– សូមក្រាបថ្វាយបង្គំព្រះថេរានុថេរៈគ្រប់ព្រះអង្គជាទីសក្ការៈ
– បងប្អូនជនរួមជាតិ សមាជិក សមាជិកាគណបក្សប្រជាជនកម្ពុជា យុវជន យុវនារីទាំងអស់ជាទីស្នេហា !
ថ្ងៃនេះ គឺជាទិវាដ៏មហានក្ខត្តឫក្សនៃការចាប់ផ្តើមបើកយុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧ នៅទូទាំងប្រទេស ដែលជាព្រឹត្តិការណ៍នយោបាយជាប្រវត្តិសាស្ត្រមួយដ៏មានសារៈសំខាន់សម្រាប់ព្រះរាជាណាចក្រកម្ពុជា។ ព្រឹត្តិការណ៍ដ៏ធំនេះ ក៏ប្រព្រឹត្តទៅព្រមជាមួយនឹងការអបអរសាទរយ៉ាងក្លៀវក្លា ខួបលើកទី៧២ នៃថ្ងៃបង្កើតគណបក្សប្រជាជនកម្ពុជា ដែលនៅគ្រាដំបូងមានឈ្មោះថា បក្សប្រជាជនបដិវត្តន៍ខ្មែរ ដែលមានប្រភពពីចលនាតស៊ូរបស់ប្រជាជនប្រឆាំងពួកឤណានិគមនិយមដើម្បីឯករាជ្យជាតិ ហើយបានពុះពារឆ្លងកាត់បណ្តាដំណាក់កាលជាច្រើននៃប្រវត្តិសាស្ត្រកម្ពុជាប្រកបដោយវីរភាពបំផុត។ ក្នុងនាមគណៈកម្មាធិការកណ្តាល ខ្ញុំព្រះករុណា ខ្ញុំ សូមសម្តែងការគោរពដឹងគុណយ៉ាងជ្រាលជ្រៅជូនបងប្អូន ជនរួមជាតិនៅគ្រប់ទិសទី ដែលតែងតែផ្តល់យុត្តិធម៌ ជំនឿ និងការគាំទ្រ ចំពោះការដឹកនាំរបស់គណបក្សប្រជាជនកម្ពុជា ធ្វើឱ្យគណបក្សមានលទ្ធភាពគ្រប់គ្រាន់ ក្នុងការបំពេញភារកិច្ចបម្រើជាតិ និងប្រជាជន ប្រកបដោយជោគជ័យក្នុងរយៈពេលជាង ៤៤ឆ្នាំកន្លងទៅនេះ។
នៅក្នុងឱកាសដ៏វិសេសវិសាលនេះ ទូលព្រះបង្គំយើងខ្ញុំទាំងអស់គ្នា សូមសម្តែងគារវភក្តីភាព និងកតញ្ញុតាធម៌ដ៏ជ្រាលជ្រៅបំផុត ថ្វាយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីសក្ការៈដ៏ខ្ពង់ខ្ពស់បំផុត ដែលកំពុងគង់ប្រថាប់ជានិមិត្តរូបនៃឯកភាពជាតិ និងនិរន្តរភាពជាតិ និងជាម្លប់ដ៏ត្រជាក់សុខក្សេមក្សាន្ដនៃប្រជាជាតិខ្មែរទាំងមូល។ សូមថ្វាយព្រះពរ ព្រះករុណាជាអម្ចាស់ជីវិតលើត្បូង និង សម្តេចព្រះវររាជមាតាជាតិ សូមមានព្រះរាជសុខភាពបរិបូរណ៍ ព្រះបញ្ញាញាណភ្លឺថ្លា និងព្រះរាជទីឃាយុយឺនយូរ ដើម្បីបន្តដឹកនាំនាវាកម្ពុជាឆ្ពោះដល់ត្រើយវឌ្ឍនភាព វិបុលភាព និងសុភមង្គលជានិច្ចនិរន្តរ៍។
នៅក្នុងឱកាសនេះដែរ យើងទាំងអស់គ្នាសូមលំឱនកាយគោរពដល់ដួងវិញ្ញាណក្ខន្ធរបស់បុព្វបុរសខ្មែរ វីរយុទ្ធជន យុទ្ធនារី និងអ្នកស្នេហាជាតិខ្មែរគ្រប់ជំនាន់ ដែលបានប្រយុទ្ធតស៊ូ និងធ្វើពលិកម្មយ៉ាងអង់ឤចបំផុត ដើម្បីឯករាជ្យ អធិបតេយ្យ បូរណភាពទឹកដី សន្តិភាព សេរីភាព ប្រជាធិបតេយ្យ និងវឌ្ឍនភាព នៃព្រះរាជាណាចក្រកម្ពុជា យើងប្ដេជ្ញាបន្តថែរក្សា ការពារ និងកសាងមាតុភូមិ ជាទីស្នេហាឱ្យគង់វង្ស ស្ថិតស្ថេរ និងចម្រើនរុងរឿង។
បងប្អូនជនរួមជាតិជាទីស្នេហា!
រយៈពេលជាង ៤៤ឆ្នាំ កន្លងទៅនេះ បន្ទាប់ពីថ្ងៃជ័យជម្នះ ៧មករាជាប្រវត្តិសាស្ត្រលើរបបប្រល័យពូជសាសន៍ គណបក្សប្រជាជនកម្ពុជា បានផ្សារភ្ជាប់រួមសុខ រួមទុក្ខជាមួយប្រជាជន ពុះពារឆ្លងកាត់រាល់ឧបសគ្គ ដឹកនាំប្រទេសឱ្យចេញផុតពីស្ថានភាពដែលវិនាសខ្ទេចខ្ទី ឈានមកដល់ដំណាក់កាលអភិវឌ្ឍន៍លើគ្រប់វិស័យប្រកបដោយមោទនភាពជាទីបំផុត។ កម្ពុជាបានប្រែក្លាយពីវាលពិឃាតនៃរបបប្រល័យពូជសាសន៍ ពីសមរភូមិនៃសង្គ្រាមដ៏រ៉ាំរ៉ៃ ពីការបែកបាក់ជាតិ និងពីទឹកដីដែលរចនាសម្ព័ន្ធសង្គមត្រូវបំផ្លាញដល់ឫសគល់ ទៅជាទឹកដីដ៏ស្រស់បំព្រងដែលប្រជាជនបានរស់នៅយ៉ាងសម្បូរសប្បាយ សុខដុមរមនាក្នុងសន្តិភាព ឯកភាពជាតិ សេរីភាព ប្រជាធិបតេយ្យ និងអភិវឌ្ឍន៍ ហើយកំពុងរួមសាមគ្គីគ្នាក្រោមដំបូលរដ្ឋធម្មនុញ្ញតែមួយ បន្តយកអស់កម្លាំងកាយ កម្លាំងចិត្ត និងបញ្ញាស្មារតីដើម្បីកសាង និងការពារមាតុភូមិរបស់ខ្លួន។ នេះជាការផ្លាស់ប្ដូរដ៏ធំធេងរបស់ព្រះរាជាណាចក្រកម្ពុជាដែលគណបក្សប្រជាជនកម្ពុជាបាននាំមកជូនប្រជាជន និងជាសច្ចធម៌ប្រវត្តិសាស្ត្រ ដែលគ្មានជនណា ឬកម្លាំងណាអាចបដិសេធបានឡើយ។
នៅក្នុងនីតិកាលទី៦ នៃរដ្ឋសភា រាជរដ្ឋាភិបាលដឹកនាំដោយគណបក្សប្រជាជនកម្ពុជា ដែលមានរូបខ្ញុំព្រះករុណា ខ្ញុំ ជានាយករដ្ឋមន្ត្រី បានការពារយ៉ាងរឹងមាំនូវសន្តិភាព ស្ថិរភាព សន្តិសុខ និងសណ្ដាប់ធ្នាប់សង្គម ដែលបានធានាដល់ការរស់នៅដ៏សុខសាន្ដរបស់ប្រជាជន ការអភិវឌ្ឍសេដ្ឋកិច្ច សង្គម និងការពង្រឹងពង្រីកប្រជាធិបតេយ្យ។ សិទ្ធិសេរីភាពរបស់ប្រជាពលរដ្ឋត្រូវបានគោរព ការពារ និងលើកស្ទួយ, វិស័យសេដ្ឋកិច្ច សង្គមកិច្ច វប្បធម៌ អប់រំ សុខាភិបាល ការងារ និងវិស័យផ្សេងៗទៀតកាន់តែមានភាពរីកចម្រើន, កម្រិតជីវភាពប្រជាជនក៏កាន់តែបានប្រសើរឡើងជាលំដាប់។ សមិទ្ធផលថ្មីៗច្រើនអនេករួមមាន ផ្លូវ ស្ពាន ប្រព័ន្ធធារាសាស្ត្រ បណ្ដាញទឹកស្អាត អណ្តូងទឹក ភ្លើងអគ្គិសនី ប្រព័ន្ធព័ត៌មាន រោងចក្រ កសិដ្ឋាន សំណង់តូចធំ មណ្ឌលពាណិជ្ជកម្ម សាលារៀន មន្ទីរពេទ្យ វត្តអារាម។ល។ ត្រូវបានកសាងពង្រីកទាំងនៅទីក្រុង ទាំងនៅជនបទ និងតំបន់ព្រំដែន។ គ្មានមូលដ្ឋានណាដែលនៅឆ្ងាយដាច់ស្រយាលមិនអាចទៅដល់ និងគ្មានការអភិវឌ្ឍនោះឡើយ។
ពេលត្រូវប្រឈមនឹងការឆ្លងរាតត្បាតនៃជំងឺកូវីដ-១៩ រាជរដ្ឋាភិបាលបានដឹកនាំការប្រយុទ្ធទប់ស្កាត់ជំងឺដ៏កាចសាហាវនេះប្រកបដោយជោគជ័យ ការពារបានអាយុជីវិតប្រជាជន រក្សាបានលំនឹងជីវភាព និងលំនឹងសេដ្ឋកិច្ច និងធ្វើឱ្យសេដ្ឋកិច្ចជាតិអាចងើបឡើងវិញយ៉ាងឆាប់រហ័សក្រោយវិបត្តិជំងឺកូវីដ-១៩ ហើយកំពុងត្រឡប់មកស្ថិតលើគន្លងនៃកំណើនជាសក្ដានុពលវិញ។ រាជរដ្ឋាភិបាលក៏បានដាក់ចេញ និងអនុវត្តដោយប្រសិទ្ធភាព នូវវិធានការគោល-នយោបាយជាច្រើនដើម្បីលើកស្ទួយផលិតកម្ម បង្កើនការងារ និងមុខរបររបស់ប្រជាជន ពង្រឹងពង្រីកសេវាសាធារណៈ ពង្រឹងយុត្តិធម៌ សមធម៌ និងសុខដុមនីយកម្មសង្គម ព្រមទាំងលើកកម្ពស់ការគាំពារសង្គមសម្រាប់ប្រជាជនគ្រប់រូប ជាពិសេសប្រជាជនក្រីក្រ និងងាយរងគ្រោះ ក្នុងស្មារតីមិនបោះបង់ពលរដ្ឋខ្មែរណាម្នាក់ឡើយ។ ទន្ទឹមនឹងភាពរឹងមាំនៃកត្តាផ្ទៃក្នុងជាតិ កិត្យានុភាពកម្ពុជាកាន់តែបានលើកកម្ពស់នៅលើផ្ទៃរាបអន្តរជាតិ ជាពិសេស តាមរយៈជោគជ័យនៃការរៀបចំ និងដឹកនាំកិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំកំពូលពាក់ព័ន្ធនានា, ការរៀបចំអង្គរសង្ក្រាន្ដ, ការរៀបចំព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលើកទី១២, ការអនុវត្តនយោបាយការបរទេសឯករាជ្យផ្អែកលើច្បាប់ និងស្មារតីមនុស្សធម៌ដ៏ធំធេង បានធ្វើឱ្យកេរ្តិ៍ឈ្មោះរបស់កម្ពុជាកាន់តែលេចត្រដែតឡើង។
ឆ្លងតាមសមិទ្ធផលដ៏ថ្លៃថ្លាទាំងអស់នេះ ជាសក្ខីភាពដែលបង្ហាញច្បាស់ថា ព្រះរាជាណាចក្រកម្ពុជា បាននិងកំពុងធ្វើដំណើរទៅមុខលើមាគ៌ាដ៏ត្រឹមត្រូវ ប្រកបដោយក្ដីសង្ឃឹមជឿជាក់ ឆ្ពោះទៅរកអនាគតដ៏ភ្លឺស្វាង។ ព្រមជាមួយនោះ ក៏បានឆ្លុះបញ្ចាំងឱ្យឃើញច្បាស់នូវការចូលរួមរបស់ប្រជាជនកម្ពុជាគ្រប់ស្រទាប់, គ្រប់ជនជាតិ និងគ្រប់ជំនឿសាសនា, មន្ត្រីរាជការ, កងកម្លាំងប្រដាប់ឤវុធ យុវជន-នារី កម្មករ កសិករ ព្រះសង្ឃ បព្វជិតនៃសាសនានានា បញ្ញវន្ដ វិនិយោគិន និងមជ្ឈដ្ឋានចម្រើនជឿនលឿនទាំងឡាយក្នុងសង្គម ដើម្បីឧត្តមប្រយោជន៍នៃប្រទេសជាតិ ប្រកបដោយមនសិការស្នេហាជាតិដ៏ឧត្តុង្គឧត្តម។
បងប្អូនជនរួមជាតិជាទីស្នេហា !
សន្តិភាព និងរាល់សមិទ្ធផលនៃសង្គមជាតិដ៏ថ្លៃថ្លាបំផុតដែលយើងសម្រេចបានមកដល់ពេលនេះដោយចាប់ផ្ដើមពីចំណុចសូន្យ គឺបានមកពីការយកអាយុជីវិតធ្វើជាដើមទុន ពីពលិកម្មដ៏ធំធេង និងការប្រឹងប្រែងអស់ពីកម្លាំងកាយ កម្លាំងចិត្តរបស់ថ្នាក់ដឹកនាំគណបក្ស អង្គការចាត់តាំងគណបក្សគ្រប់ថ្នាក់ យុទ្ធជន យុទ្ធនារី មន្រ្តី សមាជិក សមាជិកាគណបក្ស និងជនរួមជាតិយើងទាំងមូលក្នុងស្មារតីភាពជាម្ចាស់ដើម្បីជាតិ មាតុភូមិ និងជីវិតរស់នៅរបស់ខ្លួន ព្រមទាំងការជួយឧបត្ថម្ភគាំទ្រដ៏ស្មោះសរពីបណ្តាប្រទេសជាមិត្ត និងសហគមន៍អន្តរជាតិ។ យើងចងចាំជានិច្ចនូវគុណូបការៈដ៏ថ្លៃថ្លានេះ ហើយប្តេជ្ញាថែរក្សារាល់សមិទ្ធផលរបស់ជាតិឱ្យគង់វង្សជារៀងដរាប ដោយមិនអនុញ្ញាតឱ្យអនុភាពប្រតិកិរិយាណាមកបំផ្លាញបានឡើយ។ យើងប្តេជ្ញាបន្តកសាងប្រទេសជាតិយើងឱ្យកាន់តែរីកចម្រើនឡើងក្លាយជាប្រទេសជឿនលឿនមួយក្នុងតំបន់ ជាសង្គមប្រកបដោយអរិយធម៌ និងសេចក្តីស្រឡាញ់ ដោយគ្មានការកើតឡើងជាថ្មីនូវសង្គ្រាម អំពើប្រល័យពូជសាសន៍ និងការបែកបាក់ផ្ទៃក្នុងជាតិដូចពេលមុនទៀត។
ក្នុងន័យនេះ ការបោះឆ្នោតជ្រើសតាំងតំណាងរាស្ត្រនីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ ខាងមុខនេះ គឺជាព្រឹត្តិការណ៍នយោបាយជាប្រវត្តិសាស្ត្រមួយដែលមានសារៈសំខាន់ជាទីបំផុតចំពោះជាតិយើង។ ការសម្រេចចិត្តខាងនយោបាយរបស់ប្រជាពលរដ្ឋនៅក្នុងការបោះឆ្នោតនេះ ដើម្បីជ្រើសរើសយកគណបក្សណាមួយឱ្យបន្តដឹកនាំប្រទេស គឺមានលក្ខណៈកំណត់ចំពោះជោគវាសនាអនាគតរបស់ជាតិ និងប្រជាជនយើងផ្ទាល់។ ខ្ញុំព្រះករុណា ខ្ញុំ មានជំនឿថា បងប្អូនជនរួមជាតិដែលបានមើលឃើញជាក់ស្តែងរួចហើយនូវការរីកចម្រើនរបស់ប្រទេសកម្ពុជានៅក្នុងសុខសន្តិភាព ឯករាជ្យ ឯកភាព អធិបតេយ្យ និងបូរណភាពទឹកដីពេញលេញបច្ចុប្បន្ននេះ នឹងបន្តបោះឆ្នោតគាំទ្រគណបក្សប្រជាជនកម្ពុជា និងខ្ញុំព្រះករុណា ខ្ញុំ ឱ្យដឹកនាំប្រទេសជាតិសម្រាប់នីតិកាលទី៧ ជាបន្តទៀត។
គណបក្សប្រជាជនកម្ពុជា សូមប្រកាស និងសុំការគាំទ្រពីជនរួមជាតិនូវ «កម្មវិធីនយោបាយសម្រាប់ការកសាង និងការពារមាតុភូមិឆ្នាំ២០២៣–២០២៨» ដើម្បីធានាការការពារសន្តិភាព និងនិរន្តរជាតិលើមាគ៌ានៃការអភិវឌ្ឍ និងការលើកស្ទួយជីវភាពប្រជាជនឆ្ពោះទៅសម្រេចចក្ខុវិស័យកម្ពុជាឆ្នាំ២០៣០ ជាប្រទេសមានចំណូលមធ្យមកម្រិតខ្ពស់ និងឈានទៅជាប្រទេសមានចំណូលខ្ពស់នៅឆ្នាំ ២០៥០។ លើមូលដ្ឋានកម្មវិធីនយោបាយនេះ គណបក្សប្រជាជនកម្ពុជា ប្រកាន់ខ្ជាប់នូវគោលជំហរជាយុទ្ធសាស្ត្រដូចខាងក្រោម ៖
១-ការពាររបបរាជានិយមអាស្រ័យរដ្ឋធម្មនុញ្ញ តាមប្រព័ន្ធនយោបាយប្រជាធិបតេយ្យសេរី ពហុបក្ស បែបសភានិយមឱ្យស្ថិតស្ថេរជានិរន្តរ៍ ព្រមទាំងពង្រឹង និងពង្រីកលទ្ធិប្រជាធិបតេយ្យសេរី ពហុបក្ស ឱ្យចាក់គ្រឹះរឹងមាំក្នុងសង្គមជាតិ ដោយដើរទន្ទឹមនឹងការពង្រឹងនីតិរដ្ឋ រួមជាមួយនឹងការលើកកម្ពស់ការគោរពសិទ្ធិមនុស្ស។
២- ពង្រឹងឯកភាពជាតិ និងប្ដេជ្ញាទប់ស្កាត់ និងកម្ចាត់គ្រប់ទម្រង់នៃនយោបាយ និងសកម្មភាពជ្រុលនិយម បង្កឡើងដោយបុគ្គល ឬក្រុមបុគ្គល ឬអង្គការចាត់តាំងនយោបាយណាមួយ ឬមជ្ឈដ្ឋានអមិត្តណាមួយដែលព្យាយាមញុះញង់បង្កការបែកបាក់ជាតិ បង្កើតភាពវឹកវរសង្គម បំផ្លាញសុខសន្តិភាព បង្កអស្ថិរភាពនយោបាយនៅកម្ពុជាតាមបែបឧទ្ទាម ដែលផ្ទុយទាំងស្រុងពីគោលការណ៍នៃលទ្ធិប្រជាធិបតេយ្យ និងរំលោភបំពានលើរដ្ឋធម្មនុញ្ញនៃព្រះរាជាណាចក្រកម្ពុជា។
៣- បន្តជ្រោងទង់មហាសាមគ្គីជាតិនៅក្រោមដំបូលរដ្ឋធម្មនុញ្ញនៃព្រះរាជាណាចក្រកម្ពុជា និងក្រោមម្លប់ដ៏ត្រជាក់នៃអង្គព្រះមហាក្សត្រជាទីសក្ការៈដ៏ខ្ពង់ខ្ពស់បំផុត សំដៅបង្រួបបង្រួមប្រមូលកម្លាំងប្រជាជាតិខ្មែរទាំងមូលដោយឥតប្រកាន់ពូជសាសន៍, ពណ៌សម្បុរ, វ័យ, ភេទ, ភាសា, ជំនឿសាសនា, និន្នាការនយោបាយ, អតីតកាល, ដើមកំណើតជាតិ, ឋានៈសង្គម, ធនធាន ឬស្ថានភាពឯទៀត ដើម្បីថែរក្សាសន្តិភាព ស្ថិរភាពនយោបាយ និងរាល់សមិទ្ធផលសង្គមជាតិ ព្រមទាំងរួមសាមគ្គីគ្នាបន្តកសាង និងការពារមាតុភូមិឆ្ពោះទៅរកអនាគតដ៏រុងរឿង។
៤-បន្តអនុវត្តនយោបាយការបរទេសឯករាជ្យដោយផ្អែកលើច្បាប់ ការពារអធិបតេយ្យ និងបូរណភាពទឹកដី ប្រឆាំងការជ្រៀតជ្រែកពីខាងក្រៅគ្រប់រូបភាព កសាងមិត្តភាព និងកិច្ចសហប្រតិបត្តិការល្អប្រសើរ រវាងព្រះរាជាណាចក្រ-កម្ពុជាជាមួយប្រទេសទាំងអស់នៅលើសកលលោក និងអង្គការអន្តរជាតិនានា ហើយចូលរួមយ៉ាងសកម្មចំពោះ បុព្វហេតុសន្តិភាព ស្ថិរភាព សន្តិសុខ សហប្រតិបត្តិការ និងវិបុលភាពនៅក្នុងតំបន់ និងពិភពលោក ។
បងប្អូនជនរួមជាតិជាទីស្នេហា !
គណបក្សប្រជាជនកម្ពុជា បានអនុម័តការគាំទ្រខ្ញុំព្រះករុណា ខ្ញុំ ជាបេក្ខភាពនាយករដ្ឋមន្ត្រីសម្រាប់នីតិកាលទី៧ និងគាំទ្រ ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រីសម្រាប់ពេលអនាគត។ អនុវត្តសេចក្ដីសម្រេចនេះ ខ្ញុំព្រះករុណា ខ្ញុំ សូមសន្យាជាឱឡារិកថា បើគណបក្សប្រជាជនកម្ពុជាទទួលបានជ័យជម្នះនៅក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៧ នាថ្ងៃទី២៣ ខែកក្កដា ខាងមុខនេះ ខ្ញុំព្រះករុណា ខ្ញុំ នឹងឈរយ៉ាងរឹងមាំលើគោលជំហរជាយុទ្ធសាស្ត្រខាងលើនេះ និងដឹកនាំអនុវត្តឱ្យបានសម្រេចជោគជ័យនូវកម្មវិធីនយោបាយរបស់គណបក្សប្រជាជនកម្ពុជា ដែលនឹងក្លាយជាកម្មវិធីនយោបាយរបស់រាជរដ្ឋាភិបាលសម្រាប់នីតិកាលទី៧ នៃរដ្ឋសភា។ ក្នុងស្មារតីនេះ និងដើម្បីធានាការការពារ និងលើកស្ទួយផលប្រយោជន៍របស់ប្រជាជន ខ្ញុំព្រះករុណា ខ្ញុំ នឹងជំរុញការអនុវត្តប្រកបដោយប្រសិទ្ធភាពនូវគោលនយោបាយជាអាទិភាពដូចខាងក្រោម ៖
១-ផ្តល់សេវាសាធារណៈជូនប្រជាពលរដ្ឋប្រកបដោយតម្លាភាព ងាយស្រួល និងជឿទុកចិត្ត, បន្តអនុវត្តការមិនយកកម្រៃសេវាលើការចុះបញ្ជីកំណើត, បញ្ជីអាពាហ៍ពិពាហ៍, បញ្ជីមរណភាព, ការផ្តល់សៀវភៅស្នាក់នៅ សៀវភៅគ្រួសារ និងអត្តសញ្ញាណបណ្ណសញ្ជាតិខ្មែរ។
២-បន្តមិនយកពន្ធលើដីកសិកម្មជាលក្ខណៈគ្រួសារ ជួយកសិករក្នុងការពង្រីកផលិតកម្ម និងការរកទីផ្សារលក់កសិផលដោយថ្លៃសមរម្យ, បែងចែកដី និងផ្ដល់កម្មសិទ្ធិដីជូនគ្រួសារក្រីក្រគ្មានដីដែលបានអនុវត្តតាមលក្ខខណ្ឌសម្បទានដីសង្គមកិច្ច, ទប់ស្កាត់ការទន្ទ្រានកាន់កាប់ដីគ្រប់ប្រភេទរបស់រដ្ឋដោយខុសច្បាប់ និងបន្តធ្វើប្រទានកម្មដីជូនប្រជាជនរស់នៅ និងអាស្រ័យផលលើទីតាំងដីរដ្ឋតាមគោលការណ៍ដែលរដ្ឋបានកំណត់។
៣-បន្តអនុវត្តគោលការណ៍លុបការបង់ភាស៊ី និងការបង់ថ្លៃផ្សេងៗទៀត ចំពោះការលក់ដូររបស់ប្រជាពលរដ្ឋតាមកញ្ច្រែង កញ្ជើ ល្អី នៅតាមទីផ្សារនានានៅទូទាំងប្រទេស, អាជីវករលក់ដូរតាមផ្សាររដ្ឋ និងទីតាំងផ្សាររដ្ឋមានសិទ្ធិកាន់កាប់ ប្រើប្រាស់ និងអាស្រ័យផលលើតូប រាន ស្តង់លក់ដូរ និងមានសិទ្ធិផ្ទេរសិទ្ធិទាំងនេះឱ្យកូនចៅ ឬអ្នកដទៃបាន, បន្តកាត់បន្ថយចំណាយសម្រាប់ការរស់នៅរបស់ប្រជាពលរដ្ឋតាមរយៈយន្តការនៃការរក្សាស្ថិរភាពថ្លៃម្ហូបអាហារ និងកាត់បន្ថយថ្លៃទឹក និងថ្លៃអគ្គិសនីសម្រាប់ប្រជាជនទូទៅ។
៤-លើកកម្ពស់ការអនុវត្តគោលនយោបាយភូមិ ឃុំ សង្កាត់ មានសុវត្ថិភាព, បន្តអភិវឌ្ឍគ្រប់ឃុំ សង្កាត់ ឱ្យមានផ្លូវគមនាគមន៍កាន់តែល្អ តាមរយៈការជួសជុលថែទាំផ្លូវជាប្រចាំ ការស្ថាបនាផ្លូវថ្មីៗថែមទៀត និងការលើកកម្ពស់ផ្លូវ ពីផ្លូវដីទៅជាផ្លូវក្រាលកៅស៊ូ ឬផ្លូវបេតុង, មានអគ្គិសនី និងទឹកស្អាតប្រើប្រាស់គ្រប់គ្រាន់, មានប្រព័ន្ធធារាសាស្ត្រកាន់តែប្រសើរឡើង និងមានសេវាទូរគមនាគមន៍ប្រកបដោយគុណភាព។
៥-បន្តដំឡើងប្រាក់បៀវត្សជូនមន្ត្រីរាជការ និងកងកម្លាំងប្រដាប់អាវុធគ្រប់ប្រភេទ, បន្តកែសម្រួល និងដំឡើងប្រាក់សោធននិវត្តន៍របស់អតីតមន្ត្រីរាជការ និងអតីតយុទ្ធជន, បន្តដំឡើងប្រាក់ឈ្នួលអប្បបរមារបស់កម្មករ និយោជិត ព្រមទាំងរក្សាអត្ថប្រយោជន៍ផ្សេងៗសម្រាប់កម្មករ និយោជិត, បន្តអនុវត្តគោលការណ៍មិនយកពន្ធលើប្រាក់បៀវត្សអប្បបរមារបស់មន្ត្រីរាជការគ្រប់ប្រភេទ និងប្រាក់ឈ្នួលអប្បបរមារបស់កម្មករ និយោជិត, លើកកម្ពស់ការការពារសិទ្ធិ និងផលប្រយោជន៍កម្មករទាំងក្នុងប្រព័ន្ធ និងក្រៅប្រព័ន្ធ, បន្តអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងគ្រាមានគ្រោះអាសន្ន និងគ្រាមានវិបត្តិផ្សេងៗ និងបន្តអនុវត្តកម្មវិធីឧបត្ថម្ភស្រ្តីមានផ្ទៃពោះ និងកុមារអាយុក្រោម២ឆ្នាំនៃគ្រួសារក្រីក្រ និងកម្មវិធីឧបត្ថម្ភមន្ត្រីរាជការ មន្ត្រីកម្មសិក្សា និងមន្ត្រីជាប់កិច្ចសន្យាជាស្ត្រី ព្រមទាំងកម្មការិនីមានផ្ទៃពោះ និងកូនអាយុក្រោម២ឆ្នាំ។
៦-លើកកម្ពស់ការផ្តល់សេវាថែទាំសុខភាពប្រកបដោយគុណភាព សុវត្ថិភាព ប្រសិទ្ធភាព និងសមធម៌ជូនប្រជាជន។ ពង្រីកសាលាបឋមសិក្សាដល់គ្រប់ភូមិ ពង្រីកអនុវិទ្យាល័យដល់គ្រប់ឃុំ និងបង្កើនវិទ្យាល័យនៅតាមស្រុក, យុវជនទទួលបានឱកាសក្នុងការរៀនសូត្រ បណ្តុះបណ្តាលវិជ្ជាជីវៈ និងមានការងារធ្វើ។
៧- ព្រមជាមួយនោះ ខ្ញុំព្រះករុណា ខ្ញុំ នឹងដាក់ចេញនូវកម្មវិធីគោលនយោបាយជាអាទិភាពចំនួន ៦ចំណុច នៅក្នុងកម្មវិធីនយោបាយរបស់រាជរដ្ឋាភិបាលនីតិកាលទី៧ នៃរដ្ឋសភា រួមមាន៖
កម្មវិធីទី១ : ការផ្ដល់ការថែទាំសុខភាពឆ្ពោះទៅកម្មវិធីគ្របដណ្ដប់សុខភាពជាសកល ដោយចាប់ផ្ដើមពី៖ (១) ការផ្ដល់សេវាថែទាំសុខភាពជូនគ្រួសារងាយរងហានិភ័យប្រមាណជាង ៤៥ម៉ឺនគ្រួសារ ស្មើនឹងសមាជិកសរុបជាង ១,៥លាននាក់ តាមរយៈការប្រើប្រាស់មូលនិធិសមធម៌សុខាភិបាល និង(២) ការពង្រីករបបថែទាំសុខភាពរបស់ ប.ស.ស. ទាំងសម្រាប់កម្មករ-និយោជិត និងសម្រាប់មន្ត្រីសាធារណៈដែលគ្របដណ្ដប់បន្ថែមដល់សមាជិកគ្រួសារ និងអ្នកក្នុងបន្ទុករបស់ពួកគាត់ ប្រមាណជាង ៣លាននាក់ តាមគោលការណ៍ស្ម័គ្រចិត្ត។ ជាសរុប គម្រោងទាំងពីរនេះ នឹងធ្វើឱ្យប្រជាជនប្រមាណ ៧,៤លាននាក់ មានលទ្ធភាពទទួលបាននូវរបបសន្តិសុខសង្គមផ្នែកសេវាថែទាំសុខភាព។
កម្មវិធីទី២ : ការបណ្ដុះបណ្ដាលជំនាញវិជ្ជាជីវៈ និងបច្ចេកទេស ជូនដល់យុវជនមកពីគ្រួសារក្រីក្រ និងគ្រួសារងាយរងហានិភ័យនៅទូទាំងប្រទេសដែលមានចំនួនប្រមាណជាង ១,៥លាននាក់ នៅតាមបណ្ដាគ្រឹះស្ថានបណ្ដុះបណ្ដាលវិជ្ជាជីវៈនានារបស់រដ្ឋ ក្នុងកម្រិតសញ្ញាបត្របច្ចេកទេស និងវិជ្ជាជីវៈកម្រិត១ ដោយមិនបង់ថ្លៃសិក្សា និងទទួលបាននូវប្រាក់ឧបត្ថម្ភប្រចាំខែ។
កម្មវិធីទី៣ : ការធ្វើស្ថាបនូបនីយកម្មកម្មវិធីជាតិជំនួយសង្គមសម្រាប់គ្រួសារក្រីក្រ, ក្រុមជនងាយរងគ្រោះនៅក្នុងគ្រួសារក្រីក្រ និងគ្រួសារងាយរងហានិភ័យនៅក្នុងគ្រាមានវិបត្តិសេដ្ឋកិច្ច និងគ្រាមានគ្រោះអាសន្ន ដើម្បីជួយទ្រទ្រង់ និងផ្ដល់ការគាំពារទាន់ពេល និងក្នុងលក្ខណៈជាប្រព័ន្ធជូនប្រជាពលរដ្ឋ ជាពិសេសគ្រួសារក្រីក្រ និងងាយរងគ្រោះ និងគ្រួសារងាយរងហានិភ័យទៅតាមស្ថានភាពជាក់ស្ដែងនៃវិបត្តិ ឬគ្រោះអាសន្ន នៅតាមគ្រប់ទីតាំងភូមិសាស្ត្រទូទាំងប្រទេស ដែលនឹងគ្របដណ្ដប់លើប្រជាជនសរុបប្រមាណ ៤,៣លាននាក់។
កម្មវិធីទី៤ : ការដាក់ចេញ និងការជំរុញអនុវត្តយុទ្ធសាស្ត្រអភិវឌ្ឍន៍សេដ្ឋកិច្ចក្រៅប្រព័ន្ធ ឱ្យមានលទ្ធភាពចូលរួមទៅក្នុងសេដ្ឋកិច្ចក្នុងប្រព័ន្ធ និងអាចទទួលបានផលប្រយោជន៍ពីប្រព័ន្ធគាំពារសង្គមផ្លូវការ តាមរយៈ ៖ (១) ការផ្ដល់នូវការគាំពារ និងការបង្កើតនូវបរិយាកាសអំណោយផលសម្រាប់ការធ្វើធុរកិច្ច និងពាណិជ្ជកម្ម ព្រមជាមួយនឹងការផ្ដល់នូវការបណ្ដុះបណ្ដាលជំនាញបច្ចេកទេស និងវិជ្ជាជីវៈដល់ក្រុមហ៊ុន-សហគ្រាសធុនមីក្រូ តូច និងមធ្យម, និង (២) ការផ្ដល់ការគាំពារសង្គម ដល់បុគ្គលស្វ័យនិយោជន៍នៅក្នុងសេដ្ឋកិច្ចក្រៅប្រព័ន្ធ ដោយផ្ដោតការយកចិត្តទុកដាក់ជាបឋមលើការផ្ដល់សេវាថែទាំសុខភាពនៅក្រោមមូលនិធិសមធម៌សុខាភិបាល។
កម្មវិធីទី៥ : ការដាក់ចេញនូវយន្ដការសម្របសម្រួល និងកម្មវិធីហិរញ្ញប្បទាន សំដៅលើកស្ទួយផលិតកម្ម, រកទីផ្សារ និងរក្សាលំនឹងថ្លៃកសិផលសំខាន់ៗ ក្នុងកម្រិតសមរម្យ តាមរយៈការដាក់ចេញនូវកញ្ចប់ថវិកាជាក់លាក់ដោយចាប់ផ្ដើមពីចំនួន ១០០លានដុល្លារមេរិក និងអាចវិភាជថវិកាបន្ថែមប្រសិនបើមានតម្រូវការចាំបាច់ ដើម្បីធ្វើអន្តរាគមន៍ឱ្យបានទាន់ពេល ក្នុងការទិញកសិផលពីប្រជាកសិករ ជាមួយនឹងគោលដៅរក្សាស្ថិរភាពថ្លៃនៅរាល់រដូវប្រមូលផល ជាពិសេសលើផលិតផលកសិកម្មមួយចំនួន ជាអាទិ៍ ស្រូវ ស្វាយកែវរមៀត មៀនប៉ៃលិន ស្វាយចាន់ទី ដំឡូង ពោត និងផលិតផលផ្សេងទៀត តាមការចាំបាច់។
កម្មវិធីទី៦ : ការរៀបចំចាត់បញ្ជូនមន្ត្រីបច្ចេកទេសផ្ដល់សេវាកសិកម្មឱ្យបានគ្រប់ឃុំទាំងអស់នៅទីជនបទទូទាំងប្រទេស ដើម្បីជំរុញការលើកកម្ពស់ផលិតភាពកសិកម្ម និងជួយដល់គ្រួសារកសិករ ក្នុងការលើកស្ទួយផលិតផលកសិកម្មរបស់ខ្លួន។ រាជរដ្ឋាភិបាលនីតិកាលទី៧ នឹងយកចិត្តទុកដាក់ផងដែរទៅលើការរៀបចំឱ្យមានសមាគមកសិករនៅតាមទីជនបទ ដើម្បីរក្សានូវកម្លាំងរបស់កសិករក្នុងការផលិត ក៏ដូចជាការតថ្លៃជាមួយនឹងអ្នកទទួលទិញ។
បងប្អូនជនរួមជាតិជាទីស្នេហា !
កម្មវិធីនយោបាយរបស់គណបក្សប្រជាជនកម្ពុជា ឆ្នាំ ២០២៣-២០២៨ ជាការបន្តនៃកម្មវិធីនយោបាយ ឆ្នាំ ២០១៨-២០២៣ និងឆ្លើយតបទៅនឹងការវិវត្តន៍នៃសភាពការណ៍ជាក់ស្ដែងទាំងនៅក្នុងប្រទេស ទាំងនៅក្រៅប្រទេស។ កម្មវិធីនយោបាយនេះ ត្រូវបានកសាងឡើងដោយផ្តើមចេញពីឆន្ទៈ និងបំណងប្រាថ្នាដ៏ពិសិដ្ឋរបស់ប្រជាជន និងប្រកបដោយភាពប្រាកដនិយមដែលគណបក្សមានសមត្ថភាព និងលទ្ធភាពពិត ក្នុងការអនុវត្តឱ្យបានសម្រេច។ ក្នុងនាមជាបេក្ខជននាយករដ្ឋមន្ត្រីរបស់គណបក្សប្រជាជនកម្ពុជា សម្រាប់នីតិកាលទី៧ ខាងមុខនេះ ខ្ញុំព្រះករុណា ខ្ញុំ បានត្រៀមរៀបចំរួចជាស្រេចនូវរបៀបវារៈគោលនយោបាយសង្គម-សេដ្ឋកិច្ចរបស់រាជរដ្ឋាភិបាល បន្តពីយុទ្ធសាស្ដ្រចតុកោណដំណាក់កាលទី៤ សម្រាប់ជាឧបករណ៍ដឹកនាំអនុវត្តឱ្យបានសម្រេចជោគជ័យនូវ «កម្មវិធីនយោបាយ» របស់គណបក្ស។
មុននឹងបញ្ចប់ ខ្ញុំព្រះករុណា ខ្ញុំ សូមយកឱកាសនេះគូសបញ្ផាក់នូវជំហរឥតងាករេរបស់គណបក្សប្រជាជនកម្ពុជា ក្នុងការចូលរួមការបោះឆ្នោតជ្រើសតាំងតំណាងរាស្ត្រ នីតិកាលទី៧ តាមគោលការណ៍នៃលទ្ធិប្រជាធិបតេយ្យសេរី ពហុបក្ស ដោយគោរពប្រតិបត្តិយ៉ាងខ្ជាប់ខ្ជួន តាមច្បាប់ បទបញ្ជា នីតិវិធី និងក្រមសីលធម៌សម្រាប់ការបោះឆ្នោត។ ខ្ញុំក៏សូមយកឱកាសនេះ អំពាវនាវដល់គ្រប់ក្រុមការងារគណបក្សចុះមូលដ្ឋានរាជធានី ខេត្ត, គណៈកម្មាធិការនៃគណបក្សគ្រប់ថ្នាក់, បេក្ខជន, មន្ត្រី និងសមាជិកសមាជិកាគណបក្សប្រជាជនកម្ពុជាទាំងអស់ សូមចូលរួមក្នុងយុទ្ធនាការឃោសនានេះឱ្យបានសកម្មបំផុត ដើម្បីបង្ហាញពីកម្លាំងនៃសាមគ្គីភាព ឯកភាពផ្ទៃក្នុងដ៏រឹងមាំរបស់គណបក្សយើងដោយប្រកាន់ខ្ជាប់នូវភាពថ្លៃថ្នូរ និងសីលធម៌ដ៏ល្អប្រសើរ។
ព្រមជាមួយនេះ ខ្ញុំសង្ឃឹមថា គណបក្សទាំងឡាយដែលចូលរួមប្រកួតប្រជែងក្នុងការបោះឆ្នោត ក៏ដូចជាអង្គការនានានៃសង្គមស៊ីវិល, អ្នកសង្កេតការណ៍ជាតិ និងអន្តរជាតិ និងមជ្ឈដ្ឋានផ្សេងៗទៀត ដែលចូលរួមសង្កេតមើលដំណើរការបោះឆ្នោត ទាំងក្នុងដំណាក់កាលយុទ្ធនាការឃោសនា ពេលបោះឆ្នោត ពេលរាប់សន្លឹកឆ្នោត និងក្រោយពេលបោះឆ្នោត ពិតជានឹងគោរពយ៉ាងខ្ជាប់ខ្ជួនតាមច្បាប់ បទបញ្ជា និងនីតិវិធីនៃការបោះឆ្នោត ដើម្បីធានានូវបរិយាកាសនយោបាយដ៏ល្អបំផុត ធ្វើឱ្យការបោះឆ្នោតប្រព្រឹត្តទៅដោយជោគជ័យប្រកបដោយលក្ខណៈសេរី ត្រឹមត្រូវ និងយុត្តិធម៌។
បងប្អូនជនរួមជាតិជាទីស្នេហា !
ថ្ងៃឤទិត្យ ៦កើត ខែទុតិយាសាឍ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២៣ ខែកក្កដា ឆ្នាំ២០២៣ ខាងមុខនេះ គឺជាថ្ងៃបោះឆ្នោតហើយ ! ខ្ញុំព្រះករុណា ខ្ញុំ សូមអំពាវនាវដល់បងប្អូនជនរួមជាតិ ក៏ដូចជាសមាជិក-សមាជិកាគណបក្សប្រជាជនកម្ពុជាទាំងអស់ ដែលមានឯកសារបញ្ជាក់អត្តសញ្ញាណសម្រាប់ការបោះឆ្នោត ហើយ អញ្ជើញទៅបោះឆ្នោតឱ្យបានគ្រប់គ្នាកុំបីខាន និងសូមបោះឆ្នោតគាំទ្រគណបក្សប្រជាជនកម្ពុជា ដែលមានរូបសញ្ញាទេវតាបាចផ្កា និងមានលេខរៀងទី ១៨ នៅលើសន្លឹកឆ្នោត !
– បោះឆ្នោតជូនគណបក្សប្រជាជនកម្ពុជា គឺដើម្បីសន្តិភាពប្រជាធិបតេយ្យ និងការអភិវឌ្ឍ!
– បោះឆ្នោតជូនគណបក្សប្រជាជនកម្ពុជា គឺដើម្បីឯករាជ្យជាតិអធិបតេយ្យជាតិនិងបូរណភាពទឹកដីដ៏ពេញលេញ!
– បោះឆ្នោតជូនគណបក្សប្រជាជនកម្ពុជា គឺបោះឆ្នោតឱ្យខ្លួនឯង!
– គណបក្សប្រជាជនកម្ពុជាឈ្នះឆ្នោត គឺប្រជាជនកម្ពុជា ជាអ្នកឈ្នះ!
– ជយោ! គណបក្សប្រជាជនកម្ពុជាដ៏រុងរឿង!
នៅចុងបញ្ចប់ ខ្ញុំព្រះករុណា ខ្ញុំ សូមប្រគេនពរ និងជូនពរព្រះថេរានុថេរៈគ្រប់ព្រះអង្គ បព្វជិតនៃគ្រប់សាសនាបងប្អូនជនរួមជាតិនៅគ្រប់ទិសទី សមាជិក សមាជិកាគណបក្ស យុវជន យុវនារីទាំងអស់ សូមទទួលបានជោគជ័យគ្រប់ប្រការ និងបានប្រកបនូវពុទ្ធពរ និងពរ ទាំង៥ ប្រការ គឺៈ ឤយុ វណ្ណៈ សុខៈ ពលៈ និងបដិភាណៈ កុំបីឃ្លៀងឃ្លាតឡើយ៕សូមអរព្រះគុណ និង សូមអរគុណ !
***********
Statement of Samdech Akka Moha Sena Padei Techo Hun Sen President of the Cambodian People’s Party on the Occasion of the Opening Election Campaign for the 7th Legislature National Assembly and the commemoration of the 72nd Founding Anniversary of the Cambodian People’s Party
Esteemed Buddhist monks;
Dear Compatriots, members of the Cambodian People’s Party;
My Dear Beloved Youth
Today is the auspicious day of the launch of the 7th legislature National Assembly election campaign across the country, an important political event for the Kingdom of Cambodia. This great event also coincided with the enthusiastic celebration of the 72nd founding anniversary of the Cambodian People’s Party, which was originally called the Khmer Revolutionary People’s Party, originated from the people’s resistance movement against the colonialism for national independence and has struggled through many stages of Cambodian history with the greatest heroism. On behalf of the central committee, I would like to express my profound gratitude to our compatriots everywhere, who always confer justice, belief, and support to the Cambodian People’s Party, giving the Party ability to fulfil the tasks of serving the nation and people with successes over the past 44 years.
On this magnificent occasion, we would like to express our deepest respect and gratitude to His Majesty King Norodom Sihamoni of the Kingdom of Cambodia, and Queen Norodom Monineath Sihanouk, the highly revered Queen Mother of the Khmer Nation in Freedom, Dignity and Happiness, who are staying in the highest shrine as a symbol of national unity and national sustainability, and a cool shade of peace and tranquility of the entire Khmer nation. May Your Majesty, whose life is placed on the stone, and His Majesty the Queen Mother of the Nation, have abundant health, bright intellect, and a long life to continue to lead the Cambodian ship to progress, prosperity and happiness forever.
On this occasion, we would like to bow in respects to the souls of Cambodian ancestors, heroes, warriors and patriots of all generations, who have fought and sacrificed their might for independence, sovereignty, territorial integrity, peace, freedom, democracy and progress of the Kingdom of Cambodia, and we are committed to continue to preserve, protect and build a loving homeland for longevity, stability and prosperity.
Dear compatriots!
For more than 44 years, after the historic January 7 Victory Day over the genocidal regime, the Cambodian People’s Party has stayed attached and shared with the people both good and bad, overcome all obstacles to lead the country out of a state of devastation reaching to the stage of development in all areas with the greatest pride. Cambodia has transformed from a killing field of genocidal regimes, a battlefield of chronic warfare, from national disintegration and from a land where social structures were destroyed to its roots, into a beautiful land where people live in harmony and peace, national unity, freedom, democracy and development, and are united under the roof of the same Constitution, and continue to use all their physical, mental and intellectual strengths to build and defend their homeland. This is the great change of the Kingdom of Cambodia that the CPP has brought to the people and is a historical fact that no one or force can deny.
In the 6th legislature of the National Assembly, the Royal Government led by the Cambodian People’s Party, for which I have been the Prime Minister, firmly defended peace, stability, security and social order, ensuring the peaceful life of the people, socio-economic development, and strengthening democracy. The rights and freedoms of the people are respected, protected and promoted, and the economic, social, cultural, educational, health, employment and other fields are more prosperous, and the living standards of the people are constantly improving. Many new achievements include roads, bridges, irrigation systems, water supply networks, water wells, electricity, information systems, factories, farms, small and large buildings, business centers, schools, hospitals, pagodas, etc. have been built and expanded in both urban, rural and border areas. No base is remote, inaccessible and undeveloped.
In the face of the Covid-19 epidemic, the Royal Government has successfully led the fight against this deadly disease, saved the lives of the people, maintained a stable life and economic balance, and swiftly revived the national economy soon after the Covid-19 crisis, and the country is returning to the path of potential growth. The Royal Government has also introduced and effectively implemented a number of policy measures to boost production, increase employment and jobs, strengthen and expand public services, strengthen justice, equity and social harmony, as well as promote social protection for all people, especially the poor and vulnerable in the spirit of not abandoning any Cambodian citizen. Along with the strength of national factors, Cambodia’s prestige has been enhanced on the international stage, especially through the successful organization and leadership of the 40-41 ASEAN Summit and related summits, the organization of Angkor Sankranta, the organization of the 32nd Southeast Asian Games and the 12th ASEAN Para Games, the implementation of an independent foreign policy based on the rule of law and a great humanitarian spirit, Cambodia’s reputation have been made even more prominent.
Through all these noble achievements, it is clear that the Kingdom of Cambodia has been moving forward on the right path with hope and confidence towards a bright future. At the same time, it also clearly reflects the participation of Cambodians of all walks of life, all races and all religions, civil servants, the armed forces, youth, workers, farmers, monks and clergy of various religions, intellectuals, investors and the progressive circles in society for the supreme interests of the nation with a noble patriotic conscience.
Dear compatriots!
The peace and the most precious social achievements that we have realized so far, starting from scratch, have come from trading life as a capital, from the great sacrifices and the relentless physical and spiritual efforts of the Party’s leaders, the Party’s organizations at every level, the male and female warriors, officials, party members and all our compatriots in the spirit of ownership for the nation, the motherland and their lives, as well as the sincere support of friendly countries and the international community. We always remember this precious support and are determined to preserve all the achievements of the nation forever, without allowing any reactionary power to destroy it. We are determined to continue to build our nation to become a prosperous country in the region, a civilized and loving society, without the recurrence of war, genocide and internal national divisions as before.
In this sense, the upcoming 7th Legislature National Assembly election on July 23, 2023 is a historical political event that is extremely important to our nation. The political decision of the people in this election to choose which party to continue to lead the country is determined directly for the future destiny of our nation and people. I am confident that my compatriots who have already seen the progress of Cambodia in full peace, independence, unity, sovereignty and territorial integrity will now continue to vote for the Cambodian People’s Party and me to continue to lead the country for the seventh legislature.
The Cambodian People’s Party (CPP) announces and asks for the support of our compatriots for the “Political Program for Building and Defending the Motherland 2023-2028” to ensure the protection of peace and national sustainability on the path of development and improvement of people’s lives towards realizing the vision of Cambodia becoming a high middle-income country by 2030 and reaching a high-income country by 2050. On the basis of this political program, the CPP adheres to the following strategic positions:
- Defend the Constitutional monarchy through a multi-party liberal democratic political system in a parliamentary manner to be stable forever, as well as strengthen and expand multi-party liberal democracy to lay a solid foundation in the society, along with strengthening the rule of law together with promoting respect for human rights.
- Strengthen national unity and resolve to prevent and eradicate all forms extremist politics and activities caused by individual or group of individuals, or political organization, or any hostile circles that seek to incite national division, create social chaos, destroy peace, and cause political instability in Cambodia in the form of rebellion, which is completely contrary to the principles of democracy and violates the Constitution of the Kingdom of Cambodia.
- Continue to raise the great banner of national unity under the roof of the Constitution of the Kingdom of Cambodia and under the cool shade of the most revered HM the King to unite the forces of the whole Khmer nation irrespective of racism, color, age, gender, language, religious beliefs, political tendencies, past, national origin, social status, resources or other conditions to maintain peace, political stability and every social achievements, and to join hands in continuing to build and defend the motherland towards the glorious future.
- Continue to pursue an independent foreign policy based on the law, protection of sovereignty and territorial integrity, against all forms of external interference, build better friendship and cooperation between the Kingdom of Cambodia and all countries in the world and international organizations, while actively contributing to the causes of peace, stability, security, cooperation and prosperity in the region and the world.
Dear compatriots!
The Cambodian People’s Party (CPP) has approved its support to me as the candidate for Prime Minister for the seventh legislative term and to His Excellency Hun Manet as the candidate for Prime Minister for the future. Implementing this decision, I solemnly promise that if the Cambodian People’s Party wins the 7th Legislature National Assembly election on July 23, I will stand firm on the above strategic position and will lead the successful implementation of the political program of the Cambodian People’s Party, which will be the political program of the Royal Government for the 7th legislature of the National Assembly. In this spirit and in order to ensure the protection and promotion of the interests of the people, I will promote the effective implementation of the following priority policies:
- Provide public services to the people in a transparent, easy and reliable manner; continue to provide birth registration, marriage registration, death list, provision of residence book, family book and Khmer identity card free of service charge;
- Continue to impose no tax on household agricultural land, help farmers to expand production and find markets to sell agricultural produces at reasonable prices, allocate land and provide land ownership to poor landless families who have complied with the social land concession conditions, prevent Illegal occupation of all types of state land, and continue to provide land to people living and reaping the benefit on the state land location in accordance with the principles set by the state.
- Continue to implement the principle of eliminating taxes and other fees for the people who are venders in baskets in various markets throughout the country, traders in the state market and state markets where traders have the right to own, use and reap the benefits from stalls, and have the right to transfer these rights to their children or others, continue to reduce the cost of living of the people through mechanisms to stabilize food prices and reduce water and electricity costs for the general population.
- Promote the implementation of the policy of safe villages, communes and sangkats, continue to develop all communes/sangkats to have better communication roads by regularly repairing and maintaining new roads, building new roads and improving from dirt roads to paved or concrete roads, ensure adequate electricity and water supply, better irrigation and quality telecommunication services.
- Continue to increase the salaries of all types of civil servants and the armed forces, continue to adjust and increase the pensions of former civil servants and veterans, continue to increase the minimum wage of workers and maintain other benefits for workers and employees, continue to implement the principle of non-taxation of the minimum wage of all types of civil servants and the minimum wage of workers/employees, promote the protection of rights and interests of the workers – both formal and informal, continue to implement cash support programs for poor and vulnerable families in times of emergency and crisis, continue to implement programs to support pregnant women and children under 2 years of age of poor families and support programs for female civil servants, interns and contracted officials as well as pregnant workers and children under 2 years old.
- Promote the provision of quality, safe, effective and equitable health care services to the people. Expand primary schools to all villages, expand secondary schools to all communes and increase the number of high schools in districts, and provide young people with opportunities for vocational training and employment.
- In addition, I will set out the six priority policies in the political program of the Royal Government of the 7th legislature of the National Assembly, including:
Program 1: Provision of health care towards a global health coverage program, starting with – (1) providing health care services to more than 450,000 vulnerable families, equivalent to a total of more than 1.5 million members through the use of health equity funds; and (2) expanding the health care regime for holders of national social security fund (NSSF) cards – both for workers and for public officials, which also covers more than 3 million family members, and their dependents on a voluntary basis. In total, the two projects will provide access to social security services for an estimated 7.4 million people.
Program 2: Provision of vocational and technical training for more than 1.5 million young people from poor and vulnerable families across the country at state vocational training institutions at the technical degree level, and Level 1 Vocation for which they do not pay tuition fees and will receive a monthly stipend.
Program 3: Establishment of a national social assistance program for poor families, vulnerable groups in poor households and vulnerable families in times of economic crisis and emergency to support and provide timely and systematically to the people, especially the poor and vulnerable families, and families vulnerable to risks according to the actual situation of the crisis or disaster in all geographical locations across the country, which will cover a total population of about 4.3 million people.
Program 4: Launching and promoting the implementation of the informal economic development strategy to be able to participate in the formal economy and be able to benefit from the formal social protection system through – (1) providing protection and development of a favorable environment for business and trade, as well as providing technical and vocational training to small and medium-sized enterprises, and (2) providing social protection to self-employed individuals in the informal economy with a primary focus on the provision of health care services under the Health Equity Fund.
Program 5: Introduction of coordination mechanisms and financing programs aimed at boosting production, marketing and maintaining balance of key agricultural prices at a reasonable level through the introduction of specific budget packages, starting at US$ 100 million, with the possibility to allocate more budgets if necessary to intervene in time to buy agricultural produces from farmers with the goal of maintaining price stability in each harvest season, especially on some agricultural produce such as rice, mango, longan, cashew nut, cassava, corn and other produces as needed.
Program 6: Deployment of technical officers to provide agricultural services to all rural communes throughout the country to promote agricultural productivity and assist farmers’ families in promoting their agricultural products. The Royal Government of the 7th legislature will also pay attention to the establishment of farmers’ associations in rural areas to maintain the farmers’ power in production as well as in bargaining with buyers.
Dear compatriots!
The political program of the Cambodian People’s Party 2023-2028 is a continuation of the political program 2018-2023 and responds to the evolution of the actual situation both in the country and abroad. This political program is built on the sacred will and aspirations of the people and the realism that the party has the real capacity and ability to implement. As the Prime Minister candidate of the Cambodian People’s Party for the upcoming 7th legislature, I have already prepared the Royal Government’s Socio-Economic Policy Agenda, which is a continuation of the Rectangular Strategy Phase 4 as a leadership tool to successfully implement the party’s “political program”.
Before concluding, I would take this opportunity to highlight the unwavering position of the Cambodian People’s Party in participating in the 7th legislature National Assembly election in accordance with the principles of multi-party liberal democracy, strictly adhering to the rules and regulations, procedures and ethics for casting votes. I would like to take this opportunity to call on all working groups to help the capital, provinces, party committees at all levels, candidates, officials and members of the Cambodian People’s Party to participate actively in this campaign to show the strength of strong solidarity and unity of our party with adherence to the noble dignity and morality.
At the same time, I hope that the parties contesting in the election, as well as civil society organizations, national and international observers and other media outlets, observing the election process, both during the election campaign, during the vote count and after the election, will strictly abide by the rules, regulations and procedures of the election to ensure the best political environment for a successful, free, fair and just election.
Dear compatriots!
On Sunday, July 23, 2023, is the upcoming election day. I am appealing to all my compatriots as well as all members of the Cambodian People’s Party who have the identification documents for the election to go to the polls and vote for the Cambodian People’s Party – the flowers scattering angel emblem and number 18 on the ballot paper.
- Vote for the Cambodian People’s Party is voting for peace, democracy and development!
- Vote for the Cambodian People’s Party is voting for full national independence, sovereignty and territorial integrity!
- Vote for the Cambodian People’s Party is voting for yourself!
- The Cambodian People’s Party wins the election, the Cambodian people are the winners!
- Long live the Cambodian People’s Party!
In the end, I would like to wish and bless our Buddhist monks, clergy of all religions, compatriots everywhere, members of the Party, the youth, all the best and the five Buddhist blessings. Thank You
