យុវជនម្នាក់ទៀតហើយ ដែលបង្ហោះសារតាម Facebook គំរាមសម្លាប់លោកនាយករដ្ឋមន្ត្រី ហ៊ុន សែន ត្រូវបានឃាត់ខ្លួន

នាព្រឹកថ្ងៃទី១៣ ខែកក្កដា ឆ្នាំ២០១៧នេះ កម្លាំងនគរបាលបានចាប់ខ្លួនយុវជនម្នាក់ទៀហើយ ដែលបង្ហោះសារតាម Facebook គំរាមបាញ់សម្លាប់លោកនាយករដ្ឋមន្ត្រី ហ៊ុន សែន។ នេះបើតាមការបញ្ជាក់របស់ មន្ត្រីជាន់ខ្ពស់ នៃអគ្គស្នងការនគរបាលជាតិ។

ប្រភពដដែលបានបញ្ជាក់ថា យុវជនដែលប្រមាថជីវិតលោកនាយករដ្ឋមន្ត្រី ហ៊ុន សែន នេះត្រូវបានសមត្ថកិច្ចចាប់ខ្លួនបាន នៅខេត្តព្រះសីហនុ បន្ទាប់ពីរូបគេបង្ហោះសារ និងរូបភាពតាម Facebook គំរាមបាញ់សម្លាប់លោកនាយករដ្ឋន្ត្រី ហ៊ុន សែន។ មន្ត្រីជាន់ខ្ពស់នៃអគ្គស្នងការនគរបាលជាតិ បានបញ្ជាក់ទៀតថា ពេលនេះកម្លាំងនគរបាលកំពុងនាំខ្លួន ជនសង្ស័យរូបនោះ មកនាយកដ្ឋានប្រឆាំងភេរវកម្ម និងឧក្រិដ្ឋឆ្លងដែន ដើម្បីសួរនាំ៕