នៅថ្ងៃទី១៣ ខែមិថុនា ឆ្នាំ២០១៧នេះ លោក ឃឹម ប៊ុនសុង អភិបាល នៃគណៈអភិបាលខេត្តសៀមរាប បានថ្លែងថាគ្រប់សមាជិកក្រុមប្រឹក្សាឃុំ និងមន្ត្រីជំនាញពាក់ព័ន្ធទាំងអស់ ត្រូវលុបបំបាត់អំពើខុសឆ្គង ដែលនាំឱ្យប៉ះពាល់ដល់ផលប្រយោជន៍ប្រជាពលរដ្ឋ។ លោក បានថ្លែងដូចនេះ ក្នុងឱកាសអញ្ជើញសំណេះសំណាល ជាមួយមេភូមិ សមាជិកក្រុមប្រឹក្សាឃុំ និងមន្ត្រីរាជការ ស្រុកបន្ទាយស្រី និងស្រុកអង្គរធំ ខេត្តសៀមរាប។
ជាកិច្ចចាប់ផ្តើម លោក ឃឹម ប៊ុនសុង បានពាំនាំការសួរសុខទុក្ខ ពីសំណាក់លោកនាយករដ្ឋមន្ត្រី ហ៊ុន សែន ក៏ដូចជា លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ និងឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិ និងជាប្រធានក្រុមការងារថ្នាក់ជាតិចុះមូលដ្ឋានខេត្តសៀមរាប ។
នៅក្នុងឱកាសនោះផងដែរ អភិបាលខេត្តសៀមរាប ក៏បានកោតសសើរ ពីការខិតខំយកចិត្តទុកដាក់ខ្ពស់ លើការងារសន្តិសុខ សណ្តាប់ធ្នាប់ជូនប្រជាពលរដ្ឋនៅតាមមូលដ្ឋាន ភូមិ ឃុំ ក្នុងឱកាសយុទ្ធនាការឃោសនាបោះឆ្នោត ពេលបោះឆ្នោត និងក្រោយការបោះឆ្នោតជ្រើសរើសក្រុមប្រឹក្សា ឃុំ សង្កាត់ ធានាបានសុវត្ថិភាពល្អជូនប្រជាពលរដ្ឋ មិនឱ្យមានកើតនូវអំពើហិង្សាអ្វីឡើយនាពេលកន្លងមកនេះ។
លោកអភិបាលខេត្ត ក៏បានសង្កត់ធ្ងន់ផងដែរថា គ្រប់សមាជិកក្រុមប្រឹក្សាឃុំ និងមន្ត្រីជំនាញពាក់ព័ន្ធទាំងអស់ត្រូវលុបបំបាត់អំពើខុសឆ្គង ដែលនាំឱ្យប៉ះពាល់ដល់ផលប្រយោជន៍របស់ប្រជាពលរដ្ឋ ហើយក៏បានផ្តាំផ្ញើដល់មន្ត្រីរាជការ កម្លាំងសមត្ថកិច្ច និងអាជ្ញាធរមូលដ្ឋាន គ្រប់លំដាប់ថ្នាក់ បង្កើនការយកចិត្តទុកដាក់លើការអនុវត្តគោលនយោបាយ ភូមិ ឃុំ មានសុវត្ថិភាពដើមី្បធានាបាននូវភាពរស់នៅសុខសាន្ត និរន្តរភាពការងារ ការផ្តល់សេវាដើម្បីបម្រើដល់ប្រជាពលរដ្ឋក្នុងមូលដ្ឋានខ្លួន និងបន្តអភិវឌ្ឍន៍ភូមិ ឃុំ របស់ខ្លួនឱ្យកាន់តែរីកចម្រើនថែមទៀត៕
លោកអភិបាលខេត្ត ក៏បានសង្កត់ធ្ងន់ផងដែរថា គ្រប់សមាជិកក្រុមប្រឹក្សាឃុំ និងមន្ត្រីជំនាញពាក់ព័ន្ធទាំងអស់ត្រូវលុបបំបាត់អំពើខុសឆ្គង ដែលនាំឱ្យប៉ះពាល់ដល់ផលប្រយោជន៍របស់ប្រជាពលរដ្ឋ ហើយក៏បានផ្តាំផ្ញើដល់មន្ត្រីរាជការ កម្លាំងសមត្ថកិច្ច និងអាជ្ញាធរមូលដ្ឋាន គ្រប់លំដាប់ថ្នាក់ បង្កើនការយកចិត្តទុកដាក់លើការអនុវត្តគោលនយោបាយ ភូមិ ឃុំ មានសុវត្ថិភាពដើមី្បធានាបាននូវភាពរស់នៅសុខសាន្ត និរន្តរភាពការងារ ការផ្តល់សេវាដើម្បីបម្រើដល់ប្រជាពលរដ្ឋក្នុងមូលដ្ឋានខ្លួន និងបន្តអភិវឌ្ឍន៍ភូមិ ឃុំ របស់ខ្លួនឱ្យកាន់តែរីកចម្រើនថែមទៀត៕
No comments:
Post a Comment