Tuesday, June 13, 2017

គណៈប្រតិភូ មកពី២២ ប្រទេសក្នុងទ្វីបអាស៊ី ចុះទៅស្វែងយល់ក្រុងបាត់ដំបង ដែលត្រៀម ដាក់បញ្ចូលជាសម្បត្តិបេតិកភ័ណ្ឌពិភពលោក

នៅថ្ងៃទី១៣ ខែមិថុនា ឆ្នាំ២០១៧នេះ គណៈប្រតិភូមកពី២២ប្រទេស ក្នុងទ្វីបអាស៊ី ដឹកនាំដោយក្រសួងទេសចរណ៍ បានទៅបំពេញទស្សនកិច្ចស្វែងយល់បន្ថែមទៀត នៅក្រុងបាត់ដំបង គ្រាដែលរាជរដ្ឋាភិបាលកម្ពុជា មានគម្រោងបញ្ចូលទីក្រុងបាត់ដំបង ជាទីក្រុងស្អាត ក្នុងចំណោមខេត្តទំាង៣ ចូលជាសម្បត្តិបេតិកភ័ណ្ឌពិភពលោកក្នុងពេលឆាប់ៗ នាពេលខាងមុខនេះ។
ក្នុងដំណើរទស្សនកិច្ចនេះដែរដឹកនាំដោយលោក ថុក សុខុម ប្រធាននាយកដ្ឋានកិច្ចការសហប្រតិបត្តិការអន្តរជាតិអាស៊ាន នៃក្រសួងទេចរណ៍ លោក សៀងឯម វូនស្ហី អភិបាលក្រុងបាត់ដំបង តំណាងលោក ងួន រតនៈ អភិបាលរងខេត្ត និងមានចូលរួមពីក្រុមជំនាញការ UNESCO អ្នកសង្កេតការណ៍អន្តរជាតិ ពីប្រទេសអឺរ៉ុបមួយចំនួន អមដំណើរដោយមន្រ្តីជំនាញពាក់ព័ន្ទក្នុងខេត្ត គោលបំណងដើរទស្សនាកន្លែងសំខាន់ៗ អគារបុរាណនានា និងមានកិច្ចជួបប្រជុំនៅសាលាខេត្តនៅពេលរៀលផងដែរ។
លោក ថុក សុខុម បានប្រាប់ឲ្យដឹងថា ប្រតិភូទាំង២២ប្រទេស ក្នុងទ្វីបអាស៊ី មកទស្សនកិច្ចនាថ្ងៃនេះ ដោយប្រតិភូបានកំណត់គោលដៅទី១៖ ខេត្តសៀមរាប គោលដៅទី២៖ ខេត្តបាត់ដំបង និងទី៣៖ ខេត្តព្រះសីហនុ។
សូមជម្រាបថា ខេត្តទាំង៣នេះ ជាខេត្តដែលមានសក្តានុពលសេដ្ឋកិច្ចវប្បធម៌ទេសចរណ៍បណ្តុំទៅដោយ ភ្ញៀវទេចរចំរុះជាតិសាសន៍ តែងតែមកទស្សនាយ៉ាងច្រើនកោះករ បង្កើនកម្រិតជីវភាពប្រជាពលរដ្ឋក្នុតំបន់ និងបានជួយលើកស្ទួយមុខមាត់ប្រទេសកម្ពុជា លើឆាកអន្តរជាតិ និងក្នុងតំបន់ផងដែរ។
បើតាមលោក ថុក សុខុម ដោយឡែកខេត្តបាត់ដំបង មានសក្តានុពលខ្លាំង ជាខេត្តប្រវត្តិសាស្រ្តយូរលង់មកហើយ ក្នុងថ្ងៃនេះប្រតិភូទាំងអស់ និងដើរគ្រប់ទីកន្លែងដែល នៅសេសសល់ ពីសម័យបុរាណនានា មានដូចជា វត្តអារាម ផ្ទះបុរាណ សាលាខេត្តជំនាន់បារាំង និងកន្លែងផ្សេងជាច្រើនទៀត ដែលបន្សល់ពីបុរាណកាល៕




No comments:

Post a Comment