Facebook ត្រូវការឱ្យបើកចំហថែមទៀត អំពីឥទ្ធិពលរបស់ខ្លួនទៅលើប្រជាធិបតេយ្យ

Facebook និង Twitter បានក្លាយទៅជាសមរភូមិបោះឆ្នោតដ៏ធំក្នុងការបោះឆ្នោតជាតិឆ្នាំ ២០១៧ ។ នៅទីនេះគឺថា យុទ្ធនាការនោះមានឥទ្ធិពលដើម្បីឈ្នះ ឬក៏ចាញ់។ ជាពិសេសអ្នកបោះឆ្នោតវ័យក្មេងបែរទៅប្រើប្រាស់ព័ត៌មានសង្គមជាប្រភពព័ត៌មាន និងជាដំណឹងនយោ បាយដ៏សំខាន់របស់ពួកគេ។ ដោយមានការព្រួយបារម្ភរួមជាមួយនឹងព័ត៌មានជាច្រើនបានកត់សម្គាល់ថា គណបក្សនយោបាយនានា បានប្រើប្រាស់បច្ចេកទេសដ៏មានចម្រូងចម្រាស់ផ្តោតទៅលើគោលដៅ ដើម្បីចាប់យកចំនួនប្រជាសាស្ត្រដ៏ចម្បងដែលប្រើប្រាស់សាររបស់ខ្លួន។ តាមរយៈការស្រាវ ជ្រាវឯករាជ្យថា តើបណ្តាញព័ត៌មានមួយផ្នែកៗទាំងនេះត្រូវបានប្រើប្រាស់ដោយតួអង្គនយោ បាយយ៉ាងដូចម្តេចក្នុងអំឡុងពេលការបោះឆ្នោត ដែលមានសារៈសំខាន់ក្នុងគោលបំណងដើម្បីផ្តល់ឱ្យមានការប្រកួតស្មើភាពគ្នា ហើយដើម្បីអនុញ្ញាតឱ្យអ្នកបោះឆ្នោតយល់អំពីរបៀបប្រើដើម្បីឱ្យមានឥទ្ធិពលទៅលើទស្សនៈរបស់ខ្លួន។

Twitter ផ្តល់សម្រាប់អ្នកស្រាវជ្រាវបានតែ ១% នៃទិន្នន័យប្រចាំថ្ងៃរបស់ខ្លួនតាមរយៈ API ។ វិទ្យាស្ថានអ៊ីនធឺណែតនៅ Oxford បានប្រើប្រាស់ប្រព័ន្ធនេះ ដើម្បីស៊ើបអង្កេតការសន្ទនាផ្នែកនយោបាយទៅកម្មវិធីនយោបាយ មុនការបោះឆ្នោតជាតិនៃចក្រភពអង់គ្លេស។ យើងបានពិនិត្យមើលការប្រើប្រាស់នៃការចែកចាយព័ត៌មាននយោបាយ ក៏ដូចជាការផ្សព្វ ផ្សាយព័ត៌មានដ៏ច្រើនសន្ធឹកសន្ធាប់នៅលើព័ត៌មានសង្គម។ តាមទិន្នន័យរបស់យើងបង្ហាញឱ្យឃើញថា ការសន្ទនារបស់គណបក្សការងារនៅតាម Twitter បានកើនឡើងគ្រប់ពេល និងគ្របដណ្តប់ទៅលើលំហូរព័ត៌មានដែលទាក់ទងនឹងការបោះឆ្នោតស្តីពីកម្មវិធីនយោបាយ។ គណបក្សការងារគឺមានលំហូរព័ត៌មានប្រមាណ ៦២% ប្រៀបធៀបទៅនឹងគណបក្សអភិរក្សនិយម ១៧%។ តាមទិន្នន័យដែលដកស្រង់ដោយក្លឹបប្រជាធិបតេយ្យបានបង្ហាញថា បេក្ខភាពការងារ ៨៨% បានចុះឈ្មោះ ប្រៀបធៀបទៅនឹង ៧៣% នៃបេក្ខភាពអភិរក្សនិយម។ តាមការកត់សម្គាល់ថ្មីៗបំផុតរបស់យើងបង្ហាញថា គ្រាន់តែប៉ុន្មានថ្ងៃមុនការបោះឆ្នោតមានគណនី Twitter ជាង ៥០០ មានលំហូរព័ត៌មានតាមស្ថានភាពនេះច្រើនជាងពីរដងប្រៀបទៅនឹងដើមខែឧសភា។ សំខាន់ជាងនេះនោះគឺ ភាគច្រើនបំផុតនៃប្រតិបត្តិការ Twitter ទាំងនេះគឺទាក់ទងទៅនឹងការចែកចាយអំពីព័ត៌មានដែលទាក់ ទងទៅនឹងគណបក្សនយោបាយធំទាំងពីរ។

ទោះជាយ៉ាងណាក៏ដោយមានភស្តុតាងមួយទៀតដែលបង្ហាញឱ្យឃើញថា ព័ត៌មានខ្លះមានទំនោរផ្តោតទៅលើបណ្តាញព័ត៌មានតាម Facebook ហើយមានសកម្មភាពបែបចម្រូងចម្រាស់ មិនមែននៅតាមបណ្តាញ Twitter នោះទេ ដោយសារតែមានចំនួនជាងពាក់កណ្តាលនៃប្រជាជនអង់គ្លេសប្រើប្រាស់ Facebook អញ្ចឹងកម្មវិធីនយោបាយដែលបានធ្វើឡើងតាមក្រុមហ៊ុនព័ត៌មានបែបប្រពៃណីគ្រាន់តែជាការដេកយល់សប្តិតែប៉ុណ្ណោះ។ វាមិនដូច Twitter និង Facebook មិនបានផ្ដល់ឱ្យទទួលបាននូវទិន្នន័យសម្រាប់ការសិក្សាស្រាវជ្រាវបាន។ យើងប្រហែលមិនបានយល់ឱ្យបានពេញលេញអំពីឥទ្ធិពលចេញពី​ Facebook នៅក្នុងការបោះឆ្នោតឆ្នាំ ២០១៧ យើងបានអំពាវនាវដល់ក្រុមហ៊ុនឱ្យកាន់តែជាសមាជិកមានការទទួលខុសត្រូវអំពីការបោះឆ្នោតនាពេលអនាគត។ មានវិធី Facebook បីយ៉ាងដែលកាន់តែមានតម្លាភាពថែមទៀតនោះ។

ទីមួយ យើងទាមទារឱ្យក្រុមហ៊ុន Facebook បង្ហាញឱ្យឃើញតើគណបក្សនយោបាយណាមួយដែលអាចទិញទិន្នន័យពីអ្នកប្រើប្រាស់បាន ដែលអនុញ្ញាតឱ្យពួកគេធ្វើការវិភាគផ្នែកណាមួយនោះរបស់ប្រជាសាស្ត្រ។ បណ្តាញព័ត៌មានសង្គមត្រូវទទួលស្គាល់តួនាទីរបស់ខ្លួនថា ជាអ្នកផ្តល់ព័ត៌មានដ៏មានឥទ្ធិពល។

ទីពីរ ក្រុមហ៊ុន Facebook គួរតែធ្វើការបន្ថែមទៀតដើម្បីជួយដល់រដ្ឋាភិបាលក្នុងការត្រួតពិនិត្យមើលការប៉ុនប៉ងជ្រៀតជ្រែកពីតួអង្គបរទេសណាមួយ។ នេះជាភាពប្រឈមថ្មីៗដែលរាំងស្ទះដល់ការឈានទៅដល់ការទទួលយកព័ត៌មាន ដែលរាំងខ្ទប់ការចែកចាយទៅដល់អ្នកបញ្ចេញឥទ្ធិពលដ៏ខ្លាំងរបស់ពួកបរទេស។

នៅចុងបញ្ចប់ ការកើនឡើងនូវផលដែលកើតចេញពីសម័យបច្ចេកវិទ្យានៅក្នុងក្របខណ្ឌនយោបាយត្រូវតែលើកយកមកដោះស្រាយ។ ព្រឹត្តិការណ៍នយោបាយថ្មីៗនៅក្នុង ប្រជាធិបតេយ្យលោកខាងលិចបានបែងចែកអ្នកបោះឆ្នោត ស្ថានភាពនេះវាទាក់ទងទៅនឹងបទពិសោធន៍ជាក់ស្តែងនៅតាមព័ត៌មានសង្គម ដែលគ្រាន់តែធ្វើឲ្យស្ថានភាពនេះមានចល​នាតែប៉ុណ្ណោះ។ យើងទាំងអស់កំពុងតែជួបប្រទះនូវបទពិសោធន៍នៃទស្សនៈខ្វែងយោបល់គ្នានៅក្នុងពិភពលោកនេះ ដែលគ្រាន់តែកើតចេញពីទស្សនៈផ្សេងៗពីគ្នាតែប៉ុណ្ណោះ។ Facebook ត្រូវតែធ្វើកិច្ចការបន្ថែមទៀត ដើម្បីលើកទឹកចិត្តឲ្យមាននូវការបញ្ចេញការសន្ទនាបែបទស្សនៈនយោបាយ។

បណ្តាញព័ត៌មានសង្គមត្រូវឱ្យមានភាពចាស់ទុំ តាមរយៈការបង្ហាញអត្តសញ្ញាណថា ជាក្រុមហ៊ុនបច្ចេកវិទ្យាតែមួយ ហើយទទួលស្គាល់តួនាទីរបស់ពួកគេថា ជាអ្នកផ្តល់ព័ត៌មានសំខាន់។ បន្ថែមលើនេះទៀតនោះ Facebook គួរតែធ្វើបន្ថែមទៀត ដើម្បីសហការជាមួយមន្ត្រីបោះឆ្នោត ក្រុមអង្គការសង្គមស៊ីវិល និងអ្នកស្រាវជ្រាវដើម្បីអនុញ្ញាតឱ្យមានការត្រួតពិនិត្យសម​រម្យទៅលើយុទ្ធនាការ និងការផ្សព្វផ្សាយព័ត៌មានបែបនយោបាយតាមអនឡាញ។

ក្នុងអំឡុងយុទ្ធនាការបោះឆ្នោត Twitter ជំរុញឱ្យមាននូវការសន្ទនាការបោះឆ្នោតច្រើនយ៉ាង ដែលយើងរំពឹងថា នឹងទទួលបានចេញពីការស្រាវជ្រាវរបស់យើងលើកមុន។ អ្នកប្រើប្រាស់ចែករំលែកព័ត៌មានដែលមានគុណភាពល្អភាគច្រើន រួមផ្សំជាមួយនឹងព័ត៌មានផ្នែកតូចតាចណាមួយនៅក្នុងព័ត៌មានធំៗទាំងនោះ។ នៅលើទំព័រ Facebook ការធ្វើដូច្នេះអាចត្រូវបានគេមើលឃើញថា មានអត្ថបទខុសៗគ្នា ដែលយើងមិនអាចដឹងបាន៕

(ប្រភព: The Guardian ចុះថ្ងៃទី១២ ខែមិថុនា​​ ឆ្នាំ២០១៧)