នៅទីបំផុត វិសោធនកម្មច្បាប់ស្តីពីគណបក្សនយោបាយជាលើកទីពីរ ត្រូវបានប្រកាសដាក់ឱ្យប្រើប្រាស់ចូលជាធរមានហើយ កាលពីថ្ងៃទី២៨ ខែកក្កដា កន្លងទៅនេះ បន្ទាប់ពីលោក សាយ ឈុំ បានចុះហត្ថលេខាក្នុងព្រះបរមនាមព្រះមហាក្សត្រ ក្នុងឋានៈជាប្រមុខរដ្ឋស្តីទី។ ស្រាប់តែថ្មីៗនេះ លោក យឹម សុវណ្ណ ប្រធានគណៈកម្មាធិការប្រតិបត្តិ និងជាអ្នកនាំពាក្យរបស់គណបក្សសង្គ្រោះជាតិ បានប្រតិកម្មក្នុងលក្ខណៈភ័យខ្លាចការអនុវត្តច្បាប់ល់តែសោះ ។ ាការមិនយល់ពីអត្ថន័យច្បាប់មាត្រា ៦ថ្មី ងអាចធ្វើឱ្យគណបក្សរបស់ខ្លួនរលាយ បើក្នុងករណីណាមួយគណបក្សសង្គ្រោះជាតិធ្វើផ្ទនេះ នឹងអាចធ្វើឱ្យគណបក្សសង្គ្រោះជាតិរលាយ បើក្នុងករណីណាមួយដែលគណបក្សសង្គ្រោះជាតិធ្វើផ្ទុយនឹងច្បាប់នៃវិសោធនកម្មនេះ។
ការលើកឡើងរបស់លោក យឹម សុវណ្ណ ដែលថា “គណបក្សសង្គ្រោះជាតិ មិនទទួលខុសត្រូវរាល់សកម្មភាពទាំងឡាយណារបស់សមាជិកបក្សដែលមានទំនាក់ទំនងជាមួយទណ្ឌិត សម រង្សី គឺជាទំនាក់ទំនងឯកជន” គឺចង់សំដៅសមាជិកបក្សរបស់ខ្លួន មិនយល់ពីសិទ្ធិនិងករណីយកិច្ច ដែលមានចែងក្នុងលក្ខន្តិកៈរបស់គណបក្សសង្គ្រោះជាតិ ឬធ្វើមិនយល់? ជាគោលការណ៍ សមាជិកបក្សម្នាក់ៗមានសិទ្ធិស្មើគ្នាក្នុងការចូលរួមសកម្មភាពជាប្រយោជន៍ដល់គណបក្ស មានសិទ្ធិទទួលបានការចាត់តាំងឱ្យឈរឈ្មោះជាតំណាងគណបក្សគ្រប់លំដាប់ថ្នាក់ និងមានសិទ្ធិផ្តល់យោបល់ក្នុងការដឹកនាំគណបក្ស។ ក្នុងន័យនេះ សមាជិកបក្សម្នាក់ៗជាអ្នកទទួលខុសត្រូវ និងជាអ្នករកប្រយោជន៍ដល់គណបក្ស។ ម្យ៉ាងវិញទៀត តើលោក យឹម សុវណ្ណ ប្រាកដឬទេដែលថា ទំនាក់ទំនងរបស់សមាជិកបក្សជាមួយទណ្ឌិត សម រង្សី ជាលក្ខណៈឯកជន? បើមើលទៅលើសកម្មភាពរបស់សមាជិកគណបក្សសង្គ្រោះជាតិកន្លងមក រាល់សកម្មភាពដែលខ្លួនបានធ្វើសុទ្ធតែជាការចាត់តាំងឱ្យធ្វើសកម្មភាព សម្រាប់ជាប្រយោជន៍នយោបាយបក្សខ្លួនតែប៉ុណ្ណោះ។
ជាក់ស្តែងការបង្កើតឱ្យមានការរើសអើងពូជសាសន៍ ការលាប់ពណ៌ ការបំផ្លើសបំភ្លៃការពិតផ្សេងៗ និង ការញុះញង់សកម្មជនរបស់ខ្លួនឱ្យធ្វើបាតុកម្មមិនទទួលស្គាល់លទ្ធឆ្នោត នៅឆ្នាំ២០១៣ កន្លងមក ការផ្តល់នូវផែនទីក្លែងក្លាយរបស់លោក អ៊ំ សំអាន ការចោទប្រកាន់រដ្ឋាភិបាលនៅពីក្រោយសម្លាប់លោក កែម ឡី របស់អ្នកស្រី ឡាក់ ថានី ។ល។ និង ។ល។ ចុងក្រោយនេះ ការបំប៉ោង បំភាន់ បំផ្លើសព័ត៌មានបំពុលសង្គមពីការចាប់ក្មេងៗតាមបណ្តាខេត្តនានាទូទាំងប្រទេសរបស់សកម្មជនគណបក្សសង្គ្រោះជាតិ ជាលក្ខណៈប្រព័ន្ធមានការបញ្ជា។ តើទង្វើទាំងនេះរបស់សមាជិកបក្សសង្គ្រោះជាតិធ្វើក្នុងលក្ខណៈឯកជន ឬលក្ខណៈបញ្ជាពីអ្នកនយោបាយមានអំណាចនៅក្នុងផ្ទៃក្នុងបក្សដែលបម្រើប្រយោជន៍សម្រាប់បក្ស?
ជាការពិតណាស់ តាមគោលការណ៍នីតិរដ្ឋ ការចោទប្រកាន់ជនណាម្នាក់ គឺត្រូវឈរបញ្ញត្តិច្បាប់នោះ មិនមែនជាការចោទប្រកាន់ដោយហេតុផលនយោបាយ និងគ្មានភស្តុតាងនោះទេ។ ដូចគ្នាដែរបើសមាជិកណាម្នាក់របស់បក្សសង្គ្រោះជាតិ បានធ្វើសកម្មភាពផ្ទុយនឹងច្បាប់ស្តីពីគណបក្សនយោបាយដែលទើបតែបានធ្វើវិសោធនកម្មនេះ ធ្វើទមនាក់ទំនងដោយផ្ទាល់ ឬដោយប្រយោលជាមួយទណ្ឌិត ទោះក្នុងរូបភាពណាក៏ដោយ គឺជាករណីខុសច្បាប់ ហើយត្រូវតែមានការពាក់ព័ន្ធនឹងគណបក្សសង្គ្រោះជាតិ មិនអាចឆ្លើយដោះសារ ដើម្បីបានជៀសផុតពីការជាប់ពាក់ព័ន្ធរបស់បក្ស និងបានរួចផុតពីការផ្អាក់សកម្មភាពនយោបាយ ឬការរំលាយគណបក្សតាមផ្លូវតុលាការនោះឡើយ។
គណបក្សសង្គ្រោះជាតិតែងតែនិយាយអះអាងថា ជាគណបក្សប្រកាន់ភ្ជាប់នូវការតស៊ូដោយសន្តិវិធី ដោយអហិង្សា ដោយសុចរិតភាព ដោយក្រមសីលធម៌ ដោយមិនបន្លែបន្លំ មិនធ្វើនយោបាយទុច្ចរិតឡើយ តែក៏ប៉ុន្តែបើរកឃើញថា រាល់ទំនាក់ទំនងរបស់សមាជិករបស់ខ្លួនជាមួយទណ្ឌិតដែលជាអតីតមេបក្សសង្គ្រោះជាតិ ដើម្បីផលប្រយោជន៍នោះ គណបក្សនេះនឹងប្រឈមនឹងការរំលាយ ឬផ្អាកសកម្មភាពនយោបាយរយៈពេល ៥ ឆ្នាំតាមផ្លូវតុលាការមិនខាន។ ដូច្នេះមិនទាន់ហួសពេលនៅឡើយទេ បើគ្រាន់តែគិត ឬក្នុងបេះដូចរបស់សមាជិកម្នាក់ក្នុងន័យចងចាំនោះ (ដូចអ្វីដែលទណ្ឌិតរូបនោះ បានិយាយ) តែកុំធ្វើសកម្មភាព ប្រយ័ត្នរលាយបក្ស ហើយចោទថាគេខូច ត្រូវគិតនិងយល់ពីបញ្ញត្តិច្បាប់ឱ្យបានច្បាស់៕
ដោយក្រុមសិក្សាសង្គម
No comments:
Post a Comment