Tuesday, June 13, 2017

កាក​បាទ​ក្រហម​កម្ពុជាឧប​ត្ថម្ភថវិកា ១លា​នដុល្លារ ជូន​មូលនិធិគ​ន្ធបុប្ផា​ ជាលើកទី៦

នៅថ្ងៃទី១៣ ខែមិថុនា ឆ្នាំ២០១៧នេះ កាកបាទក្រហមកម្ពុជា ដែលមានលោកស្រី ប៊ុន រ៉ានី ហ៊ុនសែន ជាប្រធាន បានផ្តល់ថវិកា $1.000.000 (មួយលានដុល្លារអាមេរិក) ជាលើកទី៦ ជូនមូលនិធិគន្ធបុប្ផា ដែលពិធីនេះប្រព្រឹត្តទៅនៅទីស្នាក់ការកណ្តាលកាកបាទក្រហមកម្ពុជា។
ក្នុងឱកាសនោះ លោកស្រី ពុំ ចន្ទីនី អគ្គលេខាធិការកាកបាទក្រហមកម្ពុជា បានពាំនាំប្រសាសន៍ផ្តាំផ្ញើសួរសុខទុក្ខ ក្តីសោមនស្សរីករាយ និងការកោតសរសើរពីសំណាក់ លោកស្រីន រ៉ានី ហ៊ុនសែន ប្រធានជូនចំពោះគណៈប្រតិភូ ជាពិសេស ក្រុមគ្រូពេទ្យ និងបុគ្គលិកនៃមន្ទីរ ពេទ្យគន្ធបុប្ផាទាំងអស់ ដែលបានខិតខំប្រឹងប្រែងព្យាបាលជំងឺជូនស្ត្រីមានផ្ទៃពោះឆ្លងទន្លេ និងកុមារកម្ពុជារាប់ពាន់ រាប់ម៉ឺននាក់ ឱ្យរួចផុតពីសេចក្តីស្លាប់ និងពិការភាព។ ជាមួយគ្នានោះ លោកស្រី ក៏បានពាំនាំប្រសាសន៍ លោកស្រីន រ៉ានី ហ៊ុនសែន ដែលផ្តាំសួរសុខទុក្ខចំពោះលោក បេអាត រិចនឺ ដែលបានកំពុងសម្រាក ក្រោយការព្យាបាលជំងឺ និងបួងសួង លោកឆាប់បានជាសះស្បើយ ផ្តល់ជាកម្លាំងចិត្ត ដល់ការបន្តទ្រទ្រង់មន្ទីរពេទ្យគន្ធបុប្ផាដើម្បីកុមារកម្ពុជា។
ជាកិច្ចឆ្លើយតប លោកវេជ្ជ. ដេនីស ឡូរ៉ង់ (Denis LAURENT) ប្រធានប្រតិបត្តិមូលនិធិគន្ធបុប្ផា និងលោកស្រី យក់ សម្បត្តិ អគ្គនាយិការដ្ឋបាលនិងហិរញ្ញវត្ថុ ទីប្រឹក្សាក្រសួងសុខាភិបាល ព្រមទាំងគណៈប្រតិភូ បានថ្លែងអំណរគុណដល់សណ្តានចិត្តរបស់ លោកស្រី ប៊ុន រ៉ានី ហ៊ុនសែន ដែលនៅតែបន្តជួយឧបត្ថម្ភគាំទ្រថវិកា ១លានដុល្លារ បាន ៦ឆ្នាំ ជាបន្តបន្ទាប់តាំងពីឆ្នាំ ២០១២រៀងមក ដើម្បីលើកទឹកចិត្តដល់បុគ្គលិកទាំងអស់បន្តនូវការបំពេញភារកិច្ចរបស់ខ្លួនឱ្យកាន់តែមានប្រសិទ្ធភាព និងទទួលបានគាំទ្រកាន់តែច្រើនពីសំណាក់ជាតិ និងអន្តរជាតិ ជាពិសេសចំពោះប្រជាជនកម្ពុជាឱ្យមានទំនុកចិត្តក្នុងការនាំកូនៗរបស់ខ្លួនមកព្យាបាល៕




No comments:

Post a Comment