ប្រធានាធិបតីជាប់ឆ្នោត Donald Trump ជឿថា ទីភ្នាក់ងារស៊ើបការណ៍សម្ងាត់អាមេរិក គឺមានចេតនានយោបាយ និងមិនមានភស្តុតាងរឹងមាំ នៅពេលដែលពួកគេបានកំណត់កាលពីដើមឆ្នាំនេះថា អ្នកចូលលួចយកទិន្នន័យដែលគាំទ្រដោយរដ្ឋរុស្ស៊ី គឺស្ថិតនៅពីក្រោយការចូលលួច និងការបញ្ចេញអ៊ីម៉ែលផ្ទៃក្នុងពីយុទ្ធនាការរបស់លោកស្រី Clinton និង គណៈកម្មាធិការជាតិប្រជាធិបតេយ្យ (DNC)។
លោក Trump បានប្រាប់ទស្សនាវដ្តី Time នៅក្នុងកិច្ចសម្ភាសន៍ «មនុស្សដែលជាប់ចំណាត់ថ្នាក់ប្រចាំឆ្នាំ» របស់គាត់ ដែលត្រូវបានផ្សព្វផ្សាយកាលពីថ្ងៃពុធថា «ខ្ញុំមិនជឿលើរឿងនេះទេ។ ខ្ញុំមិនជឿថា រុស្ស៊ីបានជ្រៀតជ្រែកនោះទេ»។
គាត់បានបន្តថា «រឿងនេះបានក្លាយជាចំណុចមួយដែលគួរអស់សំណើច មិនមែនជាចំណុចដែលត្រូវលើកយកមកពិភាក្សានោះទេ។ ពេលណាក៏ដោយ ឱ្យតែខ្ញុំធ្វើអ្វីមួយ ពួកគេនិយាយថា អូ, រុស្ស៊ីបានជ្រៀតជ្រែកហើយ»។
នៅពេលដែលអ្នកយកព័ត៌មានទស្សនាវដ្តី Time បានសួរលោក Trump ប្រសិនបើការសន្និដ្ឋាននេះ ត្រូវបានសម្រេចដោយមន្រ្តីជំនាញស៊ើបការណ៍សម្ងាត់អាមេរិកដែលបានវិភាគថា ការចូលលួចយកទិន្នន័យ គឺជាចេតនានយោបាយ លោក Trump បានឆ្លើយថា «ខ្ញុំគិតថាអញ្ចឹងដែរ»។
ការលើកឡើងនេះ ទទួលបានការចាប់អារម្មណ៍តិចតួច ចាប់តាំងពីកិច្ចសម្ភាសន៍ត្រូវបានគេបោះពុម្ភផ្សាយ។ ប៉ុន្តែវាកំពុងតែធ្វើឱ្យភ្ញាក់ផ្អើលដែលឮថា ប្រធានាធិបតីជាប់ឆ្នោតរូបនេះ បានចោទប្រកាន់សហគមន៍ស៊ើបការណ៍សម្ងាត់របស់ជាតិថា មានការរួមគំនិតគ្នាកុហកដល់ប្រទេសនេះ ក្នុងគោលបំណងដើម្បីជួយជ្រោមជ្រែងបេក្ខជននយោបាយម្នាក់ឱ្យខ្លាំងជាងម្នាក់ទៀត។
ការលើកឡើងរបស់លោក Trump ទំនងជាធ្វើឱ្យគាត់ប្រាកចាកបន្ថែមទៀត ក៏ដូចជារដ្ឋបាលរបស់គាត់ពីមន្រ្តីស៊ើបការណ៍សម្ងាត់ ដែលបម្រើនៅខ្សែត្រៀមជួរមុខរបស់យោធាដ៏រស៊ើបបំផុត និងការខំប្រឹងខ្នះខ្នែងផ្នែកការទូតរបស់អាមេរិក។
លោក Trump បានលើកឡើងនូវក្តីព្រួយបារម្ភជាមួយនឹងមន្រ្តីស៊ើបការណ៍សម្ងាត់ចំពោះការសម្រេចចិត្តរបស់គាត់ ដើម្បីបោះបង់ចោលដ៏ច្រើនបំផុតនៃព័ត៌មានពិស្តារផ្នែកស៊ើបការណ៍សម្ងាត់ប្រចាំថ្ងៃរបស់គាត់ ដែលត្រូវបានគេចាត់ទុកថា ជាកិច្ចប្រជុំប្រចាំថ្ងៃដ៏សំខាន់បំផុតនៅលើប្រតិទិនរបស់ប្រធានាធិបតីអាមេរិក។
លោក Trump មិនសប្បាយចិត្តផងដែរជាមួយនឹងមន្រ្តីចារកម្មអាមេរិក ស្ថានភាពនេះបានកើតមានឡើង នៅពេលដែលគាត់និយាយជាសាធារណៈចំពោះការផ្តល់ព័ត៌មានពិស្តារពីមន្រ្តីចារកម្ម។ និយាយឱ្យចំទៅ លោក Trump បានអះអាងថា គាត់អាចប្រាប់ពីភាសាដោយកាយវិការអំពីមន្រ្តីសន្តិសុខជាតិ បន្ទាប់ពីមានការផ្តល់ព័ត៌មានដ៏សង្ខេបមួយថា ពួកគេ «មិនសប្បាយចិត្ត» ដែលបម្រើប្រធានាធិបតី Barack Obama។
ការលើកឡើងទាំងនោះ បានធ្វើឱ្យអតីតអនុប្រធាន CIA លោក Michael Morell និយាយថា លោក Trump «មិនយល់អ្វីទាំងអស់ពីរបៀបធ្វើការរបស់មន្រ្តីចារកម្ម»៕
ប្រភព: The Huffington Post ចុះថ្ងៃទី០៧ ខែធ្នូ ឆ្នាំ២០១៦
No comments:
Post a Comment