(រូបភាព)៖ ប្រជាពលរដ្ឋខ្មែររស់នៅក្នុងទ្វីបអឺរ៉ុប​ជាង៩០០នាក់ កំពុងរង់ចាំជួបសំណេះសំណាល​ជាមួយសម្តេចតេជោនាយករដ្ឋមន្ត្រី​នៃកម្ពុជា!

(រូបភាព)៖ ពិធីបើកវេទិកាវិនិយោគពិភពលោក និងពិធីបើកកិច្ចប្រជុំកំពូលអ្នកដឹកនាំសាកលលើកទី១ នៃវេទិកាវិនិយោគពិភពលោក ឆ្នាំ២០១៨ របស់អង្គការសហប្រជាជាតិ ស្តីពីពាណិជ្ជកម្ម និងការអភិវឌ្ឍ

(រូបភាព)៖ សម្តេចតេជោ ហ៊ុន សែន អញ្ជើញចូលរួមវេទិកាវិនិយោគពិភពលោកនៅ​ប្រទេសស្វីស

លោកនាយករដ្ឋមន្រ្តី ហ៊ុន សែន ស្នើដល់អង្គការកម្មសិទ្ធិបញ្ញាអន្តរជាតិបន្តជួយដល់កម្ពុជាបានចូលរួមក្នុងក្របខណ្ឌនៃសន្ធិសញ្ញាអង្គការនេះ

នៅទីក្រុងហ្សឺណែវ ប្រទេសស្វីស កាលពីវេលាថ្ងៃត្រង់ថ្ងៃទី២២ ខែតុលា ឆ្នាំ២០១៨ លោកនាយករដ្ឋមន្រ្តី ហ៊ុន សែន បានទទួលជួបពិភាក្សាការជាមួយលោក ហ្រ្វានស៊ីស ហ្គារី (Francis Gurry) អគ្គនាយកអង្គការកម្មសិទ្ធិបញ្ញាពិភពលោក។ នៅក្នុងជំនួបនោះ លោក Francis Gurry បានមានប្រសាសន៍ថ្លែងនូវអំណរគុណជូនចំពោះ លោកនាយករដ្ឋមន្រ្តី ហ៊ុន សែន ដែលបានចំណាយពេលវេលាដ៏មានតម្លៃបំផុត អនុញ្ញាតឱ្យរូបលោកនិង សហការី បានចូលជួបពិភាក្សាការងារ។

លោកនាយករដ្ឋមន្រ្តី ហ៊ុន សែន បានថ្លែងអំណរគុណជូនចំពោះអង្គការកម្មសិទ្ធិបញ្ញាពិភពលោក ដែលកន្លងមកបានចូលរួមចំណែកជួយកសាងសមត្ថភាពនៃការបណ្តុះបណ្តាល ពិសេសបានជួយរៀបចំនូវយុទ្ធសាស្រ្តថ្នាក់ជាតិសម្រាប់កម្មសិទ្ធិបញ្ញាដល់កម្ពុជា។ លោកបានបន្តថា កម្ពុជាគឺជាប្រទេសទី១ ដែលគោរពនូវអ្វីដែលជារបបនៃកម្មសិទ្ធិបញ្ញា។ លោកបានបន្តថា អង្គការកម្មសិទ្ធិបញ្ញាអន្តរជាតិ អាចជួយដល់ប្រទេសកម្ពុជាដើម្បីឱ្យកម្ពុជាបំពេញនូវកាតព្វកិច្ចរបស់ខ្លួនតាមឆន្ទៈដែលខ្លួនមាន។

ថ្វីត្បិតនាពេលកន្លងមកការងារជាច្រើនមានការរីកចម្រើន ក៏ប៉ុន្តែមានបញ្ហាប្រឈមជាច្រើន ដែលត្រូវតែបន្តដោះស្រាយ តាមរយៈនេះ លោកនាយករដ្ឋមន្រ្តី ហ៊ុន សែន បានស្នើដល់អង្គការកម្មសិទ្ធិបញ្ញាអន្តរជាតិ បន្តជួយដល់ប្រទេសកម្ពុជា ពិសេសធ្វើយ៉ាងណាជួយដល់កម្ពុជាបានចូលរួមក្នុងក្របខណ្ឌនៃសន្ធិសញ្ញារបស់អង្គការកម្មសិទ្ធិបញ្ញាអន្តរជាតិ។ លោកបានបន្តថា កម្ពុជានៅតែបន្តធ្វើកិច្ចសហប្រតិបត្តិការជាមួយអង្គការកម្មសិទ្ធិបញ្ញាអន្តរជាតិ ឱ្យកាន់តែស៊ីជំរៅថែមទៀត ហើយអ្វីដែលលោកចង់ឃើញនោះគឺការចូលរួមចំណែកដល់ការអភិវឌ្ឍធនធានមនុស្សដល់កម្ពុជាឱ្យកាន់តែមានភាពប្រកួតប្រជែងខ្ពស់។

ក្នុងជំនួបពិភាក្សាគ្នានោះដែរ លោកនាយករដ្ឋមន្រ្តី ហ៊ុន សែន បានស្នើឱ្យអង្គការកម្មសិទ្ធិបញ្ញាអន្តរជាតិ ជួយកសាងម៉ាកយីហោនៅកម្ពុជា ដើម្បីធ្វើឱ្យផ្លាកយីហោលើ ផលិតផលផ្សេងៗរបស់កម្ពុជា មានការទទួលស្គាល់ក្នុងក្របខណ្ឌអន្តរជាតិ។

លោក ហ្រ្វានស៊ីស ហ្គារី បានមានប្រសាសន៍ថា អង្គការរបស់លោក ពិតជាបានធ្វើការយ៉ាងជិតស្និទ្ធជាមួយនឹងកម្ពុជាហើយអ្វីដែលយើងឃើញជាក់ស្តែងគឺយើងពិតជាមានការសប្បាយរីករាយ ក្នុងការជួយដល់កម្ពុជាលើការរៀបចំយុទ្ធសាស្រ្តកម្មសិទ្ធិបញ្ញាថ្នាក់ជាតិ ដែលបានអនុម័តកាលពីឆ្នាំ២០១៦កន្លងទៅ។ លោកបានបន្តថា កម្ពុជាមានសក្តានុពលជាច្រើន ពិសេសនៅពេលនេះម៉ាក យីហោជាច្រើនបានក្លាយនិម្មិតរូបរបស់កម្ពុជា បង្ហាញលើឆាកអន្តរជាតិ។ លោកបានបន្តថា អង្គការ របស់លោក នឹងបន្តជួយកម្ពុជាឱ្យកាន់តែឈានឡើងកាន់តែខ្ពស់ថែមទៀត ពិសេសប្តេជ្ញាចិត្ត គាំទ្រ នូវការលើកឡើងរបស់លោកនាយករដ្ឋមន្រ្តី ហ៊ុន សែន ក្នុងការជំរុញលើកកម្ពស់ពីកម្មសិទ្ធិបញ្ញានោះ៕

លោកនាយករដ្ឋមន្រ្តី ហ៊ុន សែន ថ្លែងថា រាជរដ្ឋាភិបាលកម្ពុជាកំពុងតែធ្វើគ្រប់វិធីក្នុងការជំរុញដំណើរការរបស់សហគ្រាសធុនតូច និងមធ្យមកាន់តែរីកចម្រើន និងមានលទ្ធភាពច្រើនជាងមុន

នៅថ្ងៃទី២២ ខែតុលា ឆ្នាំ២០១៨ នោះដែរ បន្ទាប់ពីបានអញ្ជើញជួបជាមួយអគ្គនាយកអង្គការកម្មសិទ្ធិបញ្ញាពិភពលោករួចហើយនោះ លោកនាយករដ្ឋមន្ត្រី ហ៊ុន សែន បានបន្តជួបពិភាក្សាការងារជាមួយលោកស្រី អារ៉ាន់ឆា ហ្គ្យុងហ្សាឡែស (Arancha Gongalez) នាយកប្រតិបត្តិមជ្ឈមណ្ឌលពាណិជ្ជកម្មអន្តរជាតិ។ នៅក្នុងជំនួបនោះ លោកនាយករដ្ឋមន្រ្តី ហ៊ុន សែន បានមានប្រសាសន៍ថា លោកពិតជាមានការសប្បាយរីករាយដោយបានជួបពិភាក្សាការងារជាថ្មីម្តងទៀត ជាមួយលោកស្រីបន្ទាប់ពីជំនួបលើកទី១ ក្នុងប្រទេសកម្ពុជា។

ជាការឆ្លើយតប លោកស្រី អារ៉ាឆា បានមានប្រសាសន៍ថា កន្លងមកលោកស្រីធ្លាប់បានធ្វើ នូវកិច្ចការជាច្រើនជាមួយនឹងប្រទេសកម្ពុជា ពិសេសជាមួយនឹងក្រសួងពាណិជ្ជកម្ម។ លោកស្រីបានបន្តថា កម្ពុជាពិតជាមានសមត្ថភាពជាច្រើនក្នុងការកសាង និងពង្រីកនូវសក្តានុពលរបស់កម្ពុជា ដើម្បីធ្វើឱ្យកម្ពុជាកាន់តែមានការប្រកួតប្រជែងប្រកបដោយភាពរឹងមាំ ពិសេសការជួយដល់សហគ្រាសធុនតូច និងមធ្យម ដែលធ្វើឱ្យពាណិជ្ជកម្មកាន់តែមានភាពរឹងមាំ។

លោកនាយករដ្ឋមន្រ្តី ហ៊ុន សែន ក៏បានថ្លែងអំណរអរគុណជូនចំពោះលោកស្រី ដែលបានជួយដល់ប្រទេសកម្ពុជាពិសេសការជួយរៀបចំនូវយុទ្ធសាស្រ្តសម្រាប់ភាពរឹងមាំរបស់សហគ្រាសធុនតូច និងមធ្យម។ លោកបានបន្តថា កន្លងមកលោកបានចូលរួមដល់ការលើកកម្ពស់ដល់សហគ្រាសធុនតូច និងមធ្យមនេះ ទាំងនៅក្នុងប្រទេស និងក្រៅប្រទេស ធ្វើយ៉ាងណាជំរុញកំណើនក្នុងវិស័យនោះកាន់តែរឹងមាំ។ លោកបានបន្តថា រាជរដ្ឋាភិបាលកម្ពុជាកំពុងតែធ្វើគ្រប់វិធីក្នុងការជំរុញដំណើរការរបស់សហគ្រាសធុនតូច និងមធ្យមកាន់តែរីកចម្រើន និងមានលទ្ធភាពច្រើនជាងមុន ពិសេសការព្រួយបារម្ភពីការរកទីផ្សារនិងប្រភពទុនជាដើម។

លោកស្រី បានមានប្រសាសន៍ថា ដើម្បីជំរុញសហគ្រាសធុនតូច និងមធ្យមកាន់តែរឹងមាំ ត្រូវឈរលើកត្តា៤ចំណុច៖
ទី១) ត្រូវធ្វើយ៉ាងណាឱ្យសហគ្រាស SME មានសមត្ថភាពល្អអាចឆ្លើយតបទៅនឹងតម្រូវការទីផ្សារ
ទី២) គុណភាពនៃផលិតផលដើម្បីនាំចេញ
ទី៣) ការទទួលបាននូវប្រភពទុន និងឥណទាន
ទី៤) ទាក់ទិនទីផ្សារដែលត្រូវឱ្យមានទីផ្សារពិតប្រាកដក្នុងការទទួលយកផលិតផលដែលផលិតដោយ SME។

លោកស្រី បានបន្តថា នៅខែវិច្ឆិកាខាងមុខនេះ លោកស្រីនឹងអញ្ជើញ SME របស់កម្ពុជាទៅចូលរួមតាំងពីព័រណ៌នៅទីក្រុងសៀងហៃ ប្រទេសចិន ហើយនៅខែក្រោយនេះដែរលោកស្រីនឹងធ្វើអង្កេតពីការប្រឈមរបស់ SME ក្នុងប្រទេសកម្ពុជា ថាតើនឹងមានបញ្ហាប្រឈមអ្វីខ្លះ ដើម្បីរិះរកវិធីសាស្រ្តក្នុងការជួយដល់ប្រទេសកម្ពុជា៕

រដ្ឋមន្ត្រីក្រសួងយុតិ្តធម៌ ណែនាំដល់ប្រតិភូនាវាយុវជនអាស៊ីអាគ្នេយ៍ ត្រូវត្រៀមខ្លួនឱ្យបានល្អ ស័ក្តិសមជាតំណាងយុវជនកម្ពុជា

នាព្រឹកថ្ងៃទី២២ ខែតុលា ឆ្នាំ២០១៨ នាទីស្តីការក្រសួងយុត្តិធម៌ លោក អង្គ វង្ស វឌ្ឍានា រដ្ឋមន្ត្រីក្រសួងយុតិ្តធម៌ បានអនុញ្ញាតឱ្យតំណាងសមាគមនាវាយុវជនអាស៊ីអាគ្នេយ៍កម្ពុជា និងប្រតិភូយុវជនកម្ពុជា ចំនួន៣៣ នាក់ បានចូលជួបសម្តែងការគួរសម និងទទួលអនុសាសន៍។

ក្នុងឱកាសនៃជំនួបនោះផងដែរ បន្ទាប់ពីបានស្តាប់នូវការប្តេជ្ញាចិត្តរបស់តំណាងសមាគមនាវាយុវជនអាស៊ីអាគ្នេយ៍កម្ពុជា លោករដ្ឋមន្ត្រី បានផ្តល់អនុសាសន៍មួយចំនួនសម្រាប់យកទៅប្រតិបតិ្ត ដល់ប្រតិភូយុវជនកម្ពុជា ដើម្បីត្រៀមខ្លួនឱ្យបានល្អ និងស័ក្តិសមជាតំណាងយុវជនកម្ពុជា ទៅចូលរួមកម្មវិធីផ្លាស់ប្តូរវប្បធម៌ថ្នាក់អន្តរជាតិមួយនេះ ឱ្យមានប្រសិទ្ធភាព និងជោគជ័យ។

ជាមួយគ្នានេះ លោករដ្ឋមន្ត្រី អង្គ វង្ស វឌ្ឍានា ក៏បានផ្តល់ជាប្រាក់ឧបត្ថម្ភមួយចំនួន ដើម្បីជាការចូលរួមគំាទ្រដល់សកម្មភាពរបស់ប្រតិភូយុវជនកម្ពុជាផងដែរ៕