កំពង់ឆ្នាំង៖ នៅថ្ងៃទី១៥ ខែកក្កដា ឆ្នាំ២០១៩ ក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករនិយោជិត (ស.ផ.ក) នៃបេឡាជាតិរបបសន្តិសុខសង្គម(ប.ស.ស) បានសហការជាមួយរោងចក្រ ត្រីប៉ូស Trispos Interational (Cambodia) Co.,Ltd បានរៀបចំពិធីប្រគល់ប័ណ្ណបើកបរ និងផ្សព្វផ្សាយអប់រំអំពីច្បាប់ស្តីពីចរាចរណ៍ផ្លូវគោក ជូនដល់អ្នកបើកបរយានយន្តដឹកកម្មករនិយោជិត ដោយមានការអញ្ជើញចូលរួមពីលោក ឈឹម វុទ្ធា អភិបាលនៃគណៈអភិបាលស្រុកកំពង់ត្រឡាច អាជ្ញាធរមូលដ្ឋាន និងតំណាងអង្គភាព ស្ថាប័នពាក់ព័ន្ធ ប្រមាណជា ៨៥នាក់ នៅស្រុក កំពង់ត្រឡាច ខេត្ត កំពង់ឆ្នាំង ។
សូមជម្រាបផងដែរថា ការប្រគល់ប័ណ្ណបើកបរខាងលើ ធ្វើឡើងក្នុងគោលបំណង ឱ្យអ្នកបើកបរយានយន្តដឹកកម្មករទាំងអស់មានប័ណ្ណបើកបរស្របតាមប្រភេទយានយន្ត និងចូលរួមអនុវត្តន៍ច្បាប់ស្តីពីចរាចរណ៍ផ្លូវគោកឱ្យបានត្រឹមត្រូវ ជាពិសេសរួមចំណែកក្នុងការទប់ស្កាត់ និងកាត់បន្ថយគ្រោះថ្នាក់ចរាចរណ៍ឱ្យនៅកម្រិតទាប។
យោងតាមរបាយការណ៍ចុះស្ថិតិអ្នកបើកបរយានយន្តដឹកកម្មករនិយោជិតដែលអនុវត្តកាលពីឆ្នាំ២០១៥ រហូតដល់ថ្ងៃទី១៥ ខែកក្កដា ឆ្នាំ២០១៩នេះ អ្នកបើកបរកើនឡើងរហូតដល់ ៤ ៥៤៧នាក់ ក្នុងនោះមានប័ណ្ណបើកបរចំនួន ៤ ៤៨១នាក់ ស្មើនឹង ៩៨.៨% និងគ្មានប័ណ្ណបើកបរចំនួន ៥៦នាក់ ស្មើនឹង ១.២%។
ការប្រគល់ប័ណ្ណបើកបរនេះមានចំនួន ៥៨ប័ណ្ណ ក្នុងនោះប្រភេទ “ខ” ចំនួន ២២ប័ណ្ណ និងប្រភេទ “ឃ២” ចំនួន ៣៦ប័ណ្ណ៕
No comments:
Post a Comment