មេភូមិស្វ័យប្រកាសបក្សសង្គ្រោះជាតិហ៊ានក្លែងឯកសារសាធារណៈត្រូវសមត្ថកិច្ចចាប់ខ្លួន

នរណាថាសកម្មជនបក្សសង្គ្រោះជាតិមិនឃ្លានអំណាច!? បុរសវ័យចំណាស់ម្នាក់ដែលមកពី គណបក្សសង្គ្រោះជាតិ អះអាងដោយខ្លួនឯងថាជាមេភូមិ និងចាត់ចែងការងារជំនួសមេភូមិ ត្រូវបានសមត្ថកិច្ចឃាត់ខ្លួនបញ្ជូនសំណុំរឿងទៅតុលាការដើម្បីផ្តន្ទាទោសតាមផ្លូវច្បាប់។ នេះបើតាមសេចក្តីរាយការណ៍ព័ត៌មានរបស់កាសែតកម្ពុជាថ្មីនៅថ្ងៃទី១២ ខែមិថុនា ឆ្នាំ២០១៧។ ការប្រកាសខ្លួន និងហ៊ានចុះហត្ថលេខាដោយតាំងខ្លួនជាមេភូមិថ្មី ភូមិអន្លង់ល្វា ឃុំវត្តតាមិម ស្រុកសង្កែ ខេត្តបាត់ដំបងរបស់វ័យចំណាស់រូបនេះ បន្ទាប់ពីលទ្ធផលនៃការបោះឆ្នោតក្រុមប្រឹក្សាឃុំសង្កាត់កាលពីថ្ងៃ ៤ មិថុនា បក្សសង្គ្រោះជាតិមានសំឡេងនាំមុខ ប៉ុន្តែគ.ជ.ប. មិនទាន់ប្រកាសលទ្ធផលជផ្លូវការ ក្រុមប្រឹក្សាឃុំថ្មីក៏មិនទាន់ប្រកាសសុពលភាព ហើយមេភូមិថ្មីក៏មិនទាន់ត្រូវបានរៀបចំ។

យោងតាមពាក្យបណ្តឹងរបស់ឈ្មោះ រួម នាង ភេទប្រុស អាយុ ៧៣ ឆ្នាំ ជាមេភូមិមានសុពលភាពរបស់ភូមិអន្លង់ល្វា លើកឡើងថា កាលពីថ្ងៃទី០៧ ខែមិថុនា ឆ្នាំ ២០១៧ មានប្រជាពលរដ្ឋម្នាក់ដែលធ្វើការនៅព្រំដែនខ្មែរថៃ មានជំងឺនិងបានមកផ្ទះឪពុកឯស្រុកកំណើត ព្រមទាំងបានទៅឱ្យមណ្ឌលសុខភាពព្យាបាល ប៉ុន្តែដោយសារតែខ្លួនមានជីវភាពក្រីក្រ គ្រូពេទ្យក៏បានឱ្យសៀវភៅមួយក្បាលឱ្យទៅបំពេញដើម្បីឱ្យលោកមេភូមិបញ្ជាក់ថាពិជាជនក្រីក្រមែន។ មិនជួបមេភូមិ អ្នកភូមិជិតខាងក៏បានចង្អុលថាទៅផ្ទះមេភូមិថ្មីទៅ ព្រោះគេទើបជាប់ឆ្នោត រួចខ្លួនក៏បានដើរទៅ គឺនៅពេលនោះហើយដែលលោកមេភូមិថ្មី តែងតាំងខ្លួនឯងដោយគ្មានប្រកាសណាមួយនោះ បានសរសេរលើសៀវភៅនោះបញ្ជាក់ថាពិតជាជនក្រីក្រពិតប្រាកដមែន ដោយលិខិតនេះចេញឱ្យសាមីខ្លួនយកទៅប្រើប្រាស់តាមតែអាចប្រើបានព្រមទាំងបានចុះហត្ថលេខាទៀតផង។

ពាក់ព័ន្ធនឹងករណីក្លែងឯកសារសាធារណៈនេះ សមត្ថកិច្ចក៏បានចុះទៅនាំខ្លួនជនសង្ស័យខាងលើ យកមកធ្វើការសាកសួរព្រមទាំងបានរៀបចំបញ្ជូនខ្លួនទៅស្នងការដ្ឋាននគរបាលខេត្ត ដើម្បីចាត់វិធានការតាមផ្លូវច្បាប់។ យោងតាមច្បាប់ ករណីក្លែងឯកសារសាធារណៈ អាចជាប់ពន្ធនាគារចាប់ពី ៥ ឆ្នាំទៅ ១០ ឆ្នាំ។ ថាហើយថាទៀត! កុំចេះតែជ្រួលជ្រើម ស្តាប់មេស៊ីសង តែជ្រួលជ្រើម មានតែទៅសំរានក្នុងមន្ទីរឃុំឃាំង! ចាំមើលៗ ធនធានមនុស្សរបៀបនេះមានប៉ុន្មាននាក់ទៀត?

ដោយ៖ ចៅ ចាក់ស្មុក