ប៉ៃលិន៖ នៅថ្ងៃទី១២ ខែកក្កដា ឆ្នាំ២០១៧នេះ ក្នុងឱកាសការប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន នៅបរិវេណវត្តរតនៈសោភ័ណ្ឌ ហៅវត្តកោងកាង រដ្ឋបាលខេត្តប៉ៃលិន បានដុតកម្ទេចគ្រឿងញៀន ប្រភេទ មេតំហ្វេតាមីន WY ចំនួន ១៦០គ្រាប់ និងប្រភេទ ម៉ាទឹកកក ចំនួន ៣កញ្ចប់ធំ និង ០៤ កញ្ចប់តូច។
លោក សៅ សារ៉ាត់ អភិបាលរងខេត្តប៉ៃលិន បានមានប្រសាសន៍លើកឡើងថា គ្រឿងញៀន គឺបានធ្វើឱ្យប៉ះពាល់ និងអន្តរាយដល់សុខភាព ខូចខាតទ្រព្យសម្បត្តិ ងាយឆ្លងមេរោគអេដស៌ និងកើតមានអំពើហិង្សាផ្សេងៗ នៅក្នុងសង្គមគ្រួសារ ហើយបច្ចុប្បន្ននេះ សកម្មភាពការចរាចរ និងចែកចាយគ្រឿងញៀននៅខេត្តប៉ៃលិន នៅតែកើតមានឡើងក្នុងចំណោមប្រជាពលរដ្ឋ ជាពិសេសស្រទាប់យុវវ័យ ដែលឈានទៅដល់ការបាត់បង់ធនធានមនុស្ស ប៉ះពាល់ធ្ងន់ធ្ងរដល់ផ្នែកសេដ្ឋកិច្ច សង្គមកិច្ច រាំងស្ទះដល់ដំណើរការអភិវឌ្ឍន៍ប្រទេសជាតិ។
លោកបានមានប្រសាសន៍សង្កត់ធ្ងន់ថា ការប្រើប្រាស់គ្រឿងញៀនបានបន្សល់ទុកនូវក្តីកង្វល់ ដល់សហគមន៍ គ្រួសារ អាណាព្យាបាល ដែលមានកូន ចៅរងគ្រោះដោយសារគ្រឿងញៀន ដូច្នេះទាមទាឱ្យមានចំណាត់ការហ្មត់ចត់ សមស្រប និងច្បាស់លាស់ របស់ស្ថាប័ននិងសមត្ថកិច្ចពាក់ព័ន្ធ។ លោក សៅ សារ៉ាត់ បានអំពាវនាវដល់កងកំលាំងប្រដាប់អាវុធគ្រប់ប្រភេទ អាជ្ញាធរដែនដីគ្រប់ជាន់ថ្នាក់ លោកគ្រូ អ្នកគ្រូ ក្មួយៗសិស្សានុសិស្ស និងបងប្អូនប្រជាពលរដ្ឋទាំងអស់ ត្រូវរួមគ្នាជួយចាត់វិធានការទប់ស្កាត់ និងរួមគ្នាបញ្ចៀសគ្រឿងញៀនអោយផុតពីសហគមន៍យើង ហើយវិធានការនោះគឺការផ្សព្វផ្សាយនិងលើកកំពស់ ការយល់ ដឹងជាសាធារណៈអំពីស្ថានភាពគ្រោះថ្នាក់នៃគ្រឿងញៀន។
គួរបញ្ជាក់ថា បើតាមរបាយការណ៍របស់លោក សោ សុវណ្ណ នាយករងរដ្ឋបាលខេត្តប៉ៃលិន បានឱ្យដឹងថា ខេត្តប៉ៃលិន នៅឆមាសទី១ ឆ្នាំ២០១៧នេះ គឿងញៀនគឺ មានសភាពកើនឡើងជាងឆ្នាំមុន ដោយធ្វើការបង្ក្រាបការជួញដូរ រក្សាទុក និងប្រើប្រាស់គ្រឿងញៀនខុសច្បាប់ចំនួន ៣៩លើក ឃាត់ខ្លួនជនសង្ស័យបាន៨៦នាក់ ស្រី០៨នាក់ បើប្រៀបធៀប ក្នុងឆ្នាំ២០១៦ មាន២៧លើក ដោយដកហូតបានគ្រឿងញៀនម្សៅម៉ាទឹកកកបានចំនួន ១០៩កញ្ចប់ ស្មើនឹង២២៦,៥២ក្រាម និង២៤កញ្ចប់តូច ថ្នាំយ៉ាម៉ាប្រភេទ wy ចំនួន៨៧៦គ្រាប់ ស្មើនឹង៨៦,៧៤ក្រាម រថយន្ត១គ្រឿង ម៉ូតូ៨គ្រឿង ជញ្ជីងសម្រាប់ថ្លឹងគ្រឿងញៀន០៦គ្រឿង ទូស័ព្ទដៃចំនួន ២៦គ្រឿង ស្នាប់ដៃចំនួន០២ ដាវចំនួន ០២ ដាវសាម៉ូរៃចំនួន ០២ដើម កញ្ឆាក្រៀមចំនួន ០៣ដើម ស្រស់៨៦ដើម បំពង់សម្រាប់ជក់កញ្ឆាចំនួន ០២ ជ្រុញហាន់កញ្ឆាចំនួន ០១ កាំបិត០១ ប្រាក់ចំនួន ៩៤០០រៀល ប្រាក់ថៃ ៤០បាត ព្រមទាំងសម្ភារៈសម្រាប់ជក់ និងថង់សម្រាប់វេចខ្ចប់មួយចំនួនទៀត៕
គួរបញ្ជាក់ថា បើតាមរបាយការណ៍របស់លោក សោ សុវណ្ណ នាយករងរដ្ឋបាលខេត្តប៉ៃលិន បានឱ្យដឹងថា ខេត្តប៉ៃលិន នៅឆមាសទី១ ឆ្នាំ២០១៧នេះ គឿងញៀនគឺ មានសភាពកើនឡើងជាងឆ្នាំមុន ដោយធ្វើការបង្ក្រាបការជួញដូរ រក្សាទុក និងប្រើប្រាស់គ្រឿងញៀនខុសច្បាប់ចំនួន ៣៩លើក ឃាត់ខ្លួនជនសង្ស័យបាន៨៦នាក់ ស្រី០៨នាក់ បើប្រៀបធៀប ក្នុងឆ្នាំ២០១៦ មាន២៧លើក ដោយដកហូតបានគ្រឿងញៀនម្សៅម៉ាទឹកកកបានចំនួន ១០៩កញ្ចប់ ស្មើនឹង២២៦,៥២ក្រាម និង២៤កញ្ចប់តូច ថ្នាំយ៉ាម៉ាប្រភេទ wy ចំនួន៨៧៦គ្រាប់ ស្មើនឹង៨៦,៧៤ក្រាម រថយន្ត១គ្រឿង ម៉ូតូ៨គ្រឿង ជញ្ជីងសម្រាប់ថ្លឹងគ្រឿងញៀន០៦គ្រឿង ទូស័ព្ទដៃចំនួន ២៦គ្រឿង ស្នាប់ដៃចំនួន០២ ដាវចំនួន ០២ ដាវសាម៉ូរៃចំនួន ០២ដើម កញ្ឆាក្រៀមចំនួន ០៣ដើម ស្រស់៨៦ដើម បំពង់សម្រាប់ជក់កញ្ឆាចំនួន ០២ ជ្រុញហាន់កញ្ឆាចំនួន ០១ កាំបិត០១ ប្រាក់ចំនួន ៩៤០០រៀល ប្រាក់ថៃ ៤០បាត ព្រមទាំងសម្ភារៈសម្រាប់ជក់ និងថង់សម្រាប់វេចខ្ចប់មួយចំនួនទៀត៕
No comments:
Post a Comment