កម្ពុជានឹងបោះ​ឆ្នោត​ក្រុមប្រឹក្សា​ឃុំ-សង្កាត់​អាណត្តិទី៤ នៅ​ថ្ងៃទី០៤ ខែមិ​ថុនា ឆ្នាំ២០១៧​ ផ្តើម​ចុះបញ្ជី​បក្សឈរ​ឈ្មោះ ចាប់​ពីថ្ងៃ០៣-០៥ ខែ​មិនា

យោងតាមសេចក្ដីប្រកាសរបស់ គណៈកម្មាធិការជាតិរៀបចំការបោះឆ្នោត (គ.ជ.ប) ចុះថ្ងៃទី០៧ ខែធ្នូនេះ បានឱ្យដឹងថា ក្រោយពិនិត្យយ៉ាងល្អិតល្អន់លើរបៀបវារៈចំនួន ២ ក្នុងកិច្ចប្រជុំរួចមក គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចទទួលចុះបញ្ជីបេក្ខជននៃគណបក្សនយោបាយឈរឈ្មោះបោះឆ្នោត រយៈពេល ៣ថ្ងៃ ចាប់ពីថ្ងៃទី០៣-០៥ ខែមិនា ឆ្នាំ២០១៧។

សេចក្ដីប្រកាសបានបន្ថែមទៀតថា គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចជ្រើសយកថ្ងៃទី០៤ ខែមិថុនា ឆ្នាំ២០១៧ ខាងមុខ ជាថ្ងៃបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៤ ស្របពេលដែលការរាប់សន្លឹកឆ្នោត ក៏ធ្វើឡើងក្នុងថ្ងៃ ៤ មិថុនាដែរ៕