នៅឆ្នាំ២០១៣ CNRP បានឡើងដល់ចំណុចកំពូលបំផុតរបស់ខ្លួនរួចហើយ ហើយបន្ទាប់មក និងតទៅមុខទៀត CNRP បាននិងកំពុងតែរមៀលធ្លាក់ចុះជាក់ស្តែងគឺយោងតាមលទ្ធផលនៃ ការបោះឆ្នោតឆ្នាំ២០១៣ គេបានគណនាឃើញថា នៅទូទាំងប្រទេស CPP ឈ្នះនាំមុខចំនួន ១០២០ (៦២.៤៦%) ឃុំ សង្កាត់ រីឯ CNRP នាំមុខចំនួន ៦១២ (៣៧.៤៨%) ឃុំ សង្កាត់។ តែនៅឆ្នាំ២០១៧នេះ CPP បានកើនពី១០២០ ដល់ប្រមាណ ១១៥៨ (៧០%) ឃុំ សង្កាត់ រីឯ CNRP បានធ្លាក់ពី ៦១២ (៣៧.៤៨%) មកដល់ប្រមាណ ៤៨៧ (៣០%) ឃុំ សង្កាត់ (រមៀលធ្លាក់ពី ៣៧.៤៨% មក ៣០%)។
ចាប់ចេញដំណើរពីឆ្នាំ២០១៣ CPP មានសំឡេងគាំទ្រចំនួន ៣ ២៣៥ ៩៦៩ (ស្មើ ៤៨.៨៣%) ដល់ឆ្នាំ២០១៧ CPP មានសំឡេងគាំទ្រប្រមាណជាង ៣លាន ៥សែននាក់ (ស្មើ៥១%)។ រីឯ CNRP វិញ ឆ្នាំ២០១៣ មានសំឡេងគាំទ្រ ២ ៩៤៦ ១៧៦ (ស្មើ៤៤.៤៦%) ដល់ឆ្នាំ២០១៧ មានសំឡេងគាំទ្រប្រមាណ ៣លាន សូន្យសែនជាង (ស្មើ៤៤%)។ ដូច្នេះមកដល់ឆ្នាំ ២០១៧ នេះ CPP បានរត់លើស CNRP ប្រមាណ ៥០ម៉ឺនសំឡេង (ដែលកាលពីឆ្នាំ២០១៣ លើស ២៨៩ ៧៩៣សំឡេង)។
បើយើងនិយាយពីកំណើនសំឡេងពីឆ្នាំ២០១៣ ដល់២០១៧ ជាលេខមូលគឺ CPP កើនបាន ៣០ម៉ឺនសំឡេង រីឯ CNRP កើនបាន១០ម៉ឺនសំឡេង។ ដូច្នេះ CPP កើនលើស៣ដង។ បើគណនាលទ្ធផលឆ្នាំ២០១៧ ជាអាសនៈតំណាងរាស្រ្តវិញ CPP បាន៧១អាសនៈ (កើនលើសឆ្នាំ២០១៣ បីអាសនៈ) រីឯ CNRP បាន៥៤ អាសនៈ (ថយពីឆ្នាំ២០១៣មួយអាសនៈ)។
លទ្ធផលបោះឆ្នោតឆ្នាំ២០១៧ នឹងនាំឱ្យ CPP ទទួលបានកៅអីភាគច្រើនដាច់ខាតនៅព្រឹទ្ធសភាដែល CPP នឹងបន្តដឹកនាំគ្រប់គ្រងស្ថាប័នព្រឹទ្ធសភាតទៅទៀត។ ចំណុចខាងលើគឺជាមូលដ្ឋានដែលបញ្ជាក់ថា CPP នឹងបន្តទទួលបានជ័យជម្នះធំធេងនៅឆ្នាំ២០១៨ទៀត៕
No comments:
Post a Comment