អភិបាលរាជធានីពិភាក្សាគម្រោងស្នើសុំគោលការណ៍ច្បាប់​គ្រប់គ្រងចិញ្ចើមផ្លូវពីឯកអគ្គរដ្ឋទូតថ្មីសិង្ហបុរី

នៅថ្ងៃទី២៩ ខែវិច្ឆិកា ឆ្នាំ២០១៦ នេះ លោក ប៉ា សុជាតិវង្ស អភិបាលនៃគណៈអភិបាលរាជធានីភ្នំពេញ បានជួបសំណះសំណាលជាមួយលោក Michael Tan Keng Siong ឯកអគ្គរដ្ឋទូតថ្មី នៃសាធារណរដ្ឋសិង្ហបុរីនៅសាលារាជធានីភ្នំពេញ។
លោកឯកអគ្គរដ្ឋទូតថ្មី បានមើលឃើញយ៉ាងច្បាស់នូវការដឹកនាំលើផ្លូវដ៏ត្រឹមត្រូវរបស់រាជរដ្ឋាភិបាលកម្ពុជា ដែលបានធ្វើឱ្យប្រទេសជាតិមានកំណើនសេដ្ឋកិច្ចជាបន្តបន្ទាប់រៀងរាល់ឆ្នាំ។

ជាមួយគ្នានេះដែរ លោកអភិបាលរាជធានី ក៏បានស្នើសុំនូវគោលការណ៍ច្បាប់គ្រប់គ្រងចិញ្ចើមផ្លូវរបស់សិង្ហបុរី និងការផ្លាស់ប្តូរបទពិសោធន៍អំពីការគ្រប់គ្រង និងប្រើប្រាស់ចិញ្ចើមផ្លូវផងដែរ ដើម្បីសិក្សារៀបចំចិញ្ចើមផ្លូវក្នុងរាជធានីភ្នំពេញឱ្យបានល្អប្រសើរឡើង៕