លោក Wuthipong ដែលគេស្គាល់ថាជា Ko Tee បានក្លាយជាអ្នករិះគន់ដ៏ខ្លាំងបំផុតម្នាក់លើរបបសឹកថៃ និងតំណាងឲ្យចលនាក្រុមអាវក្រហមដែលមានសម្ព័ន្ធជាមួយអតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រា។
យោងតាមរបាយការណ៍ លោក Wuthipong ប្រពន្ធគាត់ និងមិត្តភក្តិបានប្រឈមមុខនៅព្រឹកថ្ងៃទី ២៩ ខែកក្កដា ជាមួយជនប្រដាប់អាវុធ ១០ នាក់ដែលពាក់ស្រោមមុខខ្មៅ នៅពេលពួកគេទៅដល់ផ្ទះរបស់ Wuthipong នៅក្នុងវៀងច័ន្ទរបស់ឡាវ។ ប្រពន្ធគាត់ ដែលបាននិយាយទៅកាន់បណ្តាញសារព័ត៌មានរបស់ពីការវាយប្រហារនោះ បាននិយាយថា ជនបិតមុខដែលគេមិនស្គាល់នោះបាននិយាយគ្នាជាភាសាថៃ។ ឧបនាយករដ្ឋមន្ត្រីថៃ ប្រាវីត វង្សសុវណ្ណ និងមេទ័ពជើងគោកលោក Chalermchai Sitthisart មិនបានដឹងនឹងការចាប់ពង្រត់នោះទេ។
ប៉ុន្តែ Thawip Netniyom ប្រធានក្រុមប្រឹក្សាសន្តិសុខជាតិថៃបានប្រាប់បណ្តាញផ្សព្វផ្សាយក្នុងស្រុកថា លោក Wuthipong បានក្លែងការបាត់ខ្លួនរបស់គាត់ដើម្បីបង្កើត “ការកងរំពង” ដែលនឹងប៉ះពាល់ដល់រដ្ឋាភិបាល។ មន្ត្រីឡាវក៏មិនបានដឹងអំពីឧប្បត្តិហេតុនោះដែរ។
លោក Wuthipong បានរត់ភៀសខ្លួនពីថៃបន្ទាប់ពីរដ្ឋប្រហារឆ្នាំ ២០១៤ ហើយរបបសឹកបានកាន់អំណាចជាមួយនឹងកណ្តាប់ដៃដែក។
សកម្មជនដ៏លេចធ្លោរនោះត្រូវបានចោទប្រកាន់ដោយមន្ត្រីថៃពីការបង្កើនសតិអារម្មណ៍ប្រឆាំងរបបរាជានិយម ដែលអាចដាក់ទណ្ឌកម្មដោយជាប់ពន្ធនាគាររហូតដល់ ១៥ ឆ្នាំស្ថិតក្រោមច្បាប់បរិហារកេរ្តិ៍ព្រះមហាក្សត្ររបស់ប្រទេសថៃ រាប់បញ្ចូលទាំងលើស្ថានីយ៍វិទ្យាប្រឆាំងរបបសឹកដែលគេចោទថា គាត់ផ្សាយចេញពីប្រទេសឡាវ។ ដីការចាប់ខ្លួនមួយត្រូវបានចេញដល់ការចាប់ខ្លួនលោក Wuthipong លើបទចោទចំនួន ១២ ពាក់ព័ន្ធនឹងច្បាប់ប្រមាថព្រះមហាក្សត្រនោះ។
នៅដើមឆ្នាំនេះ លោក Wuthipong បាននិយាយថា គាត់កំពុងបណ្តុះបណ្តាល “អ្នកចម្បាំងស៊ីវិល” នៅឡាវ ដែលបង្ករភាពភ័យខ្លាចដល់យោធាថា អាចមានការបះបោរដែលមានមូលដ្ឋាននៅជនបទប្រឆាំងនឹងការកាន់អំណាចរបស់ខ្លួន។ តំបន់ភាគឥសានរបស់ថៃជាប់ព្រំដែនឡាវត្រូវបានគេស្គាល់ថា ជាទីតាំងរឹងមាំរបស់ពួកអាវក្រហម ដែលបានបោះឆ្នោតលើសលប់ឲ្យ ថាក់ស៊ីន និងយីងឡាក់។
លោក Wuthipong ក្រោយមក បានច្រានចោលការចោទប្រកាន់របស់របបសឹកដែលថា គាត់កំពុងលាក់អាវុធ និងមានផែនការសម្លាប់នាយករដ្ឋមន្ត្រី ប្រាយុទ្ធ ចាន់អូចា។ នៅខែកុម្ភៈ ប៉ូលិសថៃបាននិយាយថា ពួកគេបានរកឃើញកាំភ្លើងជាច្រើននិងគ្រាប់ចំនួន ៥ ពាន់គ្រប់ នៅពេលគេសម្រុកចូលផ្ទះគាត់នៅខេត្ត Pathum Thani។
Brad Adams របស់អង្គការឃ្លាំមើលសិទ្ធិមនុស្សបាននិយាយនៅក្នុងសេចក្តីថ្លែងការណ៍មួយថា “ការចាប់ពង្រត់គួរឲ្យរន្ធត់ដោយជនប្រដាប់អាវុធលើលោក Wuthipong នៅក្រុងវៀងច័ន្ទនោះត្រូវតែស៊ើបអង្កេតឲ្យបានពេញលេញ។ គេមិនគួរស្ងប់ស្ងាត់ ឬកប់វាចោលនោះទេ”។
ប៉ុន្តែ ការស៊ើបអង្កេតឲ្យបានសមរម្យនោះគឺស្តួចស្តើងណាស់។ របាយការណ៍របស់អង្គការសិទ្ធិមនុស្សនោះបានកត់សម្គាល់ថា ក្នុងខណៈឡាវបានចុះហេត្ថលេខាលើអនុសញ្ញាអន្តរជាតិស្តីពីការការពារមនុស្សទាំងអស់ពីការបាត់ខ្លួនដោយបង្ខំនោះ ឡាវបានខកខានក្នុងការផ្តល់សច្ចាប័នលើអនុសញ្ញានោះ។ រដ្ឋាភិបាលក៏បានខកខានក្នុងការដោះស្រាយប្រកបដោយប្រសិទ្ធភាពនូវការបាត់ខ្លួនសកម្មជននៅអតីតកាលផងដែរ។
នៅខែមិថុនា ឆ្នាំ ២០១៦ អ្នកប្រឆាំងថៃមួយទៀតគឺ Itthipol Sukpaen ក៏បានបាត់ខ្លួននៅក្រុងវៀងច័ន្ធផងដែរ។ គេក៏មិនដឹងនូវទីកន្លែងស្នាក់នៅរបស់គេនៅឡើយ ហើយរដ្ឋាភិបាលឡាវបានខកខានធ្វើការស៊ើបអង្កេតហ្មត់ចត់”។
ដោយសារតែការរឹតត្បឹតខ្លាំងនៅឡាវនិងថៃលើបណ្តាញសារព័ត៌មាននោះ អ្នកវិភាគនិងអ្នកសង្កេតការមានការនិយាយគ្នាអំពីថា តើចាប់ពង្រត់លោក Wuthipong និងមូលហេតុអ្វី។ តាមពិត មនុស្សជាច្រើនបានសួរពីមូលហេតុអ្វីបានជាលោក Wuthipong ត្រូវបានចាប់ពង្រត់នៅសប្តាហ៍មុនបន្ទាប់ពីរយៈពេលស្ទើតែ ៣ ឆ្នាំនៃការនីរទេសខ្លួននៅឡាវ?
លោក Pavin Chachavalpongpun សាស្ត្រាចារ្យនៅសាកលវិទ្យាល័យ Kyoto University នៅជប៉ុន បានប្រាប់ Asia Times ថា វាសំខាន់ក្នុងការចាំថា “ជនភៀសខ្លួននៅឡាវកំពុងស្ថិតក្នុងជម្លោះនិងការប្រណាំងប្រជែងគ្រប់ពេល”។
គាត់បាននិយាយថា “ប្រសិនបើការបាត់ខ្លួននោះមិនត្រូវបានសម្លាប់ដោយរបបសឹកថៃទេ វាអាចត្រូវបានរៀបចំផែនការសម្ងាត់ដោយជនភៀសខ្លួននៃពួកជនពាលដែលមាននិន្នាការផ្ទុយគ្នា”។ ប៉ុន្តែ គាត់បានបន្ថែមថា ប្រសិនបើការលេចឮនោះពិតមែនដែលថា អាជ្ញាធរថៃស្ថិតនៅពីក្រោយការចាប់ពង្រត់លោក Wuthipong នោះ អញ្ចឹងរបបសឹកកំពុងបញ្ជូនសារច្បាស់ថា “ជីវិតរបស់ជនភៀសខ្លួននៅក្នុងប្រទេសជិតខាងមិនមានសុវត្ថិភាពនោះទេ”។
លោក Pavin បាននិយាយថា “នៅពេលរបបសឹករឹតបណ្តឹងការក្តាប់អំណាចរបស់ខ្លួន ខ្លួនបានបន្តដាក់សម្ពាធលើឡាវនិងកម្ពុជាលើជនភៀសខ្លួនទាំងនេះ។ គោលបំណងនោះគឺដើម្បីកំទេចពួករិះគន់លើរបបសឹកនិងរបបរាជានិយម។ នេះគឺជាផ្នែកមួយនៃផែនការធំដើម្បីកំទេចសត្រូវរបស់រដ្ឋដើម្បីត្រៀមដល់ការបោះឆ្នោតនៅពេលខាងមុខ”។
របបសឹកបានសន្យារបៀបចំបោះឆ្នោតនៅឆ្នាំ ២០១៨ បន្ទាប់ពីបុណសពស្តេច ភូមិបុល អាឌុលយ៉ាដេត និងការអភិសេកគ្រងរាជ្យរបស់ស្តេចថ្មី Vajiralongkorn។ វាមិនច្បាស់ថា ការបោះឆ្នោតនឹងអនុញ្ញាតឲ្យមានអ្នកនយោបាយជាច្រើនដែលមានសម្ព័ន្ធនឹងបក្ស Pheu Thai របស់ ថាក់ស៊ីន និងយីងឡាក់ អាចឈរឈ្មោះឬអត់នោះទេ។
សកម្មជនអាវក្រហមខ្លះបានព្រមានថា នឹងមានអំពើហិង្សានៅពេលសាលក្រមនៃការកាត់ក្តីរបស់អតីតនាយករដ្ឋមន្ត្រី យីងឡាក់ ពីបទទ្វេសប្រហែសក្នុងផែនការឧបត្ថមធនស្រូវក្នុងខណៈកាន់អំណាចនោះ ត្រូវបានចេញនៅថ្ងៃទី ២៥ ខែសីហា។ យីងឡាក់ កំពុងប្រឈមមុខជាប់ពន្ធនាគារចំនួន ១០ ឆ្នាំនិងពិន័យប្រាក់ចំនួន ១ ពាន់លានបាត ប្រសិនបើរកឃើញថា មានកំហុស។
មន្ត្រីថៃត្រូវគេដឹងថា បានដាក់សម្ពាធសមភាគីឡាវរបស់គេដើម្បីធ្វើបត្យាប័នលោក Wuthipong ចាប់ពីខែតុលា ឆ្នាំមុន។ នៅដើមខែមុន សារព័ត៌មាន The Nations បានដកស្រង់សម្តីប្រធានរបស់ក្រុមប្រឹក្សាសន្តិសុខដោយនិយាយថា មិនមានការរីកចម្រើនក្នុងការទទួលបានការសហការពីរដ្ឋាភិបាលឡាវនោះទេ។
កាសែត Bangkok Post បានរាយការណ៍ថា ភ្នាក់ងារសម្ងាត់ថៃបានសង្ស័យថា Wuthipong បានត្រៀមខ្លួនប្តូរទៅកម្ពុជា ដោយសារតែ “អាជ្ញាធរថៃបានស្វែងរកការសហការពីវៀងច័ន្ទដើម្បីស្វែងរកគាត់និងបង្ក្រាបលើសកម្មភាពរបស់ក្រុមគាត់”។
នោះបាននាំឲ្យមានការលេចឮក្នុងចំណោមអ្នកវិភាគថា លោក Wuthipong អាចត្រូវគេចាប់ពង្រត់ដោយមន្ត្រីថៃ។
អ្នកសិក្សាស្រាវជ្រាវលោក James Buchanan នៅហុងកុងបាននិយាយថា “គាត់អាចត្រូវបានចាប់ពង្រត់ដោយភ្នាក់ងារសម្ងាត់ថៃដោយមិនដឹង ឬយល់ព្រមពីរដ្ឋាភិបាលឡាវ។ ភាសាស្រដៀងគ្នានោះប្រាកដជាអនុញ្ញាតឲ្យពួកគេធ្វើប្រតិបត្តិការនៅក្នុងប្រទេសនោះងាយស្រួលជាងកន្លែងផ្សេងទៀត”។
ម្យ៉ាងវិញទៀត វាអាចថា អ្វីដែលបានកើតឡើងគឺដោយសារតែមានកិច្ចព្រមព្រៀងរវាងរបបសឹកថៃនិងផ្នែកណាមួយរបស់ឡាវ។ ខ្ញុំគិតថា ប្រសិនបើកិច្ចព្រមព្រៀងបែបនោះបានធ្វើឡើងមែននោះ អញ្ចឹង លទ្ធផលនៃការចាប់ពង្រត់ដែលយើងបានឃើញជាមួយលោក Wuthipong នោះគឺផ្ទុយទៅការធ្វើបត្យាប័នផ្លូវច្បាប់ជាផ្លូវការ”៕
ប្រភព៖ Asia Times ចុះថ្ងៃ០៦ ខែសីហា ឆ្នាំ២០១៧
No comments:
Post a Comment