កិច្ចប្រជុំបូកសរុបលទ្ធផលការងារឆមាសទី១ និងទិសដៅអនុវត្តបន្តរបស់ក្រុមការងាររាជរដ្ឋាភិបាលចុះមូលដ្ឋាន

ស្វាយរៀង៖ នាព្រឹកថ្ងៃទី១៦ ខែមិថុនា ឆ្នាំ២០២០ នៅសាលប្រជុំសាលាក្រុងស្វាយរៀង មានរៀបចំកិច្ចប្រជុំបូកសរុបលទ្ធផលការងារឆមាសទី១ និងទិសដៅអនុវត្តបន្តឆមាសទី២ ឆ្នាំ២០២០ របស់ក្រុមការងាររាជរដ្ឋាភិបាលចុះមូលដ្ឋានក្រុងស្វាយរៀង ក្រោមគណៈអធិបតីភាព លោក ជុក មន្នី រដ្ឋលេខាធិការក្រសួងមុខងារសាធារណៈ និងជាប្រធានក្រុមការងារចុះមូលដ្ឋានក្រុងស្វាយរៀង លោក ម៉ែន វិបុល អភិបាលនៃគណៈអភិបាលខេត្តស្វាយរៀង និងលោក សំ សិរីរតន៍ រដ្ឋលេខាធិការក្រសួងពាណិជ្ជកម្ម និងជាអនុប្រធានក្រុមការងារចុះមូលដ្ឋានក្រុងស្វាយរៀង។

ទន្ទឹមនោះ ក៏មានការអញ្ជើញចូលរួមក្នុងកិច្ចប្រជុំនេះមាន ក្រុមការងារចុះមូលដ្ឋានក្រុង សមាជិកក្រុមប្រឹក្សាខេត្ត លោកប្រធានក្រុមប្រឹក្សាក្រុង លោកអភិបាលក្រុង លោក លោកស្រីអភិបាលរងក្រុង កងកម្លាំងចំណុះសាលាក្រុងទាំង៣ លោកនាយក នាយករងរដ្ឋបាលសាលាក្រុង លោក លោកស្រី ប្រធានការិយាល័យ-អនុប្រធាន-អង្គភាពចំណុះសាលាក្រុង លោក លោកស្រីចៅសង្កាត់ទាំង៧ក្នុងក្រុងស្វាយរៀង សរុបវត្តមានចំនួន៣៤នាក់៕