គណៈកម្មការទី៩ព្រឹទ្ធសភា បើកកិច្ច​ប្រជុំជាមួយ​តំណាង​រាជរដ្ឋាភិបាល​ ដើម្បីពិនិត្យ​សិក្សាលើ​សេចក្តី​ព្រាងច្បាប់​ចំនួន០២​

នៅថ្ងៃទី១៣ ខែកក្កដា ឆ្នាំ២០១៧នេះ គណៈកម្មការទី៩ ព្រឹទ្ធសភា ដឹកនាំដោយលោក គង់ សារាជ ប្រធានគណៈកម្មការ បានអញ្ជើញជាអធិបតីភាព ក្នុងកិច្ចប្រជុំជាមួយតំណាងរាជរដ្ឋាភិបាល ដែលដឹកនាំដោយលោក អ៊ិត ប្រាំង រដ្ឋលេខាធិការក្រសួងរ៉ែ និងថាមពល និងលោក ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ព្រមទាំងសហការី ដើម្បីពិនិត្យសិក្សាលើសេចក្តីព្រាងច្បាប់ចំនួន០២គឺ៖

ទី១-ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាល នៃព្រះរាជាណាចក្រកម្ពុជា ឲ្យក្រុមហ៊ុន ខេមបូឌាន អេនើជី II ឯ.ក

និងទី២-ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាល នៃព្រះរាជាណាចក្រកម្ពុជា ឲ្យក្រុមហ៊ុន អាឡិច ខបភើរេសិន នៅសាលប្រជុំគណៈកម្មការទី៩ ព្រឹទ្ធសភា៕