អាជ្ញាធរខេត្តបន្ទាយមានជ័យ រៀបចំទិវាអនាម័យបរិស្ថានជាតិ

លោក ឈើយ ចាន់ណា អភិបាលរងនៃគណៈអភិបាលខេត្តបន្ទាយមានជ័យ តំណាង លោក សួន បវរ អភិបាលខេត្តបន្ទាយមានជ័យ និង លោក អ៊ុក សឿន សមាជិកក្រុមប្រឹក្សាខេត្ត អញ្ជើញជាអធិបតីក្នុងកម្មវិធីទិវាអនាម័យបរិស្ថានជាតិ ក្រោមទិសស្លោក ចូលរួមទាំងអស់គ្នាដើម្បីពិភពលោកស្រស់ស្អាតនៅថ្ងៃទី២៩ ខែវិច្ឆិកា ឆ្នាំ២០១៦នេះ ។

ទិវាអនាម័យបរិស្ថានជាតិនេះបានរៀបចំឡើងនៅសាលាបឋមសិក្សាព្រហ្មនិមិត្ត ក្រុងប៉ោយប៉ែត ខេត្តបន្ទាយមានជ័យ។

បន្ទាប់ពីចប់កម្មវិធី គណៈអធិបតី កងកម្លាំង និងលោកគ្រូ អ្នកគ្រូ សិស្សានុសិស្ស បានចូលរួមដង្ហែក្បួន និងធ្វើអនាម័យ រើសសំរាម តាមដងផ្លូវ ដើម្បីបំផុសឱ្យប្រជាពលរដ្ឋធ្វើអនាម័យ បរិស្ថានក្នុងការរស់នៅដើម្បីសហគមន៍ និងទីក្រុងស្អាត៕