កិច្ចប្រជុំឆ្លងសេចក្តីព្រាងផែនការ ស្តីពីការត្រៀមរៀបចំបុណ្យទន្លេ នៅសាលប្រជុំសាលាខេត្តកំពង់ឆ្នាំង

កំពង់ឆ្នាំង៖ នៅព្រឹកថ្ងៃទី៣១ខែសីហា ឆ្នាំ២០១៧នេះ លោក ឈួរ ច័ន្ទឌឿន អភិបាលខេត្តកំពង់ឆ្នាំង អញ្ជើញជាអធិបតីក្នុងកិច្ចប្រជុំឆ្លងសេចក្តីព្រាងផែនការស្តីពីការត្រៀមរៀបចំបុណ្យទន្លេ នៅសាលប្រជុំសាលាខេត្តកំពង់ឆ្នាំង ក្នុងកិច្ចប្រជុំនោះមានការចូលរួមពីលោក លោកស្រី អភិបាលរងខេត្ត លោកនាយករដ្ឋបាលសាលាខេត្ត លោក លោកស្រី ប្រធានអង្គភាពជុំវិញខេត្ត និងអភិបាលក្រុង ស្រុកសរុបចំនួន៥១រូបផងដែរ ។

លោកអភិបាលខេត្តកំពង់ឆ្នាំង បានមានប្រសាសន៍ក្នុងកិច្ចប្រជុំនាឱកាសនោះថា ការរៀបចំបុណ្យទន្លេក្នុងគោលបំណងរំលឹកដល់គុណទឹកទន្លេ ដែលបានស្រោចស្រប ដល់វិស័យកសិកម្ម ជលផល និង បម្រើផលប្រយោជន៍ នានារបស់មនុស្សជាតិ។

លោក ឈួរ ច័ន្ទឌឿន ក៏បានជំរុញដល់អាជ្ញាធរដែនដីត្រូវ ផ្សព្វផ្សាយដល់ប្រជាពលរដ្ឋអោយបានយល់ និងកុំធ្វើអ្វីៗ អោយប៉ះពាល់ បរិស្ថាន និង សោភ័ណភាពតាមច្រាំងទន្លេ ៕