ទម្រាំបានមកដល់ពេលនេះ កម្ពុជា បានឆ្លងកាត់នូវការលំបាកវេទនាជាច្រើន

នៅថ្ងៃទី១៣ ខែមិថុនា ឆ្នាំ២០១៧នេះ ទំព័រហ្វេសប៊ុករបស់លោកនាយករដ្ឋមន្រ្តី ហ៊ុន សែន បានបង្ហោះផ្សាយនូវទស្សនៈផ្ទាល់ខ្លួនរបស់លោកពាក់ព័ន្ធនឹងការរីកចម្រើនរបស់សង្គមកម្ពុជានាពេលបច្ចុប្បន្ន។

ទំព័រហ្វេសប៊ុករបស់លោកនាយករដ្ឋមន្រ្តី ហ៊ុន សែន បានលើកឡើងពី «ការពិតដែលយុវជន យុវតីបានដឹង និងឃើញច្បាស់នឹងភ្នែកសព្វថ្ងៃគឺ៖ ១– នៅពេលដែលយុវជនធំដឹងក្តី គឺបានឃើញកម្ពុជា រីកចម្រើនស្រស់ស្អាតទៅមុខឥតឈប់ឈរ។ ២– នៅពេលដែលយុវជនធំដឹងក្តី គឺមានសាលារៀននៅគ្រប់ទីកន្លែងពីទីក្រុងដល់ជនបទ។ ៣– នៅពេលដែលយុវជនធំដឹងក្តី គឺឃើញកម្ពុជាមានសុខសន្តិភាព ទន្ទឹមនឹងបានឃើញប្រទេសមួយចំនួន កំពុងកើតមានសង្រ្គាម ដែលយុវជនបានបាត់បង់ឱកាសគ្រប់យ៉ាង។ ៤– នៅពេលដែលយុវជនធំដឹងក្តី គឺបានឃើញសម្តេចតេជោ ហ៊ុន សែន តែម្នាក់ប៉ុណ្ណោះ ដែលបានខិតខំដឹកនាំកសាងអភិវឌ្ឍន៍កម្ពុជារហូតរីកចម្រើន ហើយសម្តេចតេជោ តែងតែរស់នៅរួមសុខរួមទុក្ខជាមួយប្រជាពលរដ្ឋប្រកបដោយក្តីស្រឡាញ់ដ៏ជ្រាលជ្រៅបំផុត»។

ប្រមុខរាជរដ្ឋាភិបាលកម្ពុជា ក៏បានបញ្ជាក់ថា ទាំងអស់នេះហើយ ដែលយុវជន យុវតីកម្ពុជា ទូទាំងប្រទេសមាន ភាពកក់ក្តៅ និងជឿទុកចិត្តលើការដឹកនាំរបស់លោកតែម្នាក់ប៉ុណ្ណោះក្នុងការថែរក្សាសុខសន្តិភាព និងបន្តអភិវឌ្ឍន៍ប្រទេសកម្ពុជាឱ្យកាន់តែរីកចម្រើនទៅមុខ៕