ខេត្តកំពង់ចាម៖លោកនាយកល្អ គ្រូបង្រៀនល្អ និងគ្រូឆ្នេីម
នៅតាមសាលាបឋមសិក្សានានា ក្នុងខេត្តកំពង់ចាម ចំនួន១៥នាក់ ទទួលបានបណ្ណ័សសេីរ ពានរង្វាន់ លោកនាយករដ្ឋមន្រ្តី ហ៊ុន
សែន ការផ្តល់ពានរង្វាន់ជ័យលាភីនេះត្រូវបានធ្វេីឡើងនារសៀលថ្ងៃទី១៥
ខែមិថុនា ឆ្នាំ២០២០ នៅសាលាគរុកោសល្យ និងវិក្រិតការខេត្តកំពង់ចាម
ក្រោមវត្តមានលោកបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ
យុវជន និងកីឡា ដោយមានការអញ្ជើញចូលរួមពី លោក អ៊ុន ចាន់ដា
អភិបាលខេត្តកំពង់ចាម ថ្នាក់ដឹកនាំមន្ទីរពាក់ព័ន្ធ និងលោកគ្រូ អ្នកគ្រូ ជាច្រើនរូបផងដែរ។
ឆ្លៀតក្នុងឱកាសនោះដែរ លោកបណ្ឌិតសភាចារ្យហង់
ជួនណារ៉ុន បានថ្លែងថា តាមរយៈការផ្តល់ពានរង្វាន់នេះ
គឺជាការលើកទឹកចិត្តចំពោះការខិតខំប្រឹងប្រែង របស់លោកគ្រូ អ្នកគ្រូ
ហើយក៏ សូមឲ្យបន្តការខិតខំប្រឹងប្រែងនេះតទៅទៀត ពីព្រោះថានាយកល្អ គ្រូបង្រៀនល្អ និងសាលារៀនល្អស្អាត
គឺជាមូលដ្ឋានគ្រឹះនៃការអប់រំសិក្សា ផងដែរ។
ជាមួយគ្នានោះ លោកបណ្ឌិតសភាចារ្យ
បានធ្វើការថ្លែងអរគុណដល់គណៈគ្រប់គ្រងសាលា លោកគ្រូ អ្នកគ្រូ
ទាំងអស់ដែលបានខិតខំបង្រៀន ទាំងការបង្រៀនដោយផ្ទាល់ មុនពេលផ្ទុះនូវជម្ងឺកូវីដ១៩
និងការសិក្សាពីចម្ងាយក្ដី ដើម្បីចូលរួមកែខៃគុណភាពអប់រំសិក្សា
ឲ្យបានល្អប្រសើរឡើងថែមមួយកម្រិតទៀត ព្រោះបើគ្មានការទំនាក់ទំនងរវាងគ្រូ
និងសិស្សទេនោះ ប្រសិទ្ធភាពនៃការបង្រៀនក៏មិនមានជាលក្ខណៈពេញលេញនោះដែរ។
គួរបញ្ចាក់ផងដែរថា លោកគ្រូ
អ្នកគ្រូ ដែលទទួលបានពានរង្វាន់ និងបណ្ណ័សសេីរពី លោកនាយករដ្ឋមន្រ្តី ហ៊ុន
សែន ក្នុងខេត្តកំពង់ចាម មានចំនួន១៥នាក់ ក្នុងនោះមាន នាយកសាលាដែលដឹកនាំល្អ
ចំនួន៥នាក់ គ្រូល្អចំនួន៣នាក់ គ្រូឆ្នេីមភាសាខ្មែរចំនួន៤នាក់
និងគ្រូឆ្នេីមគណិតចំនួន៣នាក់ផងដែរ ៕
No comments:
Post a Comment