រឹមតែ​ទាក់ទងជាមួយ​ព្រឹទ្ធសភា និងរដ្ឋសភា តាមរយៈព្រះរាជសារ ដូច្នេះការធ្វើបែបនេះ គឺរំលោភលើរដ្ឋធម្មនុញ្ញ ដែលនាំ​ឱ្យ​ព្រះមហាក្សត្រធ្លាក់ក្នុងល្បិចនយោបាយរបស់ពួកគេ។ ទី២៖ មានតែនាយករដ្ឋមន្រ្តី ឬគណៈ​រដ្ឋ​មន្រ្តីប៉ុណ្ណោះ ដែលមានសិទ្ធិចូលគាល់រាយការណ៍ ទូលថ្វាយដល់ព្រះមហាក្សត្រ ពីស្ថានភាព​នយោបាយជាក់ស្ដែងក្នុងព្រះរាជាណាចក្រកម្ពុជា។ ចំណែកឯការដាក់ញ្ញត្តិ ទូលថ្វាយ ព្រះអង្គផ្ទាល់​ពីស្ថានភាពនយោបាយនេះ មិនត្រឹមត្រូវជាផ្លូវការឡើយ ព្រោះវាជាទិសដៅនយោបាយ​ប្រឆាំងនឹងរដ្ឋធម្មនុញ្ញ ដែលនាំឱ្យព្រះមហាក្សត្រ ធ្លាក់ក្នុងកលល្បិច​របស់គណបក្សសង្គ្រោះ​ជាតិតែប៉ុណ្ណោះ។

បើតាម​មាត្រា២០ នៃរដ្ឋធម្មនុញ្ញរបស់កម្ពុជា បានចែងថា ព្រះមហាក្សត្រ ទ្រង់ទ​ទួល​សវនាការ​ជាផ្លូ​វ​ការ​២ដងក្នុងមួយខែ ឱ្យនាយករដ្ឋមន្រ្តី និងគណៈរដ្ឋមន្រ្តីចូលគាល់ រាយការណ៍ទូលថ្វាយ​ទ្រង់​ជ្រាប​អំពីសភាពការណ៍នៃប្រទេសជាតិ។

សូមរំលឹកផងដែរថា កាលពីថ្ងៃទី១៥ ខែមិថុនា ឆ្នាំ២០១៦ នៅទីស្នាក់ការគណបក្សសង្រ្គោះជាតិ ឯកឧត្តម យ៉ែម បុញ្ញឫទ្ធិ អ្នកនាំពាក្យគណបក្ស សង្រ្គោះជាតិ បានអះអាងប្រាប់ក្រុម​អ្នកសារ​ព័ត៌​មាន​ថា ការដាក់លិខិតថ្វាយព្រះមហាក្សត្រ ដើម្បីសុំចូលគាត់បានធ្វើឡើងកាលពីថ្ងៃទី១៤ ខែមិថុនា ឆ្នាំ​២​០១៦។ 

​

ប្រធានរដ្ឋវៀតណាមកោតសរសើរការរីកចម្រើនរបស់កម្ពុជា

ក្នុងដំណើរបំពេញទស្សនកិច្ចផ្លូវរដ្ឋ នៅព្រះរាជាណាចក្រកម្ពុជា ឯកឧត្តម ត្រាន់ ដាយ ខ្វាង (TRAN DAI QUANG) ប្រធានរដ្ឋនៃសាធារណរដ្ឋសង្គមនិយមវៀតណាម បានមើល​ឃើញ​ពីការ​រីកចម្រើន របស់ព្រះរាជាណាចក្រកម្ពុជាលើគ្រប់វិស័យ និងចូលរួមអបអរសាទរ​ជាមួយ​ថ្នាក់ដឹកនាំ និង​ប្រជា​ជន​កម្ពុជា។ ឯកឧត្តម ត្រាន់ ដាយ ខ្វាង បានសម្តែងក្តីរីករាយ នៅ​ពេល​ជួប​សម្តែងការគួរសម និងពិភាក្សាការងារជាមួយ សម្តេចអគ្គមហាពញាចក្រី ហេង សំរិន ប្រធាន​រដ្ឋសភា នៅវិមានរដ្ឋសភា នារសៀលថ្ងៃទី១៥ ខែមិថុនា ឆ្នាំ២០១៦នេះ។

គណៈប្រតិភូជាន់ខ្ពស់ សាធារណរដ្ឋសង្គមនិយមវៀតណាម ត្រូវបានទទួលការស្វាគមន៍ យ៉ាង​កក់ក្តៅ នៅវិមានរដ្ឋសភា ពីសំណាក់ សម្តេចអគ្គមហាពញាចក្រី ហេង សំរិន ។ សម្តេច​ប្រធាន​រដ្ឋសភា បានចាត់ទុកដំណើរទស្សនកិច្ចនៅពេលនេះថា ជាការផ្តល់កិត្តិយសដ៏ធំធេង ដល់​រដ្ឋស​ភា​កម្ពុជា និងបានឆ្លុះបញ្ចំាងពីចំណងមិត្តភាពរឹងមំា និងជាប្រពៃណី​របស់ប្រទេស​ទំាង​​ពីរកម្ពុជា-វៀតណាម ជាយូរអង្វែងទៅ។

ចំណែក ឯកឧត្តម ត្រាន់ ដាយ ខ្វាង បានលើកឡើងថា ឯកឧត្តមមានក្តីរីករាយខ្លំាងណាស់ ដែល​បាន​ឃើញការរីកចម្រើនឥតឈប់ឈរ របស់ប្រទេសកម្ពុជានៅពេលនេះ នៅក្រោម​ម្លប់​ដ៏​ត្រជាក់​របស់ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ និង​ស្ថិត​នៅ​ក្រោមការដឹកនាំដ៏ឈ្លាសវៃ របស់ថ្នាក់ដឹកនាំស្ថាប័នសំខាន់ៗរបស់ជាតិ។ “ក្នុងនាម​បក្សរដ្ឋ និង​ប្រជាជនវៀតណាម យើងសប្បាយចិត្ត ដែលឃើញ កម្ពុជារីកចម្រើនគ្រប់វិស័យ​ទំាង​ហេដ្ឋារចនា​សម្ព័ន្ធនានា សេដ្ឋកិច្ច និងជីវភាពរស់នៅរបស់ពលរដ្ឋ”។

ឯកឧត្តមប្រធានរដ្ឋ បានជម្រាបសម្តេចពីស្ថានការណ៍ នយោបាយក្នុងប្រទេសវៀតណាមថា វៀត​ណាមទើបរៀបចំការបោះឆ្នោត ថ្នាក់ដឹកនាំ ស្ថាប័នកំពូលៗ ហើយនៅកំឡុងខែកក្កដានេះ ថ្នាក់ដឹក​នាំមូលដ្ឋាននឹងត្រូវរៀបចំផងដែរ។ ឯកឧត្តមបានលើកឡើងថា ប្រទេសវៀតណាម ក៏​ទើប​បោះឆ្នោត ជ្រើសរើសស្រ្តី ជាថ្នាក់ដឹកនាំរដ្ឋសភាផងដែរ។

ឯកឧត្តម ត្រាន់ ដាយ ខ្វាង បានជម្រាបជូនសម្តេចថា ប្រធានថ្មី រដ្ឋសភាវៀតណាម​គ្រោង​អញ្ជើញ​មកបំពេញទស្សនកិច្ចនៅព្រះរាជាណាចក្រកម្ពុជានាពេលខាងមុខនេះដែរ។​ ឯក​ឧត្តម បានជំរុញឲ្យរដ្ឋសភា ប្រទេសទំាងពីរពង្រឹងពង្រីកកិច្ចសហប្រតិបត្តិការគ្នា ឲ្យកាន់តែល្អ​និង​ស៊ី​ជម្រៅ ដោយក្នុងនោះគួរបង្កើន ការផ្លាស់ប្តូរទស្សនកិច្ចឲ្យបានច្រើន រវាងគណៈកម្មការ​ជំនាញ​រដ្ឋសភា​ទំាងពីរ។
សម្តេចអគ្គមហាពញាចក្រី ហេង សំរិន បានលើកឡើងថា ចំណងមិត្តភាព សាមគ្គីភាព​ជា​ប្រពៃ​ណី និងកិច្ចសហប្រតិបត្តិការរវាងរដ្ឋាភិបាល និងប្រជាជន នៃប្រទេសយើងទាំងពីរ មិន​គ្រាន់​តែបាន​ផ្ដល់នូវវឌ្ឍនភាព និងវិបុលភាពទាំងសងខាងប៉ុណ្ណោះទេ ប៉ុន្តែបានរួមចំណែក​ដ៏​ខ្លាំង​ក្លា ដល់ការថែ​រក្សាសន្តិភាព និងស្ថិរភាពនៅក្នុងតំបន់ និងអន្តរជាតិផងដែរ។ ជា​មួយ​គ្នា​នេះ សម្តេចបានគូស​បញ្ជាក់ថា សម្រាប់ស្ថាប័ននីតិប្បញ្ញត្តិ ប្រទេសទាំងពីរវិញ នៅតែបន្ត​ពង្រឹង​និងពង្រីកចំណង​ការ​ទូត​សភា​ តាមរយៈកិច្ចសហប្រតិបត្តិការទ្វេភាគី ពហុភាគី ទាំងក្នុង​ក្រប​ខ័ណ្ឌតំបន់ និងសកលលោក​សំដៅ​ជួយគាំទ្រគ្នាទៅវិញទៅមកស្របតាមទស្សនៈ និង​គោល​​ជំហររបស់រដ្ឋាភិបាលរៀងៗខ្លួន តាម​រយៈ​កិច្ចប្រជុំសភាតំបន់ និងវេទិកា​អន្តរសភា​នានា។

សម្តេចប្រធាន​​រដ្ឋសភា​ បានសម្តែងនូវការ អបអរសាទរជូនចំពោះ ឯកឧត្តម​ប្រធាន​គណៈ​ប្រតិភូ ដែល​ត្រូវ​បានរដ្ឋសភាវៀតណាម បោះឆ្នោតគាំទ្រជាប់ជា ប្រធានរដ្ឋនៃសាធារណរដ្ឋ​សង្គម​និយម​វៀតណាម សម្រាប់អាណត្តិឆ្នាំ២០១៦-២០២១។

នៅទីបញ្ចប់ ឯកឧត្តម ត្រាន់ ដាយ ខ្វាង បានគោរពអញ្ជើញសម្តេចប្រធានរដ្ឋសភា ដឹក​នាំ​គណៈ​ប្រតិភូរដ្ឋសភាកម្ពុជា ទៅបំពេញទស្សនកិច្ចនៅ សាធារណរដ្ឋ​សង្គម​និយម​វៀតណាម តាម​ពេល​វេលាសមស្របណាមួយ។ ការអញ្ជើញនេះដែរ សម្តេចប្រធានរដ្ឋសភា​បានទទួល​យក​មក​ពិចារ​ណា។

សូមជម្រាបថា ឯកឧត្តម ត្រាន់ ដាយ ខ្វាង ដឹកនាំគណៈប្រតិភូជាន់ខ្ពស់បំពេញទស្សនកិច្ច នៅ​ព្រះ​រា​ជា​ណាចក្រកម្ពុជា ចំនួន៣ថ្ងៃ គឺចាប់ពីថ្ងៃទី១៤ ដល់ថ្ងៃទី១៦ ខែមិថុនា ឆ្នាំ២០១៦ ដោយក្នុងនោះ គណៈប្រតិភូបានចូលក្រាបថ្វាយបង្គំ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងជួបសម្តែងការគួរសម ពិភាក្សាការងារជាមួយ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា​ សម្តេច​អគ្គ​មហា​ពញា​ចក្រី ហេង សំរិន ប្រធានរដ្ឋសភា និង សម្តេចអគ្គមហាសេនាបតីតេជោ ហ៊ុន សែន នាយក​រដ្ឋ​មន្ត្រី​នឹងចូលថ្វាយបង្គំ សម្តេច ព្រះអគ្គមហាសង្ឃរាជាធិបតី ទេព វង្ស សម្តេច​ព្រះមហា សង្ឃរាជ​នៃគណៈមហានិកាយ និង សម្តេចព្រះអភិសិរីសុគន្ធា មហាសង្ឃរាជាធិបតី បួរ គ្រី សម្តេច​ព្រះមហាសង្ឃរាជ នៃគណៈធម្មយុត្តិកនិកាយ ផងដែរ៕

ក្រសួ​ងមហាផ្ទៃ បដិ​សេធនូវការលើ​កឡើងគ្មាន​មូលដ្ឋានផ្នែកច្បា​ប់ត្រឹមត្រូវ របស់ NGO ​មួយចំ​នួន

កាលពីថ្ងៃទី១៥ ខែមិថុនា ឆ្នាំ២០១៦ ក្រសួងមហាផ្ទៃ បានចេញសេចក្តីប្រកាសព័ត៌មាន បដិសេធនូវការលើកឡើង ដោយគ្មានមូលដ្ឋានផ្នែកច្បាប់ត្រឹមត្រូវនិងមិន សមហេតុផល របស់មជ្ឈដ្ឋានកាសែតក្នុងស្រុកមួយចំនួន ដែលបានធ្វើបទសម្ភាសន៍ពាក់ព័ន្ធ នឹងការអនុវត្តច្បាប់ស្តីពីសមាគមនិងអង្គការមិនមែនរដ្ឋាភិបាលថា មាត្រាមួយចំនួននៃច្បាប់នេះ រំលោភលើមាត្រាជាច្រើននៃរដ្ឋធម្មនុញ នៃព្រះរាជាណាចក្រកម្ពុជា ដែលច្បាប់នេះងាយស្រួលឲ្យរាជរដ្ឋាភិបាលធ្វើការរំលោភអំណាច តាមរយៈការប្រើប្រាស់មាត្រានានាដើម្បីគំរាមកំហែង និងដាក់ទណ្ឌកម្មដល់សកម្មជនសិទិ្ធមនុស្សដើម្បីលិទិ្ធប្រជាធិបតេយ្យ នីតិរដ្ឋ និងសិទិ្ធមនុស្សក្នុងប្រទេសកម្ពុជា។

សេចក្តីប្រកាសរបស់ ក្រសួងមហាផ្ទៃបានបន្ថែមថា ក្រសួងមហាផ្ទៃសូមធ្វើការបដិសេធនូវ ការលើកឡើងគ្មានមូលដ្ឋានផ្នែកច្បាប់ត្រឹមត្រូវ និងមិនសមហេតុផល ក្នុងចេតនាមួលបង្កាច់មកលើរាជរដ្ឋាភិបាលកម្ពុជា។

ក្រសួងមហាផ្ទៃបញ្ជាក់បន្ថែមទៀតថា រាជរដ្ឋាភិបាលកម្ពុជា បានចាត់ទុកសមាគម អង្គការមិនមែនរដ្ឋាភិបាល និងអង្គការសង្គមស៊ីវិលគឺជាដៃគូអភិវឌ្ឍមួយដ៏មានសារៈសំខាន់ និងមិនអាចខ្វះបាន ក្នុងការចូលរួមចំណែក កសាងប្រទេសជាតិ និងបានលើកទឹកចិត្ត តាមគ្រប់រូបភាពដល់ សមាគមនិងអង្គការមិនមែនរដ្ឋាភិបាលនានា ដែលកំពុងធ្វើសកម្មភាព បម្រើប្រជាពលរដ្ឋ នៅទូទាំងប្រទេស ក្នុងកិច្ចដំណើរការស្តារ និងអភិវឌ្ឍន៍សេដ្ឋកិច្ច សង្គមកិច្ច និងការគាំពារលើកស្ទួយ ការអនុវត្តលទ្ធិប្រជាធិបតេយ្យ និងការគោរពសិទ្ធិមនុស្ស ស្របតាមច្បាប់ និងគោលការណ៍ដែលបានកំណត់។

ក្រសួងមហាផ្ទៃក៏បានស្នើដល់ ​ សមាគមនិងអង្គការមិនមែនរដ្ឋាភិបាល ដែលបានតម្តល់សំណុំឯកសារសុំចុះបញ្ជីនៅក្រសួងមហាផ្ទៃ ត្រូវធ្វើសកម្មភាពឲ្យស្របតាមច្បាប់ស្តីពីសមាគមនិងអង្គការ មិនមែនរដ្ឋាភិបាល និងអនុវត្តឲ្យបានត្រឹមត្រូវទៅតាមលក្ខន្តិកៈរបស់ខ្លួន ដោយមិនមានការរើសអើង ការប្រកាន់ពូជសាសន៍ ពណ៌សម្បុរ ភេទ ឬសាសនា  ព្រមទាំងប្រកាន់នូវជំហរអព្យាក្រឹត្យចំពោះគ្រប់បក្សនយោបាយដែលធ្វើសកម្មភាពស្របច្បាប់នៅកម្ពុជា ៕

ព័ត៌មានលម្អិត សូមអានសេចក្តីប្រកាសព័ត៌មាន របស់ក្រសួងមហាផ្ទៃទាំងស្រុងដូចតទៅ៖

អគ្គីសនីកម្ពុជាចេញសេចក្តីជូនដំណឹងអំពីការផ្អាកការផ្គត់ផ្គង់អគ្គីសនីនៅ រាជធានីភ្នំពេញ និងខេត្តកណ្តាល

នៅថ្ងៃទី១៥ ​ខែមិថុនា ​ឆ្នាំ២០១៦ ​អគ្គីសនីកម្ពុជា ​ចេញសេចក្តី​ជូនដំណឹងដល់ ​សម្តេច ​ទ្រង់ ឯកឧត្តម លោក​ជំទាវ អ្នក​ឧកញ៉ា ​លោក លោកស្រី ​ដែលជាអតិថិជន​របស់អគ្គីសនី​កម្ពុជាថា ​ដើម្បីអនុវត្ត​ការងារជួសជុល ​ផ្លាស់ប្តូរ​ តម្លើងបរិក្ខារ​ និងរុះរើគន្លង​ខ្សែបណ្តាញប​ង្កលក្ខណៈដល់​ការរដ្ឋាន​ពង្រីកផ្លូវ​ អគ្គីសនីកម្ពុជា ​និងផ្អាកការ​ផ្គត់ផ្គង់អគ្គីសនី ​នៅតំបន់​ភ្លើងមួយចំនួន​ទៅតាមពេល​វេលា និង​ទីកន្លែង​ដូចតទៅ៖

ថ្ងៃព្រហស្បតិ៍ ​ទី១៦ ខែ​មិថុនា ឆ្នាំ២០១៦​ ចាប់ពីម៉ោង ​០៩ ម៉ ០០ ​ដល់ម៉ោង ​១២ម៉០០ នឹង​ផ្អាកការផ្គត់​ផ្គង់អគ្គីសនី​នៅតំបន់​ភ្លើងលេខ  ​    P785  ​ ស្ថិតនៅភូមិ​ត្នោតជ្រុំ  ​    ៤ ក្នុងសង្កាត់​បឹងទំពុន ​    ខណ្ឌមានជ័យ ​រាជធានី​ភ្នំពេញ។ ​

នៅថ្ងៃសុក្រ ​ទី១៧ ​ខែមិថុនា ​ឆ្នាំ២០១៦ ​ចាប់ពីម៉ោង ​០៨ ម៉ ០០​ ដល់ម៉ោង ១៧ ​ម៉ ០០ នឹង​ផ្អាកការផ្គត់ផ្គង់អ​គ្គីសនី ១.​ តំបន់ភ្លើងលេខ ​OP048 ​ ស្ថិតនៅភូមិ​ត្រពាំងឈូក ​ក្នុងសង្កាត់ទឹកថ្លា ​   ខណ្ឌសែនសុខ ​  ២. តំបន់ភ្លើ​ងលេខ ​  ប. ត332 ​   ស្ថិតនៅក្នុង​សង្កាត់ច្បារអំពៅ២ ​ខណ្ឌច្បារអំពៅ ​   និង    ៣.​តំបន់ភ្លើង​មួយចំនួន​ដែលស្ថិត​នៅភូមិកាកាប ​    ភូមិព្រៃសា​លា ភូមិតាងួន ​   ភូមិក្បាលដំរី ​   ក្នុងសង្កាត់​កាកាប ​   ភូមិគោកចំបក់ ​      ភូមិព្រៃទា  ​   ភូមិព្រៃជីសាក ​    ភូមិជម្ពូវ័ន ​    ក្នុងសង្កាត់ចោ​មចៅ    ​ ខណ្ឌពោធិ៍សែ​នជ័យ រាជធានី​ភ្នំពេញ។

​សៅរ៍ទី១៨   ​ ខែមិថុនា  ​   ឆ្នាំ២០១៦ ​   ចាប់ពី​ម៉ោង ០៩ម៉០០ ​   ដល់ម៉ោង១៧ម៉០០  ​  នឹងផ្អាក​ការផ្គត់ផ្គង់អគ្គីសនី​នៅតំបន់ភ្លើងលេខ ​ប.ត332 ​ស្ថិតនៅក្នុងសង្កាត់​ច្បារអំពៅ២ ​ខណ្ឌច្បារអំពៅ និ​ងតំបន់ភ្លើង​មួយចំនួន​ដែលស្ថិតនៅភូមិ​សន្សំកុសល ​ភូមិត្នោតជ្រុំ ​ក្នុងសង្កាត់បឹងទំពុន ​ខណ្ឌមាន​ជ័យ ភូមិម័ល ​ភូមិសំបួរ ក្នុងសង្កាត់​ដង្កោ ខណ្ឌដង្កោ ​រាជធានីភ្នំពេញ។​

និងថ្ងៃអាទិត្យទី​១៩ ខែមិថុនា ​ឆ្នាំ២០១៦ ​ចាប់ពីម៉ោង ​០៨ម៉០០ ​ដល់ម៉ោង១៧ម៉០០ ​នឹងផ្អាកការផ្គត់​ផ្គង់អគ្គីសនី១.​ តំបន់ភ្លើង​លេខ ប.ត 509​ ស្ថិតនៅក្នុង​សង្កាត់បឹងកេ​ងកង១ ខណ្ឌចំការមន ​២. តំបន់​ភ្លើងមួយចំនួន​ដែលស្ថិតនៅ​ភូមិព្រែកតាពៅ ភូ​មិអូរអណ្តូង ​ក្នុងសង្កាត់​ព្រែកប្រា ខ​ណ្ឌច្បារអំពៅ ៣​. តំបន់ភ្លើង​មួយចំនួនដែល​ស្ថិតនៅតាម​បណ្តោយផ្លូវលេខ​៥៩៨ ចាប់ពី​ភូមិទំនប់​ ក្នុងសង្កាត់​ភ្នំពេញថ្មី ​ខណ្ឌសែនសុខ​ រហូតដល់​ភូមិស្វាយប៉ាក ​ក្នុងសង្កាត់​ស្វាយប៉ាក ​ខណ្ឌឬស្សីកែវ​ និង ៤. តំបន់ភ្លើង​មួយចំនួន​ដែលស្ថិតនៅតាមបណ្តោយផ្លូ​វជាតិលេខ២១ ​ចាប់ពីឃុំរកា​ខ្ពស់  រហូតដល់​ឃុំស្វាយរលំ ​ក្នុងស្រុកស្អាង ​ខេត្តកណ្តាល៕​

ប្រសាសន៍សំខាន់ៗរបស់សម្តេចតេជោ ហ៊ុន សែន នៅក្នុងពិធីសម្ពោធអគារសិក្សាថ្មីមួយ នៅសាកលវិទ្យាល័យវិទ្យាសាស្រ្តសុខាភិបាល

នៅព្រឹកថ្ងៃទី១៦ ខែមិថុនា ឆ្នាំ២០១៦នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញសម្ពោធអគារសិក្សាថ្មីមួយ នៅសាកលវិទ្យាល័យ វិទ្យាសាស្រ្តសុខាភិបាល។ អគារ​​​សិក្សាថ្មីទី៣នេះ ត្រូវបានដាក់សម្ពោធទន្ទឹមគ្នា នឹងកម្មវិធីខួបទី៧០ នៃថ្ងៃ​បង្កើត​សាក​ល​វិទ្យា​ល័យវិទ្យាសាស្រ្តសុខាភិបាល «ស.វ.ស» មិថុនា ១៩៤៦ - មិថុនា ២០១៦។

ខាងក្រោមនេះជាប្រសាសន៍សំខាន់ៗ របស់សម្តេចតេជោ៖

* សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានប្រកាស​សម្រេចឲ្យ​សិស្ស​ប្រឡង​ជាប់​​បម្រុងទាំង ៩៩នាក់ អាចចូលរៀនក្នុងសាកលវិទ្យាល័យសុខាភិបាល។

* សម្តេចតេជោ ហ៊ុន សែន ក៏បានប្រកាសបញ្ចុះតម្លៃទិញពាក្យប្រឡងចូលរៀនពេទ្យ ពី៦០​ម៉ឺន​រៀល មកនៅត្រឹម ១០ម៉ឺនរៀលប៉ុណ្ណោះ។

* សម្តេចតេជោ ហ៊ុន សែន បានថ្លែងថា ចាប់តាំងពីសម្តេចលេង Facebook មកសម្តេច​ទទួល​បានសំណូមពរច្រើន ហើយក៏ដោះស្រាយជូនប្រជាពលរដ្ឋ បានច្រើនផងដែរ។ សម្តេចតេជោ បានបន្តថា សម្តេចប្រើ Facebook ដែលមានអ្នកចុច Like ជាង ៤លាននាក់ មិនមែនសម្រាប់​ប្រកួតប្រជែងជាមួយ នរណានោះទេ តែប្រើសម្រាប់ដោះស្រាយបញ្ហាជូនប្រជាពលរដ្ឋ តាម​លក្ខណៈរដ្ឋាភិបាលអេឡិចត្រូនិច E-Government។

* សម្តេចតេជោ ហ៊ុន សែន បានប្រកាសឲ្យដឹងផងដែរថា មានគ្រូពេទ្យជាង ៣ពាន់នាក់ ត្រូវ​បាន​ដាក់បញ្ចូលក្របខណ្ឌ។ សម្តេចតេជោ បានបញ្ជាក់ថា សម្តេចបានធ្វើកំណែ​ទម្រង់​ជា​ច្រើន ដើម្បីបំពេញសេចក្តីត្រូវការរបស់ប្រជាពលរដ្ឋ។

* សម្តេចតេជោ ហ៊ុន សែន ក៏បានថ្លែងកោតសរសើរដល់លោកទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូនដែលបានបង្កើត មណ្ឌលប្តូរ និងពន្យារ​បណ្ណ​បើក​បរ នៅផ្សារទំនើបអ៉ីអន។ សម្តេចបានបញ្ជាក់ថា បញ្ហាស្លាកលេខ និងបណ្ណបើកបរនេះ បាន​ធ្វើឲ្យសម្តេចឈឺក្បាលខ្លាំង។

* សម្តេចតេជោ ហ៊ុន សែន រំពឹងថា គ្រប់អ្នកពាក់ព័ន្ធទាំងអស់ ត្រូវរួមគ្នាធ្វើដំណើរទៅមុខ​បន្ថែម​​ទៀត។ សម្តេចបានបន្ថែមថា ដំណើរវិវឌ្ឍន៍ទៅមុខរបស់កម្ពុជា មិនអាចពឹងផ្អែកតែ​រាជ​រដ្ឋាភិបាលមួយនោះទេ គឺត្រូវរួមទាំងអស់គ្នា។

* សម្តេចតេជោ ហ៊ុន សែន បើទោះបីមានគ្រូពេទ្យភាគច្រើនល្អ ហើយនៅមានបុគ្គលពេទ្យ​តិច​តួចមិនល្អ តែមិនមែនជាស្ថាប័ននោះទេ។ សម្តេចតេជោ បានថ្លែងបន្តថាសម្តេចមិនអាច​ទទួ​ល​​​​បានទេ ចំពោះការលើកឡើងថា គ្រូពេទ្យ៩០ភាគរយមិនល្អដែលជានេះការប្រមាថ​ធ្ងន់​ធ្ងរ​ចំ​ពោះគ្រូពេទ្យ។

* សម្តេចតេជោ ហ៊ុន សែន បានប្រកាសថា ពេលនេះសម្តេចទទួលបានចៅទី ១៨ហើយ ហើយ​​​ក៏គ្រប់អេគីបបាល់ទាត់ផងដែរ។

* សម្តេចតេជោ ហ៊ុន សែន បានប្រាប់ទៅសិស្សៗថា សម្រាប់ការប្រកួតបាល់ទាត់អឺរ៉ុប គ្រាន់​តែ​​មើលបានហើយ កុំឲ្យភ្នាល់ ប្រយ័ត្នអស់លុយបង់ថ្លៃសិក្សា។

សម្តេចតេជោ ហ៊ុន សែន បានបញ្ចប់ការថ្លែងសុន្ទរកថា នៅវេលាម៉ោង៨៖៣៨​នាទីនា​ព្រឹក​ថ្ងៃ​ទី១៦ ខែមិថុនានេះ៕

លោកជំទាវ ម៉ែន នារីសោភ័គ បានអញ្ជើ​ញជាអ​ធិបតីក្នុងពិ​ធីអបអរ​សាទរសមិទ្ធផល​ និងភាពជោ​គជ័យនៃកិ​ច្ចសហប្រ​តិបត្តិការ រវាង ​កាកបាទក្រហ​មកម្ពុជា និងកាក​បាទក្រហម​អូ​ស្ត្រាលី

កាលពីថ្ងៃទី១៥ ខែមិថុនា ឆ្នាំ២០១៦ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បានអញ្ជើញជាអធិបតីក្នុងពិធីអបអរសាទរសមិទ្ធផល និងភាព​ជោគជ័យ​នៃ​កិច្ច​សហប្រតិបត្តិការ រវាង កាកបាទក្រហមកម្ពុជា និងកាកបាទក្រហមអូស្ត្រាលី    រយៈពេល ២១ឆ្នាំ ( ១៩៩៥ - ២០១៦ ) នៅសណ្ឋាគារភ្នំពេញ ដែលមានការអញ្ជើញចូលរួមពីលោក Peter Walton នាយកកម្មវិធីអន្តរជាតិនៃកាកបាទក្រហមអូស្ត្រាលី កញ្ញា ឡាក់ មុនីរស្មី តំណាងសហព័ន្ធអន្តរជាតិ ប្រចាំកម្ពុជា លោក Claire Hallas ប្រធានកម្មវិធីសម្រាប់កម្ពុជា តំណាងកាកបាទក្រហមដាណឺម៉ាក តំណាង​កាកបាទក្រហមស្វីស និងតំណាងស្ថាប័នដែលជាដៃគូរបស់កាកបាទក្រហមអូស្ត្រាលី សរុប​៣០នាក់។

កម្មវិពិធីនេះរៀបចំឡើងក្នុងគោលបំណងសំខាន់៣គឺ ១.ដើម្បីអបអរសាទរដែលកាកបាទក្រហមអូស្ត្រាលី បានទទួលជោគជ័យ​ក្នុងកិច្ច​សហប្រតិបត្តិ​ការ​រវាង​កាកបាទក្រហមកម្ពុជា និងដៃគូក្នុងស្រុកផ្សេងៗទៀត ក្នុងរយៈពេល ២១ឆ្នាំកន្លងមក ២.ការទទួលស្គាល់ពីភាពជោគជ័យនៃកិច្ចសហប្រតិបត្តិការ របស់កាកបាទក្រហមអូស្ត្រាលី នៅក្នុង​ប្រទេសកម្ពុជា និង៣.ដើម្បីប្រកាសបិទការិយាល័យកាកបាទក្រហមអូស្ត្រាលីប្រចាំនៅកម្ពុជា ។

លោកជំទាវម៉ែន នារីសោភ័គ បានពាំនាំប្រសាសន៍សួរសុខទុក្ខ ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងក្នុងនាម សម្តេចផ្ទាល់ ក៏ដូចជា​អ្នកទទួល​ផល​ពីគ្រប់កម្មវិធីគម្រោង និងសូមថ្លែងអំណរគុណយ៉ាងជ្រាលជ្រៅ ចំពោះកាកបាទក្រហមអូស្ត្រាលី។

លោកជំទាវម៉ែន នារីសោភ័គ ក៏បានបញ្ជាក់ថា រយៈពេល ២១ឆ្នាំ (១៩៩៥ - ២០១៦) នៃ​កិច្ច​សហប្រតិបត្តិការជាមួយកាកបាទក្រហមកម្ពុជា កាកបាទក្រហមអូស្ត្រាលី បានរួមចំណែកដ៏ធំធេង ជាមួយសមាគមជាតិជាដៃគូដទៃទៀតក្នុងការជួយឧបត្ថម្ភថវិកា និងបច្ចេកទេស​ដល់កាក​បាទក្រហម​កម្ពុជា ក្នុងគោលបំណងជួយគាំទ្រឱ្យស្ថាប័នមនុស្សធម៌នេះ សម្រេចបានតាមទស្សនវិស័យ “ រួម​ចំណែក​ពន្លឿនការកាត់បន្ថយភាពក្រីក្រ ការពារសេចក្តីថ្លៃថ្នូររបស់មនុស្សជាតិ និងការ​ពារតម្លៃ​មនុស្ស​ធម៌របស់ជនរងគ្រោះ ” និងសម្រេចបាននូវវិស័យស្នូលទាំងបួន ដូចដែល​បានគ្រោង​ទុក​ប្រកប​ដោយប្រសិទ្ធភាពខ្ពស់គឺ គ្រប់គ្រងគ្រោះមហន្តរាយ, សុខភាព និងការ​ថែទាំ​សុខ​ភាព​ក្នុង​គ្រា​អាសន្ន លើកកម្ពស់គោលការណ៍គ្រឹះ និងតម្លៃមនុស្សធម៌របស់ចលនា, អភិវឌ្ឍស្ថាប័ន និងធនធាន ៕ ​កាកបាទក្រហមកម្ពុជា បានអញ្ជើញជាអធិបតីក្នុងពិធីអបអរសាទរសមិទ្ធផល និងភាព​ជោគជ័យ​នៃកិច្ច​សហ​ប្រតិបត្តិការ រវាង កាកបាទក្រហមកម្ពុជា និងកាកបាទក្រហមអូស្ត្រាលី    រយៈពេល ២១ឆ្នាំ ( ១៩៩៥ - ២០១៦ ) នៅសណ្ឋាគារភ្នំពេញ ដែលមានការអញ្ជើញចូលរួមពីលោក Peter Walton នាយកកម្មវិធីអន្តរជាតិនៃកាកបាទក្រហមអូស្ត្រាលី កញ្ញា ឡាក់ មុនីរស្មី តំណាង​សហ​ព័ន្ធ​អន្តរ​ជាតិ ប្រចាំកម្ពុជា លោក Claire Hallas ប្រធានកម្មវិធីសម្រាប់កម្ពុជា តំណាង​កាក​បាទ​ក្រហម​ដាណឺ​ម៉ាក តំណាងកាកបាទក្រហមស្វីស និងតំណាង​ស្ថាប័នដែល​ជាដៃគូរបស់​កាកបាទ​ក្រហម​អូស្ត្រាលី សរុប៣០នាក់។

កម្មវិពិធីនេះរៀបចំឡើងក្នុងគោលបំណងសំខាន់៣គឺ ១.ដើម្បីអបអរសាទរដែលកាកបាទក្រហមអូស្ត្រាលី បានទទួលជោគជ័យ​ក្នុងកិច្ច​សហប្រតិបត្តិការ​រវាងកាកបាទក្រហមកម្ពុជា និងដៃគូក្នុងស្រុកផ្សេងៗទៀត ក្នុងរយៈពេល ២១ឆ្នាំកន្លងមក ២.ការទទួលស្គាល់ពីភាពជោគជ័យនៃកិច្ចសហប្រតិបត្តិការ របស់កាកបាទក្រហមអូស្ត្រាលី នៅក្នុង​ប្រទេសកម្ពុជា និង៣.ដើម្បីប្រកាសបិទការិយាល័យកាកបាទក្រហមអូស្ត្រាលីប្រចាំនៅកម្ពុជា ។

លោកជំទាវម៉ែន នារីសោភ័គ បានពាំនាំប្រសាសន៍សួរសុខទុក្ខ ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងក្នុងនាម សម្តេចផ្ទាល់ ក៏ដូច​ជាអ្នក​ទទួល​ផល​ពីគ្រប់កម្មវិធីគម្រោង និងសូមថ្លែងអំណរគុណយ៉ាងជ្រាលជ្រៅ ចំពោះកាកបាទក្រហមអូស្ត្រាលី។

លោកជំទាវម៉ែន នារីសោភ័គ ក៏បានបញ្ជាក់ថា រយៈពេល ២១ឆ្នាំ (១៩៩៥ - ២០១៦) នៃកិច្ច​សហ​ប្រតិ​បត្តិការជាមួយកាកបាទក្រហមកម្ពុជា កាកបាទក្រហមអូស្ត្រាលី បានរួមចំណែកដ៏ធំធេង ជា​មួយ​សមាគមជាតិជាដៃគូដទៃទៀតក្នុងការជួយឧបត្ថម្ភថវិកា និង​បច្ចេកទេសដល់​កាកបាទក្រហម​កម្ពុជា ក្នុងគោលបំណងជួយគាំទ្រឱ្យស្ថាប័នមនុស្សធម៌នេះ សម្រេចបានតាមទស្សនវិស័យ “ រួម​ចំណែក​ពន្លឿនការកាត់បន្ថយភាពក្រីក្រ ការពារសេចក្តីថ្លៃថ្នូររបស់មនុស្សជាតិ និងការពារ​តម្លៃ​មនុស្ស​ធម៌របស់ជនរងគ្រោះ ” និងសម្រេចបាននូវវិស័យស្នូលទាំងបួន ដូចដែលបាន​គ្រោង​ទុក​ប្រកប​​ដោយប្រសិទ្ធភាពខ្ពស់គឺ គ្រប់គ្រងគ្រោះមហន្តរាយ, សុខភាព និងការ​ថែទាំ​សុខភាព​ក្នុង​គ្រា​អាសន្ន លើកកម្ពស់គោលការណ៍គ្រឹះ និងតម្លៃមនុស្សធម៌របស់ចលនា, អភិវឌ្ឍស្ថាប័ន និងធនធាន ៕

សារលិខិតថ្វាយព្រះពររបស់ឯកឧត្តម កែវ រ៉េមី ផ្ញើសារថ្វាយព្រះពរ សម្តេចព្រះមហាក្សត្រី នរោត្តម មុនិនាថ សីហនុ ក្នុងឱកាសព្រះរាជពិធីបុណ្យចម្រើនព្រះជន្មគម្រប់៨0 យាងចូល៨១ ព្រះរាជវស្សា